ការប្តេជ្ញានេះ បានធ្វើឡើងនៅក្នុងកិច្ចពិគ្រោះយោបល់ថ្នាក់ឧត្តមមន្ត្រីកម្ពុជា-អូស្ត្រាលី (Senior Officials’ Talks-SOTs) លើកទី៦ ដឹកនាំដោយ លោក អ៊ុង ឃាង រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងលោកស្រី Michelle Chan អនុរដ្ឋលេខាធិការនៃក្រសួងការបរទេស និងពាណិជ្ជកម្មអូស្ត្រាលី (DFAT) នៅទីស្តីការក្រសួងការបរទេស និងសហប្រតិបត្តិការអន្តរជាតិ កាលពីចុងសប្តាហ៍។

កិច្ចពិគ្រោះយោបល់នេះ ក៏មានការចូលរួមពីតំណាងក្រសួង-ស្ថាប័នពាក់ព័ន្ធរបស់កម្ពុជាចំនួន ៩ ឯកអគ្គរដ្ឋទូតអូស្ត្រាលីប្រចាំកម្ពុជា ព្រមទាំងមន្ត្រីនៃស្ថានទូតអូស្ត្រាលីប្រចាំកម្ពុជាផងដែរ។

នៅក្នុងជំនួបនោះ លោក ឡុង កែមវិចិត្រ អគ្គនាយកពាណិជ្ជកម្មអន្តរជាតិ ​បានជម្រាបជូនអំពីការកើនឡើងនៃទំហំពាណិជ្ជកម្មទ្វេភាគីរវាងកម្ពុជា និងអូស្ត្រាលី ទិសដៅកិច្ចសហប្រតិបត្តិការក្នុងក្របខណ្ឌទ្វេភាគី តំបន់ និងពហុភាគី ព្រមទាំងបានលើកជាសំណើមួយចំនួន សំដៅពង្រឹងការធ្វើសមាហរណកម្មរបស់កម្ពុជាទៅក្នុងខ្សែច្រវាក់តម្លៃក្នុងតំបន់ និងសកលលោក។

សូមជម្រាបដែរថា តាមរយៈកិច្ចពិភាក្សាខាងលើ ភាគីកម្ពុជា-អូស្រ្តាលី ទាំងពីរ បានសម្តែងនូវការពេញចិត្តចំពោះវឌ្ឍនភាពជាវិជ្ជមាននៃទំនាក់ទំនងដ៏យូរអង្វែងរវាងប្រទេសទាំងពីរ និងបានពិភាក្សាអំពីមធ្យោបាយនានា សំដៅពង្រឹង និងពង្រីកកិច្ចសហប្រតិបត្តិការឱ្យកាន់តែទូលំទូលាយថែមទៀត ក្នុងវិស័យអាទិភាព រួមមាន៖ សេដ្ឋកិច្ច ពាណិជ្ជកម្ម និងវិនិយោគ ការពារជាតិ និងសន្តិសុខ កសិកម្ម កសិ-ឧស្សាហកម្ម ថាមពលស្អាត អប់រំ និងការបោសសម្អាតមីនជាដើម៕អត្ថបទ៖ហ្សាលីន

The post កម្ពុជា-អូស្រ្តាលី រួមគ្នាពង្រីកកិច្ចសហប្រតិបត្តិការក្នុងវិស័យអាទិភាពឱ្យកាន់តែទូលំទូលាយថែមទៀត appeared first on .

