លោក ហោ ដារ៉េត អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានឱ្យដឹងថា កិច្ចសហប្រតិបត្តិការនេះ មានគោលបំណងពង្រឹងទំនាក់ទំនងធុរកិច្ច និងបង្កើនឱកាសសម្រាប់ការតាំងបង្ហាញ ផ្សព្វផ្សាយ និងលក់ផលិតផលរបស់ប្រទេសទាំងពីរ ព្រមទាំងជំរុញការផ្គត់ផ្គង់ផលិតផលពីវៀតណាមចូលទីផ្សារកម្ពុជា និងការនាំចេញកសិផល និងផលិតផលមានសក្តានុពលរបស់កម្ពុជាទៅកាន់ទីផ្សារវៀតណាម និងទីផ្សារអន្តរជាតិផ្សេងទៀត។

ជាមួយគ្នានេះ ភាគីទាំងពីរបានពិភាក្សាអំពីការសម្របសម្រួលឯកសារ និងនីតិវិធីនាំចូល-នាំចេញ ការអនុលោមតាមបទប្បញ្ញត្តិច្បាប់ និងស្តង់ដាគុណភាព ព្រមទាំងការរៀបចំយន្តការធានាការទូទាត់រវាងពាណិជ្ជករនៃប្រទេសទាំងពីរ។ ក្នុងនោះ មានការលើកឡើងអំពីលទ្ធភាពប្រើប្រាស់លិខិតឥណទាន (Letter of Credit – L/C) តាមរយៈធនាគារ ដើម្បីកាត់បន្ថយហានិភ័យ និងបង្កើនទំនុកចិត្តក្នុងប្រតិបត្តិការទិញ-លក់ទំនិញ។

លើសពីនេះ ភាគីទាំងពីរបានពិភាក្សាអំពីលទ្ធភាពអនុវត្តយន្តការបង់កម្រៃតាមភាគរយនៃការលក់ ឬលទ្ធផលអាជីវកម្ម ដោយកាត់បន្ថយការចំណាយដំបូងរបស់ពាណិជ្ជករ សំដៅលើកទឹកចិត្តឱ្យសហគ្រាសធុនតូច និងមធ្យមចូលរួមដាក់តាំងបង្ហាញ និងលក់ផលិតផលនៅមជ្ឈមណ្ឌលពាណិជ្ជកម្មដែលគ្រោងបង្កើតនៅរាជធានីភ្នំពេញ៕ អត្ថបទ៖ហ្សាលីន

The post កម្ពុជា-វៀតណាម ជំរុញការនាំចេញ និងនាំចូលផលិតផលសក្តានុពលទៅកាន់ទីផ្សាររវាងប្រទេសទាំងពីរ appeared first on .

ជាមួយគ្នានេះ អគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន បានចាត់បញ្ជូនមន្ត្រីចំនួន ២ រូប ក្នុងនោះមាន មួយរូបមកពីនាយកដ្ឋានអនុវត្តច្បាប់ និងមួយរូបមកពីមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ឱ្យចូលរួមប្រចាំការនៅទីក្រុងហាណូយ ក្នុងប្រតិបត្តិការក្រោមគម្រោង SMCC នេះ។

ពិធីបិទនេះមានការពិនិត្យ និងវាយតម្លៃលទ្ធផលនៃការអនុវត្តសកម្មភាពក្រោមក្របខ័ណ្ឌ SMCC ការចែករំលែកព័ត៌មាន និងបទពិសោធន៍ពាក់ព័ន្ធនឹងស្ថានភាពគ្រឿងញៀន ព្រមទាំងពិភាក្សាអំពីទិសដៅ និងផែនការសកម្មភាពសហប្រតិបត្តិការសម្រាប់ឆ្នាំ២០២៧ និងដំណាក់កាលបន្ទាប់។

ការចូលរួមអនុវត្ត និងការចាត់បញ្ជូនមន្ត្រីឱ្យចូលរួមប្រចាំការក្នុងក្របខ័ណ្ឌគម្រោងនេះ បានបង្ហាញពីការបន្តយកចិត្តទុកដាក់របស់កម្ពុជាក្នុងការពង្រឹងកិច្ចសហប្រតិបត្តិការជាមួយបណ្តាប្រទេសក្នុងតំបន់ ដើម្បីរួមគ្នាទប់ស្កាត់ និងបង្ក្រាបបទល្មើសគ្រឿងញៀនឆ្លងដែន តាមរយៈការសម្របសម្រួលប្រតិបត្តិការ ការផ្លាស់ប្តូរព័ត៌មាន និងការពង្រឹងសមត្ថភាពរបស់មន្ត្រីអនុវត្តច្បាប់ សំដៅរួមចំណែកក្នុងការថែរក្សាសន្តិសុខ សុវត្ថិភាព និងស្ថិរភាពក្នុងតំបន់ទន្លេមេគង្គ។

