សមាគមស្វាយចន្ទីកម្ពុជា បានឱ្យដឹងបន្តថា នាំចេញទៅក្រៅប្រទេស ៧៥០ ០០០តោន ដែលអាចរកចំណូលបានលើស ១ពាន់លានដុល្លានេះ ខណៈផលិតកម្មស្វាយចន្ទីពិភពលោកបានធ្លាក់ចុះប្រមាណ​៣០ភាគរយ។

លើសពីនេះ ការនាំចេញទៅវៀតណាមច្រើនជាងការរំពឹងទុកប្រមាណ ៧២០ ៨០០ តោន គិតជាទឹកប្រាក់ ៩២១ ៥០០​ ០០០ ដុល្លារ​ នាដើមខែមិថុនា ឆ្នាំ២០២៤នេះ។

លោក អួន ស៊ីឡុត ប្រធានសមាគមស្វាយចន្ទីកម្ពុជា បានបញ្ជាក់ថា ដោយយោងតាមការអង្កេតដោយយកចិត្តទុកដាក់របស់សមាគមស្វាយចន្ទីកម្ពុជា បានព្យាការណ៍ថា ២០២៤នេះ កម្ពុជានឹងផលិតគ្រាប់ឆៅបាន ៨៥ម៉ឺនតោន ក្នុងនោះនាំចេញទៅក្រៅប្រទេសប្រមាណ៧៥ម៉ឺនតោន ដែលអាចរកចំណូលបានលើស ១ពាន់លានដុល្លារ។

លោកបញ្ជាក់បន្ថែមថា ដោយសារកាលខែកញ្ញា ឆ្នាំ២០២៣កន្លងទៅ សមាគមបានចេញនៅសារជូនដំណឹងដល់សមាជិកសមាគមអំពីផលប៉ះពាល់នៃអែនីញូ បើសិនជាយើងមិនប្រឹងប្រែង មិនទប់ស្កាត់ទេ វានឹងអាចបាត់បង់ផល ចន្លោះពី១០ទៅ២០ ឬ៣០% ។ដូច្នេះ មកដល់ពេលនេះ ដំណោះស្រាយនេះប្រសិទ្ធភាពហួសពីការរំពឹងទុករបស់សមាគម ទើបមានការកើនឡើង។

បើតាមលោក អួន ស៊ីឡុត នៅក្នុងរយៈពេល៥ខែ ឆ្នាំ២០២៤ កម្ពុជាផលិតគ្រាប់ស្វាយចន្ទីឆៅសម្រេចបាន ៧១ ម៉ឺន ៦ ពាន់តោន ក្នុងនោះនាំចេញទៅប្រទេសវៀតណាមចំនួន ៦៦ ម៉ឺន ៧ ពាន់តោន កើនឡើង ៣៨ ភាគរយ បើប្រៀបធៀបរយៈពេលដូចគ្នា កាលពីឆ្នាំ២០២៣ ដែលគិតជាទឹកប្រាក់ប្រមាណ ៨៥១ លានដុល្លារ។

ពាក់ព័ន្ធនឹងរឿងនេះ កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ក៏បានគូសបញ្ជាក់ឱ្យដឹងផងដែរថា សម្រាប់ដំណាំស្វាយចន្ទី ទីផ្សារធំជាងគេគឺប្រទេសវៀតណាម។តែពេលថ្មីៗនេះបានពិនិត្យវិភាគឃើញថា ការនាំចេញគ្រាប់ស្វាយចន្ទីស្រស់ទៅកាន់ប្រទេសវៀតណាម មានការថយចុះបន្តិច។

កញ្ញា បានបញ្ជាក់ថា កាលពីប៉ុន្មានឆ្នាំមុន គ្រាប់ស្វាយចន្ទីស្ទើរតែ៩៩ភាគរយ ហូរចេញទៅទីផ្សារបរទេសហើយភាគច្រើនទៅប្រទេសវៀតណាម។ រហូតមកដល់ពេលនេះ ការនាំចេញគ្រាប់ស្វាយចន្ទីស្រស់ទៅកាន់ទីផ្សារបរទេស ក៏ដូចជាប្រទេសវៀតណាមមានការថយចុះ តែយើងសង្កេតឃើញមាននិន្នាការកើនឡើងលើការកែច្នៃក្នុងស្រុក៕

The post ការនាំចេញគ្រាប់ស្វាយចន្ទីឆៅទៅក្រៅប្រទេសឆ្នាំ២០២៤នេះ ត្រូវបានព្យាការណ៍ថាកើនដល់៧៥ម៉ឺនតោន គិតជាទឹកប្រាក់លើស១ពាន់លានដុល្លារ appeared first on .

លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា សមាគម រំពឹងទុកថានឹងមានការធ្លាក់ផលគ្រាប់ចន្ទី ដោយសារតែគ្រោះអែលនីណូ។ជាក់ស្តែងការនាំចេញគ្រាប់ឆៅទៅវៀតណាម ក្នុងខែកុម្ភៈ ២០២៤នេះ ធ្លាក់ចុះប្រមាណ ៣២ភាគរយ បើធៀបរយៈកាលដូចគ្នានឹងឆ្នាំកន្លងទៅ។នេះជាការធ្លាក់ចុះ ៣ឆ្នាំជាប់គ្នា។

បើតាមលោក អួន ស៊ីឡុត មូលហេតុនៃការធ្លាក់ចុះនៃការនាំចេញគ្រាប់ឆៅនាឆ្នាំ២០២៤នេះដោយសារកត្តាសំខាន់ៗចំនួន៣ ទី១, បាតុភូតុអែលនីណូបំផ្លាញផលចន្ទី ២,សហគ្រាសក្នុងស្រុកទិញគ្រាប់ទុកកែច្នៃ និង៣,កសិករហាលទុលលក់នាខែខាងមុខ (តាមការអំពាវនាវរបស់សមាគម)។

លោកបានបន្តថា តម្លៃគ្រាប់ស្វាយចន្ទីបច្ចុប្បន្នមានតម្លៃចន្លោះ ៤៨០០រៀល ទៅ៥០០០រៀលក្នុងមួយគីឡូក្រាម ខណៈមួយរយៈមុនគ្រាប់ស្វាយចន្ទីខ្នាតតូចឈ្មួញដើរប្រមូលទិញពីកសិករក្នុងតម្លៃ៣៦០០រៀល ហើយសម្រាប់គ្រាប់ពូជស្វាយចន្ទី M23 លក់បានថ្លៃតែ៤៤០០រៀលក្នុងមួយគីឡូក្រាមនៅតាមតំបន់។

ប្រធានសមាគមស្វាយចន្ទីកម្ពុជា ធ្លាប់បានរំពឹងទុកថា តម្លៃស្វាយគ្រាប់ចន្ទីនឹងឡើងថ្លៃមកវិញនៅក្នុងខែកក្កដា ឬខែកញ្ញាខាងមុខ៕

The post ការនាំចេញគ្រាប់ស្វាយចន្ទីទៅវៀតណាមនៅដើមឆ្នាំនេះ មានការធ្លាក់ចុះប្រមាណ៣២ភាគរយ ដោយសារកត្តា៣ appeared first on .

លោក អួន ស៊ីឡុត បានបន្តថា នៅឆ្នាំ២០២៤នេះ សមាគមស្វាយចន្ទីបានធ្វើការព្យាករទម្លាក់ទិន្នផលស្វាយចន្ទីឆ្នាំនេះនឹងបន្តធ្លាក់ចុះ១០% ទៅ៣០% ឬលើសនេះ បើធៀបនឹងឆ្នាំ ២០២៣ ក្រោយពីបានសង្កេតបាតុភូតអែលនីញ៉ូ និងផលប៉ះពាល់លើដំណាំស្វាយចន្ទី ហើយចន្ទីចាប់ផ្តើមគាំងក្តឹបនិងខូចផ្កា និងការកកើតសត្វល្អិតបំផ្លាញច្រើន។

ចំណែកឯការនាំចេញគ្រាប់ស្វាយចន្ទីជាទូទៅក៏មានការរំពឹងថានឹងធ្លាក់ចុះផងដែរ ដោយសារសហគ្រាសក្នុងស្រុកចាប់ផ្តើមកើនឡើង និងប្រជែងទិញច្រើន ពីព្រោះកន្លងមកធនាគារមួយចំនួនរបស់រដ្ឋដូចជា SME Bank, ARDB Bank និងធនាគារមីក្រូហិរញ្ញវត្ថុ AMK បានជួយជ្រោមជ្រែងលើវិស័យស្វាយចន្ទី។ហើយធនាគារមួយចំនួនទៀតក៏ចាប់ផ្តើមចាប់អារម្មណ៍ដែរ ដែលជាការផ្តល់ទុនបង្វិលជូនដល់រោងចក្រកែច្នៃសម្រាប់បង្វិលទិញគ្រាប់ស្វាយឆៅ។

បើតាមលោក អួន ស៊ីឡុត «ការរំពឹងនៃការនាំចេញធ្លាក់ចុះនេះមិនមែនជាការបង្ហាញពីភាពអវិជ្ជមានទេ ផ្ទុយមកវិញជាការបង្ហាញពីភាពវិជ្ជមានច្រើន ដោយសារតែមានការងើបឡើងពីសហគ្រាសក្នុងស្រុក។អ្វីដែលវិជ្ជមាននោះមានន័យថាសហគ្រាសនៅក្នុងស្រុក មានការរីកដុះដាល ដោយសារតែគោលនយោបាយជាតិស្តីពីស្វាយចន្ទីរបស់រាជរដ្ឋាភិបាល ដែលផ្តល់អាទិភាពលើស្វាយចន្ទី ដូច្នេះហើយបានជាធនាគារមួយចំនួនធំបានផ្តល់កម្ចីក្នុងអត្រាការប្រាក់អនុគ្រោះទៅដល់សហគ្រាស»។

លោកបន្ថែមថា ការលក់ចេញគ្រាប់ស្វាយចន្ទីឆៅក៏ល្អ យើងកែច្នៃក៏ល្អដែរ អ្វីដែលសំខាន់ឱ្យតែមានទីផ្សារ ប៉ុន្តែអ្វីដែលល្អជាងនេះនោះគឺយើងអាចកែច្នៃក្នុងស្រុករបស់យើង ហើយយើងអាចផ្តល់តម្លៃបន្ថែមដល់កសិករ និងជួយបង្កើតការងារដល់ពលករនៅក្នុងសហគមន៍។

