ប្រទេសចិន បានចេញកូតានាំចូលប្រេងឆៅលើកដំបូងសម្រាប់ឆ្នាំ ២០២៣ ដែលមួយផ្នែកធំសម្រាប់ក្រុមហ៊ុនចម្រាញ់ប្រេងឯករាជ្យ។ នេះបើតាមប្រភពជិតស្និទ្ធ ៤ បានទម្លាយប្រាប់ CNA កាលពីថ្ងៃសៅរ៍។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
កូតានាំចូលប្រេងឆៅលើកដំបូងសម្រាប់ឆ្នាំ ២០២៣ នេះ គឺមានប្រហែល ២០ លានតោន ឬប្រមាណ ១៤៦ លានបារ៉ែល ហើយចំនួននេះគឺនឹងមកដល់លឿនជាងរាល់ដងជិត ៣ ខែ ក្នុងគោលបំណងលើកទឹកចិត្តអ្នកចម្រាញ់ប្រេង បង្កើនការផលិតរបស់ពួកគេ។
យ៉ាងណា ទាក់ទងនឹងបញ្ហាមួយនេះ មន្ត្រីពាណិជ្ជកម្មចិនមិនអាចធ្វើការទំនាក់ទំនងសុំការបំភ្លឺ ពីក្រុមសារព័ត៌មានបាននៅឡើយ។
សូមជម្រាបដែរថា កាលពីខែមុន រដ្ឋាភិបាលក្រុងប៉េកាំងបានបញ្ចេញកូតានាំចូលប្រេងឆៅមិនមែនជារបស់រដ្ឋជាលើកទី ៣ ក្នុងឆ្នាំ ២០២២ ដោយចំនួនបានកើនឡើងរហូត ១៦៤,៦១ លានតោនក្នុងឆ្នាំនេះ៕
