លោក គី ឌីបូម៉ា គឺជាប្រុសច្បងរបស់លោកមេធាវី គី តិច ប្រធានក្រុមមេធាវីរាជរដ្ឋាភិបាលកម្ពុជា។ លោក គី ឌីបូម៉ា ទើប​រៀន​ចប់​ថ្នាក់​បរិញ្ញាបត្រ​គ្រប់គ្រង​ពាណិជ្ជកម្ម និង​បរិញ្ញាប័ត្រ​ច្បាប់​កាល​ពី​ខែ​ឧសភា ឆ្នាំ២០២២កន្លងទៅ នៅ​សកលវិទ្យាល័យ​អារីហ្សូណា(Arizona) នៅ​សហរដ្ឋ​អាមេរិក។

នៅលើទំព័រហ្វេសប៊ុកលោក គី ឌីបូម៉ា បានប្រកាសថ្លែងអំណរអរព្រះគុណចំពោះព្រះមហាក្សត្រកម្ពុជា និងសូមគោរពដឹងគុណ​ ថ្លែងអំណរគុណ​ជាអតិ​បរមា​ ចំពោះសម្តេចតេជោ​ ហ៊ុន​ សែន​ ដែលសម្តេចបានផ្តល់ឱកាស​ដល់រូបលោកបានចូលបំរេីការ​ងារជាមួយរាជរដ្ឋាភិបាល​ ក្រោមការដឹកនាំដ៏ខ្ពង់ខ្ពស់ប្រកបដោយកិត្តិបណ្ឌិត បញ្ញាញាណវៀងវៃ របស់សម្តេចតេជោ។

ទន្ទឹមនឹងនេះ លោកបានប្រកាសប្តេជ្ញាចិត្ត​ប្រើប្រាស់ទាំងកម្លាំងកាយ​ កម្លាំងចិត្ត​ និង​ ចំណេះជំនាញដែលបានទទួលពីការសិក្សា​កន្លង​មកបំរេី​ជាតិ​ មាតុភាព​ និង​ក្រុមគ្រួសារសម្តេចតេជោ ដោយភាពស្មោះស្ម័គ្រ​ និងភក្តីភាពបំផុតរហូតតរៀងទៅ៕

The post រៀនចប់ពីអាមេរិក កូនរបស់មេធាវី គី តិច ទទួលការតែងតាំងជាអនុរដ្ឋលេខាក្រសួងប្រៃសណីយ៍កម្ពុជា appeared first on .

នាឱកាសនោះ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានលើកឡើងថា រាជរដ្ឋាភិបាលកម្ពុជាបានដាក់ចេញនូវក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ និងគោលនយោបាយរដ្ឋាភិបាលឌីជីថលកម្ពុជា ២០២២-២០៣៥ ហើយយុទ្ធសាស្ត្រសំខាន់មួយគឺ ផ្តោតលើ “ការកសាងធនធានមនុស្សឌីជីថល” ដែលជាធនធានក្នុងការជំរុញដល់ការចាប់យកឌីជីថលលើគ្រប់វិស័យ ដើម្បីបង្កើនផលិតភាពនិងកំណើនសេដ្ឋកិច្ច សំដៅប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់ក្នុងឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០។

នៅក្នុងឱកាសនោះដែរ លោករដ្ឋមន្ត្រី បានមានក្តីសប្បាយរីករាយដែលបានចូលរួមបើកកម្មវិធីការប្រកួតថ្នាក់ជាតិតិចណូវេសិន ឆ្នាំ២០២៣ ដែលជាកម្មវិធីបណ្តុះបណ្តាល និងប្រកួតប្រជែងរយៈពេល ១២សប្តាហ៍ ផ្នែកសហគ្រិនភាពបច្ចេកវិទ្យាសកលលោក ដែលមានគោលបំណងលើកកម្ពស់ដល់សិស្សជាកុមារី ឬយុវនារី ចាប់ពីអាយុ ៨ ដល់ ១៨ឆ្នាំ ឱ្យចេះធ្វើការជារក្រុម ចូលរួមបង្កើតច្នៃប្រឌិត និងរកដំណោះស្រាយថ្មីៗឆ្លើយតបទៅនឹងបញ្ហានានាដោយប្រើបច្ចេកវិទ្យាឌីជីថល និងគំនិតសហគ្រិនភាព។

