វគ្គបណ្តុះបណ្តាលនេះ រៀបចំឡើងក្នុងគោលបំណងពង្រឹងសមត្ថភាព និងបំពាក់បំប៉នចំណេះដឹងផ្នែកសុវត្ថិភាព និងសុខភាពការងារដល់ថ្នាក់ដឹកនាំ និងគ្រូបង្រៀន TVET ក្នុងការបញ្ជ្រាបវប្បធម៌សុវត្ថិភាពទៅក្នុងកម្មវិធីសិក្សា និងការអនុវត្តប្រចាំថ្ងៃរបស់សិស្ស ព្រមទាំងគាំទ្រដល់ការរៀបចំផែនការសកម្មភាព និងការត្រួតពិនិត្យបរិយាកាសសិក្សាឱ្យមានសុវត្ថិភាព និងអនាម័យខ្ពស់មុនពេលពួកគាត់ឈានជើងចូលក្នុងទីផ្សារការងារ។

លោក លឹម ស៊ុយហុង បានលើកឡើងពីភាពចាំបាច់នៃការអប់រំសុវត្ថិភាព និងសុខភាពការងារ ដោយសារតែសិស្ស TVET ត្រូវអនុវត្តផ្ទាល់ជាមួយគ្រឿងម៉ាស៊ីន ឧបករណ៍អគ្គិសនី សារធាតុគីមី និងឧបករណ៍សំណង់ជាដើម។ ឯកឧត្តមគូសបញ្ជាក់ថា ប្រសិនបើគ្មានការបំពាក់បំប៉នវិធានការការពារទុកជាមុននោះទេ ពួកគាត់អាចប្រឈមនឹងគ្រោះថ្នាក់ទាំងក្នុងពេលសិ​ក្សា និងពេលចេញទៅបំពេញការងារ។ ឯកឧត្តមបានសង្កត់ធ្ងន់ថា ការវិនិយោគលើចំណេះដឹងផ្នែកសុវត្ថិភាព គឺជាការវិនិយោគយូរអង្វែងលើធនធានមនុស្ស ដែលជួយបង្កើនផលិតភាព កាត់បន្ថយការខាតបង់ និងបង្កើតទំនុកចិត្តយ៉ាងខ្លាំងពីសំណាក់និ​យោជក។

ជាមួយគ្នានេះ លោក អ៊ុន ប៊ុនផឿន អ្នកសម្របសម្រួលគម្រោង ILO-Korea បានលើកឡើងថា គ្រូបង្រៀន និងថ្នាក់ដឹកនាំគ្រឹះ​ស្ថានដែលបានចូលរួម គឺជាតួអង្គស្នូលក្នុងការនាំយកផែនការសកម្មភាពទាំងនោះទៅអនុវត្តបន្ត។ លោកបានក៏បានរំលឹកពីទស្សនៈគន្លឹះថា «សុវត្ថិភាព គឺជាផ្នែកមួយនៃជំនាញវិជ្ជាជីវៈ» ដោយលោកបានគូសបញ្ជាក់ថា អ្នកជំនាញពិតប្រាកដមិនត្រឹមតែធ្វើការបានលឿន ឬត្រូវបច្ចេកទេសប៉ុណ្ណោះទេ ប៉ុន្តែថែមទាំងត្រូវចេះធ្វើការដោយមានសុវត្ថិភាពទាំងសម្រាប់ខ្លួនឯង និងអ្នកជុំវិញខ្លួនផងដែរ។

ការបណ្តុះបណ្តាលនេះ នឹងក្លាយជាគ្រឹះដ៏រឹងមាំមួយបន្ថែមទៀត ក្នុងការជំរុញគុណភាពបណ្តុះបណ្តាលបច្ចេកទេស ដើម្បីធានាថា ធនធានមនុស្សជំនាន់ថ្មីរបស់កម្ពុជា គឺជាកម្លាំងពលកម្មដែលមានទាំងជំនាញច្បាស់លាស់ និងស្មារតីទទួលខុសត្រូវខ្ពស់លើសុវត្ថិភាពការងារ៕

The post ក្រសួងការងារ និង ILO-Korea បន្តពង្រីកយុទ្ធនាការបណ្តុះបណ្តាលសុវត្ថិភាព និងសុខភាពការងារដល់គ្រឹះស្ថាន TVET appeared first on .

