យោងតាមក្រសួងពាណិជ្ជកម្ម, លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មមានប្រសាសន៍ថា សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងនេះនឹងចូលរួមចំណែកក្នុងការអនុវត្តនូវយុទ្ធសាស្រ្តក្នុងការបន្តពង្រឹងការតភ្ជាប់ផ្នែកធុរកិច្ច សំដៅលើកកម្ពស់ការចាប់ដៃគូពាណិជ្ជកម្ម ការផ្តល់ឱកាសការងារ ឱកាសធុរកិច្ច ជំរុញផលិតកម្ម និងអាជីវកម្មគ្រួសារដែលនឹងជួយជំរុញលើកកម្ពស់ និងធ្វើឱ្យប្រសើរឡើងជីវភាពរបស់ប្រជាជនកម្ពុជាដែលរស់នៅតាមព្រំដែនកម្ពុជា-វៀតណាម។

លោករដ្ឋមន្ត្រី ប៉ាន សូរស័ក្តិសង្កត់ធ្ងន់ថា «ជាពិសេស កិច្ចព្រមព្រៀងនេះនឹងក្លាយជាយន្តការក្នុងការជួយសម្រួលដល់ពាណិជ្ជកម្មតាមព្រំដែនរវាងប្រទេសទាំង២ឱ្យកាន់តែមានភាពល្អប្រសើរជាងមុន ឆ្លើយតបទៅនឹងការអភិវឌ្ឍសេដ្ឋកិច្ចក៏ដូចជាស្ថានភាពវិវត្តន៍ថ្មីៗ»។

អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង មានប្រសាសន៍ថា «បើយើងមានច្បាប់ស្តីពីពាណិជ្ជកម្មតាមព្រំដែនរវាងកម្ពុជា វៀតណាម វាជួយការពារនិងផ្តល់ផលប្រយោជន៍ឱ្យគ្នាទៅវិញទៅមករវាងប្រទេស ជាប្រជាជនក៏ដូចជាអាជីវករទំាងពីរប្រទេស។កន្លងមកយើងបញ្ហាបិទព្រំដែនឯកត្តោភាគីវាធ្វើឱ្យប៉ះពាល់ដល់ការធ្វើជំនួញឆ្លងកាត់ព្រំដែន តែបើយើងមានច្បាប់ខាងលើវាល្អប្រសើរ ហើយវាដើរស្របទៅនិងការជំរុញពាណិជ្ជកម្មជាមួយបណ្តាប្រទេសអាស៊ាន ពិសេសជាមួយវៀតណាម ដែលថ្នាក់ដឹកនំាទំាងពីរប្រទេសបានឯកភាពគ្នាដើម្បីបង្កើតតំបន់សេដ្ឋកិច្ចពិសេសរួមនៅតាមព្រំដែនក៏ដូចផ្សារសម្រាប់លក់ផលិតផលកសិកម្មរបស់កម្ពុជា»។

បើយោងតាមលោកឧកញ៉ា លឹមហេង នៅពេលកន្លងមកកម្ពុជាមិនទាន់មានច្បាប់ឬកិច្ចព្រមព្រៀងពាណិជ្ជរវាងប្រទេរសនិងប្រទេសផង តែធ្វើការជួញដូរជាមួយគ្នាមានទឹកប្រាក់ជាង១០ពាន់លានដុល្លារអាមេរិក ហើយបើសិននាពលេខាងមុខមានកិច្ចព្រមព្រាងពាណិជ្ជកម្មតាមព្រំដែនថែមទៀតនោះ ការធ្វើពាណិជ្ជកម្មទ្វេភាគវាកាន់តែល្អប្រសើរ។

លោកឧកញ៉ា មានប្រសាសន៍ថា «កិច្ចព្រមព្រាងពាណិជ្ជកម្មតាមព្រំដែនរវាងកម្ពុជានិងវៀតណាមនេះវានឹងផ្តល់ផលប្រយោជន៍ទំាងសងខាង នៅពេលយើងមានច្បាប់នេះ អ៊ីចឹងយើងអាចទាក់ទាញវិនិយោគិនវៀតណាមឱ្យចូលមកវិនិយោគនៅលើទឹកដីកម្ពុជា»។

លោកឧកញ៉ាលើកឡើងថា យុទ្ធសាស្ត្រចំពោះកន្លងទៅជាយូរឆ្នំាឃើញថាស្រូវ ដំឡូងមីស្រស់ ពោត សណ្តែក កៅស៊ូ កម្ពុជាបាននាំចេញទៅវៀតណាម ហើយមកដល់ក្រោយនេះវៀតណាមបានផ្អាកទិញគ្រាប់ស្វាយចន្ទីពីខាងទ្វីបអាហ្វ្រិច អ៊ីចឹងវាជាឱកាសសម្រាប់កម្ពុជាដើម្បីផ្គត់ផ្គង់គ្រាប់ស្វាយចន្ទីបន្ថែមទៀតទៅវៀតណាម៕ អត្ថបទ៖សារេត

The post កិច្ចព្រមព្រាងស្តីពីពាណិជ្ជកម្មតាមព្រំដែនរវាងកម្ពុជា-វៀតណាម ចំណេញអ្វីដល់កម្ពុជា? appeared first on .