សូមជម្រាបជូនថា កម្មវិធីតិចណូវេសិន (Technovation) ២០២៣ សហការរៀបចំដោយក្រសួងប្រៃសណីយ៍និងទូរគមនាគមន៍ ក្រសួងអប់រំយុវជននិងកីឡា និង Tech For Kids Academy ព្រមទាំងមានការឧបត្ថម្ភពីសាកលវិទ្យាល័យអាមេរិកាំងភ្នំពេញ (AUPP) បណ្ឌិត្យសភាបច្ចេកវិទ្យាឌីជីថលកម្ពុជា (CADT) និងក្រុមហ៊ុន Smart Axiata ដែលជាកម្មវិធីប្រកួតប្រជែងផ្តោតសំខាន់ទៅលើការលើកទឹកចិត្តកុមារី ឬយុវតី ក្នុងវិស័យបច្ចេកវិទ្យា និងធុរកិច្ច តាមរយៈកម្មវិធីបណ្តុះបណ្តោល ការអភិវឌ្ឍកម្មវិធីទូរសព្ទ (Mobile App) និង សហគ្រិនភាព ដល់កុមារីនិងយុវតី។ កម្មវិធីតិចណូវេសិន ២០២៣ បានប្រកាសបើកជាផ្លូវការ នៅថ្ងៃទី៤ ខែកុម្ភៈ ឆ្នាំ២០២៣ បន្ទាប់មកសមាគមន៍ Technovation Cambodia ក៏បានរៀបចំការបង្រៀនរយៈពេល ១២សប្តាហ៍ នៅសាកលវិទ្យាល័យអាមេរិកាំងភ្នំពេញ ដែលក្នុងនោះ មានក្រុមនារី ១៩ក្រុម សរុប ២៥៧នាក់ មកពី ៦៦សាលា រដ្ឋនិងឯកជន មកពី ១៥ ខេត្តក្រុង និង ៩ក្លឹប ព្រមទាំងគ្រូបង្គោល ៤៥នាក់៕

The post រដ្ឋមន្រ្តីប្រៃសណីយ៍៖ ការកសាងធនធានមនុស្សឌីជីថល នឹងជួយបង្កើនផលិតភាពនិងកំណើនសេដ្ឋកិច្ច appeared first on .

ក្នុងពិធីបិទទិវាជាតិ «វិទ្យាសាស្ត្រ បច្ចេកវិទ្យា និងនវានុវត្តន៍» កាលថ្ងៃ២៨ ខែមីនា ឆ្នាំ២០២៣ នៅសណ្ឋាគារភ្នំពេញ លោក ជា វ៉ាន់ដេត បានថ្លែងបញ្ជាក់ថា «ក្នុងរយៈពេល៣ឆ្នាំ ដែលខ្ញុំបានចូលមកកាន់តួនាទី ជារដ្ឋមន្ត្រីក្រសួងប្រៃសណីយ៍ និងទូរគមនាគមន៍ យើងបានធ្វើការងារកែទម្រង់ច្រើន ហើយជាលទ្ធផល គឺចំណូលរបស់រដ្ឋ បានកើនឡើង៤ដង នៃរយៈពេល៣ឆ្នាំនេះធៀបនឹង៣ឆ្នាំមុន ដែលខ្ញុំបានចូលមកកាន់ក្រសួង»។

សមទ្ធិផលមួយដ៏ធំនេះ លោក ជា វ៉ាន់ដេត បានចាត់ទុកថា ការណ៍នេះបានធ្វើឲ្យមន្ត្រីរាជការក្នុងក្រសួងមានទឹកចិត្ត និងសប្បាយរីករាយ ហើយថ្មីៗនេះលោកបានធ្វើការស្ទង់មតិមន្ត្រី ដែលនៅក្នុងអគ្គនាយកដ្ឋានខ្លះ គឺមន្ដ្រីគាំទ្រ១០០ភាគរយ នៃការកែទម្រង់របស់ក្រសួង។

