លោកបញ្ជាក់ថា បច្ចុប្បន្នផលិតកម្មកាហ្វេ ក្នុងខេត្តមណ្ឌលគិរី អាចឆ្លើយតបបានត្រឹមតែប្រមាណ ១០% ប៉ុណ្ណោះនៃតម្រូវការទីផ្សារសរុបក្នុងប្រទេស។ នេះគឺជាសញ្ញាវិជ្ជមានដែលបង្ហាញពីកាលានុវត្តភាពដ៏ធំធេងសម្រាប់កសិករ និងវិនិយោគិន ក្នុងការបង្កើនផ្ទៃដីដាំដុះកាហ្វេ និងកាកាវ ដើម្បីកាត់បន្ថយការនាំចូល។

ក្នុងឱកាសចុះពិនិត្យដោយផ្ទាល់នៅចម្ការកាហ្វេ ភីដា (PIDA Coffee Farm) ដែលជាគំរូនៃជោគជ័យក្នុងវិស័យកាហ្វេនៅខេត្តមណ្ឌលគិរី លោកក៏បានផ្តល់អនុសាសន៍ និងលើកទឹកចិត្តឱ្យមានកិច្ចសហប្រតិបត្តិការរវាងវិទ្យាស្ថានជាតិកសិកម្មព្រែកលៀប ជាមួយ PIDA Coffee Farmដើម្បីរៀបចំវគ្គបណ្តុះបណ្តាលជំនាញឯកទេសកាហ្វេ។ ជំរុញការស្រាវជ្រាវ និងផលិតពូជកាហ្វេដែលមានគុណភាពខ្ពស់ក្នុងស្រុក ដើម្បីផ្តល់ជូនកសិករនូវពូជដែលផ្តល់ទិន្នផលខ្ពស់ និងធន់នឹងអាកាសធាតុ។

លោកបានបញ្ជាក់ថា រាជរដ្ឋាភិបាលមានគោលនយោបាយច្បាស់លាស់ក្នុងការប្រែក្លាយតំបន់ភូមិភាគឦសាន ឱ្យទៅជាប៉ូលសេដ្ឋកិច្ចដ៏សំខាន់។ ក្នុងន័យនេះ កាហ្វេ និងកាកាវ គួរត្រូវបានបញ្ចូលជាដំណាំយុទ្ធសាស្ត្របន្ថែមលើដំណាំដែលមានស្រាប់ដូចជា ចេក ស្វាយចន្ទី កៅស៊ូ និងដំឡូងមី។

កាហ្វេមណ្ឌលគិរី ត្រូវបានទទួលស្គាល់ថាជាដំណាំកសិកម្មមួយប្រភេទដែលមានកេរ្តិ៍ឈ្មោះល្បី ដោយសារតែគុណភាព និងរសជាតិទទួលស្គាល់ពីពលរដ្ឋទូទៅ។ បច្ចុប្បន្ននេះ ដំណាំកាហ្វេ គឺជាប្រភេទដំណាំ ដែលកំពុងមានតម្រូវការខ្ពស់នៅក្នុងទីផ្សារ ទាំងនៅក្នុងនិងក្រៅប្រទេស៕

The post អនុប្រធានទី២ ព្រឹទ្ធសភា៖ បច្ចុប្បន្នផលិតកម្មកាហ្វេក្នុងខេត្តមណ្ឌលគិរី អាចឆ្លើយតបបានត្រឹមតែ ១០% ប៉ុណ្ណោះនៃតម្រូវការទីផ្សារក្នុងស្រុក appeared first on .

យោងតាមសេចក្តីប្រកាសរបស់ក្រុមប្រឹក្សាអភិវឌ្ឍន៍កម្ពុជា​ (CDC) កាលពីថ្ងៃទី១០ ខែគុម្ភៈ ឆ្នាំ២០២៦ បានឱ្យដឹងថា នៅខែមករា ឆ្នាំ ២០២៦ បានអនុម័តគម្រោង​អភិវឌ្ឍ​ស្ថានីយផលិតថាមពលអគ្គិសនី​ដើរ​ខ្យល់ ដែលមានអានុភាព ១៥០ ​មេហ្កាវ៉ាត់ នៅក្រុងសែនមនោរម្យ ខេត្តមណ្ឌលគិរី ក្នុងទំហំ​ទុនវិនិ​យោគ​ ២០០ ​លានដុល្លារ ​និងអាច​បង្កើតការងារបាន ៤២ កន្លែង។​

សូមរម្លឹកដែរថា ក្នុងខែមករា ឆ្នាំ២០២៦ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេច ចុះបញ្ជីគម្រោងវិនិយោគសរុបចំនួន៤៣គម្រោង ក្នុងទំហំទុនវិនិយោគសរុបប្រមាណ៧៥២លានដុល្លារ អាម៉េរិក និងអាចបង្កើតការងារបានប្រមាណ២៦ពាន់កន្លែង។ ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ៣៥គម្រោង និងគម្រោង វិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមានចំនួន ៨គម្រោង៕ អត្ថបទ៖ ហ្សាលីន  

The post ខេត្តមណ្ឌលគិរី នឹងមានស្ថានីយផលិតថាមពលអគ្គិសនី​ដើរ​ខ្យល់ ក្នុងតម្លៃវិនិ​យោគ​ ២០០ ​លានដុល្លារ appeared first on .