លោកគូសបញ្ជាក់ថា ការដែលមានរោងចក្រកែច្នៃច្រើននៅក្នុងស្រុក ជាការបន្ថែមតម្លៃដល់កសិករ និងបង្កើតការងារនៅក្នុងស្រុកផងដែរ។ការកែច្នៃក្នុងស្រុកជារឿងល្អ ជាជាងការនាំគ្រាប់ឆៅទៅក្រៅប្រទេស៕

The post លោក អួន ស៊ីឡុត៖ ការនាំចេញគ្រាប់ស្វាយចន្ទីឆ្នាំនេះនឹងធ្លាក់ចុះ ដោយសារសហគ្រាសកែច្នៃក្នុងស្រុកមានការកើនឡើង appeared first on .

ពាក់ព័ន្ធនឹងការនាំចេញគ្រាប់ស្វាយចន្ទីនៅក្នុងឆ្នាំ២០២៣កន្លងមកនេះ សមាគមបានបញ្ជាក់ថា នៅក្នុងចំណោមបរិមាណការនាំចេញគ្រាប់ស្វាយចន្ទីសរុប៦៥ម៉ឺន៦ពាន់តោន ក្នុងនោះបាននាំចេញទៅវៀតណាមមានចំនួន៦១ម៉ឺន៨ពាន់តោន។

នៅក្នុងវិស័យស្វាយចន្ទីកម្ពុជា សមាគមបញ្ជាក់ថា ចំពោះការកែច្នៃផលិតគ្រាប់ស្វាយចន្ទីនៅក្នុងស្រុក សមាគមស្វាយចន្ទីកម្ពុជា បានធ្វើការសិក្សាពីមូលហេតុគ្រាប់ស្វាយចន្ទីកែច្នៃរបស់កម្ពុជា ថ្លៃជាងប្រទេសវៀតណាម ដោយសារកត្តាសំខាន់ដូចជា៖ (១) កម្មករជំនាញ ប្រើកម្មករតិចតែបានពហុប្រយោជន៍,(២) ការនាំចូលវត្ថុធាតុដើមផលិតដោយរួចពន្ធ ពន្ធពិសេសសម្រាប់កសិឧស្សាហកម្ម, (៣)ទំនើបកម្មគ្រឿងយន្តឧស្សាហកម្ម,(៤) ថ្លៃទឹក ភ្លើងឧស្តុភារកម្មមានតម្លៃទាប និង(៥) មិនទាន់មានការអនុគ្រោះពន្ធដារមួយចំនួន។ ដោយសារកត្តាតម្លៃគ្រាប់ស្វាយចន្ទីកែច្នៃរួចរបស់កម្ពុជាថ្លៃជាងប្រទេសវៀតណាម ដែលជាហេតុធ្វើឱ្យយើងពិបាកលក់លើទីផ្សារ។

សមាគមស្វាយចន្ទីកម្ពុជា និងដៃគូពាក់ព័ន្ធកន្លងមក បានខិត្តខំប្រឹងប្រែងជួយដល់កសិករដាំដុះស្វាយចន្ទី ស្របតាមគោលនយោបាយជាតិស្តីពីស្វាយចន្ទី ហើយលទ្ធផលដែលទទួលបានពុំទាន់ឆ្លើយតបនឹងអ្វីដែលសមាគមស្វាយចន្ទីកម្ពុជាចង់បាន ។ សមាគមស្វាយចន្ទីកម្ពុជា ពុំមានលទ្ធភាពធ្វើសកម្មភាពជួយដល់កសិករឱ្យទទួលបានវិសាលភាពធំទូលាយនឹងញឹកញាប់ស្របតាមរដូវកាលរបស់ដំណាំស្វាយចន្ទីបានឡើយ ដោយសារហិរញ្ញវត្ថុរបស់សមាគមមានកម្រិតតិចតួច នៅឡើយដែលទទួលបានពីវិភាគទាន ដោយស្ម័គ្រចិត្តរបស់សមាជិកមួយភាគតូច។

សមាគម បានធ្វើកិច្ចសហការជាមួយសហគមន៍កសិកម្ម ដែលមានស្រាប់និងទទួលស្គាល់ដោយមន្ទីរកសិកម្ម រុក្ខាប្រមាញ់និងនេសាទ ព្រមទំាងបានចាប់ដៃគូជាមួយសហគមន៍កសិកម្ម ចំនួន៤១សហគមន៍ មកពីខេត្តចំនួន៧ ដែលក្នុងនោះ១៤សហគមន៍ក្នុងខេត្តព្រះវិហារ, ១២សហគមន៍ក្នុងខេត្តកំពង់ធំ, ៥សហគមន៍ក្នុងខេត្តក្រចេះ, ២សហគមន៍ក្នុងខេត្តត្បូងឃ្មុំ,៥សហគមន៍ក្នុងខេត្តស្ទឹងត្រែង និង១សហគមន៍ក្នុងខេត្តកំពង់ឆ្នាំង។

