យោងតាម​ការ​បង្ហោះសារ​មួយ នៅ​លើ​គេហទំព័រ​របស់​ការិយាល័យ​គ្រប់គ្រង​ទ្រព្យសម្បត្តិ​បរទេស​នៃ​ក្រសួង​រតនាគារ​សហរដ្ឋអាមេរិក បានបង្ហាញថា ឈ្មោះ​របស់​ប្រធានាធិបតី​ស្តីទី​​វេណេស៊ុយអេឡា លោកស្រី Delcy Rodriguez ត្រូវ​បាន​លុប​ចេញ​ពី “បញ្ជី​ទណ្ឌកម្ម”។

គួរឲ្យដឹងថាមេដឹកនាំបណ្តោះអាសន្នរបស់​ប្រទេស​វេណេស៊ុយអេឡា​រូបនេះ បាន​បង្ហាញការស្វាគមន៍​យ៉ាងខ្លាំងចំពោះការប្រកាសនេះ។ លោកស្រី​ថែមទាំងបាន​សរសេរ​នៅ​លើ​ប្រព័ន្ធ​ផ្សព្វផ្សាយ​សង្គម​របស់ខ្លួនថា សកម្មភាព​នេះ​គឺ​ជា​ផ្នែក​មួយ​នៃ​ដំណើរការធ្វើ​ឲ្យ​មាន​ប្រក្រតីភាព និង​ពង្រឹងទំនាក់ទំនង​ទ្វេភាគី​ជាមួយ​សហរដ្ឋអាមេរិក។

ជម្រាបជូនថា លោកស្រី Rodriguez ធ្លាប់បានបម្រើការជាអនុប្រធានាធិបតីក្រោមការដឹកនាមរបស់ប្រធានាធិបតីវេណេស៊ុយអេឡា លោក Nicolas Maduro ហើយត្រូវបានដាក់ទណ្ឌកម្មដោយទីក្រុងវ៉ាស៊ីនតោន ចំពោះតួនាទីសំខាន់របស់លោកស្រី នៅក្នុងជួររដ្ឋាភិបាល។ ប៉ុន្តែបន្ទាប់ពីការវាយឆ្មក់របស់សហរដ្ឋអាមេរិក នៅទីក្រុង Caracas ដែលបណ្តាលឲ្យមានការចាប់ខ្លួនប្រធានាធិបតី លោក Maduro និងភរិយារបស់លោកមក លោកស្រី Rodriguez បានក្លាយជាប្រធានាធិបតីបណ្តោះអាសន្ននៃប្រទេសវេណេស៊ុយអេឡា៕​

The post អាមេរិក សម្រេចលុបចោលទណ្ឌកម្មលើប្រធានាធិបតីស្តីទីរបស់ប្រទេសវេណេស៊ុយអេឡា appeared first on .

កាលពីថ្ងៃទី២៤ ខែកុម្ភៈ ចក្រភពអង់គ្លេសបានប្រកាសពីការដាក់ទណ្ឌកម្មជិត ៣០០ ទាក់ទងនឹងប្រទេសរុស្ស៊ី ដោយបញ្ជាក់ថានេះគឺជាកញ្ចប់ទណ្ឌកម្មដ៏ធំបំផុតប្រឆាំងនឹងទីក្រុងមូស្គូចាប់តាំងពីខែដំបូងនៃជម្លោះនៅអ៊ុយក្រែនមក។

ជុំវិញវិធានការក្តៅនេះ បានធ្វើឲ្យចំនួនសរុបនៃក្រុមហ៊ុន និងបុគ្គលដែលត្រូវបានកំណត់គោលដៅដោយចក្រភពអង់គ្លេសទាក់ទងនឹងការប្រយុទ្ធគ្នានៅអ៊ុយក្រែន កើនឡើងដល់ជាង ៣០០០។

យ៉ាងណាមិញ ក្នុងចំណោមវិធានការថ្មីៗនេះទណ្ឌកម្មទាំងនោះ គឺការបង្កកទ្រព្យសម្បត្តិប្រឆាំងនឹងក្រុមហ៊ុន Transneft ដែលជាប្រតិបត្តិករបំពង់បង្ហូរប្រេងដែលគ្រប់គ្រងដោយរដ្ឋរុស្ស៊ី។

