កិច្ចប្រជុំនេះ ដឹកនាំដោយ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងមានការអញ្ជើញចូលរួមពីសំណាក់តំណាងក្រសួង-ស្ថាប័ន និងតំណាងអភិបាលនៃគណៈអភិបាលខេត្តស្វាយរៀង។

នៅក្នុងកិច្ចប្រជុំនោះ ភាគីពាក់ព័ន្ធ បាន​ពិនិត្យពិភាក្សាលើគម្រោងស្នើសុំបង្កើតតំបន់សេដ្ឋកិច្ចពិសេស មេនហាតធេន ទី២។ គម្រោងតំបន់សេដ្ឋកិច្ចពិសេស មេនហាតធេន ទី១​ បានដំណើរការដោយទទួលបានជោគជ័យ​ លើទំហំផ្ទៃដី​ ៣១៥ ហិកតា ដែលបានបង្កើតតឡើងតាំងពីឆ្នាំ២០០៤​។

សូមជម្រាបដែរថា គិតមកដល់ពេលនេះ ខេត្តស្វាយរៀងនេះ​ មានតំបន់សេដ្ឋកិច្ចពិសេស​កំពុងដំណើរការចំនួន ១៣​ និងមានគម្រោងវិនិយោគសរុបចំនួន​ ៤២១​ គម្រោង។​​ នេះបើយោងតាមដំណើរទស្សនកិច្ចនៅតំបន់សេដ្ឋកិច្ចពិសេសស៊ីន បាវិត និងតំបន់សេដ្ឋកិច្ចពិសេស ហ្វ័រសុន ហ្គីហ្គា កាលថ្ងៃទី១៧ ខែកក្កដា ឆ្នាំ២០២៦ ដឹកនាំដោយលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា (គ.វ.ក.) នៃក្រុមប្រឹក្សាអភិវឌ្ឍន៍កម្ពុជា៕អត្ថបទ៖ហ្សាលីន

The post CDC ពិនិត្យលើគម្រោងស្នើសុំបង្កើតតំបន់សេដ្ឋកិច្ចពិសេស មេនហាតធេន​ ទី២​ ក្នុងខេត្តស្វាយរៀង​ appeared first on .

លោក ជា វុទ្ធី  បានឱ្យដឹងថា ដំណើរបំពេញទស្សនកិច្ចនេះ ក្នុងគោលបំណងដើម្បីពិនិត្យមើលពីវឌ្ឍនភាពនៃការអភិវឌ្ឍ និងការវិនិយោគនៅក្នុងតំបន់។ ជាមួយគ្នានេះ ក៏ដើម្បីពិនិត្យមើលពីវឌ្ឍនភាពនៃការអភិវឌ្ឍ និងបានពិនិត្យខ្សែច្រវាក់ផលិតកម្មរបស់រោងចក្រផលិតសំបកកង់រថយន្ត​ របស់ក្រុមហ៊ុន​ ZODO TIRE (CAMBODIA) CO., LTD. (សមត្ថភាពផលិត​ ២៦០០០​ សំបកកង់ក្នុង១ថ្ងៃ​ និងពេញសមត្ថភាពបាន​ ៤៥០០០​ សំបកកង់)​ និងរោងចក្រផលិតគ្រឿងបង្គុំរថយន្ត​ ហ្វ្រាំងស្ងួត (BRAKE DRUM) ដែលប្រើប្រាស់វត្ថុធាតុដើម​ ពីលោហៈធាតុនិងកាកសំណល់ដែកយកមកកែច្នៃរបស់ក្រុមហ៊ុន​ HAIZHIGUAN (CAMBODIA) INDUSTRIAL CO., LTD. ។

តាមរយៈដំណើរទស្សនកិច្ចនោះ បានបង្ហាញថា ​ នៅក្នុងខេត្តស្វាយរៀងនេះ​ តំបន់សេដ្ឋកិច្ចពិសេស​ មានចំនួន១៣​ និងកំពុងដំណើរការទាំង១៣​ និងមានគម្រោងវិនិយោគសរុបចំនួន​ ៤២១​ គម្រោង​ ព្រមទាំងបង្កើតការងារបានប្រមាណ​ ១១៥.០០០​ កន្លែង​។ តាមការបញ្ជាក់ពីតំណាងអ្នកអភិវឌ្ឍតំបន់សេដ្ឋកិច្ចពិសេសទាំងពីរខាងលើ​ តំបន់កំពុងមានតម្រូវការ​កម្មករនិយោជិតចំនួនប្រមាណ​ ៤.០០០កន្លែង​។