ជំនួបនេះ មានគោលបំណងពិគ្រោះយោបល់កម្រិតប្រទេស ស្តីពីវិស័យអភិវឌ្ឍន៍ធនធានមនុស្ស និងសង្គម, បង្ហាញវឌ្ឍនភាពប្រកបដោយជោគជ័យនៃគម្រោង “ជំនាញសម្រាប់ភាពប្រកួតប្រជែង” (S4C) និងពិភាក្សាពីវឌ្ឍនភាពនៃការអនុវត្ត កម្មវិធីអភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP)។

នាឱកាសនោះ លោករដ្ឋមន្រ្តីបានស្វាគមន៍ គណៈប្រតិភូ ADB ព្រមទាំងបានវាយតម្លៃខ្ពស់ចំពោះ ADB សម្រាប់ភាពជាដៃគូយូរអង្វែង ក៏ដូចជាការប្តេជ្ញាចិត្តក្នុងការជំរុញការអភិវឌ្ឍធនធានមនុស្សនៅកម្ពុជា ជាពិសេសការរួមចំណែកយ៉ាងសំខាន់ក្នុងការអភិវឌ្ឍកម្លាំងពលកម្មជំនាញ តាមរយៈវិស័យ TVET។ ដំណើរទស្សនកិច្ចនេះ គឺជាឱកាសដ៏សំខាន់មួយក្នុងកម្រិតជាន់ខ្ពស់ ដែលបញ្ជាក់ជាថ្មីពីតួនាទី ADB ជាដៃគូស្នូលក្នុងការជំរុញរបៀបវារៈអភិវឌ្ឍជំនាញនៅកម្ពុជា និងគាំទ្រការអនុវត្តយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា។

ជាការឆ្លើយតប លោក អ៊ីស៊ូគិ តាជីម៉ា បានកោតសរសើរពីវឌ្ឍនភាពនៃកិច្ចសហប្រតិបត្តិការប្រកបដោយផ្លែផ្ការវាង ADB និងរាជរដ្ឋាភិបាលក្នុងការអភិវឌ្ឍកម្លាំងពលកម្មជំនាញនៅកម្ពុជា។ តាមរយៈការធ្វើទស្សនកិច្ចនៅតាមគ្រឹះស្ថាន TVET លោកបានឃើញពីកិច្ចខិតខំប្រឹងប្រែងក្នុងការបណ្តុះបណ្តាលដែលឆ្លើយតបនឹងតម្រូវការទីផ្សារការងារ និងការជំរុញឱ្យវិស័យឯកជនចូលរួម ដើម្បីបង្កើនចំណេះដឹង និងឱកាសការងារដល់សិក្ខាកាម។ ដោយមើលឃើញពីកិច្ចខិតខំយ៉ាងសកម្មរបស់ក្រសួង ភាគី ADB បានបញ្ជាក់ពីការគាំទ្រការអភិវឌ្ឍកម្លាំងពលកម្មរបស់កម្ពុជាក្នុងរយៈពេលវែង។