នេះបើតាមការឱ្យដឹងតាមរយៈដំណើរចុះជួបសំណេះសំណាល សួរសុខទុក្ខ ជំរុញលើកទឹកចិត្តកសិករដាំបន្លែ នៅខេត្តមណ្ឌលគិរី ដឹកនាំដោយ លោក ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ  អមដោយថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគីរី កាលពីថ្ងៃទី១៤​ខែតុលា ឆ្នាំ២០២៥។

ក្នុងដំណើរនេះ លោករដ្ឋលេខាធិការ បានចុះពិនិត្យមើលកសិដ្ឋានដាំដុះបន្លែរបស់កសិករ Wang lei lei (ជនជាតិចិន) លើផ្ទៃដីចំនួន ១០ ហិកតា ក្នុងនោះដាំដុះក្នុងផ្ទះសំណាញ់ចំនួន ៤០ខ្នង ក្រៅពីនេះដាំដុះនៅទីវាលដែលមានប្រភេទបន្លែដូចជា តាសក់វែង ម្ទេសវែង ត្រប់ សណ្ដែកកួរ (សុទ្ធសឹងតែពូជដែលមានតម្លៃខ្ពស់) និងដំណាំរួមផ្សំផ្សេងទៀត  ស្ថិតនៅភូមិពូលូង សង្កាត់រមនា ក្រុងសែនមនោរម្យ។

កសិដ្ឋានដាំដុះបន្លែមួយនេះ សមត្ថភាពផលិតកម្មនាពេលបច្ចុប្បន្ន អាចបាន២តោនបន្លែចម្រុះក្នុងរយ:ពេល៣ថ្ងៃ សម្រាប់ផ្គត់ផ្គង់ទៅកាន់ទីផ្សារចិន នៅក្រុងភ្នំពេញ និងក្រុងព្រះសីហនុ ជំនួសឱ្យបន្លែដែលនាំចូលពីប្រទេសចិនក្នុងពេលកន្លងមក។ កសិដ្ឋានមានគម្រោងពង្រីកបង្កើនផលិតកម្មបន្លែចម្រុះឱ្យបានរហូត២០តោនក្នុង១ថ្ងៃផងដែរ។

គួរឱ្យដឹងក្នុងឱកាសនោះ លោករដ្ឋលេខាធិការក្រសួងកសិកម្មក៏បានចុះជួបសួរសុខទុក្ខ និងពិនិត្យចម្ការបន្លែរបស់កសិករ លឿង វ៉ាន់ថន ស្ថិតនៅក្នុងភូមិចំការតែ សង្កាត់ស្ពានមានជ័យ ក្រុងសែនមនោរម្យ ដាំដុះដំណាំចម្រុះលើផ្ទៃដីចំនួន២ ហិកតា រួមមាន  ស្ពៃក្តោប ស្ពៃបូកគោ ការ៉ុត ដំឡូងជ្វាជប៉ុនផងដែរ។ ចម្ការនេះ ជាប្រភពផ្គត់ផ្គង់ស្ពៃក្តោប និងស្ពៃបូកគោ ដែលមានគុណភាពប្រកបដោយរសជាតិ ពិសេសតំណាងឱ្យផលិតផលខេត្តមណ្ឌលគិរី។

លោកបានណែនាំដល់ម្ចាស់កសិដ្ឋានទាំងពីរ ត្រូវអនុវត្តនិងប្រកាន់ខ្ជាប់នូវការថែរក្សាឱ្យបាននូវគុណភាព សុវត្ថិភាពដល់អ្នកប្រើប្រាស់ និងសហការជាមួយមន្ទីរ ដើម្បីឈានទៅការទទួលបាននូវវិញ្ញាបនកម្មនៃការអនុវត្តតាមគោលការណ៍កសិកម្មល្អ (GAP) ឱ្យសមស្របទៅតាមតម្រូវការទីផ្សារនាពេលបច្ចុប្បន្ន៕

The post កសិដ្ឋានដាំដុះបន្លែមួយនៅខេត្តមណ្ឌលគិរី អាចផ្គត់ផ្គង់ទៅទីផ្សារចិន ជំនួសឱ្យបន្លែដែលនាំចូលពីប្រទេសចិនវិញ appeared first on .

