ស្ថានទូតអូស្រ្តាលី បានបញ្ជាក់បន្តថា កាលពីពេលថ្មីៗនេះ ស្ថានទូតអូស្ត្រាលីបានរៀបចំកិច្ចពិភាក្សាស្តីពីការវិនិយោគមួយ ដោយមានការចូលរួមពីតំណាងរដ្ឋាភិបាល តំណាងវិស័យឧស្សាហកម្ម និងវិស័យឯកជន ដើម្បីស្វែងរកកិច្ចសហការលើខ្សែសង្វាក់តម្លៃកសិ-ចំណីអាហារ។ យើងមានកិត្តិយសយ៉ាងខ្លាំងដែលបានស្តាប់ការចែករំលែកពី ឯកឧត្តម សាយ សំអាល់ ឧបនាយករដ្ឋមន្ត្រី និង ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាអនុប្រធានទី៣ នៃក្រុមប្រឹក្សាអភិវឌ្ឍន៍កម្ពុជា ដែលបានចែករំលែកនូវទស្សនៈស៊ីជម្រៅអំពីបរិយាកាសវិនិយោគ ទស្សនវិស័យសេដ្ឋកិច្ច និងឱកាសនៃវឌ្ឍនភាពនៅកម្ពុជា។

ស្ថានទូតបានសង្កត់ធ្ងន់ថា អូស្ត្រាលីកំពុងគាំទ្រភាពជាដៃគូពាណិជ្ជកម្ម និងការវិនិយោគឱ្យកាន់តែរឹងមាំជាមួយវិស័យកសិ-ចំណីអាហាររបស់កម្ពុជា ដែលរួមចំណែកដល់ការរីកចម្រើនប្រកបដោយចីរភាព និងវិបុលភាពរួមគ្នា។

សូមរម្លឹកដែរថា ទំហំពាណិជ្ជកម្មរវាង កម្ពុជា-អូស្ត្រាលី ក្នុងឆ្នាំ២០២៥ បានឈានដល់ ១,២ពាន់លានដុល្លារអាមេរិក ក្នុងនោះ​ទឹកប្រាក់​ប្រមាណ ៨៥០លានដុល្លារ គឺជាការនាំចេញរបស់កម្ពុជាទៅកាន់អូស្ត្រាលី៕ អត្ថបទ៖ហ្សាលីន

The post អូស្រ្តាលី គាំទ្រដល់ការវិនិយោគលើវិស័យកសិ-ចំណីអាហារ និងខ្សែសង្វាក់ផ្គត់ផ្គង់នៅកម្ពុជា appeared first on .

ការបញ្ជាក់បែបនេះរបស់ឯកឧត្តមឧបនាយករដ្ឋមន្ត្រី ធ្វើឡើងនៅក្នុងឱកាសអញ្ជើញជួបសំណេះសំណាលជាមួយសហគមន៍ខ្មែរ ចំនួនប្រមាណ១៥០នាក់ មកពីទីក្រុង Canberra ទីក្រុង Sydney ទីក្រុង Melbourne និងទីក្រុង Adelaide នៅប្រទេសអូស្ត្រាលី កាលពីថ្ងៃទី១៤ ខែមីនា ឆ្នាំ២០២៦។

នៅក្នុងឱកាសនេះផងដែរ ឯកឧត្តម បានពាំនាំនូវការសួរសុខទុក្ខពីសំណាក់ ព្រះករុណាព្រះមហាក្សត្រជាអម្ចាស់ជីវិតតម្កល់លើត្បូង សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត។ ការសួរសុខទុក្ខនេះ បានឆ្លុះបញ្ចាំងឱ្យឃើញពីស្មារតីយកចិត្តទុកដាក់ និងសេចក្តីកង្វល់របស់រាជរដ្ឋាភិបាល ចំពោះប្រជាពលរដ្ឋខ្មែរ ដោយបញ្ជាក់ពីគោលការណ៍ថា «មិនដែលបោះបង់បងប្អូនណាម្នាក់ឡើយ» ទោះបីជារស់នៅទីណាក៏ដោយ ព្រោះប្រជាជនកម្ពុជាគ្រប់រូប ជាផ្នែកមួយនៃមហាគ្រួសារខ្មែរ។

ឯកឧត្តមឧបនាយករដ្ឋមន្ត្រី ក៏បានថ្លែងអំណរគុណដល់ស្មារតីសាមគ្គីភាព និងការលើកទឹកចិត្តរបស់បងប្អូនសហគមន៍ខ្មែរ ក្នុងប្រទេសអូស្ត្រាលី ដែលដែលជាប្រភពនៃការគាំទ្រយ៉ាងរឹងមាំ ដល់កងទ័ពជួរមុខរបស់កម្ពុជា និងជួយពង្រឹងស្មារតីប្តូរផ្តាច់របស់ជាតិ។

ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា ទំនាក់ទំនងកម្ពុជា-អូស្រ្តាលី បានវិវត្តទៅជា «ភាពជាដៃគូដ៏ចាស់ទុំ និងទំនើប» ដែលត្រូវបានកសាងលើកលើមូលដ្ឋាន នៃចំណងការទូតជាង៧៤ឆ្នាំ ចាប់តាំងពីឆ្នាំ១៩៥២។ ឯកឧត្តម ក៏បានសម្តែងនូវក្តីសោមនស្សរីករាយ ក្នុងការអញ្ជើញមកបំពេញទស្សនកិច្ចផ្លូវការជាលើកដំបូង ក្នុងនាមជារដ្ឋមន្ត្រីការបរទេស និងសហប្រតិបត្តិការអន្តរជាតិ។

សូមជម្រាបជូនថា អំឡុងនៃដំណើរទស្សនកិច្ចនេះ ឯកឧត្តមឧបនាយករដ្ឋមន្ត្រី នឹងអញ្ជើញជួបពិភាក្សាទ្វេភាគីជាមួយបណ្តាថ្នាក់ដឹកនាំសំខាន់ៗរបស់ប្រទេសអូស្ត្រាលី ក្នុងនោះមានប្រធានរដ្ឋសភា រដ្ឋមន្ត្រីការបរទេស និងរដ្ឋមន្ត្រីការពារជាតិផងដែរ។ ជំនួបទាំងនេះ នឹងជួយពង្រឹងកិច្ចសហប្រតិបត្តិការលើគ្រប់វិស័យរវាងកម្ពុជា និងអូស្ត្រាលី ព្រមទាំងគាំទ្រដល់ការធ្វើឱ្យមានអាទិភាពផ្នែកសេដ្ឋកិច្ច និងការលើកកម្ពស់ផលប្រយោជន៍ជាតិស្នូលរបស់កម្ពុជា៕

The post ឧបនាយករដ្ឋមន្ត្រី ប្រាក់ សុខុន៖ ទំនាក់ទំនងកម្ពុជា-អូស្រ្តាលី បានវិវត្តទៅជា «ភាពជាដៃគូដ៏ចាស់ទុំ និងទំនើប» appeared first on .

នេះបើតាមរយៈជំនួប រវាង លោក ហួត ហាក់ រដ្ឋមន្រ្តីក្រសួងទេសចរណ៍ ជាមួយលោក Wayne Crosbie នាយកផ្នែកអន្តរជាតិ និងការអភិវឌ្ឍន៍ធុរកិច្ចនៃវិទ្យាស្ថាន វីលៀម អាងលីស និងសហការី កាលពីថ្ងៃទី២៦ ខែមករា ឆ្នាំ២០២៦។

ក្នុងឱកាសជំនួបនោះ រដ្ឋមន្រ្តីក្រសួងទេសចរណ៍បានថ្លែងអំណរគុណដល់វិទ្យាស្ថានក្នុងនាមជា ក្រុមហ៊ុនមួយក្នុងការផ្តល់ប្រឹក្សាយោបល់របស់សាលាវិជ្ជាជីវៈទេសចរណ៍ ដែលបានជួយរៀបចំកម្មវិធីសិក្សា ឯកសារសៀវភៅបណ្តុះបណ្តាល និងបណ្តុះបណ្តាលគ្រូបង្គោលរបស់សាលាវិជ្ជាជីវៈទេសចរណ៍ទាំង២ទីតាំង (រាជធានីភ្នំពេញ និងក្រុងព្រះសីហនុ) នាពេលកន្លងមក។

លោក Wayne Crosbie ក៏បានលើកឡើងនូវបញ្ហាប្រឈម និងបានផ្តល់នូវអនុសាសន៍ល្អៗមួយចំនួនជូនក្រសួងទេសចរណ៍ ដើម្បីជាធាតុចូលបន្ថែមក្នុងការដាក់ឱ្យអនុវត្តសាលាវិជ្ជាជីវៈទេសចរណ៍នាពេលខាងមុខ។

គូសបញ្ជាក់ផងដែរថា វិទ្យាស្ថាន វីលៀម អាងលីស ត្រូវបានបង្កើតឡើងក្នុងឆ្នាំ ១៩៤០។ វិទ្យាស្ថាន វីលៀម អាងលីស គឺជាមជ្ឈមណ្ឌលឯកទេសធំបំផុតនៅប្រទេសអូស្ត្រាលី សម្រាប់ការបណ្តុះបណ្តាលក្នុងវិស័យម្ហូបអាហារ ទេសចរណ៍ បដិសណ្ឋារកិច្ច។ បច្ចុប្បន្ន វិទ្យាស្ថាននេះត្រូវបានទទួលស្គាល់ជាវិទ្យាស្ថានអប់រំ និងបណ្តុះបណ្តាលឯកទេស ដែលផ្តល់នូវកម្មវិធីបណ្តុះបណ្តាលជាង ១៤៣ កម្មវិធី៕

The post មជ្ឈមណ្ឌលឯកទេសធំបំផុតនៅអូស្ត្រាលី ប្តេជ្ញាបណ្តុះបណ្តាលវិជ្ជាជីវៈក្នុងវិស័យម្ហូបអាហារ ទេសចរណ៍ និងបដិសណ្ឋារកិច្ចដល់កម្ពុជា តាមរយៈក្រសួងទេសចរណ៍ appeared first on .

