ឧកញ៉ាបណ្ឌិត គីម ហ៊ាង អគ្គនាយកក្រុមហ៊ុន បុរី វិមានសំណាង ម.ក នឹងដឹកនាំរៀបចំសិក្ខាសាលាស្តីអំពីផ្សារភាគហ៊ុន លើប្រធានបទ “ហេតុអ្វីត្រូវវិនិយោគទៅលើមូលបត្រកម្មសិទ្ធិជាសាធារណៈលើកដំបូង (IPO) របស់ក្រុមហ៊ុន បុរី វិមានសំណាង ម.ក” នាថ្ងៃទី២៣ ខែកក្កដា ឆ្នាំ២០២៦ ខាងមុខនេះ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC)។
ក្នុងឱកាសនេះ ឧកញ៉ាបណ្ឌិត គីម ហ៊ាង សូមគោរពអញ្ជើញអ្នកសិក្សា អ្នកធ្វើការ អ្នកធ្វើពាណិជ្ជកម្ម និងប្រជាជនកម្ពុជា ដែលកំពុងរស់នៅក្នុង រាជធានីភ្នំពេញ និងនៅតាមខេត្តទូទាំងប្រទេស ដែលមានចំណាប់អារម្មណ៍អំពីផ្សារភាគហ៊ុនកម្ពុជា ក៏ដូចជាចាប់អារម្មណ៍ក្នុងការវិនិយោគក្នុងផ្សារភាគហ៊ុន ជាមួយលោក និងក្រុមហ៊ុន បុរី វិមានសំណាង ម.ក អាចអញ្ជើញចូលរួមកម្មវិធីនៅថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ ចាប់ពីម៉ោង ៨:០០ព្រឹក ដល់ម៉ោង ១២:០០ នៅក្នុងអគារ CKCC ក្នុងសកលវិទ្យាល័យភូមិន្ទភ្នំពេញ RUPP រាជធានីភ្នំពេញ។
សិក្ខាសាលានេះ ដឹកនាំដោយ ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិ នៃក្រុមហ៊ុន បុរី វិមានសំណាង ម.ក ព្រមទាំងមានការចូលរួមជាវាគ្មិនពី លោក ទឿយ ហុង ប្រធាននិពន្ធផ្នែកហិរញ្ញវត្ថុនៃ Business Cambodia និងលោក ពៅ សូវណ្ណារិទ្ធិ នាយកប្រតិបត្តិ ក្រុមហ៊ុនមូលបត្រ កម្ពុ ម.ក។
សូមជម្រាបថា ក្រុមហ៊ុន បុរី វិមានសំណាង ម.ក (BVS) បានប្រកាសដាក់លក់ IPO ជាផ្លូវការ ចំនួន ១០% តម្លៃប្រមាណ ១០លានដុល្លារ ចាប់ពីថ្ងៃទី២ ខែកក្កដា រហូតដល់ថ្ងៃទី៩ ខែកញ្ញា ឆ្នាំ២០២៦។ សម្រាប់លោកអ្នកមានបំណងជួយវិនិយោគ ទៅលើមូលបត្រកម្មសិទ្ធិជាសាធារណៈលើកដំបូង (IPO) របស់ក្រុមហ៊ុន បុរី វិមានសំណាង ម.ក នោះសូមចូលតាមរយៈតំណរនេះ https://subscription.bvs.com.kh ឬទាក់ទងទៅលោកឧកញ៉ាបណ្ឌិត គីម ហ៊ាង ដោយផ្ទាល់ តាមលេខ 012 96 2000 (WhatsApp & Telegram) ឬ Email: [email protected] បានគ្រប់ពេល។