ស្ថានទូតអូស្រ្តាលី បានបញ្ជាក់ដែរថា ប្រព័ន្ធទូរគមនាគមន៍ដែលមានប្រសិទ្ធភាព និងមានការគ្រប់គ្រងល្អ មានសារៈសំខាន់សម្រាប់ការអភិវឌ្ឍសេដ្ឋកិច្ចរយៈពេលវែង ការតភ្ជាប់ឌីជីថល អធិបតេយ្យភាព និងសុវត្ថិភាពសាធារណៈរបស់កម្ពុជា។

ទូតអូស្រ្តាលី បានបញ្ជាក់​ទៀតថា ថ្មីៗនេះ លោកឯកអគ្គរដ្ឋទូត យីប បានចូលរួមជាមួយ លោក​ ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ក្នុងសិក្ខាសាលាពិគ្រោះយោបល់ស្តីពីសេចក្តីព្រាងប្រកាសចំនួន ៣ ក្នុងវិស័យទូរគមនាគមន៍ ដែលត្រូវបានរៀបចំឡើងដោយមានការគាំទ្រពីកម្មវិធីភាពជាដៃគូដើម្បីហេដ្ឋារចនាសម្ព័ន្ធ (P4I) របស់អូស្ត្រាលី។ សេចក្តីព្រាងប្រកាសទាំងនេះតំណាងឱ្យជំហានដ៏សំខាន់មួយក្នុងការកែទម្រង់ការគ្រប់គ្រងវិសាលគមហ្វ្រេកង់វិទ្យុរបស់កម្ពុជា។

នាឱកាសនោះ អូស្ត្រាលី មានមោទនភាពក្នុងការធ្វើជាដៃគូជាមួយកម្ពុជា ខណៈដែលកម្ពុជាកំពុងពង្រឹងមូលដ្ឋានគ្រឹះសម្រាប់ហេដ្ឋារចនាសម្ព័ន្ធប្រកបដោយគុណភាពខ្ពស់ កំណើនសេដ្ឋកិច្ចប្រកបដោយចីរភាព និងក្របខ័ណ្ឌបទប្បញ្ញត្តិដែលមានភាពច្បាស់លាស់ និងអាចព្យាករបាន ដែលជួយបង្កើនទំនុកចិត្តដល់វិនិយោគិន និងប្រតិបត្តិករ។

បើតាមស្ថានទូតបានបញ្ជាក់ថា អូស្ត្រាលី នៅតែប្តេជ្ញាបន្តធ្វើការជាមួយរាជរដ្ឋាភិបាលកម្ពុជា ដើម្បីជំរុញការធ្វើបរិវត្តកម្មឌីជីថល ពង្រីកឱកាសសេដ្ឋកិច្ច និងធានាថាអត្ថប្រយោជន៍នៃការអភិវឌ្ឍទាំងនេះត្រូវបានចែករំលែកដល់ប្រជាជនគ្រប់រូប៕អត្ថបទ៖ហ្សាលីន

The post អូស្ត្រាលី នៅតែប្តេជ្ញាបន្តធ្វើការជាមួយរាជរដ្ឋាភិបាលកម្ពុជា ដើម្បីជំរុញការធ្វើបរិវត្តកម្មឌីជីថល appeared first on .

បើតាមស្ថានទូតអូស្រ្តលីប្រចាំកម្ពុជា នៅថ្ងៃទី៣១ ខែសីហា ឆ្នាំ២០២៦ បានបញ្ជាក់ថា ក្នុងអំឡុងពេលនៃដំណើរទស្សនកិច្ចនេះ លោកប្រធានសភាបានអញ្ជើញជួប សម្ដេចរដ្ឋសភាធិបតី ឃួន សុដារី ប្រធានរដ្ឋសភា និងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ដើម្បីពិភាក្សាអំពីការពង្រឹងទំនាក់ទំនងទ្វេភាគី កិច្ចសហប្រតិបត្តិការរវាងស្ថាប័ននីតិប្បញ្ញត្តិ ការលើកកម្ពស់ភាពចម្រុះនៃតំណាងរាស្រ្តក្នុងសភា ការពង្រឹងស្ថាប័នប្រជាធិបតេយ្យ វិស័យអប់រំ និងការចូលរួមរបស់យុវជន។

