ក្រុមហ៊ុន ម៉ូហ៊ីបា អេនជីនារីង (ខេមបូឌា) ឯ.ក (Muhibbah Engineering (Cambodia) Co.,Ltd) របស់អ្នកឧកញ៉ា ហាន់ ឃៀង អនុប្រធានសមាគមឧកញ៉ាកម្ពុជា បានចូលជាសមាជិកសមាគមអ្នកសាងសង់កម្ពុជា និងតែងតែជួយគាំទ្រដល់សមាគម នាពេលកន្លងមក។ នេះបើតាមការបង្ហាញរបស់សមាគមអ្នកសាងសង់កម្ពុជា នៅលើបណ្តាញសង្គម នាថ្ងៃទី១៧ ខែកុម្ភៈ ឆ្នាំ២០២៦។
ក្រុមហ៊ុន Muhibbah Engineering (Cambodia) Co.,Ltd ដែលមាន អ្នកឧកញ៉ា ហាន់ ឃៀង ជាប្រធានក្រុមហ៊ុន បានបើកដំណើរការ តាំងពីខែមករា ឆ្នាំ២០០៨។ ក្រុមហ៊ុននេះមានសេវាកម្ម ធ្វើផ្លូវថ្នល់ ស្ពាន អាកាសយានដ្ឋាន ប្រេងនិងឧស្ម័នហ្គាស ការសាងសង់កំពង់ផែ និងសេវាកម្មជាច្រើនទៀត។
សូមជម្រាបថា សមាគមអ្នកសាងសង់កម្ពុជា ត្រូវបានបង្កើតឡើងក្រោមការផ្តួចផ្តើមដោយក្រសួងរៀបចំដែនដី នគរូបនីយកម្ម និងសំណង់ និងលោកអ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយបានចុះបញ្ជីនៅក្រសួងមហាផ្ទៃ ជាផ្លូវការ នៅថ្ងៃទី១៦ ខែវិច្ឆិកា ឆ្នាំ២០១១។ លោកអ្នកឧកញ៉ា ពុង ឃាវសែ គឺជាប្រធានសមាគមអ្នកសាងសង់កម្ពុជា កាលអាណត្តិទី៥ (២០២២-២០២៥)។ រីឯក្នុងអាណត្តិទី៦ ឧកញ៉ា ឆារស៍ វ៉ាន់ បានជាប់ឈ្មោះជាប្រធានសមាគម ដែលត្រូវដឹកនាំបន្តពីឆ្នាំ២០២៦ រហូតដល់ឆ្នាំ២០២៨៕
