អង្គប្រជុំ បានគាំទ្រជាគោលការណ៍ក្នុងការជំរុញគម្រោងសាងសង់ផែ Marina កោះរ៉ុងនេះ ដើម្បីបង្កើតផលិតផលទេសចរណ៍ថ្មី ជាពិសេស តាមរយៈការទាក់ទាញភ្ញៀវទេសចរលំដាប់ខ្ពស់ ដែលមានកប៉ាល់ និង/ឬ Yacht ផ្ទាល់ខ្លួន អាចចូលសំចត និង កំសាន្តនៅកោះរ៉ុង បានងាយស្រួល និង សន្សំសំចៃពេល។

គួរឱ្យដឹងថា គម្រោងសាងសង់ផែ Marina កោះរ៉ុង មានទីតាំងស្ថិតនៅក្រុងកោះរ៉ុង ខេត្តព្រះសីហនុ ដែលរួមមាន ចំណតផែសម្រាប់ កប៉ាល់ និង/ឬ Yacht, ស្ថានីយប្រេង និង សាកអាគុយ, បន្ទប់ទឹក, ភោជនីយដ្ឋាន, អគារការិយាល័យ, ចំណតយានយន្ត, សួនច្បារ, អគារស្នាក់នៅ, សណ្ឋាគារ, ផ្សារ ឬ ហាងទំនិញ, និង ហាងទំនិញរួចពន្ធ ជាដើម ។

លោកបណ្ឌិតសភាចារ្យ ហ៊ាន សាហ៊ីប បានលើកឡើងថា គម្រោងនេះ នឹងចូលរួមចំណែកអភិវឌ្ឍកោះរ៉ុង និង ជំរុញកំណើនសេដ្ឋកិច្ចជាតិ ខណៈដែលវិស័យទេសចរណ៍ គឺជាផ្នែកមួយដ៏សំខាន់ ចំពោះមុខ ដែលរាជរដ្ឋាភិបាលបានយកចិត្តទុកដាក់ខិតខំក្នុងការជំរុញ និង ទាក់ទាញការវិនិយោគ៕

The post រដ្ឋាភិបាលគាំទ្រនិងលើកទឹកចិត្តគម្រោងសាងសង់ផែ Marina កោះរ៉ុង ដើម្បីបង្កើតផលិតផលទេសចរណ៍ថ្មី appeared first on .

ក្រៅពីការសាងសង់ផ្លូវបេតុង និងផែចំណតហើយនោះ លោក យឹម លក្ខណ៍ បានយល់ព្រមជួយសាងសង់មណ្ឌលសុខភាព និងអគារសាលាបឋមសិក្សា, អនុវិទ្យាល័យ, វិទ្យាល័យ អាហារដ្ឋាន,កន្លែងស្នាក់នៅរបស់លោកគ្រូ អ្នកគ្រូ ព្រមទាំងបន្ទប់ទឹកផងដែរ។

លោក គួច ចំរើន អភិបាល អភិបាលខេត្តព្រះសីហនុ បានលើកឡើងថា ការបើកការដ្ឋានសាងសង់ផ្លូវបេតុង និងផែចំណតទូកកោះរ៉ុងសន្លឹម ពិតជាបានចូលរួមចំណែកយ៉ាងសំខាន់ក្នុងការលើកកម្ពស់វិស័យទេសចរណ៍ និងសេដ្ឋកិច្ចក្នុងខេត្តព្រះសីហនុ ជាពិសេសក្រុងកោះរ៉ុងឱ្យកាន់តែទទួលបានភាពទាក់ទាញ និងរីកចម្រើនទៅមុខជាលំដាប់ និងបានផ្តល់ឱកាសការងារជូនប្រជាពលរដ្ឋនៅខេត្តព្រះសីហនុ ពិសេសប្រជាពលរដ្ឋក្រុងកោះរ៉ុងចូលរួមចំណែកជាមួយរាជរដ្ឋាភិបាលក្នុងការលើកកម្ពស់កម្រិតជីវភាព និងកាត់បន្ថយភាពក្រីក្ររបស់ប្រជាពលរដ្ឋ។

