ការថ្លែងនេះ ធ្វើឡើងក្នុងឱកាសដែលលោកសាស្ត្រាចារ្យរដ្ឋមន្ត្រី បានទទួលជួបសម្តែងការគួរសមជាមួយ លោកស្រីសាស្ត្រាចារ្យ Véronique Phé ស្ថាបនិក និងជាប្រធានអង្គការ AIRES Global Health នាថ្ងៃទី២១ ខែតុលា ឆ្នាំ២០២៦ នៅទីស្តីការក្រសួងសុខាភិបាល ក្នុងគោលដៅពង្រឹងកិច្ចសហប្រតិបត្តិការកម្ពុជា-បារាំង លើការលើកកម្ពស់សុខភាពស្ត្រី និងការអភិវឌ្ឍសមត្ថភាពធនធានមនុស្សតាមរយៈកម្មវិធី LOTUS។

ក្នុងជំនួបនោះ លោកសាស្ត្រាចារ្យរដ្ឋមន្ត្រី បានថ្លែងអំណរគុណដល់អង្គការ AIRES Global Health និងមូលនិធិ Pierre Fabre ដែលបានជួយគាំទ្រការបណ្តុះបណ្តាល និងផ្ទេរចំណេះដឹងវេជ្ជសាស្ត្រ ជាពិសេសលើការបង្ការ ធ្វើរោគវិនិច្ឆ័យ និងព្យាបាលបញ្ហាប្រព័ន្ធទឹកនោម ព្រមទាំងសរីរាង្គអាងត្រគាករបស់ស្ត្រី ដូចជាបញ្ហាលេចនោម និងការធ្លាក់សរីរាង្គអាងត្រគាក ដែលជាកត្តាសំខាន់ក្នុងការកែលម្អគុណភាពជីវិត និងសុខុមាលភាពរបស់ស្ត្រីទាំងនៅកម្រិតជាតិ និងសហគមន៍។

ជាការឆ្លើយតប លោកស្រីសាស្ត្រាចារ្យ Véronique Phé បានគូសបញ្ជាក់ថា ក្រោមកិច្ចសហការនៃកម្មវិធី LOTUS ក្រៅពីការរៀបចំថ្នាក់បណ្តុះបណ្តាលកម្រិតខ្ពស់ (Masterclass) ភាគីបារាំងក៏មានគំនិតផ្តួចផ្តើមបញ្ជូនគ្រូពេទ្យឯកទេសផ្នែកប្រព័ន្ធទឹកនោមវ័យក្មេងកម្ពុជាចំនួន ៣រូប មកពីមន្ទីរពេទ្យកាល់ម៉ែត មន្ទីរពេទ្យព្រះកុសុមៈ និងមន្ទីរពេទ្យមិត្តភាពខ្មែរ-សូវៀត ទៅបំពេញកម្មសិក្សាសង្កេតផ្ទាល់នៅទីក្រុងប៉ារីស ដើម្បីពង្រឹងជំនាញឯកទេស និងនាំយកបទពិសោធន៍មកបម្រើសេវាសុខាភិបាលជូនប្រជាពលរដ្ឋកម្ពុជាឱ្យកាន់តែមានប្រសិទ្ធភាពខ្ពស់៕

The post ឱកាសល្អក្នុងវិស័យសុខាភិបាល! បារាំងត្រៀមទទួលគ្រូពេទ្យឯកទេសកម្ពុជាទៅបណ្តុះបណ្តាលនៅប៉ារីស ដើម្បីលើកកម្ពស់សុខភាពស្ត្រី appeared first on .

លោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា បានឱ្យដឹងថា កាលពីថ្ងៃទី១៩ ខែតុលា ឆ្នាំ២០២៦ លោកស្រី បានជួបពិភាក្សាការងារជាមួយ លោក Nicolas Forissier រដ្ឋមន្ត្រីប្រតិភូទទួលបន្ទុកពាណិជ្ជកម្មបរទេស និងការទាក់ទាញវិនិយោគ នៃសាធារណរដ្ឋបារាំង ដើម្បីពង្រឹងកិច្ចសហប្រតិបត្តិការទ្វេភាគី នៅពន្លាជាតិកម្ពុជា ក្នុងឱកាសដែលលោកស្រី រដ្ឋមន្ត្រី អញ្ជើញដឹកនាំគណៈប្រតិភូកម្ពុជាចូលរួមពិព័រណ៍ពាណិជ្ជកម្មម្ហូបអាហារអន្តរជាតិ Salon International de l’Alimentation (SIAL) Paris 2026។

