កិច្ចពិភាក្សានេះ បានធ្វើឡើងកាលថ្ងៃចន្ទ ទី២៨ ខែកញ្ញា ឆ្នាំ២០២៦ នៅទីស្តីការក្រសួងពាណិជ្ជកម្ម ក្រោមវត្តមាន លោក វ៉ា រុតសាន រដ្ឋលេខាធិការក្រសួងពាណិជ្ជកម្ម។

ក្រសួងពាណិជ្ជកម្ម បានបញ្ជាក់ថា កិច្ចប្រជុំនេះត្រូវបានរៀបចំឡើងក្នុងគោលបំណងពិគ្រោះយោបល់ និងពិនិត្យលទ្ធភាពបង្កើតស្ថាប័នតំណាងវិស័យឯកជនថ្នាក់ជាតិមួយ សម្រាប់សម្របសម្រួល ប្រមូលផ្តុំ និងតំណាងឱ្យតួអង្គពាក់ព័ន្ធក្នុងខ្សែច្រវាក់តម្លៃទុរេន ព្រមទាំងគាំទ្រដល់ការអភិវឌ្ឍ និងលើកកម្ពស់វិស័យទុរេនកម្ពុជា ទាំងផ្នែកផលិតកម្ម គុណភាព និងស្តង់ដា ការកែច្នៃ ទីផ្សារ និងការនាំចេញ។

សូមជម្រាបដែរថា ​បើតាមមន្រ្តីក្រសួងកសិកម្មបច្ចុប្បន្ននេះ ផ្ទៃដីដាំទុរេននៅកម្ពុជា មានទំហំ ១៦ ១៩៣ ហិកតា ​ក្នុងនោះផ្ទៃដីដាំទុរេន ក្នុងខេត្តកំពង់ចាម មានចំនួន ១ ៨​៤៩ ​ហិកតា។ចំណែក ចម្ការទុរេនដែលត្រូវបានចុះបញ្ជីទទួលស្គាល់មានលក្ខណៈសម្បត្តិគ្រប់គ្រាន់ សម្រាប់ការនាំចេញផ្លែទុរេនស្រស់ដោយត្រង់ពីកម្ពុជា ទៅកាន់ទីផ្សារចិន មានចំនួន១១២កន្លែង និងរោងចក្រវេចខ្ចប់ចំនួន៣០ទីតាំង​​ ប៉ុន្តែក្រុមហ៊ុនខ្លះមិនទាន់អាចបំពេញលក្ខខណ្ឌបាននៅឡើយ ទើបក្រុមហ៊ុនមិនទាន់ហ៊ាននាំចេញ​៕ អត្ថបទ៖ហ្សាលីន

The post អន្តរក្រសួង ពិនិត្យលទ្ធភាពបង្កើតស្ថាប័នតំណាងវិស័យឯកជនថ្នាក់ជាតិមួយ ដើម្បីលើកកម្ពស់វិស័យទុរេនកម្ពុជា appeared first on .

យោងតាមទិន្នន័យពីនាយកដ្ឋានគយ ប្រទេសចិនបានចំណាយទឹកប្រាក់សរុប ២,០៤ពាន់លានដុល្លារដើម្បីទិញផ្លែឈើ និងបន្លែវៀតណាមនៅក្នុងឆមាសទីមួយនៃឆ្នាំនេះ ដែលកើនឡើងជិត ២៥%។ ផ្លែទុរេនបានចូលរួមចំណែក ៩៨៨លានដុល្លារ ដែលកើនឡើង ៤៣,៤% និងមានចំនួន ៤៨,៤៥% នៃតម្លៃនាំចេញផ្លែឈើ និងបន្លែសរុប។ តម្លៃនៃការនាំចេញផ្លែឈើនេះថែមទាំងមានចំនួនខ្ពស់ជាងតម្លៃនាំចេញសរុបនៃផ្លែស្រកានាគ ចេក ខ្នុរ ដូង និងស្វាយទៀតផង។

យ៉ាងណាមិញ បើយោងតាមលោក Dang Phuc Nguyen អគ្គលេខាធិការនៃសមាគមផ្លែឈើ និងបន្លែវៀតណាម បានបង្ហាញការជឿជាក់ថា ប្រសិនបើល្បឿននៃការនាំចេញបច្ចុប្បន្នត្រូវបានរក្សា ការនាំចេញផ្លែទុរេនសម្រាប់រយៈពេលទាំងមូលនៃឆ្នាំនេះ នឹងកើនឡើងគួរឱ្យកត់សម្គាល់បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។