នាឱកាសនោះដែរ លោក ជា វុទ្ធី បានបញ្ជាក់ថា ការបង្កើតតំបន់សេដ្ឋកិច្ចពិសេស គឺធ្វើឡើងក្រោមគំនិតផ្តួចផ្តើមដ៏ខ្ពង់ខ្ពស់របស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដែលធ្វើឱ្យទីវាល និងវាលស្រែដ៏ធំធេង បានប្រែក្លាយមកជាតំបន់សេដ្ឋកិច្ចពិសេស និងបានស្រូបទាញនូវគម្រោងវិនិយោគជាច្រើន ហើយមកដល់នីតិកាលទី៧នៃរដ្ឋសភា ក្រោមការដឹកនាំដោយស្វាហាប់ប្រកបដោយចក្ខុវិស័យវែងឆ្ងាយ របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា សម្តេចតែងតែយកចិត្តទុកដាក់តាមដានដោយផ្ទាល់ជាប់ជាប្រចាំ និងជំរុញលើកទឹកចិត្តដល់ការអភិវឌ្ឍតំបន់សេដ្ឋកិច្ចពិសេស៕អត្ថបទ៖ហ្សាលីន  

The post ខេត្តស្វាយរៀង​ មានតំបន់សេដ្ឋកិច្ចពិសេស​ចំនួន១៣​ ​និងមានគម្រោងវិនិយោគសរុប​ ៤២១​គម្រោង appeared first on .

នេះ​បើ​តាមការ​គូស​បញ្ជាក់​ឲ្យ​ដឹង ពី​លោក វ៉ា ឈាន ក្រុមប្រឹក្សាសហគមន៍ផ្គត់ផ្គងបន្លែស្វាយរៀង និងជាកសិកររស់នៅក្នុងភូមិចំបក់មាស ឃុំសង្ឃ័រ ស្រុកស្វាយរៀង ខេត្តស្វាយរៀង តាមរយៈដំណើរទស្សនកិច្ចសិក្សាទៅកាន់សហគមន៍ដាំបន្លែសុវត្ថិភាព ដែលរៀបចំឡើងដោយអង្គការឌីភីអេ អង្គការហ្គ្រេត សមាគមសហព័ន្ធកសិករកម្ពុជានៃអ្នកផលិត កសិកម្ម (CFAP Cambodia) និងសមាគមនិរន្តភាពដីជីវិត (SSLA) ដោយមានការគាំទ្រពីអង្គការ Uni4Coop។ 

ក្នុងដំណើរទស្សកិច្ចនេះដែរ ជាផ្នែកមួយនៃបេសកម្មនៃរបស់បណ្ដាញ ALiSEA ដោយមានការការផ្ដល់មូលនិធិពីទីភ្នាក់ងារកិច្ចសហប្រតិបត្តិការអភិវឌ្ឍន៍ប្រទេសបែលហ្សិក (DGD) និងសហផ្ដល់មូលនិធិដោយ ទីភ្នាក់ងារស្វីសដើម្បីការអភិវឌ្ឍន៍ (SDC) ភ្នាក់ងារអភិវឌ្ឍន៍បារាំង (AFD) និង សហភាពអឺរ៉ុប (EU)។

ថ្លែងប្រាប់អ្នកសារព័ត៌មាននាឱកាសនោះ លោក វ៉ា ឈាន បានឱ្យដឹងថា បច្ចុប្បន្នរូបលោក កំពុងដាំដុះបន្លែសុវត្ថិភាពនៅក្នុងរោង មានដូចជា៖ស្ពៃ ម្រះ ជីនាងវង់ ត្រសក់ ប៉េងប៉ោះ ស្លឹកគ្រៃ និងបន្លែស្លឹកមួយទៀត។

លោកបន្តថា៖ «ការដាំបន្លែនៅក្នុងរោងរបស់ខ្ញុំ គឺមិនបានប្រើប្រាស់ជី និងថ្នាំគីមីពុលនោះទេ ពោលគឺខ្ញុំប្រើតែជីធម្មជាតិសុវត្ថិភាពប៉ុណ្ណោះ ដែលមិនធ្វើឱ្យប៉ះពាល់ដល់សុខភាពអ្នកប្រើប្រាស់»។