នាឱកាសនោះ លោកស្រី បានស្វាគមន៍ លោករដ្ឋមន្ត្រីប្រតិភូ មកកាន់ពន្លាជាតិកម្ពុជា និងវាយតម្លៃខ្ពស់ចំពោះទំនាក់ទំនងដ៏ល្អរវាងប្រទេសទាំងពីរ។ លោកស្រី បានជម្រាបជូនថា នេះគឺជាលើកដំបូង ដែលក្រសួងពាណិជ្ជកម្ម រៀបចំពន្លាជាតិកម្ពុជា និងសម្របសម្រួលនាំមកជាមួយនូវបណ្តាក្រុមហ៊ុន-សហគ្រាសកម្ពុជាចំនួនប្រមាណ ៣០ ក្រុមហ៊ុនមកចូលរួមតាំងបង្ហាញ និងស្វែងរកដៃគូពាណិជ្ជកម្មថ្មីៗ បន្ថែមលើពន្លារបស់សហព័ន្ធស្រូវអង្ករកម្ពុជា ដែលមានក្រុមហ៊ុនសហគ្រាសនាំចេញអង្កររបស់កម្ពុជាចំនួន១២មកចូលរួមក្នុងពិព័រណ៍ SIAL Paris 2026 ផងដែរ។

នៅក្នុងឱកាសនោះដែរ លោករដ្ឋមន្ត្រីប្រតិភូ ក៏បានស្វាគមន៍គណៈប្រតិភូកម្ពុជា ក្នុងពិព័រណ៍ SIAL Paris 2026 និងបានបញ្ជាក់ថានឹងអាចពង្រឹងនិងពង្រីកកិច្ចសហប្រតិបត្តិការពាណិជ្ជកម្មលើវិស័យសំខាន់ៗជាច្រើនទៀត។ លោក ក៏បានជម្រាបជូនអំពីសក្តានុពល ចំណុចពិសេសៗ របស់ពិព័រណ៍ពាណិជ្ជកម្មម្ហូបអាហារអន្តរជាតិ SIAL Paris ដែលជានិច្ចកាលទាក់ទាញក្រុមហ៊ុនចូលរួមតាំងបង្ហាញប្រមាណជិត ៨,០០០ អ្នកទស្សនា និងអ្នកបញ្ជាទិញសក្តានុពលប្រមាណ ២៨៥,០០០នាក់ មកពីជាង ១៣០ ប្រទេសជុំវិញពិភពលោក។

តាមរយៈជំនួបនេះ ក្រសួងពាណិជ្ជកម្ម ក៏បានបញ្ជាក់អំពីជំហររបស់កម្ពុជាក្នុងការបន្តចូលរួមព្រឹត្តិការណ៍​ SIAL Paris នេះ នៅឆ្នាំបន្តបន្ទាប់ ដើម្បីនាំមកនូវផលិតផលសក្តានុពលរបស់កម្ពុជាជាច្រើនទៀតមកតាំងបង្ហាញ និងផ្សព្វផ្សាយលើឆាកអន្តរជាតិឱ្យបានកាន់តែច្រើនឡើងបន្ថែមទៀតផងដែរ៕ហ្សាលីន

The post ក្រសួង ដឹកនាំក្រុមហ៊ុនសហគ្រាសកម្ពុជាប្រមាណ ៣០ ទៅស្វែងរកដៃគូពាណិជ្ជកម្មថ្មីៗនៅបារាំង appeared first on .

នេះជាកិច្ចប្រជុំកំពូលលើកទីមួយ ផ្នែកលំហអាកាស ដែលមានគោលបំណង ប្រមូលផ្ដុំបណ្ដាប្រទេសពាក់ព័ន្ធដើម្បី ប្រកាសរួមគ្នា អំពីឧត្តមបំណងនៃការប្រើប្រាស់លំហអាកាស សម្រាប់គោលដៅសន្តិភាព និងប្រកបដោយចីរភាពក្នុង បរិការណ៍នៃការប្រកួតប្រជែងក្នុងផ្នែក លំហអាកាស ដើម្បីគោលដៅសេដ្ឋកិច្ចនិងគោលដៅយុទ្ធសាស្ត្ររបស់បណ្ដាប្រទេសនានាលើពិភពលោក។ នៅក្នុងកិច្ចប្រជុំកំពូលនេះ កម្ពុជាក៏បានផ្តល់ការគាំទ្រ (Endorsement) ចំពោះសេចក្តីថ្លែងការណ៍ចំនួន ៣ ដែលផ្តួចផ្តើមដោយសាធារណរដ្ឋបារាំងផងដែរ។

