ក្រសួងមុខងារសាធារណៈ បានគូសបញ្ជាក់ថា ក្នុងឯកសណ្ឋានសមរម្យ បេក្ខជនម្នាក់ៗបានបង្ហាញពីការត្រៀមខ្លួនរួចជាស្រេច ព្រមទាំងមានទឹកមុខញញឹម ជឿជាក់ និងមានសណ្តាប់ធ្នាប់ខ្ពស់។ ដើម្បីធានាបាននូវសមភាព និងតម្លាភាពក្នុងការប្រកួតប្រជែង បេក្ខជនទាំងអស់បានចូលរួមសហការយ៉ាងសកម្មជាមួយក្រុមការងារ ក្នុងការតម្រង់ជួរឆ្លងកាត់ការពិនិត្យឧបករណ៍អេឡិចត្រូនិច និងសំណៅឯកសារយ៉ាងម៉ឺងម៉ាត់នៅតាមច្រកទ្វារ ព្រមទាំងបានផ្ទៀងផ្ទាត់ឯកសារសម្គាល់ខ្លួន និងអត្តសញ្ញាណជាមួយគណៈអនុរក្ស មុននឹងចូលទៅកាន់បន្ទប់ និងអង្គុយតាមតុប្រឡងរៀងៗខ្លួន។

សកម្មភាពនៃការគោរពបទបញ្ញត្តិយ៉ាងខ្ជាប់ខ្ជួននេះ បានឆ្លុះបញ្ចាំងពីស្មារតីទទួលខុសត្រូវខ្ពស់ ក្នុងនាមជាអ្នកច្បាប់ និងជាមន្ត្រីរាជការនាពេលអនាគត ដើម្បីរួមចំណែកលើកកម្ពស់យុត្តិធម៌ក្នុងសង្គមជាតិ ចាប់ផ្តើមពីជំហានដំបូងនៃសមរភូមិប្រឡងនេះ។

ក្នុងឱកាសដ៏សំខាន់នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានអញ្ជើញកាត់បើកកញ្ចប់វិញ្ញាសាជានិមិត្តរូប ដើម្បីធានាភាពស្អាតស្អំ និងតម្លាភាពពេញលេញ ស្របតាមគោលការណ៍ «ជាប់ដោយមោទនភាព ធ្លាក់ដោយអស់ចិត្ត»។ ពិធីនេះប្រព្រឹត្តទៅយ៉ាងសុក្រឹត ដោយមានការចូលរួមដឹងឮពីតំណាងក្រសួងយុត្តិធម៌ ក្រសួងសេដ្ឋកិច្ចនិងហិរញ្ញវត្ថុ អង្គភាពប្រឆាំងអំពើពុករលួយ (ACU) ព្រមទាំងអ្នកសង្កេតការណ៍ និងបណ្តាញសារព័ត៌មានយ៉ាងច្រើនរូប។

សូមជម្រាបថា ដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ នាថ្ងៃទី១៤ ខែកញ្ញានេះ ត្រូវបានកំណត់កាលវិភាគប្រឡងពេញមួយថ្ងៃ ដោយចាប់ផ្តើមដំណើរការចាប់ពីម៉ោង ៨:០០ព្រឹក រហូតដល់ម៉ោង ៦:០០ល្ងាច នៅមណ្ឌលសាលាភូមិន្ទរដ្ឋបាល។

The post បេក្ខជន ៥៦៦នាក់ បានចូលរួមប្រឡងក្របខ័ណ្ឌក្រសួងយុត្តិធម៌ appeared first on .

យុទ្ធនាការនេះ បានប្រព្រឹត្តទៅក្នុងរយៈពេល ២ថ្ងៃ ចាប់ពីថ្ងៃទី១៩ ដល់ថ្ងៃទី២០ ខែសីហា ឆ្នាំ២០២៦ នៅ​អាគារនៃទីស្តីការក្រសួងវប្បធម៌ និងវិចិត្រសិល្បៈ។ តាមរយៈការចុះ​អនុវត្តផ្ទាល់នេះ ក្រសួងវប្បធម៌ និងវិចិត្រ​សិល្បៈ បានក្លាយជាក្រសួងទី២២ ដែលបានបញ្ចប់កិច្ចការងារ​ជំរឿនមន្ត្រីជាក់ស្តែង។