សមាគមស្វាយចន្ទីកម្ពុជា បានសំណូមពរ ស្នើសុំឱ្យក្រសួងកសិកម្មរុក្ខាប្រមាញ់និងនេសាទ បន្តផ្តល់កិច្ចសហការតាមរយៈនាយក,ដ្ឋានជំនាញ, ស្នើឱ្យរាជរដ្ឋាភិបាល ជួយរកអង្គការដៃគូរជាតិ និងអន្តរជាតិ សហការជាមួយសមាគមស្វាយចន្ទីកម្ពុជាដើម្បីជំរុញវិស័យស្វាយចន្ទីកម្ពុជាឱ្យរីកចម្រើន ស្របតាមគោលនយោបាយជាតិស្តីពីស្វាយចន្ទី, ជួយផ្តល់ជាមូលនិធិសម្រាប់ការស្រាវជ្រាវ សិក្ខាសាលា បណ្តុះបណ្តាលជំនាញដំាដុះ កែច្នៃស្របតាមស្តង់ដាជាតិនិងអន្តរជាតិ៕ តាកែវ

The post កម្ពុជាសម្រេចនាំចេញគ្រាប់ស្វាយចន្ទីឆៅទៅក្រៅ មានទឹកប្រាក់៨៣៧លានដុល្លារអាមេរិកក្នុងឆ្នាំ២០២៣ appeared first on .

លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា ការធ្លាក់ចុះនៃទិន្នផល និងការនាំចេញគ្រាប់ស្វាយចន្ទីឆៅក្នុងរយៈ១០ខែ ឆ្នាំ២០២៣នេះ មិនមានបញ្ហាអ្វីដែលចម្លែកនោះទេ ព្រោះខាងសមាគមស្វាយចន្ទីបានធ្វើការវាយតម្លៃរួចហើយកាលពីខែកុម្ភៈ ឆ្នាំ២០២៣ ថាតម្លៃគ្រាប់ស្វាយចន្ទីនឹងធ្លាក់ចុះ ដោយកត្តារួមផ្សំមួយចំនួនគឺបាត់បង់ដើមឈើមួយចំនួនធំ ក្នុងរយៈពេល៣ឆ្នាំចុះក្រោយនេះ ដោយសារតែការប្រែប្រួលអាកាសធាតុ។ដូច្នេះហើយ ការបាត់បង់ដើមស្វាយចន្ទី ក៏ធ្វើឱ្យមានការបាត់បង់ទិន្នផលស្វាយចន្ទីដែរ។

លើសពីនោះ ក៏មានការប្រជែងទិញពីសហគ្រាសក្នុងស្រុក ដោយសារតែគោលនយោបាយជាតិស្តីពីស្វាយចន្ទី រដ្ឋាភិបាលបានលើកទឹកចិត្តឱ្យមានការផ្តល់ជាហិរញ្ញប្បទានអនុគ្រោះនានា។ ដូចនេះ សហគ្រាសក្នុងស្រុកមួយចំនួនគាត់ក៏បានទទួលហិរញ្ញប្បទានពីធនាគារដែលមានអត្រាការប្រាក់អនុគ្រោះ ហើយក្នុងនោះគាត់ក៏បានប្រជែងទិញបន្ថែមបើទោះបីជាតិចតួចយ៉ាងណាក្តី។ដូច្នេះហើយដែលធ្វើឱ្យការនាំចេញទៅកាន់ប្រទេសវៀតណាម មានការធ្លាក់ចុះ។

បើតាមលោក អួន ស៊ីឡុត «ការនាំចេញធ្លាក់ចុះនេះមិនមែនជាការបង្ហាញពីភាពអវិជ្ជមានទេ ផ្ទុយមកវិញជាការបង្ហាញពីភាពវិជ្ជមានច្រើន ដោយសារតែមានការងើបឡើងពីសហគ្រាសក្នុងស្រុក។អ្វីដែលវិជ្ជមាននោះមានន័យថាសហគ្រាសនៅក្នុងស្រុក មានការរីកដុះដាល ដោយសារតែគោលនយោបាយជាតិស្តីពីស្វាយចន្ទីរបស់រាជរដ្ឋាភិបាល ដែលផ្តល់អាទិភាពលើស្វាយចន្ទី ដូច្នេះហើយបានជាធនាគារមួយចំនួនធំបានផ្តល់កម្ចីក្នុងអត្រាការប្រាក់អនុគ្រោះទៅដល់សហគ្រាស»។

លោកបន្ថែមទៀតថា ការលក់ចេញគ្រាប់ស្វាយចន្ទីឆៅក៏ល្អ យើងកែច្នៃក៏ល្អដែរ អ្វីដែលសំខាន់ឱ្យតែមានទីផ្សារ ប៉ុន្តែអ្វីដែលល្អជាងនេះ នោះគឺយើងអាចកែច្នៃក្នុងស្រុករបស់យើង ហើយយើងអាចផ្តល់តម្លៃបន្ថែមដល់កសិករ និងជួយបង្កើតការងារដល់ពលករនៅក្នុងសហគមន៍។ ការកែច្នៃក្នុងស្រុកជារឿងល្អ ជាជាងការនាំគ្រាប់ឆៅទៅក្រៅប្រទេស។

