គិតនៅត្រឹមព្រឹកថ្ងៃព្រហស្បតិ៍ ទី២១ ខែសីហានេះ ពលរដ្ឋរស់នៅទីក្រុងបាងកក ហាក់មានការភ័យស្លន់ស្លោយ៉ាងខ្លាំង ដោយនាំគ្នាប្រញាប់រត់ចាកចេញពីអគារខ្ពស់ៗ បន្ទាប់ពីទទួលរងចំណាយគ្រោះរញ្ជួយដីកម្រិត ៥,៤វ៉ិចទ័រ ដែលបានវាយប្រហារនៅក្នុងប្រទេសមីយ៉ាន់ម៉ា។ នេះបើតាមការចុះផ្សាយពីសារព័ត៌មាន The Nation។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមក្រសួងកិច្ចការមនុស្សធម៌ និងការគ្រប់គ្រងគ្រោះមហន្តរាយន៍រដ្ឋាភិបាល បានបង្ហាញឲ្យដឹងថា គ្រោះរញ្ជួយដីមួយបានកើតឡើង នៅឆ្នេរសមុទ្រភាគខាងត្បូង នៃទីក្រុងយ៊ាំងហ្គោន ប្រទេសមីយ៉ាន់ម៉ា ជាមួយកម្រិតមធ្យម ៥,៤វ៉ិចទ័រ និងស្ថិតនៅក្នុងជម្រៅ ១០ គីឡូម៉ែត្រ។
ទន្ទឹមនឹងនេះ អ្នកឧតុនិយមបានកត់សម្គាល់ថា គ្រោះរញ្ជួយដីពីកម្រិតតូច ទៅមធ្យមកំពុងកើតឡើងជាញឹកញាប់នៅតាមឆ្នេរសមុទ្រនៃប្រទេសមីយ៉ាន់ម៉ា ហើយបានជំរុញឱ្យសាធារណជនអនុវត្តតាមវិធានការសុវត្ថិភាព ដើម្បីកាត់បន្ថយហានិភ័យ និងការខូចខាតជាអប្បបរមា៕