ក្រសួងមុខងារសាធារណៈ បានឱ្យដឹងថា ក្នុងដំណើរការរយៈពេល ២ថ្ងៃនេះ មានថ្នាក់ដឹកនាំ និងមន្ត្រីរាជការ​គ្រប់ជាន់ថ្នាក់ទាំងអស់របស់ក្រសួង សរុប​ប្រមាណ ១,៦០០នាក់ បានអញ្ជើញមកចូលរួមបង្ហាញមុខ និងធ្វើ​ជីវមាត្រ ព្រមទាំងសហការចូលរួមបំពេញភារកិច្ច​ស្របតាមបែបបទ ព្រមទាំងនីតិវិធីណែនាំរបស់​គណៈកម្មការ​ជំរឿន ធ្វើឱ្យកិច្ចដំណើរការទាំងមូលប្រព្រឹត្តទៅយ៉ាងរលូនតាមការគ្រោងទុក។

លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានគូសបញ្ជាក់ថា ការផ្ទៀងផ្ទាត់ទិន្នន័យមន្ត្រីតាមរយៈការធ្វើជំរឿនជាក់ស្តែងនាពេលនេះ គឺធ្វើឡើងស្របតាមគោលនយោបាយនៃកំណែទម្រង់រដ្ឋបាលសាធារណៈ។ សកម្មភាពនេះ មានគោលបំណងសំខាន់ ដើម្បីដឹងពីចំនួនមន្ត្រីពិតប្រាកដ មុខងារច្បាស់លាស់ ព្រមទាំងរៀបចំដាក់ពង្រាយមន្ត្រីឱ្យចំគោលដៅនៃរចនាសម្ព័ន្ធថ្មីរបស់ក្រសួង និងបង្កើនប្រសិទ្ធភាពការងារ។

The post ក្រសួងវប្បធម៌ និងវិចិត្រសិល្បៈ ជាក្រសួងទី២២ ដែលបានបញ្ចប់ការធ្វើជំរឿនមន្ត្រីជាក់ស្តែងជាស្ថាពរ appeared first on .

កិច្ចប្រជុំនេះ សំដៅផ្ទៀងផ្ទាត់យ៉ាងយកចិត្តទុកដាក់លើលទ្ធផលនៃការផ្តល់សេវារដ្ឋបាលប្រចាំថ្ងៃរបស់ប្រជាពលរដ្ឋមួយចំនួន ដូចជា សេវាអត្រានុកូលដ្ឋាន ការធ្វើអត្តសញ្ញាណបណ្ណ លិខិតឆ្លងដែន សេវាចុះបញ្ជីនិងផ្ទេរកម្មសិទ្ធិយានយន្ត និងសេវាសាធារណៈចាំបាច់ជាច្រើនទៀត។

ជាលទ្ធផល ក្រុមការងារបានសម្រួចខ្លឹមសាររបាយការណ៍នេះឱ្យកាន់តែមានភាពគ្រប់ជ្រុងជ្រោយ និងឆ្លុះបញ្ចាំងយ៉ាងពិតប្រាកដពីស្ថានភាពជាក់ស្តែង ព្រមទាំងមតិយោបល់របស់ប្រជាពលរដ្ឋ។

របាយការណ៍នេះ នឹងក្លាយជាត្រីវិស័យ និងជាធាតុចូលជាយុទ្ធសាស្ត្រក្នុងការរៀបចំវិធានការកែទម្រង់ ដើម្បីធានាថាសេវាសាធារណៈនៅកម្ពុជាកាន់តែមានគុណភាព តម្លាភាព ភាពងាយស្រួល ឆាប់រហ័ស និងឆ្លើយតបចំគោលដៅនៃតម្រូវការរបស់ប្រជាពលរដ្ឋពិតប្រាកដ។

សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ធ្លាប់មានប្រសាសន៍ និងតែងតែគូសបញ្ជាក់ថា ការកែទម្រង់រដ្ឋបាលសាធារណៈ គឺជាស្នូល នៃអភិបាលកិច្ចប្រកបដោយប្រសិទ្ធភាព សម្រាប់ប្រទេសកម្ពុជា។ នៅកម្ពុជាការកែទម្រង់រដ្ឋបាលសាធារណៈ ជាការកែទម្រង់អន្តរវិស័យសំខាន់មួយ នៅក្នុងចំណោមការកែ ទម្រង់សំខាន់ៗចំនួន៥រួមមាន ៖ ការកែទម្រង់ការគ្រប់គ្រងហិរញ្ញវត្ថុសាធារណៈ , ការកែទម្រង់អភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ , ការកែទម្រង់វិមជ្ឈការ និងវិសហមជ្ឈការ , ការកែទម្រង់ប្រព័ន្ធយុត្តិធម៌ និងការកែទម្រង់ច្បាប់៕

The post ក្រសួងមុខងារសាធារណៈ បើកកិច្ចប្រជុំជែកដេញដោលស៊ីជម្រៅលើប្រសិទ្ធភាពសេវារដ្ឋបាលរាល់ថ្ងៃជូនប្រជាពលរដ្ឋ appeared first on .

