រដ្ឋាភិបាលចិនបានព្រមាន និងថ្កោលទោសទៅកាន់ប្រទេសអ៊ុយក្រែនថា ទំនាក់ទំនងរវាងប្រទេសទាំង២ នឹងអាចឈានដល់ភាពល្អក់កករ ក្រោយរដ្ឋាភិបាលក្រុងគៀវ បានចាត់ទុកក្រុមហ៊ុនចិនជាច្រើន ជាអ្នកផ្ដល់ជំនួយសម្រាប់ការធ្វើសង្គ្រាមជាសកល។ នេះបើតាមការចុះផ្សាយពីសារព័ត៌មាន Reuters។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
អ្នកនាំពាក្យក្រសួងការបរទេសចិន បានប្រាប់ទៅកាន់សារព័ត៌មាន Reuters ថា៖ប្រទេសចិនសូមច្រានចោលពេញទំហឹង ចំពោះការសម្រេចចិត្តរបស់អ៊ុយក្រែន ដែលចោទក្រុមហ៊ុនចិន និងដាក់ពួកគេនៅក្នុងបញ្ជីខ្មៅ។ យើងសូមឲ្យអ៊ុយក្រែនមានវិធានការភ្លាមៗ ដើម្បីដោះស្រាយបញ្ហាមួយនេះ និងលុបចោលនូវការចោទប្រកាន់ទាំងអស់។
រំលឹកបន្តិចថា ប្រទេសអ៊ុយក្រែនបានដាក់ឈ្មោះក្រុមហ៊ុនចំនួន ១៤ និងក្រុមហ៊ុនបរទេសផ្សេងទៀត ចំនួន៤៨ នៅក្នុងបញ្ជីខ្មៅ ដោយចោទពួកគេថា ជាអ្នកផ្គត់ផ្គង់ការធ្វើសង្គ្រាម ដែលកំពុងផ្ទុះឡើយនាពេលបច្ចុប្បន្ន៕
