នាថ្ងៃកម្មវិធីដ៏​នក្ខត្តប្ញក្សនេះផង​ដែរ អ្នកឧកញ៉ា លាង ឃុន ប្រធានក្រុមប្រឹក្សាភិបាល ក្រុមហ៊ុន ជីប ម៉ុង បានថ្លែងថា៖ “ខ្ញុំបាទមានជំនឿចិត្តយ៉ាងមុតមាំថា សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ នឹងទាក់ទាញភ្ញៀវជាតិ និងអន្តរជាតិមកពីគ្រប់ទិសទីមកទឹកដីកម្ពុជា​ ហើយសណ្ឋាគារដ៏ថ្មីស្រឡាងមួយនេះ បានត្រៀមរួចជាស្រេច ដើម្បីផ្តល់ជូននូវបដិសណ្ឋារកិច្ចដ៏ល្អឥតខ្ចោះ​សម្រាប់ភ្ញៀវទេសចរជាច្រើនពាន់នាក់នៅក្នុង ព្រឹត្តិការណ៍ស៊ីហ្គេម ២០២៣ នាពេលខាងមុខ ដែលនេះជាប្រយោជន៍ដ៏សំខាន់ក្នុងការចូលរួមបង្កើននិរន្តរភាពក្នុងវិស័យទេសចរណ៍ ដែលជាសសរស្តម្ភដ៏សំខាន់មួយនៃសេដ្ឋកិច្ចជាតិ។”

អ្នកឧកញ៉ា ក៏បានបន្ថែមទៀតថា ការនាំយកសណ្ឋាគារលំដាប់ពិភពលោកមួយនេះមកកម្ពុជា ដោយក្រុមហ៊ុនមាន ចក្ខុវិស័យវែងឆ្ងាយ និងឈរលើបន្ទាត់ស្របជាមួយរាជរដ្ឋាភិបាលក្នុងការជំរុញសក្ដានុពលវិស័យទេសចរណ៍ និងបដិសណ្ឋារកិច្ចនៅកម្ពុជា។

លោក  Jakob Helgen អនុប្រធានប្រចាំតំបន់ នៅប្រទេសថៃ វៀតណាម កម្ពុជា និងមីយ៉ាន់ម៉ា បានបញ្ជាក់ថា៖ “ខ្ញុំបាទមានសេចក្តីសោមនស្សរីករាយនិងមានទំនុកចិត្តយ៉ាងខ្លាំង ក្នុងការសហការជាមួយក្រុមហ៊ុន ជីប ម៉ុង នាំយកយីហោ ហ្វ៊ែរហ្វៀល បាយ ម៉ារៀត មកកម្ពុជា ហើយ ហ្វ៊ែរហ្វៀល បាយ ម៉ារៀត ភ្នំពេញ គឺជាសណ្ឋាគារដែលមានរចនាបថដ៏ប្រណិត និងស៊ីវិល័យតាមស្ដង់ដាអន្ដរជាតិ ដែលបានត្រៀមខ្លួនរួចជាស្រេចដើម្បីទទួលស្វាគមន៍ភ្ញៀវជាតិ និងអន្តរជាតិទាំងអស់។”

មានប្រសាសន៍ ក្នុងពិធីសម្ពោធសណ្ឋាគារ Fairfield by Marriott Phnom Penh នេះ ឯកឧត្តម បណ្ឌិត ហ៊ុន ម៉ាណែត ក៏បានសូមចូលរួមអបអរសាទរជាមួយថ្នាក់ដឹកនាំ និងបុគ្គលិក-និយោជិតទាំងអស់នៃក្រុមហ៊ុន ជីប ម៉ុង ចំពោះការសម្ពោធដាក់ឱ្យដំណើរការសណ្ឋាគារ Fairfield by Marriott Phnom Penh ដែលជាសណ្ឋាគារលំដាប់អន្តរជាតិដ៏ទំនើបប្រកបដោយសេវាកម្មសម្បូណ៌បែប ហើយអគារ Chip Mong Tower ក៏បានក្លាយទៅជានិមិត្តរូបដ៏លេចធ្លោ និងជាអត្តសញ្ញាណមួយថ្មីរបស់រាជធានីភ្នំពេញ។ 

ឯកឧត្តមបណ្ឌិត ថ្លែងថា៖“ស្របពេលដែលរាជរដ្ឋាភិបាលកំពុងចាត់ទុកការអភិវឌ្ឍធនធានមនុស្សជាអាទិភាពចម្បង ដើម្បីឆ្លើយតបទៅនឹងតម្រូវការទីផ្សារក្នុងពេលបច្ចុប្បន្ន និងអនាគត, វត្តមានរបស់សណ្ឋាគារ Fairfield by Marriott Phnom Penh លំដាប់អន្តរជាតិមួយនេះ គឺអាចនឹងចូលរួមពង្រឹងធនធានមនុស្សកម្ពុជា តាមរយៈការជំរុញការបណ្តុះបណ្តាលជំនាញវិជ្ជាជីវៈ, ការបណ្តុះបណ្តាលជំនាញថ្មី (Re-skilling) និងការបង្កើនចំណេះដឹងបន្ថែម (Upskilling) ដល់បុគ្គលិក-និយោជិតរបស់ខ្លួន តាមរយៈការផ្តល់ការគាំទ្រដល់សិស្ស-និស្សិត ដែលបានបញ្ចប់ការសិក្សាពីសាកលវិទ្យាល័យ ឬវិទ្យាស្ថានបណ្ដុះបណ្ដាលជំនាញវិជ្ជាជីវៈនានានៅកម្ពុជា ឱ្យទទួលបាននូវឱកាសការងារ ឬឱកាសចុះកម្មសិក្សា ដើម្បីទទួលបានចំណេះដឹង និងបទពិសោធន៍ជាលក្ខណៈស្តង់ដារអន្តរជាតិ។”