លោកបន្តថា នៅក្នុងការកំណែទម្រង់នេះ គឺក្រសួងប្រៃសណីយ៍ និងទូរគមនាគមន៍ បានយកចិត្តទុកដាក់ទៅលើវិស័យ៣ គឺ៖ វិស័យប្រៃសណីយ៍ វិស័យពាណិជ្ជកម្មអេឡិចត្រូនិក និងវិស័យបច្ចេកវិទ្យា និងទូរគមនាគមន៍ព័ត៌មាន។

បើតាមលោក ជា វ៉ាន់ដេត ក្នុងពេលអនាគត ក្នុងរយៈពេល៥ឆ្នាំ ទៅ១០ឆ្នាំខាងមុខនេះ តាមការព្យាករណ៍របស់អ្នកសេដ្ឋកិច្ចមួយចំនួន វិស័យពាណិជ្ជកម្មអេឡិចត្រូនិក គឺជាវិស័យមួយដ៏ធំនៅក្នុងសេដ្ឋកិច្ចជាតិរបស់ប្រទេសនីមួយៗ ក៏ដូចជានៅក្នុងពិភពលោកផងដែរ៕

The post រយៈពេល៣ឆ្នាំកាន់ដំណែងរដ្ឋមន្រ្តី លោក ជា វ៉ាន់ដេត ធ្វើការកែទម្រង់ជួយឲ្យក្រសួងប្រៃសណីយ៍រកចំណូលកើនឡើង៤ដង appeared first on .

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មានប្រសាសន៍ថា បច្ចុប្បន្ននេះការឡាយលក់ឥវ៉ាន់តាមអនឡាញសម្រាប់អាជីវកម្មខ្នាតតូចៗ មានការរអាក់រអួល និងអ៊ីនធឺណិតមិនសូវមានគុណភាពក្នុងការបញ្ហាញផលិតផល។ចំពោះអាជីវកម្មធំៗគេមានប្រព័ន្ធលីសឡាញ គេយកមកប្រើហាក់មិសូវប៉ះពាល់ ប៉ុន្តែចំណាយខ្ពស់ទៅលើអ៊ីនធឺណិត នៅក្នុងប្រទេសរបស់យើងបើប្រៀបធៀបទៅនិងបណ្តាប្រទេសផ្សេងៗ។

លោកបណ្ឌិតសង្កត់ធ្ងន់ថា «អ្នកដែលរងផលប៉ះពាល់ធ្ងន់ជាងគេនោះគឺការបណ្តុះធនធានមនុស្សនៅក្នុងប្រទេសកម្ពុជា ដែលយើងត្រូវការប្រើប្រាស់ប្រព័ន្ធ អ៊ីនធឺណិត សម្រាប់រៀន សម្រាប់អភិវឌ្ឍន៍ សម្រាប់ការស្វាវជ្រាវ បែរជាអ៊ីនធឺណិត ប្រើមានភាពរអាក់រអួល ដែលជាកក្តាមួយរារាំង ឬបង្អាក់ទឹកចិត្តដល់អ្នករៀនសូត្ររៀនមិនសូវបានល្អ»។

លោកបណ្ឌិតលើកឡើងថា ដូច្នេះបើការតភ្ជាប់បណ្តាញអ៊ីនធឺណិត ធំពីប្រទេសចិនមកកម្ពុជា បើសិនជារាជរដ្ឋាភិបាលពិតជាធ្វើបានពិតជាមានសារសំខាន់នៅក្នុងការជួយជំរុញដល់ការបណ្តុះបណ្តាលធនធានមនុស្ស និងធ្វើការសិក្សាស្រាវជ្រាវរបស់យើងកាន់តែរឹងមំា។លើសពីនេះទៀតបើសិនជាប្រទេសចិន អាចជួយរៀបកម្ពុជានៅចំ Big Data បាន ដើម្បីគ្រប់គ្រងបានទូទំាងប្រទេសនោះ ខ្ញុំយល់ថាពិតជាមានសារសំខាន់បំផុត។