លោក វ៉ា ឈាន បានបន្ថែមទៀតថា លោកបានចាប់ផ្តើមដាំបន្លែសុវត្ថិភាពនៅរោង នៅឆ្នាំ២០២០ នៅលើផ្ទៃដី ៣០០ ម៉ែត្រការ៉េ ដោយទទួលបានបច្ចេកទេសដាំដុះ និងរបៀបវេចខ្ចប់ពីក្រសួង និងអង្គការដៃគូរនានា ខណៈទិន្នផលបន្លែដែលលោកដាំបាន គឺលក់ទៅឱ្យផ្សារទំនើបអ៊ីអន នៅភ្នំពេញ ចន្លោះពី៥០០គីឡូ ទៅ៧០០គីឡូ ក្នុងរយៈពេល១ខែៗ។

កសិកររូបនេះ បានបញ្ជាក់ដូច្នេះថា៖«ចំពោះបន្លែសុវត្ថិភាពដែលខ្ញុំដាំបាន ហើយលក់ទៅផ្សារទំនើបគឺមានតម្លៃថេរ ឧទាហរណ៍៖ ស្ពៃលក់បាន២៥០០រៀងក្នុង១គីឡូក្រាម មិនថាខែប្រាំងឬវស្សាទេ តែបើលក់ឱ្យផ្សារសេរីនៅក្នុងតំបន់វិញ គឺមានតម្លៃអាចប្រែប្រួល និងពេលខ្លះទាបជាងលក់នៅផ្សារទំនើបទៀត»។

កសិករដែលដាំបន្លែសុវត្ថិភាពជោគជ័យរូបនេះ បានបញ្ជាក់ថា ការងាកមកដាំដុះបន្លែសុវត្ថិភាពនៅក្នុងរោង គឺទទួលបានប្រាក់ចំណេញខ្ពស់ជាងមិនដាំនៅក្នុងរោង ព្រោះដាំក្នុងរោងមិនភ័យមានសត្វមកបំផ្លាញ ការធ្វើពលកម្មក៏តិចជាងមុន មិនសូវហត់ មិនពិបាកដូចដាំនៅខាងក្រៅឡើយ ពិសេសទទួលបានប្រាក់ជំនាញបានច្រើន។

លោក វ៉ា ឈាន ថែមទាំងបានបញ្ជាក់ដូច្នេះថា៖«ត្បិតថា ដំបូងឡើយយើងចំណាយច្រើនទៅលើការធ្វើរោងក៏ពិតមែន តែវាធ្វើឱ្យយើងអាចដាំដុះបន្លែបានយូរ មិនងាយខូចខាតបន្លែ ជាក់ស្តែងចំណូលដែលខ្ញុំទទួលបានក្នុងមួយឆ្នាំៗ អាចចន្លោះពី៥០០០ ទៅជិត៦០០០ដុល្លារ ពីការលក់បន្លែសុវត្ថិភាពដែលខ្ញុំដាំបាន ហើយការដាំដុះបន្លែនៅក្នុងរោងពិតជាអាចជួយកែប្រែជីវភាពគ្រួសារខ្ញុំបានមួយចំណែកធំ»។

ជាចុងក្រោយ កសិកររូបនេះ បានជំរុញឱ្យកសិករដទៃទៀត ងាកមកដាំដុះបន្លែនៅរោងវិញ ព្រោះវិធីនេះជួយការពារបន្លែពីសត្វល្អិត និងកត្តាអាកាសធាតុ (ភ្លៀងខ្លាំង ឬកម្តៅថ្ងៃខ្លាំង) ដែលធ្វើឱ្យការប្រមូលផលអាចធ្វើបានគ្រប់រដូវកាល។កសិករខាងលើ ក៏ជំរុញឱ្យកសិករដាំបន្លែទាំងអស់ បញ្ឈប់ការប្រើប្រាស់ជី ថ្នាំពុលគីមី ដោយជំនួសមកប្រើប្រាស់ជីកំប៉ុស ជីលាមកសត្វ និងទឹកថ្នាំផ្សំពីធម្មជាតិវិញ ដើម្បីធានាសុវត្ថិភាពអ្នកបរិភោគនៅក្នុងប្រទេសកម្ពុជា៕ អត្ថបទ៖ពិសី

The post កសិករ​ម្នាក់នៅខេត្តស្វាយរៀង អាចរកចំណូលបានជិត ៦ពាន់ដុល្លារ ពីការដាំ​បន្លែ​សុវត្ថិភាពនៅក្នុងរោង appeared first on .