ថ្លែងក្នុងពិធីសម្ពោធ លោក លន់ សុភាព អភិបាលស្តីទី នៃគណៈអភិបាលខេត្តមណ្ឌលគិរី  បានលើកឡើងពីស្ថានភាពជីវភាពរស់នៅរបស់ប្រជាពលរដ្ឋក្នុងខេត្តមណ្ឌលគិរី មានការវិវត្ត រីកចម្រើន តាមរយៈការផ្លាស់ប្ដូរទម្លាប់ក្នុងការរស់នៅ ដោយផ្អែកលើទិន្នន័យបច្ចុប្បន្នភាពរបស់មន្ទីរអភិវឌ្ឍន៍ជនបទខេត្ត ដែលនៅតាមខ្នងផ្ទះមានបង្គន់អនាម័យចំនួន ២១ ៥១២ ស្មើ ១០០% ក្នុងនោះខ្នងផ្ទះមានបង្គន់ផ្ទាល់ខ្លួនមានចំនួន ១៩ ២៥១ខ្នងផ្ទះ ស្មើនឹង៨៩,៥% និងខ្នងប្រើប្រាស់បង្គន់រួមមានចំនួន ២ ២៦១ខ្នងផ្ទះ ស្មើនឹង១០,៥% ។

ជាមួយគ្នានោះ លោក ឆាយ ឫទ្ធិសែន បានវាយតម្លៃខ្ពស់ចំពោះការរីកចម្រើន និងសមិទ្ធផលនានា ដែលខេត្តមណ្ឌលគិរីសម្រេចបាននាពេលកន្លងមកលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ជាពិសេសគឺ ការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋ កាន់តែមានភាពប្រសើរឡើង និងការកែលម្អលក្ខខណ្ឌនៃការរស់នៅ តាមរយៈការផ្គត់ផ្គង់សេវាទឹកស្អាត និងការប្រតិបត្តិផ្លាស់ប្តូរទម្លាប់មប្រើប្រាស់បង្គន់អនាម័យបានត្រឹមត្រូវ និងរស់នៅប្រកបដោយភាពស៊ីវិល័យ។

លោកក៏បានលើកឡើងអំពីចក្ខុវិស័យរបស់ក្រសួងអភិវឌ្ឍន៍ជនបទគឺ “កសាងសង្គមជនបទកម្ពុជាឱ្យមានវិបុលភាព ប្រកបដោយបរិយាបន្ន និងចីរភាព”។ ដោយលោកគូសបញ្ជាក់ថា ក្រសួងបាននិងកំពុងបន្តអនុវត្តផែនការសកម្មភាពជាតិស្តីពី ការផ្គត់ផ្គង់ទឹក ការសំអាត និងអនាម័យជនបទ ដែលបច្ចុប្បន្នសម្រេចបានអត្រាគ្របដណ្តប់ទឹកស្អាត និងអនាម័យទូទាំងប្រទេសប្រមាណ ៩១,៩៨% ក្នុងនោះការផ្គត់ផ្គង់ទឹកស្អាតកម្រិតមូលដ្ឋានសម្រេចបាន ៨៩,២១% និងអនាម័យជនបទកម្រិតមូលដ្ឋានសម្រេចបាន ៩៤,៧៨% ព្រមទាំងបានកំណត់ថា នៅឆ្នាំ២០៣០ ប្រជាពលរដ្ឋនៅទូទាំងប្រទេសមានទឹកស្អាតប្រើប្រាស់គ្រប់គ្រាន់ និងការប្រតិបត្តិអនាម័យ ១០០% ព្រមទាំងរស់នៅក្នុងបរិស្ថានប្រកបដោយនិរន្ដរភាព៕

The post ខេត្តមណ្ឌលគិរី ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) appeared first on .

ក្នុងឱកាសនៃជំនួបនោះ លោកប្រធានក្រុមហ៊ុនបានលើកឡើងថា កម្ពុជាគឺជាប្រទេសដែលមាននូវសុខសន្តិភាព ស្ថិរភាពនយោបាយ ដែលការណ៍នេះជាកាលានុវត្តភាព និងកត្តាអំណោយផល សម្រាប់ការវិនិយោគនៅក្នុងកម្ពុជា។

ក្នុងន័យនេះ លោកប្រធានក្រុមហ៊ុន បានគូសបញ្ជាក់ថា ក្រុមហ៊ុន Zhongjiao Tongli មានមូលដ្ឋាននៅក្រុងស៊ីអាន (Xi’an) និងមានប្រតិបត្តិការអាជីវកម្មលើវិស័យពាណិជ្ជកម្ម កសិកម្ម ថាលពលស្អាត និងប្រព័ន្ធដឹកជញ្ជូនឆ្លាតវៃ។ ក្រុមហ៊ុនក៏បាននិងកំពុងវិនិយោគលើវិស័យកសិកម្មនៅកម្ពុជា ដែលមានដូចជា ដំណាំចេក និងស្វាយ នៅតាមបណ្ដាខេត្តមួយចំនួន ដូចជា ខេត្តរតនគិរី ខេត្តមណ្ឌលគិរី និងខេត្តស្ទឹងត្រែង។

បន្ថែមលើនេះ ក្រុមហ៊ុនក៏មានបំណងពង្រីកការវិនិយោគលើវិស័យកសិកម្ម នៅក្នុងខេត្តរតនគិរី និងខេត្តមណ្ឌលគិរី បន្ថែមទៀតផងដែរ។