សូមជម្រាប់ថា ការវិនិយោគរបស់ ADB ក៏ជួយធ្វើឱ្យប្រសើរឡើងនូវគ្រឹះស្ថាន TVET និងសម្រេចបានលទ្ធផលលេចធ្លោជាច្រើន រួមទាំងការអនុវត្តដោយជោគជ័យនូវគម្រោងសាកល្បងស្តីពីការបណ្តុះបណ្តាលនៅកន្លែងធ្វើការ (WBL)។ ក្រសួងការងារថា ដើម្បីធានានិរន្តរភាពនៃផលប្រយោជន៍ពីការវិនិយោគទាំងនេះ រាជរដ្ឋាភិបាលបានប្តេជ្ញាចិត្តបែងចែកថវិកាជាតិចាប់ពីឆ្នាំ២០២៧ តទៅដើម្បីបន្តគាំទ្រកម្មវិធីសញ្ញាបត្រដែលទើបបង្កើតថ្មី និងគំនិតផ្តួចផ្តើមស្តីពីការបណ្តុះបណ្តាលនៅកន្លែងធ្វើការ ដែលដើរតួនាទីសំខាន់ក្នុងការគាំទ្រការអនុវត្តគោលនយោបាយជាតិពាក់ព័ន្ធនានា ដែលនឹងជួយគាំទ្រតម្រូវការជំនាញដែលកំពុងពេញនិយម ដូចជា ស្វ័យប្រវត្តិកម្ម ជំនាញឌីជីថល និងបច្ចេកវិទ្យាយានយន្តអគ្គិសនី (EV)៕

អត្ថបទ៖ហ្សាលីន

The post ធនាគារអភិវឌ្ឍន៍អាស៊ី (ADB) ប្តេជ្ញាគាំទ្រការអភិវឌ្ឍកម្លាំងពលកម្មរបស់កម្ពុជាក្នុងរយៈពេលវែង appeared first on .

តាមរយៈការផ្សព្វផ្សាយក្រសួងការងារ បានឱ្យដឹងថា គិតត្រឹមថ្ងៃទី១៦ ខែតុលា ឆ្នាំ២០២៦នេះ ខេត្តកណ្ដាល មានឱកាសការងារសរុបចំនួន ១៧,១៥៨ កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម វិស័យកសិកម្ម និងវិស័យសេវាកម្ម។

ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតប័ណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕ ប្រភព៖ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ

The post ក្រសួងការងារ៖ ខេត្តកណ្ដាលមានឱកាសការងារជិត ២ម៉ឺនកន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ appeared first on .

ក្នុងស្មារតីនេះ ក្រសួងបានក្រើនរំឭក និងអំពាវនាវដល់បងប្អូនប្រជាពលរដ្ឋទាំងអស់ ឱ្យមានការប្រុងប្រយ័ត្នខ្ពស់បំផុត ចំពោះការផ្សព្វផ្សាយ ឬការដើរអូសទាញពីសំណាក់បុគ្គលណាមួយ ដែលអះអាងថាកំពុងជ្រើសរើសមនុស្សទៅធ្វើការនៅប្រទេសរុស្ស៊ី ដោយសន្យាផ្តល់ប្រាក់ឈ្នួលខ្ពស់ ឬផ្តល់ប្រាក់ឧបត្ថម្ភដល់ក្រុមគ្រួសារជាមុន។

ក្រសួងការងារបានសង្កត់ធ្ងន់ថា ចំពោះមុខនេះ រាល់ការផ្សព្វផ្សាយ ឬការចុះជ្រើសរើសមនុស្សចេញទៅធ្វើការនៅប្រទេសរុស្ស៊ី គឺជាទង្វើខុសច្បាប់។ ប្រសិនបើមានកិច្ចព្រមព្រៀង ឬយន្តការផ្លូវការណាមួយក្នុងការបញ្ជូនបុគ្គលិក ឬពលករកម្ពុជាទៅធ្វើការនៅប្រទេសរុស្ស៊ីនាពេលអនាគត ក្រសួងនឹងជូនដំណឹងជាផ្លូវការជាសាធារណៈ។