The post គណៈប្រតិភូកម្ពុជា ចូលរួមពិធីបិទផែនការប្រតិបត្តិការគម្រោងមជ្ឈមណ្ឌលសម្របសម្រួលសុវត្ថិភាពទន្លេមេគង្គ (SMCC) នៅទីក្រុងហាណូយ ប្រទេសវៀតណាម appeared first on .

ក្នុងជំនួបនោះ លោកអគ្គនាយករង បានគូសបញ្ជាក់អំពីច្បាប់ស្តីពីវិនិយោគនៃព្រះរាជាណាចក្រកម្ពុជាថ្មី ដែលបានផ្តល់ការលើកទឹកចិត្តជាច្រើនដល់វិនិយោគិន ព្រមទាំងបានថ្លែងអំណរគុណដល់គណៈប្រតិភូធុរកិច្ចសម្រាប់ជំនួបដ៏មានអត្ថន័យនេះ និងបានលើកទឹកចិត្តឱ្យបន្តកិច្ចសហប្រតិបត្តិការជាមួយក្រសួងពាណិជ្ជកម្មបន្ថែមទៀត។

គណៈប្រតិភូធុរកិច្ចនៃក្រុមហ៊ុន Mekong Tay Ninh Co., Ltd. បានធ្វើបទបង្ហាញជូនថ្នាក់ដឹកនាំក្រសួងពាណិជ្ជកម្មស្តីពី ផែនការអនុវត្ត និងព័ត៌មានលម្អិតពាក់ព័ន្ធនឹងគម្រោង «Cambodia-Vietnam Factory Showroom (CVFS)» ដែលជាកន្លែងតាំងបង្ហាញ និងផ្សព្វផ្សាយផលិតផលរបស់កម្ពុជា និងវៀតណាម ព្រមទាំងជាទីតាំងសម្រាប់ជួយសម្របសម្រួលការភ្ជាប់ទំនាក់ទំនងរវាងអ្នកផលិត អ្នកផ្គត់ផ្គង់ អ្នកចែកចាយ និងអ្នកទិញនៃប្រទេសទាំងពីរ។

ជាមួយគ្នានេះ ក្រុមហ៊ុនគ្រោងនឹងបង្កើតអគារតាំងបង្ហាញនេះឡើង នៅអាសយដ្ឋានផ្ទះលេខ 14E0E1E2 ផ្លូវលេខ ២១៧ កែងផ្លូវលេខ ២៩០ សង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ ដោយគ្រោងរៀបចំការតាំងបង្ហាញផលិតផលក្នុងសមាមាត្រ ៦០% ជាផលិតផលវៀតណាម និង ៤០% ជាផលិតផលកម្ពុជា៕

The post ក្រុមហ៊ុនមួយរបស់វៀតណាម គ្រោងសាងសង់អគារដាក់តាំងបង្ហាញផលិតផលវៀតណាម ៦០% និង ៤០% ជាផលិតផលកម្ពុជា appeared first on .

វេទិកាធុរកិច្ចនេះ រៀបចំឡើងក្នុងគោលបំណងជំរុញកិច្ចសហប្រតិបត្តិការសេដ្ឋកិច្ចកម្ពុជា-វៀតណាម ឱ្យកាន់តែរីកចម្រើន ដោយផ្តោតសំខាន់:បន្តដំឡើងកម្រិតពាណិជ្ជកម្មទ្វេភាគី ឆ្ពោះទៅរកគោលដៅ ២០ ប៊ីលានដុល្លារអាម៉េរិក តាមរយៈការរួមគ្នាប្រែក្លាយការតភ្ជាប់ផ្លូវ ទៅជា ការតភ្ជាប់ខ្សែច្រវាក់ផលិតកម្ម និងឧស្សាហកម្មរួមគ្នា, ជំរុញការវិនិយោគលើវិស័យកសិ-ឧស្សាហកម្ម ឡូជីស្ទិក ថាមពលស្អាត និងទេសចរណ៍ជាដើម។