គួរឱ្យដឹងផងដែរថា ក្នុងរយៈពេល១០ខែ ឆ្នាំ២០២៣នេះ កម្ពុជាផលិតគ្រាប់ស្វាយចន្ទីឆៅបាន ៦៥១.០០០តោន ក្នុងនោះបាននាំចេញទៅកាន់ប្រទេសវៀតណាមសរុប ៦១៥.០០០តោន គិតទឹកប្រាក់ប្រមាណ៨៣១លានដុល្លារ ថយចុះ ១៦,៧%។ដែលគ្រាប់ស្ងួតមានតម្លៃមធ្យម ១.៦៥៨ដុល្លារ ក្នុងមួយតោន។ ក្នុងខែតុលា គ្រាប់ស្ងួតមានតម្លៃ ៧០០០រៀល ទៅ៧៥០០រៀល ក្នុងមួយគីឡូក្រាម ឬ១៩០០ដុល្លារ ក្នុងមួយតោន៕

The post លោក អួន ស៊ីឡុត៖ ការនាំចេញគ្រាប់ស្វាយចន្ទីឆៅទៅវៀតណាមធ្លាក់ចុះ ជាការបង្ហាញពីការងើបឡើងនៃសហគ្រាសក្នុងស្រុក appeared first on .

របាយការណ៍សមាគមស្វាយចន្ទីកម្ពុជា បានឱ្យដឹងថា រយៈពេល១០ខែ ឆ្នាំ២០២៣នេះ កម្ពុជាផលិតគ្រាប់ស្វាយចន្ទីឆៅបាន ៦៥១.០០០តោន ក្នុងនោះបាននាំចេញទៅកាន់ប្រទេសវៀតណាមសរុប ៦១៥.០០០តោន ស្មើទឹកប្រាក់ប្រមាណ ៨៣១លានដុល្លារ ថយចុះ ១៦,៧% បើធៀបនឹងរយៈពេលដូចគ្នានៅឆ្នាំ២០២២។

សមាគមស្វាយចន្ទី បន្តថា តម្លៃមធ្យមគ្រាប់ស្ងួត ១.៦៥៨ដុល្លារ ក្នុងមួយតោន។ដោយក្នុងខែតុលា គ្រាប់ស្ងួតមានតម្លៃ ៧០០០រៀល ទៅ៧៥០០រៀល ក្នុងមួយគីឡូក្រាម ឬ១៩០០ដុល្លារ ក្នុងមួយតោន។

បើតាមលោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា ការធ្លាក់ចុះនៃទិន្នផលគ្រាប់ស្វាយចន្ទីនេះ មិនមានបញ្ហាអ្វីដែលចម្លែកនោះទេ ព្រោះខាងសមាគមធ្វើការវាយតម្លៃរួចហើយកាលពីខែកុម្ភៈ ឆ្នាំ២០២៣ ថាតម្លៃគ្រាប់ស្វាយចន្ទីនឹងធ្លាក់ចុះ ដោយកត្តារួមផ្សំមួយចំនួនគឺបាត់បង់ដើមឈើមួយចំនួនធំ ក្នុងរយៈពេល៣ឆ្នាំចុះក្រោយនេះ ដោយសារតែការប្រែប្រួលអាកាសធាតុ។ដូច្នេះហើយ ការបាត់បង់ដើមស្វាយចន្ទី ក៏ធ្វើឱ្យមានការបាត់បង់ទិន្នផលស្វាយចន្ទីដែ។

លើសពីនោះ ក៏មានការប្រជែងទិញពីសហគ្រាសក្នុងស្រុក ដោយសារតែការគោលនយោបាយជាតិស្តីពីស្វាយចន្ទី រដ្ឋាភិបាលបានលើកទឹកចិត្តឱ្យមានការផ្តល់ជាហិរញ្ញប្បទានអនុគ្រោះនានា​។ ដូចនេះ សហគ្រាសក្នុងស្រុកមួយចំនួនគាត់ក៏បានទទួលហិរញ្ញប្បទានពីធនាគារដែលមានអត្រាការប្រាក់អនុគ្រោះ ហើយក្នុងនោះគាត់ក៏បានប្រជែងទិញបន្ថែមបើទោះបីជាតិចតួចយ៉ាងណាក្តី។ដូច្នេះហើយដែលធ្វើឱ្យការនាំចេញទៅកាន់ប្រទេសវៀតណាម មានការធ្លាក់ចុះ។

លោកបន្តថា ការនាំចេញធ្លាក់ចុះនេះមិនមែនជាការបង្ហាញពីភាពអវិជ្ជមានទេ ផ្ទុយមកវិញជាការបង្ហាញពីភាពវិជ្ជមានច្រើន ដោយសារតែមានការងើបឡើងពីសហគ្រាសក្នុងស្រុក។អ្វីដែលវិជ្ជមាននោះមានន័យថាសហគ្រាសនៅក្នុងស្រុក មានការរីកដុះដាល ដោយសារតែគោលនយោបាយជាតិស្តីពីស្វាយចន្ទីរបស់រាជរដ្ឋាភិបាល ដែលផ្តល់អាទិភាពលើស្វាយចន្ទី ដូច្នេះហើយបានជាធនាគារមួយចំនួនធំបានផ្តល់កម្ចីក្នុងអត្រាការប្រាក់អនុគ្រោះទៅដល់សហគ្រាស។