ជាការឆ្លើយតប សម្ដេចធិបតី បានវាយតម្លៃខ្ពស់ចំពោះក្រុមហ៊ុន ដែលបានវិនិយោគ និងបង្ហាញចំណាប់អារម្មណ៍ពង្រីកការវិនិយោគរបស់ខ្លួននៅកម្ពុជាបន្ថែមទៀត។

សម្ដេចធិបតី ក៏បានគូសបញ្ជាក់ផងដែរថា រាជរដ្ឋាភិបាលនៅតែផ្ដល់អាទិភាពទៅលើវិស័យកសិកម្ម និងបន្តគាំទ្រការវិនិយោគលើវិស័យនេះនៅកម្ពុជា។

ជាមួយគ្នានោះ សម្ដេចធិបតី បានបញ្ជាក់ថា រាជរដ្ឋាភិបាលនឹងដាក់ចេញនូវគោលនយោបាយលើកទឹកចិត្តការវិនិយោគនៅខេត្តភាគឦសាននៃប្រទេស ហើយផ្អែកតាមគោលនយោបាយនេះ ក្រុមហ៊ុនអាចពិនិត្យលទ្ធភាពវិនិយោគលើវិស័យផ្សេងៗទៀតនៅតំបន់នោះផងដែរ។

ពាក់ព័ន្ធនឹងលទ្ធភាពនៃការពង្រីការវិនិយោគរបស់ក្រុមហ៊ុននៅកម្ពុជា សម្ដេចធិបតីបានលើកទឹកចិត្តឱ្យក្រុមហ៊ុនបន្តសហការនិងពិភាក្សាបន្ថែមទៀតជាមួយក្រសួងកសិកម្ម រុក្ខាប្រមាញ់ និងនេសាទ និងក្រុមប្រឹក្សាអភិវឌ្ឍន៍កម្ពុជា៕

The post ក្រុមហ៊ុន Zhongjiao Tongli សំឡឹងឃើញឱកាសពង្រីកការវិនិយោគលើវិស័យកសិកម្ម ក្នុងខេត្តភាគឦសានចំនួន២ appeared first on .

គោលបំណងនៃកម្មវិធីសិក្ខាសាលានេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

គួរបញ្ជាក់ថា សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមក តែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅបណ្តាខេត្តមួយចំនួន ដើម្បីជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងដល់ម្ចាស់សហគ្រាសធុនតូច និងមធ្យម។

FASMEC គឺជាសម្ព័ន្ធដែលចងក្រងឡើង ដោយបណ្តុំសមាគម និង សហគ្រាសធុនតូច មធ្យមនៅកម្ពុជា។ FASMEC គឺផ្សារភ្ជាប់ទំនាក់ទំនងរវាងសហគ្រាសធុនតូចនិងមធ្យមនៅកម្ពុជាទៅទីផ្សារក្នុងស្រុកនិងអន្តរជាតិ។បេសកម្មចម្បងរបស់ FASMEC គឺធ្វើឱ្យសហគ្រាសធុនតូចនិងមធ្យមនៅកម្ពុជាមានការប្រមូលផ្តុំគ្នា និងសហការគ្នា ដើម្បីឱ្យគុណភាពផលិតផលប្រទេសកម្ពុជាមានការទទួលស្គាល់ជាលក្ខណអន្តរជាតិ។ លើសពីនេះ ក៏ជួយសម្របសម្រួលបរិយាកាសពាណិជ្ជកម្ម បង្កើតវគ្គបណ្តុះបណ្តាល បង្កើនផលិតភាព ការច្នៃប្រឌិត និងការប្រកួតប្រជែង ដោះស្រាយបញ្ហាប្រឈមរបស់សហគ្រាសធុនតូចនិងមធ្យមផងដែរ៕

The post ឧកញ៉ា តែ តាំងប៉ បន្តដឹកនាំរៀបចំសិក្ខាសាលាអភិវឌ្ឍន៍អាជីវកម្មក្រោយបរិបទកូវ១៩ ដល់ម្ចាស់សហគ្រាសធុនតូច និងមធ្យម នៅខេត្តមណ្ឌលគិរី appeared first on .