សូមជម្រាប់ដែរថា តាមរយៈវេទិកាខាងលើ កម្ពុជា-វៀតណាម ក៏មានការផ្លាស់ប្តូរវិញ្ញាបនបត្រ និងឯកសារកិច្ចសហប្រតិបត្តិការសំខាន់ៗ ចំនួន ៣ ដើម្បីពង្រីកធុរកិច្ចទ្វេភាគី មាន៖ ១-ក្រសួងហិរញ្ញវត្ថុវៀតណាម ជាមួយក្រុមហ៊ុន Truong Hai Agriculture JSC (THACO AGRI), Truong Hai Group ២-ក្រុមហ៊ុន CAIC (ព្រលានយន្តហោះអន្តរជាតិតេជោ) ជាមួយក្រុមហ៊ុន Vietnam Airlines និង ៣-ក្រុមហ៊ុន Angkor Data Communication Group កម្ពុជា ជាមួយ Vietnam Posts and Telecommunications Group (VNPT) Group វៀតណាម៕ អត្ថបទ៖ហ្សាលីន

The post កម្ពុជា-វៀតណាម នឹងរួមគ្នាជំរុញការវិនិយោគលើវិស័យកសិ-ឧស្សាហកម្ម ឡូជីស្ទិក ថាមពលស្អាត និងទេសចរណ៍ appeared first on .

ក្រសួងការបរទេសបានឱ្យដឹងថា ក្នុងឱកាសទស្សនកិច្ចនេះ លោក ឡេ មិញ ហ៊ឹង នឹងចូលគាល់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ជាទីបំផុត នៅក្នុងព្រះបរមរាជវាំង។

លោកនាយករដ្ឋមន្ត្រីវៀតណាម ក៏នឹងចូលជួបសម្តែងការគួរសមដាច់ដោយឡែកពីគ្នាចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហារដ្ឋសភាធិការធិបតី យួន សុដារី ប្រធានរដ្ឋសភា និងជួបពិភាក្សាទ្វេភាគីជាមួយ សម្តេចធិបតីនាយករដ្ឋមន្ត្រី។ ថ្នាក់ដឹកនាំនៃប្រទេសទាំងពីរ នឹងពិភាក្សាអំពីការពង្រឹងទំនាក់ទំនងឱ្យកាន់តែជិតស្និទ្ធ និងពង្រីកកិច្ចសហប្រតិបត្តិការដែលផ្តល់ផលប្រយោជន៍ ទៅវិញទៅមក ព្រមទាំងផ្លាស់ប្តូរទស្សនៈលើបញ្ហាតំបន់ និងអន្តរជាតិនានាដែលជាការយកចិត្តទុកដាក់រួម។

បើតាមក្រសួងការបរទេស ទស្សនកិច្ចរបស់ លោក ឡេ មិញហ្នឹង នឹងពង្រឹងបន្ថែមទៀតនូវទំនាក់ទំនងដ៏ជិតស្និទ្ធរវាងកម្ពុជា និងវៀតណាម ព្រមទាំងរឹតចំណងសាមគ្គីភាព និងបញ្ជាក់អំពីការប្តេជ្ញារួមរបស់ប្រទេសទាំងពីរ ក្នុងការបន្ត ពង្រឹង និងធ្វើឱ្យកាន់តែស៊ីជម្រៅនូវទំនាក់ទំនងទ្វេភាគី៕

The post នាយករដ្ឋមន្ត្រីវៀតណាម នឹងមកបំពេញទស្សនកិច្ចផ្លូវការនៅកម្ពុជា នាសប្តាហ៍នេះ appeared first on .

ការចុះហត្ថលេខានេះ រដ្ឋាភិបាល នៃសាធារណរដ្ឋសង្គមនិយមវៀតណាម បានសម្រេចផ្តល់អំណោយនូវគម្រោងសាង់សង់អគារថ្មី និងការជួសជុលកែលម្អ ហេដ្ឋារចនាសម្ព័ន្ធ ដែលមានស្រាប់ ក្នុងបរិវេណ «សាលាមិត្តភាពកម្ពុជា-វៀតណាម» រួមមាន៖ ការសាងសង់បន្ទប់សិក្សាថ្មី ចំនួន ៨០បន្ទប់ បន្ទប់ពិសោធន៍ចំនួន១ និងបន្ទប់កុំព្យូទ័រចំនួន ១ សម្រាប់សាលាបឋមសិក្សា និងសាងសង់បន្ទប់សិក្សាថ្មី ចំនួន ២៤បន្ទប់ បន្ទប់ពិសោធន៍ចំនួន ១ បន្ទប់កុំព្យូទ័រចំនួន ១ សម្រាប់សាលាអនុវិទ្យាល័យ ជួសជុលបន្ទប់រៀន ដែលមានស្រាប់ចំនួន ១៥បន្ទប់ នៅក្នុងអគារសម្តេចតេជោ សាងសង់អគារកីឡាពហុបំណងចំនួន ១ និងអគាររដ្ឋបាលរួមចំនួន ១ (សម្រាប់សាលាទាំងពីរថ្នាក់) ព្រមទាំងបំពាក់សម្ភារបរិក្ខារ ចាំបាច់មួយចំនួនទៀតសម្រាប់បម្រើដល់ការបង្រៀន និងរៀនរបស់លោកគ្រូ អ្នកគ្រូ និងសិស្សានុសិស្សសរុបប្រមាណជាង ៥,៥០០នាក់។

យោងតាមលោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ បានឱ្យដឹងថា ភាគីវៀតណាមបញ្ជាក់ថា គម្រោងនេះ នឹងប្រើប្រាស់ថវិកាសរុបចំនួន ៨លានដុល្លាអាមេរិច និងមានរយៈពេលសាងសង់ប្រមាណ១ឆ្នាំ ដែលបញ្ជាការដ្ឋានយោធាទីក្រុងហូជីមិញ ជាអ្នកទទួលបន្ទុកសាងសង់។ ជាមួយគ្នាដែរ ដើម្បីឱ្យគម្រោងអាចដំណើរការ ទៅដោយរលូន ឯកឧត្តមឧត្តមសេនីយ៍ត្រី ក៏បានស្នើសុំការសម្របសម្រួល ពីរដ្ឋបាលរាជធានីភ្នំពេញ លើការងារចាំបាច់មួយចំនួនផងដែរ។

រដ្ឋបាលរាជធានីភ្នំពេញ បានចាត់ទុកថា«សាលាមិត្តភាពកម្ពុជា-វៀតណាម» មិនត្រឹមតែបានរួមចំណែក បម្រើដល់វិស័យអប់រំនិងការបណ្តុះបណ្តាលធនធានមនុស្ស នៅកម្ពុជាប៉ុណ្ណោះទេ ប៉ុន្តែថែមទាំងបានឆ្លុះបញ្ចាំងយ៉ាងច្បាស់ អំពីស្មារតីសាមគ្គីភាព មិត្តភាព ទឹកចិត្តគោរ ពស្រឡាញ់រាប់អានការផ្តល់តម្លៃឱ្យគ្នា និងកិច្ចសហប្រតិបត្តិការល្អ រវាងកម្ពុជា និងវៀតណាម ក្នុងនាមជាប្រទេសជិតខាង និងជាបងប្អូនល្អស្របតាម ទិសស្លោក «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយរឹងមាំយូរអង្វែង»៕ 

The post កម្ពុជា-វៀតណាម ចុះអនុស្សរណៈអនុវត្តគម្រោងសាងសង់សាលាមិត្តភាពកម្ពុជា ក្នុងតម្លៃ៨លានដុល្លារ appeared first on .

នេះបើតាមកិច្ចប្រជុំពិភាក្សាទ្វេភាគីរវាងក្រសួងសាធារណការ និងដឹកជញ្ជូនកម្ពុជា និងក្រសួងសំណង់វៀតណាម នៅរដ្ឋធានីហាណូយ សាធារណរដ្ឋសង្គមនិយមវៀតណាម នាព្រឹកថ្ងៃទី៤ ខែកញ្ញា ឆ្នាំ២០២៦ តបតាមការអញ្ជើញរបស់លោក ត្រាន ហុង មិញ រដ្ឋមន្រ្តីក្រសួងសំណង់នៃសាធារណរដ្ឋសង្គមនិយមវៀតណាម។

ឆ្លៀតក្នុងឱកាសនោះដែរ ភាគីទាំងពីរបានប្ដេជ្ញាចិត្តក្នុងការបន្តកិច្ចសហប្រតិបត្តិការល្អ តាមរយៈការបន្តពង្រឹង និងពង្រីកហេដ្ឋារចនាសម្ព័ន្ធដឹកជញ្ជូនដើម្បីរួមចំណែក ឆ្ពោះទៅសម្រេចឱ្យបានទំហំពាណិជ្ជកម្មទ្វេភាគី ២០ពាន់លានដុល្លារអាម៉េរិក នាពេលខាងមុខ។

សូមជម្រាបថា ប្រមុខរដ្ឋាភិបាលកម្ពុជានិងវៀតណាម ធ្លាប់បានឯកភាពគ្នា និងឈរលើមូលដ្ឋានកម្រិតកិច្ចសហប្រតិបត្តិការ «អ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងយូរអង្វែងប្រកបដោយចីរភាព» ដោយសម្រេចឱ្យបានទំហំពាណិជ្ជកម្មទ្វេភាគី ២០ពាន់លានដុល្លារអាម៉េរិក នាពេលខាងមុខនេះ។