លោកបន្ថែមទៀតថា ការលក់ចេញគ្រាប់ស្វាយចន្ទីឆៅក៏ល្អ យើងកែច្នៃក៏ល្អដែរ អ្វីដែលសំខាន់ឱ្យតែមានទីផ្សារ ប៉ុន្តែអ្វីដែលល្អជាងនេះ នោះគឺយើងអាចកែច្នៃក្នុងស្រុករបស់យើង ហើយយើងអាចផ្តល់តម្លៃបន្ថែមដល់កសិករ និងជួយបង្កើតការងារដល់ពលករនៅក្នុងសហគមន៍។

បើតាមលោក អួន ស៊ីឡុត ការកែច្នៃក្នុងស្រុកជារឿងល្អ ជាជាងការនាំគ្រាប់ឆៅទៅក្រៅប្រទេស។

យោងតាមទិន្នន័យរបស់សមាគមស្វាយចន្ទីកម្ពុជា ប៉ុន្មានឆ្នាំចុងក្រោយនេះ កសិករបានកាប់ដើមស្វាយ ចន្ទីចោលប្រហែល១០ម៉ឺនហិកតា ប៉ុន្តែក្នុងនោះក៏មានការដាំឡើងវិញប្រមាណ៣ម៉ឺនហិកតាផងដែរ។ សព្វថ្ងៃ កម្ពុជាមានផ្ទៃដីដាំស្វាយចន្ទីប្រមាណតែ ៧០ម៉ឺនហិកតាប៉ុណ្ណោះ ធៀបនឹងឆ្នាំ ២០២១ មានប្រមាណ៨០ម៉ឺនហិកតា៕

The post ១០ខែនេះ កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៦សែនតោន គិតជាទឹកប្រាក់ប្រមាណ៨៣១លានដុល្លារ appeared first on .

លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា សមាគមស្វាយចន្ទីកម្ពុជាបានទម្លាក់ការព្យាករណ៍ទិន្នផលស្វាយចន្ទីកម្ពុជាតាំងពីដើមឆ្នាំ២០២៣មកម៉េ្លះ។ការនាំចេញគ្រាប់ស្វាយចន្ទីមានការធ្លាក់ចុះប្រមាណជាង១៦%នេះ ព្រោះដោយសារទី១,កសិករបានកាប់ស្វាយចន្ទីមួយចំនួនចោល ដោយសារមូលហេតុប្រែប្រួលអាកាសធាតុធ្វើឱ្យគាត់ពិបាកក្នុងការថែទាំ ទី២,ការប្រជែងទិញរបស់សហគ្រាសក្នុងស្រុក ថ្វីត្បិតតែសហគ្រាសក្នុងស្រុករបស់យើងមានទុនបង្វិលទាបពិតមែន ប៉ុន្តែយើងហាក់ដូចជាមានការងើបឡើង ក្រោយពីមានគោលនយោបាយជាតិស្តីពីស្វាយចន្ទី ធ្វើឱ្យសហគ្រាសក្នុងស្រុកដណ្តើមទិញពីការនាំចេញទៅក្រៅប្រទេស។

បើតាមលោក អួន ស៊ីឡុត ប្រហែល ៩៥ ភាគរយនៃគ្រាប់ស្វាយចន្ទីឆៅ ត្រូវបាននាំចេញទៅប្រទេសវៀតណាមសម្រាប់កែច្នៃ ខណៈដែលមានតែ៥ ភាគរយប៉ុណ្ណោះ ដែលត្រូវបានកែច្នៃដោយសិប្បកម្មក្នុងស្រុក ដោយសារសមត្ថភាពផលិតមានកម្រិត និងកង្វះចំណេះដឹង និងជំនាញសម្រាប់ការអភិវឌ្ឍឧស្សាហកម្មសិប្បកម្ម ដល់ការកែច្នៃចំណីអាហារប្រកបដោយស្តង់ដារសុវត្ថិភាពនាំចេញទៅកាន់ទីផ្សារអន្តរជាតិ, ខ្វះទុនបង្វិល សម្រាប់ទិញគ្រាប់ស្តុកទុក ដើម្បីកែច្នៃ, មិនទាន់មានការលើកទឹកចិត្តលើផ្នែកពន្ធដា។

ជាមួយគ្នានោះ ប្រធានសមាគមស្វាយចន្ទីរូបនេះ ក៏បានសំណូមពរឱ្យមានការបន្ធូរបន្ថយនូវលក្ខខណ្ឌកម្ចីមួយចំនួន ពីធនាគាររដ្ឋនិង ឯកជន ដើម្បីឱ្យខ្សែចង្វាក់ផលិតកម្មដំណាំស្វាយចន្ទីកម្ពុជា មានភាពប្រសើរឡើងបានលឿន។ ដូច្នេះ លោកក៏ចង់ឱ្យមានការបន្ធូរបន្ថយផ្នែកពន្ធដារមួយចំនួនសម្រាប់សហគ្រាសក្នុងស្រុក ពិសេសក្នុងវិស័យ ស្វាយចន្ទី ដើម្បីឲ្យសហគ្រាសក្នុងវិស័យស្វាយចន្ទីអាចងើបប្រសើរឡើង។

