អភិបាលខេត្តព្រះសីហនុ ដឹកនាំប្រតិភូទស្សនកិច្ចក្រុមហ៊ុនបច្ចេកវិទ្យាឈានមុខគេលំដាប់ពិភពលោក ផ្នែកផលិតឧបករណ៍ហោះហើរគ្មានមនុស្សបើក

លោក ម៉ាង ស៊ីណេត អភិបាល អភិបាលខេត្តព្រះសីហនុ កាលពីថ្ងៃទី៣១ ខែឧសភា ឆ្នាំ២០២៦ បានដឹកនាំគណៈប្រតិភូទស្សនកិច្ចក្រុមហ៊ុន EHang Going Global នៅទីក្រុងក្វាងចូវ ខេត្តក្វាងតុង។

ក្រុមហ៊ុន EHang Going Global ជាក្រុមហ៊ុនបច្ចេកវិទ្យាឈានមុខគេលំដាប់ពិភពលោក ខាងផ្នែកផលិតឧបករណ៍ហោះហើរស្វ័យប្រវត្តគ្មានមនុស្សបើក (Autonomous Aerial Vehicle – AAV) ឬដែលគេតែងតែហៅថា “តាក់ស៊ីហោះ” (Flying Taxi) ឬ eVTOL (electric Vertical Take-Off and Landing)។

ដំណើរទស្សនកិច្ចសិក្សារបស់រដ្ឋបាលខេត្តព្រះសីហនុ ទៅកាន់ក្រុមហ៊ុន EHang Going Global គឺដើម្បីស្វែងយល់ពីបច្ចេកវិទ្យាយន្តហោះគ្មានមនុស្សបើក និងពិភាក្សាលើលទ្ធភាពសហប្រតិបត្តិការ ក្នុងការយកបច្ចេកវិទ្យានេះមកអភិវឌ្ឍក្រុងព្រះសីហនុឱ្យក្លាយជាទីក្រុងឆ្លាតវៃ (Smart City)។