ជាក់ស្តែង កាលពីថ្ងៃទី២១ ខែមករា ឆ្នាំ២០២៦  ស្ថានទូតអូស្ត្រាលី និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏ទើបតែបានសម្ពោធដាក់ឱ្យដំណើរការស្ថានីយផ្គត់ផ្គង់ទឹកស្អាត និងបណ្តាញចែកចាយទឹកស្អាតថ្មី ដែលធន់នឹងអាកាសធាតុ នៅស្រុកតាំងគោក ខេត្តកំពង់ធំ ដោយពង្រីកការផ្គត់ផ្គង់ទឹកស្អាតទៅដល់ប្រជាពលរដ្ឋជាង ១០.០០០ នាក់។

ស្ថានីយផ្គត់ផ្គង់ទឹកស្អាតពង្រ មានសមត្ថភាពផ្គត់ផ្គង់ទឹកស្អាត និងមានសុវត្ថិភាពសម្រាប់ការប្រើប្រាស់ក្នុង គ្រួសារ រួមទាំងដល់សាលារៀនចំនួន៤ និងមណ្ឌលសុខភាពចំនួន១ មូលដ្ឋាន នៅក្នុង ៧ ភូមិ ដែលរួមចំណែកដល់ គោលដៅរបស់កម្ពុជា ក្នុងការសម្រេចឱ្យបាននូវសកលកម្មទឹកស្អាតត្រឹមឆ្នាំ២០៣០ ព្រមទាំងពង្រឹងភាពធន់សហគមន៍ទៅនឹងគ្រោះទឹកជំនន់ និងរាំងស្ងួត។ ការវិនិយោគនេះជាផ្នែកមួយនៃភាពជាដៃគូរយៈពេលវែងរវាងអូស្ត្រាលី និងកម្ពុជា ក្នុងការពង្រីកសេវាផ្គត់ផ្គង់ទឹកស្អាតនៅតំបន់ជនបទ ដោយគាំទ្រប្រព័ន្ធផ្គត់ផ្គង់ទឹកស្អាតជាង ៩០ កន្លែងនៅទូទាំងប្រទេស និងបានជួយពលរដ្ឋកម្ពុជាជាង ១,២ លាននាក់ ឱ្យទទួលបានទឹកស្អាតដែលមានសុវត្ថិភាព និងតម្លៃសមរម្យ ក្នុងរយៈពេលមួយទសវត្សរ៍កន្លងមកនេះ។

លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា៖ “នេះជាសមិទ្ធផលថ្មីមួយទៀត ក្នុងការពង្រីកសេវាផ្គត់ផ្គង់ទឹកស្អាតដែលមានសុវត្ថិភាព តម្លៃសមរម្យ និងធន់នឹង អាកាសធាតុ ក្រោមការផ្តល់ហិរញ្ញប្បទានឥតសំណងរបស់រដ្ឋាភិបាលអូស្រ្តាលីដល់វិស័យឯកជន ហើយក៏ជានិម្មិតរូបមួយនៃភាពរីកចម្រើននៃចំណងទំនាក់ទំនងការទូតរវាងប្រទេសទាំងពីរ កម្ពុជា-អូស្រ្តាលី ដែលមានរយៈពេលជាង៧០ឆ្នាំមកហើយ។ អូស្ត្រាលីអនុវត្តវិធីសាស្ត្រហិរញ្ញប្បទាន និងផ្តល់ជំនួយបច្ចេកទេសប្រកបដោយភាពច្នៃប្រឌិត ដើម្បីទាក់ទាញការវិនិយោគឯកជន និងពង្រីកហេដ្ឋារចនាសម្ព័ន្ធទឹកស្អាតទៅកាន់តំបន់ ដែលកន្លងមកត្រូវបានមើលឃើញថាមិនមានសក្តានុពលសម្រាប់អាជីវកម្ម។ ការផ្តល់បដិភាគតម្លៃសេវាតំណភ្ជាប់បណ្តាញទឹកស្អាតសម្រាប់ប្រជាជនដែលកាន់បណ្ណក្រីក្រ និងស្ថាប័នសាធារណៈជួយឱ្យសហគមន៍ទទួលបានអត្ថប្រយោជន៍ពីប្រព័ន្ធទាំងនេះប្រកបដោយសមធម៌។