នាកិច្ចបញ្ចប់កម្មវិធីនេះ ឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ព្រមទាំងភ្ញៀវដែលចូលរួម បានផ្ដល់កិត្តិយសដ៏ខ្ពង់ខ្ពស់ក្នុងការដើរទស្សនកិច្ចបរិវេណសណ្ឋាគារ ដែលភ្ជាប់ទៅដោយផ្ទាំងទេសភាព និងសោភ័ណភាពនៃទីក្រុងទាំងមូល នៅជាន់អាងទឹកលើអាកាស របស់ហ្វ៊ែរហ្វៀល បាយ ម៉ារៀត ភ្នំពេញ។

គួរបញ្ជាក់ផងដែរថា សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ មានភ្ជាប់ទៅដោយ ៣០០​ បន្ទប់គេង អាងទឹកលើអាកាស សាលប្រជុំដ៏ប្រណីត ភោជនីយដ្ឋាន ស្កាយបារដ៏ទំនើប ដែលគ្របដណ្ដប់ ១៩ ជាន់ខាងលើនៃ អគារ ជីប ម៉ុង ថៅវើ មានកម្ពស់ ៤៥ ជាន់ ដែលជាអគារពាណិជ្ជកម្មចម្រុះស្ដង់ដារអន្តរជាតិ ស្ថិតនៅចំកណ្ដាលរាជធានី៕

The post ថ្នាក់ដឹកនាំ ក្រុមហ៊ុន ជីប ម៉ុង សម្ពោធជាផ្លូវការសណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ   appeared first on .

ក្នុងឪកាសអញ្ជើញជាអធិបតីនោះ ​ឯកឧត្តម ហ៊ុន ម៉ាណែត និងលោកជំទាវ អមដោយអ្នកឧកញ៉ាសហស្ថាបនិកក្រុមហ៊ុន ជីបម៉ុង រួមទាំងឥស្សរជន អ្នកឧកញ៉ាប្រមាណ ៨រូប អញ្ជើញកាន់កន្ត្រៃកាត់ខ្សែបូរសម្ពោធជាផ្លូវការ រួមមាន៖ អ្នកឧកញ៉ា ភាព ហៀក, អ្នកឧកញ៉ា លាង ឃុន, អ្នកឧកញ៉ា លាង ម៉េង និងថ្នាក់ដឹកនាំផ្ទាល់សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ​, អ្នកឧកញ៉ា លី យ៉ុងផាត់, អ្នកឧកញ៉ា ពុង ឃាវសែ ព្រមទាំងកូនប្រុសសម្តេចតេជោ ហ៊ុន​ សែន នាយករដ្ឋមន្រ្តីចំនួន ២រូប គឺឯកឧត្តម ហ៊ុន ម៉ានិត និងឯកឧត្តម ហ៊ុន ម៉ានី ជាដើម។

ក្រៅពីឥស្សរជន អ្នកឧកញ៉ាដែលអញ្ជើញកាន់ខ្សែបូរនោះ ក៏មានវត្តមានថ្នាក់ដឹកនាំ លោកជំទាវ អ្នកឧកញ៉ា ឧកញ៉ា អង្គទូត ធុរៈជនជាតិ និងអន្តរជាតិ ជាច្រើនរូប បានផ្ដល់កិត្តិយសអញ្ជើញចូលរួមអបអរសាទរនូវគម្រោងវិនិយោគក្នុងវិស័យបដិសណ្ឋារកិច្ចដែលមានតម្លៃខ្ទង់លានដុល្លារមួយនេះរបស់ក្រុមហ៊ុន ជីបម៉ុង គ្រុប។

សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ ដែលចេញពីក្រុមហ៊ុនអាជីវកម្មលំដាប់ពិភពលោក ម៉ារៀត អ៉ីនធើណេសិនណល ជាយីហោដ៏ល្បីពីប្រទេសអាមេរិច មានរចនាបថតាមស្ដង់ដារអន្តរជាតិ និងស្ថាបត្យកម្មដ៏ប្រណីតពោរពេញទៅដោយភាពប្រណីត និងស៉ីវីល័យ។

គួរបញ្ជាក់ផងដែរថា អគារ ជីប ម៉ុង ថៅវើ គឺជាអគារពាណិជ្ជកម្មចម្រុះស្ដង់ដារអន្តរជាតិ របស់ក្រុមហ៊ុនក្នុងស្រុក ជីប ម៉ុង ដែលស្ថិតនៅចំកណ្ដាលទីក្រុង មានចំណតរថយន្ត ៥ជាន់ ផ្សារទំនើប ៥ជាន់ ធនាគារ រោងកុនដ៏ធំ ព្រមទាំងមានការិយាល័យប្រណិតៗ និងកន្លែងផ្សេងៗទៀតសម្រាប់កម្សាន្តផងដែរ៕

The post ឥស្សរជន និងអ្នកឧកញ៉ារូបណាខ្លះកាន់កន្ត្រៃកាត់ខ្សែបូរសម្ពោធសណ្ឋាគារថ្មីរបស់ក្រុមហ៊ុនយក្ស ជីបម៉ុង appeared first on .

សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ គឺជាគម្រោងវិនិយោគអន្តរជាតិដ៏ធំ របស់ក្រុមហ៊ុន ជីប ម៉ុង ដើម្បីបម្រើជូនប្រជាជនកម្ពុជា និងភ្ញៀវទេសចរណ៍ នូវបទពិសោធន៍បដិសណ្ឋារកិច្ចកម្រិតស្តង់ដារពិភពលោក។ សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ ជាយីហោអាជីវកម្មលំដាប់ពិភពលោកដ៏ល្បីពីប្រទេសអាមេរិច មានរចនាបថតាមស្ដង់ដារអន្តរជាតិ និងស្ថាបត្យកម្មដ៏ប្រណីត រួមបញ្ចូលជាមួយគ្រឿងបរិក្ខារទំនើបៗ។ សណ្ឋាគារនេះ មាន ៣០០ បន្ទប់គេង អាងទឹកលើអាកាស សាលប្រជុំដ៏ប្រណីត ភោជនីយដ្ឋាន ស្កាយបារដ៏ទំនើប ដែលគ្របដណ្ដប់ ១៩ ជាន់ខាងលើនៃ អគារ ជីប ម៉ុង ថៅវើ មានកម្ពស់ ៤៥ ជាន់ ជាអគារដ៏ខ្ពស់មួយនៅកម្ពុជា។

Fairfield by Marriott Phnom Penh ជាសណ្ឋាគារលំដាប់ផ្កាយ៤ ដែលមានទីតាំងស្ថិតនៅតាមបណ្ដោយមហាវិថីសហព័ន្ធរុស្សី ក្បែរស្ពានអាកាសតិចណូ។ សណ្ឋាគារនេះ ស្ថិតនៅជាមួយអគារពាណិជ្ជកម្មចម្រុះ ជីប ម៉ុង ថៅវើ (Chip Mong Tower) ដែលជាអគារដ៏ខ្ពស់បំផុតមួយនៅក្នុងប្រទេសកម្ពុជា និងមានកម្ពស់រហូតដល់ ១៨៥ ម៉ែត្រ ស្មើនឹង ៤៥ ជាន់ និងវិនិយោគថវិកាអស់ប្រមាណជាង ២៣០ លានដុល្លារអាមេរិច។ 

ក្រៅពីមានសណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ នៅខាងក្នុងអគារ ជីប ម៉ុង ថៅវើ ដ៏ទំនើបស្កឹមស្កៃ និងសុីវិល័យដាច់គេនេះ ក៏មានការិយាល័យធ្វើការបែបទាន់សម័យ ផ្សារទំនើប រោងភាពយន្ត សាលប្រជុំដ៏ទំនើប អាងហែលទឹក និងក្លឹបហាត់ប្រាណ ភោជនីយដ្ឋាន ស្កាយបារ៍ និងកន្លែងកម្សាន្តដ៏សម្បូរបែបនៅក្នុងអគារតែមួយផងដែរ។

តើវត្តមានថ្នាក់ដឹកនាំ លោកជំទាវ អ្នកឧកញ៉ា ឧកញ៉ា ធុរៈជនជាតិ និងអន្តរជាតិ រូបណាខ្លះមានវត្តមានក្នុងកម្មវិធី សម្ពោធសណ្ឋាគារលំដាប់ផ្កាយ៤ Fairfield by Marriott Phnom Penh នាព្រឹកនេះ ? 

The post អ្នកឧកញ៉ា និងឧកញ៉ាៗ ណាខ្លះមានវត្តមានក្នុងកម្មវិធីសម្ពោធសណ្ឋាគារលំដាប់អន្តរជាតិ ក្រុមហ៊ុន ជីប ម៉ុង?  appeared first on .

ថវិកាសរុប ១លានដុល្លារអាមេរិក អ្នកឧកញ៉ា ភាព ហៀក អ្នកឧកញ៉ា លាង​ ឃុន សហស្ថាបនិកក្រុមហ៊ុន ជីបម៉ុង គ្រុប ឧបត្ថម្ភ ៥០ម៉ឺនដុល្លារ និងអ្នកឧកញ៉ា​ លី យ៉ុងផាត់ អគ្គនាយកក្រុមហ៊ុន វ៉ាយអិលភី គ្រុប បរិច្ចាគថវិកាចំនួន ៥០ម៉ឺនដុល្លារ។

សូមជម្រាបជូនបន្តិចថា គណៈយុទ្ធមិត្តបម្រើកងទ័ពឆ្នាំ១៩៧៨ មានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ជាប្រធានកិត្តិយស។ មែនទែនទៅ អង្គភាព ១២៥ ជាអង្គភាពកងទ័ពដំបូង នៃរណសិរ្សសាមគ្គីសង្គ្រោះជាតិ ដែលត្រូវបានបង្កើតឡើងដោយសម្តេចតេជោ ហ៊ុន សែន នៅថ្ងៃទី១២ ខែឧសភា ឆ្នាំ១៩៧៨៕

The post អ្នកឧកញ៉ាថៅកែក្រុមហ៊ុន ជីបម៉ុង និង L.Y.P Group បរិច្ចាគទឹកប្រាក់ ១លានដុល្លារជូនមូលនិធិតេជោ១២៥ appeared first on .