គិតត្រឹម៧ខែ ឆ្នាំ២០២៦នេះ ទំហំពាណិជ្ជកម្មកម្ពុជា-វៀតណាម សម្រេចបានចំនួន៥,៣៥៣លានដុល្លារ កើនចំនួន៨.២ភាគរយ បើធៀបនឹងរយៈពេលដូចគ្នា នៅឆ្នាំ២០២៥ មានចំនួន៤,៩៤៧លានដុល្លារ។ ក្នុងនោះ កម្ពុជាបាននាំចេញទំនិញ ទៅកាន់ប្រទេសវៀតណាម ក្នុងទំហំទឹកប្រាក់២,៧៣២លានដុល្លារ កើនឡើងចំនួន១២.៤ភាគរយ បើធៀបនឹងរយៈពេលដូចគ្នា នៅឆ្នាំ២០២៥ មានចំនួន២,៤៣១លានដុល្លារ។

ដោយឡែក ការនាំចូលទំនិញវៀតណាម ចូលមកកាន់ប្រទេសកម្ពុជាវិញ ក្នុងរយៈពេល៧ខែ ឆ្នាំ២០២៦នេះ ក្នុងទំហំទឹកប្រាក់ចំនួន២,៦២០លានដុល្លារ មានការកើនឡើងចំនួន៤.២ភាគរយ​ បើធៀបនឹងរយៈពេលដូចគ្នា នៅក្នុងឆ្នាំ២០២៥ មានចំនួន២,៥១៦លានដុល្លារ។

ផលិតផល​សំខាន់ៗ​របស់​កម្ពុជា ដែល​នាំចេញទៅប្រទេស​វៀតណាម រួមមាន ​ស្រូវ​ កៅស៊ូ ​ស្វាយចន្ទី ​ដំឡូងមី ពោត ចេក ស្វាយ ថ្នាំជក់ ​ចំណែក​ឯវៀតណាម​នាំចូលមក​វិញ រួមមាន សម្ភារ​សំណង់ គ្រឿង​ម៉ាស៊ីន ប្រេង​ឥន្ធនៈ ឧបក​រណ៍​អេឡិចត្រូនិក​-​អគ្គិសនី ជី​កសិកម្ម គ្រឿងទេស និង​បន្លែ ផ្លែឈើ ជាដើម៕

The post កម្ពុជា-វៀតណាម បន្តប្ដេជ្ញាចិត្តពង្រីកទំហំពាណិជ្ជកម្មទ្វេភាគីឱ្យឈានដល់ ២០ពាន់លានដុល្លារអាម៉េរិក នាពេលខាងមុខ appeared first on .

ក្នុងឱកាសដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជនកម្ពុជា បំពេញទស្សនកិច្ចការងារផ្សព្វផ្សាយសក្តានុពលទេសចរណ៍កម្ពុជា និងយុទ្ធនាការ «ទស្សនាកម្ពុជានារដូវកាលបៃតង» ព្រមទាំងលើកកម្ពស់កិច្ចសហប្រតិបត្តិការទេសចរណ៍ជាមួយវៀតណាម និងបណ្តាប្រទេសក្នុងតំបន់ កាលពីថ្ងៃទី២៧ ខែសីហា លោក ហួត ហាក់ រដ្ឋមន្ត្រីក្រសួងទេសចរណ៍ បានគូសបញ្ជាក់ថាទេសចរណ៍ MICE គឺជាវិស័យដ៏មានសារៈសំខាន់ក្នុងការជំរុញកំណើនសេដ្ឋកិច្ច បង្កើតឱកាសវិនិយោគ ពង្រឹងការតភ្ជាប់ធុរកិច្ច ជំរុញការផ្ទេរចំណេះដឹង និងលើកកម្ពស់ការអភិវឌ្ឍសហគមន៍មូលដ្ឋាន។

លោកន្តថា ការអភិវឌ្ឍទេសចរណ៍ MICE នាពេលអនាគត គួរផ្តោតលើអាទិភាពសំខាន់ចំនួន៣ រួមមាន ការច្នៃប្រឌិត (Innovation) និរន្តរភាព (Sustainability) និង ការតភ្ជាប់ (Connectivity) ដើម្បីបង្កើតតម្លៃរយៈពេលវែងសម្រាប់សេដ្ឋកិច្ច ប្រជាពលរដ្ឋ និងវិស័យទេសចរណ៍ក្នុងតំបន់។