មិនតែប៉ុណ្ណោះ ទីក្រុងឡុងដ៍​ក៏​បាន​ដាក់ទណ្ឌកម្ម​លើ​ក្រុមហ៊ុន​ចំនួន ១៧៥ ដែល​ជា​កម្មសិទ្ធិ​របស់​បណ្តាញ​ប្រេង 2Rivers ដែល​ចក្រភព​អង់គ្លេស​ចាត់ទុកថា​ជា​ប្រតិបត្តិករ​ធំ​បំផុត​មួយ​នៃ “កងនាវា​ស្រមោល” និង​ជា​អ្នកជួញដូរ​ប្រេងឆៅ​រុស្ស៊ី​ដ៏សំខាន់។

ជម្រាបជូនថា កញ្ចប់ទណ្ឌកម្មថ្មីៗបន្ថែមទៀតដែលប្រកាសដោយអង់គ្លេស ត្រូវបានធ្វើឡើងស្របពេលជាមួយគ្នាទៅនឹងខួបលើកទី៤ នៃការផ្ទុះឡើងនៃជម្លោះនៅអ៊ុយក្រែន៕​

The post អង់គ្លេស ដាក់ទណ្ឌកម្មជិត ៣០០ លើរុស្ស៊ី ចាប់តាំងពីផ្ទុះសង្គ្រាមជាមួយអ៊ុយក្រែន appeared first on .

យោងតាមក្រសួងរតនាសហរដ្ឋអាមេរិក បានប្រកាសកាលពីថ្ងៃទី១១ ខែធ្នូថា ខ្លួនកំពុងដាក់ទណ្ឌកម្មលើចៅប្រុសបីនាក់របស់លោកស្រី Cillia Flores ដែលជាភរិយារបស់ប្រធានាធិបតីវេណេស៊ុយអេឡា លោក Nicolas Maduro រួមមានលោក Efrain Antonio Campo Flores, Franqui Francisco Flores de Freitas និង Carlos Erik Malpica Flores។

គួរឲ្យដឹងថា លោក Campo និង Francisco Flores de Freitas ត្រូវបានចោទប្រកាន់ថាជាអ្នកជួញដូរគ្រឿងញៀនដ៏ធំបំផុតមួយ នៅក្នុងវេណេស៊ុយអេឡា។ កន្លងមកសហរដ្ឋអាមេរិក ធ្លាប់បានដាក់ទណ្ឌកម្មលើលោក Malpica ផងដែរ ក្នុងឆ្នាំ២០១៧ ប៉ុន្តែត្រូវបានលើកលែងវិញ ក្រោមការដឹកនាំរបស់អតីតប្រធានាធិបតី ចូ បៃដិន ដើម្បីលើកកម្ពស់ការសន្ទនាជាមួយប្រទេសវេណេស៊ុយអេឡា។

មិនតែប៉ុណ្ណោះ ទីភ្នាក់ងារនេះក៏បានចេញទណ្ឌកម្មប្រឆាំងនឹងក្រុមហ៊ុនចំនួនប្រាំមួយដែលដឹកជញ្ជូនប្រេងទៅកាន់ប្រទេសវេណេស៊ុយអេឡា ពាក់ព័ន្ធនឹងការអនុវត្តការដឹកជញ្ជូនក្លែងបន្លំ មិនមានសុវត្ថិភាព និងកំពុងផ្តល់ហិរញ្ញប្បទានដល់រដ្ឋាភិបាលទីក្រុងការ៉ាកាស។

ជម្រាបជូនផងដែរថា ជុំវិញការប្រកាសដាក់ទណ្ឌកម្មនេះ បានកើតឡើងមួយថ្ងៃបន្ទាប់ពីសហរដ្ឋអាមេរិកបានរឹបអូសកប៉ាល់ដឹកប្រេងមួយគ្រឿងនៅឯឆ្នេរសមុទ្រនៃប្រទេសវេណេស៊ុយអេឡា ដែលជាសកម្មភាពមួយដែលទីក្រុងវ៉ាស៊ីនតោនបានចោទប្រកាន់ថាជាការកំណត់គោលដៅលើរបបប្រធានាធិបតី Maduro៕​

The post សហរដ្ឋអាមេរិក ចាប់ផ្តើមដាក់ទណ្ឌកម្មទ្រង់ទ្រាយធំប្រឆាំងទៅនឹងប្រទេសវេណេស៊ុយអេឡា appeared first on .