លោក អ៊ុំ រាត្រី អភិបាលខេត្តបន្ទាយមានជ័យ នៅក្នុងសន្និសីទសារព័ត៌មានបង្ហាញពីសមិទ្ធផលសម្រេចបានរយៈពេល៥ឆ្នាំរបស់ខេត្តបន្ទាយមានជ័យ កាលថ្ងៃទី២៨ ខែមីនាម្សិលមិញ បានឲ្យដឹងថា “ប្រសិនពិនិត្យមើលតាមសាខាគយបានរាយការណ៍នៅក្នុងខែខ្លះ ខេត្តបន្ទាយមានជ័យចាញ់តែខេត្តព្រះសីហនុមួយប៉ុណ្ណោះ។ ប៉ុន្តែខែខ្លះ ខេត្តបន្ទាយមានជ័យជាប់ចំណាត់ថ្នាក់លេខ ១ ក្នុងការរកចំណូលគយជូនជាតិ។

លោកគូសបញ្ជាក់បន្ថែមទៀតថា ប្រសិទ្ធភាពនៃការប្រមូលចំណូលគយដ៏ច្រើនសន្ធឹកសន្ធាប់នេះចូលរួមចំណែក ដោយសារការរៀបចំច្រកចេញចូលផ្លូវការមួយ បូកផ្សំនឹងការចូលរួមបង់ពន្ធគយពីសំណាក់ប្រជាជន អាជីវករ និងអ្នកវិនិយោគ ដោយគិតជាមធ្យមខេត្តបន្ទាយមានជ័យប្រមូលចំណូលពន្ធគយបានប្រមាណ ១ ទៅ ១,៥លានដុល្លារ។

លោកថា ចំពោះការប្រមូលចំណូលពន្ធដារ ខេត្តបន្ទាយមានជ័យទទួលបានអតិរេកជារៀងរាល់ឆ្នាំ ជាក់ស្ដែង ក្នុងឆ្នាំ ២០២២ ខេត្តបន្ទាយមានជ័យទទួលបានចំណូលពន្ធដារចំនួន ២៥ពាន់លានរៀល។

បើតាម​អគ្គនាយកដ្ឋាន​អន្តោប្រវេសន៍នៃក្រសួង​មហាផ្ទៃ កម្ពុជា​មាន​ច្រកព្រំដែន​ចំនួន ៨២ កន្លែង​​ជាមួយ​ប្រទេស​ជិត​ខាង ក្នុងនោះមាន​​ព្រំដែន​គោក​ជាប់​ប្រទេស ៣ គឺ​ ថៃ ឡាវ និង​វៀតណាម ក្នុង​ចម្ងាយ​ជាង ២៥០០ គីឡូម៉ែត្រ។ ក្រៅពី​ព្រំដែន​គោក ក៏​មានព្រំដែន​សមុទ្រ​ជាមួយ​ប្រទេស​ថៃ និង​វៀតណាម​ផង​ដែរ។

ដោយឡែក សម្រាប់ច្រក​ទ្វារ​ព្រំដែន​អន្តរជាតិ​ជាប់​ជាមួយ​ប្រទេស​ថៃ មាន​ចំនួន ៧ គឺចាំយាម (ខេត្ត​កោះកុង) ព្រំ (ខេត្ត​ប៉ៃលិន) ដូង (ខេត្ត​បាត់ដំបង) ភ្នំដី (ខេត្ត​បាត់ដំបង) ប៉ោយប៉ែត (ខេត្ត​បន្ទាយមានជ័យ) អូរ​ស្មាច់ (ខេត្ត​ឧត្តរមានជ័យ) និងជាំ (ខេត្ត​ឧត្តរមានជ័យ)៕

The post ឈរលំដាប់ទី២ ខេត្តបន្ទាយមានជ័យ រកចំណូលចូលជាតិតាមរយៈគយ និងរដ្ឋាករជាមធ្យមបាន ១,៥លានដុល្លារក្នុង១ថ្ងៃ appeared first on .

នៅក្នុងកិច្ចប្រជុំនោះ លោក ឆាំណានវីត តេរ៉ាត់ បានលើកឡើងថា មកជួបអភិបាលខេត្តពោធិសាត់ លើកនេះដើម្បីរឹតចំណងសាមគ្គីភាព មានកិច្ចសហប្រតិបត្តិការល្អ ក្នុងនាមខេត្តជាប់ព្រំដែននឹងគ្នា។ លោកនថា លោកបានប្រើប្រាស់អំណាច និងតួនាទីផ្ទាល់ ក្នុងការបង្កើតផ្សារណាត់មួយ នៅច្រកព្រំដែនបានថាសែន ទល់មុខច្រកព្រំដែនថ្មដា ដើម្បីឲ្យប្រជាពលរដ្ឋនៅជាប់ព្រំដែន នៃប្រទេសទាំង២អាចដោះដូរ និងទិញទំនិញគ្នា។