ទន្ទឹមនឹងនេះ លោករដ្ឋមន្ត្រី ក៏បានគូសរំលេចអំពីសក្តានុពលនៃការអភិវឌ្ឍទេសចរណ៍ពហុគោលដៅ (Multi-destination Tourism) រវាងកម្ពុជា វៀតណាម និងបណ្តាប្រទេសក្នុងតំបន់មេគង្គ ដោយលើកទឹកចិត្តឱ្យប្រទេសជិតខាងមើលគ្នាទៅវិញទៅមកជាដៃគូយុទ្ធសាស្ត្រ និងជាគោលដៅទេសចរណ៍ដែលបំពេញបន្ថែមគ្នា ជាជាងជាគូប្រកួតប្រជែង ជាក់ស្តែងជាឧទាហរណ៍កិច្ចប្រជុំ ឬ សន្និសីទនៅទីក្រុងហូជីមិញ អាចភ្ជាប់ជាមួយដំណើរទស្សនកិច្ចលើកទឹកចិត្តទៅកាន់រាជធានីភ្នំពេញ ឬ​ ខេត្តសៀមរាប ដើម្បីផ្តល់បទពិសោធន៍ទេសចរណ៍កាន់តែសម្បូរបែបដល់ភ្ញៀវអន្តរជាតិ និងបង្កើនភាពទាក់ទាញនៃគោលដៅទេសចរណ៍ក្នុងតំបន់ទាំងមូល។

លោកបានបង្ហាញពីសក្តានុពលរបស់កម្ពុជាក្នុងការអភិវឌ្ឍជាគោលដៅសម្រាប់ការរៀបចំព្រឹត្តិការណ៍ MICE និងព្រឹត្តិការណ៍អន្តរជាតិធំៗ ដោយរាជធានីភ្នំពេញកំពុងអភិវឌ្ឍជាគោលដៅសម្រាប់កិច្ចប្រជុំ រដ្ឋាភិបាល និងធុរកិច្ចអន្តរជាតិ ខណៈខេត្តសៀមរាប តំបន់ឆ្នេរ តំបន់ទន្លេមេគង្គ និងតំបន់អេកូទេសចរណ៍ មានសក្តានុពលខ្ពស់សម្រាប់កម្មវិធីលើកទឹកចិត្ត និងដំណើរទស្សនកិច្ចមុន និងក្រោយសន្និសីទ។

ឆ្លៀតក្នុងឱកាសនោះ លោករដ្ឋមន្រ្តី ក៏បានអំពាវនាវដល់បណ្តាប្រទេសក្នុងតំបន់ ដៃគូទេសចរណ៍ វិស័យឯកជន និងអ្នករៀបចំព្រឹត្តិការណ៍អន្តរជាតិ បន្តពង្រឹងកិច្ចសហប្រតិបត្តិការលើការរៀបចំកញ្ចប់ទេសចរណ៍ MICE រួមគ្នា ការអនុវត្តស្តង់ដារទេសចរណ៍បៃតង ការប្រើប្រាស់បច្ចេកវិទ្យាឌីជីថល និងបញ្ញាសិប្បនិម្មិត (AI) ប្រកបដោយការទទួលខុសត្រូវ ព្រមទាំងការវិនិយោគលើការអភិវឌ្ឍធនធានមនុស្ស ដើម្បីធ្វើឱ្យវិស័យទេសចរណ៍ MICE ក្នុងតំបន់កាន់តែមានភាពប្រកួតប្រជែង ភាពធន់ និងរីកចម្រើនរួមគ្នាប្រកបដោយនិរន្តរភាព។

The post កម្ពុជាត្រៀមសហការរួមគ្នាជាមួយវៀតណាម និងប្រទេសតំបន់មេគង្គអភិវឌ្ឍជាគោលដៅសម្រាប់ការរៀបចំព្រឹត្តិការណ៍ MICE អភិវឌ្ឍជាទេសចរណ៍ពហុគោលដៅ appeared first on .

