លោក Marco Rubio បានថ្លែងទៅកាន់អ្នកសារព័ត៌មាននៅក្រុងអាថែន ប្រទេសក្រិក កាលពីថ្ងៃទី៧ ខែតុលា ថា៖ “ច្រកសមុទ្រ Hormuz នៅតែបើកចំហ ហើយបរិមាណប្រេងដែលឆ្លងកាត់ទីនោះឥឡូវនេះគឺស្ទើរតែស្មើនឹងកម្រិតមុនពេលមានជម្លោះ។ ដូច្នេះ អ៊ីរ៉ង់បានបាត់បង់ការគ្រប់គ្រងទាំងស្រុងលើច្រកសមុទ្រនេះហើយ”។

មិនតែប៉ុណ្ណោះរដ្ឋមន្ត្រីដដែលនេះ បានអះអាងទៀតថា វិធានការទណ្ឌកម្មរបស់អាមេរិកកំពុងធ្វើឱ្យសេដ្ឋកិច្ចអ៊ីរ៉ង់ធ្លាក់ចុះយ៉ាងខ្លាំង និងមិនអាចគ្រប់គ្រងតទៀតបាន ដែលជិតឈានដល់ស្ថានភាពមួយដែលប្រទេសតិចតួចបំផុតក្នុងលោកធ្លាប់បានជួបប្រទះ។

ទន្ទឹមនឹងនេះ លោក Abdolnaser Hemmati អភិបាលធនាគារកណ្តាលអ៊ីរ៉ង់ (CBI) ក៏បានទទួលស្គាល់ថា អតិផរណាគឺជាបញ្ហាដ៏ប្រឈមដ៏ធំមួយ ប៉ុន្តែបានអះអាងថា សេដ្ឋកិច្ចអ៊ីរ៉ង់មិនបានដួលរលំដូចការទស្សន៍ទាយរបស់មន្ត្រីអាមេរិករូបនេះនោះទេ។

ជម្រាបជូនថា កាសែត Financial Times បានរាយការណ៍កាលពីថ្ងៃទី៧ ខែតុលា ថា មានតែកប៉ាល់ដឹកទំនិញមួយចំនួនតូចប៉ុណ្ណោះដែលសុខចិត្តធ្វើដំណើរឆ្លងកាត់ច្រកសមុទ្រ Hormuz។ កប៉ាល់ខ្លះដឹកប្រេងឆៅទៅកាន់ដែនទឹកក្បែរ Fujairah ក្នុងឈូងសមុទ្រអូម៉ង់ ជាកន្លែងដែលទំនិញត្រូវបានផ្ទេរទៅកាន់កប៉ាល់តូចៗដើម្បីដឹកជញ្ជូនបន្ត៕​

The post អាមេរិក ប្រកាសថាអ៉ីរ៉ង់បាត់បង់ការគ្រប់គ្រងលើច្រកសមុទ្រ Hormuz ទាំងស្រុងហើយ appeared first on .

លោក ត្រាំ បានថ្លែងប្រាប់អ្នកសារព័ត៌មាននៅឯសេតវិមានកាលពីថ្ងៃទី២៦ ខែកញ្ញា ថា៖ “ពួកគែបានដាក់សំណើមក ប៉ុន្តែខ្ញុំបានបដិសេធ”។ នេះគឺចង់សំដៅលើផែនការបទឈប់បាញ់ និងការបើកច្រកសមុទ្រ Hormuz ឡើងវិញដែលអ៉ីរ៉ង់ទើបតែបានស្នើឡើងកាលពីពេលថ្មីៗនេះ។

លោក ត្រាំ បានបន្ថែមទៀតថា អ៉ីរ៉ង់ចង់សម្រេចបានកិច្ចព្រមព្រៀងបើកច្រកសមុទ្រ Hormuz ឡើងវិញភ្លាមៗ ដោយសារតែពួកគេកំពុងរងការបរាជ័យយ៉ាងធ្ងន់ធ្ងររួចទៅហើយ។