គួរជម្រាបជូនផងដែរថា វៀតណាម កំពុងស្វែងរកឱកាសបន្ថែមទៀតដើម្បីពង្រីកការនាំចេញផ្លៃទុរេនរបស់ខ្លួនឲ្យហួសពីទីផ្សារចិនផងដែរ។ នៅចុងខែកក្កដា ប្រទេសឥណ្ឌាបានអនុញ្ញាតឱ្យនាំចូលផ្លែទុរេនស្រស់ពីប្រទេសវៀតណាម ដោយបើកទីផ្សារមួយផ្សេងទៀតដែលមានប្រជាជនសរុបប្រមាណជាង ១,៤ពាន់លាននាក់៕​

The post ចិន ចាយលុយជិត ១ពាន់លានដុល្លារ ទិញចូលទុរេនពីវៀតណាម ក្នុងឆមាសទី១ ឆ្នាំនេះ appeared first on .

លោក ឃឹម ហ្វីណង់  បានបញ្ជាក់ថា លោកអញ្ជើញចូលរួមជាអធិបតីក្នុងពិធីសម្ពោធការដឹកជញ្ជូននាំចេញទុរេនស្រស់ជើងទី១ ចំនួន៣ កុងតឺន័រ (ប្រមាណជាង ៥០តោន) របស់ក្រុមហ៊ុន ពេជ្រជដា (Pechenda Fruit Production Co., Ltd.) ទៅកាន់ទីផ្សារប្រទេសចិន តាមច្រកដឹកជញ្ជូនផ្លូវគោកឆ្លងកាត់ប្រទេសឡាវ។

លោកបន្តថា ការនាំចេញទុរេនស្រស់ពីកម្ពុជាទៅទីផ្សារចិន បានហក់ឡើងដល់ ៥ ៧៣៨តោន (គិតត្រឹម ៧ខែដើមឆ្នាំ២០២៦) ដែលកើនឡើងជិត ៤០ដង បើធៀបនឹងបរិមាណនាំចេញសរុបក្នុងឆ្នាំ២០២៥។

លោកបញ្ជាក់ទៀតថា កត្តាគន្លឹះនៅពីក្រោយកំណើនដ៏គួរឱ្យកត់សម្គាល់នេះ គឺការបើកច្រកដឹកជញ្ជូនថ្មីឆ្លងកាត់ប្រទេសឡាវ។ ថ្វីដ្បិតតែទើបតែដាក់ឱ្យដំណើរការ តែច្រកថ្មីនេះបាននិងកំពុងរួមចំណែកស្រូបយកបរិមាណនាំចេញរហូតដល់ជិត ១០% នៃការនាំចេញទុរេនទៅកាន់ទីផ្សារប្រទេសចិនសរុបប្រចាំឆ្នាំ២០២៦ នេះរួចបាត់ទៅហើយ។

ជាមួយគ្នានេះ លោកបានចាត់ទុកថា សមិទ្ធផលនេះ គឺជាផ្លែផ្កានៃកិច្ចខិតខំប្រឹងប្រែងយ៉ាងសកម្មរបស់ក្រសួងកសិកម្ម រុក្ខាប្រមាញ់ និងនេសាទ ក្នុងការសម្របសម្រួល បើកច្រកដឹកជញ្ជូនផ្លូវគោកថ្មីឆ្លងកាត់ប្រទេសឡាវ ដែលអាចកាត់បន្ថយរយៈពេលដឹកជញ្ជូនមកត្រឹមតែ ៥ ថ្ងៃ ប៉ុណ្ណោះ បើប្រៀបធៀបនឹងការដឹកជញ្ជូនតាមផ្លូវទឹកដែលត្រូវចំណាយពេលពី ១៥ ទៅ ២០ថ្ងៃ។

សូមរម្លឹកដែរថា កម្ពុជា-ឡាវ កាលថ្ងៃទី​២២ ខែមិថុនា ឆ្នាំ២០២៦ បានចាប់ផ្តើមបើកការដឹកជញ្ជូនឆ្លងកាត់សម្រាប់នាំចេញផលិតផលកម្ពុជា៦មុខ ទៅកាន់ទីផ្សារចិនជាផ្លូវការ ដែលរួមមានចេក ស្វាយ អង្ករ មៀនប៉ៃលិន ម្សៅដំឡូងមី និងទុរេន។ការ​បើក​ផ្លូវ​ឆ្លងកាត់​ជាផ្លូវការនៅពេល​នេះ ធ្វើ​ឡើង​បន្ទាប់​ពី​ភាគី​កម្ពុជា និង ឡាវ បាន​ធ្វើការ​ចរចា​ជាមួយគ្នា​អស់​រយៈ​ពេល ៦ ខែ​កន្លង​មក។ច្រក​ថ្មី​នេះ នឹង​ធ្វើ​ឱ្យកម្ពុជា​ចំណេញ​ពេល​ដឹក​ជញ្ជូន​ដែល​ជា​ធម្មតា​ត្រូវ​ចំណាយ​ពេល​ពី ១៥​ទៅ​២០​ថ្ងៃ ហើយ​ឥឡូវ​អាច​បង្រួញ​មក​ត្រឹមតែ​១​សប្ដាហ៍តែប៉ុណ្ណោះ៕អត្ថបទ៖ហ្សាលីន

The post ការនាំចេញទុរេនស្រស់ពីកម្ពុជាទៅទីផ្សារចិនតាមច្រកប្រទេសឡាវ បានហក់ឡើងជិត ៤០ដង appeared first on .

លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា សមិទ្ធផលដ៏ធំធេងនេះ គឺកើតចេញពីកិច្ចខិតខំប្រឹងប្រែង និងការចរចាយ៉ាងសកម្មកន្លងមកនេះ ពីសំណាក់ថ្នាក់ដឹកនាំ និងមន្ត្រីជំនាញនៃក្រសួងកសិកម្ម រុក្ខាប្រមាញ់ និងនេសាទ ជាមួយនិងក្រសួងកសិកម្មនិងបរិស្ថានឡាវ ដើម្បីបើកផ្លូវ និងសម្របសម្រួលនីតិវិធីនានា ក្នុងការបើកច្រកថ្មីសម្រាប់ការដឹកជញ្ជូនឆ្លងកាត់កសិផលខ្មែរចំនួន ៦ មុខទៅកាន់ទីផ្សារចិន ដែលរួមមានចេក ស្វាយ អង្ករ មៀនប៉ៃលិន ម្សៅដំឡូងមី និងទុរេន។

លោកបន្តថា នេះជាសញ្ញាណវិជ្ជមាន និងជាកាលានុវត្តភាពថ្មីស្រឡាងសម្រាប់បងប្អូនកសិករ ក៏ដូចជាម្ចាស់អាជីវកម្មក្នុងវិស័យកសិកម្មនៅកម្ពុជា ក្នុងការចាប់យកឱកាស និងពង្រីកសក្តានុពលកសិផលខ្មែរនៅលើទីផ្សារអន្តរជាតិ។

សូមបញ្ជាក់ថា ច្រកថ្មីសម្រាប់កម្ពុជានេះនឹងធ្វើឱ្យកម្ពុជាចំណេញទៅលើរយៈពេលនៃកការដឹកជញ្ជូន (ជាធម្មតាត្រូវប្រើពេលចន្លោះពី១៥ទៅ២០ថ្ងៃ មកត្រឹម១សប្តាហ៍ប៉ុណ្ណោះ) និងធ្វើ​ឱ្យកសិផលខ្មែរចំនួនទៀតអាចនឹងនាំចេញបានដោយជោគជ័យក្នុងរយៈពេលខ្លីផងដែរ៕

The post ច្រកថ្មី! កម្ពុជា-ឡាវ បើកការដឹកជញ្ជូនឆ្លងកាត់សម្រាប់នាំចេញផ្លែទុរេនកម្ពុជាទៅកាន់ប្រទេសចិន appeared first on .

ព្រឹត្តិការណ៍ជាប្រវត្តិសាស្ត្រនៃវិស័យកសិ-ពាណិជ្ជកម្មនេះ បានស្តែងឡើងក្នុងមហាសន្និបាតកំណើតដំបូងរបស់ «សហគមន៍ផលិតករ និងអាជីវករទុរេនបែកអន្លូង (ស.ទ.ប)» កាលពីថ្ងៃទី៥ ខែមិថុនា ឆ្នាំ២០២៦ ក្រោមអធិបតីភាព លោក កឹម សុខុន រដ្ឋលេខាធិការក្រសួងពាណិជ្ជកម្ម។

មហាសន្និបាតដ៏មានសារៈសំខាន់នេះ ត្រូវបានរៀបចំឡើងក្នុងគោលដៅយុទ្ធសាស្ត្រក្នុងការពិនិត្យ និងអនុម័តលើសេចក្តីព្រាងបទបញ្ជារួមគ្រប់គ្រងការប្រើប្រាស់ និងលក្ខន្តិកៈរបស់សហគមន៍ផលិតករនិងអាជីវករទុរេនបែកអន្លូង ព្រមទាំងការរៀបចំបោះឆ្នោតជ្រើសរើសគណៈកម្មាការប្រតិបត្តិ ដើម្បីដឹកនាំសហគមន៍ឱ្យមានប្រសិទ្ធភាពទៅថ្ងៃអនាគត។

