ឧកញ៉ាបណ្ឌិត គីម ហ៊ាង អគ្គនាយក បុរី វិមានសំណាង កាលពីថ្ងៃទី០៤ ខែធ្នូ ឆ្នាំ២០២៣ បានបើកការសាងសង់ការិយាល័យ ៥បន្ថែមទៀត នៅក្នុងទឹកដីរបស់បុរី វិមានសំណាង ដែលស្ថិតនៅមហាវិថីឈ្នះ-ឈ្នះ ខណ្ឌព្រែកព្នៅ រាជធានីភ្នំពេញ។
ការិយាល័យថ្មីទាំង៥នេះ សាងសង់ឡើងសម្រាប់ក្រុមការងារ៖ ១.ក្រុមហ៊ុន ខ្មែរ រៀល អុីស្ទេត (Khmer Real Estate Co., Ltd), ២.KW Cambodia & KW Khmer Real Estate ៣.ការិយាល័យគ្រប់គ្រងបុរី KS Residence & Samnang Land ៤.ការិយាល័យបន្ថែមសម្រាប់បុគ្គលិក បុរី វិមានសំណាង និង ៥.ការិយាល័យធ្វើការសម្រាប់ក្រុមការងារលក់ បុរី វិមានសំណាង មកពីអាស៊ី និងក្រុមការងារសម្រាប់ត្រៀមធ្វើ ទីក្រុងសំណាង (Samnang Town) តម្លៃជាង ៥០០លានដុល្លារ ក្នុងឆ្នាំ ២០២៥។
បុរី វិមានសំណាង បានប្រកាសបើកគម្រោងអភិវឌ្ឍលំនៅដ្ឋានបែបអភិជន ដោយមានការសាងសង់ជាប្រភេទផ្ទះអាជីវកម្ម រួមទាំងប្រភេទផ្ទះវីឡាប្រណិតៗចំនួន ៤ប្រភេទដូចជា វីឡាព្រីន (Prince Villa) វីឡាឃ្វីន (Queen Villa) វីឡាឃីង (King Villa) និងវីឡារ៉ូយាល់ (Royal Villa)។
បុរី វិមានសំណាង របស់លោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេងកីឡា ផ្លូវធំ ដើមឈើច្រើន និងព្រែកធម្មជាតិស្មើជិត ៤០% នៃផ្ទៃដីសរុប ដែលសាកសមបំផុត សម្រាប់គ្រួសារអភិជនកម្ពុជាស្នាក់នៅប្រចាំថ្ងៃ៕