លោកបានរំលឹកថា រាជរដ្ឋាភិបាលបានផ្តល់ការវិនិយោគឱ្យទៅក្រុមហ៊ុន អេម៉ារីយូ ធ្វើការវិនិយោគ ហើយនៅអំឡុងចុងឆ្នាំ២០២១ ក្រុមហ៊ុន U Property Management CO., LTD បានសហការជាមួយក្រុមហ៊ុន អេម៉ារីយូ ចាប់ដៃគ្នាធ្វើការអភិវឌ្ឍបន្តដំណើរឆ្ពោះទៅមុខ ដើម្បីអភិវឌ្ឍនឹងដោះស្រាយបញ្ហាដែលមាននៅសេសសល់នៅលើកោះរ៉ុង ការអភិវឌ្ឍនៅលើកោះរ៉ុង។ បើតាមលោក គួច ចំរើន ការតាំងទីលំនៅ ការអភិវឌ្ឍ ការវិនិយោគដាច់ដោយដុំវាជារឿងសុទ្ធតែមិនស្របច្បាប់ ក្រោមការសម្របសម្រួលរបស់រាជរដ្ឋាភិបាលបានផ្តល់សិទ្ធកាន់កាប់ជូនបងប្អូនរស់នៅដោយស្របច្បាប់ ដែលជាបទពិសោធន៍នៃការដោះស្រាយបញ្ហាប្រឈមនានា។ លោកថា ពីមុននៅទីនេះគ្មានផ្លូវថ្នល់ គ្មានការអភិវឌ្ឍនោះទេ ពេលនេះក្រុមហ៊ុនបានធ្វើការឈូសឆាយពង្រីកផ្លូវបានធំទូលាយ។

លោកបន្តថា ស្ថានភាពចំពោះមុខក្រុមហ៊ុនកសាងផែ រួចបន្តកសាងផ្លូវបេតុងជាង ៦០គីឡូម៉ែត្រ និងកសាងអាងប្រព្រឹត្តកម្មទឹកកខ្វក់ ហើយហេដ្ឋារចនាសម្ព័ន្ធដែលក្រុមហ៊ុនត្រូវរៀបនោះ មានកំពង់ផែអន្តរជាតិ និងគម្រោងតបណ្តាញអគ្គិសនីពីកោះរ៉ុង មកកាន់កោះរ៉ុងសន្លឹម បំរើឱ្យការអភិវឌ្ឍលើវិស័យទេសចរណ៍ ក៏ដូចជាការជួយបង្កើនជីវភាពប្រជាពលរដ្ឋដែលរស់នៅលើកោះកាន់តែមានជីវភាពល្អប្រសើឡើងនៅពេលខាងមុខ៕

The post ដើម្បីលើកកម្ពស់ទេសចរប្អូនថ្លៃលោក ហ៊ុន ម៉ានី សាងសង់ផែចំណតទូកនៅកោះរ៉ុងសន្លឹម appeared first on .

លោក កែវ រតនៈ រដ្ឋមន្ត្រីប្រតិភូអមនាយករមន្រ្តី អគ្គនាយកអគ្គិសនីកម្ពុជា បានលើកឡើងថា គម្រោងសាងសង់ខ្សែបណ្តាញបញ្ចូនរង តាមរយៈខ្សែបណ្តាញតង់ស្យុងមានកម្លាំង ២២គីឡូវ៉ុល និង៣៥គីឡូវ៉ុល និងខ្សែកាបកប់ក្រោមបាតសមុទ្រ ​​បានចំណាយថវិកាសរុបចំនួន ១០​.៤៤លានដុល្លារ ដែលមានខ្សែបណ្តាញតង់ស្យុងមធ្យមសរុប ៨២.១៥ គីឡូម៉ែត្រ ក្នុងនោះរួមមាន ខ្សែបណ្តាញអាកាសមានប្រវែងសរុបប្រមាណ ៤៩.៦២ គីឡូម៉ែត្រ ខ្សែបណ្តាញកប់ដីមានប្រវែងសរុបប្រមាណ ១១.៥១គីឡូម៉ែត និងខ្សែបណ្តាញកប់ក្រោមបាតសមុទ្រ ប្រវែងសរុបប្រមាណ ២១.០២ គីឡូម៉ែត្រ។

សូមជម្រាបជូនថា ក្នុងការអនុវត្តគម្រោងជាប្រវត្តិសាស្រ្តមួយនេះ​ ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានផ្តល់កម្ចីវិនិយោគ​ប្រមាណ៥ លានដុល្លារអាមេរិក សម្រាប់ថ្លៃសាងសង់ដោយគ្មានការប្រាក់ សម្រាប់ទូទាត់មួយផ្នែកធំនៃគម្រោងខាងលើ ដោយសងរំលោះក្នុងទឹកប្រាក់ ១ លានដុល្លារអាមេរិក ក្នុងមួយឆ្នាំសម្រាប់រយៈពេល ៥ឆ្នាំ ដើម្បីចូលរួមជាបដិភាគនៅក្នុងសុឆន្ទៈនៃការសហប្រតិបត្តិការ និងជួយបន្ធូរបន្ថយផ្នែកថវិការបស់អគ្គិសនីកម្ពុជា។