លោកប្រធានាធិបតីអាមេរិក បាននិយាយប្រាប់អ្នកយកព័ត៌មាន កាលពីពេលថ្មីៗនេះថា លោកមិនសប្បាយចិត្តនោះឡើយ ចំពោះការវាយប្រហាររបស់រុស្ស៊ីលើរោងចក្រដែលគ្រប់គ្រងដោយសហរដ្ឋអាមេរិក នៅភាគខាងលិចប្រទេសអ៊ុយក្រែន។

ប៉ុន្តែទោះជាយ៉ាងណាក៏ដោយ លោក ត្រាំ បានសង្កត់ធ្ងន់ថា លោកនឹងរង់ចាំមើលថា តើប្រធានាធិបតីរុស្ស៊ីលោក វ្ល៉ាឌីមៀ ពូទីន និងប្រធានាធិបតីអ៊ុយក្រែន លោ Zelensky បានជួបគ្នាដែរឬអត់។

លោក ត្រាំ បាននិយាយទៀតថា លោកនឹងសម្រេចចិត្តថា តើសហរដ្ឋអាមេរិក នឹងត្រូវធ្វើអ្វី បន្ទាប់ពីពេលវេលាកំណត់រយៈពេលពីរសប្តាហ៍ ក្នុងការចរចាសន្តិភាពរវាងប្រទេសទាំងដល់ពេលកំណត់។ លោកបន្តថា ៖”វាអាចជាការដាក់ទណ្ឌកម្មធ្ងន់ៗ ឬដាក់ពន្ធគយ ឬអាចទាំងពីរ។ ឬមួយអាមេរិក មិនធ្វើអ្វីសោះក៏ថាបាន​ ព្រោះវាជាសង្គ្រាមរបស់ពួកគេ”។

នៅក្នុងបទសម្ភាស មួយកាលពីថ្ងៃទី២១ ខែសីហា ប្រធានាធិបតីអាមេរិក បានកំណត់ពេលវេលារយៈពេល ២ សប្តាហ៍ដើម្បីវាយតម្លៃលើការរំពឹងទុកសម្រាប់កិច្ចចរចាសន្តិភាពរុស្ស៊ី-អ៊ុយក្រែន។ លោក ក៏បានកំណត់ពេលវេលាកំណត់រយៈពេលពីរសប្តាហ៍ម្តងហើយម្តងទៀតទាក់ទងនឹងសង្គ្រាមនៅអ៊ុយក្រែន និងបញ្ហាផ្សេងៗទៀត។

ជម្រាបជូនថា កាល​ពី​ចុង​ខែ​ឧសភា លោក​បាន​កំណត់​ពេល​វេលា​ស្រដៀង​គ្នា​នេះ​ ដើម្បី​វាយ​តម្លៃ​ថា​តើ​លោក​ប្រធានាធិបតី ពូទីន មាន​ភាព​ម៉ឺងម៉ាត់ ​ក្នុង​ការ​ឈាន​ទៅ​រក​កិច្ច​ព្រម​ព្រៀង​សន្តិភាព​ឬ​អត់ ផងដែរ៕

The post លោក ត្រាំ គំរាមដាក់ទណ្ឌកម្មធ្ងន់ៗបំផុតលើរុស្ស៊ី បើការចរចាសន្តិភាពជាមួយអ៊ុយក្រែមិនជោគជ័យ appeared first on .