នៅក្នុងកិច្ចប្រជុំប្រចាំឆមាសទី១ ឆ្នាំ២០២៦ របស់ក្រសួងមុខងារសាធារណៈ ឯកឧត្តមអគ្គលេខាធិការ សៀត វិចិត្រ បានធ្វើបទបង្ហាញពីរបាយការណ៍វឌ្ឍនភាពការងារដែលក្រសួងមុខងារសាធារណៈ និងមន្ទីរមុខងារសាធារណៈទាំងអស់បានអនុវត្ត និងសម្រេចបាននូវលទ្ធផលជាផ្លែផ្កាជាច្រើនគួរជាទីមោទនៈ។ ចំណុចមួយគួរកត់សម្គាល់ តាមរយៈការប្រមូលទិន្នន័យ សម្រង់ព័ត៌មានស្តីពីការពង្រឹងប្រព័ន្ធគ្រប់គ្រងវត្តមាន និងស្ថានភាពមន្ត្រីរាជការស៊ីវិល មន្ត្រីជាប់កិច្ចសន្យា ដែលបម្រើការងារនៅតាមអង្គភាពចំណុះក្រសួង-ស្ថាប័នថ្នាក់ជាតិ សម្រាប់រយៈពេលជាង៥ខែ ក្នុងចំណោម ៣០ក្រសួង-ស្ថាប័ន បានបង្ហាញឱ្យឃើញថាមន្ត្រីរាជការដែលមកបំពេញការងារមានចំនួន៩៥% (ទិន្នន័យនេះគិតត្រឹមថ្ងៃទី១៥ ខែមិថុនា ឆ្នាំ២០២៦)។

ក្រសួងបានបន្ថែមថា ទាំងនេះជាលទ្ធផលដ៏គួរឱ្យកោតសរសើរនិងស្ញប់ស្ញែង ដែលបង្ហាញថាគ្រប់ក្រសួង-ស្ថាប័នថ្នាក់ជាតិទាំងអស់ បានចូលរួមយ៉ាងសកម្មក្នុងដំណើរការកែទម្រង់រដ្ឋបាលសាធារណៈ ទៅលើការពង្រឹងអភិបាលកិច្ចដែលជាការងារអាទិភាពក្នុងការគ្រប់គ្រងធនធាន និងស្ថាប័នរបស់ខ្លួនកាន់តែមានភាពប្រសើរឡើង ដែលជួយដល់ការសម្រេចចក្ខុវិស័យរបស់ សម្តេចមហាបវរធិបតី នាយករដ្ឋមន្រ្តី នៃព្រះរាជាណាចក្រកម្ពុជា។

សូមជម្រាបថា កិច្ចប្រជុំប្រចាំឆមាសទី១ ឆ្នាំ២០២៦ របស់ក្រសួងមុខងារសាធារណៈ ដើម្បីពិនិត្យវឌ្ឍនភាពការងារសម្រេចបាន បញ្ហាប្រឈម និងលើកទិសដៅការងារបន្ត។ កិច្ចប្រជុំដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ នារសៀលថ្ងៃទី២៤ ខែមិថុនា ឆ្នាំ២០២៦៕ 

The post ក្រសួងមុខងារសាធារណៈ រកឃើញថា មន្រ្តីរាជការដែលមកបំពេញការងារមានចំនួន ៩៥%  appeared first on .