នេះបើតាមជំនួបរវាង លោក ហួត ហាក់ រដ្ឋមន្ត្រីក្រសួងទេសចរណ៍ ជាមួយលោក Nguyễn Quốc Kỳ ប្រធានក្រុមហ៊ុន Vietravel Corporation ដើម្បីរាយការណ៍ពីសកម្មភាពអាជីវកម្មក្រុមហ៊ុន និងស្នើសុំអនុសាសន៍ពីរដ្ឋមន្រ្តីលើកញ្ចប់ទស្សនកិច្ចថ្មីៗ របស់ខ្លូន «ទីក្រុងបុរាណ៣ ប្រទេស៣» ព្រមទាំងពង្រីកកិច្ចសហប្រតិបត្តិការក្នុងវិស័យទេសចរណ៍រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ឱ្យកាន់តែជាក់ស្តែង ប្រកបដោយប្រសិទ្ធភាព និងផ្តល់ផលប្រយោជន៍ទៅវិញទៅមក កាលពីថ្ងៃទី២៥ ខែសីហា ឆ្នាំ២០២៦។

ភាគីក្រុមហ៊ុន ក៏បានបង្ហាញការចាប់អារម្មណ៍ចំពោះសក្តានុពល និងភាពសម្បូរបែបនៃវិស័យទេសចរណ៍កម្ពុជា ដែលបានជម្រុញឱ្យក្រុមហ៊ុន បង្កើតកិច្ចសហការជាមួយក្រសួងទេសចរណ៍ និងវិស័យឯកជនកម្ពុជា ដើម្បីជំរុញការផ្លាស់ប្តូរភ្ញៀវទេសចរ ការផ្សព្វផ្សាយគោលដៅទេសចរណ៍ និងការអភិវឌ្ឍផលិតផលទេសចរណ៍រួមរវាងប្រទេសទាំងពីរ។

លោក ហួត ហាក់ បានវាយតម្លៃខ្ពស់ និងថ្លែងអំណរគុណដល់លោកប្រធាន និងក្រុមហ៊ុន ដែលបានជឿទុកចិត្តលើការដឹកនាំរបស់រាជរដ្ឋាភិបាលកម្ពុជា និងសក្តានុពលទេសចរណ៍សម្រាប់ការពង្រីកអាជីវកម្ម និងបណ្តាក់ទុនវិនិយោគរបស់ខ្លួន ស្របពេលដែលវិស័យទេសចរណ៍ ដែលទទួលបាននូវការលើកទឹកចិត្តជាច្រើន និងត្រូវបានចាត់ទុកជា «ជន្ទល់សេដ្ឋកិច្ច»។
គួរឱ្យដឹងថា តាមរយៈជំនួបប្រកបដោយផ្លែផ្កា ភាគីទាំងពីរ បានឯកភាពជំរុញកិច្ចសហប្រតិបត្តិការជាក់ស្តែង ដោយគម្រោងចុះ អនុស្សរណៈនៃការយោគយល់គ្នា (MoU) ស្តីកិច្ចសហប្រតិបត្តិការក្នុងវិស័យទេសចរណ៍ ដើម្បីពង្រឹងភាពជាដៃគូក្នុងវិស័យទេសចរណ៍ ដំណើរស្វែងយល់សក្តានុពលទេសចរណ៍កម្រិតថ្នាក់ដឹកនាំជាន់ខ្ពស់របស់ក្រុមហ៊ុនមកខេត្តសៀមរាប និងតំបន់ឆ្នេររបស់កម្ពុជា។

ជាងនេះទៅទៀត ភាគីទាំងពីរ បានពិភាក្សាផ្លាស់ប្តូរទស្សនៈស៊ីជម្រៅអំពីកញ្ចប់ទេសចរណ៍ “ទីក្រុងបុរាណ ៣ ក្នុងប្រទេស ៣” ដោយភ្ជាប់ទីក្រុងវេ (Huế) នៃប្រទេសវៀតណាម ទីក្រុងសៀមរាប នៃព្រះរាជាណាចក្រកម្ពុជា និងទីក្រុងហ្លួងព្រះបាង (Luang Prabang) នៃប្រទេសឡាវ ដើម្បីបង្កើតជាផលិតផលទេសចរណ៍ឆ្លងប្រទេស ប្រកបដោយភាពទាក់ទាញ និងច្នៃប្រឌិតជាមួយជើងហោះហើរថ្មីសម្រាប់ទីក្រុងបុរាណទាំង៣ ក្នុងប្រទេសទាំង៣។ តាមរយៈកញ្ចប់ទស្សនកិច្ចថ្មីនេះ ពិតជាអាចជម្រុញកំណើនភ្ញៀវទេសចររវាងប្រទេសទាំង៣ ប្រទេសទី៣ និងពីគ្រប់ទិសទីនៃពិភពលោក។

The post ក្រុមហ៊ុនទេសចរណ៍ដ៏ធំ និងនាំមុខគេនៅវៀតណាមជាង៣ទសវត្ស ចាប់អារម្មណ៍សក្តានុពលទេសចរណ៍កម្ពុជាពង្រីកកញ្ចប់ទស្សនកិច្ចរបស់ខ្លួននៅកម្ពុជា appeared first on .