ជាមួយគ្នានេះ លោកប្រធានសភា ក៏បានជួបជាមួយអ្នកចូលរួមក្នុងកម្មវិធី “Generation Next” របស់មជ្ឈមណ្ឌលអាស៊ាន-អូស្ត្រាលី (ASEAN Australia Centre) និងបេក្ខនារីដែលឈរឈ្មោះសម្រាប់ការបោះឆ្នោត ដោយបានគូសបញ្ជាក់ពីការគាំទ្ររបស់អូស្ត្រាលីចំពោះថ្នាក់ដឹកនាំជំនាន់ក្រោយ ការលើកកម្ពស់ភាពជាអ្នកដឹកនាំរបស់ស្ត្រី និងការពង្រឹងទំនាក់ទំនងរវាងប្រជាជននិងប្រជាជននៅទូទាំងតំបន់។

សូមជម្រាបដែរថា ខណៈដែលអូស្ត្រាលី និងកម្ពុជាត្រៀមអបអរសាទរខួបលើកទី ៧៥ នៃទំនាក់ទំនងការទូត នៅឆ្នាំ ២០២៧ ដំណើរទស្សនកិច្ចនេះ ស្ថានទូតអូស្រ្តាលី ក៏បានបញ្ជាក់ជាថ្មីនូវជំហររបស់អូស្ត្រាលីថា អូស្រ្តាលី គឺជាដៃគូដ៏យូរអង្វែង ដែលអាចទុកចិត្តបាន និងគួរឱ្យជឿជាក់សម្រាប់កម្ពុជាផងដែរ៕អត្ថបទ៖ហ្សាលីន

The post ស្ថានទូតថា អូស្រ្តាលីជាដៃគូដ៏យូរអង្វែង ដែលអាចទុកចិត្ត និងគួរឱ្យជឿជាក់សម្រាប់កម្ពុជា appeared first on .

ស្ថានទូតអូស្រ្តាលី បានបន្តថា កម្ពុជាគឺជាប្រទេសផលិតគ្រាប់ស្វាយចន្ទីឆៅធំជាងគេលំដាប់ទីពីរនៅលើពិភពលោក ប៉ុន្តែមានតែ ៥ ភាគរយប៉ុណ្ណោះនៃទិន្នផលសរុបដែលត្រូវបានកែច្នៃនៅក្នុងប្រទេស។ការខ្វះខាតសមត្ថភាពកែច្នៃក្នុងស្រុកនេះ ធ្វើឱ្យកម្ពុជាបាត់បង់ចំណូលសក្តានុពលជាង ១២៥ លានដុល្លារអាមេរិកក្នុងមួយឆ្នាំ ខណៈដែលកសិករ និងពាណិជ្ជករនៅតែប្រឈមនឹងហានិភ័យពីការប្រែប្រួលតម្លៃទីផ្សារ។

ហេតុនេះហើយ ទើបអូស្ត្រាលីកំពុងសហការជាមួយក្រុមហ៊ុន Olam Food Ingredients (ofi) ដែលជាក្រុមហ៊ុនកសិពាណិជ្ជកម្មសកល មានចំណែកពី ២០ ទៅ ២៥ ភាគរយនៃទីផ្សារគ្រាប់ស្វាយចន្ទីពិភពលោក ដើម្បីបង្កើនសមត្ថភាពកែច្នៃគ្រាប់ស្វាយចន្ទីចំនួន ៨០ តោនក្នុងមួយថ្ងៃ និងជំរុញការវិនិយោគរហូតដល់ ១០ លានដុល្លារអាមេរិកក្នុងវិស័យកែច្នៃគ្រាប់ស្វាយចន្ទីនៅកម្ពុជា។នេះបើតាមការបញ្ជាក់បន្ថែមពីស្ថានទូតអូស្រ្តាលី។

ជាថ្មីម្តីម្តងទៀត បើតាមស្ថានទូតអូស្ត្រាលី ក៏បន្តប្តេជ្ញាទាក់ទាញការវិនិយោគប្រកបដោយគុណភាព ដែលបង្កើតការងារ និងគាំទ្រដល់អាជីវកម្ម ដើម្បីជួយកម្ពុជាកសាងសេដ្ឋកិច្ចរឹងមាំ និងវិបុលភាពផងដែរ៕ អត្ថបទ៖ហ្សាលីន

The post អូស្ត្រាលី ជំរុញការវិនិយោគរហូត ១០ លានដុល្លារ ជួយពង្រឹងសក្តានុពលនៃការកែច្នៃគ្រាប់ស្វាយចន្ទីនៅកម្ពុជា appeared first on .