លោក វង្ស៊ី វិស្សុត រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ធ្លាប់មានប្រសាសន៍ថា «បញ្ហាគុណភាព អ៊ីនធឺណិត នេះគឺជារឿងក្តៅគគុក កុំថាដល់5G ត្រឹមតែ4G ឱ្យតែមានសេវ៉ានៅគ្រប់កន្លែងសិន វាជាសមិទ្ធផលមហាធំធេង។ឥឡូនេះទាំងខ្ញុំ ទំាងគេរអូហើយលោកជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍កំពុងឈឺក្បាល។ យើងក៏មានដំណោះស្រាយតែដោះស្រាយភា្លមវាអត់ចេញ ព្រោះវាមានរឿងច្រើន»។

បើតាម លោកវង្ស៊ីវិស្សុតថា យើងត្រូវមានគោលនយោបាយជាកញ្ចប់ ត្រូវមានការវិនិយោគជាកញ្ចប់ដើម្បីដោះស្រាយបញ្ហានេះ។នៅជំហានដំបូងនេះយើងត្រូវយ៉ាងណាឱ្យវាដើរសិន ឬមានប្រតិត្តិការពេញលេញសិន ចំាគិត5G ។ឥឡូវនេះ4Gដើរមិនស្រួលផងទៅគិត5G ធ្វើអី៕ អត្ថបទ៖សារេត

The post គម្រោងតបណ្តាញខ្សែកាបអុបទិកក្រោមបាតសមុទ្រពីចិនមកកម្ពុជា និងបញ្ចប់ក្នុងឆ្នាំក្រោយ appeared first on .

ក្រសួងប្រៃសណីយ៍ បានប្រកាសថា នឹងចាត់ការបែបនេះ ក្រោយ​ពីមានក្រុម​ការងារលើក​កម្ពស់គុណ​ភាព​សេវាអ៊ីនធឺណិតនៅតាមបុរីក្នុងរាជធានីភ្នំពេញ ចំនួន៨ ជួបការ​លំបាកក្នុងការ​តភ្ជាប់បណ្តាញ​សេវាអ៊ីន​ធឺ​ណិតក្នុងបុរី និងអគារសហកម្មសិទ្ធិមួយចំនួន។

ក្រសួងប្រៃសណីយ៍បានអំពាវនាវដល់ម្ចាស់បុរី និងអគារ បញ្ឈប់ការ​ទារលុយ​ជាថ្នូរ​នឹង​ការ​អនុញ្ញាត​ឱ្យត​ភ្ជាប់បណ្តាញសេវាអ៊ីនធឺណិតចូលក្នុងលំនៅដ្ឋានរបស់អ្នកប្រើប្រាស់នៅក្នុងបុរីនិងអគារសហកម្មសិទ្ធិ ដែល​ផ្ទុយនឹងច្បាប់ស្តីពីទូរគមនាគមន៍។

ជាមួយគ្នានេះ ម្ចាស់បុរី និងអគារ ត្រូវបញ្ឈប់ប្រតិបត្តិការផ្តល់សេវាអ៊ីនធឺណិតដោយខ្លួនឯង និង​គ្មានអាជ្ញា​បណ្ណពីនិយ័តករទូរគមនាគមន៍កម្ពុជានៅក្នុងបុរីនិងអគារសហកម្មសិទ្ធិ។

ក្នុងករណីម្ចាស់បុរីនិងអគារសហកម្មសិទ្ធិមួយចំនួនតូចនៅតែបន្តធ្វើសកម្មភាពខាងលើ ក្រសួង​ប្រៃសណីយ៍​នឹងចាត់វិធានការយ៉ាងម៉ឺងម៉ាត់ ស្រប​តាមច្បាប់​ស្តីពី​ទូរគមនាគមន៍​និងលិខិតបទ​ដ្ឋានគតិ​យុត្ត​ជាធរមាន។

ក្រសួងបានអំពាវនាវដល់ប្រតិបត្តិករទូរគមនាគមន៍ និងពលរដ្ឋ ប្រសិន​ជួបប្រទះ​នូវបញ្ហានេះ​សូមផ្ដល់​ព័ត៌មានមកនិយ័តករទូរគមនាគមន៍កម្ពុជា តាមរយៈលេខទូរសព្ទ Hotline ៦៧៨៩ និង​ផ្ញើសារ​មកកាន់​អីមែល gos@trc.gov.kh៕

The post ក្រសួងប្រៃសណីយ៍ នឹងចាត់ការម្ចាស់បុរី និងអគារណា ដែលទារលុយជាថ្នូរមុននឹងឱ្យតភ្ជាប់អ៊ីនធឺណិត appeared first on .