ជាមួយគ្នានោះ ប្រសិនបើសភាពការណ៍ពុំមានអ្វីប្រែប្រួលទេនោះ លោក ឆាំណានវីត តេរ៉ាត់ បានបញ្ជាក់ថា «ផ្សារណាត់នេះ អាចនឹងចាប់ផ្តើមដំណើរការនៅថ្ងៃទី០១ ខែមេសា ឆ្នាំ២០២៣ឆាប់ៗខាងមុខ»។

បើតាមលោកអភិបាលខេត្តត្រាត ការព្យាយាមមួយទៀតក្នុងការជំរុញសេដ្ឋកិច្ចនៃប្រទេសទាំង គឺលោកបានគិតគូរពីការរៀបចំធ្វើផ្សារណាត់ចល័តមួយ ដើម្បីឲ្យប្រជាជននៃខេត្តត្រាត អាចយកទំនិញមកលក់ដូរនៅខេត្តពោធិ៍សាត់បាន ហើយប្រជាជននៃខេត្តពោធិ៍សាត់ ក៏អាចយកទំនិញមកលក់ដូរនៅខេត្តត្រាតបានដែរ។ ការណ៍នេះដែលអាចទៅរួចដរាបណាថ្នាក់ដឹកនាំ មន្ទីរជំនាញ នៃខេត្តទាំង២ បានជួយពិភាក្សា និងចុះMOUនឹងគ្នា។

លោកបានគូសបញ្ជាក់បន្ថែមទៀតថា ទាំងភាគីថៃ ក៏ដូចជាភាគីកម្ពុជា ចង់បានខ្លាំងណាស់ ក្នុងការពន្លឿន និងតម្លើងច្រកទ្វារព្រំដែនខាងលើ ឲ្យក្លាយជាច្រកទ្វារព្រំដែនអន្តរជាតិឲ្យបានឆាប់រហ័ស កត្តាសំខាន់នៅចំពោះមុខយើងនេះ យើងត្រូវដោះស្រាយបញ្ហាដែលសេសល់តាមព្រំដែនខ្លះ ហើយដំណើរការផ្សារណាត់ក៏ជាគ្រឹះដំបូងគេ ឈានដល់ការបើកច្រកទ្វារព្រំដែនអន្តរជាតិផងដែរ។

សូមបញ្ជាក់ថា កាលពីថ្ងៃទី០១ ខែកុម្ភៈ ឆ្នាំ២០២៣ អភិបាលខេត្តត្រាត លោក ឆាំណានវីត តេរ៉ាត់ បានចុះទៅត្រួតពិនិត្យទីតាំងធ្វើផ្សារណាត់ ព្រំដែនបានថាសែន ទល់មុខច្រកថ្មដា ខេត្តពោធិ៍សាត់ និងទីតាំងសាងសង់មជ្ឈមណ្ឌលរាជការច្រកព្រំដែនបានថាសែន ដែលត្រូវប្រើប្រាស់កញ្ចប់ថវិកា ប្រមាណ២០០លានបាត របស់ក្រសួងមហាផ្ទៃ ក្រោយពីរដ្ឋមន្ត្រីក្រសួងបរិស្ថានថៃ សម្រេចអនុញ្ញាតឲ្យប្រើប្រាស់តំបន់ព្រៃឈើ សម្រាប់ការសាងសង់ ដើម្បីប្រមូលទិន្នន័យរួម សម្រាប់យកទៅជួបពិភាក្សាការងារ ជាមួយអភិបាលខេត្តពោធិ៍សាត់ នៅថ្ងៃទី០៤ ខែកុម្ភៈ ឆ្នាំ២០២៣នេះ៕

The post ភាគីថៃ មកកម្ពុជាប្រាប់ដំណឹងពីការបើកផ្សារណាត់ ទល់មុខច្រកព្រំដែនថ្មដា ខេត្តពោធិ៍សាត់ appeared first on .

កិច្ចប្រជុំពិភាក្សានេះ ដឹកនាំដោយ លោក ពៅ ពិសិដ្ឋ អភិបាលរងខេត្តពោធិ៍សាត់ និងភាគីថៃ លោក កានឆៃ ថេពវរៈឆៃ និងលោក ណៈរុង ថេពសេនា អភិបាលរងខេត្តត្រាត ព្រមទាំង មន្ត្រីពាក់ព័ន្ធនៃប្រទេសទាំងពីរ។ 

ភាគីទាំងពីរបានឲ្យដឹងថា រដ្ឋបាលខេត្តពោធិ៍សាត់ និងរដ្ឋបាលខេត្តត្រាតបានយល់ស្របគ្នា ដើម្បីធ្វើរបាយការណ៍គោរពជូនរាជរដ្ឋាភិបាលរៀងៗខ្លួនក្នុងការជំរុញបើកច្រកអន្តរជាតិថ្មដា-បានថាសេនឱ្យបានឆាប់រហ័សតាមដែលអាចធ្វើទៅបាន សំដៅតភ្ជាប់ខឿនសេដ្ឋកិច្ច និងទេសចរណ៍ ជាប្រយោជន៍របស់ប្រជាពលរដ្ឋនៃប្រទេសទាំងពីរ។