យ៉ាងណាមិញ​ បន្ទាប់ពីការថ្លែងរបស់លោក ត្រាំ បែបនេះ មន្ត្រីអ៉ីរ៉ង់ ក៏បានចេញមុខឆ្លើយតបវិញថា មានតែផ្លូវការទូតប៉ុណ្ណោះដែលប្រកបដោយប្រសិទ្ធភាពក្នុងការដោះស្រាយជម្លោះនេះបាន។ រដ្ឋមន្ត្រីការបរទេសអ៉ីរ៉ង់ លោក Abbas Araghchi បានមានប្រសាសន៍ថា៖ “លក្ខខណ្ឌរបស់យើងគឺច្បាស់លាស់ណាស់ ហើយរាល់ចំណាត់ការឆ្ពោះទៅរកការបើកច្រកសមុទ្រ Hormuz ឡើងវិញ គឺអាស្រ័យលើការឆ្លើយតបតាមលក្ខខណ្ឌទាំងនេះ”។

មិនតែប៉ុណ្ណោះ​ បើតាមលោក Araqchi ទោះបីជាមានការថ្លែងជាសាធារណៈរបស់លោក ត្រាំ ក៏ដោយ ក៏ភាគីកណ្តាលសម្របសម្រួលការចរចារវាងអាមេរិក និងអ៉ីរ៉ង់ មិនទាន់បានជូនដំណឹងផ្លូវការអំពីការបដិសេធផែនការនេះពីសំណាក់អាមេរិកនៅឡើយទេ៕​

The post លោក ត្រាំ ចេញមុខបដិសេធសំណើរបស់អ៊ីរ៉ង់ ក្នុងការបើកច្រកសមុទ្រ Hormuz ឡើងវិញ appeared first on .

លោក Araghchi បានប្រាប់ប្រព័ន្ធផ្សព្វផ្សាយនៅទីក្រុងញូវយ៉ក សហរដ្ឋអាមេរិក ក្នុងអំឡុងពេលចូលរួមមហាសន្និបាតអង្គការសហប្រជាជាតិថា៖”ប្រសិនបើលក្ខខណ្ឌមួយចំនួនត្រូវបានបំពេញ ច្រកសមុទ្រ Hormuz នឹងត្រូវបានបើកឡើងវិញក្នុងរយៈពេល ៧ ថ្ងៃ ហើយការចរចានឹងចាប់ផ្តើម”។

មិនតែប៉ុណ្ណៅះ ផែនការនេះក៏បានទាមទារឱ្យមានការដោះលែងទ្រព្យសម្បត្តិដែលត្រូវបង្កករបស់អ៊ីរ៉ង់ ដែលមានតម្លៃយ៉ាងហោចណាស់ ១២ពាន់លានដុល្លារ ព្រមទាំងការលើកលែងទណ្ឌកម្មលើប្រេងអ៊ីរ៉ង់ និងការបញ្ចប់ការបិទផ្លូវទឹករបស់កងទ័ពជើងទឹកអាមេរិកប្រឆាំងនឹងប្រទេសខ្លួនផងដែរ។

យ៉ាងណាមិញ​ ប្រសិនបើលក្ខខណ្ឌទាំងនេះត្រូវបានបំពេញ នៅថ្ងៃទីប្រាំពីរនៃកិច្ចព្រមព្រៀងបទឈប់បាញ់ អ៊ីរ៉ង់នឹងបើកច្រកសមុទ្រ Hormuz ឡើងវិញ។ លោក Araghchi ក៏បានបន្ថែមទៀតថា លោកកំពុងរង់ចាំការឆ្លើយតបពីសហរដ្ឋអាមេរិកជុំវិញផែនការនេះ ហើយបានអះអាងថា ប្រទេសចិនក៏គាំទ្រសំណើនេះផងដែរ៕​

The post អ៊ីរ៉ង់ ផ្ញើលក្ខខណ្ឌទៅឲ្យអាមេរិក ដើម្បីបើកច្រកសមុទ្រ Hormuz ឡើងវិញ ក្នុងរយៈពេល ៧ថ្ងៃ appeared first on .

