ក្រសួងពាណិជ្ជកម្ម នៃកម្ពុជា បានចេញសេចក្ដីជូនដំណឹងជម្រាបជូនដំណឹងដល់ លោក-លោកស្រី ជាពាណិជ្ជករ និងសាធារណជនទូទៅឱ្យបានជ្រាបថា ក្រុមហ៊ុន Battersea Power Station នឹងរៀបចំ «CelebrAsia Festival» ពី ថ្ងៃទី១១-១៣ ខែកញ្ញា ឆ្នាំ២០២៦ នៅ Battersea Power Station ទីក្រុងឡុងដ៍ ចក្រភពអង់គ្លេស។
ក្រសួងពាណិជ្ជកម្មបញ្ជាក់ថា ព្រឹត្តិការណ៍ពិព័រណ៍នេះរៀបចំឡើងក្នុងគោលបំណង ដើម្បីលើកកម្ពស់សិល្បៈ សិប្បកម្ម វប្បធម៌ ប្រពៃណី និងម្ហូបអាហារនៃប្រទេសអាស៊ីអាគ្នេយ៍ (ប្រទេសជាសមាជិកអាស៊ាន) និងជំរុញវិស័យទេសចរណ៍ក្នុងតំបន់អាស៊ីអាគ្នេយ៍។ គណៈកម្មការរៀបចំពិព័រណ៍ដាក់ ជួលតុតាំងទំហំ ១៨០x៦១ស.ម ក្នុងតម្លៃ ៥០០ផោន+២០%VAT (សម្រាប់រយៈពេល៣ថ្ងៃ)។
ក្រសួងពាណិជ្ជកម្ម ក្នុងនាមជាអ្នកសម្របសម្រួល សូមអញ្ជើញ លោក-លោកស្រី ជាពាណិជ្ជករ និងសាធារណជនទូទៅ ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ សូមធ្វើការទំនាក់ ទំនងមកមន្ត្រីសម្របសម្រួល តាមរយៈទូរស័ព្ទលេខ +៨៥៥ ៨៦ ៣៣៣ ៩៣៣ / +៨៥៥ ៧៧ ៣៦១ ៨៣៦ ឬតាមរយៈប្រព័ន្ធទូរស័ព្ទសាធារណៈរបស់ក្រសួងពាណិជ្ជកម្ម ១២៦៦៕
