លោក សង្កត់ធ្ងន់ថា “ជាវិធានការបន្ទាន់ដើម្បីជួយកាត់បន្ថយសម្ពាធលើថ្លៃស្រូវនៅតាមវាលស្រែ ក្រសួងកសិកម្មបានសហការជាមួយនឹងក្រសួងសេដ្ឋកិច្ចនិងហិរញ្ញវត្ថុ ក្រសួងពាណិជ្ជកម្ម ធនាគារARDB អាជ្ញាធរថ្នាក់ក្រោមជាតិ និងសហព័ន្ធស្រូវអង្ករកម្ពុជា តាមរយៈការផ្ដល់ប្រាក់កម្ចីពិសេសឱ្យរោងម៉ាស៊ីនដៃគូជួយទិញស្រូវសើមដល់វាល ព្រមទាំងបានដាក់ពង្រាយមន្ត្រីទាំងថ្នាក់ជាតិនិងថ្នាក់ក្រោមជាតិឱ្យជួយសម្របសម្រួលរកម្ចាស់រោងម៉ាស៊ីនទិញស្រូវ និងរករថយន្តដឹកឱ្យទាន់ពេលវេលា។ គោលដៅចម្បងនៃការអន្តរាគមន៍ទាំងនេះ គឺដើម្បីជួយស្តារថ្លៃស្រូវឱ្យបានកើនឡើងវិញមួយកម្រិត និងបញ្ចៀសការកកស្ទះការប្រមូលផលរបស់ប្រជាកសិករនៅតាមទីវាល”។

លោកលើកឡើងថា ជាដំណោះស្រាយនៅរដូវកាលក្រោយៗ ក្រសួងកំពុងជំរុញលើកទឹកចិត្តឱ្យប្រជាកសិករងាកមកចូលរួមជាមួយសហគមន៍កសិកម្មទំនើប ដើម្បីរាជរដ្ឋាភិបាលអាចមានលទ្ធភាពអាចជួយទ្រទ្រង់ជាដើមទុនស្តារសមត្ថភាពផលិតកម្មឡើងវិញ តាមរយៈការផ្តល់កម្ចីការប្រាក់ទាប ការជួយកាត់បន្ថយថ្លៃដើម និងការងាកមកចាប់យកការធ្វើកសិកម្មតាមកិច្ចសន្យា ដែលជាមធ្យោបាយដ៏មានប្រសិទ្ធភាពក្នុងការការពារកសិករពីបញ្ហាវិបត្តិថ្លៃដូចពេលបច្ចុប្បន្ន។ គួរបញ្ជាក់ថា កសិករដែលបានចូលរួមក្នុងសហគមន៍កសិកម្មទំនើបក្នុងរដូវកាលនេះ មិនបានជួបបញ្ហាធ្លាក់ថ្លៃដូចអ្នកនៅក្រៅសហគមន៍ឡើយ ដោយហេតុថារោងម៉ាស៊ីនដៃគូនៅតែបន្តទទួលទិញក្នុងថ្លៃខ្ពស់ដែលបានព្រមព្រៀងក្នុងកិច្ចសន្យាពីដើមរដូវ៕

The post វិធានការបន្ទាន់ជួយកាត់បន្ថយសម្ពាធលើថ្លៃស្រូវនៅតាមវាលស្រែ គឺផ្ដល់ប្រាក់កម្ចីពិសេសឱ្យរោងម៉ាស៊ីនដៃគូជួយទិញស្រូវសើមពីកសិករ appeared first on .

ចំណែកស្រូវពូជ OM ៥៤៥១ ស្រូវ IR ជាដើមមានតម្លៃចន្លោះពី ៧៥០ ទៅ ៨២៥ រៀលមួយគីឡូ ជាតម្លៃមិនល្អបើធៀបទៅចុងឆ្នាំ ២០២៣ និងដើមឆ្នាំ ២០២៤ តែប្រហាក់ប្រហែលតម្លៃកាលមុនឆ្នាំ ២០២៣។នេះបើតាមលោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។

លោក យ៉ង សាំងកុមារ បានឱ្យដឹងថា មូលហេតុនៃបម្រែបម្រួលតម្លៃស្រូវពូជ OM ស្រូវ IR និងស្រូវអង្ករសធម្មតាមួយចំនួនទៀត ព្រោះនៅខែកក្កដា ២០២៣ ឥណ្ឌាជាប្រទេសដែលនាំអង្ករចេញធំជាងគេលើពិភពលោក (ប្រមាណជាង ២០ លានតោនមួយឆ្នាំ) បានផ្អាកការនាំអង្ករសធម្មតាដែលគុណភាពប្រហែលពូជស្រូវ OM និង IR ដោយសារការបារម្ភណ៍ពីសន្តិសុខស្បៀងក្នុងប្រទេស។

ការផ្អាកការនាំចេញនេះបាននាំឱ្យនៅលើទីផ្សារពិភពលោកខ្វះអង្ករដែលជាស្បៀងសំខាន់សម្រាប់ ៥០% នៃប្រជាជនលើពិភពលោក។កត្តានេះបានធ្វើឱ្យតម្លៃអង្ករបាយសធម្មតាឡើងថ្លៃខុសធម្មតាមិនធ្លាប់មាន គឺឡើងរហូតដល់ជាង ៦០០ដុល្លារ ក្នុងមួយតោនដែលតាមធម្មតា តម្លៃជាមធ្យមតែជាង ៤០០ដុល្លារ ក្នុងមួយតោន ឬជួនកាលធ្លាក់មកក្រោម ៤០០ដុល្លារ ក្នុងមួយតោន។

លោកបន្តថា តម្លៃអង្ករសធម្មតា (FOB បាក់ ៥%) នាំចេញដោយវៀតណាមបានឡើងថ្លៃចាប់ពីខែកក្កដា ២០២៣ គឺនៅពេលឥណ្ឌាផ្អាកការនាំចេញ និងឡើងដល់ជាង ៦៣០ដុល្លារនៅខែធ្នូ ២០២៣។