លោក ត្រាំ បានសរសេរនៅលើប្រព័ន្ធផ្សព្វផ្សាយសង្គម Truth Social របស់ខ្លួន នៅថ្ងៃទី២ ខែកញ្ញាថា ៖”ឥឡូវនេះ យើងបានគ្រប់គ្រងតំបន់នេះហើយ តើយើងគួរប្តូរឈ្មោះច្រកសមុទ្រ Hormuz ទៅជា ‘ច្រកសមុទ្រ Trump’ ដែរឬអត់?”។

យ៉ាងណាក៏ដោយ វានៅតែមិនទាន់ត្រូវបានគេដឹងច្បាស់ថាតើមេដឹកនាំអាមេរិករូបនេះ ពិតជាមានចេតនាចំពោះការផ្លាស់ប្តូរឈ្មោះនេះមែនអត់នោះឡើយ ខណៈពេលដែលលោក ត្រាំ ក៏មិនបានបញ្ជាក់ពីវិសាលភាពដែលច្រកសមុទ្រ Hormuz ត្រូវបានស្ថិតនៅក្រោមការគ្រប់គ្រងរបស់សហរដ្ឋអាមេរិក ផងដែរ។

គួរឲ្យដឹងថា នេះមិនមែនជាលើកទីមួយនោះឡើយ ដោយនៅពាក់កណ្តាលខែសីហា លោក ត្រាំ ក៏ធ្លាប់បាននិយាយថា លោកនឹងប្រកាសដាក់ច្រកសមុទ្រ Hormuz “ជាផ្នែកមួយនៃទឹកដីអាមេរិក” ក្នុងឆាប់ៗនេះ បន្ទាប់ពីបានយកឈ្នះលើអ៊ីរ៉ង់។ នៅក្នុងការបង្ហោះនៅលើប្រព័ន្ធផ្សព្វផ្សាយសង្គមកាលពីប៉ុន្មានថ្ងៃមុន លោកក៏បានប្រកាសផងដែរថា សហរដ្ឋអាមេរិកមានការគ្រប់គ្រងទាំងស្រុងលើច្រកសមុទ្រ Hormuz ទាំងស្រុង ហើយអ៊ីរ៉ង់មិនអាចធ្វើអ្វីដើម្បីទប់ទល់បាននោះឡើយ។

ជម្រាបជូនថា Hormuz មានទីតាំងស្ថិតនៅចន្លោះប្រទេសអ៊ីរ៉ង់ និងអូម៉ង់ មានប្រវែង ១៦១គីឡូម៉ែត្រ។ច្រកសមុទ្រនេះត្រូវបានបិទស្ទើរតែទាំងស្រុងចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក។ នៅពាក់កណ្តាលខែមិថុនា សហរដ្ឋអាមេរិក និងអ៊ីរ៉ង់បានចុះហត្ថលេខាលើអនុស្សរណៈនៃការយោគយល់គ្នា ដែលរួមបញ្ចូលបទប្បញ្ញត្តិដើម្បីស្តារសកម្មភាពសមុទ្រនៅច្រក Hormuz ឡើងវិញ។ តែទោះជាយ៉ាងណាក៏ដោយ ការមិនចុះសម្រុងគ្នាលើការបកស្រាយបាននាំឱ្យមានការដួលរលំនៃបទឈប់បាញ់៕​

The post ប្រធានាធិបតីអាមេរិក បំផុសគំនិតពីការប្តូរឈ្មោះច្រកសមុទ្រ Hormuz ទៅជាច្រកសមុទ្រ Trump វិញ appeared first on .