តាមរយៈកិច្ចប្រជុំខាងលើ រដ្ឋាភិបាលបានចាត់ទុកថា វិស័យប្រៃសណីយ៍ ត្រូវបានចាត់ទុកថាមានសក្ដានុពល ក្នុងការចូលរួមចំណែកដល់ការទ្រទ្រង់កំណើនកំណើនសេដ្ឋកិច្ច និងការលើកកម្ពស់គុណភាពជីវិតរបស់ប្រជាជននៅកម្ពុជា ដោយបានផ្សារភា្ជប់ជាមួយជីវភាពប្រចាំថ្ងៃ នៅទីក្រុង និងជនបទ។

ទន្ទឹមគ្នានេះដែរ វឌ្ឍនភាពនៃវិស័យផ្សេងៗ ការកើនឡើងនៃការប្រើប្រាស់សេវាអ៊ីនធឺណិត និងបណ្ដាញ សង្គមព្រមទាំងពាណិជ្ជកម្ម តាមប្រព័ន្ធអេឡិចត្រូនិកបានបង្កើតកាលានុវត្តភាព សម្រាប់ទីផ្សារសេវាប្រៃសណីយ៍ ក៏ដូចជាលក្ខខណ្ឌអំណោយផលសម្រាប់ជំរុញការអភិវឌ្ឍវិស័យប្រៃសណីយ៍នៅកម្ពុជា។ ការអភិវឌ្ឍវិស័យនេះ នៅជួបប្រទះបញ្ហាប្រឈមចម្បងៗជាច្រើនដែលត្រូវដោះស្រាយ។

ហេតុដូច្នេះ រដ្ឋាភិបាល អះអាងថា ការកសាងគោលនយោបាយអភិវឌ្ឍនៃវិស័យប្រៃសណីយ៍ ពិតជាមានសារៈសំខាន់សម្រាប់ជាប្រទីបបង្ហាញផ្លូវលើការរៀបចំផែនការសកម្មភាពជាអាទិភាព ដើម្បីឆ្លើយតបទៅនឹងនិន្នាការវិវត្តនៃតម្រូវការទាំងក្នុងផ្នែកសង្គម និងផ្នែកសេដ្ឋកិច្ច ស្របទៅនឹងក្របខណ្ឌ អភិវឌ្ឍន៍ប្រៃសណីយ៍អន្តរជាតិ សំដៅពង្រីក វិសាលភាពសេវាប្រៃសណីយ៍ប្រកបដោយគុណភាព ប្រសិទ្ធភាព និងចីរភាពជូនប្រជាជន។

គួរបញ្ជាក់ដែរថា គោលនយោបាយនេះ គឺបានកំណត់គោលដៅ ចំនួន៤គឺ៖ ១. ធ្វើឱ្យប្រសើរឡើងនូវការគ្រប់គ្រងវិស័យប្រៃសណីយ៍ ដើម្បីធានាការលើកកម្ពស់គុណភាពសេវា និងការពារផលប្រយោជន៍របស់អ្នកប្រើប្រាស់ ។ ២. ធ្វើទំនើបកម្មសេវា ប្រៃសណីយ៍ អភិវឌ្ឍហេដ្ឋារចនាសម្ព័ន្ធ ពង្រីកបណ្ដាញប្រៃសណីយ៍ ឱ្យមានវិសាលភាពទូលំទូលាយ ខិតទៅដល់ ប្រជាជន និងប្រើប្រាស់បច្ចេកវិទ្យាឌីជីចល ។ ៣.បង្កលក្ខណៈងាយស្រួលដល់វិស័យឯកជន ក្នុងការធ្វើជីវកម្ម ក្នុងវិស័យប្រៃសណីយ៍ ដឹកជញ្ជូន និងចែកបញ្ញើប្រៃសណីយ៍ ដោយជំរុញការប្រកួតប្រជែងដោយសុចរិត ។និង៤.លើកកម្ពស់តួនាទីរបស់ប្រៃសណីយ៍កម្ពុជាក្នុងការផ្តល់សេវាប្រៃសណីយ៍ជាដើម៕

The post រដ្ឋាភិបាល ប្រកាសអនុម័តគោលនយោបាយអភិវឌ្ឍន៍វិស័យប្រៃសណីយ៍កម្ពុជា២០២២-២០៣០ appeared first on .