ក្រោយខែកញ្ញា ២០២៤ នៅពេលឥណ្ឌាចាប់ផ្តើមបើកការនាំចេញ តម្លៃអង្ករសនាំចេញដោយវៀតណាមបានធ្លាក់ចុះយ៉ាងលឿនមកនៅក្រោម ៥០០ ដុល្លារមួយតោន ហើយបន្តធ្លាក់ខ្លាំងនៅខែមករា ២០២៥។នៅដើមខែមករា ២០២៥ តម្លៃអង្ករសធ្លាក់មកនៅត្រឹមតែ ៤៣០ដុល្លារក្នុងមួយតោន តែនៅខ្ពស់ជាងនៅខែមករា ២០២២ (៣៩៦ដុល្លារ ក្នុងមួយតោន)។

សូមបញ្ជាក់ថា ខណៈពេលដែល​ តម្លៃស្រូវកំពុងតែប្រែប្រួលធ្លាក់ចុះនោះ រាជ​រដ្ឋាភិបាល​កម្ពុជាតាមរយៈធនាគារអភិវឌ្ឍជនបទ និងកសិកម្ម (ARDB) ក៏បាន​សម្រេចទ​ម្លាក់​ថវិកា​រចំនួន​៣០​លាន​ដុល្លា​រអា​ម៉េ​រិកបន្ថែមទៀត ដើម្បីផ្តល់ជាទុនវិនិយោគដល់រោងម៉ាស៊ីន ក្នុងការទិញស្រូវពីកសិករ ដែល​ធ្វើឱ្យចំនួន​ថវិកា​ ដែល​បាន​ប​ញ្ចេញ​ស​រុប​លើវិស័យស្រូវអង្ករនេះ កើនឡើងដល់ជាង២០០លានដុល្លារអាម៉េរិក៕

The post លោក យ៉ង សាំងកុមារ ប្រាប់ពីមូលហេតុនៃការប្រែប្រួលតម្លៃស្រូវចន្លោះចុងឆ្នាំ ២០២៣, ២០២៤ និងខែមករា ២០២៥ appeared first on .

លោកលើកឡើងបែបនេះ តាមរយៈវីដេអូបង្ហាញដោយក្រសួងកសិកម្ម នៅថ្ងៃទី៣០ ខែកញ្ញា ឆ្នាំ២០២៤ដើម្បីឆ្លើយតបទៅនឹងព័ត៌មានមួយចំនួនដែលថាស្រូវមានបញ្ហាទីផ្សារ ធ្លាក់ចុះយ៉ាងខ្លាំង។

ក្នុងនោះ លោក ឃឹម ហ្វីណង់ បានឱ្យដឹងថា បើសិនប្រៀបធៀបនឹងខែកញ្ញាដូចគ្នាក្នុងឆ្នាំកន្លងទៅ ថ្លៃស្រូវជាធម្យមនៅក្នុងឆ្នាំនេះស្ថិតក្នុងកម្រិតធម្មតានៅឡើយ។ ដែលក្នុងនោះ ថ្លៃស្រូវសែនក្រអូបខ្ពស់ជាងឆ្នាំមុនបន្តិច ហើយចំណែកឯស្រូវ OM ទាបជាងឆ្នាំមុនបន្តិចវិញ។

លោកបន្តថា ទោះបីជាមិនបានថ្លៃខ្ពស់ដូចករណីពិសេសកាលពីឆ្នាំ២០២៣ក៏ដោយ តែក៏នៅតែជាតម្លៃមួយសមរម្យ ដែលកសិករអាចទទួលបាននូវប្រាក់ចំណេញ ហើយនៅតែខ្ពស់ជាងថ្លៃស្រូវកាលពីខែកញ្ញា ឆ្នាំ២០២០ ឆ្នាំ២០២១ និងឆ្នាំ២០២២ផងដែរ។

លោកក៏បានបន្ថែមថា ដោយឡែកយើងក៏ឃើញមានបញ្ហាស្រូវធ្លាក់ថ្លៃទាបជាងថ្លៃមធ្យមផងដែរ នៅកន្លែងមួយចំនួនទៅតាមកម្រិតនៃគុណភាពស្រូវដូចជា ករណីស្រូវមិនទាន់ទុំល្អ ស្រូវសើមខ្លាំង ដែលប្រញាប់ច្រូតដោយសារតែមានការព្រួយបារម្ភពីកត្តាទឹកជំនន់ ការចង់បញ្ចប់នូវការប្រមូលផលឱ្យបានមុនបុណ្យភ្ជុំមកដល់ជាដើម។ស្រូវមានគុណភាពប្រភេទបែបនេះ គឺទទួលបានថ្លៃទាបជាងស្រូវស្តង់ដាររហូតដល់ទៅ២០% តែទោះជាយ៉ាងណាក៏ដោយក៏មិនមែនជាករណីទូទៅនោះទេ។

លោក ឃឹម ហ្វីណង់ បានគូសបញ្ជាក់ថា ទោះជាយ៉ាងនេះក្តី ក្រសួងកសិកម្ម រុក្ខាប្រមាញ់ និងនេសាទ តាមរយៈមន្រ្តីកសិកម្មឃុំ អាជ្ញាធរមូលដ្ឋាន ក៏បានត្រៀមខ្លួនរួចជាស្រេច ដើម្បីរង់ចាំដោះស្រាយបញ្ហាជូនបងប្អូនប្រជាកសិករដែលជួបបញ្ហាថ្លៃស្រូវទៅតាមគុណភាពជាក់ស្តែងរបស់ស្រូវផងដែរ។

បើតាមឈ្មួញទិញស្រូវក្នុងខេត្តពោធិ៍សាត់ បាត់ដំបង លោក វី ឡៃ បានឱ្យដឹងផងដែរថា តម្លៃស្រូវមុនភ្ជុំបិណ្ឌ និងអំឡុងពេលភ្ជុំបិណ្ឌ គឺមានការធ្លាក់ចុះឆ្ងាយ បើធៀបនឹងឆ្នាំមុន។លោកថា បើគិតត្រឹមថ្ងៃទី២៩ កញ្ញា តម្លៃស្រូវ ១គីឡូ ចន្លោះពី១០២០រៀល ទៅ១០៥០រៀល (សម្រាប់ស្រូវស្រង៉ែ) ចំណែកប្រភេទស្រូវបីខែ(ស្រង៉ែស្រាល) និង OM ១គីឡូ តម្លៃចន្លោះ ៩០៨០ ទៅ១០០០រៀល។