នៅក្នុងការបង្ហោះសារជាបន្តបន្ទាប់ លោក ត្រាំ ថែមទាំងបាននិយាយទៀតថា គ្មានការចរចាណាមួយជាមួយអ៊ីរ៉ង់កំពុងដំណើរការ ឬកំណត់ពេលច្បាស់លាស់នោះទេ ហើយសហរដ្ឋអាមេរិក នៅតែបន្តអនុវត្តការបិទផ្លូវសមុទ្ររបស់ខ្លួនយ៉ាងពេញលេញប្រឆាំងនឹងប្រទេសនេះដដែលនេះ។

យ៉ាងណាមិញជុំវិញការបង្ហោះទាំងនេះ ត្រូបានធ្វើឡើងត្រឹមតែមួយថ្ងៃប៉ុណ្ណោះ បន្ទាប់ពីប្រធានាធិបតីអាមេរិករូបនេះ បានបំផុសគំនិតថា ការដាក់ច្រកសមុទ្រ Hormuz ជាទឹកដីអាមេរិក នឹងក្លាយជាគំនិតដ៏អស្ចារ្យមួយ។

ច្រកសមុទ្រ Hormuz ដែលមានទីតាំងស្ថិតនៅចន្លោះប្រទេសអ៊ីរ៉ង់ និងអូម៉ង់ មានប្រវែង ១៦១ គីឡូម៉ែត្រ ដោយចំណុចតូចចង្អៀតបំផុតរបស់វាមានទទឹង ៣៣ គីឡូម៉ែត្រ ច្រកសមុទ្រនេះត្រូវបានបិទស្ទើរតែទាំងស្រុងចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក។

គួរជម្រាបជូនផងដែរថា សហរដ្ឋអាមេរិក និងអ៊ីរ៉ង់ បានចុះហត្ថលេខាលើអនុស្សរណៈនៃការយោគយល់គ្នាមួយនៅពាក់កណ្តាលខែមិថុនា ដែលរួមបញ្ចូលបទប្បញ្ញត្តិដើម្បីស្តារសកម្មភាពសមុទ្រនៅក្នុងច្រកសមុទ្រ Hormuz ឡើងវិញ។ ប៉ុន្តែទោះជាយ៉ាងណាក៏ដោយ ការមិនចុះសម្រុងគ្នាលើការកិច្ចចរចាបន្តបន្ទាប់ បាននាំឱ្យមានការដួលរលំនៃបទឈប់បាញ់នេះវិញ៕​

The post ថ្មីទៀតហើយ! លោក ត្រាំ បង្ហោះរូបផែនទីច្រកសមុទ្រ Hormuz ហើយដាក់ចំណងជើងថា ‘ទឹកដីអាមេរិកថ្មី’ appeared first on .

លោក ត្រាំ បាននិយាយនៅក្នុងបទសម្ភាសជាមួយ Fox News នៅថ្ងៃទី១៨ សីហាថា ៖”ប្រសិនបើអូម៉ង់រារាំងសហរដ្ឋអាមេរិក យើងនឹងទម្លាក់គ្រាប់បែកលើប្រទេសនោះឲ្យក្លាយទៅជាបំណែកៗ”។

គួរឲ្យដឹងផងដែរថា អូម៉ង់មានទំនាក់ទំនងការទូតជាមួយសហរដ្ឋអាមេរិកអស់រយៈពេលជិត ២០០ឆ្នាំមកហើយ ដែលធ្វើឱ្យប្រទេសនេះ បានក្លាយជាដៃគូ និងសម្ព័ន្ធមិត្តចំណាស់ជាងគេបំផុតមួយរបស់ទីក្រុងវ៉ាស៊ីនតោន។ ប៉ុន្តែទន្ទឹមនឹងនេះ អូម៉ង់ក៏មានទំនាក់ទំនងជិតស្និទ្ធជាមួយអ៊ីរ៉ង់ផងដែរ ហើយពលរដ្ឋនៃប្រទេសទាំងពីរតែងតែធ្វើអន្តរកម្ម និងធ្វើពាណិជ្ជកម្មឆ្លងកាត់ច្រកសមុទ្រ Hormuz ជាប្រចាំ។

