សិង្ហបុរី និងឥណ្ឌូណេស៊ីចុះ MOUs ពន្លឿនកិច្ចសហប្រតិបត្តិការទ្វេភាគីរវាងប្រទេសទាំងពីរ

អន្តរជាតិ

នាថ្ងៃទី ១៦ មីនានេះ ប្រទេសសិង្ហបុរី និងឥណ្ឌូណេស៊ីបានប្រកាស​ចាប់ដៃធ្វើការរួមគ្នា និងផ្លាស់​ប្ដូរបទពិសោធន៍ទៅវិញទៅមក លើវិស័យបច្ចេកវិទ្យា បន្ទាប់ពីបានចុះ​អនុស្សរណៈយោគយល់ (MOU) រវាងប្រទេសទាំង២។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

យោងតាមការចុះផ្សាយពី CNA បានបង្ហាញថា ការចុះ MOUs រវាងប្រទេសទាំង២ គឺបង្ហាញ​ពី​ការ​ពន្លឿនកិច្ចសហប្រតិបត្តិការរវាងសិង្ហបុរី និងឥណ្ឌូណេស៊ី ដែលជាប្រទេសមាន​កំណើនសេដ្ឋកិច្ច​លឿន​បំផុតមួយ​ប្រចាំ​តំបន់អាស៊ាន។

ក្រៅពីចុះ MOU លើការផ្លាស់ប្ដូរបទពិសោធន៍​លើ​វិស័យបច្ចេកវិទ្យា សិង្ហបុរី និងឥណ្ឌូណេស៊ី​ក៏នឹង​ចុះអនុស្សរណៈនៃការយោគយល់លើ​វិស័យ​ជាច្រើនដូចជា៖

  1. ថាមពលកកើតឡើងវិញ
  2. ការអភិវឌ្ឍន៍ទីក្រុង និងលំនៅដ្ឋានប្រកបដោយនិរន្តរភាព
  3. ការចែករំលែកចំណេះដឹង ស្រាវជ្រាវ និងលទ្ធភាពសាងសង់ផ្សេងៗ
  4. ការផ្ដល់ជំនួយ ពេលភាគីណាមួយជួបគ្រោះមហន្តរាយ
  5. កិច្ចសហការលើវិស័យសុខាភិបាល

បន្ថែមពីនោះ ការចុះ MOU ជំនួញ និងជំនួញ ៩ ក៏បានចុះហត្ថលេខារវាងប្រទេសទាំង ២ ដែលផ្ដោតពិសេសលើ​វិស័យសេដ្ឋកិច្ចឌីជីថល និងវិស័យសុខាភិបាល។

គួររំលឹកដែរថា សិង្ហបុរីគឺជាវិនិយោគិនបរទេសធំបំផុតប្រចាំឥណ្ឌូណេស៊ី តាំងពីឆ្នាំ ២០១៤ ខណៈកាលពីឆ្នាំទៅ សិង្ហបុរីបានបណ្ដាក់ទុននៅក្នុងប្រទេសឥណ្ឌូណេស៊ី​រហូតដល់ ១៣ពាន់លានដុល្លារ៕