លោកបានបន្តថា តម្លៃស្រូវចុះនេះមិនមែនមិនមានអ្នកទិញនោះទេ ដោយសារកសិករច្រូតច្រើនពេក បណ្តាលឱ្យរកឡសម្ងួតមិនបាន រោងម៉ាស៊ីនក្នុងស្រុកឈប់សម្រាក។ម្យ៉ាងទៀត គុណភាពស្រូវឆ្នាំនេះ ក៏មានការធ្លាក់ចុះជាងឆ្នាំមុន ផងដែរ ដូចជា ច្រូតស្រូវនៅសើមជាដើម។

លោក វី ឡៃ បានបន្ថែមថា តម្លៃស្រូវឆ្នាំនេះហើយនឹងឆ្នាំមុន ខុសតម្លៃគ្នាឆ្ងាយ ពោលឆ្នាំមុនតម្លៃជាង១២០០រៀល ក្នុងមួយគីឡូក្រាម ប៉ុន្តែឆ្នាំនេះតម្លៃត្រឹមតែចន្លោះ១០០០រៀល ទៅ១១០០រៀលប៉ុណ្ណោះ ក្នុងមួយគីឡូក្រាម។​​

តែទោះបីជាយ៉ាងណា ក៏លោកបញ្ជាក់ថា កសិករនៅតែអាចទទួលផលចំណេញបាន មិនមានការខាតដើមនោះទេ តែគ្រាន់តែចំណេញតិចជាងឆ្នាំមុនប៉ុណ្ណោះ។ឧទាហរណ៍ ស្រូវដែលប្រើពូជសុទ្ធ ក្នុងមួយហិកតា អាចប្រមូលផលបាន៥តោន លក់បាន៥លានរៀល ក្នុងនោះអាចចំណេញបាន២លានរៀល។

បើតាមឈ្មួញរូបនេះ បានអះអាងថា តម្លៃស្រូវពេលក្រោយភ្ជុំបិណ្ឌហើយ ថ្លៃមិនក្រោម១០០០រៀលនោះទេ​ ក្នុងមួយគីឡូក្រាម ចំពោះស្រូវគុណភាព៕

The post លោក ឃឹម ហ្វីណង់៖ ថ្លៃស្រូវនៅឆ្នាំនេះនៅតែស្ថិតក្នុងកម្រិតធម្មតា និងអាចផ្តល់ប្រាក់ចំណេញដល់កសិករ appeared first on .

លោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងនៅលើទំព័រហ្វេសប៊ុកផ្ទាល់ខ្លួនកាលពីថ្ងៃទី៣០ ខែមករាថា តម្លៃស្រូវនៅតែល្អសម្រាប់កសិករ ទោះជាមានការធ្លាក់ចុះបន្តិចក្នុងចុងខែមករា ឆ្នាំ២០២៤ បើធៀបនឹងដើមខែ។

បើតាមរបាយការណ៍ប្រៀបធៀបតម្លៃស្រូវក្នុងខែមករា ឆ្នាំ២០២២, ២០២៣, និង២០២៤ របស់សហព័ន្ធស្រូវអង្ករកម្ពុជា បានបង្ហាញឱ្យដឹងថា ប្រភេទស្រូវ IR ឆ្នាំ២០២២ មានតម្លៃ ៨១៨រៀល ក្នុងមួយគីឡូក្រាម, ស្រូវសែនក្រអូប មានតម្លៃ ១០២០រៀល និងប្រភេទស្រូវ OM5451 មានតម្លៃ ៨២០រៀល ក្នុងមួយគីឡូក្រាម។ ចំណែកឆ្នាំ២០២៣ ប្រភេទស្រូវ IR មានតម្លៃ ១០១០រៀល , ស្រូវសែនក្រអូប ១១៨០រៀល ក្នុងមួយគីឡូក្រាម និងស្រូវ OM5451 មានតម្លៃ ១០១០រៀល។សម្រាប់ឆ្នាំ២០២៤ ប្រភេទស្រូវ IR មានតម្លៃ ១២៣០រៀល, ស្រូវសែនក្រអូប តម្លៃ១២០០រៀល និងប្រភេទស្រូវ OM5451 មានតម្លៃ ១១២០រៀល ក្នុងមួយគីឡូក្រាម។

ពាក់ព័ន្ធនឹងតម្លៃស្រូវនេះលោក វី ឡៃ ឈ្មួញទិញស្រូវពីខេត្តពោធិ៍សាត់ និងខេត្តបាត់ដំបង បានឱ្យដឹងផងដែរថា នៅខែមករា ដើមឆ្នាំ២០២៣នេះ តម្លៃស្រូវមានការប្រែប្រួលតិចតួច កាលពីចុងឆ្នាំ ២០២៣ ស្រូវមួយគីឡូតម្លៃ១៣០០រៀល ប៉ុន្តែបច្ចុប្បន្នតម្លៃចន្លោះពី១១៧០រៀលទៅ ១២០០រៀលក្នុងមួយគីឡូក្រាម ទៅតាមប្រភេទស្រូវ។លោកបន្តថា តម្លៃស្រូវចុះថ្លៃនេះ ដោយសារអង្ករក៏ចុះថ្លៃផងដែរ។ចំណែកការនាំចេញស្រូវវិញមិនមានជាបញ្ហាចោទនោះទេ ពោលនៅតែមានទីផ្សារល្អទាំងនៅតាមរោងម៉ាស៊ីនក្នុងស្រុក និងការនាំចេញទៅក្រៅស្រុកដូចជាប្រទេសវៀតណាមជាដើម៕

The post តម្លៃស្រូវនៅតែល្អសម្រាប់កសិករ ទោះជាមានការធ្លាក់ចុះបន្តិចនៅចុងខែមករា appeared first on .