យ៉ាងណាមិញ នេះមិនមែនជាលើកទីមួយទេដែលលោក ត្រាំ បានគំរាមវាយប្រហារអូម៉ង់ដែលជាប្រទេសសម្ព័ន្ធមិត្តរបស់ខ្លួននោះ។ នៅក្នុងកិច្ចប្រជុំគណៈរដ្ឋមន្ត្រីមួយកាលពីខែឧសភា ប្រធានាធិបតីអាមេរិករូបនេះ​ក៏បានគំរាម «បំផ្ទុះ» អូម៉ង់ផងដែរ ប្រសិនបើពួកគេចង់សហការជាមួយអ៊ីរ៉ង់ ដើម្បីគ្រប់គ្រងច្រកសមុទ្រ Hormuz នោះ។

ជម្រាបជូនផងដែរថា ជុំវិញការអត្ថាធិប្បាយរបស់លោក ត្រាំ នេះ បានកើតឡើងនៅពេលដែលពេលវេលាកំណត់ ៦០ថ្ងៃ សម្រាប់ការចរចាសន្តិភាពរវាងសហរដ្ឋអាមេរិក និងអ៊ីរ៉ង់ត្រូវបានបញ្ចប់នៅថ្ងៃនេះ ដោយគ្មានផែនការជាក់លាក់ណាមួយត្រូវបានប្រកាសដើម្បីបញ្ចប់ជម្លោះនោះទេ៕​

The post លោក ត្រាំ​ គំរាមទម្លាក់គ្រាប់បែកកម្ទេចប្រទេសអូម៉ង់ បើហ៊ានរារាំងអាមេរិក នៅច្រក Hormuz appeared first on .

លោក ត្រាំ បានថ្លែងក្នុងពិធីមួយនៅឯសាលាប៉ូលីស ក្នុងរដ្ឋញូវយ៉កកាលពីថ្ងៃទី១៤ ខែសីហាថា ៖”បន្ទាប់ពីយើងយកឈ្នះអ៊ីរ៉ង់ ខ្ញុំនឹងប្រកាសថាច្រកសមុទ្រ Hormuz ជាទឹកដីរបស់អាមេរិក ក្នុងពេលឆាប់ៗនេះ”។

ប៉ុន្តែទោះជាយ៉ាងណាក៏ដោយ វានៅតែមិនទាន់ដឹងច្បាស់ថា តើលោក ត្រាំ កំពុងនិយាយលេងសើច ឬមានចំណាត់ការម៉ឺងម៉ាត់ណាមួយ ចំពោះសេចក្តីថ្លែងការណ៍នេះនៅឡើយនោះទេ ឬវាអាចជាសញ្ញាមួយដែលបង្ហាញថា ទីក្រុងវ៉ាស៊ីនតោនកំពុងផ្លាស់ប្តូរគោលនយោបាយរបស់ខ្លួន នៅក្នុងជម្លោះជាមួយទីក្រុងតេអេរ៉ង់ ដែលមានរយៈពេលជាងប្រាំខែកន្លងមកនេះ។

មិនតែប៉ុណ្ណោះ នេះមិនមែនជាលើកទីមួយទេដែលប្រធានាធិបតី ត្រាំ បានធ្វើសេចក្តីថ្លែងការណ៍ដ៏គួរឲ្យភ្ញាក់ផ្អើលបែបនេះ។ នៅក្នុងការបង្ហោះនៅលើប្រព័ន្ធផ្សព្វផ្សាយសង្គមនៅថ្ងៃទី១២ ខែសីហា កន្លងទៅ លោកក៏បានប្រកាសផងដែរថា សហរដ្ឋអាមេរិក បានធ្វើការគ្រប់គ្រងទាំងស្រុងលើច្រកសមុទ្រ Hormuz ហើយអ៊ីរ៉ង់មិនអាចធ្វើអ្វីដើម្បីទប់ទល់នឹងអាមេរិកបានឡើយ។

