ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ «ឧកញ៉ា» ជូនដល់លោក ហេង គឹមស៊រ នៅថ្ងៃទី១៤ ខែមិថុនា ឆ្នាំ២០២៣ ម្សិលមិញនេះ តបតាមសេចក្តីក្រាបបង្គំទូលថ្វាយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
លោក ហេង គឹមស៊រ ជាអគ្គនាយករង ក្រុមហ៊ុន ជី.ធី.វី.ស៊ី ស្ពីដប៊ូត ខេមបូឌា ( G.T.V.C Speedboat Cambodia) និងម៉ាហ្វីយ៉ា រីស៊ត ខេមបូឌា ក្រោមការដឹកនាំរបស់អ្នកឧកញ៉ា ទៀ វិចិត្រ។ លោក ហេង គឹមស៊រ និងភរិយា លោកស្រី អ៊ឹង ភិចស៊ូន ជានិច្ចជាកាល អ្នកទាំងពីរតែងតែបានចូលរួមជាមួយរាជរដ្ឋាភិបាល ក្នុងសកម្មភាពមនុស្សធម៌ជាច្រើន ដូចជាការចូលរួមកសាងសមិទ្ធផលតាមវត្តអារ៉ាម និងសកម្មភាពសប្បុរសធម៌ផ្សេងៗទៀត៕