ទន្ទឹមនឹងនេះ ក្នុងករណីសាធារណជនបានដឹង បានឮ ឬប្រទះឃើញសកម្មភាពខុសច្បាប់ទាំងនេះ សូមប្រញាប់រាយការណ៍ ឬជូនដំណឹងជាបន្ទាន់ទៅកាន់អាជ្ញាធរមានសមត្ថកិច្ចដែលនៅជិតបំផុត ដើម្បីចុះឃាត់ខ្លួន និងទប់ស្កាត់ទាន់ពេលវេលា។ ករណីមានការសង្ស័យ ឬត្រូវការព័ត៌មានបន្ថែម ប្រជាពលរដ្ឋអាចទំនាក់ទំនងបានតាមរយៈប្រព័ន្ធទូរសព្ទ Hotline លេខ ១២៩៧។

The post ប្រយ័ត្នចាញ់បោក! ក្រសួងការងារបញ្ជាក់ថា មិនទាន់មានកិច្ចព្រមព្រៀងបញ្ជូនពលករទៅធ្វើការនៅប្រទេសរុស្ស៊ីឡើយ appeared first on .

ក្នុងឱកាសនោះ លោករដ្ឋមន្ត្រីបានវាយតម្លៃខ្ពស់ចំពោះការគាំទ្រយូរអង្វែងរបស់អាល្លឺម៉ង់ តាមរយៈក្រសួងសហប្រតិបត្តិការសេដ្ឋកិច្ច និងការអភិវឌ្ឍ អង្គការ GIZ និងកម្មវិធី GIZ FABRIC ក្នុងការកែលម្អស្តង់ដាការងារ និងការអភិវឌ្ឍធនធានមនុស្សនៅកម្ពុជា។ ជាមួយគ្នានេះ លោក ហេង សួរ បានលើកឡើងពីបំណងពង្រីកកិច្ចសហប្រតិបត្តិការលើការបង្កើតឱកាសការងារនៅអាល្លឺម៉ង់សម្រាប់ពលករជំនាញកម្ពុជា ព្រមទាំងបានស្នើភាគីអាល្លឺម៉ង់គាំទ្រកម្ពុជាក្នុងការរៀបចំវេទិកា OECD នាខែមេសា ឆ្នាំ២០២៧ ដែលនឹងធ្វើឱ្យកម្ពុជាក្លាយជាប្រទេសផ្គត់ផ្គង់ដំបូងគេដែលរៀបចំវេទិកានេះនៅក្រៅទីផ្សារអ្នកប្រើប្រាស់។

ជាការឆ្លើយតប លោកស្រី ស៊ីលខឹ រើហ្វើ បានបញ្ជាក់ពីការប្តេជ្ញាចិត្តគាំទ្រកម្ពុជាក្នុងការរៀបចំវេទិកា OECD ព្រមទាំងខិតខំប្រឹងប្រែងលើកកម្ពស់ទំនាក់ទំនងទ្វេភាគីឱ្យកាន់តែរឹងមាំបន្ថែមទៀត តាមរយៈការជំរុញឱ្យមានដំណើរទស្សនកិច្ចរបស់មន្ត្រីជាន់ខ្ពស់អាល្លឺម៉ង់មកកាន់កម្ពុជា ក៏ដូចជាការជំរុញកិច្ចសហប្រតិបត្តិការផ្នែកសេដ្ឋកិច្ច និងពាណិជ្ជកម្មរវាងប្រទេសទាំងពីរ៕

The post កម្ពុជា និងអាល្លឺម៉ង់ ប្តេជ្ញាពង្រឹងកិច្ចសហប្រតិបត្តិការលើវិស័យការងារ សន្តិសុខសង្គម និង TVET appeared first on .