ឆ្លៀតឱកាសនោះផងដែរ លោក ជា វ៉ាន់ដេត បានជួបសម្តែងការគួរសមដាច់ដោយឡែក ជាមួយ លោក Philippe Baptiste រដ្ឋមន្ត្រីក្រសួងឧត្ដមសិក្សាការស្រាវជ្រាវ និងលំហអាកាសរបស់បារាំង និង លោកស្រី Eléonore Caroit រដ្ឋមន្ត្រីប្រតិភូទទួលបន្ទុកហ្វ្រង់កូហ្វូនី ភាពជាដៃគូ អន្តរជាតិ និងជនជាតិបារាំងនៅក្រៅប្រទេស។ លោករដ្ឋមន្ត្រី និងលោក Philippe Baptiste បានពិភាក្សាអំពីលទ្ធភាពក្នុងការសហការលើការងារបច្ចេកទេស ក៏ដូចជាការបណ្តុះបណ្តាលធនធានមនុស្សលើជំនាញបច្ចេកវិទ្យាផ្កាយរណបនិងលំហអាកាសជាដើម ជាពិសេស ភាគីបារាំងបានថ្លែងអំណរគុណភាគីកម្ពុជា ដែលបានផ្តល់ការគាំទ្រលើសេចក្តីថ្លែងការណ៍ទាំង ៣។

ចំណែកនៅក្នុងជំនួប ជាមួយ លោកស្រី ​ Eléonore Caroit ភាគីទាំងពីរបានពិភាក្សាលម្អិតអំពីលទ្ធភាព ពង្រីកកិច្ចសហប្រតិបត្តិការកម្ពុជា-បារាំង លើផ្នែកបញ្ញាសិប្បនិម្មិត លំហអាកាស សន្តិសុខសាយប័រ បច្ចេកវិទ្យាកង់ទិច និង សឺមីកុងឌុចទ័រ។

គួរបញ្ជាក់ថា បន្ទាប់ពីកិច្ចប្រជុំនេះ លោករដ្ឋមន្ត្រី ក៏បានបន្តដឹកនាំគណៈប្រតិភូទៅធ្វើទស្សនកិច្ចការងារនៅស្ថាប័ន និងក្រុមហ៊ុន លំហអាកាសនៅទីក្រុងទូលូស ដែលជាបណ្ដុំលំហអាកាស ដ៏ធំនៅប្រទេសបារាំងនិង អឺរ៉ុប ថែមទៀត៕

The post កម្ពុជា-បារាំង សហការបណ្តុះបណ្តាលធនធានមនុស្សលើជំនាញបច្ចេកវិទ្យាផ្កាយរណបនិងលំហអាកាស ក្នុងកិច្ចប្រជុំកំពូល អន្តរជាតិស្ដីពីលំហអាកាស នៅប៉ារីស appeared first on .

ជំនួបពិភាក្សានេះ ធ្វើឡើងស្រប់ពេលក្រុមហ៊ុន កំពុងបំពេញបេសកកម្មនៅ កម្ពុជា ចាប់ពីថ្ងៃទី៦ ដល់ថ្ងៃទី២១ ខែសីហា ឆ្នាំ២០២៦ ដើម្បីសម្របសម្រួល និងជំរុញការសិក្សាសមិទ្ធិលទ្ធភាព លើគ្រប់ទិដ្ឋភាពបច្ចេកទេស ពាណិជ្ជកម្ម និងប្រតិបត្តិការ សម្រាប់គម្រោងអភិវឌ្ឍន៍ផ្សារបោះដុំកសិផល និងអាហារស្រស់កម្រិតអន្តរជាតិ នៅរាជធានីភ្នំពេញ។ គម្រោងនេះកើតចេញពីកិច្ចសហប្រតិបត្តិការយុទ្ធសាស្ត្ររវាងក្រុមហ៊ុន SEMMARIS និងក្រុមហ៊ុន WorldBridge Group តាមរយៈការចុះកិច្ចព្រមព្រៀង កាលពីថ្ងៃទី១០ ខែកក្កដា ឆ្នាំ២០២៦ កន្លងទៅ។