លោក ដេរិក យីប ឯកអគ្គរដ្ឋទូតអូស្ត្រាលីប្រចាំកម្ពុជា បានលើកឡើងថា៖ “ការទទួលបានទឹកស្អាតដែលអាចទុកចិត្តបានជាមូលដ្ឋានគ្រឹះនៃសុខុមាលភាព ផលិតភាព និងកំណើនសេដ្ឋកិច្ច។ អូស្ត្រាលីកំពុងជួយដល់ប្រតិបត្តិករឯកជន ក្នុងការផ្តល់សេវាក្នុងតំបន់ដែលមិនទាន់មានទឹកស្អាត ព្រមទាំងធានាថាគ្រួសារក្រីក្រអាចទទួលបានទឹកស្អាតប្រើប្រាស់ក្នុងតម្លៃសមរម្យ។ រោងចក្រទឹកស្អាតថ្មីនេះនឹងជួយលើកកម្ពស់សុខមាលភាពពលរដ្ឋឱ្យកាន់តែប្រសើរឡើង កាត់បន្ថយភាពងាយរងគ្រោះពីផលវិបាកនៃការប្រែប្រួលអាកាសធាតុ និងបង្កើតឱកាសថ្មីសម្រាប់គ្រួសារទទួលផលនៅក្នុងខេត្តកំពង់ធំ។”

សូមបញ្ជាក់ថា នៅទូទាំងប្រទេស ប្រមាណ ៥៥ ភាគរយនៃភូមិទាំងអស់មានសេវាផ្គត់ផ្គង់ទឹកស្អាត។ សម្រាប់ខេត្តកំពង់ធំ ការផ្គត់ផ្គង់ទឹកស្អាតគ្របដណ្តប់ប្រមាណ ៤៨ ភាគរយនៃភូមិ ហើយការពង្រីកបណ្តាញ និងសេវាកំពុងត្រូវបានធ្វើឡើងជាបន្តបន្ទាប់៕

The post អូស្រ្តាលី បន្តសហការជាមួយកម្ពុជា ពង្រីកសេវាទឹកស្អាតដែលមានតម្លៃសមរម្យ និងអាចទុកចិត្តបាននៅទូទាំងប្រទេស appeared first on .

ក្រសួងអប់រំ យុវជន និងកីឡា និងអង្គការយូនីសេហ្វ បានប្រកាសដាក់ឱ្យដំណើរការជាផ្លូវការថ្នាលឌីជីថល “ថ្នាលអភិវឌ្ឍសមត្ថភាព (CDP)” ដែលជាប្រព័ន្ធគ្រប់គ្រងការសិក្សាដែលត្រូវបានរៀបចំឡើងសម្រាប់គ្រូបង្រៀន គ្រូឧទ្ទេស និងបុគ្គលិកអប់រំនៅកម្ពុជា។  

ថ្នាលអភិវឌ្ឍសមត្ថភាពទូទាំងប្រទេសនេះនឹងអាចប្រើប្រាស់បានដោយអ្នកជំនាញផ្នែកអប់រំទាំងអស់ ដើម្បីពង្រឹងការបណ្តុះបណ្តាលគ្រូបង្រៀន និងជំរុញការរៀនសូត្របន្ត ដើម្បីបង្កើនគុណភាពការអប់រំសម្រាប់សិស្សានុសិស្ស។

គួរបញ្ជាក់ថា ថ្នាលអភិវឌ្ឍសមត្ថភាពគឺជាប្រព័ន្ធគ្រប់គ្រងការសិក្សាសម្រាប់គ្រូបង្រៀន គ្រូឧទ្ទេស និងបុគ្គលិកអប់រំនៅកម្ពុជា  ដែលត្រូវបានផ្ដួចផ្ដើមបង្កើតឡើងដោយក្រសួងអប់រំ យុវជន និងកីឡា ក្រោមការដឹកនាំរបស់នាយកដ្ឋានបរិវត្តកម្មឌីជីថល ដោយមានការគាំទ្រថវិកាពីភាពជាដៃគូសកលសម្រាប់ការអប់រំ និងសហភាពអឺរ៉ុបតាមរយៈមូលនិធិភាពជាដៃគូសម្រាប់អភិវឌ្ឍសមត្ថភាពវិស័យអប់រំ និងក្រសួងការបរទេសនិងពាណិជ្ជកម្មអូស្ត្រាលីតាមរយៈអង្គការយូនីសេហ្វ និងចូលរួមគាំទ្រផ្នែកបច្ចេកទេសពីអង្គការអប់រំពិភពលោក ។