កម្មវិធីនេះរៀបចំឡើងក្នុងគោលបំណងពង្រឹងកិច្ចសហប្រតិបត្តិការរវាងគ្រឹះស្ថាន TVET និងវិស័យឯកជន ក្នុងការលើកកម្ពស់ការអភិវឌ្ឍជំនាញបច្ចេកទេស ការសិក្សាផ្អែកលើការងារ និងជំនាញទន់ ដើម្បីឆ្លើយតបនឹងតម្រូវការឧស្សាហកម្ម ព្រមទាំងផ្តល់វេទិកាផ្លាស់ប្តូរព័ត៌មានពីតម្រូវការកម្លាំងពលកម្ម។ កម្ពុជាគឺជាប្រទេសទី២ បន្ទាប់ពីទីម័រខាងកើត ដែលបានរៀបចំវេទិកានេះ ក្រោមកិច្ចសហការគាំទ្រពីកម្មវិធី SCOPE-HE របស់ EU ដើម្បីបំពេញចន្លោះប្រហោងកម្លាំងពលកម្មជំនាញ ស្របតាមបរិបទអន្តរកាលបៃតង និងបរិវត្តកម្មឌីជីថល។

លោក ហេង សួរ បានគូសបញ្ជាក់ថា រាជរដ្ឋាភិបាលបានកំណត់ការអភិវឌ្ឍ «មូលធនមនុស្ស» ជាស្នូលនៃយុទ្ធសាស្ត្របញ្ចកោណ ដំណាក់កាលទី១ សំដៅប្រែក្លាយកម្ពុជាពីឧស្សាហកម្មអតិពលកម្ម ទៅជាឧស្សាហកម្មផ្អែកលើជំនាញ តម្លៃបន្ថែម និងបច្ចេកវិទ្យា។ ទន្ទឹមនឹងនោះ លោកបានលើកទឹកចិត្តឱ្យគ្រឹះស្ថានបណ្តុះបណ្តាល និងវិស័យឯកជនពង្រឹងភាពជាដៃគូឱ្យកាន់តែច្បាស់លាស់ ចាត់ទុកការបណ្តុះបណ្តាលនិងការផ្តល់កម្មសិក្សាជាការវិនិយោគលើក្រុមហ៊ុនផ្ទាល់ខ្លួន ព្រមទាំងជំរុញឱ្យនិស្សិតចាប់យកឱកាសនេះដើម្បីស្វែងយល់ពីតម្រូវការទីផ្សារ និងកសាងបណ្តាញវិជ្ជាជីវៈ។

ជាមួយគ្នានេះ លោក Igor Driesmans បានលើកឡើងថា BizConnect គឺជាគំនិតផ្តួចផ្តើមតំបន់របស់ EU ក្នុងក្របខ័ណ្ឌអាស៊ាន ដើម្បីនាំយកគ្រឹះស្ថានអប់រំ ធុរកិច្ច និងនិស្សិតមកជួបជុំគ្នា សំដៅជួយឱ្យយុវជនកសាងអនាគតតាមរយៈជំនាញជាក់ស្តែង និងជំរុញឱ្យវិស័យឯកជនវិនិយោគលើធនធានមនុស្ស រួមគ្នាកសាងអនាគតមួយដែលកាន់តែបៃតង ឌីជីថល និងប្រកបដោយបរិយាបន្ន ឆ្លើយតបយ៉ាងប្រសើរដល់ការអភិវឌ្ឍសេដ្ឋកិច្ចកម្ពុជា៕

The post ក្រសួងការងារ និងសហភាពអឺរ៉ុប រៀបចំកម្មវិធី NTTI BizConnect Cambodia 2026 តភ្ជាប់ TVET ជាមួយនិយោជក ពង្រឹងជំនាញ និងការងារយុវជន appeared first on .

