សាលាអន្តរជាតិគ្រីនហ្វៀល ចូលរួមចំណែកឧបត្ថម្ភដល់បុគ្គលិកអប់រំ លោកគ្រូអ្នកគ្រូ និងសិស្សភៀសសឹក ដែលរងផលប៉ះពាល់ពីសង្គ្រាមឈ្លានពានពីប្រទេសថៃ

រាជធានីភ្នំពេញ៖ ថ្ងៃទី០២ ខែកុម្ភៈ ឆ្នាំ២០២៦ ក្រសួងអប់រំ យុវជន និងកីឡា សូមថ្លែងអំណរគុណយ៉ាង ជ្រាលជ្រៅដល់ សាលាអន្តរជាតិគ្រីនហ្វៀល (Greenfield International School Cambodia) ដែលបានចូលរួមចំណែកជាថវិកាចំនួន ១២,០០០,០០០រៀល (ដប់ពីរលានរៀល) និងសម្ភារៈសិក្សា ជូនដល់ក្រសួងអប់រំ យុវជន និងកីឡា ដើម្បីចែកជូនដល់បុគ្គលិកអប់រំ លោកគ្រូអ្នកគ្រូ និងសិស្សភៀសសឹក ដែលរងផលប៉ះពាល់ពីសង្គ្រាមឈ្លានពានពីប្រទេសថៃ នាពេលកន្លងមក នៅតាមខេត្តជាប់បណ្តោយព្រំដែនកម្ពុជា-ថៃ។

គណៈគ្រប់គ្រងសាលាអន្តរជាតិ គ្រីនហ្វៀល បានមានប្រសាសន៍ថា ការចូលរួមនេះគឺជាទឹកចិត្ត និងសប្បុរសធម៌​ជួយគ្នានៅក្នុងគ្រាដែលប្រទេសជាតិកំពុងជួបការលំបាក ខណ:ពេលបច្ចុប្បន្នប្រមុខរាជរដ្ឋាភិបាលកំពុងបំពេញ​ភារកិច្ចយ៉ាងសកម្មដើម្បីជាតិ និងប្រជាជន។

ក្រសួងអប់រំ យុវជន និងកីឡា នៅតែបន្តទទួលរាល់សម្ភារៈ ថវិកា កញ្ចប់សម្ភារៈសិក្សា សម្ភារៈ ប្រើប្រាស់ចាំបាច់ និងគ្រឿងឧបភោគបរិភោគនានាពីសប្បុរសជនគ្រប់មជ្ឈដ្ឋានទាំងអស់ ដើម្បីបែងចែក និងដឹកជញ្ជូនបន្តទៅដល់​បុគ្គលិកអប់រំ លោកគ្រូអ្នកគ្រូ និងសិស្សភៀសសឹកនៅតាមបណ្ដាខេត្ត ដែលរងផល ប៉ះពាល់ជាបន្តបន្ទាប់។

សូមជម្រាបថា សាលាអន្តរជាតិគ្រីនហ្វៀល ជាសាលា ៣ភាសា ដែលផ្ដល់ការអប់រំចាប់ពីកម្រិតថ្នាក់មតេ្តយ្យ រហូតដល់ថ្នាក់ទី១២ ដោយចាប់ទទួលសិស្សចាប់ពីអាយុ ២ឆ្នាំឡើងទៅដល់ថ្នាក់ទី១២។ សាលាមានកម្មវិធី​ជាច្រើន កម្មវិធីសិក្សាថ្នាក់ជាតិ និងកម្មវិធីសិក្សាថ្នាក់អន្តរជាតិខេមប្រ៊ីក និងភាសាចិន។ ក្រៅពីថ្នាក់ ៣ ភាសា សាលាក៏មានថ្នាក់បន្ថែមដោយឥតគិតថ្លៃទៅលើ បង្រៀនហែលទឹក តន្រ្តី  កុំព្យូទ័រ គូរគំនូរ កីឡា តារាងបាល់ សួនដាំដំណាំ បន្ទប់ពិសោធន៍ និង បណ្ណាល័យធំទូលលាយផងដែរ។

បច្ចុប្បន្នសាលាកំពុងមានប្រម៉ូសិន ២៥% ទៅលើថ្លៃសិក្សារយៈពេល ៥ឆ្នាំ ហើយបន្ទាប់មក ១៥% រហូតដល់​ថ្នាក់ទី១២ និង ៥០% ទៅលើថ្លៃចុះឈ្មោះ។

សម្រាប់ព័ត៌មានលម្អិត សូមធ្វើការទំនាក់ទំនង៖

សាខាឫស្សីកែវ៖ អាស័យដ្ឋានផ្ទះលេខ ៩៨៩ ខណ្ឌឫស្សីកែវ រាជធានីភ្នំពេញ។

លេខទូរស័ព្ទ៖ 089 777 138, 098 777 138, 068 777 138