ការបោះឆ្នោតមានបេក្ខជនឈរឈ្មោះ១១រូប អ្នកចុះឈ្មោះបោះឆ្នោតសរុប៤២១នាក់ បេក្ខជនជ័យលាភីមាន១០រូប សរុបសមាជិកជ្រើសតាំងចាស់ និងថ្មីមានចំនួន១៥រូប។ ក្នុងនោះ ឧកញ៉ា ហួត ឈឿន ត្រូវបានជាប់ឆ្នោតជាប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី អាណត្តិទី៣ លើកទី១។

លោក បួន សារៈមុនី រដ្ឋលេខាធិការក្រសួងពាណិជ្ជកម្ម បានឲ្យដឹងថា សមាសភាពប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី នាអាណត្តិនេះ គឺ ឧកញ៉ា ហួត ឈឿន ដែលទទួលបានការបោះឆ្នោតគាំទ្រទុកចិត្តជាប្រធានចំនួន១១សម្លេងលើ១៥សម្លេងនៃចំនួនសមាជិកជ្រើសតាំងសរុបទាំង១៥ រូប។ បន្ថែមពីនោះគណៈកម្មការរៀបចំការបោះឆ្នោត បានធ្វើការរៀបចំបោះឆ្នោតជ្រើសរើសអនុប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរីក្នុងចំណោមបេក្ខជនស័គ្រចិត្តឈរឈ្មោះសរុបចំនួន១១រូបនៃសមាជិកទាំងអស់ ជាលទ្ធផលមានបេក្ខជនចំនួន០៨រូបបានជាប់ជាអនុប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី អាណត្តិទី៣ លើកទី១។

ជាមួយគ្នានេះ លោកបានណែនាំដល់សមាជិកសភាពាណិជ្ជកម្មដែលទើបនឹងជាប់ឆ្នោត និងសមាជិកនៅក្នុងអាណត្តិត្រូវមានសាមគ្គីភាពនៅក្នុងការបំពេញការងារ បន្តសហការយ៉ាងជិតស្និតជាមួយអាជ្ញាធរ ដែនដី និងមន្ទីរពាណិជ្ជកម្មខេត្តដែលជាអាណាព្យាបាល ជួយទាក់ទាញវិនិយោគគិនពីបរទេសឱ្យបណ្តាក់ទុនបន្ថែមទៀត ដើម្បីចូលរួមចំណែកជាមួយរាជរដ្ឋាភិបាលនៅក្នុងជំរុញការអភិវឌ្ឍន៍កំណើនសេដ្ឋកិច្ច-ពាណិជ្ជកម្មនៅក្នុងខេត្តក៏ដូចជានៅទូទាំងប្រទេសផងដែរ។

សូមជម្រាបជូនថា ឧកញ៉ា ហួត ឈឿន ធ្លាប់កាន់ដំណែងប្រធានការិយាល័យប្រតិបត្តិសភាពាណិជ្ជកម្ម មណ្ឌលខេត្តកំពង់ចាម-ខេត្តមណ្ឌលគិរីអាណត្តិ ទី២លើកទី២ មុនឈានមកធ្វើជាប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី។

ក្នុងឪកាសជាប់ជាប្រធានថ្មីបន្ត ឧកញ៉ា ហួត ឈឿន បានប្រកាសប្តេជ្ញាចិត្តក្នុងអាណត្តិថ្មីនេះ លោកនឹងខិតខំកៀរគរ រកអ្នកវិនិយោគឱ្យមកខេត្តកំពង់ចាមឲ្យបានផុសផុសបន្ថែមទៀត និងរួមសហការការងារជាមួយសមាជិកសមាជិកាក្នុងអង្គភាពឱ្យបានល្អប្រសើរ៕

The post ឧកញ៉ារូបណាជាប់ជាប្រធានសភាពាណិជ្ជកម្មខេត្តកំពង់ចាម-មណ្ឌលគិរី appeared first on .

ចាប់ពីថ្ងៃទី ០១-១៥ ខែកញ្ញា ឆ្នាំ ២០២២ តម្លៃ​ស្នាក់នៅ Pidoma Resort គឺ​ត្រឹម​តែ ៦០ ដុល្លារ​ប៉ុណ្ណោះ រាប់​បញ្ចូល​ទាំង​អាហារពេលព្រឹក ថែម​ទាំងមាន​ការ​ Upgrade បន្ទប់​ដោយ​ឥត​គិត​ថ្លៃ​ថែម​ទៀត។

រីសត​របស់​ឧកញ៉ា​ សួរ វីរៈ​ក៏​មាន​ប្រភេទ​បន្ទប់​សម្រាប់​ជ្រើសរើស​ជាច្រើន​ផង​ដែរ ដូចជា​បែប Solo បែប​គូសង្សារ គ្រួសារ ដំណើរកម្សាន្ត​ជា​ក្រុម ឬ​ជា​ប្រភេទ​ក្រុម​ការងារ​ច្រើន​នាក់​ក្ដី ហើយ​គ្រប់​ប្រភេទ​បន្ទប់​សុទ្ធតែ​ផ្ដល់​នូវ​ផាសុកភាព​ដូចៗគ្នា។

បើ​និយាយ​ពី​ទីតាំង​វិញ​គឺ​រឹតតែ​ពិសេស ដ្បិត​មាន​ចំងាយ​ត្រឹម​តែ ៥នាទី ពី​កណ្ដាលក្រុង​មណ្ឌលគិរី ជាមួយ​នឹង​ទិដ្ឋភាព​អបសងខាង​ផ្លូវ​ស្រស់​ត្រកាល ហើយ​ផ្លូវ​មាន​សភាព​ធំ​ទូលាយ​ងាយស្រួល​ដល់​ការ​បើកបរ។​

លោក​អ្នក​អាច​ធ្វើ​ការ​តេកក់​បន្ទប់ ឬ​សាកសួរ​ព័ត៌មាន​បន្ថែម​តាម​រយៈលេខទូរស័ព្ទ 066 319 600៕

The post កន្លះខែពេញក្នុងខែកញ្ញា Pidoma Resort មានការបញ្ចុះតម្លៃពិសេសមិនធ្លាប់មាន appeared first on .