ទិវាជំនួបអ្នកប្រើប្រាស់នេះ គឺរៀបចំឡើងក្នុងគោលបំណងលើកកម្ពស់ការយល់ដឹង របស់សាធារណជនឱ្យស្គាល់និងយល់ពីប្រភេទផ្សេងៗនៃផលិតផល ឬ កសិផល សុវត្ថិភាពដែលផលិតតាមការអនុវត្តកសិអេកូឡូស៊ី។ជំរុញការប្រើប្រាស់ និងបង្កើនតម្លៃផលិតផលកសិអេកូឡូស៊ីក្នុងចំណោមអ្នកប្រើប្រាស់។លើសពីនេះ កម្មវិធីនេះ ក៏មានទិសដៅ ពង្រឹងទំនាក់ទំនង និងការផ្សារភ្ជាប់ទំនាក់ទំនងរវាងអ្នកប្រើប្រាស់ និងអ្នកផលិត ព្រមទាំងផ្តល់ផ្តល់វេទិកាដល់សមាជិកសម្រាប់បង្ហាញការរអនុវត្តល្អៗ និងនវានុវត្តន៍ក្នុងវិស័យកសិអេកូឡូស៊ីផងដែរ។

ទាក់ទិនទិវានេះដែរ លោក ឌុច គន្ធា អភិបាលរងនៃគណៈអភិបាលខេត្តស្វាយរៀង បានលើកឡើងដែរថា ទោះបីនិន្នាការបច្ចុប្បន្ន អ្នកប្រើប្រាស់ ចាប់ផ្តើមបង្កើនការយកចិត្តទុកដាក់ចំពោះសុវត្ថិភាពចំណីអាហារ សុខភាព ក៏ដូចជា និរន្តរភាពបរិស្ថាន ក៏ខេត្តស្វាយរៀង នឹងបន្តប្តេជ្ញាជំរុញការផ្សព្វផ្សាយពីសុវត្ថិភាពចំណីអាហារថែមទៀត ដើម្បីជំរុញការយល់ដឹងរបស់ប្រជាពលរដ្ឋនៅទូទាំងខេត្តបន្ថែមទៀត។ លោករំពឹងថា តាមរយៈទិវានេះ នឹងជួយជំរុញប្រជាពលរដ្ឋអាចស្វែងយល់ពីបន្លែសុវត្ថិភាព និងសារៈប្រយោជន៍នៃការអនុវត្តន៍កសិអេកូឡូស៊ីនៅកម្ពុជា។

ទិវាខាងលើនេះ រៀបចំដោយបណ្ដាញ ALiSEA សហការជាមួយសមាជិករួមមាន៖ អង្គការ Gret និងអង្គការ DPA ក្រោម​ការគាំទ្រពីអង្គការ Uni4Coop ដោយមានការផ្តល់មូលនិធិពីទីភ្នាក់ងារកិច្ចសហប្រតិបត្តិការអភិវឌ្ឍន៍ប្រទេសបែលហ្សិក (DGD) និងសហផ្តល់មូលនិធិដោយ ទីភ្នាក់ងារស្វីសដើម្បីការអភិវឌ្ឍន៍ (SDC) ភ្នាក់ងារអភិវឌ្ឍន៍បារាំង (AFD) និងសហភាពអឺរ៉ុប(EU) ។