នាឱកាសនោះ លោកឧបនាយករដ្ឋមន្ត្រី អូន ព័ន្ធមុនីរ័ត្ន បានវាយតម្លៃខ្ពស់ចំពោះរដ្ឋា ភិបាលអូស្ត្រាលី ដែលបានគាំទ្រកម្ពុជា ចាប់តាំងពីដំណើរការកសាងសន្តិភាព ការបង្រួបបង្រួមជាតិ នាដើម ទសវត្សរ៍ឆ្នាំ ១៩៩០ (សម័យកាលកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១-១៩៩២) រហូតមក ។ ទន្ទឹមនឹងការរួមចំណែកក្នុងការកសាងសន្តិភាព, ចាប់ពីឆ្នាំ ១៩៩២ មកដល់បច្ចុប្បន្ននេះ, រដ្ឋាភិបាលអូស្ត្រាលី បានផ្តល់ហិរញ្ញប្បទានឥតសំណងជូនរាជរដ្ឋាភិបាលកម្ពុជា មានទំហំសរុបប្រមាណជិត ២ ប៊ីលានដុល្លារ អូស្ត្រាលី(ប្រមាណ ១ ៣០០ លានដុល្លារអាម៉េរិក) សម្រាប់អភិវឌ្ឍន៍ដល់វិស័យផ្សេងៗរួមមាន៖ វិស័យអប់រំ, កសិកម្ម, កិច្ចគាំពារសង្គមហេដ្ឋារចនាសម្ព័ន្ធ, ការបោសសំអាតមីន និងវិស័យសុខាភិបាល។

ជាមួយគ្នានេះ លោកស្រីបណ្ឌិត Anne Aly បានវាយតម្លៃខ្ពស់ចំពោះកិច្ចសហប្រតិបត្តិការទ្វេភាគី និងចំណង មិត្តភាពដ៏រឹងមាំ កម្ពុជា-អូស្ត្រាលី ។ ឆ្នាំក្រោយនេះ គឺជាខួបលើកទី ៧៥ នៃចំណងមិត្តភាពការទូតរវាងប្រទេស ទាំងពីរ កម្ពុជា-អូស្ត្រាលី, តាមរយះចំណងមិត្តភាពនេះ ភាគីអូស្ត្រាលី នឹងបន្តពង្រឹង និងពង្រីកកិច្ចសហ ប្រតិបត្តិការជាមួយរដ្ឋាភិបាលកម្ពុជា ដោយផ្អែកតាមផែនការយុទ្ធសាស្ត្រសេដ្ឋកិច្ចអាស៊ីអាគ្នេយ៍របស់អូស្ត្រាលី ដល់ឆ្នាំ ២០៤០ ដែលកិច្ចសហប្រតិបត្តិការនេះនឹងផ្តោតលើតម្រូវការជាក់ស្តែង និងបន្តពង្រឹងកិច្ចសហប្រតិបត្តិ ការដែលមានស្រាប់ឱ្យកាន់តែរឹងមាំ ។

ភាគីទាំងពីរ ក៏បានពិភាក្សាអំពីការបន្តពង្រឹងកិច្ចសហប្រតិបត្តិការ តាមរយៈគម្រោង និងកម្មវិធីជំនួយ ដែលធានាបាននូវប្រសិទ្ធភាព និងនិរន្តភាព ឆ្លើយតបនឹងអាទិភាព ក៏ដូចបន្សំគ្នារវាងផែនការយុទ្ធសាស្ត្រអភិវឌ្ឍ ជាតិ ដើម្បីកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជាឆ្នាំ ២០៥០ របស់រាជរដ្ឋាភិបាលកម្ពុជា ជាមួយ នឹងផែនការយុទ្ធសាស្ត្រសេដ្ឋកិច្ចអាស៊ីអាគ្នេយ៍របស់អូស្ត្រាលី ឆ្នាំ ២០៤០ ៕អត្ថបទ៖ហ្សាលីន

The post គិតដល់បច្ចុប្បន្ន អូស្ត្រាលី បានផ្តល់ហិរញ្ញប្បទានឥតសំណងប្រមាណ ១ ៣០០ លានដុល្លារ ដល់កម្ពុជា appeared first on .

