កាលពីសប្ដាហ៍មុន ឧកញ៉ាញូវស៍បានលាតត្រដាងនូវរហស្សនាមមហាសេដ្ឋីមានបំផុតលើពិភពលោក ១០ រូប ដែលក្នុងនោះ Elon Musk នៅតែក្ដោបក្ដាប់ងារជាបុគ្គលមានដាច់គេក្នុងលោក។
យ៉ាងណា សម្រាប់សប្ដាហ៍មួយនេះវិញ ទ្រព្យសម្បត្តិរបស់បុគ្គលទាំង ១០ រូបនោះ សុទ្ធតែមានការធ្លាក់ចុះទាំងអស់ ស្របពេល Jeff Bezos មានការខាតបង់ធ្ងន់ជាងគេ របូតលុយអស់ជាង ១២ ពាន់លានដុល្លារ ខណៈ Gautam Adani ខាតលុយតិចបំផុត ៧០០ លានដុល្លារ។ នេះបើតាមរបាយការណ៍ផ្ដល់ឲ្យដោយ Forbes នៅថ្ងៃទី ១១ មិថុនា ២០២២។
តទៅនេះគឺជាបញ្ជីឈ្មោះមហាសេដ្ឋីមានបំផុតទាំង ១០ រូប រៀបរៀងដោយ Forbes ៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២១៥,១ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៧,៧ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៣៥,៤ ពាន់លានដុល្លារ
4. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១២៣,៦ ពាន់លានដុល្លារ
5. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៦ ពាន់លានដុល្លារ
6. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ១០០,៩ ពាន់លានដុល្លារ
7. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ៩៨,៥ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៥,៩ ពាន់លានដុល្លារ
9. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៩៣,១ ពាន់លានដុល្លារ
10. Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩២,៣ ពាន់លានដុល្លារ៕