ជំរឿនមន្រ្តីក្រសួង ស្ថាប័នបានបញ្ចប់៨ បន្ត៤ និងកំពុងរៀបចំចំនួន៥។ គណៈកម្មការជំរឿនមន្ត្រីវាយតម្លៃ និងដាក់ផែនការសម្រាប់អង្គភាពបន្ត និងនៅតាមបណ្តារាជធានី ខេត្ត។

ការដាក់ចេញគោលដៅធ្វើជំរឿនមន្រ្តីបន្តនៅក្រសួង ស្ថាប័នចំនួន៤ទៀត នៅអំឡុងដើមខែមិថុនានេះ រួមមានដូចជា៖ (១)រដ្ឋលេខាធិការដ្ឋានអាកាសចរណ៍ស៊ីវិល (២)ក្រសួងរៀបចំដែនដី នគរូបនីយកម្ម និងសំណង់ (៣)ក្រសួងទេសចរណ៍ និង (៤)ក្រុមប្រឹក្សាអភិវឌ្ឍន៍កម្ពុជា។ ក្នុងនោះ គោលដៅដែលនឹងបន្តធ្វើជំរឿនមុនគេនៅ រដ្ឋលេខាធិការដ្ឋានអាកាសចរណ៍ស៊ីវិល ដែលនឹងប្រព្រឹត្តទៅរយៈពេល៣ថ្ងៃ ចាប់ពីថ្ងៃទី៤ ដល់ថ្ងៃទី៥ និងថ្ងៃទី៨ ខែមិថុនា ឆ្នាំ២០២៦ ខាងមុខនេះ។

គួរឱ្យដឹងថា ផែនការនៃការធ្វើជំរឿនមន្រ្តីនៅគោលដៅបន្តនេះ ត្រូវបានកំណត់ដាក់ចេញដោយគណៈកម្មការធ្វើជំរឿនមន្រ្តី នៅក្នុងកិច្ចប្រជុំតាមដានវឌ្ឍនភាពនៃការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង នៅតាមរចនាសម្ព័ន្ធរបស់ក្រសួង ស្ថាប័នចំណុះអង្គការនីតិប្រតិបត្តិ គ្រឹះស្ថានបឋមសិក្សាសាធារណៈ និងអង្គភាពសុខាភិបាលមូលដ្ឋាន ដឹកនាំដោយ លោក យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាអនុប្រធានប្រចាំការនៃគណៈកម្មការធ្វើជំរឿនមន្រ្តី នាព្រឹកថ្ងៃទី២ ខែមិថុនា ឆ្នាំ២០២៦៕

The post គណៈកម្មការធ្វើជំរឿន ដាក់ចេញគោលដៅធ្វើជំរឿនមន្រ្តីបន្តនៅក្រសួង ស្ថាប័នចំនួន៤ទៀត នៅអំឡុងដើមខែមិថុនានេះ appeared first on .

ក្រសួងមុខងារសាធារណៈ បានផ្តួចផ្តើមបង្កើត យន្តការថ្មីមួយ ដែលមានឈ្មោះថា បណ្តាញអគ្គលេខាធិការនៃក្រសួង ស្ថាប័នចំណុះអង្គការនីតិប្រតិបត្តិ។ យន្តការនេះត្រូវបានរំពឹងថា នឹងក្លាយជាកាតាលីករដ៏សំខាន់ ក្នុងការសម្របសម្រួលការអនុវត្តមុខងារគាំទ្រ និងជំរុញការចូលរួមអនុវត្តការងារកំណែទម្រង់របស់រាជរដ្ឋាភិបាល ឱ្យកាន់តែមានសង្គតិភាព ប្រសិទ្ធភាព និងស័ក្តិសិទ្ធិភាព។ យន្តការថ្មីនេះ មានវិសាលភាពអនុវត្តគ្របដណ្ដប់ចំពោះ អគ្គលេខាធិការដ្ឋាន និងអគ្គនាយកដ្ឋានរដ្ឋបាលនិងហិរញ្ញវត្ថុ របស់គ្រប់ក្រសួង ស្ថាប័នទាំងអស់ ដោយឡែក មានការលើកលែងចំពោះក្រសួងការពារជាតិ។

«បណ្តាញអគ្គលេខាធិការ» នឹងដើរតួជាយន្តការយ៉ាងសំខាន់ក្នុងការតភ្ជាប់ទំនាក់ទំនង កិច្ចសហការ និងការសម្របសម្រួលការងាររវាងអគ្គលេខាធិការនៃអគ្គលេខាធិការដ្ឋាន និងអគ្គនាយកនៃអគ្គនាយកដ្ឋានរដ្ឋបាលនិងហិរញ្ញវត្ថុនៃគ្រប់ក្រសួង ស្ថាប័ន ដើម្បីកាត់បន្ថយភាពស្មុគស្មាញក្នុងដំណើរការការងារ និងសំដៅជួយគាំទ្រគ្នាទៅវិញទៅមកក្នុងការលើកកម្ពស់ប្រសិទ្ធភាពការងារ។