ក្នុងជំនួបពិភាក្សាការងារ រវាង ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ ជាមួយ លោកស្រី អ៊ែន អាលី រដ្ឋមន្រ្តីទទួលបន្ទុកកិច្ចការអភិវឌ្ឍន៍អន្តរជាតិ រដ្ឋមន្រ្តីទទួលបន្ទុកអាជីវកម្មខ្នាតតូច និងជារដ្ឋមន្រ្តីទទួលបន្ទុកកិច្ចការពហុវប្បធម៌នៃប្រទេសអូស្រ្តាលី កាលពីថ្ងៃទី៣០ កក្កដា បានសហការអំពីមធ្យោបាយក្នុងការពង្រឹងនិងពង្រីកកិច្ចសហប្រតិបត្តិការបន្ថែមទៀតលើវិស័យអាទិភាព រួមមាន ពាណិជ្ជកម្ម និងការវិនិយោគ កសិកម្ម កសិ-ឧស្សាហកម្ម ថាមពល ការអប់រំ និងការបោសសម្អាតមីន។ ជាមួយគ្នានេះ ភាគីទាំងពីរក៏បានផ្លាស់ប្តូរទស្សនៈលើបញ្ហាតំបន់ និងអន្តរជាតិ ដែលជាកង្វល់រួម។

ដោយឆ្នាំ២០២៧ខាងមុខ គឺជាខួបលើកទី៧៥ឆ្នាំ នៃការបង្កើតទំនាក់ទំនងការទូតនៃប្រទេសទាំងពីរ កម្ពុជា និងអូស្រ្តាលី បានប្តេជ្ញាចិត្តក្នុងការបន្តពង្រឹងទំនាក់ទំនងបន្ថែមទៀត។ ភាគីទាំងពីរត្រៀមរួចជាស្រេចក្នុងការរៀបចំសកម្មភាពរួម ដើម្បីអបអរសាទរព្រឹត្តិការណ៍ជាប្រវត្តិសាស្រ្តនេះផងដែរ៕

The post កម្ពុជា-អូស្រ្តាលី បន្តពង្រីកកិច្ចសហប្រតិបត្តិការបន្ថែមទៀតលើវិស័យអាទិភាព៦ appeared first on .

ស្ថានទូតអូស្រ្តាលី បានបញ្ជាក់ថា អស់រយៈពេលជាយូរ កម្ពុជាបានពឹងផ្អែកលើការនាំចូលផលិតផលចំណីអាហារជាច្រើន រាប់ចាប់ពីទឹកដោះគោស្រស់ មីកញ្ចប់ រហូតដល់គ្រឿងទេស និងទឹកជ្រលក់ផ្សេងៗ។ អូស្ត្រាលីកំពុងសហការជាមួយអ្នកផលិតអាហារក្នុងស្រុក ដើម្បីពង្រីកការផលិតក្នុងប្រទេស កាត់បន្ថយការពឹងផ្អែកលើការនាំចូល និងកសាងប្រព័ន្ធស្បៀងអាហារឱ្យកាន់តែមានភាពធន់។