អាចនិយាយបានថាដោយសារកត្តាវ័យ និងការពង្រីកមុខជំនួញផងនោះ អ្នកឧកញ៉ា ឧកញ៉ាម្ចាស់អាណាចក្រជំនួញប្រាក់ពាន់លានទាំងនោះបានបញ្ចេញអ្នកបន្តវេនមកជាបន្តបន្ទាប់ដើម្បីមកគ្រប់គ្រង និងសិក្សារៀនសុត្របន្ថែម មុនពេលចូលនិវត្តន៍ពីការរកស៊ីក្នុងពិភពជំនួញនៅប្រទេសកម្ពុជា។

សារព័ត៌មានឧកញ៉ាញូស៍នៅអត្ថបទនេះនឹងអធិប្បាយបង្ហាញពីអ្នកបន្តវេនរបស់ក្រុមហ៊ុនគ្រាក់ៗកំពុងក្តោបសេដ្ឋកិច្ចកម្ពុជាចំនួន ៤ក្រុមហ៊ុនរបស់អ្នកឧកញ៉ា ឧកញ៉ាជើងចាស់ចំនួន ៤រូប ដូចខាងក្រោម៖

១/ ក្រុមហ៊ុន វឌ្ឍនៈ គ្រុប

អាណាចក្រជំនួញនេះបង្កើត និងដឹកនាំដោយអ្នកឧកញ៉ា សំ អាង ជាប្តី និងអ្នកឧកញ៉ា ឈុន លាង ជាភរិយា ដែលជាអ្នករកស៊ីដ៏មានឥទ្ធិពលមួយរូបក្នុងប្រទេសកម្ពុជា។ អ្នកឧកញ៉ាទាំងពីរបានពង្រីកមុខជំនួញស្ទើគ្រប់វិស័យដូចជា អចលនទ្រព្យ ធនាគារ ឧស្សាហកម្ម និងការផលិតភេសជ្ជៈជាដើម។

បច្ចប្បន្នអ្នកឧកញ៉ា សំ អាង បានបញ្ចេញសមាសភាពអ្នកបន្តវេនជាកូនប្រុសស្រីបង្កើតមកដឹកនាំមុខជំនួញក្នុងតួនាទីសំខាន់ៗ រួមមាន៖ លោកស្រី សំអាង កាន្និកា ជាសហស្ថាបនិក និងជានាយកមិនប្រតិបត្តិ នៃក្រុមប្រឹក្សាភិបាល​ធនាគារ​វឌ្ឍនៈ, អ្នកឧកញ៉ា សំអាង វឌ្ឍនៈ នាយកប្រតិបត្តិ​ក្រុមហ៊ុន វឌ្ឍនៈ ប្រូវើរី និងលោកស្រី សំអាង លក្ខិណា នាយក​ផ្នែក​អភិវឌ្ឍន៍​អាជីវកម្ម​នៃ​ក្រុមហ៊ុន​ វឌ្ឍនៈ ប្របភើធី អិល​ធីឌី។

២/ ក្រុមហ៊ុន ជីបម៉ុង គ្រុប

សាជីវកម្ម ជីបម៉ុង កំពុងមានឥទ្ធិលពលដ៏ខ្លាំងខ្លាមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូលហើយ។ ថ្នាក់ដឹកនាំកំពូលៗក្រុមហ៊ុន ជីប ម៉ុង សុទ្ធតែកើតចេញមកពីចង្កោមគ្រួសារ អ្នកឧកញ៉ា ភាព ហៀក ជាម្តាយបង្កើត ជាបិតានៃក្រុមហ៊ុន ជីបម៉ុង គ្រុប។

ដោយសារកត្តាវ័យ គួបផ្សំការអប់រំខ្ពស់របស់កូនប្រុសស្រី អ្នកឧកញ៉ា ភាព ហៀក បានតែងតាំងកូនៗជាថ្នាក់ដឹកនាំដឹកនាំសម្ព័ន្ធជីបម៉ុង គ្រុប ដូចជា៖  អ្នកឧកញ៉ា លាង ឃុន ប្រធានអគ្គនាយកក្រុមហ៊ុន ជីប ម៉ុង, អ្នកឧកញ៉ា លាង ម៉េង អគ្គនាយក ជីប ម៉ុង, លោកស្រី តែ សុវណ្ណី អគ្គនាយិកា ក្រុមហ៊ុន ជីប ម៉ុង ត្រេឌីង, ឧកញ៉ា លាង ហេនរី អគ្គនាយក ក្រុមហ៊ុន ជីបម៉ុង លែន, ឧកញ៉ា លាង ពៅ (ភីធើ) អគ្គនាយក ក្រុមហ៊ុនខ្មែរ ប៊ែវើរីជីស, លោកស្រី គីម ចាន់ណា អគ្គនាយិការងជាន់ខ្ពស់ ជីប ម៉ុង គ្រុប, និងលោកស្រី លី សុខឆេង អគ្គនាយិការផ្សារទំនើប ជីបម៉ុង។