សូមជម្រាបជូនថា ភារកិច្ច និងតួនាទីសំខាន់ៗរបស់បណ្តាញនេះ គឺជាការចូលរួមពង្រឹងអភិបាលកិច្ចរដ្ឋបាលសាធារណៈ និងកិច្ចសហការរវាងអគ្គលេខាធិការនៅតាមក្រសួង ស្ថាប័ននីមួយៗ។ អគ្គលេខាធិការនៅតាមក្រសួង ស្ថាប័ន អាចសម្របសម្រួលទំនាក់ទំនងទៅវិញទៅមក សហការ និងពង្រឹងការអនុវត្តមុខងារគាំទ្រឱ្យបានកាន់តែរលូន ជំរុញការផ្លាស់ប្តូរ និងចែករំលែកបទពិសោធ ចំណេះដឹង ភាពជាអ្នកដឹកនាំ នវានុវត្តន៍ និងឧត្តមានុវត្តន៍ ដើម្បីគាំទ្រដល់ការដោះស្រាយបញ្ហា និងការរៀបចំយុទ្ធសាស្ត្រ រួមទាំងការសិក្សា និងកំណត់រាល់បញ្ហាប្រឈមដែលកើតមានឡើងក្នុងដំណើរការការងារ ដើម្បីស្វែងរកដំណោះស្រាយរួម៕

The post ក្រសួងមុខងារសាធារណៈ គ្រោងបង្កើត «បណ្តាញអគ្គលេខាធិការ» សម្រួលទំនាក់ទំនងការងាររវាងក្រសួង ស្ថាប័ន appeared first on .

ក្រសួងមុខងារសាធារណៈ បានឱ្យដឹងថា ក្នុងដំណើរការចុះជំរឿនមន្ត្រីជាក់ស្តែងនេះ គណៈកម្មការជំរឿន បានចុះពិនិត្យផ្ទៀងផ្ទាត់រចនាសម្ព័ន្ធ និងវត្តមានមន្ត្រីរាជការក្របខ័ណ្ឌ មន្ត្រីជាប់កិច្ចសន្យា និងមន្ត្រីផ្សេងទៀត ដែលកំពុងបំពេញការងារជាក់ស្តែងនៅតាមអង្គភាពចំណុះទីស្តីការក្រសួងអភិវឌ្ឍន៍ជនបទ ដោយថ្នាក់ដឹកនាំ និងមន្ត្រីគ្រប់ជាន់ថ្នាក់ ប្រមាណជាង ៨០០នាក់ បានចូលរួមក្នុងដំណើរការនៃការធ្វើជំរឿននេះផងដែរ។

គួរបញ្ជាក់ថា ចំនួនថ្នាក់ដឹកនាំ និងមន្ត្រីដែលអវត្តមានមិនបានអញ្ជើញមកក្នុងពេលនេះ កើតមានដោយសារ ស្ថានភាពចាំបាច់នានា ដូចជាកំពុងសម្រាកព្យាបាលជំងឺនៅមន្ទីរពេទ្យ និងកំពុងបំពេញបេសកកម្ម ហើយខ្លះទៀតកំពុងស្ថិតក្នុងវគ្គបណ្តុះបណ្តាលនៅក្រៅប្រទេសជាដើម។ ទោះបីជាយ៉ាងនេះក្តី ស្ថានភាពទាំងនោះ សុទ្ធតែត្រូវបានកត់ត្រាទុក ដោយមានឯកសារផ្លូវការបញ្ជាក់ពីមូលហេតុត្រឹមត្រូវ ឬឯកសារអះអាងនានាដែលគណៈកម្មការអាចទទួលស្គាល់ និងទទួលយកបាន។

សូមជម្រាបថា ក្រសួងអភិវឌ្ឍន៍ជនបទ ជាក្រសួងទី៣ ដែលបានបញ្ចប់ការធ្វើជំរឿនមន្ត្រីជាក់ស្តែងរួចរាល់ បន្ទាប់ពីក្រសួងមុខងារសាធារណៈ និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍៕

The post ការធ្វើជំរឿនមន្ត្រី នៅទីស្តីការក្រសួងអភិវឌ្ឍន៍ជនបទ បានបញ្ចប់ដោយមានការចូលរួមពីថ្នាក់ដឹកនាំ និងមន្ត្រីជាង ៨០០នាក់ appeared first on .

