ក្នុងជំនួបនេះ លោកស្រីឯកអគ្គរដ្ឋទូត បានលើកឡើងពីសារៈសំខាន់របស់សហគ្រាសធុនមីក្រូ តូច និងមធ្យម ក្នុងការគាំទ្រសកម្មភាពសេដ្ឋកិច្ច និងបានពិភាក្សាអំពីឱកាសក្នុងការពង្រឹងខ្សែច្រវាក់តម្លៃក្នុងវិស័យកសិកម្ម ជាពិសេសដំណាំស្វាយចន្ទី។ បន្ថែមលើនេះ លោកស្រីក៏បានលើកឡើងពីសារៈសំខាន់ក្នុងការជំរុញការកែច្នៃក្នុងស្រុក និងការលើកកម្ពស់លទ្ធភាពទទួលបានហិរញ្ញប្បទានរបស់កសិករ ផងដែរ។

ជាការឆ្លើយតប លោកស្រីទេសាភិបាល បានមានប្រសាសន៍ពីកិច្ចសហការល្អផ្នែកហិរញ្ញវត្ថុជាមួយរដ្ឋាភិបាលអាល្លឺម៉ង់នាពេលកន្លងមក និងបានជម្រាបជូនពីស្ថានភាពសេដ្ឋកិច្ចកម្ពុជា ព្រមទាំងវឌ្ឍនភាពនៃការធ្វើពិពិធកម្មផលិតផល និងទីផ្សារនាំចេញ។ ពាក់ព័ន្ធនឹងការទទួលបានហិរញ្ញប្បទាន លោកស្រីបានលើកឡើងថា បើទោះបីជាមានការដាក់ចេញនូវយន្តការលើកទឹកចិត្តផ្នែកបទប្បញ្ញត្តិ ដើម្បីជំរុញការផ្តល់ឥណទានដល់សហគ្រាសធុនតូច និងមធ្យម និងវិស័យកសិកម្ម ប៉ុន្តែបញ្ហាប្រឈមក្នុងការទទួលបានហិរញ្ញប្បទាននៅតែមាន។ ក្នុងន័យនេះ លោកស្រីបានលើកទឹកចិត្តឱ្យមានកិច្ចសហការស្រាវជ្រាវរួមគ្នា ដើម្បីកំណត់ឱ្យបានច្បាស់លាស់នូវឧបសគ្គជាក់ស្តែង ដូចជាលទ្ធភាពទទួលបានដើមទុន ភស្តុភារកម្ម ខ្សែច្រវាក់តម្លៃកសិកម្ម ឬការយល់ដឹងរបស់អ្នកប្រើប្រាស់សេវាហិរញវត្ថុ។

ទន្ទឹមនឹងនោះ ភាគីទាំងពីរបានគូសបញ្ជាក់ពីសារៈសំខាន់នៃការសិក្សាផ្អែកលើភស្តុតាង និងការពង្រឹងកិច្ចសហការដើម្បីដោះស្រាយបញ្ហាប្រឈម សំដៅពង្រឹងការគាំទ្រដល់ការអភិវឌ្ឍសេដ្ឋកិច្ចប្រកបដោយចីរភាព។

The post ធនាគារជាតិនៃកម្ពុជា និងស្ថានទូតអាល្លឺម៉ង់ ពង្រឹងកិច្ចសហប្រតិបត្តិការសេដ្ឋកិច្ច និងជំរុញការផ្តល់ហិរញ្ញប្បទានដល់វិស័យកសិកម្ម ជាពិសេសដំណាំស្វាយចន្ទី appeared first on .

ធនាគារជាតិនៃកម្ពុជា នាថ្ងៃទី២ ខែតុលា​ ឆ្នាំ២០២៦នេះ ក៏បានចេញសេចក្តីថ្លែងការបញ្ជាក់ជូន សាធារណជនថា ព័ត៌មានទាំងនេះមិនមានមូលដ្ឋានពិតប្រាកដ និងអាចបង្កឱ្យមានការយល់ច្រឡំ ព្រមទាំងអាចប៉ះពាល់ដល់ផលប្រយោជន៍របស់សាធារណជន អ្នកប្រើប្រាស់សេវាធនាគារ និង ទំនុកចិត្តលើប្រព័ន្ធធនាគារទាំងមូល។