យោងតាមទិន្នន័យរបស់សមាគមស្វាយចន្ទីកម្ពុជា ប៉ុន្មានឆ្នាំចុងក្រោយនេះ កសិករបានកាប់ដើមស្វាយ ចន្ទីចោលប្រហែល១០ម៉ឺនហិកតា ប៉ុន្តែក្នុងនោះក៏មានការដាំឡើងវិញប្រមាណ៣ម៉ឺនហិកតាផងដែរ។ សព្វថ្ងៃ កម្ពុជាមានផ្ទៃដីដាំស្វាយចន្ទីប្រមាណតែ ៧០ម៉ឺនហិកតាប៉ុណ្ណោះ ធៀបនឹងឆ្នាំ ២០២១ មានប្រមាណ៨០ម៉ឺនហិកតា៕

The post កម្ពុជានាំចេញគ្រាប់ស្វាយចន្ទីឆៅទៅកាន់ប្រទេសវៀតណាម បានជាង៦សែនតោន ក្នុងរយៈពេល៩ខែ ឆ្នាំនេះ appeared first on .

លោក សុទ្ធ សុភា ប្រធានប្រតិបត្តិនៃសហគមន៍កសិកម្មស្វាយកែវរមៀតគីរីរម្យបានឱ្យដឹងថា ក្នុងរយៈពេល២ឬ៣ឆ្នំាកន្លងមកនេះកសិករដាំដុះស្វាយនៅក្នុងតំបន់បានជួបរឿងផ្ទួនៗគ្នាទៅលើតម្លៃផ្លែស្វាយកែវរមៀតវាមិនមានតុល្យទៅនិងការចំណាយរបស់កសិករ ធ្វើឱ្យម្ចាស់ចំការមានការខាតបង់ប្រាក់ច្រើន។

លោកបញ្ជាក់ថា «តួយ៉ាងនៅឆ្នំា២០២២និង២០២៣នេះ ម្ចាស់ចំការស្វាយមានការបាក់ទឹកចិត្តលែងមានអ្នកចង់បន្តជាមួយនិងការដំាដុះស្វាយទៀតនោះទេ ដោយកសិករខ្លះបានកាត់ដើមស្វាយចោល ហើយកសិករខ្លះផ្សេងទៀតទុកដីទំនេចោល មិនដូចទៅនិងពេលដែលផ្លែស្វាយមានហាងឆេងនោះទេ»។

បើតាមប្រធានប្រតិបត្តិនសហគមន៍កសិកម្មស្វាយកែវរមៀតគីរីរម្យការនាំចេញស្វាយស្រស់ក្នុងរយៈពេល៨ខែក្នុងឆ្នាំ២០២៣នេះមានការធ្លាក់ចុះជាង២១%នេះ វាបានបង្ហាញឱ្យឃើញពីសកម្មភាពដំាដុះស្វាយកែវរមៀតនៅក្នុងស្រុកកំពុងជួបបញ្ហាទីផ្សារ និងធ្វើឱ្យកសិករបាក់ទឹកចិត្ត។

លោកសុទ្ធ សុភា លើកឡើងថានៅទីនេះសមាជិកដែលជាម្ចាស់ចំការស្វាយទំាងអស់ពួកគាត់មានការខាតបង់គ្រប់គ្នា ហើយផ្លែស្វាយនៅសល់ចុងក្រោយទុកឱ្យទុំជ្រុះចោល ដោយសារតម្លៃស្វាយលក់បានតែពី ២០០ទៅ៣០០រៀលក្នុងមួយគីឡូក្រាម ខណៈកសិករចំណាយដើមលើការថែទំាខ្ពស់។

លោកបន្តថា នៅមុនវិបត្តិជំងឺកូវីដ១៩ចូលមកលុកលុយនៅកម្ពុជាស្វាយកែវរមៀតកសិករនៅអាចលក់បានថ្លៃនៅចន្លោះពី៨០០ទៅ១៥០០រៀលក្នុងមួយគីឡូក្រាមផ្អែកទៅតាមប្រភេទផ្លែស្វាយ ប៉ុន្តែបន្ទាប់ពីជួបវិបត្តិជំងឺកូវីដ១៩មក ហាងឆេងស្វាយកែវរមៀតវាមិនឋិតថេរ ដោយនៅពេលខ្លះតម្លៃស្វាយបានធ្លាក់ចុះមកនៅត្រឹម៣០០រៀលក៏មាន។បច្ចុប្បន្ននេះស្វាយកែវរមៀតគិតជាមធ្យមនៅមានតម្លៃពី៥០០ទៅ៧០០រៀលក្នុងមួយគីឡូក្រាម។

នៅពេលបច្ចុប្បន្ន បើតាមលោក សុទ្ធ សុភា ថាសហគមមានផ្ទៃដីដំាស្វាយកែវរមៀតមានប្រមាណ៧០០ហិកតា ហើយក្នុងនាមជាប្រធានប្រតិបត្តិលោកមានការព្រួយបារម្ភជាខ្លំាងទៅថ្ងៃអនាគតបើសិនមិនមានឈ្មួញចុះមកទិញស្វាយពីកសិករឱ្យច្បាស់លាស់នោះទេ កសិករអាចនិងជួបវិបត្តិច្រើនថែមទៀត។