ក្រសួងមុខងារសាធារណៈ បានឱ្យដឹងថា ជាក់ស្តែងក្នុងដំណើរការនៃការចុះធ្វើជំរឿនមន្ត្រីជាក់ស្តែងនៅទីស្តីការក្រសួងអភិវឌ្ឍន៍ជនបទ នាថ្ងៃនេះ មានការអញ្ជើញចូលរួមធ្វើជំរឿនដោយផ្ទាល់ពីឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងថ្នាក់ដឹកនាំ និងមន្ត្រីគ្រប់ជាន់ថ្នាក់ ដែលកំពុងបំពេញការងារនៅតាមអង្គភាពចំណុះក្រសួងអភិវឌ្ឍន៍ជនបទ។

ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់អង្គភាពចំណុះទីស្តីការក្រសួងអភិវឌ្ឍន៍ជនបទ ប្រព្រឹត្តទៅរយៈពេល ២ថ្ងៃពេញ ពោលគឺថ្ងៃទី២១ និងទី២២ ខែមេសា ឆ្នាំ២០២៦ នៅអគារនៃទីស្តីការក្រសួងអភិវឌ្ឍន៍ជនបទ ដើម្បីការធានាមិនឱ្យប៉ះពាល់ដល់ដំណើរការនៃការងារប្រចាំថ្ងៃរបស់មន្ត្រី ហើយក៏មិនឱ្យប៉ះពាល់ដល់ដំណើរការនៃការផ្តល់សេវាសាធារណៈរបស់អង្គភាព ដែលជាគោលដៅនៃការធ្វើជំរឿន។ 

សូមជម្រាបថា ក្រសួងអភិវឌ្ឍន៍ជនបទ ជាក្រសួងទី៣ ដែលបាន និងកំពុងធ្វើជំរឿនមន្ត្រីជាក់ស្តែង បន្ទាប់ពីក្រសួងមុខងារសាធារណៈ និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍៕

The post គណៈកម្មការ ចាប់ផ្តើមចុះធ្វើការជំរឿនមន្ត្រី នៅទីស្តីការក្រសួងអភិវឌ្ឍន៍ជនបទ appeared first on .

១. កត្តាគោលនយោបាយ និងយុទ្ធសាស្ត្រដ៏ត្រឹមត្រូវរបស់រាជរដ្ឋាភិបាល ជាពិសេសយុទ្ធសាស្ត្របញ្ចកោណ ដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០ កម្ពុជាក្លាយជាប្រទេសមានចំណូលខ្ពស់ និងការដាក់ចេញនូវវិធានការគន្លឹះទាំង៣ ក្នុងការកែទម្រង់រដ្ឋបាលសាធារណៈ ដែលជាការកំណត់អាទិភាពជាក់លាក់ សម្រាប់ការអនុវត្តឱ្យចេញជាលទ្ធផលជាក់ស្តែង។

ទី២. កត្តាថ្នាក់ដឹកនាំប្រកបដោយភាពឈ្លាសវៃ មានចក្ខុវិស័យច្បាស់លាស់ និងមានព្រហ្មវិហារធម៌ ដែលយើងអាចប្រែក្លាយគោលនយោបាយ និងយុទ្ធសាស្ត្រទៅជាការអនុវត្តចេញជាសមិទ្ធផលពិតប្រាកដ ដែលក្នុងនោះ សម្តេចមហាបវរធិបតី តែងផ្តល់អាទិភាពខ្ពស់ចំពោះការកែទម្រង់រដ្ឋបាលសាធារណៈ ដោយផ្តល់ការគាំទ្រ និងតម្រង់ទិសជាប្រចាំ។

ទី៣. កត្តាផ្ទៃក្នុងនៃក្រសួងមុខងារសាធារណៈ គឺដោយសារយើងមានចក្ខុវិស័យ និងផែនការច្បាស់លាស់ មានរចនាសម្ព័ន្ធការងារត្រឹមត្រូវ មានប្រព័ន្ធការងារល្អ និងជាពិសេសមានមន្ត្រី និងថ្នាក់ដឹកនាំគ្រប់កម្រិត ដែលមានជំនាញ សមត្ថភាពខ្ពស់ និងបំពេញការងារឈរលើមូលដ្ឋានអភិក្រមបុរេសកម្ម សកម្ម យោគយល់អធ្យាស្រ័យ សហការគ្នា ស្មារតីជាក្រុម ទទួលខុសត្រូវខ្ពស់ទៅតាមជំនាញនិងភារកិច្ចរៀងៗខ្លួន។