៣/ ក្រុមហ៊ុន វ៉ាយអិលភី គ្រុប

អ្នកឧកញ៉ា លី យ៉ុងផាត់ ជាសេដ្ឋីលំដាប់កំពូលមួយរូបនៅកម្ពុជា ដែលក្ដោប​​ក្ដាប់​អា​ណាចក្រជំនួញ​ធំៗ​ជាពហុវិស័យ ​នៅ​​ក្នុង​រាជធានីភ្នំពេញ និង​បណ្តា​ខេត្ត​មួយ​ចំនួនលើវិស័យ អចលនទ្រព្យ សណ្ឋាគារ និងបដិសណ្ឋារកិច្ច ស្ថានីយទូរទស្សន៍ កាស៊ីណូ និងផ្សារបោះដុំជាដើម។ អ្នកឧកញ៉ា លី យ៉ុងផាត់​ បច្ចុប្បន្នបញ្ចេញកូនប្រុសបង្កើតមកដឹកនាំក្រុមហ៊ុន វ៉ាយអិលភី គ្រុប គឺឧកញ៉ា​ លី ឆូកឆៃ និងកូនប្រសារម្នាក់ ឧកញ៉ា សេង ញ៉ក់ កំពុងកាន់តួនាទីជានាយកប្រតិបត្តិ និងនាយកប្រតិបត្តិក្រុមហ៊ុនស្ករភ្នំពេញ​ ហើយក៏ជាអគ្គនាយកក្រុមហ៊ុន ដឹ ព្រេមៀលែន ឯ.ក។

៤/ ក្រុមហ៊ុន ទ្រីភាព​ គ្រុប

ជាអ្នកជំនួញក្នុងប្រទេសកម្ពុជា ដែលបានក្តោបក្តាប់តំបន់សេដ្ឋកិច្ចសំខាន់ៗ ព្រមទាំងមានភាពធន់រឹងមាំរាប់ទស្សវត្សរ៍មកហើយ អ្នកឧកញ៉ា ទ្រី ភាព ក៏ល្បីខ្ទរទ្ទាលើជំនួញដឹកឈើចេញទៅក្រៅប្រទេសទៀតផង។ ដើម្បីគ្រប់គ្រងអាណាចក្រជំនួញបន្តវេន លោកបានដាក់កូនប្រុសស្រីក្នុងតួនាទីគ្រាក់ៗកាន់ដំណែងដឹកនាំសាជីវកម្ម ទ្រីភាព គ្រុប គឺឧកញ៉ា ទ្រី ដាលុច និងអ្នកស្រីឧកញ៉ា ទ្រី ដាលីន ដូចជាគ្នានោះ លោកក៏បានតែងតាំងភរិយាជាថ្នាក់ដឹកនាំកំពូលផងដែរ​ គឺអ្នកឧកញ៉ា សុខ​ ស្រីនាង។

លោក ទ្រី​ ដាលុច គឺជាយុវវ័យកើតក្រោយសម័យប៉ុលពត ស្ថិតក្នុងត្រកូលគ្រួសារអភិជនមួយនៅកម្ពុជាដែល្បីល្បាញក្នុងពិភពជំនួញ។ ទ្រី ដាលុច ជាកូនប្រុសទី១ ស្ថិតក្នុងចំណោមបងប្អូន៥នាក់របស់អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប។

បច្ចុប្បន្នលោកឧកញ៉ា ជាខ្សែប្រយុទ្ធដ៏សំខាន់ក្នុងក្រុមហ៊ុនរបស់អ្នកឧកញ៉ា ទ្រី ភាព ខណៈលោកកាន់ដំណែងជាអគ្គនាយករងក្រុមហ៊ុន ទ្រី ភាព គ្រុប។ តាមប្រភពច្បាស់ការមួយបង្ហើបឲ្យដឹងថា ឧកញ៉ា ទ្រី ដាលុច គឺជាអ្នកស្នងដំណែងរបស់អ្នកឧកញ៉ា ទ្រី ភាព ក្នុងការដឹកនាំក្រុមហ៊ុន ស្របពេលលោកកំពុងដើរតាមដានជើងលោកឪពុកទាំងវិថីជំនួញ និងកិច្ចការងារសង្គម៕ សូមរង់ចាំតាមដានអត្ថបទអធិប្បាយភាគទី២

The post ​ក្រុមហ៊ុនមានឥទ្ធិពលគ្រាក់ៗ ៤ កំពុងតែងតាំងកូនប្រុសស្រីដឹកនាំមុខជំនួញប្រាក់ពាន់លាន appeared first on .

នៅក្នុងពិធីបើកលក់ជាផ្លូវការនេះ លោកឧកញ៉ា លាង ហេនរី អគ្គនាយក ក្រុមហ៊ុន ជីប ម៉ុង លែន បានមាន​ប្រសាសន៍ថា «វីឡា ឃីង ម៉េនន័រ» គឺជាសមិទ្ធផល ដ៏សំខាន់មួយ ដែលបានឆ្លុះបញ្ចាំងអំពីកិច្ចខិតខំប្រឹង​ប្រែង​របស់ក្រុមហ៊ុនក្នុងការសិក្សាយ៉ាងហ្មត់ចត់អំពីតម្រូវការនៃការរស់នៅបែបថ្មីៗរបស់អតិថិជន បូកផ្សំ​នឹងគំនិតច្នៃប្រឌិត ឈរលើបទពិសោធជាង ៤០ឆ្នាំរបស់ ជីប ម៉ុង ក្នុងវិស័យសំណង់ ដែលផ្តល់ជូន​លំនៅឋាន គុណភាពខ្ពស់កម្រិតស្តង់ដារ ជាទីទុកចិត្ត ។