គួរបញ្ជាក់ដែរថា តាមរយៈកិច្ចពិភាក្សាខាងលើ ភាគីទាំងពីរ ក៏បានឯកភាពថា ទទួលយកការរៀបចំកិច្ចប្រជុំរៀងរាល់៣ខែម្តង ឆ្លាស់វេនគ្នា ដែលត្រូវធ្វើឡើងរវាងអភិបាលខេត្តទាំង២ ដើម្បីពិភាក្សាផ្លាស់ប្តូរយោបល់ ឈានទៅរកផ្លូវមួយដែលល្អរួមគ្នាក្នុងការពន្លឿនបើកច្រកអន្តរជាតិខាងលើឱ្យទទួលបានជោគជ័យផងដែរ៕ អត្ថបទ៖ រង្សី

The post កម្ពុជា-ថៃ ពន្លឿនរៀបចំច្រកព្រំដែនថ្មដា ឲ្យក្លាយជាច្រកអន្តរជាតិ ដើម្បីភ្ជាប់ខឿនសេដ្ឋកិច្ចរួមគ្នា appeared first on .

តាមរយៈលិខិតភាគីថៃជូនដំណឹងមកឲ្យអាជ្ញាធរកម្ពុជា បានបញ្ជាក់ថា ការបើកចក្រទ្វារព្រំដែនជាប់ជាមួយកម្ពុជា ត្រូវអនុវត្តតឹងរឹងតាមវិធានការ បង្ការជំងឺកូវីដ១៩។

ជាមួយគ្នានេះ ភាគីថៃបានបញ្ជាក់បន្ថែមថា ចំពោះការធ្វើដំណើរចេញពីប្រទេសថៃតាមច្រកព្រំដែនគោកទាំងពីរខាងលើ ត្រូវអនុវត្តស្របតាមវិធានការបង្ការជំងឺ លក្ខខណ្ឌ លក្ខខណ្ឌនៃរយៈពេល លក្ខខណ្ឌនៃប្រទេសគោលដៅ។

ទោះជាយ៉ាងណា សម្រាប់ប្រជាពលរដ្ឋខ្មែរដែលជាអាជីវករលក់ដូរនៅផ្សាររុងខ្លឿ ស្រុកអារញ្ញ ខេត្តស្រះកែវ អាជ្ញាធរថៃនៅមិនទាន់អនុញ្ញាតឱ្យចេញ-ចូលបាននៅឡើយទេ ពោលការអនុញ្ញាតនេះអនុវត្តបានតែចំពោះភ្ញៀវទេសចរ ដែលមានលិខិតឆ្លងដែន បណ្ណព្រំដែន ព្រមទាំងមានបណ្ណចាក់វ៉ាក់សាំងជាដើមប៉ុណ្ណោះ៕

The post ថៃផ្ញើសារមកកម្ពុជា អនុញ្ញាតឲ្យភ្ញៀវទេសចរធ្វើដំណើរចេញ-ចូលបានចាប់ពីថ្ងៃទី១ឧសភា appeared first on .

ជាក់ស្តែងគោលនយោបាយ ទប់ស្កាត់ជំងឺកូវីដ ១៩ ដ៏តឹងរ៉ឹងរបស់ប្រទេសចិន បានធ្វើឱ្យច្រកព្រំដែនគោក ត្រូវបិទយ៉ាងណែនបំផុត ខណ:ដែលបានធ្វើឱ្យការដឹកជញ្ជូនទំនិញត្រូវបានកកស្ទះ ។ ទន្ទឹមនឹងនេះ ពាណិជ្ជករ កសិករ និងម្ចាស់អាជីវកម្មនៅអាស៊ីអាគ្នេយ៍ កំពុងជួបការលំបាកយ៉ាងខ្លាំង ក្នុងការនាំយកទំនិញរបស់ពួកគេ ចូលទៅក្នុងទីផ្សារ ដ៏ធំបំផុត នៅក្នុងតំបន់មួយនេះ ខណ:វានៅតែមិនទាន់មានសញ្ញា នៃការវិលត្រលប់មករកភាពល្អប្រសើឡើងវិញ នោះទេ ។

ជាការពិត ប្រទេសអាស៊ីអាគ្នេយ៍ ជាពិសេសប្រទេសថៃ ដែលជាអ្នកផ្គត់ផ្គង់ទំនិញស្ងួតសំខាន់ៗ ដូចជាកៅស៊ូ និងគ្រឿងបន្លាស់អគ្គិសនី ដែលមានសារ:សំខាន់សម្រាប់ឧស្សាហកម្មសំណង់ និងរថយន្តរបស់ប្រទេសចិន កំពុងតែជួបការលំបាកខ្លាំង ។

