កាលពីពេលថ្មីៗនេះ មហាសេដ្ឋីមានបំផុតលើលោកមួយរូបគឺ លោក Jeff Bezos បានចំណាយថវិកាប្រមាណ ៣៤ លានដុល្លារ ទិញផ្ទះមួយខ្នងនៅទីក្រុង Miami រដ្ឋ Florida ជូនអ្នកមានគុណទាំង ២។ នេះបើតាមការចុះផ្សាយពី Dailymail។
ផ្ទះនៅជាប់មាត់សមុទ្រថ្មីរបស់អ្នកស្រី Jackie Bezos និងស្វាមី Mike គឺមានទំហំរហូតដល់ ១ ១១៤ ម៉ែត្រការ៉េ នៅជាប់នឹងមាត់សមុទ្រ និងមានបន្ទប់គេងរហូតដល់ទៅ ៦ ឯណោះ ហើយភូមិគ្រឹះមួយខ្នងនេះ ត្រូវបានគេចាត់ទុកជាមួយក្នុងចំណោម ” 2021 Masterpiece” តែ ២ គត់នៅតំបន់មួយនោះ ស្របពេលមួយខ្នងទៀតគឺនៅជាប់របងតែម្ដង។
អ្វីដែលរឹតតែអស្ចារ្យនោះគឺ លឺល្ហៀងៗមកថា ថ្ងៃអនាគតផ្ទះដែលនៅជាប់របងនោះក៏នឹងអាចក្លាយជាកម្មសិទ្ធិរបស់អ្នកមានគុណ Jeff Bezos ផងដែរ បើទោះបីជាមិនទាន់ដាក់ផ្លាកលក់ ប៉ុន្តែស្ថាបនិក Amazon អាចនឹងផ្លុំត្រចៀកអ្នកជិតខាងជាមួយនឹងទំហំលុយល្បាក់ ៤០ លានដុល្លារក៏អាចទៅរួច។
សូមជម្រាបដែរថា Nypost ក៏បានរាយការណ៍បន្ថែមទៀតថា មហាសេដ្ឋីមានបំផុតលើលោកទី ៣ រូបនេះ បានចំណាយលុយសរុបប្រមាណ ៧៤ លានដុល្លារ ក្នុងការទិញអចលនទ្រព្យធំៗជូនអ្នកមានគុណកន្លងមក៕