ធនាគារជាតិនៃកម្ពុជា ក៏បានប្រកាសថ្កោលទោសយ៉ាងដាច់អហង្ការចំពោះការផ្សព្វផ្សាយ និងការបំភ្លៃ ព័ត៌មានមិនពិតដោយចេតនា ក្នុងគោលបំណងធ្វើវិទ្ធង្សនាសេដ្ឋកិច្ច។ ជាមួយគ្នានេះ ធនាគារជាតិនៃកម្ពុជាក៏បានអំពាវនាវដល់អាជ្ញាធរមានសមត្ថកិច្ច ដើម្បីចាត់វិធានការតាមច្បាប់ចំពោះបុគ្គលពាក់ព័ន្ធផងដែរ៕

The post ធនាគារជាតិ ប្រកាសថ្កោលទោសចំពោះការផ្សព្វផ្សាយ និងការបំភ្លៃព័ត៌មានដែលថា គ្រឹះស្ថានធនាគារនិងហិរញ្ញវត្ថុមួយចំនួន កំពុងប្រឈមនឹងបញ្ហា ឬអាចជួបប្រទះបញ្ហានាពេលខាងមុខ appeared first on .

សេដ្ឋកិច្ចកម្ពុជានាឆមាសទី១ ឆ្នាំ២០២៦ ត្រូវបានប៉ាន់ស្មានថាមានការថយល្បឿនកំណើន ដោយសារភាពមិនប្រាកដប្រជានៃស្ថានភាពពិភពលោកនិងក្នុងស្រុក។ ក្នុងនោះ វិស័យទេសចរណ៍ សំណង់ និងអចលនទ្រព្យបានបន្តជួបភាពទន់ខ្សោយ ប៉ុន្តែកំណើនសេដ្ឋកិច្ចជារួមនៅតែត្រូវបានគាំទ្រដោយការនាំចេញ ការវិនិយោគផ្ទាល់ពីបរទេស និងផលិតកម្មក្នុងស្រុក។ដោយសារការឡើងថ្លៃប្រេងឥន្ធនៈ អត្រាអតិផរណារួមបានស្ទុះឡើងដល់ ៧,២% ក្នុងខែឧសភា និង ៦,៨% ក្នុងខែមិថុនា។ ទោះជាយ៉ាងណា សមតុល្យជញ្ជីងទូទាត់បន្តមានអតិរេកដោយសារលំហូរចូលនៃមូលធន ហើយទុនបម្រុងអន្តរជាតិជារួមនៅតែរក្សាបានកម្រិតខ្ពស់ ដែលអាចធានាការនាំចូលទំនិញនិងសេវាបានរហូតដល់ប្រមាណ ៨ខែ។

យោងតាមរបាយការណ៍ធនាគារជាតិ ស្របតាមការប្រែប្រួលសេដ្ឋកិច្ច ប្រាក់រៀលបន្តរក្សាបានស្ថិរភាពល្អប្រសើរ ដោយប្រែប្រួលជាមធ្យម ត្រឹម ០,៩% ប៉ុណ្ណោះ។ អត្រាប្តូរប្រាក់មានកម្រិតជាមធ្យម ៤.០១៧ រៀលក្នុងមួយដុល្លារអាមេរិក ដែលរួមចំណែករក្សាអំណាចទិញនៃប្រាក់រៀល។ អត្រាប្រាក់បម្រុងកាតព្វកិច្ចជារៀលនិងជារូបិយប័ណ្ណ ត្រូវបានរក្សាក្នុងកម្រិត ៧% ស្របពេលដែលការស្រូបនិងការផ្តល់សន្ទនីយភាពជាប្រាក់រៀលមានកម្រិត សមស្រប ដោយមូលបត្រអាចជួញដូរបាន (NCD) ជារៀល ត្រូវបានបោះផ្សាយជាមធ្យម ៣,៧ ទ្រីលាន រៀលក្នុងមួយខែ ខណៈប្រតិបត្តិការផ្តល់សន្ទនីយភាពដោយមានការធានា (LPCO) មានកម្រិតជាមធ្យម ៤៧៦ ប៊ីលានរៀលក្នុងមួយខែ។ ដើម្បីរួមចំណែកកាត់បន្ថយថ្លៃដើមប្រភពទុនជារៀល អត្រាការប្រាក់យោងត្រូវបានកាត់បន្ថយមក ២,៥% ខណៈអត្រាការប្រាក់អន្តរធនាគារជាប្រាក់រៀលជាមធ្យមមាន ស្ថិរភាពនៅកម្រិត ៣,៣៦%។

