រដ្ឋមន្ត្រី ​ហង់ ​ជួន​ណា​រ៉ុន​៖​​គ្រូប​​ង្រៀ​​ន​​​ត្រូវបង្កើន​​សមត្ថ​ភាព តាម​ឲ្យទា​ន់​​បច្ចេកវិ​ទ្យា​ទំនើប

សង្គម​និង​សេដ្ឋកិច្ច

រដ្ឋមន្ត្រីក្រសួងអប់រំ យុវជន និងកីឡា បានស្នើដល់លោកគ្រូអ្នកគ្រូ ត្រូវបន្តយក​ចិត្តទុក​ដាក់ ក្នុងការបង្រៀនសិស្សានុសិស្សឲ្យបានដិតដល់ ពិសេសត្រូវបង្កើនសមត្ថភាព​របស់ខ្លួន តាមឲ្យទាន់បច្ចេកវិទ្យាទំនើប។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោករដ្ឋមន្ត្រី ហង់ ជួនណារ៉ុន ថ្លែងបែបនេះ នៅក្នុងពិធីប្រកាសតែងតាំងលោក តាន់ ប៊ុនហុង ចូលកាន់តំណែងប្រធានមន្ទីរអប់រំ យុវជន និងកីឡាខេត្តកំពង់ធំថ្មីជំនួសលោក ជូ វុនធី ដែលត្រូវចូលនិវត្តន៍ នាថ្ងៃទី១១ ខែមករា ឆ្នាំ២០២០។

លោករដ្ឋមន្ត្រីបានណែនាំ ឱ្យបន្តអនុវត្តដំណើរការកែទម្រង់ដោយឆន្ទៈមុតស្រួច និង​កាន់​តែមានប្រសិទ្ធភាព ដោយគិតគូរអំពីការរៀបចំប្រព័ន្ធតាមដាន ត្រួតពិនិត្យមាន​ភាពប្រទាក់ក្រឡាគ្នាគ្រប់ជ្រុងជ្រោយ និងសង្គតិភាពដែលគ្របដណ្តប់ លើគ្រប់វិស័យ​ដោយមិនត្រូវមើលរំលង អំពីការពង្រឹងរដ្ឋបាលសាធារណៈ ទាំងថ្នាក់ជាតិ និងថ្នាក់​ក្រោមជាតិ ជារដ្ឋបាលទំនើប ស្អាតស្អំ និងប្រកបដោយគុណភាព ដើម្បីធានា​សាម​គ្គីភាព​ និងប្រសិទ្ធភាពស្ថាប័ន ការទ្រទ្រង់កំណើនសេដ្ឋកិច្ច និងការផ្តល់សេវាកាន់​តែប្រសើរជូនប្រជាពលរដ្ឋក៏ដូចជាវិស័យឯកជន៕