ជាឧទាហរណ៍ជាក់ស្តែង ប្រភពដដែល បានបន្តដូច្នេះទៀតថា ការគាំទ្ររបស់យើងចំពោះក្រុមហ៊ុនលាងឡេង ក្នុងការបង្កើតរោងចក្រកែច្នៃទឹកជ្រលក់ នឹងពង្រីកទីផ្សារ គ្រំចំពុះទាក្នុងស្រុក ដែលជាគ្រឿងផ្សំដ៏សំខាន់សម្រាប់ផលិតទឹកជ្រលក់។ គម្រោងនេះត្រូវបានរំពឹងថានឹងបង្កើនតម្រូវការគ្រុំចំពុះទា ពី៧២តោនទៅជាង៩៥០តោនក្នុងមួយឆ្នាំ និងរួមចំណែកផ្តល់ប្រាក់ចំណូលទៅគ្រួសារយ៉ាងហោចណាស់ ៤០០ គ្រួសារ នៅក្នុងសហគមន៍នេសាទពាមក្រសោប។

ទូតអូស្រ្តាលី​​ បានបញ្ជាក់បន្ថែមថា យើងក៏កំពុងជួយភ្ជាប់ផលិតផលដែលផលិតនៅកម្ពុជាជាមួយអ្នកចែកចាយធំៗ ដើម្បីឱ្យផលិតផលទាំងនោះអាចដាក់លក់បានកាន់តែទូលំទូលាយនៅតាមផ្សារទំនើបទូទាំងប្រទេស។ហេតុនេះ តាមរយៈការគាំទ្រអ្នកផលិតក្នុងស្រុក អូស្ត្រាលីកំពុងជួយកម្ពុជាដើម្បីកសាងប្រព័ន្ធស្បៀងអាហារ ឱ្យមានភាពម្ចាស់ការជាងមុន ព្រមទាំងបង្កើតការងារ គាំទ្រជីវភាពរស់នៅរបស់ប្រជាជននៅតំបន់ជនបទ និងជំរុញកំណើនសេដ្ឋកិច្ចឱ្យកាន់តែមានភាពធន់នៅកម្ពុជាបន្ថែមទៀត៕ អត្ថបទ៖ហ្សាលីន

The post អូស្ត្រាលី គាំទ្រការពង្រឹងសន្តិសុខស្បៀងនៅកម្ពុជា ដើម្បីកាត់បន្ថយពឹងផ្អែកលើការនាំចូល appeared first on .

កាលពីថ្ងៃទី១០ កក្កដា ស្ថានទូតអូស្រ្តាលីប្រចាំកម្ពុជា ក៏បានរៀបចំពិធីអបអរសាទរដល់អតីតនិស្សិតអូស្ត្រាលី ដើម្បីទទួលស្គាល់ការចូលរួមចំណែកដ៏មានតម្លៃរបស់ពួកគេចំពោះការអភិវឌ្ឍរបស់ប្រទេសកម្ពុជា ព្រមទាំងបង្ហាញពីឧត្តមភាពនៃការអប់រំរបស់អូស្ត្រាលី និងឱកាសដ៏ធំទូលាយដែលការសិក្សានៅអូស្ត្រាលីអាចផ្តល់ឲ្យផងដែរ។

ស្ថានទូតអូស្រ្តាលី បញ្ជាក់ថា កម្មវិធីនេះក៏ជាឱកាសដ៏ល្អសម្រាប់អតីតនិស្សិតក្នុងការពង្រឹងបណ្ដាញទំនាក់ទំនង និងរំលឹកពីរបៀបដែលបទពិសោធន៍សិក្សារបស់ពួកគេនៅប្រទេសអូស្ត្រាលី បានជួយបង្កើត និងអភិវឌ្ឍសមត្ថភាពរបស់ពួកគេ ទាំងក្នុងជីវិតផ្ទាល់ខ្លួន និងអាជីពការងារ។

សូមបញ្ជាក់ថា សិស្ស និស្សិតកម្ពុជាជាង ៣៥,០០០ នាក់ បានទៅសិក្សានៅប្រទេសអូស្ត្រាលី ក្នុងចំណោមនោះ មាននិស្សិតកម្ពុជាប្រមាណ ១,១០០នាក់ ទទួលបានអាហារូបករណ៍ Australia Awards ដើម្បីបន្តការសិក្សានៅប្រទេសអូស្ត្រាលី៕

The post និស្សិតកម្ពុជាជាង៣៥,០០០ នាក់ បានទៅសិក្សានៅប្រទេសអូស្ត្រាលី appeared first on .