ជម្រាបជូនផងដែរថា ច្រកសមុទ្រ Hormuz ដែលស្ថិតនៅចន្លោះអ៊ីរ៉ង់ និងអូម៉ង់ គឺជាផ្លូវដឹកជញ្ជូនដ៏សំខាន់បំផុតមួយរបស់ពិភពលោក។ ច្រកសមុទ្រនេះត្រូវបានបិទស្ទើរតែទាំងស្រុងចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក។ នៅពាក់កណ្តាលខែមិថុនា សហរដ្ឋអាមេរិក និងអ៊ីរ៉ង់បានចុះហត្ថលេខាលើអនុស្សរណៈនៃការយោគយល់គ្នា ដែលរួមបញ្ចូលបទប្បញ្ញត្តិដើម្បីស្តារសកម្មភាពផ្លូវសមុទ្រឡើងវិញនៅ Hormuz។ តែទោះជាយ៉ាងណាក៏ដោយ ការមិនចុះសម្រុងគ្នាលើការបកស្រាយបាននាំឱ្យមានការដួលរលំនៃបទឈប់បាញ់វិញ៕​

The post លោក ត្រាំ​ ថាច្រក Hormuz នឹងក្លាយជាទឹកដីរបស់សហរដ្ឋអាមេរិក ក្នុងពេលឆាប់ៗនេះ appeared first on .

លោក ត្រាំ បានសរសេរនៅលើប្រព័ន្ធផ្សព្វផ្សាយសង្គម Truth Social របស់ខ្លួន នៅថ្ងៃទី១២ ខែសីហាថា ៖”សហរដ្ឋអាមេរិកបានគ្រប់គ្រងទាំងស្រុងលើច្រកសមុទ្រ Hormuz ។ ខ្ញុំគិតថាយើងនឹងបន្តរក្សាការគ្រប់គ្រងវា! ការបិទខ្ទប់ផ្លូវដែលធ្វើឡើងដោយកងទ័ពជើងទឹករបស់យើងត្រូវបានគេហៅថា «ជញ្ជាំងដែក» ហើយអ៊ីរ៉ង់មិនអាចធ្វើអ្វីដើម្បីទប់ទល់នឹងវាបានឡើយ”។

ប៉ុន្តែទោះជាយ៉ាងណាក៏ដោយ រដ្ឋបាលច្រកសមុទ្រនៃឈូងសមុទ្រពែរ្ស (PGSA) ដែលបង្កើតឡើងដោយអ៊ីរ៉ង់ ក្នុងខែឧសភា ដើម្បីត្រួតពិនិត្យច្រកសមុទ្រ Hormuz បានចេញមុខបដិសេធព័ត៌មាននេះភ្លាមៗ។ PGSA បាននិយាយទៀតថា «សេចក្តីថ្លែងការណ៍ និងការបង្ហោះម្តងហើយម្តងទៀតដោយមន្ត្រីអាមេរិក មិនបានផ្លាស់ប្តូរការពិតដែលថាច្រកសមុទ្រ Hormuz នៅតែត្រូវបានបិទនោះទេ ហើយវានឹងមិនត្រូវបានបើកឡើងវិញឡើយ រហូតដល់លក្ខខណ្ឌរបស់អ៊ីរ៉ង់ត្រូវបានទទួលយក”។

គួរជម្រាបជូនផងដែរថា ច្រកសមុទ្រ Hormuz ដែលមានទីតាំងស្ថិតនៅចន្លោះរវាងអ៊ីរ៉ង់ និងអូម៉ង់ ត្រូវបានបិទស្ទើរតែទាំងស្រុងចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក។ នៅពាក់កណ្តាលខែមិថុនា សហរដ្ឋអាមេរិក និងអ៊ីរ៉ង់បានចុះហត្ថលេខាលើអនុស្សរណៈនៃការយោគយល់គ្នា ដែលរួមបញ្ចូលបទប្បញ្ញត្តិដើម្បីស្តារសកម្មភាពសមុទ្រនៅច្រក Hormuz ឡើងវិញ។ ប៉ុន្តែទោះជាយ៉ាងណាក៏ដោយ ការមិនចុះសម្រុងគ្នាលើការចរចាកន្លងមកបាននាំឱ្យមានការដួលរលំនៃបទឈប់បាញ់ និងធ្វើឲ្យច្រកដ៏សំខាន់នេះ នៅតែបន្តស្ថិតនៅក្នុងការរឹតត្បិតខ្លាំងដដែល៕​