រដ្ឋមន្ត្រីក្រសួងរតនាគារអាមេរិក លោក Scott Bessent បាននិយាយកាលពីថ្ងៃទី២៣ ខែឧសភាថា ស៊ីរីត្រូវតែបន្តធ្វើការដើម្បីឆ្ពោះទៅរកការក្លាយជាប្រទេសដែលមានស្ថិរភាព និងសន្តិភាពពេញលេញ។ លោកក៏បានបង្ហាញក្តីសង្ឃឹមទៀតថា ការសម្រេចដកទណ្ឌកម្មទាំងអស់នៅថ្ងៃនេះ នឹងធ្វើឲ្យស៊ីរីដើរលើផ្លូវត្រូវឆ្ពោះទៅរកអនាគតដ៏ភ្លឺស្វាង វិបុលភាព និងស្ថិរភាព។

មិនតែប៉ុណ្ណោះ រដ្ឋមន្ត្រីរូបនេះ បានសង្កត់ធ្ងន់ទៀតថា ការសម្រេចចិត្តដកទណ្ឌកម្មនេះ នឹងអនុវត្តចំពោះរដ្ឋាភិបាលស៊ីរីថ្មី ដោយបានផ្តល់ទំនុកចិត្តថារដ្ឋាភិបាលទីក្រុង Damascus នឹងមិនផ្តល់ជម្រកដល់អង្គការភេរវករ ក៏ដូចជាធានាដល់សន្តិសុខនៃសាសនា និងជនជាតិភាគតិច។

ទន្ទឹមនឹងនេះ ក្រសួងការបរទេសសហរដ្ឋអាមេរិក បានចេញសេចក្តីប្រកាសអំពីការលើកលែងនៅថ្ងៃតែមួយ ដើម្បីអនុញ្ញាតឲ្យដៃគូបរទេស និងសម្ព័ន្ធមិត្តចូលរួមក្នុងការកសាងប្រទេសស៊ីរីឡើងវិញ ដោយផ្តល់ភ្លើងខៀវឲ្យបណ្តាក្រុមហ៊ុនធំៗចូលរួម ដើម្បីធ្វើអាជីវកម្មនៅក្នុងប្រទេសនេះ។ រដ្ឋលេខាធិការ លោក Marco Rubio បាននិយាយថា វិធានការនេះនឹង ជួយសម្រួលដល់ការផ្តល់សេវាថាមពល ទឹក និងអនាម័យ ក៏ដូចជាធានាឲ្យមានការឆ្លើយតបផ្នែកមនុស្សធម៌ដ៏មានប្រសិទ្ធភាព នៅទូទាំងប្រទេសស៊ីរី។

ជម្រាបជូនផងដែរថា សហរដ្ឋអាមេរិកបានដាក់កំហិតលើប្រតិបត្តិការហិរញ្ញវត្ថុស៊ីរី ចាប់តាំងពីសង្រ្គាមស៊ីវិល​រ៉ាំរ៉ៃ​ផ្ទុះឡើង រយៈពេល ១៤ឆ្នាំ ដោយប្តេជ្ញាប្រើទណ្ឌកម្មប្រឆាំងដាច់ខាតទៅលើប្រទេសស៊ីរី ប្រសិនបើអតីតប្រធានាធិបតី លោក Bashar al-Assad នៅតែកាន់អំណាច។

ប៉ុន្តែទោះជាយ៉ាងណាក៏ដោយ បន្ទាប់ពីរបបអាសាដត្រូវបានផ្ដួលរំលំកាលពីឆ្នាំមុន រដ្ឋាភិបាលថ្មីរបស់ស៊ីរី កំពុងសម្លឹងរកមើលការកសាងទំនាក់ទំនងឡើងវិញជាមួយលោកខាងលិច និងទទួលបានការដកទណ្ឌកម្មជាបន្តបន្ទាប់៕

The post សហរដ្ឋអាមេរិក សម្រេចដកទណ្ឌកម្មលើប្រទេសស៊ីរី ក្រោយដាក់អស់រយ:ពេល ១៤ឆ្នាំ appeared first on .