ដោយឡែក នៅក្នុងវិស័យកសិកម្ម វៀតណាម និងមីយ៉ាន់ម៉ា ក៏កំពុងរងទុក្ខផងដែរ ដោយសារច្រើនជាងពាក់កណ្តាលនៃការនាំចូលអង្កររបស់ចិន ក្នុងឆ្នាំ ២០២០ គឺបានមកពីប្រទេសទាំង ២ ហើយចំណែកឯថៃ ដែលជាអ្នកផ្គត់ផ្គង់វត្ថុធាតុដើមសំណង់ដ៏សំខាន់ ស្របពេលឧស្សាហកម្មបន្ទះឈីប ក៏មានតម្រូវការខ្លាំង សម្រាប់ប្រទេសចិនផងដែរ ។

លើសពីនេះ បើតាមរូបថតថ្មីៗ ដែលបានបង្ហាញពីដីស្រែចំការ ដ៏ធំសម្បើម គឺត្រូវបានគ្របដណ្តប់ដោយផ្លែឈើរលួយ ខណ:រថយន្តដឹកទំនិញ ដែលផ្ទុកទៅដោយបន្លែ ផ្លែឈើ ត្រូវបានរាំងស្ទះនៅត្រឹមច្រកព្រំដែន ដោយមិនឱ្យឆ្លងកាត់ទៅកាន់ទីក្រុងនៃភាគខាងត្បូងរបស់ប្រទេសចិននោះឡើយ បន្ទាប់ពីរដ្ឋាភិបាលប្រទេសមហាអំណាចមួយនេះ បានបញ្ជាឱ្យបន្តបិទទា្វរ កាលពីពេលថ្មីៗ ដោយសារការរីករាលដាលចុងក្រោយ នៃជំងឺកូវីដ ១៩ ។

យ៉ាងណា បើទោះបីជាប្រទេសចិន បានបើកឡើងវិញ នូវច្រកព្រំដែនជាច្រើន នៅខេត្តភាគខាងត្បូងប្រទេសរបស់ខ្លួន កាលពីខែវិច្ឆិកាឆ្នាំមុន បន្ទាប់ពីត្រូវបានបិទអស់រយ:ពេលជាច្រើនខែ ក៏ដោយ ប៉ុន្តែរដ្ឋាភិបាលរបស់ប្រទេសនេះ នៅតែបន្តមានការរឹតបន្តឹងច្រកព្រំដែនមួយចំនួន ដោយ​អនុវត្ត​កូតាចាប់ពីច្រកចូលប្រចាំថ្ងៃ រហូតដល់ស្ថានីយ៍សម្លាប់មេរោគតាមព្រំដែន ដែលបានធ្វើឱ្យការដឹកជញ្ជូនទំនិញកាន់តែមានភាពប្រឈមខ្លាំង ដោយសារឆ្លងកាត់បុស្តិ៍ត្រួតពិនិត្យជាច្រើន ។

ជុំវិញបញ្ហានេះ លោក Jared Bissiger សេដ្ឋកិច្ចវិទូផ្នែកអភិវដ្ឍន៍ប្រចាំទីក្រុងវ៉ាស៊ីនតោន បានពន្យល់ថា បញ្ហាទាំងអស់នេះ បានធ្វើឱ្យការធ្វើជំនួញជាមួយប្រទេសចិន កាន់តែមានតម្លៃថ្លៃបន្ថែមទៀត ដែលជាបន្ទុកដ៏ធំមួយ បានធ្លាក់ទៅលើពាណិជ្ជករ នៅក្នុងប្រទេសមីយ៉ាន់ម៉ា និងប្រទេសអាស៊ានជាប់ព្រំដែនដទៃទៀត ។

ជម្រាបផងដែរថា មិនត្រឹមតែពាណិជ្ជករ កំពុងជួបភាពលំបាក ក្នុងការយកទំនិញចូលប្រទេសចិននោះទេ ចំណែកឯអ្នកទេសចរចិនក៏ពិបាក ក្នុងការចេញដើរកម្សាន្តផងដែរ ដែលវាគឺជាការប៉ះពាល់ដ៏ធ្ងន់ធ្ងរ ដល់សេដ្ឋកិច្ចរបស់ប្រទេសនៅអាស៊ីអាគ្នេយ៍ទាំងមូល ។ ខណ:បើយោងតាមទិន្នន័យពីគេហទំព័រទេសចរណ៍ចិន បានឱ្យដឹងថា ជាមួយនឹងរយ:ពេលចត្តាឡីស័កយូរ ចំពោះការចូល និងការត្រលប់មកវិញ បានធ្វើឱ្យភ្ញៀវទេសចរចិនទាំងអស់ បានឈប់សម្រុកទៅលេងកម្សាន្តនៅប្រទេសអាស៊ាន ជាពិសេសប្រទេសថៃតែម្តង ៕

ប្រភព: Foreignpolicy

The post ពាណិជ្ជករនៅអាស៊ីអាគ្នេយ៍ កំពុងរងទុក្ខដោយសារតែការបិទច្រកព្រំដែនរបស់ចិន appeared first on .