​តាម​បទ​បញ្ជា​សម្តេចតេជោ​ អត់មានឲ្យផ្តាច់មុខទៀត គឺត្រូវតែរំលាយចោលនូវរាល់ភាពផ្តាច់មុខទាំងអស់ ហើយការអនុវត្តន៍ចាប់ពីថ្ងៃស្អែកនេះតទៅ។

លោករដ្ឋមន្ត្រីបញ្ជាក់ទៀតថា ដើម្បីដោះស្រាយបញ្ហាសេវាទូរស័ព្ទ និងអ៉ីធឺណិតនៅតាមបុរី ក្រសួងបានសម្រេចជ្រើសរើសយកបុរី ប៉េងហួត ជាគំរូមុនគេ និងបន្ត​ដោះស្រាយ​តាម​បុរីផ្សេងៗទៀត។

ក្នុង​រាជធានីភ្នំពេញមាន​បុរីជាង ១០០ ហើយ​ក្រុមការងាររបស់ក្រសួងបានចុះធ្វើការតេស្តសេវាទូរស័ព្ទ នៅក្នុងបុរីបានចំនួន ៦០ នៅ ៤០បុរីទៀត។ បើតាមលោករដ្ឋមន្ត្រី ជា វ៉ាន់ដេត បុរីខ្លះផ្តល់សិទ្ធិផ្តាច់មុខដល់ក្រុមហ៊ុនផ្គត់ផ្គង់សេវាអ៉ឺធឺណិត ដែលនាំឲ្យអ្នកប្រើប្រាស់មានការលំបាក ក្នុងការប្រើប្រាស់ព្រោះគ្មានជំរើស៕

The post គ្រប់​បុរី​ទាំងអស់ ត្រូវបញ្ឈប់​លក់​សិទ្ធិផ្តាច់មុខលើ​សេវាទូរសព្ទ និង​អ៊ីនធឺណិត appeared first on .

លោករដ្ឋមន្ត្រី បានថ្លែងក្នុងសន្និសីទសារព័ត៌មានស្តីពី «សមិទ្ធផលសម្រេចបានរយៈពេល៥ឆ្នាំ របស់​ក្រសួង​ប្រៃសណីយ៍ និងទូរគមនាគមន៍» ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាល នៅទីស្តីការគណៈរដ្ឋមន្ត្រី នាថ្ងៃទី០៤ ខែសីហា ឆ្នាំ២០២២ ​យ៉ាងដូច្នេះថា «មុនខ្ញុំមកទីនេះ សម្តេចតេជោ​បានបញ្ជាខ្ញុំថា រាល់កន្លែងទាំងអស់ដែលមានសិទ្ធិផ្តាច់មុខ អ៉ីធឺណិតក្នុងបុរី លុបចោលទាំងអស់ អត់មាន​ឲ្យទៀតទេ។ សូមឲ្យប្រតិបត្តិករទាំងយល់ដឹង និងសូមឲ្យនិយ័តករទូរគមនាគមន៍ អនុវត្តប្រសាសន៍របស់​ម្តេចតេជោ អត់មានត្រូវឲ្យផ្តាច់មុខទៀត ប្រតិបត្តិករត្រូវចូលប៉ុន្មានចូលទៅ»។

«ក្រោយទទួលប្រសាសន៍ដឹកនាំដ៏ខ្ពង់ខ្ពស់ របស់សម្តេចតេជោ ក្រសួង និងនិយ័តករទូរគមនាគមន៍ គឺត្រូវ​តែរំលាយចោលនូវរាល់ភាពផ្តាច់មុខទាំងអស់ អត់មាននរណាមួយ​មានសិទ្ធិផ្តាច់មុខក្នុងការរកស៊ី ក្នុងបុរី​តទៅ​ទៀតទេ ហើយការអនុវត្តន៍ចាប់ពីថ្ងៃស្អែកនេះតទៅ»។ លោក ជា វ៉ាន់ដេត បាន​​លើក​ឡើង​បន្ថែម។