វេទិកានេះរៀបចំឡើងក្នុងគោលបំណងលើកកម្ពស់ការយល់ដឹងអំពីសិទ្ធិ និងកាតព្វកិច្ចការងារ, ពង្រឹងការអនុវត្តច្បាប់, ផ្សព្វផ្សាយសេវា និងអត្ថប្រយោជន៍របស់បេឡាជាតិសន្តិសុខសង្គម (ប.ស.ស.), លើកកម្ពស់សុខភាព-សុវត្ថិភាពការងារ ព្រមទាំងផ្ដល់ឱកាសឱ្យគ្រប់ភាគីពាក់ព័ន្ធពិភាក្សា និងស្វែងរកដំណោះស្រាយរួមគ្នា ដើម្បីបង្កើនការងារសមរម្យ និងសុខុមាលភាពជូនកម្មករនិយោជិត។

ថ្លែងក្នុងពិធីបើក លោក ងុយ រិទ្ធ បានគូសបញ្ជាក់ថា ក្រសួងបន្តប្រែក្លាយបញ្ហាប្រឈមទៅជាកាលានុវត្តភាព ស្របតាមអនុសាសន៍គន្លឹះទាំង ១០ ចំណុចរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ដោយផ្តោតលើស្ថិរភាពទីផ្សារការងារ ការបង្កើនការងារសេដ្ឋកិច្ចក្នុងប្រព័ន្ធ ការគ្រប់គ្រងពលករវិលត្រឡប់ និងទាក់ទាញការវិនិយោគ។ បន្ថែមលើនេះ ក្រសួងបានពង្រីករបប ប.ស.ស. ដល់បុគ្គលស្វ័យនិយោជន៍ និងអ្នកសេដ្ឋកិច្ចក្រៅប្រព័ន្ធ ព្រមទាំងជំរុញការបណ្តុះបណ្តាលជំនាញវិជ្ជាជីវៈដល់យុវជនមកពីគ្រួសារក្រីក្រ និងងាយរងហានិភ័យគោលដៅ ១,៥ លាននាក់ និងជំនាញឌីជីថល ដើម្បីភ្ជាប់ជាមួយតម្រូវការវិស័យឯកជន។

ជាមួយគ្នានេះ លោក ងុយ រិទ្ធ បានបង្ហាញការប្តេជ្ញាចិត្តបន្តពង្រឹងកិច្ចសហការជាមួយអង្គការ គ.ស.ក. និងដៃគូអភិវឌ្ឍន៍ ដើម្បីកសាងទីផ្សារការងារប្រកបដោយបរិយាបន្ន ភាពធន់ និងចីរភាព ខណៈលោកស្រី លុយ ធារី នាយិកាប្រតិបត្តិស្តីទី អង្គការ គ.ស.ក. ក៏បានសង្កត់ធ្ងន់ពីសារៈសំខាន់នៃភាពជាដៃគូក្នុងការលើកកម្ពស់សិទ្ធិ ពង្រឹងច្បាប់ការងារ និងសុវត្ថិភាពនៅកន្លែងធ្វើការឱ្យកាន់តែរឹងមាំ៕

The post ក្រសួងការងារ និងអង្គការ គ.ស.ក. រួមគ្នាលើកកម្ពស់សិទ្ធិ និងសុវត្ថិភាពការងារ ជូនកម្មករនិយោជិតនៅកម្ពុជា appeared first on .

កម្មវិធីនេះ រៀបចំឡើងដោយក្រសួងការងារ សហការជាមួយសមាគមមិត្តយើង ដោយមានការចូលរួមពីក្រុមជាងជំនាញប្រមាណ ៨០នាក់ ក្នុងគោលបំណងសួរសុខទុក្ខ ផ្សារភ្ជាប់ទំនាក់ទំនង ផ្សព្វផ្សាយឱកាសការងារ និងវគ្គបណ្តុះបណ្តាលជំនាញបច្ចេកទេស និងវិជ្ជាជីវៈ (TVET) ព្រមទាំងជួយលើកសម្រស់ និងកាត់បន្ថយការចំណាយរបស់បងប្អូនមុនពេលវិលត្រឡប់ទៅជួបជុំក្រុមគ្រួសារក្នុងឱកាសបុណ្យភ្ជុំបិណ្ឌ។