សូមជម្រាបថា បណ្តាញកសិអេកូឡូស៊ី ហៅកាត់ បណ្តាញ ALISEA(https://alisea.org) ជាបណ្តាញសមាជិកភាពថ្នាក់ តំបន់មួយដែលផ្សារភ្ជាប់ភាគីពាក់ព័ន្ធ ដើម្បីជំរុញវិវឌ្ឍនាការកសិអេកូឡូស៊ីក្នុងតំបន់អាស៊ីអាគ្នេយ៍ ដោយបាន ប្រមូលផ្តុំសមាជិកជាង ២០០ ស្ថាប័នក្នុងប្រទេសចំនួន ៥ គឺ កម្ពុជា ឡាវ មីយ៉ាន់ម៉ា ថៃ និងវៀតណាម។ នៅក្នុង ប្រទេសកម្ពុជាមានសមាជិកប្រមាណ ៧៨ ស្ថាប័នមកពី អង្គការកសិករ-FO អង្គការ-NGO សាកលវិទ្យាល័យ មជ្ឈមណ្ឌលស្រាវជ្រាវ វិស័យសាធារណៈ និង វិស័យឯកជន។ បណ្តាញ ALISEA កម្ពុជា រំពឹងថា ការរៀបចំទវាជំនួបអ្នកប្រើប្រាស់នេះឡើង នឹងជួយលើកកម្ពស់ការយល់ដឹងអំពីភាពខុសគ្នានៃប្រភេទ ឬ ស្តង់ដារនៃកសិផលសុវត្ថិភាពដែលផលិត តាមការអនុវត្តកសិអេកូឡូស៊ីផ្សេងៗ ដល់អ្នកប្រើប្រាស់ ដើម្បីបង្កើនតម្លៃ និងការទទួលស្គាល់ចំពោះផលិតផល សុវត្ថិភាពទាំងនោះដែលផលិតដោយកសិករកម្ពុជា៕ អត្ថបទ៖ ពិសី

The post ភាគីពាក់ព័ន្ធ រួមគ្នារៀបចំទិវាជំនួបអ្នកប្រើប្រាស់ ដើម្បីជំរុញកសិផលសុវត្ថិភាពនៅកម្ពុជា appeared first on .

សូមជម្រាបថា លោក ម៉ែន ចាន់រ៉ា ជាអតីតអភិបាលរង នៃគណៈអភិបាលក្រុងបាវិត ខេត្តស្វាយរៀង។ លោក​បាន​ឡើងតួនាទីជាអភិបាលក្រុងបាវិត ជំនួសលោក លឹម សៀងហេង ឋានន្តរស័ក្ដិឧត្តមមន្ដ្រី ថ្នាក់លេខ២ ដែលត្រូវបាន​តែងតាំងឱ្យកាន់មុខតំណែងជា អភិបាលរង នៃគណៈអភិបាលខេត្តស្វាយរៀង៕

The post សម្តេចធិបតី ហ៊ុន ម៉ាណែត ចេញអនុក្រឹត្យតែងតាំង លោក ម៉ែន ចាន់រ៉ា ជាអភិបាលក្រុងបាវិត appeared first on .

នាឱកាសនោះ លោក ប៉េង ពោធិ៍សា អភិបាលខេត្តស្វាយរៀងបានឱ្យដឹងថា ខេត្តស្វាយរៀង ចែកចេញជា២ក្រុង ៦ស្រុក ១២សង្កាត់ ៦៨ឃុំ និង ៦៩០ភូមិ មាន​ប្រជា​ពលរដ្ឋសរុបចំនួន១៦៨៨៨៨គ្រួសារ ស្មើនឹង ៦៩៨១៥៥នាក់។ ប្រជាពលរដ្ឋប្រកបមុខរបរ​កសិ​កម្ម​ប្រមាណ៥១,៥% របរសេវាកម្ម៤៨% និងមុខរបរសិប្បកម្មប្រមាណ ០,៥​%។ ខេត្តនេះមានព្រំប្រទល់ខាងជើង និងខាងលិចជាប់នឹងខេត្តព្រៃវែង ខាងកើត និងខាងត្បូង ជាប់ខេត្តតៃនីញ ប្រទេសវៀតណាម។

ជាមួយគ្នានេះ សម្ដេចតេជោ ហ៊ុន សែន បានកោតសរសើរដល់មន្ត្រីគ្រប់ជាន់ថ្នាក់ នៃខេត្តស្វាយរៀងទាំងអស់ដែលបានរួមសហការគ្នាអភិវឌ្ឍខេត្តឱ្យទទួលបាននូវការរីកចម្រើនជាបន្តបន្ទាប់។ឆ្លៀតឱកាសនោះ សម្តេចតេជោ ក្រើនរំឭកដល់មន្ត្រីទាំងអស់ ចៀសវាងភាពអសកម្ម ឬការគៀបសង្កត់ណាមួយ និងត្រូវចាំថា «មន្ត្រីមិនមែនជាចៅហ្វាយរបស់ប្រជាជននោះទេ គឺជាអ្នកបម្រើដ៏ស្មោះត្រង់របស់ប្រជាជន»ត្រូវធ្វើជាមន្ត្រីជើង២ មិនត្រូវធ្វើជាមន្ត្រីជើង១០ឡើយ។