នៅក្នុងឱកាសនោះ សម្តេចធិបតី អបអរសាទរជាមួយប្រជាកសិករ ដែលតម្លៃស្រូវនាឆ្នាំនេះ មានតម្លៃល្អ បើប្រៀបធៀបនឹងឆ្នាំមុន។ ដោយតម្លៃស្រូវឆ្នាំនេះ មានតម្លៃចាប់ពី ១,០០០ ទៅ ១,៣០០រៀល ក្នុងមួយគីឡូក្រាម ខណៈឆ្នាំមុន មានតម្លៃត្រឹមតែ ៨០០ ទៅ ១,០០០រៀលតែប៉ុណ្ណោះ។ហើយគួបផ្សំជាមួយនឹងការធ្លាក់ចុះនៃតម្លៃវត្ថុធាតុដើមដូចជា ជី ថ្នាំកសិកម្មមួយចំនួន។

សម្ដេចធិបតី មានប្រសាសន៍ថា តាមរយៈតម្លៃស្រូវនាឆ្នាំនេះមានតម្លៃល្អ ហើយតម្លៃវត្ថុធាតុដើមមួយចំនួន មានការថយចុះតម្លៃផងនោះ នឹងអាចជួយប្រជាកសិករ អាចរកចំណូលបានសមរម្យផងដែរ។

ជាមួយគ្នានោះ សម្តេចធិបតីនាយករដ្ឋមន្រ្តី បានលើកឡើងថា «វាមិនសំខាន់រឿងតម្លៃលក់តែមួយទេ វាសំខាន់ផងដែរទៅលើតម្លៃផលិត មានន័យថាតើកសិករសល់លុយប៉ុន្មាន បើផលិតផលថ្លៃពេក ការផលិតមានតម្លៃថ្លៃ ទោះបីលក់ថ្លៃយ៉ាងណា ក៏នៅសល់តិចដែរ។អ្វីដែលសំខាន់គឺរាជរដ្ឋាភិបាលបានដាក់ចេញនូវគោលនយោបាយអនុគ្រោះ និងលើកទឹកចិត្តជាច្រើន គឺធ្វើយ៉ាងណាកាត់បន្ថយ ដើម្បីរក្សារការប្រកួតប្រជែង។បើអីចឹងពេលដែលតម្លៃលក់បានកាន់តែច្រើន ចំណូលបានកាន់តែច្រើន ហើយតម្លៃទាបក្នុងការផលិត រួមជាមួយការខិតខំក្នុងការកាត់បន្ថយថ្លៃដឹកជញ្ជូន យើងគិតថាអាចធ្វើឱ្យផលិតផលកសិកម្មរបស់យើងកាន់តែប្រកួតប្រជែង»។

សម្តេចធិបតី បានបន្តថា ទីផ្សារកសិកម្មវាមិនខុសទីផ្សារផលិតផលផ្សេងទេ គឺមានការប្រកួតប្រជែងច្រើន។វិស័យកសិកម្មត្រូវតែធ្វើទំនើបកម្មជាប្រចាំ ដើម្បីបង្កើនផលិតភាព កាត់បន្ថយតម្លៃ។

ឆ្លៀតក្នុងឱកាសនោះ សម្តេចធិបតីក៏បានជំរុញឱ្យផ្នែកពាក់ព័ន្ធសហការគ្នាចូលរួមអភិវឌ្ឍន៍ និងលើកកម្ពស់លើវិស័យកសិកម្មផ្ទៃក្នុងកម្ពុជា ដើម្បីឈានទៅប្រកួតប្រជែងនៅកម្រិតតំបន់ និងពិភពលោកផងដែរ៕

The post សម្តេចធិបតី ហ៊ុន ម៉ាណែត៖ មិនសំខាន់រឿងកសិករលក់ស្រូវបានថ្លៃនោះទេ អ្វីដែលសំខាន់កសិករសល់លុយប៉ុន្មាន? appeared first on .

លោក យ៉ង សាំងកុមារ បានឱ្យដឹងថា ការប្រមូលស្រូវរដូវវស្សាសំខាន់បន្ទាប់ទៀតគឺនៅខែវិច្ឆិកា និងខែធ្នូ ២០២៣ នេះ ដែលការប្រមូលផលលើផ្ទៃដីសរុបប្រមាណ ២,១ លានហិកតា និងផលរំពឹងសរុបប្រមាណ ៦,៣០ លានតោន។ជាមួយគ្នានោះ កម្ពុជារំពឹងប្រមូលផលស្រូវរដូវវស្សារសរុបបានរហូតដល់ ៩, ៣ លានតោន គឺលើសរដូវវស្សាឆ្នាំ ២០២២ ប្រមាណ ០,៦ លានតោន។

លោក បានបន្តថា តម្លៃស្រូវផ្ការំដួលបច្ចុប្បន្នជាមធ្យម ១៣០០ រៀលក្នុង ១ គីឡូក្រាម គឺខ្ពស់ជាងឆ្នាំ២០២២ជាមធ្យមប្រមាណ ២០០ រៀលឬស្មើនឹងប្រមាណ ១៨ ភាគរយ។តែតម្លៃនេះ អាចមានការប្រែប្រួលដោយសារការប្រមូលផលនឹងមានការកើនឡើងខ្លាំងចាប់ពីសប្តាហ៍ក្រោយ។តែទោះជាយ៉ាងណាក៏ដោយ តម្លៃស្រូវនៅតែល្អជាងឆ្នាំ ២០២២ កន្លងមក។ទាក់ទងការប្រែប្រួលកម្លៃនេះ ក្រសួងក៏កំពុងតាមដានការគ្រប់គ្រងការប្រមូលផល ដើម្បីសម្របសម្រួលឲ្យកសិករទទួលបានតម្លៃល្អសមរម្យផងដែរ។

បើតាមឈ្មួញទិញស្រូវពីខេត្តពោធិ៍សាត់ និងខេត្តបាត់ដំបង មួយរូប បានឱ្យដឹងថា បច្ចុប្បន្នប្រជាកសិករកំពុងប្រមូលផលស្រូវរដូវវស្សា ដែលភាគច្រើនរួមមាន ប្រភេទស្រូវផ្កាម្លិះ និងស្រូវផ្ការំដួល។ស្រូវពីរប្រភេទនេះ មានតម្លៃចន្លោះ១៣០០រៀល ទៅ១៤០០រៀល ក្នុងមួយគីឡូក្រាម។

លោកបន្តថា ការប្រមូលផលស្រូវវស្សាក្នុងឆ្នាំ២០២៣នេះ មានចំនួនច្រើនជាងឆ្នាំ២០២២ ហើយតម្លៃក៏នៅតែបន្តខ្ពស់ និងងាយស្រួលនៅក្នុងការលក់ផងដែរ។