«វីឡា ឃីង ម៉េនន័រ» គឺជាវីឡាទោលមានចំនួនកំណត់ និងមានតែនៅក្នុងគម្រោង ២ ធំៗប៉ុណ្ណោះនោះគឺ គម្រោងហ្គ្រេនភ្នំពេញស៊ីធី និង គម្រោងលែនម៉ាក 60 ម៉ែត្រ ដែលសុទ្ធសឹងតែជាសហគមន៍រស់នៅទំនើប មានសក្តានុពល និងជាបណ្ដុំលំនៅឋានប្រណីត បែបអភិជនខ្ពង់ខ្ពស់។

«វីឡា ឃីង ម៉េនន័រ» មានបន្ទប់គេងចំនួន ៨ រួមជាមួយសាលស្វាគមន៍ភ្ញៀវធំទូលាយ សាលទទួលភ្ញៀវ​បែបផ្លូវការ សាលទទួលទានអាហារ និងសាលជួបជុំគ្រួសារដ៏កក់ក្តៅ។ បន្ថែមពីនេះទៀត វីឡានេះមាន​បន្ទប់​ពហុមុខងារពិសេសៗចំនួន ៦ ដូចជា បន្ទប់ធុរកិច្ច បន្ទប់កម្សាន្ត & ភាពយន្ត បន្ទប់បណ្ណាល័យ បន្ទប់ហាត់ប្រាណ បន្ទប់សក្ការ និង បន្ទប់ពិសារតែ ដែលផ្តល់ជូនបរិយាកាសថ្មី ។

ការផ្តល់ជូនពិសេសពីធនាគា ជីប ម៉ុង ប៊ែង សម្រាប់ឱកាសបើកលក់ជាផ្លូវការនេះ ដោយអតិថិជន និង​ទទួលបានការអត្រាការប្រាក់ខ្ពស់រហូតដល់ 7.5% មិនធ្លាប់មាន ជាមួយការដាក់ប្រាក់បញ្ញើរជាមួយ ជីប ម៉ុង ប៊ែង ។

ដើម្បីស្វែងយល់បន្ថែមអំពី «វីឡា ឃីង ម៉េនន័រ» សូមអញ្ជើញអតិថិជនទាក់ទងផ្នែកលក់តាមរយៈលេខទូរស័ព្ទ 𝟎𝟔𝟏 𝟗𝟗𝟕 𝟖𝟖𝟖 ឬតាមប្រព័ន្ធតេឡេក្រាម t.me/chipmongland និងតាមដានទំព័រហ្វេសប៊ុក www.facebook.com/chipmongland ដើម្បីទទួលបានព័ត៌មានថ្មីៗពី ជីប ម៉ុង លែន ៕

The post វីឡាអភិជនថ្មី «ឃីង ម៉េនន័រ» របស់ ជីប ម៉ុង លែន បានបើកលក់ជាផ្លូវការហើយ appeared first on .

ចំពោះតម្លៃជាក់លាក់ពេលដឹកមកដល់កម្ពុជា មិនទាន់មានប្រភពបញ្ជាក់ច្បាស់នៅឡើយទេ តែសម្រាប់តម្លៃនៅសហរដ្ឋអាមេរិកឧទ្ធម្ភាគចក្រ Bell 429 ស៊េរីឆ្នាំ ២០២១ មានចាប់ពី ៧,៥លានដុល្លារឡើង។

ការបញ្ជាទិញឧទ្ធម្ភាគចក្រ Bell 429 ដ៏ទំនើបនេះត្រូវបានអ្នកឧកញ៉ា លាង ម៉េង សហស្ថាបនិក ប្រធានក្រុមអគ្គនាយកក្រុមហ៊ុន ជីប ម៉ុង បញ្ជាក់ថា៖ «ដើម្បីបម្រើតម្រូវការនៃពាណិជ្ជកម្មរបស់ក្រុមហ៊ុន ជីប ម៉ុង ដែលកំពុងរីកលូតលាស់ទៅមុខឥតឈប់ឈររៀងរាល់ថ្ងៃ»។

ជីប ម៉ុង ជាក្រុមហ៊ុនវិនិយោគដោយជនជាតិខ្មែរ ១០០ភាគរយ ដែលមានឥទ្ធិលពលដ៏ខ្លាំងខ្លាមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូលហើយ។

ក្រុមហ៊ុនខ្មែរសុទ្ធសាធមួយនេះ មានឥទិ្ធពល កំពុងមានឈ្មោះបោះសំឡេងលើវិថីជំនួញ ដោយបានបង្កើតក្រុមហ៊ុនធំៗប្រមាណ១២ និងមានក្រុមហ៊ុន រោងចក្រ ជាបុត្រសម្ព័ន្ធជាច្រើនទៀត។ ក្រុមហ៊ុននេះ ក៏មានដៃគូទំនាក់ទំនងពាណិជ្ជកម្មនៅទូទាំងពិភពលោក ដូចជា ទ្វីបអាមេរិក ទ្វីបអឺរ៉ុប និងទ្វីបអាស៊ី ដែលគ្រងទ្រព្យសម្បត្តិប្រមាណ រាប់ពាន់លានដុល្លារសហរដ្ឋអាមេរិក៕

The post តើក្រុមហ៊ុន ជីបម៉ុង គ្រុប ទិញ ឧទ្ធម្ភាគចក្រតម្លៃប៉ុន្មាន? appeared first on .