បន្ថែមពីនេះ សម្តេចតេជោ ក៏បានរំលឹកឱ្យអាជ្ញាធរខេត្តស្វាយរៀងត្រូវបង្កើនកិច្ចសហប្រតិបត្តិការបន្ថែមទៀតតាមព្រំដែនជាមួយប្រទេសវៀតណាម ដើម្បីបង្កលក្ខណៈងាយស្រួលដល់ទំនាក់ទំនងប្រជាជន និងប្រជាជន នៃប្រទេសទាំងពីរផងដែរ៕ អត្ថបទ៖ហ្សាលីន   

The post ខេត្តស្វាយរៀង មានប្រជាពលរដ្ឋប្រកបមុខរបរ​កសិ​កម្ម​ប្រមាណ៥១,៥%  ខណៈសេវាកម្ម ៤៨% appeared first on .

ក្រុមប្រឹក្សាអភិវឌ្ឍន៍កម្ពុជា បានចូលរួមអបអរសាទរដល់ប្រជាពលរដ្ឋក្រុងបាវិត ខេត្តស្វាយរៀង ដែលទទួលបានគម្រោងវិនិយោគសាងសង់ និងធ្វើអាជីវកម្មសណ្ឋាគារថ្នាក់ផ្កាយ៥ ចំនួន ១.៣៤១បន្ទប់ ក្នុងទំហំទុនវិនិយោគ ៣០០លានដុល្លារអាម៉េរិក និងអាចបង្កើតការងារបានចំនួន២.០៦០កន្លែង។

គម្រោងវិនិយោគ សាងសង់ និងធ្វើអាជីវកម្មសណ្ឋាគារថ្នាក់ផ្កាយ៥ ចំនួន ១.៣៤១បន្ទប់ នឹងបោះទីតាំងស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ជាគម្រោង វិនិយោគមានលក្ខណៈសម្បត្តិគ្រប់គ្រាន់ “គ.ល.គ.” ចាប់ពីថ្ងៃចុះហត្ថលេខានេះតទៅ វិនិយោគដោយ ក្រុមហ៊ុន PENINSULA IMPERIAL PALACE RESORT HOTEL CO., LTD.។

សូមបញ្ជាក់ដែរថា គិតមកដល់ពេលបច្ចុប្បន្ននេះ ក្នុងចំណោមរាជធានីខេត្តទាំង២៥ នៅទូទាំងប្រទេស ខេត្តស្វាយរៀង ជាខេត្តលេខ១ ដែលមានតំបន់សេដ្ឋកិច្ចពិសេសច្រើនជាងគេ ចំនួន ១២កន្លែង និងមានរោងចក្រ សហគ្រាស ក្រុមហ៊ុន ឯកជន រហូតដល់ ១.០៣៦កន្លែង។ នេះបើតាម លោក សុខា រ៉ាម អភិបាលរងខេត្តស្វាយរៀង កាលពីពេលថ្មីៗនេះ។

ដោយឡែក បើគិតក្នុងរយៈពេល ៧ខែ ដើមឆ្នាំ២០២៥ ខេត្តស្វាយរៀង ក៏ជាខេត្តទទួលបានគម្រោងចុះទុនវិនិយោគច្រើនជាងគេទី២ផងដែរ៕ អត្ថបទ៖ហ្សាលីន

The post ស្វាយរៀង នឹងមានសណ្ឋាគារថ្នាក់ផ្កាយ៥ តម្លៃ៣០០លានដុល្លារអាម៉េរិក នាពេលខាងមុខនេះ appeared first on .