នាជំនួបនេះ លោក Thierry Febvay បានឱ្យដឹងថា ក្រុមហ៊ុន SEMMARIS ជាក្រុមហ៊ុនគ្រប់គ្រង និងប្រតិបត្តិការផ្សារ Marché International de Rungis នៅទីក្រុងប៉ារីស ប្រទេសបារាំង ដែលជាផ្សារបោះដុំអាហារស្រស់ដ៏ធំបំផុតមួយក្នុងពិភពលោក។ ជាមួយគ្នានេះ លោកបានបញ្ជាក់ពីបំណងក្នុងការនាំយកជំនាញបច្ចេកទេស ព្រមទាំងគម្រូនៃការរៀបចំ និងគ្រប់គ្រងស្តង់ដារអន្តរជាតិ មកចូលរួមអភិវឌ្ឍប្រព័ន្ធឡូជីស្ទីកកសិកម្ម (Agro-Logistics) នៅកម្ពុជាផងដែរ។

ជាមួយគ្នានោះ តំណាងក្រុមហ៊ុនក៏បានជម្រាបជូនពីវឌ្ឍនភាពនៃការសិក្សាសមិទ្ធិលទ្ធភាព និងបានស្នើសុំអនុសាសន៍ណែនាំ ព្រមទាំងការគាំទ្រ ការសម្របសម្រួលនីតិវិធី និងកិច្ចសហការជាមួយក្រសួង ស្ថាប័នពាក់ព័ន្ធ ដើម្បីជាមូលដ្ឋានគ្រឹះក្នុងការរៀបចំយុទ្ធសាស្ត្រឱ្យកាន់តែមានប្រសិទ្ធភាពផងដែរ។

ជាការឆ្លើយតប ឯកឧត្តម ស៊ុន ចាន់ថុល បានស្វាគមន៍និងវាយតម្លៃខ្ពស់ចំពោះការប្តេជ្ញាចិត្តរបស់ក្រុមហ៊ុន SEMMARIS និងដៃគូ ខណៈលោកបង្ហាញពីជំហររបស់CDC ក្នុងការរង់ចាំផ្តល់កិច្ចសម្រួល និងការគាំទ្រយ៉ាងពេញទំហឹងដល់ដំណើរការសិក្សាសមិទ្ធិលទ្ធភាពនេះ ដើម្បីប្រែក្លាយគម្រោងនេះឱ្យលេចចេញជារូបរាងពិតប្រាកដ។

សូមជម្រាបដែរថា គម្រោងបង្កើតផ្សារបោះដុំកសិផល និងអាហារស្រស់កម្រិតអន្តរជាតិនេះ ត្រូវបានវាយតម្លៃថាជាគម្រោងយុទ្ធសាស្ត្រប្រកបដោយគុណសម្បត្តិ និងសក្ដានុពលខ្ពស់ ដែលមិនត្រឹមតែចូលរួមធ្វើទំនើបកម្មប្រព័ន្ធឡូជីស្ទីកកសិកម្ម (Agro-Logistics) និងពង្រឹងខ្សែច្រវាក់ផ្គត់ផ្គង់អាហារ ប៉ុណ្ណោះទេ ប៉ុន្តែថែមទាំងជាកាតាលីករដ៏សំខាន់ក្នុងការបង្កើតតម្លៃបន្ថែមលើផលិផលកសិកម្មក្នុងស្រុក ធានាទីផ្សារ និងប្រាក់ចំណូលជូនបងប្អូនប្រជាកសិករ ព្រមទាំងលើកកម្ពស់សន្តិសុខស្បៀង និងជំរុញការនាំចេញកសិផលកម្ពុជាទៅកាន់ទីផ្សារតំបន់ និងសកលលោក នាពេលអនាគតផងដែរ៕អត្ថបទ៖ហ្សាលីន

The post បារាំង សិក្សាគម្រោងអភិវឌ្ឍន៍ផ្សារបោះដុំកសិផល និងអាហារស្រស់កម្រិតអន្តរជាតិ នៅរាជធានីភ្នំពេញ appeared first on .