តាមរយៈការធ្វើឌីជីថលរូបនីយកម្មការបណ្តុះបណ្តាលគ្រូបង្រៀន និងការអភិវឌ្ឍវិជ្ជាជីវៈ ក្រសួងអប់រំ បាននិងកំពុងផ្តល់សិទ្ធិអំណាចដល់អ្នកអប់រំ ជាមួយនឹងឧបករណ៍ ចំណេះដឹង ជំនាញ និងការគាំទ្រ ដើម្បីជំរុញការសិក្សា និងធ្វើឱ្យប្រសើរទ្បើងនូវលទ្ធផលសិក្សា ដែលកម្មវិធីនេះបានឆ្លុះបញ្ចាំងពីការប្តេជ្ញាចិត្តរបស់ក្រសួង ចំពោះនវានុវត្តន៍ សមធម៌ និងឧត្តមភាពក្នុងវិស័យអប់រំ។ អ្នកជំនាញផ្នែកអប់រំគ្រប់រូបទូទាំងប្រទេស អាចប្រើប្រាស់ថ្នាលអភិវឌ្ឍសមត្ថភាព ដើម្បីអភិវឌ្ឍសមត្ថភាពវិជ្ជាជីវៈរបស់ខ្លួនជាប្រចាំ សម្រាប់ជួយលើកកម្ពស់គុណភាពអប់រំដែលផ្តល់ជូនដល់សិស្សានុសិស្ស៕

The post អូស្ត្រាលី កំពុងគាំទ្រដំណើរការរបស់កម្ពុជាឆ្ពោះទៅកាន់ការអប់រំគ្រូបង្រៀនប្រកបដោយគុណភាពខ្ពស់ appeared first on .

សម្តេចបានឱ្យដឹងបែបនេះនៅក្នុងជំនួបពិភាក្សាការងារទ្វេភាគីជាមួយ លោក Anthony Albanese នាយករដ្ឋមន្ត្រីអូស្ត្រាលី កាលពីថ្ងៃទី២៧ ខែតុលា ឆ្នាំ២០២៥ ក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នៅថ្ងៃទី២៦-២៨ ខែតុលា ឆ្នាំ២០២៥។

ក្នុងឱកាសនៃជំនួបនោះ សម្ដេចធិបតីបានវាយតម្លៃខ្ពស់ចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការដ៏ល្អប្រសើររវាងកម្ពុជា និងអូស្ត្រាលី បន្ទាប់ពីជំនួបទ្វេភាគីរវាង សម្ដេចធិបតី និងលោក Anthony Albanese កាលពីខែមីនា ឆ្នាំ២០២៤ នៅទីក្រុងម៉ែលប៊ន ប្រទេសអូស្ត្រាលី។

សម្ដេចគូសបញ្ជាក់ថា ទំហំពាណិជ្ជកម្មរវាងប្រទេសទាំងពីរបានកើនឡើងដល់ជិត៦០០លានដុល្លារ ក្នុងឆ្នាំ២០២៤ និងបានអរគុណអូស្ត្រាលីដែលបានបង្កើនចំនួនអាហារូបករណ៍សម្រាប់និស្សិតកម្ពុជា តាមសំណើរបស់សម្តេចបវរធិបតី ពី ៥០កន្លែង ឡើងដល់ ៦២កន្លែង សម្រាប់ឆ្នាំ២០២៥។

លោកនាយករដ្ឋមន្ត្រីអូស្ត្រាលី បានឯកភាពចំពោះការវាយតម្លៃរបស់សម្ដេចធិបតី ចំពោះទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ នៅក្នុងវិស័យពាណិជ្ជកម្ម និងសេដ្ឋកិច្ច, សន្តិសុខ និងការពារជាតិ ព្រមទាំងការផ្លាស់ប្ដូរប្រជាជននិងប្រជាជន។

ទន្ទឹមនឹងនោះ ថ្នាក់ដឹកនាំទាំងពីរក៏បានឯកភាពបន្តពង្រឹង និងពង្រីកកិច្ចសហប្រតិបត្តិការកម្ពុជា-អូស្ត្រាលីថែមទៀតផងដែរ។

គួរបញ្ជាក់ថា គិតត្រឹមឆមាសទី១ ឆ្នាំ២០២៥នេះ ពោលចាប់ពីខែមករា រហូតដល់ខែមិថុនា ទំហំពាណិជ្ជកម្មកម្ពុជាជាមួយទីផ្សារអន្តរជាតិមានជាង៣០ពាន់លានដុល្លារ មានការកើនឡើងជាង១៧% បើធៀបរយៈពេលដូចគ្នាកាលពីឆ្នាំ២០២៤។ ទំនិញកម្ពុជាភាគច្រើននាំចេញទៅអូស្រ្តាលី មានដូចជា ផលិតផល​វាយ​ន​ភណ្ឌ កង់ និង​កសិកម្ម ចំណែក​ទំនិញ​កម្ពុជា​នាំចូល​មកវិញ​រួមមាន ផលិតផល​អេឡិចត្រូនិក ឱសថ និង​យានយន្ត ជា​ដើម​៕

The post សម្តេចធិបតី៖ ទំហំពាណិជ្ជកម្មកម្ពុជា-អូស្រ្តាលី បានកើនឡើងដល់ជិត៦០០លានដុល្លារ appeared first on .