The post លោក ត្រាំ ប្រកាសថាអាមេរិកគ្រប់គ្រងបានច្រក Hormuz ទាំងស្រុងហើយ តែអ៉ីរ៉ង់បដិសេធ appeared first on .

លោក Mark Esper ដែលបានបម្រើការជារដ្ឋមន្ត្រីក្រសួងការពារជាន៍មួយនៅថ្ងៃទី៩ ខែសីហាថា ៖”ពួកគេបានធ្វើហួសហេតុពេកក្នុងការធ្វើការទាមទារដូចជាការឲ្យសហរដ្ឋអាមេរិកដកកងកម្លាំងទាំងអស់របស់ខ្លួនចេញពីតំបន់ ការបង់សំណងសង្គ្រាម ការបញ្ចប់ការបិទផ្លូវទឹក និងការលើកលែងទណ្ឌកម្មជាដើម”។

ជុំវិញការលើកឡើងនេះរបស់លោក Esper បែបនេះ គឺបានកើតឡើង បន្ទាប់ពីលោក Mohammad Bagher Zolghadr លេខាធិការក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ បានគូសបញ្ជាក់ពីលក្ខខណ្ឌចំនួនប្រាំមួយចំណុចនៅថ្ងៃទី៨ ខែសីហាថា សហរដ្ឋអាមេរិកត្រូវតែជួបប្រជុំគ្នាដើម្បីបើកច្រកសមុទ្រ Hormuz ឡើងវិញ និងអនុញ្ញាតឱ្យការដឹកជញ្ជូនបន្តឡើងវិញនៅកម្រិតមុនសង្គ្រាម។

នៅក្នុងលក្ខខណ្ឌទាំងនោះ អ៊ីរ៉ង់បានទាមទារឱ្យសហរដ្ឋអាមេរិកបញ្ឈប់ការគំរាមកំហែងប្រឆាំងនឹងប្រទេសរបស់ខ្លួន ក៏ដូចជាបញ្ចប់ប្រតិបត្តិការយោធាប្រឆាំងនឹងទីក្រុងតេអេរ៉ង់ និងសម្ព័ន្ធមិត្តរបស់ខ្លួននៅក្នុងតំបន់ លើកលែងការបិទផ្លូវសមុទ្រ ផ្តល់សំណងសម្រាប់ការខូចខាត លើកលែងទណ្ឌកម្ម និងដោះលែងទ្រព្យសម្បត្តិអ៊ីរ៉ង់ដែលបង្កកទុក ផងដែរ។

តែទោះជាយ៉ាងណាក៏ដោយ លោក Esper បានសង្កត់ធ្ងន់ថា ការទាមទារទាំងនោះបង្ហាញថា អ៊ីរ៉ង់កាន់តែមានភាពក្លាហាន មានទំនុកចិត្តលើជំហររបស់ពួកគេ និងបង្ហាញអំណាចរបស់ពួកគេដោយប្រើច្រក Hormuz ដែលជាកម្លាំងតំណាងជាតិ។ ប៉ុន្តែបើនិយាយឱ្យត្រង់ទៅ ការទាមទារទាំងនោះគឺគួរឱ្យអស់សំណើច ហើយត្រូវតែបដិសេធភ្លាមៗ៕​

The post អតីតមេការពារជាតិអាមេរិក ថាលក្ខខណ្ឌ ៦ចំណុចរបស់អ៉ីរ៉ង់លើការបើកច្រក Hormuz ជារឿងគួរឲ្យអស់សំណើច appeared first on .