នាឱកាសនោះ លោក ផ្លរ៉េន ទីវ៉េត បានបង្ហាញក្តីរីករាយចំពោះភាពរីកចម្រើនឥតឈប់ឈរនៃកិច្ចសហប្រតិបត្តិការ ទំនាក់ទំនង និងបានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ដែលតែងតែផ្ដល់ការគាំទ្រសហការយ៉ាងពេញលេញ និងបង្កលក្ខណៈងាយស្រួលឱ្យបេសកកម្មរបស់លោកបណ្ឌិតទទួលបានជោគជ័យ និងសម្រេចបានសមិទ្ធផលគួរឱ្យកត់សម្គាល់ជាច្រើន និងកិច្ចសហប្រតិបត្តិការជាមួយក្រសួងកសិកម្ម ដើម្បីពង្រឹង និងពង្រីកទំនាក់ទំនងឱ្យកាន់តែរឹងមាំ និងរីកចម្រើនបន្ថែមទៀត។

ជាមួយគ្នានេះ លោក ឌិត ទីណា បានវាយតម្លៃខ្ពស់ចំពោះការចូលរួមចំណែកយ៉ាងសកម្មរបស់ លោកបណ្ឌិត នូវក្នុងការខិតខំប្រឹងប្រែងក្នុងវិស័យកសិកម្ម ប្រកបដោយលទ្ធផលផ្លែផ្កា និងជំរុញលើកកម្ពស់ទំនាក់ទំនង និងកិច្ចសហប្រតិបត្តិការកម្ពុជា-បារាំង សំដៅកសាងទំនុកចិត្ត និងទំនាក់ទំនងជាមួយគ្នា ជាពិសេសការគាំទ្រនូវការស្រាវជ្រាវក្នុងវិស័យកសិកម្មកម្ពុជា ផងដែរ។

សូមជម្រាបដែរថា តាមរយៈជំនួបពិភាក្សាខាងលើលោករដ្ឋមន្រ្តី ឌិត ទីណា និងលោកបណ្ឌិត ផ្លរ៉េន ទីវ៉េត ក៏បានផ្លាស់ប្ដូរយោបល់គ្នាលើការបន្តជំរុញកិច្ចសហប្រតិបត្តិការលើវិស័យកសិកម្ម ការអភិវឌ្ឍន៍ធនធានមនុស្ស ការធ្វើទំនើបកម្មកសិកម្ម និងការលើកកម្ពស់ការស្រាវជ្រាវ តាមរយៈបណ្ឌិត្យសភាវិទ្យាសាស្ត្រកសិកម្មកម្ពុជាដ៏មានសារៈសំខាន់ នាពេលបច្ចុប្បន្ន និងពេលអនាគត៕អត្ថបទ៖ហ្សាលីន

The post កម្ពុជា-បារាំង ប្តេជ្ញាជំរុញកិច្ចសហប្រតិបត្តិការលើវិស័យកសិកម្ម និងការលើកកម្ពស់ការស្រាវជ្រាវ appeared first on .

សេចក្តីប្រកាសព័ត៌មានដដែល បានឱ្យដឹងថា ជំនួបនារសៀលថ្ងៃទី ១០ ខែ កក្កដា ឆ្នាំ ២០២៦ លោក អូន ព័ន្ធមុនីរ័ត្ន បានស្វាគមន៍ប្រតិភូបារាំង និងបានវាយតម្លៃខ្ពស់ចំពោះទំនាក់ទំនងមិត្តភាព និងកិច្ច សហប្រតិបត្តិការដ៏ជិតស្និទ្ធរវាងកម្ពុជា និងបារាំង ដែលមានប្រវត្តិយូរអង្វែង និងបាន រួមចំណែកយ៉ាងសំខាន់ក្នុងដំណើរការសន្តិភាព ការកសាងឡើងវិញ និងការអភិវឌ្ឍសង្គម-សេដ្ឋកិច្ចរបស់កម្ពុជា ។

ជាក់ស្តែង, តាមរយៈ AFD, បារាំង បានបន្តផ្តល់ការគាំទ្រតាមរយៈជំនួយអភិវឌ្ឍន៍ផ្លូវការ (ODA) និងកិច្ចសហ ប្រតិបត្តិការលើវិស័យជាច្រើន រួមមាន៖ វិស័យ កសិកម្ម ទឹកស្អាត បណ្តុះបណ្តាលវិជ្ជាជីវៈ ថាមពល អភិវឌ្ឍន៍ជនបទ សុខាភិបាល វប្បធម៌ បរិស្ថាន ទេសចរណ៍ អប់រំ និងមីក្រូហិរញ្ញវត្ថុ ។