ក្នុងឱកាសនៃជំនួបនោះ សម្ដេចធិបតីបានវាយតម្លៃខ្ពស់ចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការដ៏ល្អប្រសើររវាងកម្ពុជា និងអូស្ត្រាលី បន្ទាប់ពីជំនួបទ្វេភាគីរវាង សម្ដេចធិបតី និងលោក Anthony Albanese កាលពីខែមីនា ឆ្នាំ២០២៤ នៅទីក្រុងម៉ែលប៊ន ប្រទេសអូស្ត្រាលី។

សម្ដេចធិបតីបានគូសបញ្ជាក់ថា ទំហំពាណិជ្ជកម្មរវាងប្រទេសទាំងពីរបានកើនឡើងដល់ជិត៦០០លានដុល្លារ ក្នុងឆ្នាំ២០២៤ និងបានអរគុណអូស្ត្រាលីដែលបានបង្កើនចំនួនអាហារូបករណ៍សម្រាប់និស្សិតកម្ពុជា តាមសំណើរបស់សម្តេចធិបតី ពី ៥០កន្លែង ឡើងដល់ ៦២កន្លែង សម្រាប់ឆ្នាំ២០២៥។ សម្ដេចបានកត់សម្គាល់វឌ្ឍនភាពនៃកិច្ចសហប្រតិបត្តិការ ក្នុងវិស័យការពារជាតិ និងសន្តិសុខ ដោយនាវាចម្បាំង HMAS Ballarat របស់កងទ័ពជើងទឹកអូស្ត្រាលី បានចូលសំចតនៅកំពង់ផែស្វយ័តក្រុងព្រះសីហនុ និងបានធ្វើទស្សនកិច្ចនៅមូលដ្ឋានសមុទ្ររាម នាថ្ងៃទី១០-១៥ ខែតុលា ឆ្នាំ២០២៥កន្លងទៅ។

ជាការឆ្លើយតប លោកនាយករដ្ឋមន្ត្រីអូស្ត្រាលី បានឯកភាពចំពោះការវាយតម្លៃរបស់សម្ដេចធិបតី ចំពោះទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ នៅក្នុងវិស័យពាណិជ្ជកម្ម និងសេដ្ឋកិច្ច, សន្តិសុខ និងការពារជាតិ ព្រមទាំងការផ្លាស់ប្ដូរប្រជាជននិងប្រជាជន។ ជាមួយគ្នានេះ លោកនាយករដ្ឋមន្ត្រីអូស្ត្រាលីបានរំលឹកអំពីដំណើរទស្សនកិច្ចរបស់រូបឯកឧត្តមនៅកម្ពុជាចំនួន ៣លើកកន្លងមក និងបានកត់សម្គាល់អំពីសក្កានុពលរបស់កម្ពុជាក្នុងវិស័យទេសចរណ៍ផងដែរ។

លោកក៏បានវាយតម្លៃខ្ពស់ចំពោះកិច្ចប្រឹងប្រែងរបស់កម្ពុជាក្នុងការប្រយុទ្ធប្រឆាំងឧក្រិដ្ឋកម្មសាយប័រ និងការឆបោកតាមប្រព័ន្ធបច្ចេកវិទ្យា ដោយលោកនាយករដ្ឋមន្ត្រីអូស្ត្រាលីបានចាត់ទុកបញ្ហាទាំងនេះជាបញ្ហាប្រឈមរបស់ប្រទេសទាំងអស់។ លោកនាយករដ្ឋមន្ត្រីអូស្ត្រាលី ក៏បានស្វាគមន៍ការវិវត្តជាវិជ្ជមានចំពោះដំណោះស្រាយនៃជម្លោះព្រំដែនរវាងប្រទេសកម្ពុជានិងថៃ និងបានវាយតម្លៃខ្ពស់អំពីភាពជាអ្នកដឹកនាំរបស់សម្ដេចបវរធិបតី ក្នុងដំណើរការរកដំណោះស្រាយនេះ៕

The post ថ្នាក់ដឹកនាំកម្ពុជា-អូស្ត្រាលី ចាប់ដៃគ្នាឯកភាពពង្រឹងនិងពង្រីកកិច្ចសហប្រតិបត្តិការថែមទៀត appeared first on .