ជាលទ្ធផលផ្លែផ្កា អង្គសន្និបាតកំណើតដំបូងនេះ បានសម្រេចអនុម័តយល់ព្រមយ៉ាងពេញទំហឹងលើលក្ខន្តិកៈរបស់សហគមន៍ និងបទបញ្ជារួមគ្រប់គ្រងការប្រើប្រាស់របស់សហគមន៍ ដើម្បីធានាគុណភាពនិងស្តង់ដារតែមួយ។ ជាមួយគ្នានោះដែរ អង្គសន្និបាតក៏បានបោះឆ្នោតជ្រើសរើសសមាសភាពថ្នាក់ដឹកនាំ ដោយសម្រេចបានប្រធានមួយរូប អនុប្រធានពីររូប និងសមាជិក សមាជិកា គណៈកម្មាការប្រតិបត្តិសហគមន៍ចំនួនប្រាំបីរូប ដើម្បីដឹកនាំដំណើរការការងារតទៅមុខ។

គួរបញ្ជាក់ថា ការលេចរូបរាងឡើងនៃសហគមន៍នេះ គឺជាជំហានគន្លឹះមួយក្នុងការចងក្រងកម្លាំងផលិត ធានាបាននូវតម្លៃកសិផលប្រកបដោយស្ថិរភាព និងត្រៀមលក្ខណៈឈានទៅរកការចុះបញ្ជីម៉ាកសម្គាល់ភូមិសាស្ត្រទំនិញនាពេលខាងមុខ ដើម្បីការពារផលប្រយោជន៍កសិករ និងអាជីវករខ្មែរជានិរន្តរ៍៕

The post ទុរេនបែកអន្លូងមានសហគមន៍ផ្លូវការហើយ! មន្រ្តីជាន់ខ្ពស់ពាណិជ្ជកម្ម ជំរុញការបង្កើតសហគមន៍ ដើម្បីលើកកម្ពស់កេរ្តិ៍ឈ្មោះនិងទីផ្សារ appeared first on .

ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីន បានលើកឡើងថា ការដឹកជញ្ជូនទុរេនកម្ពុជាតាមផ្លូវអាកាសទៅកាន់ទីផ្សារប្រទេសចិន គឺអាចរក្សាបាននូវគុណភាពនិងរសជាតិរបស់វា ដូច្នេះហើយកសិករដែលដាំដំណាំទុរេនចាត់ទុកការដឹកជញ្ជូនតាមអាកាសជាអត្ថប្រយោជន៍ដ៏សំខាន់។

លោក វ៉ាង វិនពីន បានគូសបញ្ជាក់ថា បច្ចុប្បន្ននេះ កសិផលកម្ពុជាចំនួន ១៦ មុខ ត្រូវបានអនុញ្ញាតិក្នុងការនាំចេញទៅកាន់ទីផ្សារប្រទេសចិន ក្នុងនោះរួមមាន អង្ករ ដំឡូងមីស្ងួត ពោត ចេក ស្វាយ មៀន ដូង ម្រេច គ្រាប់ស្វាយចន្ទី ល្ង គ្រាប់ជី កៅស៊ូ ជលផលធម្មជាតិ ជលផលចិញ្ចឹម មច្ឆា និងទុរេន ដែលបង្ហាញពីសន្ទុះដ៏រឹងមាំ និងសមិទ្ធផលផ្លែផ្កាគួរកត់សម្គាល់នៃកិច្ចសហប្រតិបត្តិការរវាងប្រទេសទាំងពីរ។

គួរបញ្ជាក់ថា បច្ចុប្បន្ន ប្រទេសកម្ពុជា មានផ្ទៃដីដាំដុះដំណាំទុរេនប្រមាណជាង ១០ ០០០ ហិកតា ក្នុងនោះផ្ទៃដីប្រមូលផល មានជាង ៧០០ហិកតា ដែលអាចទទួលបរិមាណផលប្រមាណជាង ១២០ ០០០តោនក្នុង១ឆ្នាំ។ ដោយឡែកសម្រាប់ខេត្តត្បូងឃ្មុំ បច្ចុប្បន្នមានផ្ទៃដីដាំដុះដំណាំទុរេនទូទាំងខេត្ត សរុបប្រមាណ ៩៥០ហិកតា ផ្ទៃដីប្រមូលផលចំនួន ៦៨៥ ហិកតា និងទទួលបានបរិមាណផលប្រមាណ ១០ ០០០ តោន៕

The post ការដឹកជញ្ជូនទុរេនកម្ពុជាតាមផ្លូវអាកាសទៅកាន់ទីផ្សារប្រទេសចិន អាចរក្សាបាននូវគុណភាព និងរសជាតិ appeared first on .

