បញ្ញើទំនិញអតិថិជន លែងជាកង្វល់ទៀតហើយ! ក្រុមហ៊ុនវិរៈ ប៊ុនថាំ មិនថាអតិថិជននៅដល់ទីណា តំបន់ភ្នំ កោះសមុទ្រ ឬតំបន់ដាច់ស្រយាលប៉ុណ្ណានោះទេ បញ្ញើទំនិញលោកអ្នកប្រាកដដល់ទីតាំង ប្រកបដោយសុវត្ថិភាពខ្ពស់។ ពិសេស តំបន់នៅលើកោះស្តេច រាល់សេវាកម្មបញ្ញើទាន់ចិត្ត មានរយៈពេលមិនដល់ ២៤ម៉ោងនោះទេ។
គណៈគ្រប់គ្រងក្រុមហ៊ុន វិរៈ ប៊ុនថាំ បានឱ្យដឹងថា តាមពិតទៅសាខាក្រុមហ៊ុន វិរៈ ប៊ុនថាំ នៅលើកោះស្តេច ខេត្តកោះកុង មានយូរមកហើយ។ ចំពោះសេវាកម្មបញ្ញើទំនិញទៅតំបន់កោះ មានរយៈពេលដូចគ្នាទៅនឹងសាខាផ្សេងៗទូទាំង ២៥រាជធានី ខេត្ត ដែរ ពោលគឺ សេវាកម្មបញ្ញើធម្មតា រយៈពេលតិចជាង ៤៨ម៉ោង និងសេវាកម្មបញ្ញើទាន់ចិត្ត រយៈពេលតិចជាង ២៤ម៉ោង មិនមានការពន្យាពេលបន្ថែមនោះទេ។
សូមជម្រាបថា អ្នកឧកញ៉ា សួរ វីរៈ បានគូសបញ្ជាក់កាលថ្មីៗនេះថា ក្រុមហ៊ុន វិរៈ ប៊ុនថាំ គ្រុប បានចាប់ផ្តើមអាជីវកម្មតាំងពីឆ្នាំ២០០៤ ផ្តើមពីក្រុមហ៊ុនដឹកជញ្ជូនភ្ញៀវមានរថយន្តតែមួយគ្រឿងទេ និងបានបន្តអាជីវកម្មការដឹកជញ្ជូននិងបញ្ញើ ហើយរហូតមកដល់បច្ចុប្បន្ននេះ ក្រុមហ៊ុនមានសាខាប្រមាណជាង ១៣០០សាខាទូទាំងប្រទេសកម្ពុជា និងមានបុគ្គលិកប្រមាណជិត ១០,០០០នាក់។
បច្ចុប្បន្នក្រុមហ៊ុនបានពង្រីកវិសាលភាពលើអាជីវកម្មច្រើនប្រភេទរួមមាន៖ ការដឹកជញ្ជូនភ្ញៀវ សណ្ឋាគារ រីស៊ត ការអភិវឌ្ឍលើវិស័យអចលនទ្រព្យ ក្រុមហ៊ុន VETAirways វិស័យកសិកម្ម រួមទាំងសេវាកម្មបញ្ញើទំនិញទាំងក្នុង និងក្រៅប្រទេសផងដែរ៕
