សម្តេចធិបតី ហ៊ុន ម៉ាណែត ចេញអនុក្រឹត្យតែងតាំងស្ត្រី ១រូប ជាទីប្រឹក្សាក្រសួងរៀបចំដែនដី

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលថ្ងៃទី២៣ ខែមករា ឆ្នាំ២០២៦ បានចេញអនុក្រឹត្យតែងតាំង លោកស្រី ដួង ណាវណ្ណ ជាទីប្រឹក្សាក្រសួងរៀបចំដែនដី នគរូបនីយកម្ម និងសំណង់ មានឋានៈស្មើ ប្រធាននាយកដ្ឋាន។

សូមជម្រាបថា មុនទទួលបានការតែងតាំងនេះ លោកស្រី ដួង ណាវណ្ណ មានតួនាទីជា អនុប្រធាននាយកដ្ឋាន​បច្ចេកវិទ្យា​ព័ត៌មានសុរិយោដី នៃអគ្គនាយកដ្ឋានសុរិយោដី និងភូមិសាស្ត្រ។ លោកស្រី ត្រូវបានគេដឹងថា ជាមន្ត្រី​ជើងចាស់មួយរូប ដែលបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ផ្នែកព័ត៌មានវិទ្យា មកពីប្រទេសរុស្សី។ ក្រោយ​ប្រឡូកក្នុងអាជីពជាមន្ត្រីរាជការ អស់រយៈពេល ៣០ឆ្នាំ លោកស្រីក៏ត្រូវបានដល់ពេលចូលនិវត្តន៍ កាលខែសីហា ឆ្នាំ២០២៥៕