ឧកញ៉ា ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិន គ្រុប យល់ឃើញថា ដើម្បីអាចសម្រេចផែនការមួយទៅបាន គឺយើងត្រូវតែធ្វើសិក្សា និងប្រតិបត្តិនូវចំណុចចំនួន ៧។
លោកឧកញ៉ា បានលើកឡើងនៅព្រឹកថ្ងៃពុធនេះ យ៉ាងដូច្នេះថា ដើម្បីសម្រេចផែនការ យើងត្រូវការ ១)សិក្សាពីបរិយាកាសនិងវប្បធម៍ស្ថាប័ន ២)មានយុទ្ធសាស្រ្តត្រូវ ៣)មានផែនការសកម្មភាពគាំទ្រល្អ ៤)ការប្រាស្រ័យនិងភាពស៊ីសង្វាក់គ្នាក្នុងក្រុម ៥)សមត្ថភាពក្រុមការងារ ៦)ប្រតិបត្តិការតាមផែនការដោយយកចិត្តទុកដាក់ និង ៧)ស្ថេរភាពនៃឧត្តមភាពសេវាកម្ម។ លោកឧកញ៉ា បន្ថែមថា បើអត់មួយណា ផែនការនឹងក្លាយជាផែនស្ករមិនខាន។
សូមជម្រាបថា ឧកញ៉ា ប៉ិច បូឡែន កំពុងកាន់តួនាទីសំខាន់ៗជាច្រើនដូចជា អគ្គនាយកក្រុមហ៊ុន វេសឡាញ អេឌ្យូខេសិន គ្រុប, ប្រធានសមាគមសហគ្រិនវ័យក្មេងកម្ពុជា និងជាទីប្រឹក្សាក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។
សម្រាប់សាលារៀនអន្តរជាតិ វេសឡាញ បានបង្កើតឡើងដោយឧកញ៉ា ប៉ិច បូឡែន តាំងពីឆ្នាំ២០០៨។ សាលា វេសឡាញ មានកម្មវិធីបង្រៀនភាសាអង់គ្លេស ចាប់ពីថ្នាក់ត្រៀមចូលមត្តេយ្យ រហូតដល់កម្រិតខ្ពស់ ជាមួយនឹងស្តង់ដាអាមេរិកាំង និងកម្មវិធីសិក្សាភាសាខ្មែរ ចាប់ពីថ្នាក់ទី១ រហូតដល់ថ្នាក់ទី១២ ស្របតាមស្តង់ដារបស់ក្រសួងអប់រំ យុវជន និងកីឡាផងដែរ។ បច្ចុប្បន្នសាលា វេសឡាញ មានជាច្រើនសាខាដូចជា សាខាសន្ធរមុក ទួលទំពូង ច្បារអំពៅ ទួលស្វាយព្រៃ ផ្សារតូច ដូនពេញ ចំការដូង ភ្នំពេញថ្មី ព្រែកលាប និងសាខាចំការសំរោង ផងដែរ៕
