អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីសុី គ្រុប (GTVC Group) សូមគោរពជូនសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានសុខភាពល្អបរិបូរណ៍ និងដឹកនាំប្រទេសជាតិកាន់តែថ្កុំថ្កើង ក្នុងឱកាសដែលអ្នកឧកញ៉ា បានជួបសម្តេចធិបតីផ្ទាល់ នៅខេត្តព្រះសីហនុ នាថ្ងៃទី២៣ ខែសីហា ឆ្នាំ២០២៦។
តាមរយៈបណ្តាញសង្គមហ្វេសប៊ុក នៅថ្ងៃទី២៣ ខែសីហា អ្នកឧកញ៉ាអគ្គនាយក បានបង្ហោះរូបភាពថតជាមួយសម្តេចធិបតី និងភ្ជាប់ជាមួយសារបែបនេះថា៖ “ទឹកដីខេត្តព្រះសីហនុថ្ងៃនេះកាន់តែពិសេស ជាមួយវត្តមានដ៏ខ្ពង់ខ្ពស់របស់សម្តេចមហាបវរធិបតី សូមគោរពជូនពរសម្តេចមានសុខភាពល្អបរិបូរណ៍ និងដឹកនាំប្រទេសជាតិកាន់តែថ្កុំថ្កើង”។
កាលចុងសប្តាហ៍កន្លងទៅ សម្តេចធិបតី ហ៊ុន ម៉ាណែត បានអញ្ជើញធ្វើដំណើរកម្សាន្តទៅកាន់ខេត្តព្រះសីហនុ។ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ ក៏បានជួបសម្តេចនិងបង្ហោះសារផងដែរថា៖ “ថ្ងៃនេះខ្ញុំបាទមានកិត្តិយសណាស់ដែលបានជួបសម្តេចមហាបវរធិបតី បានអញ្ជើញមកលេងខេត្តព្រះសីហនុ សូមគោរពជូនពរសម្ដេចមានសុខភាពល្អ សំណាងល្អ ដើម្បីបន្តដឹកនាំប្រទេសជាតិ អោយបានរុងរឿង”។
សូមជម្រាបថា អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីសុី គ្រុប និងជាសហស្ថាបនិកក្រុមហ៊ុន ភីស ភេត្រូលៀម (ខេមបូឌា) ជាអ្នកជំនួញមួយរូបនៅភាគនិរតី ដែលតែងយកចិត្តទុកដាក់ និងជួយសង្គ្រោះដល់បងប្អូនប្រជាពលរដ្ឋ ដែលជួបស្ថានភាពលំបាកនៅតាមបណ្តាកោះនានា ក្នុងមូលដ្ឋានភូមិសាស្ត្រខេត្តព្រះសីហនុ៕