បើតាមឈ្មួញកណ្តាលខាងលើ «តាំងពីចាប់ផ្តើមប្រមូលផលស្រូវវស្សាដល់បច្ចុប្បន្ននេះ លោកនាំចូលក្នុងរោងម៉ាស៊ីនក្នុងស្រុកបានជាង១០០០តោនហើយ។ដែលការនាំចេញនេះ គ្រាន់តែក្នុងក្រុមហ៊ុន រោងម៉ាស៊ីនក្នុងស្រុកប៉ុណ្ណោះ ចំណែកការនាំចេញទៅកាន់ប្រទេសវៀតណាម លោកមិនបាននាំចេញទេ ព្រោះស្រូវផ្កាម្លិះ ផ្ការំដួល ក្រុមហ៊ុនក្នុងស្រុកទទួលទិញច្រើន តម្លៃសមរម្យ និងងាយស្រួលក្នុងការលក់ផងដែរ»។

ឈ្មួញកណ្តាលរូបនេះ ក៏បានប៉ាន់ស្មានថា នៅពាក់កណ្តាលខែវិច្ឆិកា ឬខែធ្នូ ខាងមុខ តម្លៃស្រូវវស្សាអាចនឹងមិនមានការប្រែប្រួល ឬប្រែប្រួលក្នុងតម្លៃតិចតួចប៉ុណ្ណោះ ព្រោះស្រូវស្ថិតនៅក្នុងតម្លៃថ្លៃ មានលំនឹងនៅឡើយ៕

The post កម្ពុជា កំពុងប្រមូលផលស្រូវវស្សាបានច្រើន និងតម្លៃល្អជាងឆ្នាំមុន appeared first on .

លោក ប៉ែន វណ្ណឬទ្ធី ប្រធានមន្ទីកសិកម្មខេត្តកំពង់ធំ បានឱ្យដឹងថា រហូតមកដល់ពេលនេះស្រូវផ្ការំដួលមិនទាន់ដល់ការប្រមូលផលនោះទេ មានតែប្រភេទពូជស្រូវមិនប្រកាន់រដូវ ដូចជាពូជ 5451ជាដើម ដែលសព្វថ្ងៃមានតម្លៃ ១០៦០រៀល ក្នុងមួយគីឡូក្រាម។

លោក បន្តថា ស្រូវឆ្នាំនេះមានតម្លៃល្អ គ្រប់ខេត្តទាំងអស់ ទោះបីជាមានភ្លៀងធ្លាក់យ៉ាងណាក៏ដោយ។

បើតាមលោក វី ឡៃ ជាឈ្មួញកណ្តាលទិញស្រូវពីខេត្តពោធិ៍សាត់ និងខេត្តបាត់ដំបង បានឱ្យដឹងថា ស្រូវឆ្នាំនេះពិតជាងាយស្រួលក្នុងការលក់ ធ្វើឱ្យកសិករសប្បាយចិត្តនឹងការប្រមូលផល។បច្ចុប្បន្នទោះបីជាមានភ្លៀងធ្លាក់ញឹកញាប់ ក៏មិនមែនជាបញ្ហានោះទេ ស្រូវនៅតែមានតម្លៃថ្លៃ ពោលចន្លោះពី១២៥០ រៀល ទៅ១៣០០រៀល ក្នុងមួយគីឡូក្រាម សម្រាប់ស្រូវផ្កាម្លិះ ហើយប្រភេទស្រូវផ្សេងៗមានតម្លៃប្រហាក់ប្រហែលគ្នាឬលើសគ្នាតិចតួចចន្លោះពី៥ទៅ១០រៀល ប៉ុណ្ណោះ ក្នុងមួយគីឡូក្រាម។

លោក បន្តថា ឥឡូវនេះ ស្រូវមានទីផ្សារទាំងរោងម៉ាស៊ីនក្នុងស្រុក ក៏ដូចជាប្រទេសវៀតណាមមានការស្រួលលក់ ដែលធ្វើឱ្យកសិករ ក៏ដូចជាឈ្មួញកណ្តាល មានការសប្បាយចិត្តដែរ នៅពេលមិនមានការបង្អាប់តម្លៃស្រូវ។

ចំណែកអ្នកស្រី លី ស៊ីណា កសិករម្នាក់នៅខេត្តពោធិ៍សាត់ បានលើកឡើងថា តម្លៃស្រូវចាប់ពីខែសីហា មក មានភាពល្អប្រសើរមែនទែន បើធៀបនឹងឆ្នាំមុន ដោយឆ្នាំនេះ ស្រូវសើមដែលលក់ទៅកាន់ឈ្មួញកណ្តាលតម្លៃមធ្យមក្នុងមួយគីឡូក្រាម មានតម្លៃ១២០០រៀល សម្រាប់ស្រូវសុមាលី, ស្រូវ អ៊ីអ៊ែ តម្លៃ១២៥០រៀល ស្រូវ OM ១២០០រៀល ចំណែកស្រូវស្រងែ មានតម្លៃ១១៤០រៀល ក្នុងមួយគីឡូក្រាម។

អ្នកស្រី បានបញ្ជាក់បន្ថែមថា «តម្លៃនេះមានការឡើងចុះតិចតួចប្រហែលជា៥ទៅ១០រៀលប៉ុណ្ណោះ ក្នុងមួយគីឡូក្រាម ដែលធ្វើឱ្យកសិករមានការសប្បាយចិត្តនឹងប្រមូលផល ទោះបីជាមានភ្លៀងធ្លាក់ជោគជាំ ប៉ុន្តែមិនមែនជារឿងចម្លែកទេ ព្រោះរដូវនេះជារដូវប្រមូលផលស្រូវខុសរដូវ អ្វីដែលជារឿងចម្លែកនោះគឺតម្លៃថ្លៃជាងឆ្នាំមុនៗ»៕

The post តម្លៃស្រូវនៅតែល្អប្រសើរ ទោះបីជាការប្រមូលផលជួបបញ្ហាទឹកភ្លៀងក៏ដោយ appeared first on .

