កាលពីពេលថ្មីនេះ ក្រុមហ៊ុន Banpu ដែលគ្រប់គ្រងដោយមហាសេដ្ឋីថៃ Isara Vongkusolkit និងគ្រួសារ បានយល់ព្រមទិញស្ថានីយឧស្ម័នធម្មជាតិនៅរដ្ឋតិចសាស់ ពីក្រុមហ៊ុន Exxon Mobil ក្នុងទំហំទឹកប្រាក់ប្រមាណ ៧៥០ លានដុល្លារ។
យោងតាមការប្រកាសពីក្រុមហ៊ុន BKV Corp. របស់ Banpu កាលពីយប់ថ្ងៃសុក្របានឲ្យដឹងថា កិច្ចព្រមព្រៀងមួយនេះ នឹងអនុញ្ញាតឲ្យក្រុមហ៊ុនថៃអាចកាន់កាប់ផ្ទៃដីប្រមាណ ១៦០ ០០០ អាក ឬប្រហែល ៦៤ ៧៥០ ហិចតានៅ Barnett Shale និងមានលទ្ធភាពគ្រប់គ្រងអណ្ដូងរ៉ែ ៩៣% នៃអណ្ដូងរ៉ែសរុប ២ ១០០ ដែលអាចផលិតឧស្ម័នប្រហែល ៦,៤ លានម៉ែត្រគីបក្នុងមួយថ្ងៃ។
ការទិញយកបានស្ថានីយឧស្ម័នមួយនេះបានជួយឲ្យក្រុមហ៊ុន Banpu មានលទ្ធភាពផលិតឧស្ម័នធម្មជាតិបានរហូតដល់ ៥,៨ ទ្រីលានហ្វីតគីប ឬប្រហែល ១,៦៤២ ពាន់លានម៉ែត្រគីបក្នុងមួយថ្ងៃ។
បញ្ជាក់ដែរថា Banpu គឺជាក្រុមហ៊ុនមួយក្នុងចំណោមក្រុមហ៊ុនធំៗ ៣ ទៀតដែលគ្រប់គ្រងដោយ Isara vongkusolkit ដែលមានវ័យ ៧៣ ឆ្នាំ ហើយក្រៅពីក្រុមហ៊ុនមួយនេះ លោក និងគ្រួសារក៏ជាម្ចាស់ក្រុមហ៊ុន Mitr Phol ដែលជាអ្នកផលិតស្ករធំបំផុតនៅអាស៊ីផ្នែកលើប្រាក់ចំណូលផងដែរ៕
ប្រភព: Forbes