​ជាមួយគ្នានេះ ក្រុមហ៊ុន រ៉ូយ៉ាល់ គ្រុប កោះរ៉ុង ឌីវេឡុបមេន ខមភេនី បានសាងសង់ខ្សែបណ្តាញអគ្គិសនីអាកាសតង់ស្យុង ៣៥ គីឡូវ៉ុល ប្រវែងសរុបប្រមាណ២២ គីឡូម៉ែត្រ បន្ថែមពីខ្សែបណ្តាញរបស់អគ្គិសនីកម្ពុជា ដែលមានប្រវែងជាង២០ គីឡូម៉ែត្រ ខ្សែបណ្តាញអាកាសតង់ស្យុង ០.៤ គីឡូវ៉ុល ប្រវែងសរុបប្រមាណ ២០.៨គីឡូម៉ែត្រ និងដំឡើងត្រង់ស្វូរ 35/0,4kV មានចំនួន ២៣ គ្រឿង ដែលត្រូវចំណាយថវិកាសរុបចំនួន ២ លានដុល្លារអាមេរិក​។

បន្ថែមទៀតនោះ ក្រុមហ៊ុន រ៉ូយ៉ាល់ គ្រុប គ្រោងនឹងសាងសង់ស្ថានីយផលិតអគ្គិសនីដើរ ដោយពន្លឺព្រះអាទិត្យបន្ថែមទៀត ដែលជាថាមពលកកើតឡើងវិញ និងជាប្រភពជំនួយបន្ថែម។ លើសពីនេះទៀត ក្រុមហ៊ុនបានសាងសង់ហេដ្ឋារចនាសម្ព័ន្ធ ដូចជាផ្លូវបេតុងយ៉ាងច្រើនខ្វាត់ខ្វែង លើកោះទាំងមូល និងកំពុងសាងសង់ព្រលានយន្តហោះផងដែរ​៕

The post គម្រោងសាងសង់ខ្សែបណ្តាញតង់ស្យុងមធ្យមកប់ក្រោមបាតសមុទ្រ និងអាកាសតាមបណ្តាកោះតម្លៃ១០​.៤៤លានដុល្លារ ដាក់ឲ្យដំណើរការ appeared first on .

បើតាមក្រុមហ៊ុន វិរៈប៊ុនថាំ បានឱ្យដឹងថា លោកអ្នកនឹងកាន់តែងាយស្រួ និងកាន់តែឆាប់រហ័សទ្វេដង ខណៈលោកអ្នកអាចប្រើមធ្យោបាយធ្វើដំណើរ ទៅកាន់កោះរ៉ុង និងរ៉ុងសន្លឹម តាមរយៈទូកទំនើបប្រភេទល្បឿនលឿន(Buva Sea Cambodia ) ត្រឹមតែ 30 នាទីតែប៉ុណ្ណោះ ខណៈក្នុងពេលឆាប់ៗនេះដែរ ក្រុមហ៊ុនក៏នឹងផ្ដល់ជូនសេវាកម្មទៅកាន់កោះស្ដេចផងដែរ។

សម្រាប់លោកអ្នកដែលចង់ធ្វើដំណើរតាមទូកទំនើបប្រភេទល្បឿនលឿននេះ គឺលោកអ្នកអាចមើលនៅវិធីដូចខាងក្រោមនេះ៖

☞︎ ​​ទាញយកកម្មវិធី VET Express ឥឡូវនេះសម្រាប់ការកក់ទូក ៖
-សម្រាប់ប្រព័ន្ធប្រតិបត្តិការ IOS: https://apple.co/2GG57Vq
-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8
Website: www.buvasea.com

យ៉ាងណាមិញ សម្រាប់ព័ត៌មានបន្ថែម និងចង់កក់សំបុត្រ លោកអ្នកក៏អាចទំនាក់ទំនងទៅកាន់លេខទូរសព្ទ៖ 015 888850, 089 971291, 098 888950, 097 8888950។