នៅក្នុងសេចក្តីថ្លែងការណ៍រួមមួយ បន្ទាប់ពីសន្និសីទនៅទីក្រុងម៉ាឌ្រីដ ប្រទេសអេស្ប៉ាញ កាលពីថ្ងៃទី៣១ ខែមករា រដ្ឋមន្រ្តីការបរទេសនៃក្រុមប្រទេស G5+ រួមមានអេស្ប៉ាញ អាល្លឺម៉ង់ បារាំង អ៊ីតាលី ចក្រភពអង់គ្លេស និងប៉ូឡូញ រួមជាមួយអនុប្រធានគណ:កម្មការអឺរ៉ុប លោកស្រី Kaja Kallas ផងនោះ បានអំពាវនាវឲ្យរុស្ស៊ីយល់ព្រម “បទឈប់បាញ់ភ្លាមៗ និងគ្មានលក្ខខណ្ឌ ដោយផ្អែកលើសមភាព និងការអនុវត្តពេញលេញ”។

សេចក្តីថ្លែងការណ៍ដដែលនេះ បាននិយាយទៀតថា ក្រុមប្រទេស G5+ បានត្រៀមខ្លួនរួចជាស្រេចហើយ ក្នុងការបន្តដាក់សម្ពាធបន្ថែមទៀតលើរុស្ស៊ី រួមទាំងតាមរយ:ការដាក់ទណ្ឌកម្មថ្មីៗ ដើម្បីធានាបានថាទីក្រុងគៀវស្ថិតនៅក្នុងទីក្រុងល្អបំផុត ដើម្បីឆ្ពោះទៅរកសន្តិភាពដ៏ត្រឹមត្រូវ និងយូរអង្វែង។

ក្រុមប្រទេសទាំងនោះ ក៏បាននិយាយផងដែរថា ពួកគេនឹងបង្កើនថវិកាផ្នែកយោធា នយោបាយ និងមនុស្សធម៌បន្ថែមសម្រាប់អ៊ុយក្រែន ក្នុងកិច្ចខិតខំប្រឹងប្រែងដើម្បីប្រឈមមុខជាមួយរុស្ស៊ី ប៉ុន្តែមិនបានផ្តល់ព័ត៌មានលម្អិតបន្ថែមនោះទេ។

ជម្រាបជូនផងដែរថា សេចក្តីថ្លែងការណ៍នេះ ត្រូវបានធ្វើឡើងបន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីនកាលពីថ្ងៃទី២៧ ខែមីនា បាននិយាយថាអ៊ុយក្រែនចាំបាច់ត្រូវបង្កើតរដ្ឋាភិបាលបណ្តោះអាសន្នមួយដែលគ្រប់គ្រងដោយអង្គការសហប្រជាជាតិ ដើម្បីចុះហត្ថលេខាលើកិច្ចព្រមព្រៀងសន្តិភាព ព្រោះប្រធានាធិបតីលោក Volodymyr Zelensky បានផុតអាណត្តិរបស់ខ្លួនទៅហើយ ចាប់តាំងពីខែឧសភាឆ្នាំ២០២៤ មក។ ហើយបើតាមប្រធានាធិបតីអាមេរិក លោក ដូណាល់ ត្រាំ បាននិយាយថា សេចក្តីថ្លែងការណ៍របស់លោក ពូទីន បែបនេះ គឺគ្រាន់តែជា​លេស​ ក្នុងការពន្យារពេលកិច្ចព្រមព្រៀងសន្តិភាព​ប៉ុណ្ណោះ​៕

The post អឺរ៉ុប ត្រៀមបង្កើនសម្ពាធលើរុស្ស៊ី ជាមួយនឹងការដាក់ចេញទណ្ឌកម្មទ្រង់ទ្រាយធំបន្ថែម appeared first on .

លោក ដូណាល់ ត្រាំ បានប្រាប់អ្នកយកព័ត៌មានក្នុងការិយាល័យ Oval នៅឯសេតវិមានកាលពីថ្ងៃទី១២ ខែមីនាថា៖ “ក្រុមមន្រ្តីអាមេរិកកំពុងធ្វើដំណើរទៅប្រទេសរុស្ស៊ីនៅពេលនេះ ដូចដែលយើងធ្លាប់និយាយ។ ខ្ញុំសង្ឃឹមថាយើងអាចទទួលបានបទឈប់បាញ់ពីប្រទេសរុស្ស៊ី នាពេលឆាប់ៗ” ។