ការចុះហត្ថលេខា ត្រូវបានធ្វើឡើងរវាងលោក Ang Kiem Meng អគ្គនាយក និងក្រុមប្រឹក្សាភិបាល​នៃ​ក្រុមហ៊ុនJumbo Seafood និង លោក Arnaud Dufresne អគ្គនាយកនៃក្រុមហ៊ុន Chip Mong Retail។

Jumbo seafood គឺជាភោជនីយដ្ឋានគ្រឿងសមុទ្រដែលល្បីឈ្មោះបំផុតនៅប្រទេសសិង្ហបុរី និង នៅអាស៊ី នឹងបើកដំណើរការភោជនីយដ្ឋានដំបូងរបស់ខ្លួននៅផ្សារទំនើបជីបម៉ុង ២៧១ មេហ្គាម៉ល។

បើតាមប្រសាសន៍ អគ្គនាយកក្រុមហ៊ុន Jumbo Seafood លោក Ang Kiem Meng «ខ្ញុំ ជឿជាក់យ៉ាងមុតមាំ ទៅលើ ក្រុមហ៊ុន Chip Mong Retail ចំពោះ ចក្ខុវិស័យ យុទ្ធសាស្រ្តទីផ្សារ ការគ្រប់គ្រង និង ការយល់ច្បាស់​នៃតម្រូវ​ការ​អតិថិជន។ ខ្ញុំប្រាកដ និងមានទស្សនៈវិជ្ជមានយ៉ាងខ្លាំង ក្នុងការជ្រើសរើស ក្រុមហ៊ុន Chip Mong Retail ជាដៃគូពាណិជ្ជកម្ម នឹងធ្វើអោយ Jumbo seafood ជោគជ័យនៅប្រទេសកម្ពុជា»។

គួរបញ្ជាក់ថា ការចុះអនុស្សារណៈនៃការយោគយល់នេះ មានការចូលរួមពីក្រុមប្រឹក្សាភិបាល​ក្រុមហ៊ុនជីបម៉ុង​គ្រុប ថ្នាក់ដឹកនាំនៃក្រុមហ៊ុនជីបម៉ុងរីថែល ថ្នាក់ដឹកនាំនៃក្រុមហ៊ុន Jumbo Seafood និងអ្នកតំណាងពីស្ថានទូត​សិង្ហបុរី​ផងដែរ។

The post ភោជនីយដ្ឋានគ្រឿងសមុទ្រល្បីបំផុតនៅអាស៊ី នឹងបើកដំណើរការនៅផ្សារទំនើបជីបម៉ុង២៧១ appeared first on .

នៅក្នុងឱកាសទទួលបានជោគជ័យក្នុងការសិក្សា ហើយទទួលសញ្ញាបត្រនាពេលនេះ ដើម្បីអបអរសាទរដល់កូនប្រុសស្រីលោក ម៉ឹង មករា ឃើញមានវត្តមានមហាសេដ្ឋីទាំងពីររបស់ក្រុមហ៊ុន ជីប ម៉ុង គ្រុប រួមទាំងឥស្សរជន មន្រ្តីជាន់ខ្ពស់រាជរដ្ឋាភិបាលកម្ពុជា ទៅចូលរួមអបអរសាទរដោយផ្ទាល់នៅប្រទេសអង់គ្លេសតែម្តង ក្នុងនោះរួមមាន៖ អ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង គ្រុប អ្នកឧកញ៉ា លាង ម៉េង ប្រធានអគ្គនាយកក្រុមហ៊ុន ជីប ម៉ុង គ្រុប ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ និងនាយ​ឧ​ត្ត​ម​សេនីយ៍ ម៉ឹង សំផន រដ្ឋលេខាធិការ​ក្រសួងការពារជាតិ ជាដើម។

យ៉ាងណា តាមរយៈទំព័រហ្វេសបុកដដែល លោក ម៉ឹង មករា ដែលត្រូវជា​កូនប្រុស​នាយ​ឧ​ត្ត​ម​សេនីយ៍ ម៉ឹង សំផន  បានថ្លែងយ៉ាងដូច្នេះថា៖ «អបអរសាទរកូនៗ! អរគុណលោកតា លោកយាយ ដែលស្រលាញ់ចៅៗពេញពីបេះដូង»៕

The post គ្រួសារមហាសេដ្ឋី ជីបម៉ុង ទៅចូលរួមអបអរសាទរកូនលោក ម៉ឹង មករា ទទទួលសញ្ញាបត្រនៅអង់គ្លេស appeared first on .

លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា នៅក្នុងសន្និសីទជាតិ ស្តីពីទីផ្សារមូលបត្រកម្ពុជា «មួយទសវត្សរ៍នៃការអភិវឌ្ឍន៍ទីផ្សារមូលបត្រកម្ពុជា និងដំណើរឆ្ពោះទៅមុខ» កាលពីថ្ងៃទី១៦ ខែឧសភាម្សិលមិញបានលើកឡើងថា៖ «ខ្ញុំគិតថាពេលនេះក្រុមហ៊ុនធំៗ បាននិងកំពុងសម្លឹងមើលទីផ្សារមូលបត្រ ជាក់ស្ដែងកាលពីប៉ុន្មានខែមុននេះ ខ្ញុំទើបនឹងបានជួបពិភាក្សាជាមួយធនាគារ ជីប ម៉ុង អំពីគម្រោងចូលរួមជាមួយវិស័យមូលបត្រនេះឯង។ ក្រុមហ៊ុនធំៗ ចាប់ផ្ដើមសម្លឹងលើវិស័យមូលបត្រម្ដងមួយៗ ដោយសារតែការវិនិយោគបោះផ្សាយលើវិស័យមូលបត្រ ជាការវិនិយោគដែលចំណេញ»។