ជាការឆ្លើយតប លោក Nicolas Forissier បានបញ្ជាក់ពីការប្តេជ្ញាចិត្តរបស់រដ្ឋាភិបាលបារាំង ក្នុង ការបន្តពង្រឹង និងពង្រីកកិច្ចសហប្រតិបត្តិការជាមួយកម្ពុជាលើវិស័យសំខាន់ៗរួមមាន៖ វិស័យពាណិជ្ជកម្ម វិនិយោគ ហេដ្ឋា រចនាសម្ព័ន្ធ ថាមពល សុខាភិបាល និងការអភិវឌ្ឍប្រកបដោយចីរភាព ដើម្បីជំរុញកំណើនសេដ្ឋកិច្ច និងបង្កើនភាព ធន់របស់ប្រទេសទាំងពីរ ក្នុងបរិបទសេដ្ឋកិច្ច និងភូមិសាស្ត្រនយោបាយសកលដែលកំពុងមានការប្រែប្រួលយ៉ាង ឆាប់រហ័ស ។

តាមរយៈជំនួបខាងលើ ក៏បានរំពឹងទុកថា ដំណើរទស្សនកិច្ចផ្លូវរដ្ឋរបស់ លោកEmmanuel Macron ប្រធានាធិបតីនៃសាធារណរដ្ឋបារាំង មកកាន់កម្ពុជា នាពេលខាងមុខ នឹងក្លាយជាព្រឹត្តិការណ៍ប្រវត្តិសាស្ត្រមួយ ដែលនឹងរួមចំណែកលើកកម្ពស់ទំនាក់ទំនងទ្វេភាគីឱ្យកាន់តែរឹងមាំ និង ឈានទៅដល់កម្រិតខ្ពស់ថ្មីមួយទៀត៕ អត្ថបទ៖ហ្សាលីន

The post បារាំង ប្តេជ្ញាបន្តពង្រឹង និងពង្រីកកិច្ចសហប្រតិបត្តិការជាមួយកម្ពុជាលើវិស័យសំខាន់ៗចំនួន ៦ appeared first on .

បន្ថែមលើនេះ គណៈប្រតិភូ ក.ប.ទ. ក៏បានស្វែងរកឱកាសសហការបន្ថែមទៀតតាមរយ:ការជួបពិភាក្សាការងារជាមួយវិទ្យាស្ថាន និងមន្ទីរពិសោធន៍ឈានមុខគេរបស់បារាំង។ កិច្ចពិភាក្សាជាយុទ្ធសាស្ត្រទាំងនោះបានផ្តោតលើការពង្រីកការអប់រំ និងការស្រាវជ្រាវលើជំនាញបច្ចេកវិទ្យាទំនើបៗជំនាន់ថ្មីដូចជា សន្តិសុខសាយប័រ មីក្រូអេឡិចត្រូនិក វិទ្យាសាស្ត្រកុំព្យូទ័រកង់ទិច ព្រមទាំងវិស្វកម្មអវកាសនិងផ្កាយរណប។

បើតាមក្រសួងប្រៃសនីយ៍ ការបង្កើតភាពជាដៃគូយុទ្ធសាស្ត្រទាំងនេះ បានស្តែងឱ្យឃើញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់ក្រសួងប្រៃសណីយ៍និងទូរគមនាគមន៍ ក្នុងការកសាងសមត្ថភាពក្នុងស្រុកដ៏រឹងមាំ ឆ្ពោះទៅរកការអភិវឌ្ឍការស្រាវជ្រាវ និងនវានុវត្តន៍បច្ចេកវិទ្យាឌីជីថលឈានមុខនៅកម្ពុជានាពេលអនាគត៕

The post កម្ពុជា-បារាំង សហការកសាងធនធានមនុស្សជំនាញ និងនវានុវត្តន៍ផ្នែកAI និងបច្ចេកវិទ្យាឌីជីថលឈានមុខ appeared first on .