ក្នុងឱកាសនោះ លោករដ្ឋមន្ត្រី ក៏បានជម្រាបជូនពីការយកចិត្តទុកដាក់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលបានណែនាំឱ្យរដ្ឋបាលរាជធានីភ្នំពេញត្រៀមរថយន្តក្រុងសាធារណៈរហូតដល់ ៦០០គ្រឿង ដើម្បីដឹកជញ្ជូនបងប្អូនកម្មករ និងប្រជាពលរដ្ឋទៅលេងស្រុកកំណើត និងធ្វើដំណើរត្រឡប់មកវិញដោយឥតគិតថ្លៃ ចាប់ពីថ្ងៃទី៩ ខែតុលា ឆ្នាំ២០២៦ តទៅ។

ទន្ទឹមនឹងនេះ លោក ហេង សួរ បានថ្លែងអំណរគុណយ៉ាងជ្រាលជ្រៅចំពោះបងប្អូនកម្មករ-កម្មការិនីទាំងអស់ ដែលបានខិតខំប្រឹងប្រែងបំពេញការងារយ៉ាងសកម្ម ទ្រទ្រង់ដល់ខ្សែច្រវាក់ផលិតកម្ម និងកំណើនសេដ្ឋកិច្ចជាតិ ព្រមទាំងបានជូនពរឱ្យបងប្អូនទទួលបាននូវសេចក្តីសុខ សុវត្ថិភាពក្នុងការធ្វើដំណើរ និងភាពសប្បាយរីករាយក្នុងរដូវបុណ្យប្រពៃណីជាតិនេះ៕

The post ស្វាគមន៍ភ្ជុំបិណ្ឌ! ជាងជំនាញ ៨០នាក់ ចុះកាត់សក់ ជូនបងប្អូនកម្មករជាង ៥០០នាក់ ដោយឥតគិតថ្លៃ នៅខណ្ឌពោធិ៍សែនជ័យ appeared first on .

យោងតាមសេចក្តីជូនដំណឹងរបស់ក្រុមប្រឹក្សាជាតិប្រាក់ឈ្នួលអប្បបរមា អាណត្តិទី៤ ចុះថ្ងៃទី៣០ ខែកញ្ញា ឆ្នាំ២០២៦ បានឱ្យដឹងថា បន្ទាប់ពីឆ្លងកាត់កិច្ចប្រជុំចំនួន ១៧លើក អង្គប្រជុំបានអនុវត្តនីតិវិធីបោះឆ្នោតជាសម្ងាត់លើតួលេខស្នើឡើងរបស់ភាគីទាំងពីរ (តំណាងនិយោជកស្នើ ២១០ដុល្លារ និងតំណាងកម្មករស្នើ ២២៥ដុល្លារ)។ ជាលទ្ធផល តួលេខ ២១០ ដុល្លារ ទទួលបានសំឡេងគាំទ្រ ៤៧ លើ ៥១សំឡេង (តួលេខ ២២៥ដុល្លារ ទទួលបាន ៣សំឡេង និងមិនបានការ ១សំឡេង)។

ផ្អែកលើលទ្ធផលបោះឆ្នោតនេះ និងរបាយការណ៍របស់រដ្ឋមន្ត្រីក្រសួងការងារ សម្តេចធិបតីនាយករដ្ឋមន្ត្រី បានសម្រេចបន្ថែម ២ ដុល្លារ ដែលធ្វើឱ្យប្រាក់ឈ្នួលអប្បបរមាឆ្នាំ២០២៧ ឡើងដល់ ២១២ ដុល្លារ។ ទន្ទឹមនឹងនេះ សម្តេចធិបតី ក៏បានឯកភាពរក្សាទុក «ប្រាក់ឧបត្ថម្ភបណ្តោះអាសន្នលើសោហ៊ុយធ្វើដំណើរ និងថ្លៃស្នាក់នៅ» ចំនួន ២,៥ ដុល្លារ បន្ថែមទៀត នាំឱ្យកម្មករនិយោជិតទទួលបានកំណើនប្រាក់ឈ្នួលគោលសរុប ៤,៥ ដុល្លារ ក្នុងមួយខែ។