បើតាមលោក ស៊ូ សុជាតិ ប៉ុន្មានឆ្នាំទៅមុខទៀតនឹងធ្វើឲ្យទំហំជួញដូរប្រចាំថ្ងៃកាន់តែច្រើនថែមទៀត សម្រាប់ឆ្នាំនេះ ផ្សារមូលបត្រកម្ពុជាទទួលបានការជួញដូរ១លានដុល្លារក្នុងមួយថ្ងៃ។ ជាក់ស្ដែង ធនាគារ អេស៊ីលីដា ការជួញដូរបានកើនលើស៤៥លានដុល្លារក្នុងមួយថ្ងៃ ទាំងនេះជាការបញ្ជាក់ពីលទ្ធភាពនៃ ការធ្វើបានរបស់ផ្សារមូលបត្រកម្ពុជា ហើយកត្តាទាំងអស់នេះ ដែលបញ្ជាក់ឲ្យក្រុមហ៊ុនធំៗឃើញ និងទាក់ទាញមកចូលទីផ្សារមូលបត្រ ដោយបញ្ជាក់ថា បើក្រុមហ៊ុនត្រូវការទឹកប្រាក់ ឲ្យសមនឹងក្រុមហ៊ុនរបស់ខ្លួន ផ្សារមូលបត្រកម្ពុជាអាចរ៉ាបរងបាន។

ទន្ទឹមនឹងនោះ លោក ហុង សុហួរ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃផ្សារមូលបត្រកម្ពុជា បានលើកឡើងថា ផ្សារមូលបត្រកម្ពុជារំពឹងថា ក្រុមហ៊ុនធំៗនៅកម្ពុជា នឹងអាចបោះជំហានមកចូលក្នុងទីផ្សារមូលបត្រនាពេលអនាគត បច្ចុប្បន្នមិនទាន់មានក្រុមហ៊ុនធំៗចូលមក ដោយសារតែផ្សារមូលបត្រនៅមានទំហំតូច ការលក់ភាគហ៊ុនមានតិចតួចៗនៅឡើយ ហើយការបោះផ្សាយលក់ម្ដងៗ មានត្រឹមតែជាង២០លានដុល្លារប៉ុណ្ណោះ។

លោកបន្តថា បច្ចុប្បន្នផ្សារមូលបត្រមានក្រុមហ៊ុនចុះបញ្ជី១៦ ដែលក្រុមហ៊ុន៩ បានចុះបញ្ជីជាភាគហ៊ុន និង៧ទៀត បានចុះបញ្ជីជាសញ្ញបណ្ណហើយក្រុមហ៊ុនទាំង១៥នេះ បានកៀរគរទុនពីទីផ្សារមូលបត្រប្រមាណជា១.១២២ប៊ីលានរៀល (២៨១លានដុល្លារ)។

លោកគូសបញ្ជាក់ថា ពិតមែនតែទីផ្សារកម្ពុជា មានទំហំតូច បើប្រៀបធៀបនឹងប្រទេសជិតខាង តែទំហំជួញដូរមានការកើនឡើងយ៉ាងខ្លាំងចាប់ពីឆ្នាំ២០១៩មក ដែលក្នុងឆ្នាំ ២០១៨ និងឆ្នាំមុនៗនោះ ទំហំជួញដូរប្រចាំថ្ងៃ មានប្រមាណជាង ១០០លានរៀល (២ម៉ឺនដុល្លារ) ឬតិចជាងនេះ ហើយកើនឡើងដល់ប្រមាណ ៦៣០លានរៀល (ជិត១៦ម៉ឺនដុល្លារ ក្នុងឆ្នាំ ២០១៩ តែបានធ្លាក់ចុះបន្តិចមកត្រឹមប្រមាណ ៤៧០លានរៀល (ជាង១១ម៉ឺនដុល្លារ) ក្នុងឆ្នាំ ២០២០ ដោយតែការមកដល់នៃជំងឺកូវីដ១៩។

លោកបញ្ជាក់បន្ថែមថា ក្នុងឆ្នាំ២០២១ ដោយសារតែប្រសិទ្ធភាព និងភាពវៃឆ្លាត នៃការគ្រប់គ្រងស្ថានការណ៍បានល្អ ពីសំណាក់រាជរដ្ឋាភិបាល កម្ពុជាបានត្រលប់ទៅរកផ្លូវកំណើនឡើងវិញហើយ ដោយទំហំជួញដូរបានកើនដល់ជាង១ប៊ីលានរៀល (២៧ម៉ឺនដុល្លារ) ហើយក្នុងរយៈពេល ៤ខែដំបូងនៃឆ្នាំ ២០២២នេះ យើងបានសម្រេចបានលទ្ធផលគួរឲ្យភ្ញាក់ផ្អើល ដោយទំហំជួញដូរ បានកើនឡើងដល់ជាង ៤ប៊ីលានរៀល (១លានដុល្លារ) ក្នុង១ថ្ងៃ ដោយសារតែមានសកម្មភាពជួញដូរច្រើន លើភាគហ៊ុន អេស៊ីលីដា៕

The post សម្ព័ន្ធក្រុមហ៊ុន ជីប ម៉ុង គ្រុប បង្ហើបគម្រោងចូលរួមក្នុងទីផ្សារមូលបត្រកម្ពុជា appeared first on .