អ្នកស្រី លី ស៊ីណា កសិករធ្វើស្រែក្នុងខេត្តពោធិ៍សាត់ បានឱ្យដឹងថា មួយរយៈមកនេះឈ្មួញទិញស្រូវ ក៏ដូចជារោងម៉ាស៊ីនក្នុងស្រុក ចាប់ផ្តើមទិញស្រូវពីកសិករច្រើនក្នុងតម្លៃ១ ០៩០រៀល ទៅ១២០០រៀល ក្នុងមួយគីឡូក្រាម។អ្នកស្រីបន្តថា ការដែលឈ្មួញក៏ដូចជារោងម៉ាស៊ីនទទួលទិញក្នុងបរិមាណច្រើនឡើងវិញ ធ្វើឱ្យគ្រួសារអ្នកស្រីក៏ដូចជាប្រជាកសិករធ្វើស្រែ មានភាពសប្បាយរីករាយ និងមានកម្លាំងចិត្តបន្ថែមទៀត។

បើតាមឈ្មួញទិញស្រូវខេត្តបាត់ដំបង និងខេត្តពោធិ៍សាត់ម្នាក់ បានឱ្យដឹងថា តម្លៃស្រូវមានការធ្លាក់ថ្លៃបន្តិចបន្តួចមួយរយៈ គឺដោយសារវៀតណាមមិនទទួលទិញ ឬទិញក្នុងតម្លៃមួយមិនច្បាស់លាស់ ធ្វើឱ្យប្រជាកសិកររារែក មិនហ៊ានលក់ចេញ ដែលធ្វើឱ្យឈ្មួញក៏ដូចជារោងម៉ាស៊ីនក្នុងស្រុកមិនសូវហ៊ានទិញចូលច្រើនផងដែរ។លោកបានបន្ត ប៉ុន្តែមួយរយៈក្នុងអំឡុងពេលបិទការបញ្ជាទិញពីវៀតណាម ពោលចាប់ពីថ្ងៃទី០៣កញ្ញាមក រោងម៉ាស៊ីនក្នុងស្រុកក៏ចាប់ផ្តើមទទួលទិញច្រើនឡើងវិញ ក្នុងតម្លៃមួយអាចទទួលយកបានផងដែរ ដោយមួយគីឡូតម្លៃ ១២០០រៀលឡើង ទៅតាមប្រភេទស្រូវ។

លោក បានបន្តទៀតថា ការទទួលទិញពីរោងម៉ាស៊ីនក្នុងស្រុកមួយចំនួននេះ ជាការស្វែងរកដំណោះស្រាយ ក៏ដូចជាការទប់ស្កាត់ពីការធ្លាក់តម្លៃស្រូវជូនប្រជាកសិករ ហើយក៏ធ្វើឱ្យពួកគាត់សប្បាយចិត្តឡើងវិញ។ ក្នុងនោះ លោក អាចលក់ទៅក្នុងរោងម៉ាស៊ីន ប្រមាណ៥០០តោន ក្នុងមួយថ្ងៃផងដែរ។

ជាមួយគ្នានោះ បើតាមម្ចាស់រោងម៉ាស៊ីនកិនស្រូវ មួយកន្លែងនៅក្នុងខេត្តព្រៃវែង បានឱ្យដឹងផងដែរថា រោងម៉ាស៊ីនក្នុងក្រុងស្រុកមួយចំនួនចាប់ផ្តើមទិញស្រូវក្នុងបរិមាណច្រើនពីប្រជាកសិករឡើងវិញ តួយ៉ាងរោងម៉ាស៊ីនកិនស្រូវរបស់លោកផ្ទាល់ អំឡុងពេលតម្លៃស្រូវធ្លាក់ថ្លៃខ្លាំង លោកទិញតែ១០០តោនក្នុងមួយថ្ងៃប៉ុណ្ណោះ ប៉ុន្តែចាប់ពីថ្ងៃទី០៨កញ្ញាមក លោកទិញក្នុងបរិមាណ៥០០តោន ក្នុងមួយថ្ងៃ។

លោកបន្តថា ការប្រមូលទិញពីប្រជាកសិករក្នុងបរិមាណ៥០០តោន ក្នុងមួយថ្ងៃនេះ គឺដើម្បីផលិតជាអង្ករនាំចេញក្នុងស្រុក និងនាំចេញទៅក្រៅស្រុក និងសម្រាប់ស្តុកទុកផងដែរ។

គួរឱ្យដឹងផងដែរថា សហព័ន្ធស្រូវអង្ករកម្ពុជា បានគូសបញ្ជាក់កាលពីពេលថ្មីៗនេះថា នៅក្នុងស្ថានភាពពេលបច្ចុប្បន្ននេះ តម្លៃស្រូវសើមមនៅវាលស្រែ មានការធ្លាក់ចុះបន្តិចមកត្រឹមចន្លោះ ១០៩០ ទៅ១ ២៥០រៀល ក្នុងមួយគីឡូក្រាម ទៅតាមប្រភេទស្រូវ។ តម្លៃបច្ចុប្បន្ននេះ គឺស្ថិតនៅក្នុងស្ថានភាពមួយដែលកសិករនៅមានផលចំណេញបង្គួរ ពីផលិតកម្មដំណាំស្រូវនៅឡើយ។ ដើម្បីផលប្រយោជន៍របស់ប្រជាកសិករ សហព័ន្ធស្រូវអង្ករកម្ពុជា តាមរយៈសមាជិកទាំងអស់ ដែលជារោងម៉ាស៊ីនកិនស្រូវ គឺបាននិងកំពុងខិតខំប្រមូលទិញស្រូវពីប្រជាកសិករ ដើម្បីកុំឱ្យមានជនឆ្លៀតឱកាស កេងចំណេញលើតម្លៃដែលធ្វើឱ្យបងប្អូនកសិករយល់ច្រឡំនិងខូចប្រយោជន៍យូរអង្វែងរបស់ខ្លួនផងដែរ៕

The post កសិករមានការសប្បាយចិត្ត ក្រោយឈ្មួញទិញស្រូវ និងរោងម៉ាស៊ីនក្នុងស្រុក សម្រុកទិញស្រូវពីប្រជាកសិករឡើងវិញ appeared first on .