សូម​ជម្រាប​ជូនដែរ​ថា ក្រុមហ៊ុន​ វិរៈ ប៊ុនថាំ អេចប្រេស ជា​ក្រុមហ៊ុន​ដឹក​ជញ្ជូន​ និង​បញ្ញើ​ឈាន​មុខ​គេ​មួយ​នៅ​ប្រទេស​កម្ពុជា ដែល​អាច​ធ្វើ​ដំណើរ ឬ​​ផ្ញើ​​ទំនិញ​ ទៅ​កាន់​ប្រទេសថៃ និង​វៀតណាម​បាន។ លើស​ពី​នេះ​ថ្មីៗ​នេះ​ ក្រុមហ៊ុន​ ក៏​ទើប​បាន​ចេញ​​ App ថ្មី​មួយ​ឈ្មោះ​ថា VET Express ដែល​អាច​ទាញ​យក​បាន​នៅ​លើ​​​ទូរសព្ទ​ដៃ​ទាំង​ប្រព័ន្ធ​ iOS និង​ Andriod ​​ដើម្បី​តាម​ដាន​ប្រតិបត្តិការ​​បញ្ញើ​ទំនិញ ឬ​អាច​កក់​សំបុត្រ​​ក្នុង​ការ​ធ្វើ​ដំណើរ​បាន​ផង​ដែរ៕

The post ជិះទូកទំនើបល្បឿនលឿនក្រុមហ៊ុន វិរៈប៊ុនថាំ ទៅកាន់កោះរ៉ុង និងរ៉ុងសន្លឹម ត្រឹមតែ ៣០នាទី appeared first on .

ថ្លែងក្នុងឪកាសនោះ អ្នកឧកញ៉ា គិត ម៉េង បានបញ្ជាក់ពីការប្តេជ្ញាចិត្តសាងសង់អាកាសយានដ្ឋានអន្តរជាតិកោះរ៉ុង (លំដាប់ 4C) នៅលើតំបន់អភិវឌ្ឍន៍កោះរ៉ុង ឲ្យសម្រេចតាមផែនការមេ ដែលស្របទៅនឹងគោលនយោបាយសន្តិភាព និងការអភិវឌ្ឍរបស់ម្តេចតេជោ ហ៊ុន សែន នាយករដ្ឋមន្ត្រី។

បើតាមអ្នកឧកញ៉ាព្រលានយន្តហោះអេកូទេសចរណ៍អន្តរជាតិកោះរ៉ុងនេះ គ្រោងនឹងសាងសង់នៅពេលឆាប់ៗខាងមុខ ដោយត្រូវចំណាយពេលវេលា៥ឆ្នាំ។ ទន្ទឹមនឹងនោះលោក៏បានបញ្ជាក់ថា «ការសាងសង់នៅលើកោះមានការលំបាក និងចំណាយខ្ពស់ជាងការសាងសង់នៅលើគោកធម្មតា ពី២ទៅ៣ដង ដោយសារបញ្ហាដឹកជញ្ជូន»។

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បានលើកឡើងថា អាកាសយានដ្ឋានដែលបំរុងនឹងធ្វើការសាងសង់លើកោះរ៉ុងនេះ ជាអាកាសយានដ្ឋានអន្តរជាតិថ្មីទី៤ ដែលបានធ្វើការវិនិយោគ ដោយមានការចូលរួមពីវិស័យឯកជន បន្ទាប់ពីអាកាសយានដ្ឋានអន្តរជាតិតារាសាគរ អាកាសយានដ្ឋានអន្តរជាតិសៀមរាប-អង្គរ និងអាកាសយានដ្ឋានអន្តរជាតិតេជោ។

លោកបន្តថា គម្រោងអភិវឌ្ឍនេះស្ថិតនៅក្នុងក្របខ័ណ្ឌនៃការវិនិយោគពហុបំណងរួម សម្រាប់ក្រុងកោះរ៉ុងទាំងមូល ដែលជាការវិនិយោគរបស់វិស័យឯកជន ហើយមានលក្ខណៈស្រដៀងគ្នា នឹងការវិនិយោគរបស់ក្រុមហ៊ុនយ៉ូញៀន (UDG) នៅតំបន់តារាសាគរដែរ (ការវិនិយោគឯកជន ១០០% សម្រាប់ការអភិវឌ្ឍគម្រោងពហុបំណង)។ ម្យ៉ាងវិញទៀត គម្រោងនេះក៏មានសង្គតិភាពជាមួយនឹងចក្ខុវិស័យ ផែនការគោលនយោបាយ និងទិសដៅយុទ្ធសាស្ត្រអភិវឌ្ឍន៍របស់រាជរដ្ឋាភិបាលកម្ពុជា។