កិច្ចពិភាក្សារវាងភាគីទាំងពីរខាងលើក៏បានផ្ដោតលើគម្រោងវារីអគ្គិសនីកម្លាំង ៨០០ មេហ្កាវ៉ាត់ និងគម្រោងកែច្នៃកាកសំណល់សម្រាមនៅរាជធានីភ្នំពេញទៅជាថាមពលអគ្គិសនី ដែលក្រុមហ៊ុនបារាំងកំពុងសិក្សាដើម្បីវិនិយោគ។

ក្រៅពីគម្រោងខាងលើ ភាគីទាំងពីរក៏បានជជែកដេញដោលយ៉ាងស៊ីជម្រៅលើកិច្ចសហប្រតិបត្តិការផ្នែកប្រេង និងឧស្ម័ន។ ទន្ទឹមនឹងនេះ ភាគីបារាំងបានបង្ហាញជំហរគាំទ្រយ៉ាងពេញទំហឹងចំពោះការស្វែងរកដំណោះស្រាយលើបញ្ហាតំបន់ត្រួតស៊ីគ្នា (OCA) រវាងកម្ពុជា និងថៃ ដោយផ្អែកលើគោលការណ៍សន្តិវិធី និងច្បាប់អន្តរជាតិ ដើម្បីធានាបាននូវផលប្រយោជន៍សេដ្ឋកិច្ច និងស្ថិរភាពក្នុងតំបន់។

The post បារាំង មានបំណងពង្រីកការវិនិយោគលើថាមពលកកើតឡើងវិញ និងការគ្រប់គ្រងបរិស្ថាននៅកម្ពុជា appeared first on .

នេះបើតាមរយៈកិច្ចប្រជុំអន្តរក្រសួង​ ស្តីពី​ «ការពិនិត្យលេីវឌ្ឍនភាពកិច្ចសហប្រតិបត្តិការកម្ពុជា-បារាំង​ លេីវិស័យកសិកម្ម»
កាលពីថ្ងៃទី២៦ ខែមិថុនា ឆ្នាំ២០២៦ ដោយមានការចូលរួមពីលោក ហុង ណារិត អនុរដ្ឋលេខាធិការ ក្រសួងកសិកម្ម។

នៅចំពោះមុខអង្គពិធី លោកអនុរដ្ឋលេខាធិការ បានលើកជាយោបល់ពាក់ព័ន្ធនឹងក្រសួងកសិកម្ម រួមមាន៖ ទី១. កិច្ចសហប្រតិបត្តិការកសិកម្មរវាងប្រទេសកម្ពុជាជាមួយប្រទេសបារាំង មានលក្ខណៈទូលំទូលាយគ្របដណ្ដប់លើអនុវិស័យ និងកម្មវិធីជាច្រើន ក្នុងនោះ ក្រោមក្របខណ្ឌគណៈកម្មាធិការជាតិសុខភាពតែមួយ ដែលនាំមុខដោយក្រសួងសុខាភិបាល ជាមួយបារាំង ជាពិសេសក្នុងកិច្ចពិភាក្សាថ្មីៗនេះ អំពីកិច្ចសហការរៀបចំឯកសារទស្សនទានពាក់ព័ន្ធសុខភាពតែមួយ។

ក្រោមក្របខ័ណ្ឌសហប្រតិបត្តិការអំពីសុខភាពតែមួយនេះដែរ ក្រសួងកសិកម្ម រុក្ខាប្រមាញ់ និងនេសាទ និងភាគីបារាំង ក៏មានកិច្ចសហប្រតិបត្តិការដោយឡែក ដូចជាការរួមចំណែករៀបចំនីតិវិធីប្រតិបត្តិស្តង់ដារ និងការពង្រឹងប្រព័ន្ធតាមដាន ការពារត្រួតពិនិត្យ និងការឆ្លើយតបទៅនឹងការផ្ទុះជំងឺឆ្លងពីសត្វ, ក៏ដូចជាកិច្ចសហប្រតិបត្តិការជាមួយវិទ្យាស្ថានប៉ាស្ទ័រកម្ពុជា និងទីភ្នាក់ងារអភិវឌ្ឍន៍បារាំង (AFD) លើការពង្រឹងការធ្វើរោគវិនិច្ឆ័យនៅមន្ទីរពិសោធន៍ ការស្រាវជ្រាវរោគរាតត្បាត និងការតាមដានជំងឺឆ្លង ដែលជាការគាំទ្រដល់ការពង្រឹងសមត្ថភាពស្រាវជ្រាវមេរោគឆ្លងពីសត្វ មន្ទីរពិសោធន៍ការចែករំលែកទិន្នន័យ ដែលឆ្លើយតបទៅនឹងការគំរាមកំហែងសុខភាពមនុស្ស-សត្វ