លោក ឃឹម ហ្វីណង់ បានឱ្យដឹងថា ផ្លែទុរេនស្រស់កម្ពុជាជើងដំបូងជាង១៧តោន ត្រូវបាននាំចេញជាផ្លូវការទៅកាន់ទីផ្សារប្រទេសចិន បន្ទាប់ពីបានឆ្លងកាត់ការត្រួតពិនិត្យ និងការបញ្ជាក់គុណភាពពីក្រសួងកសិកម្ម ស្របតាមពិធីសារនៃការនាំចេញរួចមក។

ទុរេនទាំងនេះនឹងដឹកចេញតាមច្រកសមុទ្រនៅថ្ងៃទី១៨ កក្កដា និងគ្រោងទៅដល់ប្រទេសចិនក្នុងរយៈពេល៩ថ្ងៃទៀត។ បើមិនមានអ្វីប្រែប្រួលទេ កម្ពុជានឹងមានទុរេន៣កុងតឺន័រទៀត ត្រៀមដឹកជញ្ជូននាំចេញបន្ថែមនៅសប្តាហ៍ក្រោយ។

លោក ឃឹម ហ្វីណង់ បានគូសបញ្ជាក់ថា នេះគឺជាការជោគជ័យថ្មីមួយទៀតសម្រាប់ការនាំចេញផ្លែឈើស្រស់របស់កម្ពុជាទៅកាន់ទីផ្សារដ៏មានសក្តានុពលមួយនេះ។

សូមបញ្ជាក់ថា បន្ទាប់មានការបើកទ្វាពីប្រទេសចិន ផ្លែទុរេនទូដំបូងរបស់ប្រទេសកម្ពុជា ដែលមានទម្ងន់ប្រមាណ១៧តោន ត្រូវបានវេចខ្ចប់តាមស្ទង់ដារ និងត្រូវបាននាំចេញទៅកាន់ទីផ្សារប្រទេសចិនដោយផ្ទាល់ តាមរយៈក្រុមហ៊ុន អេច អេហ្វ ហ្រ្វូត ឯ.ក (HF FRUIT LTD.) ។ តាមគម្រោង ក្រុមហ៊ុន អេច អេហ្វ ហ្រ្វូត ឯ.ក  នឹងបន្តនាំចេញទុរេនរាប់សិបតោនទៅកាន់ទីផ្សារប្រទេសចិន តាមរយៈការប្រមូលទិញពីកសិករ ដែលដាំទុរេនក្នុងខេត្តត្បូងឃ្មុំទាំងអស់ ដោយកំណត់ទិញទៅតាមទំហំផ្លែ ប្រភេទផ្លែ និងគុណភាពនៃផ្លែទុរេន តាមតម្លៃទីផ្សាជាក់ស្តែង។

គិតមកដល់បច្ចុប្បន្ននេះ ផ្លែទុរេនស្រស់គឺជាកសិផលទី៩របស់កម្ពុជា ដែលត្រូវបានអនុញ្ញាតឱ្យនាំចេ ដោយផ្ទាល់ទៅកាន់ប្រទេសចិន បន្ទាប់ពីអង្ករ កន្ទក់អង្ករ ចំណិតដំឡូងបីក្រៀម គ្រាប់ពោត ផ្លែចេក ផ្លែស្វាយ ផ្លែមៀន និងម្រេច។ នេះគឺជាសមិទ្ធផលផ្លែផ្កាដែលកើតចេញពីកិច្ចសហប្រតិបត្តិការដ៏ល្អរវាងកម្ពុជា និងចិន។

បច្ចុប្បន្ន ប្រទេសកម្ពុជា មានផ្ទៃដីដាំដុះដំណាំទុរេនចំនួនប្រមាណជាង ១០ ០០០ ហិកតា ក្នុងនោះផ្ទៃដីប្រមូលផល មានចំនួនជាង ៧ ០០ហិកតា ដែលអាចទទួលបរិមាណផលប្រមាណជាង ១២០ ០០០តោនក្នុង១ឆ្នាំ។ ដោយឡែកសម្រាប់ខេត្តត្បូងឃ្មុំ បច្ចុប្បន្នមានផ្ទៃដីដាំដុះដំណាំទុរេនទូទាំងខេត្ត សរុបប្រមាណ ៩៥០ហិកតា ផ្ទៃដីប្រមូលផលចំនួន ៦៨៥ ហិកតា និងទទួលបានបរិមាណផលប្រមាណ ១០ ០០០ តោន៕

The post ផ្លែទុរេន៣កុងតឺន័រទៀត នឹងត្រៀមឆ្លងសមុទ្រពីកម្ពុជាទៅចិននាសប្តាហ៍ក្រោយ appeared first on .