គួររម្លឹកថា កោះរ៉ុង មានផ្ទៃក្រឡាប្រមាណ ៧៨គីឡូម៉ែត្រក្រឡា ជាកោះធម្មជាតិដែលមានទំហំ​ធំ​ជាងគេ​លំដាប់ទីពីរនៅក្នុងប្រទេសកម្ពុជា មានចម្ងាយប្រហែល២៥គីឡូម៉ែត្រ ពីក្រុងព្រះសីហនុ។ កោះរ៉ុង ត្រូវបានរដ្ឋាភិបាលកម្ពុជា ផ្តល់សិទ្ធិសម្បទានទៅឱ្យយក្រុមហ៊ុនឯកជនក្នុងស្រុក សហការជាមួយក្រុមហ៊ុន​បរទេសធ្វើការវិនិយោគ កាលពីឆ្នាំ២០០៨ គឺក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង និងក្រុមហ៊ុន រ៉ូយ៉ាល់ ហ្គាឡាក់ស៊ី គ្រុប របស់ចិន ដោយប្រើប្រាស់ទុនចំនួន ២ ពាន់លានយ័ន ឬ ប្រមាណជាង ២៨៥ លានដុល្លារអាមេរិក ដើម្បីអភិវឌ្ឍសណ្ឋាគារលំដាប់ផ្កាយ៥ និងរមណីយដ្ឋាននៅ​លើកោះរ៉ុង ក្នុងខេត្ត​ព្រះសីហនុ៕

The post អ្នកឧកញ៉ា គិត ម៉េង៖ ការសាងសង់ព្រលានយន្តហោះអន្តរជាតិកោះរ៉ុង នៅលើកោះមានការលំបាក appeared first on .

កោះរ៉ុង គឺជាកោះដែលមានឆ្នេរខ្សាច់ស្រស់ស្អាតសចែងចាំងនិងទឹកសមុទ្រកែវផ្កាថ្មចម្រុះពណ៌និងមេឃពណ៌ខៀវគួរឱ្យទាក់ទាញបំផុត។ ពេលកន្លងទៅ កោះមួយនេះ ត្រូវបានចាត់ចំណាត់ថ្នាក់ជាឆ្នេរមួយក្នុងចំណោមឆ្នេរស្អាតបំផុតទាំង ១០ នៅលើពិភពលោក ដោយទស្សនាវដ្តីភូមិសាស្ត្រអាមេរិកាំង។

កោះរ៉ុង ត្រូវបានរដ្ឋាភិបាលកម្ពុជា ផ្តល់សិទ្ធិសម្បទានទៅឲ្យក្រុមហ៊ុនឯកជនក្នុងស្រុក សហការជាមួយក្រុមហ៊ុនបរទេសធ្វើការវិនិយោគ កាលពីឆ្នាំ២០០៨ គឺក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង និងក្រុមហ៊ុន រ៉ូយ៉ាល់ ហ្គាឡាក់ស៊ី គ្រុប របស់ចិន ដោយប្រើប្រាស់ទុនចំនួន ២ ពាន់លានយ័ន ឬ ប្រមាណជាង ២៨៥ លានដុល្លារអាមេរិក ដើម្បីអភិវឌ្ឍសណ្ឋាគារលំដាប់ផ្កាយ៥ និងរមណីយដ្ឋាននៅលើកោះរ៉ុងក្នុងខេត្តព្រះសីហនុ។

នៅក្នុងគម្រោងអភិវឌ្ឍកោះរ៉ុង ក្រុមហ៊ុនក៏គ្រោងសាងសង់ព្រលានយន្តហោះអន្តរជាតិ កាស៊ីណូ និងសណ្ឋាគារព្រមទាំងរោងចក្រផលិតថាមពលដើរដោយពន្លឺព្រះអាទិត្យនិងអនុភាព 3MW ផងដែរ៕

The post តើមហាសេដ្ឋីរូបណា បោះទុន ២៨៥លានដុល្លារ កែប្រែសម្រស់កោះរុងគួរឲ្យទាក់ទាញ appeared first on .

ក្នុងចំណោមកោះជាច្រើន កោះ​រ៉ុង ជា​ទិស​ដៅ​អភិរក្ស​ធន​ធាន​សមុទ្រ​ដំបូង​គេ ដោយ​សារ​នៅ​ទី​នោះ​ជា​តំបន់​មាន​សក្កានុពល​ទាក់​ទាញ​ភ្ញៀវ​ទេសចរ​ដ៏​គួរ​ឲ្យ​ចាប់​អារម្មណ៍​ នៅ​ក្នុង​ចំណោម​កោះ​ដទៃ​ទៀត ក្នុង​តំបន់​សមុទ្រ​របស់​កម្ពុជា។