ការប្រគល់ និងផ្ទេរភារកិច្ចនេះ ធ្វើឡើងបន្ទាប់ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី៦ ខែកុម្ភៈ ឆ្នាំ២០២២ បានសម្រេចផ្ទេរ និងតែងតាំង លោកឧត្តមសេនីយ៍ត្រី ខាត់ សារ័ត្ន ពីអនុប្រធាននាយកដ្ឋានច្រកទ្វារទី១ ទៅជានាយប៉ុស្តិ៍នគរបាលច្រកទ្វារព្រំដែនអន្តរជាតិបាវិត ការិយាល័យច្រកទ្វារព្រំដែនអន្តរជាតិ នាយកដ្ឋានច្រកទ្វារទី២ នៃអគ្គនាយកដ្ឋានអន្តោប្រវេសន៍ ជំនួសលោកវរសេនីយ៍ឯក ម៉ម យ៉យ ដែលត្រូវចូលនិវត្តន៍។

បច្ចុប្បន្ន ច្រកទ្វារព្រំដែនអន្តរជាតិបាវិត ដែលតភ្ជាប់ជាមួយច្រកព្រំដែនម៉ុកបៃ ក្នុងខេត្តតៃនិញប្រទេសវៀតណាម ជាច្រករបៀងសេដ្ឋកិច្ចដ៏សំខាន់ក្នុងការបម្រើដល់វិស័យដឹក​ជញ្ជូនទំនិញ និងភ្ញៀវទេសចរ។

ច្រកទ្វារព្រំដែនអន្តរជាតិមួយនេះ ក៏ជា​ការតភ្ជាប់រវាងរាជធានីភ្នំពេញរបស់កម្ពុជា ជាមួយទីក្រុងហូជីមិញរបស់វៀតណាម ហើយឆ្ពោះទៅដល់កំពង់ផែ ខាត់ឡៃ (Cat Lai) ជា​កំពង់ផែធំជាងគេរបស់វៀតណាម។ ទំនិញនាំចេញ-ចូលមួយចំនួនពីកម្ពុជា​ ជាពិសេសជាមួយប្រទេសចិនក៏មានចរាចរណ៍ឆ្លងកាត់តាមកំពង់ផងផែនេះផងដែរ៕

The post សម្តេច ស ខេង សម្រេចផ្ទេរភារកិច្ចនិងតែងតាំងនាយប៉ុស្តិ៍ច្រកទ្វារព្រំដែនអន្តរជាតិបាវិតថ្មី appeared first on .

I.ច្រក​ទ្វារ​អន្តរជាតិ​មាន​ចំនួន ០៧

ក/ ច្រក​ទ្វារ​អាកាសយានដ្ឋាន​អន្តរជាតិ​មាន​ចំនួន ០៣

-អាកាសយានដ្ឋាន​អន្តរជាតិ​ភ្នំពេញ
-អាកាសយានដ្ឋាន​អន្តរជាតិ​សៀមរាប
-អាកាសយានដ្ឋាន​អន្តរជាតិ​ក្រុង​ព្រះសីហនុ

ខ/ ច្រក​ទ្វារ​កំពង់ផែ​អន្តរជាតិ មាន​ចំនួន ០៤

-កំពង់ផែ​អន្តរជាតិ​ភ្នំពេញ
-កំពង់ផែ​អន្តរជាតិ​ក្រុង​ព្រះសីហនុ
-កំពង់ផែ​អន្តរជាតិ​ឧកញ៉ា​ម៉ុង
-កំពង់ផែ​អន្តរជាតិ​ស្ទឹងហាវ

II. ច្រក​ទ្វារ​ព្រំដែន​អន្តរជាតិ​មាន​ចំនួន ១៨

ក/ ច្រក​ទ្វារ​ព្រំដែន​អន្តរជាតិ​ជាប់​ជាមួយ​ប្រទេស​វៀតណាម​មាន​ចំនួន ១០

-ព្រែកចាក (កំពត)
-ភ្នំដិន (តាកែវ)
-ក្អមសំណ (កណ្តាល)
-កោះរកា (ខេត្ត​ព្រៃវែង)
-បន្ទាយ​ចក្រី (ខេត្ត​ព្រៃវែង)
-ព្រៃវល្លិ៍ (ខេត្ត​ស្វាយរៀង)
-បាវិត (ខេត្ត​ស្វាយរៀង)
-ត្រពាំងផ្លុង (ខេត្ត​ត្បូងឃ្មុំ)
-ត្រពាំងស្រែ (ខេត្ត​ក្រចេះ)
-អូយ៉ាដាវ (ខេត្ត​រតនគិរី)

ខ/ ច្រក​ទ្វារ​ព្រំដែន​អន្តរជាតិ​ជាប់​ជាមួយ​ប្រទេស​ថៃ មាន​ចំនួន ០៧

-ចាំយាម (ខេត្ត​កោះកុង)
-ព្រំ (ខេត្ត​ប៉ៃលិន)
-ដូង (ខេត្ត​បាត់ដំបង)
-ភ្នំដី (ខេត្ត​បាត់ដំបង)
-ប៉ោយប៉ែត (ខេត្ត​បន្ទាយមានជ័យ)
-អូរ​ស្មាច់ (ខេត្ត​ឧត្តរមានជ័យ)
-ជាំ (ខេត្ត​ឧត្តរមានជ័យ)

