តាំងពីផ្ទុះសង្គ្រាមរវាងរុស្ស៊ី និងអ៊ុយក្រែនកាលពីចុងខែកុម្ភៈមកទល់នឹងពេលនេះ វិបត្តិអតិផរណាក៏កំពុងកើតមានឡើងតាមបណ្ដាប្រទេសផ្សេងៗទៀតលើសកលលោកផងដែរ ជាហេតុធ្វើឲ្យទំនិញគ្រប់មុខ ជាពិសេសប្រេងបានឡើងថ្លៃខ្ពស់។
តួយ៉ាងដូចជា តម្លៃប្រេង និងហ្គាសនៅរដ្ឋខ្លះនៃសហរដ្ឋអាមេរិក បានកើនឡើងរហូតខ្ពស់ជាង ៥ ដុល្លារក្នុងមួយហ្គាឡុង (១ហ្គាឡុង ប្រហែល ៣,៨ លីត្រ) បណ្ដាលឲ្យក្រុមគ្រួសារមួយចំនួនត្រូវបង្ខំចិត្តលុបចោលដំណើរកម្សាន្ត និងការចំណាយផ្សេងៗ ដើម្បីទុកលុយចាក់ប្រេង។
ទន្ទឹមនឹងនោះ អ្នកជំនួញដែលរកស៊ីលើវិស័យប្រេងក៏បានកើបលុយវាល់លានដុល្លារ អំឡុងពេលតម្រូវការប្រេងកំពុងត្រូវប៉ាន់ ស្របពេលតម្លៃក៏ឡើងថ្លៃដូចគ្នា។
តទៅនេះ គឺជាបញ្ជីឈ្មោះមហាសេដ្ឋី ១០ រូបមានបំផុតលើលោក ដែលកំពុងរកស៊ីលើវិស័យប្រេង ផ្អែកតាមទិន្នន័យផ្ដល់ឲ្យដោយ Therichest៖
10/ German Khan មានទ្រព្យសម្បត្តិប្រមាណ ៨,៥ ពាន់លានដុល្លារ
9/ Georges Kaiser មានទ្រព្យសម្បត្តិប្រមាណ ៩,៧ ពាន់លានដុល្លារ
8/ Mikhail Fridman មានទ្រព្យសម្បត្តិប្រមាណ ១២,៩ ពាន់លានដុល្លារ
7/ Harold Hamm មានទ្រព្យសម្បត្តិប្រមាណ ១៨,៦ ពាន់លានដុល្លារ
6/ Gennady Timchenko មានទ្រព្យសម្បត្តិប្រមាណ ១៩,៦ ពាន់លានដុល្លារ
5/ Elaine Marshall មានទ្រព្យសម្បត្តិប្រមាណ ២០ ពាន់លានដុល្លារ
4/ Vagit Alekperov មានទ្រព្យសម្បត្តិប្រមាណ ២១,២ ពាន់លានដុល្លារ
3/ Leonid Mikhelson មានទ្រព្យសម្បត្តិប្រមាណ ២២,៨ ពាន់លានដុល្លារ
2/ Charles Koch មានទ្រព្យសម្បត្តិប្រមាណ ៦២,៩ ពាន់លានដុល្លារ
1/ Mukesh Ambani មានទ្រព្យសម្បត្តិប្រមាណ ១០១,៦ ពាន់លានដុល្លារ៕