ការនាំចេញផ្លែទុរេនរបស់កម្ពុជា ទៅលក់នៅលើទីផ្សាររបស់ប្រទេសចិន បានធ្វើឡើងដោយក្រុមហ៊ុន អេច អេហ្វ ហ្រ្វូត ឯ.ក (HF FRUIT LTD.) បានសហការជាមួយក្រុមហ៊ុននៅប្រទេសចិន បន្ទាប់ពីក្រុមបានសម្ពោធជាផ្លូវការ កាលពីថ្ងៃទី១ ខែឧសភា ឆ្នាំ២០២៥ ស្ថិតនៅក្នុងភូមិចាន់ទូង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ដើម្បីវេចខ្ចប់ផ្លែទុរេន នាំចេញទៅទីផ្សាប្រទេសចិន។

គួរឱ្យដឹងថា មុននាំចេញ រដ្ឋបាលគយចិនបានពិនិត្យគុណភាព អនាម័យ​ ភូតគាមអនាម័យ​ និងសុវត្ថិភាពយ៉ាងម៉ត់ចត់​ នូវផ្លែទុរេនស្រស់​ដែលមកពីចំការចំនួន ១១២ និងរោងចក្រវេចខ្ចប់ ៣០។ តាមគម្រោង ក្រុមហ៊ុន អេច អេហ្វ ហ្រ្វូត ឯ.ក  នឹងបន្តនាំចេញទុរេនរាប់សិបតោនទៅកាន់ទីផ្សារប្រទេសចិន តាមរយៈការប្រមូលទិញពីកសិករ ដែលដាំទុរេនក្នុងខេត្តត្បូងឃ្មុំទាំងអស់ ដោយកំណត់ទិញទៅតាមទំហំផ្លែ ប្រភេទផ្លែ និងគុណភាពនៃផ្លែទុរេន តាមតម្លៃទីផ្សាជាក់ស្តែង។

សូមបញ្ជាក់ថា កាល​ពី​ថ្ងៃ​ទី​០៥ ខែ​កក្កដា ឆ្នាំ​២០២៥ កន្លង​ទៅ​ អគ្គរដ្ឋបាល​គយចិន (GACC) ​សម្រេច​ជា​ផ្លូវ​ការ​អនុញ្ញាត​ឱ្យ​កម្ពុជា​នាំ​ចេញ​ផ្លែ​ទុរេន​ស្រស់​ទៅ​កាន់​ប្រទេស​ចិន ក្នុង​នោះ មាន​ចម្ការទុរេនចំនួន ១២២ កន្លែង ត្រូវ​បាន​អនុញ្ញាត​ឱ្យនាំចេញ​ផ្លែទុរេន​ស្រស់​ពីកម្ពុជា​ទៅកាន់​ប្រទេសចិន​ជាផ្លូវការ។ បន្ថែម​ពី​នេះ ក៏​នៅ​មាន​រោងចក្រ​វេច​ខ្ចប់​ចំនួន ៣០ កន្លែង ដែល​បានបំពេញតាមគោលការណ៍កសិកម្មល្អ (GAP) លក្ខខណ្ឌ​ភូតគាមអនាម័យ និងស្តង់ដាសុវត្ថិភាពចំណីអាហាររបស់ប្រទេសចិន។ ការអនុញ្ញាតនេះ ស្របតាមពិធីសារដែលបានចុះហត្ថលេខាកាលពីខែមេសាកន្លងទៅ។

សូមបញ្ជាក់ផងដែរថា គិតមកដល់បច្ចុប្បន្ននេះ ផ្លែទុរេនស្រស់គឺជាកសិផលទី៩របស់កម្ពុជា ដែលត្រូវបានអនុញ្ញាតឱ្យនាំចេ ដោយផ្ទាល់ទៅកាន់ប្រទេសចិន បន្ទាប់ពីអង្ករ កន្ទក់អង្ករ ចំណិតដំឡូងបីក្រៀម គ្រាប់ពោត ផ្លែចេក ផ្លែស្វាយ ផ្លែមៀន និងម្រេច។ នេះគឺជាសមិទ្ធផលផ្លែផ្កាដែលកើតចេញពីកិច្ចសហប្រតិបត្តិការដ៏ល្អរវាងកម្ពុជា និងចិន។

បច្ចុប្បន្ន ប្រទេសកម្ពុជា មានផ្ទៃដីដាំដុះដំណាំទុរេនចំនួនប្រមាណជាង ១០ ០០០ ហិកតា ក្នុងនោះផ្ទៃដីប្រមូលផល មានចំនួនជាង ៧ ០០ហិកតា ដែលអាចទទួលបរិមាណផលប្រមាណជាង ១២០ ០០០តោនក្នុង១ឆ្នាំ។ ដោយឡែកសម្រាប់ខេត្តត្បូងឃ្មុំ បច្ចុប្បន្នមានផ្ទៃដីដាំដុះដំណាំទុរេនទូទាំងខេត្ត សរុបប្រមាណ ៩៥០ហិកតា ផ្ទៃដីប្រមូលផលចំនួន ៦៨៥ ហិកតា និងទទួលបានបរិមាណផលប្រមាណ ១០ ០០០ តោន៕

The post ទុរេនកម្ពុជា១៧តោន ត្រូវបានវេចខ្ចប់នាំចេញទៅចិនជាលើកដំបូងដោយជោគជ័យ appeared first on .