គ/ ច្រក​ទ្វារ​ព្រំដែន​អន្តរជាតិ​ជាប់​ជាមួយ​ប្រទេស​ឡាវ មាន​ចំនួន ០១

-ត្រពាំង​ក្រៀល (ស្ទឹងត្រែង)

III. ច្រក​ទ្វារ​ទ្វេភាគី​មាន​ចំនួន ១៧

ក/ ច្រក​ទ្វារ​ទ្វេភាគី ដែល​ជាប់​ជាមួយ​ប្រទេស​វៀតណាម​មាន​ចំនួន ១៥

-ដាក់ដាំ (ខេត្ត​មណ្ឌលគិរី)
-ជីមៀត (ខេត្ត​មណ្ឌលគិរី)
-ឡាប៉ាខេ (ខេត្តមណ្ឌលគិរី)
-ណាំលៀរ (ខេត្តមណ្ឌលគិរី)
-ទន្លេ​ចាម (ខេត្ត​ត្បូងឃ្មុំ)
-ដា (ខេត្ត​ត្បូងឃ្មុំ)
-ជ័យឃ្លាំង (ខេត្ត​ក្រចេះ)
-កំពង់ក្រសាំង (ខេត្ត​តាកែវ)
-កោះ​សំពៅ (ខេត្ត​ព្រៃវែង)
-ជ្រៃធំ (ខេត្ត​កណ្តាល)
-បុសមន (ខេត្ត​ស្វាយរៀង)
-តន់ហន់ (ខេត្ត​កំពត)

ខ/ ច្រក​ទ្វារ​ទ្វេភាគី​ជាប់​ជាមួយ​ប្រទេស​ថៃ មាន​ចំនួន ០១

-ព្រះវិហារ (ខេត្ត​ព្រះវិហារ)

គ/ ច្រក​ទ្វារ​ទ្វេភាគី​ជាប់​ជាមួយ​ប្រទេស​ឡាវ​មាន​ចំនួន ០១

-កំពង់ស្រឡៅ (ខេត្ត​ព្រះវិហារ)

IV. ច្រក​ទ្វារ​តំបន់​មាន​ចំនួន ៣២

ក/ ច្រក​ទ្វារ​តំបន់​ដែល​ជាប់​ជាមួយ​សាធារណរដ្ឋ​ប្រជាមានិត​វៀតណាម​មាន​ចំនួន ១៦

-ដូនរ័ត្ន (ខេត្ត​ត្បូងឃ្មុំ)
-ជាំក្រវៀន (ខេត្ត​ត្បូងឃ្មុំ)
-ចាន់មូល (ខេត្ត​ត្បូងឃ្មុំ)
-ទន្លូង (ខេត្ត​ត្បូងឃ្មុំ)
-ស្រែបារាំង (ខេត្ត​ស្វាយរៀង)
-ដូង (ខេត្ត​ស្វាយរៀង)
-ព្រៃតាអី (ខេត្ត​ស្វាយរៀង)
-ខ្សែ​ដែក (ខេត្ត​ស្វាយរៀង)
-សំរោង (ខេត្ត​ស្វាយរៀង)
-ព្រែកជ្រៃ-ព្រែក​ទន្លា (ខេត្ត​កណ្តាល)
-ព្រែក​ស្បូវ (ខេត្ត​កណ្តាល)
-ពាម​មន្ទា (ខេត្ត​ព្រៃវែង)
-បាក់​ដៃ (ខេត្ត​តាកែវ)
-ស្វាយ​អា​ង៉ោង (ខេត្ត​ព្រៃវែង)
-ក្បាលដំរី (ខេត្ត​មណ្ឌលគិរី)

ខ/ ច្រក​ទ្វារ​តំបន់ ដែល​ជាប់​ជាមួយ​ប្រទេស​ថៃ​មាន​ចំនួន ១៥

-បឹង​ត្រកួន (ខេត្ត​បន្ទាយមានជ័យ)
-ម៉ាឡៃ (ខេត្ត​បន្ទាយមានជ័យ)
-៤៣ ឬ​ច្រក​អូរបីជាន់ (ខេត្ត​បន្ទាយមានជ័យ)
-ព្រះប្រឡាយ (ខេត្ត​ឧត្តរមានជ័យ)
-អាន​សេះ (ខេត្ត​ព្រះវិហារ)
-អូរ​អន្លក់ ឬ​សួន​ស៊ុ (ខេត្ត​បាត់ដំបង)
-អូររំដួល (ខេត្ត​បាត់ដំបង)
-ពាមតា (ខេត្ត​បាត់ដំបង)
-សែនចៅ (ខេត្ត​បាត់ដំបង)
-ភ្នំ​ព្រឹក (ខេត្ត​បាត់ដំបង)
-២០៣ (ខេត្ត​បាត់ដំបង)
-៤០០ (ខេត្ត​បាត់ដំបង)
-សួន​ស៊ឹម (ខេត្ត​បាត់ដំបង)
-ស្វាយវែង (ខេត្ត​បាត់ដំបង)
-ជប់គគីរ (ឧត្តរមានជ័យ)