ស្ថានទូតអូស្រ្តាលីប្រចាំកម្ពុជា បានឱ្យដឹងតាមរយៈបណ្តាញសង្គមនាថ្ងៃទី៦ ខែតុលាថា អ្នកជំនាញពីកម្មវិធី CAPRED បានចូលរួមក្នុងសប្តាហ៍ថាមពលស្អាត ឆ្នាំ ២០២៥ ដើម្បីពិភាក្សាអំពីរបៀបដែលថាមពលស្អាតអាចគាំទ្រដល់កំណើនរបស់ប្រទេសកម្ពុជា ពង្រឹងតំបន់សេដ្ឋកិច្ចពិសេស និងបង្កើនប្រសិទ្ធភាពក្នុងការប្រើប្រាស់ថាមពល។

អូស្ត្រាលីគឺជាអ្នកឧបត្ថម្ភធំសម្រាប់សប្តាហ៍ថាមពលស្អាត ដែលជាវេទិការប្រមូលផ្តុំមន្ត្រីរាជរដ្ឋាភិបាល អាជីវកម្ម សង្គមស៊ីវិល និងដៃគូអភិវឌ្ឍន៍ ដើម្បីរូមគ្នាជំរុញឲ្យកម្ពុជាមានបរិស្ថានស្អាត បៃតង និងសេដ្ឋកិច្ចរីកចម្រើន។

សូមបញ្ជាក់ថា ប្រទេសកម្ពុជាកំពុងបង្កើនកិច្ចខិតខំប្រឹងប្រែងលើអន្តរកាលថាមពលស្អាត ដោយមានគោលដៅបង្កើនថាមពលកកើតឡើងវិញឱ្យបានរហូតដល់៧០ភាគរយ នៃសមត្ថភាពផលិតថាមពលក្នុងស្រុកទាំងអស់នៅត្រឹមឆ្នាំ ២០៣០។

អូស្ត្រាលីគឺជាប្រទេសនាំមុខគេផ្នែកថាមពលកកើតឡើងវិញ ដែលមានសមត្ថភាពផលិតថាមពលសូឡាតាមមនុស្សម្នាក់បានយ៉ាងខ្ពស់ ពោលគឺស្ថិតនៅក្នុងចំណោមប្រទេសដែលផលិតថាមពលសូឡាខ្ពស់បំផុតក្នុងពិភពលោក។ 

គួរឱ្យដឹងដែរថា ថាមពលស្អាត សំដៅលើការបង្កើតថាមពលតាមរយៈឧបករណ៍ដែលបញ្ចេញឧស្ម័នផ្ទះកញ្ចក់តិចតួចបំផុត ឬគ្មានកាបូនឌីអុកស៊ីត ក្នុងអំឡុងពេលដំណើរការផលិតថាមពល។ នៅក្នុងប្រទេសកម្ពុជា ប្រភពថាមពលស្អាតរួមមាន ថាមពលព្រះអាទិត្យ ថាមពលរហាត់ខ្យល់ និងថាមពលឡ​ជីវឧស្ម័នធម្មជាតិជាដើម៕

The post អូស្ត្រាលី និងកម្ពុជា សហការគ្នាដើម្បីអនាគតថាមពលស្អាត appeared first on .

ថ្មីៗនេះ អូស្ត្រាលីក៏បានរៀបចំសិក្ខាសាលាមួយស្តីពីការបណ្តុះបណ្តាលសមត្ថភាព សម្រាប់មន្ត្រីមកពី ក្រុមប្រឹក្សាអភិវឌ្ឍន៍កម្ពុជា (CDC) ដោយមានការគាំទ្រពី Austrade និងកម្មវិធី CAPRED ។ សិក្ខាសាលានេះបានផ្តល់ការបណ្តុះបណ្តាលសមត្ថភាពដល់មន្ត្រី CDC ដើម្បីលើកកម្ពស់សក្តានុពលការវិនិយោគរបស់កម្ពុជា ជាពិសេសនៅក្នុងវិស័យកសិកម្ម និងចំណីអាហារ ថាមពល ហេដ្ឋារចនាសម្ព័ន្ធ ធនធាន និងវិស័យអប់រំ។

នៅក្នុងសិក្ខាសាលានេះ អ្នកជំនាញវិនិយោគមកពី Austrade បានចែករំលែកបទពិសោធន៍របស់អូស្ត្រាលី ក្នុងការទាក់ទាញការវិនិយោគប្រកបដោយចីរភាព ចំណេះដឹងអំពីចំណាប់អារម្មណ៍របស់វិនិយោគិន ការអភិវឌ្ឍសំណើរគុណតម្លៃ និងកិច្ចគាំទ្រក្រោយវិនិយោគ។  

កិច្ចសហការនេះឆ្លុះបញ្ចាំងពី ការប្តេជ្ញាចិត្តរបស់អូស្ត្រាលីក្នុងការគាំទ្រកម្ពុជាដើម្បីពង្រឹងភាពធន់នៃសេដ្ឋកិច្ច និងការអភិវឌ្ឍប្រកបដោយបរិយាបន្ន។