របាយការណ៍បានបញ្ជាក់ថា ប្រព័ន្ធធនាគារបន្តរក្សាបានភាពរឹងមាំទាំងដើមទុននិងសន្ទនីយភាព ទោះបីទទួលរងផលប៉ះពាល់ពីកត្តាខាងក្រៅនិងក្នុងស្រុក។ ភាពមិនប្រាកដប្រជានៃស្ថានភាពសេដ្ឋកិច្ចនិងហិរញ្ញវត្ថុសកល គួបផ្សំនឹងភាពទន់ខ្សោយនៃវិស័យសេដ្ឋកិច្ចមួយចំនួន បានដាក់សម្ពាធដល់ការបញ្ចេញឥណទាននិងគុណភាពឥណទាន។ ឥណទានមានកំណើន ៤,៦% ហើយអនុបាតឥណទានមិនដំណើរការដុលមានកម្រិត ៩,៦%។ ទោះយ៉ាងណា អនុបាតឥណទានមិនដំណើរការសុទ្ធមានកម្រិតត្រឹម ៣,៣% ដែលបង្ហាញពីលទ្ធភាពខ្ពស់របស់គ្រឹះស្ថានធនាគារនិងហិរញ្ញវត្ថុក្នុងការស្រូបយកការខាតបង់។ ម៉្យាងទៀត ដើមទុននិងសន្ទនីយភាពរបស់គ្រឹះស្ថានធនាគារនិងហិរញ្ញវត្ថុ បន្តមានកម្រិតខ្ពស់ ដោយអនុបាតដើមទុនសរុបរបស់ គ្រឹះស្ថានធនាគារនិងហិរញ្ញវត្ថុទទួលប្រាក់បញ្ញើមានកម្រិត ២៣,៣% (ធៀបនឹងកម្រិតអប្បបរមា តាមបទប្បញ្ញត្តិ ១៥%) ហើយអនុបាតក្របខណ្ឌសន្ទនីយភាពមានកម្រិត ១៧២,៨% (ធៀបនឹងកម្រិត អប្បបរមាតាមបទប្បញ្ញត្តិ ១០០%)។

លើសពីនេះ ការជំរុញបរិយាបន្នហិរញ្ញវត្ថុនិងហិរញ្ញវត្ថុប្រកបដោយចីរភាព បន្តមានវឌ្ឍនភាពល្អប្រសើរ ខណៈដែលការពង្រឹងកិច្ចការពារអតិថិជននិងការអភិវឌ្ឍកិច្ចការពារប្រាក់បញ្ញើ បានរួមចំណែក លើកកម្ពស់ជំនឿទុកចិត្ត។ ចំនួនគណនីប្រាក់បញ្ញើអតិថិជនបានកើនឡើង ៣៨,៣% ដល់ ៣៩,៦ លាន គណនី ស្របពេលដែលចំនួនគណនីឥណទានបានកើនឡើង ៩,៧% ដល់ ៤,៧ លានគណនី៕

The post ប្រព័ន្ធធនាគារកម្ពុជានៅតែមានភាពធន់ និងរឹងមាំ ទោះបីស្ថិតក្នុងភាពមិនប្រាកដប្រជានៃពិភពលោក appeared first on .

ធនាគារជាតិនៃកម្ពុជា បានឱ្យដឹងថា វេទិកា Black Swan Summit Cambodia 2026 នេះក៏មានការសហការគាំទ្រពីសមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា (CAFT) ផងដែរ។

ព្រឹត្តិការណ៍នេះនឹងផ្តល់វេទិកាសម្រាប់កិច្ចពិភាក្សាកម្រិតខ្ពស់ ការធ្វើបទបង្ហាញ និងកិច្ចពិភាក្សាតុមូល សំដៅស្វែងយល់ពីការប្រើប្រាស់បច្ចេកវិទ្យាក្នុងការពង្រឹងទំនាក់ទំនងផ្នែកហិរញ្ញវត្ថុ និងសេដ្ឋកិច្ចរវាងបណ្តាប្រទេសក្នុងតំបន់អាស៊ាន និងបណ្តាប្រទេសប្រើប្រាស់ភាសាបារាំង៕

The post ធនាគារជាតិនៃកម្ពុជា សហការជាមួយ ស្ថាប័នបណ្ដាញបច្ចេកវិទ្យា និងហិរញ្ញវត្ថុសកល រៀបចំវេទិកាលំដាប់អន្តរជាតិ មួយនៅកម្ពុជា នាខែវិច្ឆិកាខាងមុខ appeared first on .