សេចក្តីប្រកាសព័ត៌មាន របស់ក្រសួងកសិកម្ម រុក្ខាប្រមាញ់ និងនេសាទ ស្តីពីការអនុញ្ញាតឱ្យនាំចេញផ្លែទុរេនស្រស់ពីកម្ពុជាទៅកាន់ប្រទេសចិន នាថ្ងៃទី៥ កក្កដា បានបញ្ជាក់ថា សេចក្តីសម្រេចនេះធ្វើឡើងបន្ទាប់ពី GACC បានវាយតម្លៃនិងយល់ព្រមលើសំណើចុះបញ្ជីចម្ការទុរេន ចំនួន ១១២កន្លែង និងរោងចក្រវេចខ្ចប់ចំនួន ៣០កន្លែង ដែលបានបំពេញតាមគោលការណ៍កសិកម្មល្អ (GAP) លក្ខខណ្ឌភូតគាមអនាម័យ និងស្តង់ដាសុវត្ថិភាពចំណីអាហាររបស់ប្រទេសចិន។

ជាមួយគ្នានេះ ដើម្បីធានានូវគុណភាពនិងនិរន្តរភាពនៃការនាំចេញ ក្រសួងកសិកម្ម ក៏បានអំពាវនាវដល់ម្ចាស់ចម្ការ និងរោងចក្រ វេចខ្ចប់ទាំងអស់ ត្រូវបន្តអនុវត្តឱ្យខ្ជាប់ខ្ជួនតាមលក្ខខណ្ឌនៃពិធីសារដែលកំណត់ដោយគ្មានសមាសភាពចង្រៃ គ្មានសំណល់ថ្នាំកសិកម្ម ឬសារធាតុគីមីហាមឃាត់។

ទន្ទឹមនឹងនេះ ក្រសួងបានជំរុញឱ្យម្ចាស់ចម្ការនិងរោងចក្រវេចខ្ចប់ផ្សេងទៀត ដែលមានបំណងនាំចេញ រួសរាន់មកដាក់ពាក្យ ស្នើសុំចុះបញ្ជីជាមួយរអគ្គនាយកដ្ឋានកសិកម្ម ដើម្បីទទួលបានការវាយតម្លៃ។

សូមបញ្ជាក់ថា គិតមកដល់បច្ចុប្បន្ននេះ ផ្លែទុរេនស្រស់គឺជាកសិផលទី៩របស់កម្ពុជា ដែលត្រូវបានអនុញ្ញាតឱ្យនាំចេ ដោយផ្ទាល់ទៅកាន់ប្រទេសចិន បន្ទាប់ពីអង្ករ កន្ទក់អង្ករ ចំណិតដំឡូងបីក្រៀម គ្រាប់ពោត ផ្លែចេក ផ្លែស្វាយ ផ្លែមៀន និងម្រេច។ នេះគឺជាសមិទ្ធផលផ្លែផ្កាដែលកើតចេញពីកិច្ចសហប្រតិបត្តិការដ៏ល្អរវាងកម្ពុជា និងចិន៕

The post ចម្ការទុរេន១១២កន្លែង និងរោងចក្រវេចខ្ចប់ ៣០កន្លែង ត្រូវបានអនុញ្ញាតនាំចេញផ្លែទុរេនស្រស់ទៅកាន់ប្រទេសចិនជាផ្លូវការ appeared first on .