រដ្ឋាភិបាល​កម្ពុជា​បាន​ចេញ​អនុក្រឹត្យ​បង្កើត​ «ឧទ្យាន​ជាតិ​សមុទ្រ​កោះរ៉ុង» ​ដែល​មាន​ផ្ទៃដី ​និង​ផ្ទៃ​ទឹក​សរុប​៥២៤៤៨​ហិកតា ដំបូងគេជា​ប្រវត្តិ​សាស្ត្រ គឺ​ដើម្បី​ការពារ និង​អភិរក្ស​ធនធាន​សមុទ្រ​ ដែល​កំពុង​រង​សម្ពាធ​រេច​រឹល។

ឧទ្យានជាតិ​សមុទ្រ​កោះរ៉ុង​មាន​ផ្ទៃ​សរុប​ ៥២​ ៤៤៨​ហិកតា​ និង​ស្ថិត​ក្នុង​ភូមិសាស្ត្រ​ខេត្ត​ព្រះ​សីហនុ​ និង​ខេត្ត​កោះកុង។​ ឧទ្យាន​ជាតិ​នេះ​ នឹងគ្រប​ដណ្តប់​លើ​កោះ​ជាច្រើន​ រួមមាន​ កោះរ៉ុង កោះរ៉ុង​សន្លឹម​ កោះ​តូច​ កោះ​តាទៀម ​កោះ​ម្នាស់ក្រៅ​ កោះ​ម្នាស់​ក្នុង​ និង​សមុទ្រ​ជុំវិញ។ ​ឧទ្យាន​សមុទ្រ​ដដែល​នេះ​ត្រូវ​បាន​បង្កើត​ឡើង​ ទៅ​តាម​សំណើ​ររបស់លោក​ សាយ សំអាល់ រដ្ឋមន្ត្រី​ក្រសួង​បរិស្ថាន។

អនុក្រឹត្យ​ចុះហត្ថលេខាដោយសម្តេចតេជោ ហ៊ុន សែន​ បានបញ្ជាក់ថា​ ផ្ទៃ​ដី​តំបន់​ឧទ្យាន​ជាតិ​សមុទ្រ​កោះរ៉ុង​នេះ​ «មិន​បញ្ចូល​ដី​កម្មសិទ្ធិឯកជន​ និងដី​ប្រើ​ប្រាស់​ជា​ប្រយោជន៍​សាធារណៈ​ទេ»។​

ទន្ទឹមនឹងនេះសម្តេចតេជោ ក៏បាន​ដាក់​បញ្ជា​ឲ្យ​ក្រសួង​បរិស្ថាន​ «ត្រូវ​កំណត់​ និង​បែង​ចែក​ដើម្បី​ការ​កាត់​ឆ្វៀល​ផ្ទៃ​ដី​វិនិ​យោគ​ ដី​លំនៅដ្ឋាន​ ដីស្រែ-ចម្ការ​ និង​ដី​អាស្រ័យ​ផល​ជាក់​ស្តែង​របស់​ប្រជា​ពលរដ្ឋ​ នៅ​លើ​កោះនានា​នៃ​ឧទ្យាន​ជាតិ​សមុទ្រ​កោះរ៉ុង ​ដោយ​អនុលោម​តាម​ច្បាប់​ស្តីពី​តំបន់​ការពារ​ធម្មជាតិ»។​

សូមជម្រាបជូនថា កោះរ៉ុង មានសក្តានុពលអេកូទេសចរណ៍ធម្មជាតិ ដូចជាឆ្នេរសល្អស្អាត ទឹកសមុទ្រខៀវស្រងាត់ ព្រៃឈើធម្មជាតិ និងធនធានធម្មជាតិបាតសមុទ្រ ដូចជាផ្កាថ្មជាដើម ទាំងអស់នេះដែលជាទីចាប់អារម្មណ៍ សម្រាប់ភ្ញៀវទេសចរទាំងជាតិនិងអន្តរជាតិទៅលេងកំសាន្ត។

ខេត្ត​ព្រះសហីនុ​ គឺ​ជា​ទី​កន្លែងទាក់​ទាញ​ភ្ញៀវ​ទេសចរ​ដ៏​សំខាន់​មួយ​របស់​ប្រទេស​កម្ពុជា។ ​ភ្ញៀវទេស​ចរ​ចិន ​និង​អ្នក​ជំនួញ​ ក៏​បាន​មក​ទស្សនា ​និង​បើក​ការ​រក​ស៊ី​នៅ​ក្នុង​ខេត្ត​នេះ​ក្នុង​ចំនួន​ដ៏ច្រើនផងដែរ៕

The post តើកោះមួយណា ត្រូវបានបង្កើតជាឧទ្យានជាតិសមុទ្រដំបូងគេបង្អស់? ដោយរដ្ឋមន្ត្រីរូបណា? appeared first on .