កិច្ចប្រជុំនេះ បានធ្វើឡើងកាលថ្ងៃទី៦ ខែកក្កដា ឆ្នាំ២០២៦ ក្រោមវត្តមាន លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ជាមួយក្រុមការងារក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីតំណាងកម្មវិធីភាពជាដៃគូកម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) និងតំណាងស្ថានទូតអូស្ត្រាលីប្រចាំកម្ពុជា។

កិច្ចប្រជុំនេះ បានឱ្យដឹងថា “ក្របខណ្ឌអភិវឌ្ឍន៍សួនកសិឧស្សាហកម្មនៅកម្ពុជា” ត្រូវបានរៀបចំដោយឧត្តមក្រុមប្រឹក្សាសេដ្ឋកិច្ចជាតិ ក្រោមការសហការជាមួយរដ្ឋាភិបាលអូស្ត្រាលី តាមរយៈកម្មវិធី CAPRED ដោយបានធ្វើការសិក្សាសមិទ្ធិលទ្ធភាពក្នុងការបង្កើតសួនកសិឧស្សាហកម្មនៅកម្ពុជា ដែលការសិក្សានេះបានបង្ហាញថា កម្ពុជាពិតជាមានសក្តានុពលក្នុងការបង្កើតសួនកសិឧស្សាហកម្មទាំងក្នុងទិដ្ឋភាពតម្រូវការ និងការផ្គត់ផ្គង់។

កិច្ចប្រជុំដដែលបានបន្តថា សួនកសិឧស្សាហកម្មនៅកម្ពុជាសួននេះនឹងដើរតួនាទីយ៉ាងសំខាន់ក្នុងការជំរុញអភិវឌ្ឍវិស័យកសិកម្ម និងកសិឧស្សាហកម្មក្នុងរយៈពេលមធ្យម និងវែង ព្រមទាំងរួមចំណែកដល់ការដោះស្រាយបញ្ហាប្រឈមនានានៃវិស័យកសិកម្ម ដោយទាក់ទាញវិនិយោគឯកជន ក្នុងគោលដៅជំរុញការកែច្នៃកសិផល សំដៅបង្កើនតម្លៃបន្ថែមនៃវិស័យនេះក្នុងសេដ្ឋកិច្ចជាតិ។ ដោយពិនិត្យឃើញនូវសារៈសំខាន់ទាំងនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចអនុម័តក្របខ័ណ្ឌនេះ កាលពីថ្ងៃទី២៩ ខែឧសភា ឆ្នាំ២០២៦។

តាមរយៈកិច្ចប្រជុំខាងលើ ភាគីពាក់ព័ន្ធ បានបញ្ជាក់ថា ដើម្បីទាក់ទាញការវិនិយោគលើសួនកសិឧស្សាហកម្មដោយជោគជ័យ និងគ្រប់គ្រងការអភិវឌ្ឍឱ្យប្រព្រឹត្តិទៅដោយរលូន ត្រូវការយន្តការស្ថាប័នច្បាស់លាស់សម្រាប់ដឹកនាំ សម្របសម្រួល និងគ្រប់គ្រងការលើកទឹកចិត្តពិសេសឱ្យមានប្រសិទ្ធភាព ព្រមទាំងផ្តល់ទិសដៅជាយុទ្ធសាស្ត្រលើការអភិវឌ្ឍសួនកសិឧស្សាហកម្ម។ ផ្អែកតាមក្របខ័ណ្ឌនេះ CDC បានប្រគល់តួនាទីជាយន្តការច្រកចេញចូលតែមួយក្នុងការគ្រប់គ្រងការវិនិយោគឯកជន និងតំបន់សេដ្ឋកិច្ចពិសេស រួមទាំងសួនកសិឧស្សាហកម្ម ដែលចុះបញ្ជីជាគម្រោងវិនិយោគមានលក្ខណៈសម្បត្តិគ្រប់គ្រាន់ និងទទួលការលើកទឹកចិត្តដូចមានចែងក្នុងច្បាប់ស្តីពីវិនិយោគកម្ពុជា៕អត្ថបទ៖ហ្សាលីន

The post កម្ពុជា-អូស្រ្តាលី រៀបចំយន្តការអនុវត្ត “ក្របខ័ណ្ឌអភិវឌ្ឍន៍សួនកសិឧស្សាហកម្មនៅកម្ពុជា” appeared first on .