សហព័ន្ធស្រូវអង្ករកម្ពុជា បានឱ្យដឹងថា ស្ថានភាពតម្លៃស្រូវអង្ករនៅលើទីផ្សារអន្តរជាតិ និងតម្លៃស្រូវនៅក្នុងប្រទេសកម្ពុជា ដែលមួយរយៈនេះមានការកើនឡើងដែលមិនធ្លាប់មាន គឺតម្លៃស្រូវស្រាលមិនប្រកាន់រដូវប្រភេទ អ៊ូអឹម ៥៤៥១,ប្រភេទស្រងែស្រាល,ប្រភេទអ៊ីអ៊ែ,និងប្រភេទស្រូវសែនក្រអូប ដែលបានចាប់ផ្តើមប្រមូលផលពីចុងខែកក្កដា និងបន្តរហូតដល់ចុងខែកញ្ញាខាងមុខនេះ។ប្រសិនបើប្រៀបធៀបនឹងឆ្នាំ២០២២ មានការប្រែប្រួលប្រមាណ៤០% គឺពីមុនតម្លៃមធ្យម៩០០រៀល ក្នុងមួយគីឡូក្រាម ឡើងដល់១ ៣០០រៀល ក្នុងមួយគីឡូក្រាម នៅវាលស្រែ និងតម្លៃ ១ ៥០០រៀល ក្នុងមួយគីឡូក្រាម នៅព្រំដែនប្រទេសវៀតណាម។

សហព័ន្ធស្រូវអង្ករកម្ពុជា បានបន្តថា នៅក្នុងកំឡុងពេលនៃការហក់ឡើងនៃតម្លៃស្រូវ សហព័ន្ធស្រូវអង្ករកម្ពុជា និងស្ថាប័នពាក់ព័ន្ធ បានខិតខំជម្រុញឱ្យកសិករលក់ស្រូវ និងសម្រួលដល់ការដឹកជញ្ជូននិងនាំចេញស្រូវទៅប្រទេសជិតខាង ព្រោះវាជាឱកាសល្អសម្រាប់កសិករទទួលបានប្រាក់ចំណេញខ្ពស់ពីផលិតកម្មដំណាំស្រូវរបស់ខ្លួន។ប៉ុន្តែស្ថានភាពនៃការឡើងថ្លៃនេះ គឺជាដំណាក់កាលរយៈពេលខ្លីតែប៉ុណ្ណោះ ហើយស្ថានភាពតម្លៃស្រូវបាននិងកំពុងត្រឡប់មកជាធម្មតាវិញស្របពេលដែលតម្លៃទីផ្សារអង្ករអន្តរជាតិបានវិលមករកភាពប្រក្រតីវិញ គឺតម្លៃអង្ករបានធ្លាក់ចុះមកត្រឹមប្រមាណ ៥៨០ដុល្លារ ក្នុងមួយតោន សម្រាប់អង្ករស។

បើតាមសហព័ន្ធស្រូវអង្ករកម្ពុជា នៅក្នុងស្ថានភាពពេលបច្ចុប្បន្ននេះ តម្លៃស្រូវសើមនៅវាលស្រែ មានការធ្លាក់ចុះបន្តិចមកត្រឹមចន្លោះ ១០៩០ ទៅ១ ២៥០រៀល ក្នុងមួយគីឡូក្រាម ទៅតាមប្រភេទស្រូវ។ តម្លៃបច្ចុប្បន្ននេះ គឺស្ថិតនៅក្នុងស្ថានភាពមួយដែលកសិករនៅមានផលចំណេញបង្គួរ ពីផលិតកម្មដំណាំស្រូវនៅឡើយ។ដើម្បីផលប្រយោជន៍របស់ប្រជាកសិករ សហព័ន្ធស្រូវអង្ករកម្ពុជា តាមរយៈសមាជិកទាំងអស់ ដែលជារោងម៉ាស៊ីនកិនស្រូវ គឺបាននិងកំពុងខិតខំប្រមូលទិញស្រូវពីប្រជាកសិករ ដើម្បីកុំឱ្យមានជនឆ្លៀតឱកាស កេងចំណេញលើតម្លៃដែលធ្វើឱ្យកសិករយល់ច្រឡំ និងខូចប្រយោជន៍យូរអង្វែងរបស់ខ្លួនផងដែរ។

គូរបញ្ជាក់ថា ការឡើងថ្លៃស្រូវនេះ គឺដោយសារ ការផ្អាកនាំអង្ករសរបស់ប្រទេសឥណ្ឌា និងប្រទេសភូមាជាដើម ដើម្បីសិក្សាឱ្យច្បាស់ពីផលប៉ះពាល់បណ្តាលមកពីឥទ្ធិពលនៃកម្តៅ រាំងស្ងួត អ៊ែលនីនូលើផលិតកម្មស្រូវ និងសន្តិសុខស្បៀងរបស់ប្រទេសខ្លួន។ហើយប្រទេសដែលពឹងផ្អែកលើការនាំចូលអង្ករ មានការភ័យខ្លាចពីឥទ្ធិពល អ៊ែលនីនូនេះដែរ ក៏សម្រុកទិញស្រូវអង្ករទាំងបង្ខំ ជាហេតុធ្វើឱ្យតម្លៃស្រូវ និងអង្ករលើទីផ្សារ ជាពិសេសក្នុងតំបន់អាស៊ីកើនឡើងយ៉ាងគំហុក ពោលកើនពីតម្លៃជាង៥០០ដុល្លារ ទៅជាង៧០០ដុល្លារ ក្នុងមួយតោន ដែលកត្តាទាំងនេះ ធ្វើឱ្យមានតម្រូវការស្រូវខ្ពស់សម្រាប់កែច្នៃនាំចេញរបស់ប្រទេសជិតខាង ដែលតែងមកទិញស្រូវពីកម្ពុជា ស្របពេលដែលប្រទេសកម្ពុជាចាប់ផ្តើមប្រមូលផលស្រូលស្រាលដើមរដូវរស្សាមុនប្រទេសក្បែរខាងផងដែរ៕

The post សហព័ន្ធស្រូវអង្ករកម្ពុជា៖ តម្លៃស្រូវបច្ចុប្បន្ន ស្ថិតក្នុងស្ថានភាពមួយដែលកសិករនៅមានផលចំណេញបង្គួរ ពីផលិតកម្មដំណាំស្រូវនៅឡើយ appeared first on .