ព្រែកតាសុខនៅលើ​កោះរ៉ុង ជា​ទីកម្សាន្តបែបទេសចរធម្មជាតិ គ្រប់ដណ្តប់​ដោយ​ដើមឈើ​ដុះ​ច្រូងច្រាំងអមតាមមាត់ព្រែក ដែលទាក់ទាញអារម្មណ៍របស់ភ្ញៀវទេសចរខ្លាំងបំផុត ហើយ​ព្រែកដ៏ស្អាតបំផុតមួយនេះ ក៏​មានរាងដូចទៅនឹងទន្លេអាម៉ាហ្សូនដ៏ល្បីល្បាញនៅទូទាំងពិភពលលោករបស់ប្រទេសនៅតំបន់ទ្វីបអាមេរិកខាងត្បូង។

ព្រៃអាម៉ាហ្សូនគឺជាព្រៃត្រូពិច (Tropical Rainforest) ធំជាងគេបំផុតនៅលើភពផែនដីស្ថិតនៅទ្វីបអាមេរិកខាងត្បូងគ្រប់ដណ្តប់លើប្រទេសចំនួន ៩ ដែលក្នុងនោះរួមមាន ប្រេស៊ីល បូលីវី ប៉េរូ អេក្វាឌ័រ កូឡុំប៊ី វេណេហ្ស៊ុយអេឡា ហ្គីអាណា ស៊ូរីណាម និង French Guiana។ ទន្លេអាម៉ាហ្សូននៅក្នុងព្រៃអាម៉ាហ្សូន ក៏​ជាទន្លេវែងជាងគេបំផុតលំដាប់ពី២នៅលើពិភពលោកដែលមានប្រវែង ប្រមាណ ៦ ៤០០គីឡូម៉ែត្របន្ទាប់ពីទន្លេនីលនៅទ្វីបអាហ្រ្វិក ដែលជាទន្លេវែងជាងគេបំផុតនៅលើពិភពលោកមានប្រវែង ៦ ៦៥០គីឡូម៉ែត្រ៕

The post ព្រៃលិចទឹក​មួយ​លើកោះរ៉ុង ត្រូវ​​គេ​ប្រៀបធៀប​ទៅ​​ព្រៃអាម៉ាហ្សូន ធំជាងគេបំផុតនៅលើភពផែនដី appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បច្ចុប្បន្នខេត្តជាប់មាត់សមុទ្រមួយនេះ បាន​ផ្លាស់​ប្តូរយ៉ាង​ខ្លាំង​សឹង​តែ​មើល​មិន​ស្គាល់​ពោលគឺ​ផ្លាស់ប្តូរ៩០ដឺក្រេ​តែ​ម្តង ជាមួយនឹងការអភិវឌ្ឍន៍ស្ទើរគ្រប់វិស័យដូចជា សំណង់​ អគារពាណិជ្ជកម្ម​ កាស៊ីណូ ជា​ច្រើន​រីកស្គុះ​ស្គាយ អមនឹងហេដ្ឋារចនាសម្ព័ន្ធផ្លូវថ្នល់ធំៗ បើទោះជា​មាន​ការ​រាំង​ស្ទះ​ដោយ​ជំងឺ​កូវីដ-​១៩យ៉ាងណាក្តី។

ទន្ទឹមនឹងនេះ ខេត្តព្រះសីហនុក៏ជាខេត្តដែលមាន កោះតូច-ធំ ក្នុងលំហរសមុទ្រច្រើនជាងគេរបស់ប្រទេសកម្ពុជា ប្រមាណ៣២ កោះ នេះបើយោងតាមសៀវភៅប្រវត្តិខេត្តព្រះសីហនុ បោះពុម្ភកាលពីពេលថ្មីៗនេះ រួមមាន៖ កោះព្រាប កោះពស់ កោះថាស (កោងកាង) កោះដែកគោល កោះត្រេះ (ទ្ទះ) កោះរុង កោះបង កោះប្អូន កោះកូន (កុក/កណ្តាល) កោះរុងសន្លឹម កោះមូល កោះតូច កោះប្រើស កោះថ្មី កោះច្រឡុះ (ក្របី) កោះតាគៀវ កោះឬស្សី កោះស្រមោច កោះសំពោច កោះសំពោច កោះដូង កោះព្រីង កោះខ្មោច កោះត្រងោល កោះវាល កោះតាង កោះមួយ កោះមួយ កោះតំឡូួង (ក្តាម) កោះពីលិច កោះពីកើត កោះតា កោះយាយ និងកោះចៅជាដើម។