ឆ្លៀតក្នុងឱកាសនោះ រដ្ឋបាលខេត្តស្វាយរៀង ក៏ថ្លែងអំណរគុណចំពោះបងប្អូនប្រជាពលរដ្ឋទាំងអស់ដែលបានចូលរួមលេងកម្សាន្តយ៉ាងច្រើនកុះករក្នុងព្រឹត្តិការណ៍សង្ក្រាន្តស្វាយរៀងរយៈពេល៣ថ្ងៃនេះ ដែលធ្វើឲ្យពិធីនេះប្រព្រឹត្តទៅកាន់តែមានភាពអធិកអធមក្រៃលែង ។

ទន្ទឹមនេះ រដ្ឋបាលខេត្តក៏សូមសម្ដែងនូវការអរគុណ និងថ្លែងនូវការកោតសរសើរជូនចំពោះ មន្ត្រីរាជការ កងកម្លាំងប្រដាប់អាវុធគ្រប់ប្រភេទ ក្រុមគ្រូពេទ្យ នៃមន្ទីរសុខាភិបាលខេត្ត អាជ្ញាធរក្រុងស្វាយរៀង ក្រុមហ៊ុនវឌ្ឍនៈ ជាពិសេសក្រុមការងារយុវជន នៃសហភាពសហព័ន្ធយុវជនកម្ពុជាខេត្ត ដែលបានសហការរៀបចំ រក្សាការពារនូវសន្តិសុខ សុវត្ថិភាព និងចូលរួមថែរក្សាអនាម័យបរិស្ថានបានយ៉ាងល្អប្រសើរ បង្កបរិយាកាសសប្បាយរីករាយជូនបងប្អូនប្រជាពលរដ្ឋ និងធ្វើឲ្យកម្មវិធីទាំងមូលដំណើរការទៅបានដោយរលូន ប្រកបដោយភាពជោគជ័យ តាំងពីដើមរហូតដល់ចុងបញ្ចប់៕

The post ៣ថ្ងៃ ចូលឆ្នាំ! ខេត្តស្វាយរៀង ទាក់ទាញពលរដ្ឋ និងភ្ញៀវបរទេសចូលរួមលេងកម្សាន្ត ប្រមាណជាង៤០ម៉ឺននាក់ appeared first on .

លោកបានឱ្យដឹងបែបនេះនៅក្នុងពិធីពិសាអាហារសាមគ្គីអបអរសាទរខួប ២ឆ្នាំនៃសមាគមសហគ្រាសវិនិយោគបរទេសនៅកម្ពុជា កាលពីថ្ងៃទី៣១ ខែមករា ឆ្នាំ២០២៦។

លោកអគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានវាយតម្លៃខ្ពស់ចំពោះវឌ្ឍនភាពការងារក្នុងរយៈពេល២ឆ្នាំរបស់សមាគម ពិសេសការចូលរួមចំណែកផ្សព្វផ្សាយពីកាលានុវត្តភាពវិនិយោគនៅកម្ពុជា និងបានខិតខំប្រឹងប្រែងកៀរគរវិនិយោគិនឱ្យមកបណ្តាក់ទុនវិនិយោគនៅកម្ពុជា។ ដោយលោកបានកត់សម្គាល់ឃើញថា ត្រឹមតែរយៈពេល២ឆ្នាំចុងក្រោយនេះ (ឆ្នាំ២០២៤ និងឆ្នាំ២០២៥)ខេត្តស្វាយរៀងបានទទួលគម្រោងវិនិយោគយ៉ាងច្រើនចូលក្នុងតំបន់សេដ្ឋកិច្ចពិសេស។

គួរបញ្ជាក់ថា គិតមកដល់ពេលបច្ចុប្បន្ននេះ ក្នុងចំណោមរាជធានីខេត្តទាំង២៥ នៅទូទាំងប្រទេស ខេត្តស្វាយរៀង ជាខេត្តលេខ១ ដែលមានតំបន់សេដ្ឋកិច្ចពិសេសច្រើនជាងគេ ចំនួន ១២កន្លែង និងមានរោងចក្រ សហគ្រាស ក្រុមហ៊ុន ឯកជន រហូតដល់ ១.០៣៦កន្លែង។ នេះបើតាម លោក សុខា រ៉ាម អភិបាលរងខេត្តស្វាយរៀង កាលពីពេលថ្មីៗនេះ។

ដោយឡែក បើគិតក្នុងរយៈពេល ៧ខែ ដើមឆ្នាំ២០២៥ ខេត្តស្វាយរៀង ក៏ជាខេត្តទទួលបានគម្រោងចុះទុនវិនិយោគច្រើនជាងគេទី២ផងដែរ៕

The post ២ឆ្នាំចុងក្រោយនេះ ខេត្តស្វាយរៀងបានទទួលគម្រោងវិនិយោគយ៉ាងច្រើនចូលក្នុងតំបន់សេដ្ឋកិច្ចពិសេស appeared first on .