ស្ថានទូតអូស្រ្តាលី បានបញ្ជាក់ថា ខណៈដែលការរំខានដល់ទីផ្សារថាមពលសកល និងខ្សែសង្វាក់ផ្គត់ផ្គង់កំពុងជះឥទ្ធិពលដល់វិស័យថាមពលរបស់កម្ពុជា អូស្ត្រាលីកំពុងបង្កើនកិច្ចខិតខំប្រឹងប្រែងក្នុងការចាប់ដៃគូ ដើម្បីពង្រឹងភាពធន់នៃវិស័យថាមពលក្នុងរយៈពេលវែង។

ស្ថានទូតបន្តថា អូស្ត្រាលី កំពុងគាំទ្រក្រុមហ៊ុន SchneiTec Jupiter ក្នុងការបោះផ្សាយសញ្ញាបណ្ណហេដ្ឋារចនាសម្ព័ន្ធ ដែលមានតម្លៃប្រមាណជា ១៥០ លានដុល្លារអាមេរិក ដើម្បីអភិវឌ្ឍកសិដ្ឋានផលិតថាមពលពន្លឺព្រះអាទិត្យទំហំ ៣៥០ មេហ្គាវ៉ាត់។ គម្រោងនេះនឹងជួយពង្រឹងសន្តិសុខថាមពលរបស់កម្ពុជា និងកាត់បន្ថយការពឹងផ្អែកលើការនាំចូលប្រេងឥន្ធនៈ។

ការគាំទ្រនេះ ធ្វើឡើងបន្តពីការដាក់ឱ្យប្រើប្រាស់នាពេលថ្មីៗនេះនូវ ប្រកាសស្តីពីសញ្ញាបណ្ណហេដ្ឋារចនាសម្ព័ន្ធរបស់កម្ពុជា ដែលត្រូវបានអនុម័តដោយក្រសួងសេដ្ឋកិច្ច និងហិរញ្ញវត្ថុ ក្រោមការគាំទ្រពីអូស្ត្រាលី។ យន្តការជាប្រវត្តិសាស្ត្រនេះ នឹងកៀរគរហិរញ្ញប្បទានក្នុងស្រុកយ៉ាងច្រើនសន្ធឹកសន្ធាប់ សម្រាប់ហេដ្ឋារចនាសម្ព័ន្ធសំខាន់ៗ។នេះបើតាមការបញ្ជាក់បន្ថែមពីស្ថានទូតអូស្រ្តាលីប្រចាំកម្ពុជា។

ស្ថានទូតអូស្រ្តាលីប្រចាំកម្ពុជា បានបញ្ជាក់ទៀតថា កិច្ចខិតខំប្រឹងប្រែងរួមគ្នាទាំងនេះ គឺបានឆ្លុះបញ្ចាំងពីការប្តេជ្ញាចិត្តរបស់អូស្ត្រាលីចំពោះអនាគតថាមពលស្អាតរបស់កម្ពុជា ក្នុងការជំរុញកំណើនប្រកបដោយនិរន្តរភាព និងកសាងសេដ្ឋកិច្ចឱ្យកាន់តែមានភាពធន់៕ អត្ថបទ៖ហ្សាលីន

The post អូស្ត្រាលី ជួយពង្រឹងសន្តិសុខថាមពលកម្ពុជា ដើម្បីកាត់បន្ថយការពឹងផ្អែកលើការនាំចូលប្រេងឥន្ធនៈ appeared first on .