និងទី២. ការរៀបចំ MoU ស្តីពីកិច្ចសហប្រតិបត្តិការវិស័យកសិកម្ម រវាងក្រសួងកសិកម្មប្រទេសកម្ពុជា និងបារាំង ស្របតាមស្មារតីកិច្ចប្រជុំទ្វេភាគីរវាងរដ្ឋមន្ត្រីក្រសួងកសិកម្ម នៃប្រទេសទាំងពីរ នៅអំឡុងពេលកិច្ចប្រជុំកំពូល One Health ក្នុងកំឡុងខែមេសា ឆ្នាំ២០២៦ នៅសាធារណរដ្ឋបារាំង៕

The post កម្ពុជា-បារាំង ត្រៀមចុះ MoU ធំមួយ ជម្រុញវិស័យកសិកម្ម និងសុខភាពតែមួយ appeared first on .

​MoU នេះ បានធ្វើឡើកាលថ្ងៃទី២៣ ខែមិថុនា ឆ្នាំ២០២៦ ក្រោមអវត្តមាន លោកបណ្ឌិតសភាចារ្យ  ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ជាមួយលោក Pascal CATRY អគ្គនាយកសភាពាណិជ្ជកម្ម និងឧស្សាហកម្មបារាំង-កម្ពុជា (CCIFC) ក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងក្រសួងអប់រំ យុវជន និងកីឡា និងសភាពាណិជ្ជកម្ម និងឧស្សាហកម្មបារាំង-កម្ពុជា (CCIFC) និងភាគីពាក់ព័ន្ធ។

អនុស្សរណៈនៃការយោគយល់គ្នានេះ ត្រូវបានរៀបចំធ្វើឡើងក្នុងក្របខណ្ឌនៃកិច្ចសហប្រតិបត្តិការ សម្រាប់រយៈពេល ៣ឆ្នាំ (២០២៦ ដល់ ២០២៨) រវាងក្រសួងអប់រំ យុវជន និងកីឡា និងសភាពាណិជ្ជកម្ម និងឧស្សាហកម្មបារាំង-កម្ពុជា ក្នុងគោលបំណង៖ ពង្រឹងចំណេះដឹងរបស់សិស្សានុសិស្សសិក្សានៅក្នុងក្របខណ្ឌកម្មវិធីសិក្សាថ្នាក់ពីរភាសាបារាំង-ខ្មែរ ភាសាបារាំងជាជីវភាសាបរទេសទី១-ទី២ និងថ្នាក់ភាសាបារាំងនៅសាលារៀនជំនាន់ថ្មី តាមរយៈការចុះធ្វើទស្សនកិច្ចនៅតាមសហគ្រាស។

Mou នេះ ក៏មានគោលបំណងលើកកម្ពស់ទំនាក់ទំនងរវាងវិស័យអប់រំ និងវិស័យឯកជន តាមរយៈការបញ្ជ្រាបឱ្យកាន់តែយល់ច្បាស់អំពីពិភពវិជ្ជាជីវៈអនុញ្ញាតឱ្យសហគ្រាសនានានៃបណ្ដាញសភាពាណិជ្ជកម្ម និងឧស្សាហកម្មបារាំង-កម្ពុជា អាចធ្វើបទបង្ហាញអំពីសកម្មភាព និងមុខរបរវិជ្ជាជីវៈផ្សេងៗទៅដល់សិស្សានុសិស្ស។

តាមរយៈMoU ក្រសួងអប់រំ យុ និងថ្លែងអំណរគុណដល់សភាពាណិជ្ជកម្ម និងឧស្សាហកម្មបារាំង-កម្ពុជា (CCIFC) ចំពោះការចូលរួមចំណែកលើកកម្ពស់វិស័យអប់រំនៅកម្ពុជា ដោយគូសបញ្ជាក់នូវការរំពឹងទុកថា តាមរយៈកិច្ចសហប្រតិបត្តិការថ្មីនេះ ការរៀន និងបង្រៀនភាសាបារាំងនៅកម្ពុជា នឹងកាន់តែរីកចម្រើនឡើងមួយកម្រិតទៀត៕អត្ថបទ៖ហ្សាលីន

The post កម្ពុជា-បារាំង ចុះMoU រួមគ្នាជំរុញលើកកម្ពស់ទំនាក់ទំនងរវាងវិស័យអប់រំ និងវិស័យឯកជន appeared first on .