ខេត្តកំពុងអភិវឌ្ឍន៍មួយនេះ ក៏មានប្រជុំកោះ ឆ្នេរខ្សាច់ ឆ្នេរថ្ម ឆ្នេរភក់ និងជីវចម្រុះបាតសមុទ្រជាច្រើន បានក្លាយទៅជាគោលដៅ មជ្ឈមណ្ឌលទេសចរណ៍ធម្មជាតិ និងអន្តរជាតិដ៏ពេញនិយមសម្រាប់ទាក់ទាញ់ភ្ញៀវទេសចរមកទស្សនា។ មិនតែប៉ុណ្ណោះ ខេត្តព្រះសីហនុជាប់ជាសមាជិកក្លិបឆ្នេរសមុទ្រស្អាតបំផុតលើសកលលោក ដែលប្រសិទ្ធិនាមថា ឆ្នេរសមុទ្រកម្ពុជា “តារារៈទិសនារតី”។

គួររម្លឹកជូនថា ខេត្តព្រះសីហនុ ជាប៉ូលសេដ្ឋកិច្ចមួយ ក្នុងចំណោមប៉ូលសេដ្ឋកិច្ទទាំងបី ក្នុងយុទ្ធសាស្រ្តចតុកោណដំណាក់កាលទីបី របស់រាជរដ្ឋាភិបាលកម្ពុជា និងត្រូវបានកំណត់គោលដៅ ជាតំបន់សេដ្ឋកិច្ចពិេសស ពហុបំណង នៅក្នុងគោលនយោបាយអភិវឌ្ឍន៍វិស័យឧស្សាហកម្ម ឆ្នាំ២០១៥-២០២៥ ដោយសារខេត្តមានសក្តានុពលលើវិស័យទេសចរណ៍ ឧស្សាហកម្ម និងពាណិជ្ជកម្ម៕

The post ព្រះសីហនុជាខេត្តប៉ូលសេដ្ឋកិច្ចរបស់កម្ពុជា ខណៈខេត្តមួយនេះក៏មាន កោះតូច-ធំ ក្នុងលំហរសមុទ្រច្រើនជាងគេទៀតផង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស មានប្រសាសន៍ថា៖ “មិនចំណេញ ក៏អាចជួយសំរួលការធ្វើដំណើរបងប្អូនដែលរស់នៅលើកោះដែរ តែសូមចូលរួមការពារ និងរក្សាគំលាតទាំងអស់គ្នា។”

សម្រាប់បងប្អូនដែលនឹកសមុទ្រ នឹកកោះ សូមកក់ដំណើរកម្សាន្តជាមួយ Buva Sea Cambodia ចំណាយពេលតិច សុវត្ថិភាព ធានាជូននឹងធ្វើឱ្យដំណើរកម្សាន្តរបស់អ្នកពោរពេញទៅដោយស្នាមញញឹម។ សម្រាប់ម៉ោងចេញដំណើរ 8:30am ,3:00pm – ម៉ោងត្រឡប់មកវិញ 9:30am ,4:00pm ហើយអតិថិជនទាំងអស់ដែលធ្វើការកក់ Buva Sea Cambodia ទៅលេងកោះរ៉ុង និងកោះរ៉ុងសន្លឹម ខាងក្រុមហ៊ុនមានចំណតរថយន្តជូនលោកអ្នកដោយឥតគិតថ្លៃ។ ទំនាក់ទំនងកក់សំបុត្រឥឡូវនេះ តាមរយៈលេខទូរសព្ទ:+(855) 97 8888 950+(855) 98 888 950 +(855) 15 8888 50 +(855) 88 5555 330។

អ្វីដែលកាន់តែពិសេសទៀតនោះគឺ ក្រុមហ៊ុន វីរៈប៊ុនថាំ របស់លោកឧកញ៉ា សួរ វីរៈ មានរីស៊តនៅកោះជាច្រើនកន្លែងរួមមាន៖ Tube Resort, Eden Beach resort, Sara Resort, Sandy Beach resort, Bodega Beach resort, Sara Sea resort, Koh Sdach Resort៕

The post សម្រាប់អ្នកនឹកសមុទ្រ នឹកកោះ និងសំឡេងទឹករលក ក្រុមហ៊ុនមួយប្រកាសដឹកភ្ញៀវទេសចរទៅលែងកោះជាច្រើនទាំងមិនចំណេញ appeared first on .