លោករដ្ឋមន្ត្រី​ ក៏​បាន​ឱ្យ​ដឹង​ផង​ដែរ ​​បច្ចុប្បន្ន​នេះ​ក្រុមការងាររបស់ក្រសួង បានធ្វើការចុះស្រង់ទិន្នន័យ​តាម​បុរីជាង ១០០បុរីក្នុងរាជធានីភ្នំពេញ ដែលមានបុរីខ្លះផ្តល់សិទ្ធិផ្តាច់មុខ ដល់ក្រុមហ៊ុនផ្គត់ផ្គង់សេវា​អ៉ិនធឺណិត ដែលនាំឲ្យអ្នកប្រើប្រាស់មានការលំបាក ក្នុងការប្រើប្រាស់ ពោះគ្មានជំរើស។ ជាមួយគ្នានេះ ក្រុមការងាររបស់ក្រសួង បានចុះធ្វើការតេស្តសេវាទូរស័ព្ទ នៅក្នុងបុរីបានចំនួន៦០បុរីរួចហើយ នៅតែចំនួន​៤០បុរីទៀតប៉ុណ្ណោះ។ យ៉ាងណាមិញ ដើម្បីដោះស្រាយបញ្ហាសេវាទូរស័ព្ទ និងអ៉ីធឺណិតនៅតាមបុរី ក្រសួង​បានសម្រេចជ្រើសរើសយកបុរី ប៉េងហួត ជាគំរូមុនគេ បន្ទាប់មកទើបដោះស្រាយបុរីផ្សេងៗទៀត៕

The post អ្នកនៅតាមបុរី ដែលអត់មានសេវាអ៊ិនធឺណិត​ ​​មាន​សង្ឃឹម​ឡើង​វិញ បន្ទាប់​ពី​​សម្តេចតេជោ ហ៊ុន សែន ចេញបទបញ្ជាមួយ appeared first on .

ការ​ដាក់​ចេញ​គោលនយោបាយ​លើ​ការ​ប្រើប្រាស់​បង្គោល​អង់តែន​រួមពីក្រុមហ៊ុន​នានា ដើម្បី​កាត់​បន្ថយ​ការ​ចំណាយ ​និង​ពង្រីក​សេវា​​គ្របដណ្តប់​កាន់​​តែ​ទូលំទូលាយ​។

បើ​តាមលោក​រដ្ឋមន្រ្តី បច្ចុប្បន្ន​នេះ​ស្ថានីយ​អង់តែន​ទូរសព្ទ​ចល័ត​កំពុង​ប្រើប្រាស់​ទូទាំង​ប្រទេស​មាន​ចំនួន ១១ ៥០០ ទីតាំង​។ ដើម្បី​ពង្រឹង​គុណភាព​សេវា​ដល់​គោលដៅ​អាទិភាព និង​តំបន់​ទេសចរណ៍​ដាច់ស្រយាល ក្រសួង​ប្រៃសណីយ៍ និង​ទូរគមនាគមន៍ ក៏​គ្រោង​សាងសង់​ស្ថានីយ​អង់តែន​ចំនួន ១០០ បន្ថែម​ទៀត៕

The post ត្រៀម​ដាក់​ឲ្យ​ប្រើប្រាស់​បង្គោល​អង់តែន​​រួម លើ​គ្រប់​ក្រុមហ៊ុន​​ផ្តល់​សេវា​ទាំងអស់ appeared first on .

ក្រសួងប្រៃសណីយ៍ ដឹកនាំដោយលោក ជា វ៉ាន់ណេត ជារដ្ឋមន្ត្រី ក្រោយពីការរុះរើគណៈរដ្ឋមន្រ្តីថ្មីនៅពាក់កណ្តាលអាណត្តិនេះ ដែលជាឈាមថ្មីជាបញ្ញាវ័ន្តក្រោមវ័យចំណាស់ ដែលចេញមកពីនិស្សិតអាហារូបករណ៍ទៅសិក្សានៅក្រៅប្រទេស។