មិនតែប៉ុណ្ណោះ លោកប្រធានាធិបតីបាននិយាយបន្ថែមទៀតថា ៖”ប្រសិនបើយើងធ្វើដូច្នេះ ខ្ញុំគិតថាយើងមាន ៨០% នៃវិធីសាស្រ្តផ្សេងទៀត ដើម្បីបញ្ចប់ការបង្ហូរឈាមដ៏គួរឲ្យរន្ធត់នេះ” ។

យ៉ាងណាមិញ​ លោក ត្រាំ មិនបាននិយាយអ្វីជាពិសេសលើសពីនេះទៀតនោះទេ ប៉ុន្តែអ្នកនាំពាក្យសេតវិមាន លោកស្រី Karoline Leavitt ក្រោយមកបាននិយាយថា លោក Steve Witkoff ដែលជាបេសកជនពិសេសរបស់លោក ត្រាំ និងជាតួអង្គសំខាន់ក្នុងការចរចាលើតំបន់ហ្គាហ្សា និងអ៊ុយក្រែន នឹងធ្វើដំណើរទៅកាន់ទីក្រុងមូស្គូ ក្នុងអំឡុងសប្តាហ៍នេះ។

ទន្ទឹមនឹងនេះ លោក ត្រាំ ហាក់មិនបាននិយាយថានៅពេលណាដែលលោកនឹងបន្តការពិភាក្សាជាមួយសមភាគីរុស្ស៊ី លោក វ៉្លាឌីមៀ ពូទីន ម្តងទៀតនោះទេ ប៉ុន្តែលោកបានសម្តែងក្តីសង្ឃឹមថាមេដឹកនាំវិមានក្រឹមឡាំង នឹងទទួលយកបទឈប់បាញ់ នៅអ៊ុយក្រែន។

យ៉ាងណាក៏ដោយ ប្រធានាធិបតីអាមេរិក ក៏បានសង្កត់ធ្ងន់ទៀតផងដែរថា សហរដ្ឋអាមេរិក អាចនឹងឈានដល់ការដាក់ទណ្ឌកម្មដ៏ធ្ងន់ធ្ងរណាមួយ លើរុស្ស៊ី ប្រសិនបើរដ្ឋាភិបាលទីក្រុងម៉ូស្គូ មិនយល់ព្រមចំពោះបទឈប់បាញ់ណាមួយទេនោះ។

“ខ្ញុំអាចធ្វើរឿងអាក្រក់ៗចំពោះរុស្ស៊ី ជាពិសេសទាក់ទងទៅនឹងផ្នែកហិរញ្ញវត្ថុ។ ខ្ញុំមិនចង់ធ្វើដូច្នេះទេ ប៉ុន្តែខ្ញុំចង់បានសន្តិភាពច្រើន” ។នេះបើតាមការលើកឡើងបន្ថែមពីសំណាក់ លោក ត្រាំ។

ជម្រាបជូនផងដែរថា អនុប្រធានាធិបតីអាមេរិក លោក JD Vance ក៏បាននិយាយផងដែរថា មន្ត្រីរុស្ស៊ី និងអាមេរិក នឹងមានការពិភាក្សាគ្នាតាមទូរស័ព្ទ ក៏ដូចជាជំនួបទល់មុខគ្នាក្នុងរយៈពេលពីរថ្ងៃខាងមុខ ខណៈដែលលោកស្រី Leavitt បាននិយាយថា ទីប្រឹក្សាសន្តិសុខជាតិអាមេរិក លោក Mike Waltz ក៏បានពិភាក្សាគ្នាជាមួយភាគីរុស្ស៊ីរួចរាល់ហើយផងដែរ កាលពីថ្ងៃទី១២ ខែមីនាកន្លងទៅ៕

The post លោក ត្រាំ គំរាមដាក់ទណ្ឌកម្មធ្ងន់ៗ បើរុស្ស៊ីមិនព្រមទទួលយកបទឈប់បាញ់ appeared first on .