គ/ ច្រក​ទ្វារ​តំបន់​ដែល​ជាប់​ជាមួយ​ប្រទេស​ឡាវ មាន​ចំនួន ០២

-ស្រែសំបូរ (ខេត្ត​ស្ទឹងត្រែង)
-កន្ទុយនាគ (ខេត្ត​រតនគិរី)

V. ច្រក​ទ្វារ​កំពង់ផែ មាន​ចំនួន ០៩

-កំពង់ផែ​កោះសេះ (ខេត្ត​កំពត)
-កំពង់ផែ​ត្រពាំងល្ពៅ (ខេត្ត​កំពត)
-កំពង់ផែ​កំពង់​កណ្តាល (ទីរួម​ខេត្ត)
-កំពង់ផែ​បាក់ខ្លង (ខេត្ត​កោះកុង)
-កំពង់ផែ​ស្រែអំបិល (ខេត្ត​កោះកុង)
-កំពង់ផែ​ថ្ម​ស (​ខេត្ត​កោះកុង)
-កំពង់ផែ​កោះស្តេច (ខេត្ត​កោះកុង)
-កំពង់ផែ​ទំនប់​រលក (ខេត្ត​ព្រះសីហនុ)
-កំពង់ផែ​កែប (ខេត្ត​កែប)

VI. ច្រក​ទ្វារ​ត្រៀម​ដំឡើង​ទៅ​ច្រក​ព្រំដែន​អន្តរជាតិ​ចំនួន ០៩

-ច្រក​ទ្វារ​ទ្វេ​ភាគី ដា (ខេត្ត​ត្បូងឃ្មុំ)
-ច្រក​ទ្វារ​តំបន់ សំរោង (ខេត្ត​ស្វាយរៀង)
-ច្រក​ទ្វារ​ស្ទឹងបត់ (ខេត្ត​បន្ទាយមានជ័យ)
-ច្រក​ទ្វារ​តំបន់​ជប់​គគីរ (ខេត្ត​ឧត្តរមានជ័យ)
-ច្រក​ទ្វារ​តំបន់​អានសេះ (ខេត្ត​ព្រះវិហារ)
-ច្រក​ទ្វារ​តំបន់ ផ្លូវ ៥៦ (ថ្មដា) (ខេត្ត​ពោធិ៍សាត់)
-ច្រក​ទ្វារ​ទ្វេភាគី​ជ្រៃធំ (ខេត្ត​កណ្តាល)
-ច្រក​ទ្វារ​ម៉ឺនជ័យ (ខេត្ត​ព្រៃវែង)
-កំពង់ផែ​កែប (ខេត្ត​កែប)

ប្រភព៖ កម្ពុជាថ្មី

The post នេះជាច្រក​ទ្វារ​ព្រំដែន​ទាំង ៨២ កន្លែង​សម្រាប់​ធ្វើដំណើរ​ចេញចូល​ប្រទេស​កម្ពុជា appeared first on .

​ច្រក​ទាំង ០៩ កន្លែង​ ដែល​រដ្ឋាភិបាល​កំពុងរៀបចំ​ដំឡើង​ទៅ​ជា​ច្រក​ព្រំដែន​អន្តរជាតិ​នៅ​ពេល​ខាង​មុខរួម​មាន​៖

-ច្រក​ទ្វារ​ទ្វេ​ភាគី ដា (ខេត្ត​ត្បូងឃ្មុំ)
-ច្រក​ទ្វារ​តំបន់ សំរោង (ខេត្ត​ស្វាយរៀង)
-ច្រក​ទ្វារ​ ស្ទឹងបត់ (ខេត្ត​បន្ទាយមានជ័យ)
-ច្រក​ទ្វារ​តំបន់​ ជប់​គគីរ (ខេត្ត​ឧត្តរមានជ័យ)
-ច្រក​ទ្វារ​តំបន់​ អានសេះ (ខេត្ត​ព្រះវិហារ)
-ច្រក​ទ្វារ​តំបន់ ផ្លូវ ៥៦ (ថ្មដា) (ខេត្ត​ពោធិ៍សាត់)
-ច្រក​ទ្វារ​ទ្វេភាគី​ ជ្រៃធំ (ខេត្ត​កណ្តាល)
-ច្រក​ទ្វារ ម៉ឺនជ័យ (ខេត្ត​ព្រៃវែង)
-កំពង់ផែ​ កែប (ខេត្ត​កែប)

The post ច្រក​ទ្វារ​ព្រំដែន ៩ កន្លែង ជាប់ ៩ ខេត្ត​ កំពុង​ត្រៀម​ដំឡើង​ទៅជាច្រក​ទ្វារ​អន្តរជាតិ​ឆាប់ៗ​នេះ appeared first on .