សូមបញ្ជាក់ថា កម្ពុជាមានស្ថេរភាព ទាំងសេដ្ឋកិច្ច ម៉ាក្រូសេដ្ឋកិច្ច ស្ថេរភាពនយោបាយ។ ក្រៅពីសុខសន្តិភាព ស្ថេរភាពនិយោបាយ កម្ពុជាមានពលករ កម្មការី មានភាពវ័យក្មេង៦០% ដែលមានអាយុក្រោម៣៥ឆ្នាំ បើធ្រៀបធៀបប្រទេសទាំងអស់នៅតំបន់អាស៊ាន គឺកម្ពុជាក្មេងជាងគេ។ នេះជាហេតុផលមួយចំនួនដែលអ្នកវិនិយោគគួរវិនិយោគនៅកម្ពុជា ព្រោះកម្ពុជាគឺជាច្រកទ្វារឆ្ពោះទៅរកកំណើននៅក្នុងតំបន់អាស៊ីអាគ្នេយ៍។

ជាមួយនឹងភាពវិជ្ជមានរបស់កម្ពុជា ក្នុងរយៈពេល៦ខែ ឆ្នាំ២០២៥នេះ កម្ពុជាក៏បានទទួលនូវគម្រោងវិនិយោគ  សរុបចំនួន៣៧៣ គម្រោង ក្នុងទំហំទុនវិនិយោគសរុបប្រមាណ ៥,៨ប៊ីលានដុល្លារអាម៉េរិក និងអាចបង្កើតការងារបានប្រមាណ ២៥៥ពាន់កន្លែង។

ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់ សេដ្ឋកិច្ចពិសេសមានចំនួន ២១៦គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ១៥៧គម្រោង។

បើតាមក្រុមប្រឹក្សាអភិវឌ្ឍន៍កម្ពុជា ក្នុងឆមាសទី១ ឆ្នាំ២០២៥នេះ ការអនុម័តគម្រោងវិនិយោគមានការ កើនឡើងចំនួន ១៨៣គម្រោង ខណៈទុនវិនិយោគមានការកើនឡើងប្រមាណ ២,៥ប៊ីលានដុល្លារអាម៉េរិក ស្មើនឹង ប្រមាណ ៧៧% ធៀបនឹងរយៈពេលដូចគ្នាក្នុងឆ្នាំ២០២៤។ ក្នុងនោះ ទុនវិនិយោគមកពីប្រទេសចិនស្ថិតនៅលេខរៀងទី១ ដែលមានរហូតដល់ ៥៦,២៣% ខណៈកម្ពុជាស្ថិតនៅលេខរៀងទី២ ក្នុងទុន ២៩,៧៦%៕

The post អូស្ត្រាលី បានជួយបង្កើនសមត្ថភាពរបស់កម្ពុជាក្នុងការទាក់ទាញការវិនិយោគ  appeared first on .

ក្នុងឱកាសនោះ ភាគីទាំងពីរបានពិភាក្សាលើប្រធានបទសំខាន់ៗដូចជា ពាណិជ្ជកម្មទ្វេភាគី ឌីជីថលនីយកម្ម ការកសាងធនធានមនុស្ស អនាគតតំបន់ឥណ្ឌូប៉ាស៊ីហ្វិក សមភាពយេនឌ័រ។

ឆ្លៀតឱកាសនោះ លោកស្រីរដ្ឋមន្រ្តី ក៏បានលើកទឹកចិត្តឱ្យវិនិយោគិនអូស្រ្តាលីមកវិនិយោគក្នុងសួនឧស្សាហកម្មនៅកម្ពុជាផងដែរ។

ទន្ទឹមនឹងនោះ ភាគីទាំងពីរក៏បានផ្លាស់ប្តូរយោបល់លើប្រធានបទមួយចំនួនទៀតដូចជា បរិបទពាណិជ្ជកម្មសាកល ការធ្វើពិពិធកម្មទីផ្សារតាមរយៈការទាញយកប្រយោជន៍ពីទីផ្សារអាស៊ាន និងអាសិប ដោយសង្កត់ធ្ងន់លើប្រព័ន្ធពាណិជ្ជកម្មពហុភាគីនិយមដែលផ្អែកលើគោលការណ៍ច្បាប់ដើម្បីកសាងទំនុកចិត្តដល់វិស័យធុរកិច្ច។

សូមបញ្ជាក់ផងដែរថា ការនាំចេញរបស់កម្ពុជាទៅកាន់ប្រទេសអូស្ត្រាលីក្នុងឆ្នាំ២០២៤ មានទឹកប្រាក់ជិត ៥៩៨ លានដុល្លារ កើនឡើង ១៩,២ ភាគរយ បើធៀបនឹងរយៈពេលដូចគ្នាកាលពីឆ្នាំមុន ខណៈការនាំចេញរបស់កម្ពុជាទៅកាន់ប្រទេសអូស្ត្រាលីប្រមាណ ៤៨៧លានដុល្លារ កើនឡើង ៣១ ភាគរយ៕

The post រដ្ឋមន្រ្តីពាណិជ្ជកម្ម លើកទឹកចិត្តវិនិយោគិនអូស្រ្តាលីមកវិនិយោគក្នុងសួនឧស្សាហកម្មនៅកម្ពុជា appeared first on .