យោងតាមសេចក្តីជូនដំណឹង របស់រដ្ឋបាលខេត្តស្វាយរៀង កាលពីថ្ងៃទី១៨ ខែមករា ឆ្នាំ២០២៦បានឱ្យដឹងថា អនុវត្តតាមបទបញ្ជារបស់រាជរដ្ឋាភិបាលកម្ពុជា រដ្ឋបាលខេត្តនឹងចាត់ វិធានការបង្រ្កាបដោយមិនលើកលែង ចំពោះសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS) រហូតដល់សកម្មភាពភាពឆបោកតាមប្រព័ន្ធបច្ចេកវិទ្យា (ONLINE SCAMS) ត្រូវបានបោសសម្អាត ទាំងស្រុងក្នុងភូមិសាស្ត្រខេត្តស្វាយរៀង។

ក្នុងន័យនេះ គណៈបញ្ជាការឯកភាពរដ្ឋបាលខេត្ត ស្នើសុំកិច្ចសហការ ប្រកបដោយភាពស្មោះត្រង់ ពីម្ចាស់កាស៊ីណូ (Casino) អាផាតមិន ផ្ទះសំណាក់ សណ្ឋាគារ និងម្ចាស់ទីតាំងរស់នៅប្រមូលផ្តុំ ត្រូវចូលរួមកិច្ចសហការតាមការណែនាំដូចខាងក្រោម៖

១.ត្រូវផ្សព្វផ្សាយអំពីព័ត៌មាននៃការបង្ក្រាបក្រុមឆបោកតាមប្រព័ន្ធបច្ចេកវិទ្យា (ONLINE SCAMS) ឱ្យបានទូលំទូលាយក្នុងភូមិសាស្ត្រខេត្តស្វាយរៀង និងចូលរួមសហការផ្តល់ព័ត៌មានករណីសង្ស័យខាងលើ មកគណៈបញ្ជាការឯកភាពរដ្ឋបាលខេត្ត ក្រុង ស្រុក ឱ្យបានឆាប់រហ័ស ។

២.មិនត្រូវទទួលឱ្យស្នាក់នៅចំពោះជនបរទេស ដែលគ្មានឯកសារច្បាស់លាស់ ឬក្រុមជនសង្ស័យ ថាពាក់ព័ន្ធនឹងការឆបោកតាមប្រព័ន្ធបច្ចេកវិទ្យា (ONLINE SCAMS) ដែលរត់គេចពីតំបន់ផ្សេងៗ ឬ អាគារណាមួយដែលនៅជិតៗនោះ ។

៣.ចំពោះជន ឬក្រុមដែលជាមុខសញ្ញានៃក្រុមឆបោកតាមប្រព័ន្ធបច្ចេកវិទ្យា (ONLINE SCAMS) ត្រូវបញ្ឈប់ការជួលឱ្យស្នាក់នៅ ក្នុងគ្រប់រូបភាពជាបន្ទាន់ ។

៤.ក្នុងករណីមានការលួចលាក់ ផ្តល់ព័ត៌មានមិនពិត ឬភូតកុហកបិទបាំងក្រុមឆបោកតាមប្រព័ន្ធបច្ចេកវិទ្យា (ONLINE SCAMS) ខាងលើរដ្ឋបាលខេត្តនឹងចាត់វិធានការផ្លូវច្បាប់ ដោយគ្មានការលើកលែងទៅលើម្ចាស់ទីតាំងល្មើស។

៥.ប្រជាពលរដ្ឋ និងអាជ្ញាធរដែនដីគ្រប់លំដាប់ថ្នាក់ ត្រូវសហការផ្តល់ព័ត៌មានពីករណីខាងលើ ដើម្បីចូលរួមជាមួយអាជ្ញាធរខេត្ត ក្រុង ស្រុក ក្នុងការចុះបង្ក្រាបក្រុមឆបោកតាមប្រព័ន្ធបច្ចេកវិទ្យា (ONLINE SCAMS) ខាងលើឱ្យមានប្រសិទ្ធភាពខ្ពស់។

The post ខេត្តស្វាយរៀង​ ប្រកាសបោសសម្អាត​ ONLINE SCAMS​ ឱ្យអស់ទាំងស្រុង appeared first on .