ពាក់ព័ន្ធនឹងតម្លៃស្រូវប្រែប្រួលនេះ បើតាមរយៈទំព័រហ្វេសប៊ុកផ្ទាល់ខ្លួនលោក យ៉ង សាំងកុមា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី០៧ ខែកញ្ញា បានឱ្យដឹងថា ស្ថានភាពតម្លៃស្រូវនៅតែល្អសម្រាប់កសិករនាពេលបច្ចប្បន្ននេះ ជាពិសេសបើធៀបទៅនឹងឆ្នាំ  ២០២២ ក្នុងពេលវេលាដូចគ្នា (តម្លៃនៅខ្ពស់ជាង ១០០០ រៀលក្នុងមួយគីឡូ ដែលឆ្នាំទៅចន្លោះពី ៨០០ ទៅ ៩០០ រៀលក្មុងមួយគីឡូសម្រាបពូជ OM) បើទោះបីជារយ:ពេល ២ ឬ ៣ ថ្ងៃចុងក្រោយនេះមានការធ្លាក់ថ្លៃបន្តិចបន្តួចនៅតាមតំបន់មួយចំនួនក៏ដោយ។ ម្យ៉ាងវិញទៀតឈ្មួញទិញលក់ទៅវៀតណាមនៅតែបន្តចូលមកទិញស្រូវដូចធម្មតា ហើយរោងម៉ាស៊ីនក្នុងស្រុកក៏នៅបន្តទិញស្រូវដែរ។

លោកបន្តថា យើងកំពុងធ្វើការណែនាំដល់កសិករឲ្យទុកស្រូវឲ្យបានទុំល្អចាំច្រូត ដើម្បីទទួលបានតម្លៃល្អ ហើយរោងម៉ាស៊ីនក៏បានស្រូវល្អសម្រាប់កែច្នៃជាអង្ករ។ការសម្របសម្រួលឲ្យមានការសហការគ្នាល្អរវាងកសិករនិងកសិករ និងរវាងសហគមន៍កសិករនិងរោងម៉ាស៊ីនជាយុទ្ធសាស្រ្តវែងឆ្ងាយរបស់យើងក្នុងការពង្រីកទីផ្សារនិងរក្សាលំនឹងថ្លៃស្រូវអង្ករជូនកសិករនិងពាក់ព័ន្ធ។

បើតាមលោក ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមរយៈទំព័រហ្វេសប៊ុកផ្ទាល់ខ្លួនក៏បានឱ្យដឹងផងដែរថា មិនទាន់មានសញ្ញាណាមួយត្រូវព្រួយបារម្ភពីថ្លៃស្រូវនៅលើទៅផ្សារនោះទេ។ ទោះបីជាប៉ុន្មានថ្ងៃនេះ ថ្លៃស្រូវបានថយចុះមកបន្តិចពីថ្លៃខ្ពស់បំផុតកាលពីសប្តាហ៍មុន តួលេខនេះនៅល្អច្រើន បើធៀបទៅនឹងឆ្នាំមុន ដែលបានថ្លៃត្រឹមតែ ៨០០-៩០០រៀល/គីឡូតែប៉ុណ្ណោះ។

លោកបន្តថា ដរាបណាថ្លៃស្រូវស្ថិតនៅលើបន្ទាត់ ១០០០រៀល/គីឡូ កសិករនៅតែទទួលបានប្រាក់ចំណេញ គ្រាន់តែតិចឬច្រើនតែប៉ុណ្ណោះ ហើយទីផ្សារនៅតែមានសម្រាប់កសិកម្មកម្ពុជាដដែល។ រាជរដ្ឋាភិបាលអាណត្តិទី៧ ក៏បានត្រៀមកញ្ចប់ថវិកាដើម្បីអន្តរាគមន៍ ក្នុងករណីដែលមានការធ្លាក់ចុះថ្លៃកសិផលជាគំហុកណាមួយ ដើម្បីធានាស្ថេរភាពថ្លៃផងដែរ។

បើតាមឈ្មួញកណ្តាលទិញស្រូវពីខេត្តពោធិ៍សាត់ ខេត្តបាត់ដំបង ម្នាក់បានឱ្យដឹងថា តម្លៃស្រូវក្នុងខេត្តបាត់ដំបង ចាប់ផ្តើមប្រែប្រួលបន្តិចបន្តួចពី១០០ទៅ២០០រៀល ក្នុងមួយគីឡូក្រាម ក្នុងនោះប្រភេទស្រូវ OM5154 មានតម្លៃចន្លោះពី១០៩០រៀល ទៅ១១២០រៀល ក្នុងមួយគីឡូក្រាម, ស្រូវសែនក្រអូប មានតម្លៃ១១៨០ ទៅ១២០០រៀល ក្នុងមួយគីឡូក្រាម,ស្រូវស្រងែ មានតម្លៃចន្លោះ១១៣០រៀល ទៅ១១៥០រៀល ក្នុងមួយគីឡូក្រាម។

លោកបន្តថា ទោះបីជាមានការធ្លាក់ថ្លៃបន្តិចបន្តួចក៏ដោយ ក៏មិនធ្លាក់ដល់ក្រោមតម្លៃ១០០០រៀលដែរក្នុងមួយគីឡូក្រាម។ លោកបានបន្តថា បញ្ហាការធ្លាក់ថ្លៃបន្តិចបន្តួចនេះ គឺដោយសារវៀតណាមមិនសូវទទួលទិញ ឬទិញក្នុងតម្លៃមួយមិនច្បាស់លាស់ដូចមួយរយៈមុន។តែអំឡុងពេលតម្លៃមិនសូវច្បាស់លាស់នេះ រោងម៉ាស៊ីនក្នុងស្រុកក៏ចាប់ផ្តើមទទួលទិញច្រើន ក្នុងតម្លៃមួយអាចទទួលយកបានផងដែរ ដោយមួយគីឡូតម្លៃ១២០០រៀល។ការទទួលទិញពីរោងម៉ាស៊ីនមួយចំនួននេះ ជាការស្វែងរកដំណោះស្រាយ ក៏ដូចជាការទប់ស្កាត់ពីការធ្លាក់តម្លៃស្រូវជាងនេះផងដែរ។ក្នុងនោះ លោក អាចលក់ទៅក្នុងរោងម៉ាស៊ីន ប្រមាណ៥០០តោន នៅក្នុងមួយថ្ងៃ៕

The post ទោះបីតម្លៃស្រូវមានការធ្លាក់ថ្លៃបន្តិចបន្តួចនៅតាមតំបន់មួយចំនួន ក៏មានតម្លៃខ្ពស់ជាង១០០០រៀល ក្នុងមួយគីឡូក្រាម appeared first on .