ក្រៅពីប្រាក់ឈ្នួលគោល អត្ថប្រយោជន៍ផ្សេងៗទៀតនៅតែរក្សាដដែល រួមមាន៖ ប្រាក់រង្វាន់ធ្វើការទៀងទាត់ ១០ដុល្លារ, សោហ៊ុយធ្វើដំណើរនិងស្នាក់នៅ ៧ដុល្លារ, ប្រាក់រង្វាន់អតីតភាពការងារពី ២ ដល់ ១១ដុល្លារ និងប្រាក់ថ្លៃបាយបន្ថែមម៉ោង ២ ០០០រៀល/ថ្ងៃ។ ដូច្នេះ ក្នុងឆ្នាំ២០២៧ កម្មករនិយោជិតម្នាក់ៗនឹងទទួលបានប្រាក់ចំណូលសរុបជាក់ស្តែងចន្លោះពី ២៣១,៥ ដុល្លារ ដល់ ២៤២,៥ ដុល្លារអាម៉េរិក ក្នុងមួយខែ (មិនទាន់គិតបញ្ចូលប្រាក់ថែមម៉ោង)៕

The post សម្តេចធិបតី ហ៊ុន ម៉ាណែត សម្រេចបន្ថែម ២ដុល្លារ ធ្វើឱ្យប្រាក់ឈ្នួលអប្បបរមាកម្មករកាត់ដេរឡើងដល់ ២១២ ដុល្លារ នៅឆ្នាំ២០២៧ appeared first on .

ក្រសួងការងារបានឱ្យដឹងថា ក្នុងកិច្ចប្រជុំបញ្ជាក់ជំហរចុងក្រោយនេះ ភាគីទាំងពីរបានបង្ហាញតួលេខស្នើសុំរៀងៗខ្លួន ដោយភាគីកម្មករនិយោជិត ស្នើដំឡើងចំនួន ១៥ ដុល្លារ ដែលធ្វើឱ្យប្រាក់ឈ្នួលឡើងដល់ ២២៥ ដុល្លារអាមេរិក ក្នុងមួយខែ។ ចំណែកភាគីនិយោជក ស្នើ រក្សាតួលេខ ២១០ ដុល្លារអាមេរិកដដែល រួមជាមួយប្រាក់ឧបត្ថម្ភសោហ៊ុយធ្វើដំណើរ និងស្នាក់នៅ ២,៥ ដុល្លារបន្ថែម ដើម្បីរក្សាភាពប្រកួតប្រជែង និងស្ថិរភាពការងារ។

សូមបញ្ជាក់ថា បន្ទាប់ពីកិច្ចពិភាក្សាសរុបចំនួន ១៤លើក ទាំងទ្វេភាគី ត្រីភាគី និងផ្ទៃក្នុង អង្គប្រជុំបានឯកភាពកំណត់យក ព្រឹកថ្ងៃទី៣០ ខែកញ្ញា ឆ្នាំ២០២៦ វេលាម៉ោង ៩:០០ នាទីព្រឹក ដើម្បីបើកកិច្ចប្រជុំត្រីភាគីចុងក្រោយ និង បោះឆ្នោតជាផ្លូវការ សម្រេចលើតួលេខប្រាក់ឈ្នួលអប្បបរមាសម្រាប់ឆ្នាំ២០២៧ ជូនបងប្អូនកម្មករនិយោជិត៕

The post ជំហរចុងក្រោយ ៖ ភាគីកម្មករស្នើ ២២៥ដុល្លារ ខណៈភាគីនិយោជកស្នើ ២១០ដុល្លារដដែល មុនឈានដល់ការបោះឆ្នោតប្រាក់ឈ្នួលឆ្នាំ២០២៧ appeared first on .