លោក សុទ្ធ សុភា សំណូមពរដូច្នេះថា «ក្នុងនាមខ្ញុំជាប្រធានប្រតិបត្តិរបស់សហគមន៍ ខ្ញុំមានការព្រួយបារម្ភខ្លំាងទៅថ្ងៃអនាគត ព្រោះបច្ចុប្បន្នយើងមិនទាន់ឃើញមានយន្តការខាងណាមួយឱ្យច្បាស់លាស់ក្នុងការពង្រឹងទៅលើអ្នកទិញឱ្យពិតប្រាកដមកពីប្រទេសទី៣នៅឡើយទេ។ កន្លងមកយើងតែងនិយាយថានឹងមានឈ្មួញកូរ៉េ និងចិនចូលមកទិញស្វាយពីកសិករ ក្រោយពីចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគីរវាងកម្ពុជា ជាមួយចិននិងជាមួយប្រទេសកូរ៉េ។ ប៉ុន្តែកសិផលរបស់យើងនៅមិនទាន់បាននាំចេញទៅប្រទេសទំាងនេះនៅឡើយទេ។ដូចនេះខ្ញុំគិតថាបើសិនជានៅបន្តយន្តការបែបនេះបន្តទៀត ប្រជាកសិករខ្មែរដែលប្រកបអាជីវកម្មលើដំណាំកសិផល កសិករនឹងជួបវិបត្តិច្រើនតទៅមុខទៀត»៕ អត្ថបទ៖សារេត

The post កសិករកំពុងបាក់ទឹកចិត្ត រឿងនាំចេញផ្លែស្វាយស្រស់ធ្លាក់ចុះជាង២១% ខណៈការដំាដុះជួបបញ្ហា appeared first on .

លោក អួន ស៊ីឡុត ប្រធានសមាគមស្វាយចន្ទីកម្ពុជាបានឱ្យដឹងថា មូលហេតុឬកត្តាដែលធ្វើឱ្យការនាំចេញទៅវៀតណាមធ្លាក់ចុះ៖ ១)-កសិករកាប់ស្វាយចន្ទីចោលអស់ប្រមាណ១០ម៉ឺនហិកតាក្នុងរយៈពេល២ឆ្នាំចុងក្រោយនេះ, ២)-ការប្រជែងទិញវត្ថុធាតុដើមពីសហគ្រាសក្នុងស្រុកនិង៣)-កសិករមានធុនធានហាលគ្រាប់ទុកលក់នៅពេលគ្រាប់ឆៅឡើងថ្លៃចន្លោះខែសីហា តុលា។

ដើម្បីជំរុញការដាំដុះស្វាយចន្ទីឡើងវិញ លោក អួន ស៊ីឡុត មានប្រសាសន៍ថាសមាគមស្វាយចន្ទីកម្ពុជា បានសហការយ៉ាងសស្រាក់សស្រាំ ជាមួយក្រសួងកសិកម្ម រុក្ខាប្រមាញ់និងនេសាទ តាមរយៈនាយកដ្ឋានដំណាំកសិកម្ម ដើម្បីផ្តល់ចំណេះដឹងផ្នែកថែទាំនិងកាត់បន្ថយថ្លៃដើមផលិតតាមខេត្តគោលដៅទាំង១០ ជាក់ស្តែងឆ្នាំ២០២៣នេះ កូនចន្ទី៦លានកូន (ប្រហែល៣ម៉ឺនហិតា) ត្រូវបានដាំជំនួសដីដែលកាប់ចន្ទីចាស់ចោល ។

លើសពីនេះ សមាគមស្វាយចន្ទីកម្ពុជាបានសហការជាមួយនាយកដ្ឋាន កសិ-ឧស្សាយកម្ម ដើម្បីរកទីផ្សារថ្មីតាមរយៈការជម្រុញសហគ្រាស សិប្បកម្មកែច្នៃក្នុងស្រុក ឱ្យទទួលបានហិរញ្ញប្បទានអនុគ្រោះពីធនាគារ សហគ្រាសធុនតូចនិងមធ្យម (SME bank )។

ប្រធានសមាគមស្វាយចន្ទីកម្ពុជាគូសបញ្ជាក់ថា«កន្លងមកសមាគមស្វាយចន្ទីកម្ពុជា និងសមាគមស្វាយចន្ទីវៀតណាម (Vinacas) បានចុះអនុស្សារណៈយោគយល់មួយជម្រុញឱ្យមានការទិញដូរផ្ទាល់រវាងកសិករនិងរោងចក្រ ដើម្បីកាត់បន្ថយឈ្មួញកណ្តាលក្នុងគោលបំណងផ្តល់តម្លៃបន្ថែមដល់កសិករ»៕

អត្ថបទ៖សារេត

The post វៀតណាម មានតម្រូវការគ្រាប់ស្វាយចន្ទីឆៅ​ពីកម្ពុជាជាង៥៧ម៉ឺនតោនក្នុងរយៈពេល៦ខែ appeared first on .