ទី៤. កត្តាក្រសួង ស្ថាប័ន រាជធានី ខេត្ត ក្រុង ស្រុក ខណ្ឌ និងភាគីពាក់ព័ន្ធទាំងអស់។ សមិទ្ធផលដែលក្រសួងមុខងារសាធារណៈសម្រេចបាននាពេលកន្លងមក និងដែលនឹងឈានសម្រេចបាននាពេលខាងមុខ មិនអាចកាត់ផ្តាច់ចេញពីការចូលរួម គាំទ្រ និងសហការពីក្រសួង ស្ថាប័ន រដ្ឋបាលថ្នាក់ក្រោមជាតិ និងភាគីពាក់ព័ន្ធទាំងអស់បានទេ៕

The post កត្តាសំខាន់ៗ ៤ យ៉ាងដែលនាំឱ្យក្រសួងមុខងារសាធារណៈ សម្រេចបាននូវសមិទ្ធផលជាច្រើនគួរជាទីមោទនៈ appeared first on .

នៅព្រឹកថ្ងៃទី២០ ខែវិច្ឆិកា ឆ្នាំ២០២៥ គណៈកម្មការរៀបចំការប្រឡងប្រជែង បានរៀបចំសន្និសីទសារព័ត៌មានស្ដីពី «វឌ្ឍនភាពព័ត៌មានអំពីដំណើរការជ្រើសរើស និងគ្រប់គ្រងគ្រូបង្រៀនផ្អែកលើកិច្ចព្រមព្រៀងការងារ ឱ្យចូលបម្រើ​ការងារនៅគ្រឹះស្ថានបឋមសិក្សាសាធារណៈ» ក្រោមអធិបតីភាពឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង អមដោយឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា។

ក្នុងវេទិកាសន្និសីទសារព័ត៌មានខាងលើនេះ ថ្នាក់ដឹកនាំក្រសួងមុខងារសាធារណៈ បានបញ្ជាក់ថា ក្នុង​នីតិកាលទី៧ នៃរដ្ឋសភានេះ គណៈកម្មការរៀបចំការប្រឡងប្រជែងក្រសួងមុខងារសាធារណៈ បានរៀបចំការ​ប្រឡងប្រជែង​ជ្រើសរើសមន្រ្តី និងមន្រ្តីផ្អែកលើកិច្ចព្រមព្រៀងការងារ ជូនក្រសួងអប់រំ បាន ៥លើក រួចមកហើយរួមមាន៖ ជ្រើស​រើសគ្រូកីឡា, គ្រូបង្រៀនបឋមសិក្សា, គ្រូបង្រៀនអនុវិទ្យាល័យ, គ្រូបង្រៀនវិទ្យាល័យ និងការប្រឡងប្រជែង​ជ្រើសរើស​លើកនេះ ជាលើកទី៥ គឺ​ការជ្រើសរើស «គ្រូបង្រៀនផ្អែកលើកិច្ចព្រមព្រៀងការងារ» ឱ្យចូល​បម្រើការងារ​នៅតាមគ្រឹះស្ថានបឋមសិក្សាសាធារណៈ។

សូមជម្រាបថា បើតាមក្រសួងមុខងារសាធារណៈ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារនេះ មានគោលដៅសំខាន់បំផុត គឺឈាន​ទៅបញ្ចប់ការបង្រៀនថ្នាក់ផ្គួប ដែលមានសិស្សច្រើនហួសកំណត់ ពិបាកក្នុង​ការសិក្សា និងដើម្បីជួយសម្រួលភាព​នឿយហត់ គ្រូបង្រៀនមួយចំនួន ដែលត្រូវបង្រៀនពីរវេន ព្រោះតែខ្វះគ្រូ៕

The post ក្រសួងមុខងារសាធារណៈ បានរៀបចំការប្រឡងប្រជែងជ្រើសរើស​មន្រ្តី និងមន្រ្តីផ្អែកលើកិច្ចព្រមព្រៀងការងារ ជូនក្រសួងអប់រំ បាន៥លើក​​ហើយ ក្នុង​នីតិកាលទី៧នេះ appeared first on .