ក្នុងផែនការមេអភិវឌ្ឍន៍វិស័យទេសចរណ៍នេះ ត្រូវបានរដ្ឋាភិបាលកម្ពុជាកំណត់ទិសដៅយុទ្ធសាស្រ្តទី១ កំណត់តំបន់អាទិភាព សម្រាប់ការអភិវឌ្ឍវិស័យទេសចរណ៍ ខេត្តមណ្ឌលគិរី ទី២ ការអភិវឌ្ឍផលិតផលទេសចរណ៍ និងវិនិយោគក្នុងវិស័យទេសចរណ៍ ទី៣ ពង្រឹងគុណភាពទេសចរណ៍ និងធនធានមនុស្ស ទី៤ ការផ្សព្វផ្សាយ និងការពង្រឹងរូបភាពវិស័យទេសចរណ៍ក្នុងខេត្តមណ្ឌលគិរី ទី៥ ការអភិវឌ្ឍហេដ្ឋារចនាសម្ពន្ធអន្តរវិស័យគ្រាំទ្រដល់ការអភិវឌ្ឍវិស័យទេសចរណ៍ ទី៦ ការតភ្ជាប់ ការសម្រួលការធ្វើដំណើរ និងការធ្វើសមាហរណកម្មក្នុងក្របខណ្ឌជាតិ និងតំបន់។

ឯកឧត្ដម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានថ្លែងថា ការរៀបចំ និងការដាក់ចេញផែនការមេអភិវឌ្ឍន៍ទេសចរណ៍ខេត្តមណ្ឌលគិរី ២០២១-២០៣៥ នេះ នឹងអនុញ្ញាតឲ្យខេត្តមណ្ឌលគិរីក្លាយជាគោលដៅនៃការធ្វើពិពិធកម្មទេសចរណ៍របស់កម្ពុជា ជាប្រភេទអេកូទេសចរណ៍ ទេសចរណ៍ធម្មជាតិ និងកសិកម្ម ព្រមទាំងទេសចរណ៍វប្បធម៌ជនជាតិដើមភាគតិច ដែលនឹងចូលរួមចំណែកធ្វើឲ្យភូមិភាគឦសាន្ដក្លាយជាប៉ូលសេដ្ឋកិច្ចទី៤ ដោយមានខេត្តមណ្ឌលគិរីជាស្នូល ស្របតាមចក្ខុវិស័យវែងឆ្ងាយរបស់សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា។

ទន្ទឹមនឹងនោះ ឯកឧត្ដមរដ្ឋមន្ត្រីក្រសួងទេសចរណ៍ ថោង ខុន បានបញ្ជាក់ដែរថា បំណងប្រាថ្នាសំខាន់របស់ផែនការមេនេះ គឺជំរុញការអភិវឌ្ឍខេត្តមណ្ឌលគិរីជាគោលដៅអេកូទេសចរណ៍លំដាប់អន្តរជាតិ និងជាខេត្តដ៏សំខាន់ក្នុងការផ្គត់ផ្គង់ផ្កាស្រស់ បន្លែ ផ្លែឈើ និងសាច់ សម្រាប់បំពេញតម្រូវការក្នុងប្រទេស និងឈានដល់ការនាំចេញទៅទីផ្សារក្រៅប្រទេស។ ដូច្នេះខេត្តមណ្ឌលគិរីត្រូវត្រៀមលក្ខណៈសម្បត្តិដើម្បីចាប់យកកាលានុវត្តភាពនៃការអភិវឌ្ឍវិស័យទេសចរណ៍ ដែលកំពុងមានកំណើនគួរឲ្យកត់សម្គាល់ ស្របពេលដែលបញ្ហាប្រឈមថ្មីៗក្នុងពិភពលោក ដូចជាភាពតានតឹងនៃស្ថានភាពនយោបាយ និងសេដ្ឋកិច្ចពិភពលោក និងហេតុការណ៍ដែលកើតឡើងឥតគ្រោងទុក ដូចជាករណីវិបត្តិជំងឺកូវីដ-១៩ជាដើម ដោយឈរលើភាពរឹងមាំនៃសក្តានុពលរបស់ខ្លួន។

ឯកឧត្ដម ថោង ខុន គូសបញ្ជាក់ថា ផែនការមេនេះនឹងក្លាយជាឯកសារយុទ្ធសាស្រ្តដ៏សំខាន់ក្នុងការជំរុញការអភិវឌ្ឍវិស័យទេសចរណ៍ខេត្តមណ្ឌលគិរី ក៏ដូចជាតំបន់ភាគឦសានទាំងមូល ពិសេសរួមចំណែកធ្វើឲ្យតំបន់ភាគឦសានក្លាយជាប៉ូលសេដ្ឋកិច្ចទី៤របស់កម្ពុជា៕