មន្ត្រីរូបនេះបាននិយាយទៀតថា បើទោះបីជាមិនទាន់មានព័ត៌មានលម្អិតអំពីទណ្ឌកម្មថ្មីដែលលោក បៃដិន នឹងដាក់ក្នុងថ្ងៃចុងក្រោយក្នុងការកាន់តំណែងរបស់ខ្លួនក៏ដោយ ប៉ុន្តែជំនួយការរបស់ប្រធានាធិបតីរូបនេះ កំពុងពន្យល់ប្រាប់ជំនួយការរបស់លោក ត្រាំ អំពីជំហានបន្ទាប់ដែលពួកគេកំពុងអនុវត្តលើវិធានការនេះ។

គួរឲ្យដឹងថា ជុំវិញការប្រកាសនេះ បានកើតឡើង ចំពេលរដ្ឋបាលលោក បៃដិន បានប្រកាសផ្តល់ជំនួយយោធាថ្មីចំនួន ៥០០លានដុល្លារបន្ថែមទៀត សម្រាប់អ៊ុយក្រែនកាលពីថ្ងៃព្រហស្បតិ៍ ដោយក្នុងនោះរួមមានមីស៊ីលការពារដែនអាកាស គ្រាប់បែកទម្លាក់ពីអាកាសទៅដី និងឧបករណ៍ជំនួយសម្រាប់យន្តហោះចម្បាំង F-16 ផងដែរ។

មិនតែប៉ុណ្ណោះ ជំនួយការរបស់លោក បៃដិន បាននិយាយទៀតថា ពួកគេចង់ដាក់អ៊ុយក្រែននៅក្នុងទីតាំងខ្លាំងបំផុតនៅលើសមរភូមិ ដើម្បីផ្តល់ឲ្យពួកគេនូវឥទ្ធិពលកាន់តែខ្លាំង សម្រាប់ការចរចាដែលនឹងអាចកើតឡើងជាមួយរុស្ស៊ីនៅឆ្នាំនេះ។

ជម្រាបជូនផងដែរថា ការវិលត្រឡប់មកកាន់សេតវិមានវិញរបស់លោក ដូណាល់ ត្រាំ នឹងត្រូវធ្វើឡើងនៅថ្ងៃទី២០ ខែមករាខាងមុខ ហើយវាត្រូវបានគេរំពឹងទុកខ្ពស់ថា នឹងនាំមកនូវក្តីសង្ឃឹមនៃដំណោះស្រាយការទូតដើម្បីបញ្ចប់សង្គ្រាមរវាងរុស្ស៊ី និងអ៊ុយក្រែន។ ប៉ុន្តែទន្ទឹមនឹងនោះ ក៏នៅមានការព្រួយបារម្ភនៅក្នុងទីក្រុងគៀវផងដែរថា ការនាំមកនូវសន្តិភាពដែលអាចកើតមានក្នុងពេលឆាប់រហ័សបែបនេះ ក៏នឹងត្រូវបង់ចំណាយក្នុងតម្លៃដ៏ខ្ពស់ផងដែរ៕

The post លោក បៃដិន គ្រោងដាក់ទណ្ឌកម្មថ្មីបន្ថែមលើរុស្ស៊ី មុនពេលលោក ត្រាំ ស្បថចូលកាន់តំណែង appeared first on .

ក្រសួងការបរទេសចិន បាននិយាយក្នុងសេចក្តីថ្លែងការណ៍កាលពីថ្ងៃសុក្រ ទី២១ ខែមិថុនា ថា រដ្ឋាភិបាលរបស់ខ្លួន នឹងបង្កកទាំងចលនវត្ថុ និងអចលនវត្ថុ រួមជាមួយទ្រព្យសម្បត្តិប្រភេទផ្សេងទៀតរបស់នាយកប្រតិបត្តិជាន់ខ្ពស់ក្រុមហ៊ុន Lockheed Martin និងលោក James Donald Taiclet ដែលជាប្រធានក្រុមហ៊ុនផងដែរ ដោយនឹងរារាំងលោកមិនឲ្យចូលមកកាន់ប្រទេសចិនទៀតនោះឡើយ។

ប្រភពដដែលនេះ បានបង្ហាញឲ្យដឹងទៀតថា ចំពោះក្រុមហ៊ុនបុត្រសម្ព័ន្ធរបស់ Lockheed Martin ដែលត្រូវបានដាក់ចូលទៅក្នុងបញ្ជីទណ្ឌកម្មនេះ រួមជាមាន Lockheed Martin Missile System Integration Lab, Lockheed Martin Advanced Technology Laboratories និង Lockheed Martin Ventures។

