ឧកញ៉ា លឹម ហេង បង្ហាញពីនិទ្ទេសសញ្ញាបត្របាក់ឌុបរបស់លោក សម័យប្រឡងឆ្នាំ១៩៨៩

ជុំវិញ​ឧកញ៉ា

ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា កាលពី​ថ្ងៃទី​០២ ខែកុម្ភៈ ឆ្នាំ២០២៣ ​​បាន​បង្ហាញ​ពី​សញ្ញាបត្រ​​មធ្យមសិក្សា​កំរិត២ (បាក់ឌុប) ​​របស់​លោក កាល​សម័យ​ប្រឡង​ឆ្នាំ១៩៨៩ ​ដោយ​លោក​ឧកញ៉ា​ប្រឡង​បាន​និទ្ទេស​មធ្យម។ លោកឧកញ៉ា ចង់​ចែក​រំលែក​បទពិសោធន៍​ថា ទោះ​ប្រឡង​បាន​និទ្ទេស​​​អ្វី​ក៏​ដោយ ​​ជាប់ឬ​ធ្លាក់ ​​យើង​នៅ​តែ​មាន​សង្ឃឹម​សម្រាប់​ទិសដៅ​អនាគត។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកឧកញ៉ា លឹម ហេង ​​បាន​លើកឡើង​ កាល​ពី​ថ្ងៃ​ព្រហស្បតិ៍​ម្សិល​មិញ​ យ៉ាង​ដូច្នេះ​ថា ថ្ងៃនេះឃើញ​សិស្ស​ប្រឡងជាប់និទ្ទេស A បានទទួលរង្វាន់ធ្វើឱ្យ​លោក​នឹកឃើញកាលពីប្រឡងបាក់ឌុបឆ្នាំ១៩៨៩ បានជាប់​និទ្ទេស​មធ្យម គឺជាលទ្ធផលដែលទទួលបានពីការប្រឡងនៅមណ្ឌលសន្ធម៉ុក (តែជាសិស្សនៅសាលា បាក់ទូក)។

លោកឧកញ៉ា បាន​បន្ត​ថា មិនថាជាប់ឬធ្លាក់ទេ យើងនៅតែមានក្តីសង្ឃឹមសម្រាប់ទិសដៅអនាគតរបស់ខ្លួនយើង និងការបង្កើតគ្រួសាររបស់យើង នៅក្នុងសង្គមប្រកបដោយភាពជឿជាក់លើសមត្ថភាពខ្លួនឯង ស្របទៅតាម​គោល​នយោបាយសេដ្ឋកិច្ចរបស់រដ្ឋ។

សូម​ជម្រាប​ជូន​ថា ​​បច្ចុប្បន្ន​លោកឧកញ៉ា លឹម ហេង ​មាន​តួនាទី​ជា​ អនុប្រធានសភាពាណិជ្ជកម្មកម្ពុជា និង​ជា​អគ្គនាយកក្រុមហ៊ុន Heng Mean Investment Group និង An Mady Group។ តាមរយៈ​ការ​ប្រកប​​មុខ​ជំនួញ​និង​ការ​ចូល​រួម​ចំណែក​ជួយ​សង្គម​ជា​ច្រើន ​​បាន​ធ្វើ​ឱ្យ​លោក​ទទួល​បាន​គោរមងារ​ជា «ឧកញ៉ា» តាំងពី​ឆ្នាំ២០០៨៕