លោក ប៉ែន សុវិជាតិ មានប្រសាសន៍បញ្ជាក់ថា “ខ្ញុំសូមជម្រាបជូនថា រហូតមកទល់ថ្ងៃទី២៦ ខែឧសភាឆ្នាំ២០២៥នេះ បើតាមរបាយការណ៍ពីអង្គភាពផ្សេងៗទាំងអង្គភាពថ្នាក់ក្រោមជាតិនិងអង្គភាពថ្នាក់ជាតិ របស់អគ្គនាយកដ្ឋានកិច្ចការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) យើងអត់ទាន់រកឃើញសារធាតុហាមឃាត់ដែលបង្កហានិភ័យជាជំងឺមហារីកនោះនៅឡើយទេ។ ប៉ុន្តែយើងមិនទាន់អស់ចិត្តដោយខ្លួនឯង គឺយើងចង់ទទួលបានបទពិសោធន៍បន្ថែមទៀតពីមន្ត្រីជំនាញរបស់ចិនទាំងផ្នែកបច្ចេកទេស និងការកត់សម្គាល់ភ្លាមៗទៅលើលក្ខណៈខាងក្រៅរបស់ផ្លែទុរេន ដើម្បីដឹងភ្លាមៗថាតើផ្លែទុរេនណាមួយមើលទៅគួរឱ្យសង្ស័យ ពីព្រោះ យើងមិនអាចយកសំណាកគ្រប់តូបនៅទូទាំងប្រទេសបានទេ ។យើងយកសំណាកនៅកន្លែងណាដែលយើងសង្ស័យថាមានប្រភពនាំចូលមកពីប្រទេសជិតខាង”។

លោកលើកឡើងថា ពាក់ព័ន្ធនិងការទប់ស្កាត់ការនាំចូលផ្លែទុរេនមកពីខាងក្រៅនេះ យើងបានប្រុងប្រយ័ត្នតាំងពីឆ្នាំ២០២៤ ហើយនៅក្នុងឆ្នាំនោះផងដែរក្រសួងបានរៀបចំ និងបានរាយការណ៍ម្តងរួចហើយ បន្ទាប់មកនៅឆ្នាំ២០២៥មានសារចរណែនាំមួយពីទីស្តីការគណៈរដ្ឋមន្ត្រីដើម្បីឱ្យក្រសួងពាណិជ្ជកម្មមានការប្រុងប្រយ័ត្នជាមួយនិងទុរេននាំចូល។

នៅក្នុងចំណុចនេះ យើងក៏សង្កេតឃើញថាមានការជន់ជោផ្លែទុរេនៅក្នុងទីផ្សារប្រទេសជិតខាង ហើយទុរេនទាំងនោះមិនមែនជាទុរេនមានផ្ទុកសារធាតុគីមីទេ ប៉ុន្តែដោយសារមានការភ័យខ្លាចអាចនឹងកើតឡើងក៏ធ្វើឱ្យផ្លែទុរេនមួយចំនួនធំ ដែលមានប្រភពមកពីកន្លែងបាននាំចេញទៅមានផ្ទុកសារធាតុជាតិគីមីនោះ ទាំងទុរេនល្អ និងទុរេនមានផ្ទុកជាតិគីមី ប្រែជាជន់ជោនៅលើទីផ្សារ។ ការជន់ជោទុរេននេះក៏បានលេចឮថាមានធ្លាយមកតាមច្រកផ្សេងៗចូលមកក្នុងប្រទេសកម្ពុជា។

លោកបន្តថា អគ្គនាយកដ្ឋាន (ក.ប.ប) ក៏បានយកចិត្តទុកដាក់ ហើយបានសហការជាមួយស្ថាប័នពាក់ព័ន្ធ បានធ្វើការឃាត់នៅតាមច្រកចូលសំខាន់ៗ និងធ្វើការឃាត់តាមច្រករបៀង។ ជំហ៊ានបន្ទាប់មកទៀតមន្ត្រីជំនាញក៏បានដើរទៅតាមទីផ្សារដើម្បីប្រមូលសំណាកមួយចំនួន នៅត្រង់ណាដែលសង្ស័យថាអាចជាទុរេននាំចូល ដើម្បីពិនិត្យថាតើមានផ្ទុកសារធាតុគីមីឬទេ។

លោកសង្កត់ធ្ងន់ថា “ខ្ញុំចង់ជម្រាបថាបញ្ហាទុរេននេះវាជួយឱ្យប្រទេសយើង ទន្ទឹមនិងមានការប្រុងប្រយ័ត្នក៏ក្លាយជាប្រភពមួយផ្គត់ផ្គង់ទុរេនធម្មជាតិសម្រាប់ពីទីផ្សារដែលធ្លាប់នាំចូលពីប្រភពផ្សេងៗដែលគេគិតថាមានផ្ទុកសារធាតុគីមីនោះ ឥឡូវគេជំនួសមកទិញទុរេនខ្មែរវិញ អត់មានប្រើប្រាស់សារធាតុគីមីផ្សេងៗដែលគេហាមឃាត់”៕

The post មន្ត្រីនាំពាក្យក្រសួងពាណិជ្ជកម្ម៖ គិតមកដល់ពេលនេះកម្ពុជារកមិនទាន់ឃើញមានសារធាតុគីមីនៅលើផ្លែទុរេន appeared first on .