គួរឲ្យដឹងថា ប្រទេសចិនបានអំពាវនាវម្តងហើយម្តងទៀតឲ្យសហរដ្ឋអាមេរិក ដែលត្រូវបានគេដឹងថាជាអ្នកគាំទ្រដ៏សំខាន់ និងជាអ្នកផ្គត់ផ្គង់អាវុធសម្រាប់តៃវ៉ាន់ ឲ្យបញ្ឈប់ការជ្រៀតជ្រែក និងការលក់អាវុធទៅឲ្យដែនកោះនេះ ខណ:រដ្ឋាភិបាលទីក្រុងប៉េកាំងនៅតែប្រកាន់​ជំហរ​ថាតៃវ៉ាន់ គឺជាផ្នែកមួយនៃទឹកដីរបស់ខ្លួន។

ជម្រាបជូនផងដែរថា រដ្ឋាភិបាលទីក្រុងប៉េកាំង ក្នុងពេលកន្លងមកនេះ បានបន្តអនុវត្តទណ្ឌកម្មលើក្រុមហ៊ុនរបបស់អាមេរិកអាមេរិកជាច្រើនរួមមកហើយ ដោយស្ថិតនៅក្រោមច្បាប់ប្រឆាំងទៅនឹងទណ្ឌកម្មបរទេសរបស់ចិន៕

The post ចិន បន្តដាក់ទណ្ឌកម្មលើក្រុមហ៊ុនធំអាមេរិកមួយ ជុំវិញការលក់អាវុធឲ្យតៃវ៉ាន់ appeared first on .

ជុំវិញការព្រមានបែបនេះ បានកើតឡើង នៅពេលដែលរដ្ឋមន្ត្រីការបរទេសអាមេរិក លោក Antony Blinken គ្រោងនឹងបំពេញដំណើរទស្សនកិច្ចទៅកាន់ទីក្រុងប៉េកាំង ក្នុងគោលបំណងដើម្បីបញ្ឈប់ការគាំទ្រផ្នែកហិរញ្ញវត្ថុរបស់ប្រទេសចិន សម្រាប់ការផ្តល់ជំនួយដល់ការផលិតអាវុធយោធារបស់រុស្ស៊ី។

គួរឲ្យដឹងផងដែរថា លោក Blinken កាលពីថ្ងៃសុក្រ ទី១៩ ខែមេសាកន្លងទៅ បានធ្វើការរិះគន់ចំៗចំពោះការគាំទ្ររបស់ចិន សម្រាប់ឧស្សាហកម្មការពារជាតិរបស់រុស្ស៊ី ដោយអះអាងថារដ្ឋាភិបាលទីក្រុងប៉េកាំងគឺជាអ្នករួមចំណែកចម្បង នៅក្នុងសង្គ្រាមជាមួយអ៊ុយក្រែន តាមរយៈការផ្តល់គ្រឿងបន្លាស់សំខាន់ៗសម្រាប់ផលិតសព្វាវុធ។

ជម្រាបជូនទៀតផងដែរថា ក្នុងរយៈពេលប៉ុន្មានសប្តាហ៍ថ្មីៗនេះ មន្ត្រីអាមេរិកបានបង្កើនសម្ពាធទៅលើប្រទេសចិន ដោយព្រមានថារដ្ឋាភិបាលទីក្រុងវ៉ាស៊ីនតោន គឺត្រៀមខ្លួនរួចជាស្រេចដើម្បីចាត់វិធានការប្រឆាំងនឹងស្ថាប័នហិរញ្ញវត្ថុរបស់ចិនណាមួយដែលជួយសម្របសម្រួលពាណិជ្ជកម្មលើទំនិញដែលបម្រើផលប្រយោជន៍ដល់ជនស៊ីវិល និងយោធារបស់រុស្ស៊ី៕

The post អាមេរិក ព្រមានដកធនាគារចិនចេញពីប្រព័ន្ធហិរញ្ញវត្ថុពិភពលោក បើរកឃើញថាបានជួយរុស្ស៊ីក្នុងសង្រ្គាម appeared first on .