យោងតាមទីភ្នាក់ងារសារព័ត៌មានអ៊ីរ៉ង់ IRNA បានដកស្រង់សម្តីលោក Mohammad Bagher Zolghadr លេខាធិការក្រុមប្រឹក្សាសន្តិសុខជាតិជាន់ខ្ពស់ កាលពីថ្ងៃទី៨ ខែសីហាថា ៖”ទាំងនេះគឺជាការទាមទាររបស់ប្រជាជនអ៊ីរ៉ង់ ដែលបានបង្ហាញយ៉ាងច្បាស់ក្នុងអំឡុងពេល ១៦០ថ្ងៃនៃការតស៊ូឥតឈប់ឈរនៅលើសមរភូមិ និងនៅតាមដងផ្លូវ។ ច្រកសមុទ្រ Hormuz នឹងមិនត្រូវបានបើកឡើងវិញទេ លុះត្រាតែសហរដ្ឋអាមេរិកផ្លាស់ប្តូរឥរិយាបថរបស់ខ្លួន”។

ទន្ទឹមនឹងនេះ លោក Zolghadr ក៏បានរាយបញ្ជីលក្ខខណ្ឌចំនួនប្រាំមួយសម្រាប់សហរដ្ឋអាមេរិក រួមទាំងការបញ្ឈប់ការគំរាមកំហែងប្រឆាំងនឹងអ៊ីរ៉ង់ ការបញ្ចប់ប្រតិបត្តិការយោធាប្រឆាំងនឹងអ៊ីរ៉ង់ និងសម្ព័ន្ធមិត្តរបស់ខ្លួននៅក្នុងតំបន់ ការលើកលែងចំពោះការបិទផ្លូវសមុទ្រ ការទូទាត់សំណងសម្រាប់ការខូចខាត ការលើកលែងទណ្ឌកម្ម និងការដោះលែងទ្រព្យសម្បត្តិអ៊ីរ៉ង់ដែលត្រូវបង្កកបានផងដែរ។

យ៉ាងណាក៏ដោយ សហរដ្ឋអាមេរិកមិនទាន់បានធ្វើអត្ថាធិប្បាយលើការទាមទាររបស់អ៊ីរ៉ង់ទាំងនេះនៅឡើយទេ ប៉ុន្តែលោក Richard Weitz អ្នកជំនាញសន្តិសុខអន្តរជាតិនៅសាកលវិទ្យាល័យការពារជាតិណាតូ ជឿជាក់ថាទីក្រុងវ៉ាស៊ីនតោនស្ទើរតែប្រាកដជាមិនអាចទទួលយកការទាមទារសំណងរបស់អ៊ីរ៉ង់ ឬលក្ខខណ្ឌផ្សេងទៀតសម្រាប់ការបើកច្រកសមុទ្រ Hormuz ឡើងវិញនោះទេ។

គួរជម្រាបជូនផងដែរថា លោកប្រធានាធិបតី ដូណាល់ ត្រាំ ថ្មីៗនេះបានបញ្ជាក់ម្តងហើយម្តងទៀតថា សហរដ្ឋអាមេរិកជិតឈានដល់កិច្ចព្រមព្រៀងជាមួយអ៊ីរ៉ង់ ដែលការដឹកជញ្ជូនតាមច្រកសមុទ្រ Hormuz នឹងវិលមករកភាពធម្មតាវិញក្នុងពេលឆាប់ៗនេះ។ លោកក៏បានព្រមានអំពី “វិធានការរឹងមាំ” ប្រសិនបើលទ្ធផលមិនដូចការរំពឹងទុកផងដែរ៕​

The post អ៊ីរ៉ង់ កំណត់លក្ខខណ្ឌចំនួនប្រាំមួយសម្រាប់ការបើកច្រកសមុទ្រ Hormuz ឡើងវិញ appeared first on .