The post យុទ្ធសាស្ត្រចំនួន៦ នេះនឹងចូលរួមចំណែកធ្វើឲ្យភូមិភាគឦសាន្ដក្លាយជាប៉ូលសេដ្ឋកិច្ចទី៤ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បន្ទាប់ពីបានចំណាយពេលអស់រយៈពេលជិត ១៤ ឆ្នាំ ក្នុងការសិក្សាស្វែងរុករក ការសិក្សាវាយតម្លៃសមិទ្ធិភាពសេដ្ឋកិច្ចនៃជម្រកធនធានរ៉ែ កម្ពុជាបានប្រកាសពីការរកឃើញជម្រកធនធានរ៉ែមាស ដែលមានលក្ខណៈឧស្សាហកម្ម នៅតំបន់អូរខ្វាវ ស្រុកកែវសីមាខេត្តមណ្ឌលគិរី ជាលើកដំបូងនៅកម្ពុជា ។ ការសាងសង់ឋបនភ័ណ្ឌ និងហេដ្ឋារចនាសម្ព័ន្ធសំខាន់ៗ នៃការដ្ឋានអាជីវកម្មនិងរោងចក្រចម្រាញ់រ៉ែមាស ត្រូវបានចាប់ផ្ដើមពីពាក់កណ្ដាលឆ្នាំ ២០២០ ដោយប្រើប្រាស់ទុនវិនិយោគសរុបប្រមាណ ១២០លានដុល្លាសហរដ្ឋអាមេរិក ហើយត្រូវបានបញ្ចប់និងប្រកាសដាក់ឲ្យដំណើរការជាផ្លូវការដោយ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា។

នេះជាកំណត់ត្រាជាប្រវត្តិសាស្ត្រនៃការចាប់ផ្តើមឧស្សាហកម្មចម្រាញ់រ៉ែមាសជាលើកដំបូងរបស់កម្ពុជា ​​ដែល​បាន​នាំមក​នូវ​លំហូរ​ទុន​វិនិយោគ​ពី​ក្រៅប្រទេស​មក​កម្ពុជា ការបង្កើត​ឱកាស​ការងារ និង​សេដ្ឋកិច្ច ការពង្រីក​នូវ​ពិពិធកម្ម​ខឿន​ឧស្សាហកម្ម​ក្នុងស្រុក និង​ផលប្រយោជន៍​សេដ្ឋកិច្ច សង្គម​ផ្សេងៗ​ទៀត​ជាច្រើន សម្រាប់​ប្រទេស​កម្ពុជា​។

ឧកញ៉ាញូស៍ សូមបង្ហាញសាវតារខ្លីពីក្រុមហ៊ុន រ៉ឺនេសង់ មីនើរ៉ល ដែលទទួលបានសិទ្ធិធ្វើអាជីវកម្មរុករករ៉ែមាសលើកដំបូងនៅកម្ពុជា៖

បង្កើតឡើងក្នុងឆ្នាំ១៩៦៩ ក្រុមហ៊ុន ​Emerald Resources គឺជាក្រុមហ៊ុនរុករក និងចម្រាញ់មាសដ៏ល្បីល្បាញបំផុតមួយនៅ​ក្នុង​ទីក្រុង​ Perth​ ប្រទេស​អូស្រ្តាលី ជាមួយនឹងបទពិសោធន៍ជាង២០ឆ្នាំ ខាងរុករករ៉ែមាសប្រកបដោយភាពជោគជ័យ ឆាប់រហ័ស និងចំណាយថ្លៃដើមតិច នៅក្នុងប្រទេសអូស្រ្តាលី និងប្រទេសជាច្រើនផ្សេងទៀតនៅលើពិភពលោក។ បច្ចុប្បន្ន ក្រុមហ៊ុនមានតម្លៃទីផ្សារ៤៦៣លានដុល្លារ មានភាគហ៊ុនជាង៥០០លានហ៊ុន។

ក្រុមហ៊ុន ​Emerald Resources មានក្រុមវិស្វករ និងភូគព្ភវិទូសមត្ថភាពខ្ពស់ ដែលធ្លាប់បានទទួលជោគជ័យ លើគម្រោងរុករក និងចម្រាញ់រ៉ែមាសនៅក្នុងប្រទេសកំពុងអភិវឌ្ឍជាច្រើនដូចជា គម្រោង Bonikro Gold Project នៅក្នុងប្រទេសកូឌីវ័ Cote d’Ivoire សម្រាប់ក្រុមហ៊ុន Equigold NL និងក្រុមហ៊ុន Regis Resources Ltd។

ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីតធីត (Renaissance Minerals (Cambodia) Limited) គឺជាក្រុមហ៊ុនអូស្រ្តាលី ដែលទទួលបានការអនុញ្ញាតឲ្យសិក្សាស្រាវជ្រាវស្វែងរុករករ៉ែមាស អស់រយៈពេលប្រមាណ១៤ឆ្នាំមកហើយ។

ក្រុមហ៊ុន Renaissance Minerals ត្រូវបានចុះបញ្ជីនៅក្រសួងពាណិជ្ជកម្មកម្ពុជា នៅថ្ងៃទី១១ ខែឧសភា ឆ្នាំ២០០៦ ជាក្រុមហ៊ុនឯកជនទទួលខុសត្រូវមានកម្រិត (Private Limited Company) ដែលធ្វើប្រតិបត្តិការលើវិស័យរុករករ៉ែធំជាងគេនៅកម្ពុជា។ ក្រុមហ៊ុននេះកាន់កាប់ភាគហ៊ុន ១០០ ភាគរយដោយក្រុមហ៊ុន Emerald Resources NL ជាក្រុមហ៊ុនចុះបញ្ជីក្នុងផ្សារមូលបត្រអូស្រ្តាលី ASX បង្កើតឡើងមានដើមទុនអន្តរជាតិ។

ក្រុមហ៊ុនបានផ្តួចផ្តើមសកម្មភាពជាច្រើនឆ្ពោះទៅកាន់ការផលិតកម្មរ៉ែ។ ក្រុមហ៊ុននេះបានចុះហត្ថលេខាលើកិច្ចសន្យារ៉ែចំនួន ២៣០ លានដុល្លារជាមួយក្រុមហ៊ុនរ៉ែនិងក្រុមហ៊ុន Civil Australia (Maca) ដើម្បីផ្គត់ផ្គង់ឧបករណ៍រើផែនដីនិងធ្វើសេវាកម្មរ៉ែកិច្ចសន្យានៅគម្រោងមាសអូកាវអស់រយៈពេលជាង ៧ ឆ្នាំ។

ឆ្នាំ២០១៨ ក្រសួងរ៉ែនិងថាមពលបានផ្តល់អាជ្ញាប័ណ្ណធ្វើអាជីវកម្មរ៉ែដល់ក្រុមហ៊ុន Renaissance Minerals (Cambodia) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Emerald Resources NL ដែលមានមូលដ្ឋាននៅអូស្ត្រាលីដើម្បីទាញយករ៉ែមាសនៅក្នុងខេត្តមណ្ឌលគីរី។

ឆ្នាំ២០២១ រដ្ឋាភិបាលកម្ពុជា អនុញ្ញាតឲ្យអភិវឌ្ឍន៍គម្រោង​វិនិយោគ​លើ​រោងចក្រ​ចម្រាញ់​រ៉ែ​មាស​លក្ខណៈ​ឧស្សាហកម្ម​តម្លៃ ១២០ ​លាន​ដុល្លារ​នៅក្នុង​ខេត្ត​មណ្ឌលគិរី​របស់​ក្រុមហ៊ុន​មាន​មូលដ្ឋាន​នៅ​ប្រទេស​អូស្ត្រាលី Renaissance Minerals (Cambodia) Limited ត្រូវបាន​សម្ពោធ​បើក​ដំណើរការ​ជា​ផ្លូវការ​ហើយ​កាលពីថ្ងៃទី២១ ខែមិថុនា ឆ្នាំ២០២១នេះ ដោយលោក ស៊ុយ សែម រដ្ឋមន្រ្តីក្រសួងរ៉ែនិងថាមពល។

បើតាម​សម្តេចតេជោ ហ៊ុន សែន កម្ពុជា​រំពឹងថា ផលិតផល​មាស​លក្ខណៈ​ឧស្សាហកម្ម​ពី​ជម្រក​រ៉ែ​តំបន់​អូរខ្វាវ​នឹង​ផ្តល់​ចំណូល​ដុល​ជា​មធ្យម​ប្រមាណ ១៨៥ ​លាន​ដុល្លារ ក្នុង ១ ​ឆ្នាំ​ក្នុង​នោះ​ចំណូល​ថវិកាជាតិ​ពី​សួយសារ និង​សារពើពន្ធ​ផ្សេងៗ​មាន ៤០ លាន​ដុល្លារ​ក្នុង ១ ​ឆ្នាំ​។ ថវិកា​នេះ​នឹងត្រូវ​យក​មក​ប្រើ​ក្នុង​ចរន្ត​ថវិកាជាតិ ដើម្បី​អភិវឌ្ឍ​សេដ្ឋកិច្ច និង​សង្គម​៕

The post មកស្គាល់ក្រុមហ៊ុន Renaissance Minerals ដែលទទួលបានសិទ្ធិ​វិនិយោគ​លើ​រោងចក្រ​ចម្រាញ់​រ៉ែ​មាស​តម្លៃ ១២០ ​លាន​ដុល្លារ​នៅក្នុង​ខេត្ត​មណ្ឌលគិរី​ appeared first on .