តម្លៃប្រេងឆៅសកលបានកើនឡើង ៣%បន្ថែមទៀត គិតនៅត្រឹមថ្ងៃទី១៤ ខែកក្កដានេះ ដល់កម្រិតខ្ពស់បំផុតមិនធ្លាប់មានក្នុងរយៈពេល ៤សប្តាហ៍ចុងក្រោយ ខណៈពេលដែលសហរដ្ឋអាមេរិក បានបញ្ជាឲ្យមានការបិទខ្ទប់កំពង់ផែអ៊ីរ៉ង់ឡើងវិញ ដែលធ្វើឲ្យមានភាពមិនច្បាស់លាស់លើលំហូរថាមពលនៅច្រកសមុទ្រ Hormuz។ នេះបើតាមការចុះផ្សាយពីសារព័ត៌មាន CNA។
ប្រេងឆៅនាពេលអនាគតរបស់ Brent បានកើនឡើង ១,៦៨ដុល្លារ ឬ ២% ដល់ ៨៤,៩៨ដុល្លារក្នុងមួយបារ៉ែល ខណៈពេលដែលប្រេងឆៅ WTI របស់សហរដ្ឋអាមេរិកបានកើនឡើង ១,៦៥ដុល្លារ ឬ ២,១% ដល់ ៧៩,៧៩ដុល្លារក្នុងមួយបារ៉ែល។
យ៉ាងណាមិញ តម្លៃប្រេងឆៅដ៏សំខាន់ទាំងពីរ ឥឡូវនេះស្ថិតនៅកម្រិតខ្ពស់បំផុតមិនធ្លាប់មាន គិតចាប់តាំងពីប្រទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នាដើម្បីបញ្ចប់សង្គ្រាម នៅថ្ងៃទី១៧ ខែមិថុនាមក។
គួរជម្រាបជូនថា ក្រសួងការពារជាតិអារ៉ាប់រួមបាននិយាយកាលពីថ្ងៃចន្ទថា នាវាដឹកប្រេងពីរគ្រឿងរបស់អារ៉ាប់រួមត្រូវបានវាយប្រហារដោយមីស៊ីលបញ្ជាពីរគ្រាប់របស់អ៊ីរ៉ង់នៅតាមផ្លូវភាគខាងត្បូងនៃច្រកសមុទ្រ Hormuz ក្នុងដែនទឹកអូម៉ង់ ដោយបានសម្លាប់សមាជិកនាវិកឥណ្ឌាម្នាក់ និងរបួសប្រាំបីនាក់ផ្សេងទៀត។ ទន្ទឹមនឹងនេះ ប្រធានាធិបតីអាមេរិកលោក លោក ដូណាល់ ត្រាំ ក៏បាននិយាយផងដែរថា សហរដ្ឋអាមេរិកបានស្ដារឡើងវិញនូវការបិទផ្លូវដឹកជញ្ជូនទាំងស្រុងរបស់អ៊ីរ៉ង់៕