តាមរយៈគេហទំព័រផ្លូវការ ក្រសួងប្រៃសណីយ៍ និងទូរគមនាគមន៍ បានដាក់ចេញនៅគោលការណ៍ជាបេសកកម្មធំ ៧ចំណុច ដើម្បីជំរុញការអភិវឌ្ឍវិស័យប្រៃសណីយ៍ និងទូរគមនាគមន៍៖

១- ដឹកនាំ និងគ្រប់គ្រងវិស័យប្រៃសណីយ៍ និងទូរគមនាគមន៍ព្រមទាំងបច្ចេកវិទ្យាគមនាគមន៍ និងព័ត៌មាន ដោយឈរលើគោលការណ៍សេដ្ឋកិច្ចទីផ្សារសេរី និងសមធម៌សង្គម។
២- ពង្រីកការកសាងហេដ្ឋារចនាសម្ព័ន្ធឆ្អឹងខ្នងរឹងមាំ ល្បឿនលឿន សុវត្ថិភាព និងជឿទុកចិត្ត ឱ្យបានដល់គ្រប់ទីកន្លែងនៅកម្ពុជា ។
៣- អភិវឌ្ឍវិស័យប្រៃសណីយ៍ និងទូរគមនាគមន៍ ព្រមទាំងបច្ចេកវិទ្យាគមនាគមន៍ និងព័ត៌មាន ឱ្យមានលក្ខណៈទំនើប មានគុណភាពខ្ពស់ មានតម្លៃសមរម្យ និងមានសេវាគ្របដណ្ដប់ទូទាំងប្រទេសដែលប្រជាជនទូទៅអាចប្រើប្រាស់ និងទទួលបានផលប្រយោជន៍ពីសេវានេះ។

៤- អភិវឌ្ឍប្រព័ន្ធរដ្ឋាភិបាលអេឡិចត្រូនិចនៅថ្នាក់ជាតិ និងថ្នាក់ក្រោមជាតិ ដើម្បីជំរុញការសម្របសម្រួលការគ្រប់គ្រងកិច្ចការរដ្ឋបាលរវាងក្រសួងស្ថាប័នជាសេនាធិការរបស់រាជរដ្ឋាភិបាល និងការផ្តល់សេវាសាធារណៈជូនប្រជាជន ប្រកបដោយភាពរហ័ស ប្រសិទ្ធភាព តម្លាភាព សុវត្ថិភាព សន្សំសំចៃខ្ពស់ និងចំណេញពេលវេលា។
៥- ជំរុញការបញ្ជ្រាបការយល់ដឹងអំពីការប្រើប្រាស់ និងផលប្រយោជន៍ នៃបច្ចេកវិទ្យាគមនាគមន៍ និងព័ត៌មាន តាមរយៈការផ្សព្វផ្សាយឱ្យបាន ទូលំទូលាយ ការបណ្ដុះបណ្ដាល និងការកសាងសមត្ថភាពមន្ត្រីរាជការ សិស្ស និស្សិត រួមទាំងវិស័យឯកជន។
៦- លើកទឹកចិត្តវិនិយោគិនធ្វើទំនើបកម្មវិស័យប្រៃសណីយ៍ និង ទូរគមនាគមន៍ ព្រមទាំងបច្ចេកវិទ្យាគមនាគមន៍ និងព័ត៌មាន និងធ្វើការ រៀបចំអភិក្រម ដើម្បីលើកកម្ពស់ការស្រាវជ្រាវ និងអភិវឌ្ឍលើវិស័យ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន។

៧- ជំរុញប្រតិបត្តិករនៃវិស័យប្រៃសណីយ៍ និងទូរគមនាគមន៍ ព្រមទាំងបច្ចេកវិទ្យាទូរគមនាគមន៍ និងព័ត៌មាន អនុវត្តសិទ្ធិ និងកត្វកិច្ច ស្របតាម លក្ខខណ្ឌ និងបទបញ្ញត្តិជាធរមាន ដើម្បីធានាការប្រកួតប្រជែងដោយ ស្របច្បាប់ និងស្មោះត្រង់ និងដើម្បីការពារសិទ្ធិរបស់អ្នកប្រើប្រាស់៕

The post បេសកកម្ម ៧ចំណុចធំៗ ក្រសួងដាក់ចេញដើម្បីជំរុញវិស័យប្រៃសណីយ៍ និងទូរគមនាគមន៍ appeared first on .