ក្នុងដំណើរបេសកកម្មក្រៅប្រទេសទៅសហរដ្ឋអាមេរិក រយៈពេល២០ថ្ងៃ លោកឧកញ៉ា ហ៊ួត ជា អគ្គនាយកក្រុមហ៊ុនសំណង់ ហ៊ួត ជា គ្រុប និងជាម្ចាស់គម្រោងបុរី ហ៊ួតជា វិចិត្រដារ៉ា បានរៀនសូត្រចំណុចល្អៗពីជនជាតិអាមេរិក បានរហូតដល់១០ចំណុច។
លោកឧកញ៉ា បានចែករំលែកតាមរយៈទំព័រហ្វេសប៊ុករបស់លោក កាលពីថ្ងៃអង្គារម្សិលមិញថា រយៈពេល ២០ថ្ងៃនេះ លោកបានរៀនពីជនជាតិអាមេរិកបានជាច្រើនចំណុចដូចជា៖
១. ធ្វើអាជីវកម្មត្រូវតែធំ និងមានសាខាច្រើន
២. កាន់តែមាន កាន់តែសាមញ្ញ (មានមិត្តម្នាក់ សល់រាប់រយលាន តែគាត់ជិះរថយន្តត្រឹម ១២ម៉ឺនដុល្លារ)
៣. ស្រលាញ់ ឱ្យតំលៃមនុស្សដែលធ្លាប់ស្គាល់ មានចរិកដូចគ្នា
៤. សន្សំសំចៃ ទាំងលុយកាក់ ធនធានមនុស្ស ( ហាងមួយ ហាងសាំងមួយ ប្រើមនុស្សតែម្នាក់ៗ)
៥. រៀនកាន់តែខ្ពស់ មានជំនាញកាន់តែច្បាស់ ប្រាក់ឆ្នាំ រាប់សែន រាប់លានដុល្លារ
៦. រស់នៅជាមួយនឹងធម្មជាតិច្រើន
៧. មិនមានពេលវេលារិៈគន់ ឬនិយាយដើមគ្នា
៨. មិនចំណាយពេលលើបណ្តាញសង្គមច្រើន
៩. បើកបរត្រូវគោរពច្បាប់ដាច់ខាត
១០. ឧស្សាហ៍ខិតខំធ្វើការ មានកាតព្វកិច្ចច្រើនក្នុងការរកចំណូល ចំណាយ បង់ពន្ធជូនរដ្ឋ ចាស់ទៅចាយប្រាក់ចូលនិវត្តន៍ (ប្រាក់រដ្ឋឧបត្ថម្ភ)។
សូមជម្រាបជូនថា ក្រៅពីលក់ចែកចាយគ្រឿងសំណង់ដ៏មានគុណភាពខ្ពស់ ដែលមានដៃគូទូទាំងប្រទេស ឧកញ៉ា ហ៊ួត ជា ជាបុគ្គលម្នាក់ចូលចិត្តរៀនសូត្រអ្វីថ្មីៗ ដើម្បីបង្កើនចំណេះដឹង និងដើម្បីពង្រឹងមុខជំនួញរបស់លោក។ លោកឧកញ៉ា ក៏ទើបបើកមុខរបរថ្មីមួយទៀតផងដែរលើវិស័យអចលនទ្រព្យ គឺគម្រោងលំនៅដ្ឋាន ហ៊ួត ជា ម៉ាកិត្យា ដែលមានប្រភេទផ្ទះច្រើនប្រភេទ និងតម្លៃសមរម្យបំផុត ដូចជាប្រភេទផ្ទះវីឡាទោល ផ្ទះអាជីវកម្ម ៣ជាន់ ផ្ទះអាជីវកម្ម ២ជាន់ និងប្រភេទផ្ទះ LV Villa ផងដែរ។ ចំពោះតម្លៃ មានចាប់ពី ៣៨,០០០ដុល្លារ ដល់ ៧៨,០០០ដុល្លារ ទៅតាមប្រភេទផ្ទះ៕