លោកវេជ្ជបណ្ឌិត Le huu song ប្រធានមន្ទីរពេទ្យ១០៨ បានឱ្យដឹងថាមន្ទីរពេទ្យមជ្ឈិម១០៨ ជាមន្ទីរពេទ្យធំមួយ ដែលផ្តល់សេវាសុខាភិបាលជូនថ្នាក់ដឹកនាំបក្ស រដ្ឋ យោធា របស់ប្រទេសវៀតណាមហើយក៏ទទួលព្យាបាលពលរដ្ឋទូទៅផងដែរ។ មន្ទីរពេទ្យមានវេជ្ជបណ្ឌិតជំនាញនិងឧបករណ៍វេជ្ជសាស្ត្រទំនើបៗ ក្នុងការព្យាបាលជំងឺ។ ក្នុងមួយថ្ងៃមន្ទីរពេទ្យទទួលអ្នកជំងឺពី២ ០០០ ទៅ២ ៥០០នាក់ ដែលជារួមក្នុងមួយឆ្នាំទទួលអ្នកជំងឺប្រមាណ១លាន២សែននាក់។

ក្រៅពីជាកន្លែងទទួលព្យាបាលអ្នកជំងឺ មន្ទីរពេទ្យមជ្ឈិម១០៨ដ៏ធំ និងទំនើបនេះ បានចូលរួមបណ្តុះបណ្តាលគ្រូពេទ្យផងដែរ។ មន្ទីរពេទ្យ១០៨ ក៏មានគម្រោងធ្វើកិច្ចសហប្រតិបត្តិការជាមួយមន្ទីរពេទ្យនៅកម្ពុជាផងដែរ។
 
សម្តេចប្រធានរដ្ឋសភា បានគូសបញ្ជាក់ថាដំណើរទស្សនកិច្ចរបស់គណៈប្រតិភូជាន់ខ្ពស់រដ្ឋសភាមកកាន់ប្រទេសវៀតណាមនាឱកាសនេះ ជាការអនុវត្តតាមកុងសង់ស៊ីស ដែលថ្នាក់ដឹកនាំប្រទេសទាំងពីរបានឯកភាពគ្នា ជាយុទ្ធសាស្រ្តនយោបាយ ដើម្បីឱ្យស្ថាប័ន ក្រសួង អង្គភាពទាំងអស់ ទាំងថ្នាក់ជាតិ និងថ្នាក់ក្រោមជាតិ នៃប្រទេសទំាងពីរពង្រឹងកិច្ចសហប្រតិបត្តិការគ្នាឱ្យចេញជាលទ្ធផលជាក់ស្តែង និងមានប្រសិទ្ធភាពបម្រើផលប្រយោជន៍ពលរដ្ឋ នៃប្រទេសទំាងពីរ។

វិស័យសុខាភិបាលដើរតួនាទីសំខាន់ណាស់ ក្នុងការភ្ជាប់ទំនាក់ទំនងពលរដ្ឋ និងពលរដ្ឋ។ ឆ្លៀតនៅក្នុងឱកាសនោះសម្តេចប្រធានរដ្ឋសភា ក៏បានអរគុណចំពោះបក្ស រដ្ឋ វៀតណាម ពិសេសកងទ័ពវៀតណាម ដែលបានពលីកម្មអាយុជីវិត ជួយរំដោះប្រជាពលរដ្ឋកម្ពុជាពីរណ្តៅមរណៈនៃរបបប្រល័យពូជសាសន៍ ប៉ុលពតកាលនៅថ្ងៃ៧មករាឆ្នាំ១៩៧៩។

ទន្ទឹមនឹងនោះ កម្ពុជាក៍បានផ្តល់ការគាំទ្រ និងចូលរួមសហការយ៉ាងសកម្ម ក្នុងយុទ្ធនាការ ៥០០ ថ្ងៃ ដើម្បីសហវែងរកអដ្ឋិធាតុយុទ្ធជនពលីវៀតណាមនៅកម្ពុជាផងដែរ៕

The post ប្រធានរដ្ឋសភាកម្ពុជា ធ្វើទស្សនកិច្ចនៅមន្ទីរពេទ្យមជ្ឈិមយោធា១០៨ ដើម្បីជំរុញទំនាក់ទំនងប្រជាពលរដ្ឋលើវិស័យសុខុមាលភាព appeared first on .