បច្ចុប្បន្ន សហស្ថាបនិកក្រុមហ៊ុន Alibaba មិនមែនរស់នៅប្រទេសចិនឡើយ ខណៈដំណឹងទាក់ទងនឹងលោកចុងក្រោយបំផុតគឺនៅប្រទេសអូស្ត្រាលី ហើយលឺចចាមអារ៉ាមថា ក្រុមគ្រួសាររបស់លោកកំពុងរស់នៅប្រទេសជប៉ុន។
បើទោះជាមិនរស់នៅប្រទេសកំណើតក៏ពិតមែន ប៉ុន្តែ Jack Ma នៅតែជាបុគ្គលមួយរូបមានឥទ្ធិពលនៅមហាអំណាចសេដ្ឋកិច្ចធំបំផុតទី ២ លើលោក ដ្បិតមហាសេដ្ឋីចិនម្នាក់នេះជាប់លំដាប់លេខរៀងទី ០៧ នៃបញ្ជីឈ្មោះអ្នកមានបំផុតប្រចាំប្រទេសចិន។
តទៅនេះគឺជាបញ្ជីឈ្មោះមហាសេដ្ឋីមានបំផុតទាំង ១០ រូបនៅចិន ផ្អែកតាមរបាយការណ៍ចេញផ្សាយដោយ Forbes នាថ្ងៃទី ០៣ មីនា ២០២៣៖
១/ លោក Zhong Shanshan មានទ្រព្យសរុប ៦៧,៧ ពាន់លានដុល្លារ បានមកពីមុខជំនួញលក់ទឹកសុទ្ធ និងភេសជ្ជៈ
២/ លោក Zhang Yiming មានទ្រព្យសរុប ៤៩,៥ ពាន់លានដុល្លារ បានមកពីក្រុមហ៊ុន Tik-Tok
៣/ លោក Ma Huateng មានទ្រព្យសរុប ៣៨,៨ ពាន់លានដុល្លារ បានមកពីមុខជំនួញបង្កើតបណ្តាញផ្សព្វផ្សាយលើអ៊ីនថឺណិត
៤/ លោក Colin Zheng Huang មានទ្រព្យសរុប ៣០,៩ ពាន់លានដុល្លារ បានមកពីពាណិជ្ជកម្ម E-Commerce
៥/ លោក William Lei Ding មានទ្រព្យសរុប ២៥,២ ពាន់លានដុល្លារ បានមកពីការបង្កើតល្បែងលើអ៊ីនថឺណិត
៦/ លោក He Xiangjian មានទ្រព្យសរុប ២៤,៦ ពាន់លានដុល្លារ បានមកពីការលក់ផលិតផលប្រើប្រាស់ក្នុងផ្ទះ
៧/ លោក Jack Ma មានទ្រព្យសរុប ២២,៩ ពាន់លានដុល្លារ បានពីពាណិជ្ជកម្ម E-Commerce
៨/ លោក Wang Wei មានទ្រព្យ ២១,៩ ពាន់លានដុល្លារ បានមកពីក្រុមហ៊ុនវេចខ្ចប់និងដឹកជញ្ជូន
៩/ លោក Li Shufu មានទ្រព្យ ២០,៦ ពាន់លានដុល្លារ បានមកពីក្រុមហ៊ុនផលិតរថយន្ត
១០/ លោក Wang Chuanfu មានទ្រព្យសរុប ២០,៣ បានមកពីការផលិតអាគុយ និងរថយន្ត
គួរបញ្ជក់ថា ចំនួនកំពូលអ្នកមានរបស់ប្រទេសចិនខាងលើនេះ មិនបានរាប់បញ្ចូលមហាសេដ្ឋីគ្រាក់ៗនៅក្រុងម៉ាកាវ និងក្រុងហុងកុងទេ៕