ការដាក់ឱ្យប្រើប្រាស់ធនប័ត្រគំរូថ្មីទាំងពីរប្រភេទនេះ ត្រូវបានអនុវត្តទន្ទឹមគ្នានឹងបណ្តាប្រភេទប្រាក់ដែលត្រូវបានចេញផ្សាយរួចហើយកន្លងមក ដែលមានន័យថារាល់ក្រដាសប្រាក់គំរូចាស់ៗដែលកំពុងចរាចរលើទីផ្សារនាពេលបច្ចុប្បន្ន នៅតែរក្សាតម្លៃ និងមានសុពលភាពចាយវាយស្របច្បាប់ជាធម្មតា។

ផ្អែកតាមសេចក្តីប្រកាសរបស់ធនាគារជាតិនៃកម្ពុជា ដែលចុះហត្ថលេខាដោយលោកជំទាវបណ្ឌិត ជា សិរី ទេសាភិបាលធនាគារជាតិ បានបញ្ជាក់ថា ធនប័ត្រប្រភេទ ៥០,០០០ រៀល គំរូថ្មី មានទំហំបណ្តោយ ១៥៥ មីលីម៉ែត្រ និងទទឹង ៧២ មីលីម៉ែត្រ ដោយមានពណ៌ចម្បងគឺពណ៌ស្លាទុំ និងពណ៌ត្នោត។

នៅលើផ្ទៃខាងមុខ ផ្នែកកណ្តាលខាងស្តាំត្រូវបានរំលេចឡើងនូវព្រះឆាយាល័ក្ខណ៍មើលពីមុខបញ្ឆិតចំហៀងខាងឆ្វេងនៃព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ អមដោយលេខ «៥០០០០» នៅផ្នែកខាងឆ្វេង ហត្ថលេខារបស់ទេសាភិបាល និងអគ្គបេឡា រូបជើងពានទ្រព្រះខ័នព័ទ្ធដោយកម្រងផ្កា និងក្បាច់ភ្ញីទេស ព្រមទាំងមានលេខ-មាលាទឹកថ្នាំខ្មៅ រូបចម្លាក់នាគក្បាល៧ តាមគំរូថ្មនៅប្រាសាទបាលិលេយ្យ និងខ្សែសុវត្ថិភាពទំហំ ១,២ មីលីម៉ែត្រ កាត់ទទឹងក្រដាសប្រាក់ពីលើដល់ក្រោម។

បន្ថែមពីនេះ នៅផ្នែកខាងឆ្វេងនៃផ្ទៃមុខ ក៏មានលេខ «50000» ព្រាលៗបោះពុម្ពបញ្ឈរ និមិត្តសញ្ញាពិសេសសម្រាប់ជនពិការភ្នែក និងបន្ទះ Hologram ទំហំ ១០ មីលីម៉ែត្រ ប្រកបដោយបច្ចេកវិទ្យាទំនើប។ រីឯផ្ទៃខាងខ្នងវិញ ផ្នែកកណ្តាលបង្ហាញពីរូបភាពប្រាសាទបាគងនៃក្រុមប្រាសាទរលួស ក្នុងខេត្តសៀមរាប ផ្នែកខាងស្តាំមានរូបភាពកូនដំរីតាមគំរូចម្លាក់ថ្មនៅប្រាសាទកោះកេរ ខេត្តព្រះវិហារ និងផ្នែកខាងឆ្វេងមានអក្សរ «ធនាគារជាតិនៃកម្ពុជា» ព្រមទាំងអក្សរឡាតាំង «NATIONAL BANK OF CAMBODIA» ចម្លាក់នាគមួយគូ និងលេខឆ្នាំ «2026» នៅផ្នែកខាងក្រោម។

ដោយឡែក ចំពោះធនប័ត្រប្រភេទ ១០០,០០០ រៀល គំរូថ្មីវិញ ត្រូវបានរចនាឡើងដោយមានទំហំបណ្តោយ ១៧០ មីលីម៉ែត្រ និងទទឹង ៧៥ មីលីម៉ែត្រ ព្រមទាំងមានពណ៌ចម្បងគឺពណ៌បៃតង និងពណ៌ប្រផេះ។ នៅផ្ទៃខាងមុខ ផ្នែកកណ្តាលខាងស្តាំរំលេចនូវព្រះឆាយាល័ក្ខណ៍នៃព្រះករុណា ព្រះបរមរតនកោដ្ឋ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ដោយមានលេខ «១០០០០០» ហត្ថលេខាថ្នាក់ដឹកនាំធនាគារជាតិ រូបព្រះសង្ហារនៃព្រះរាជាណាចក្រកម្ពុជា រូបចម្លាក់នាគក្បាល៩ អក្សរ «មួយសែនរៀល» ព្រមទាំងបន្ទះ Hologram ទំហំ ១០ មីលីម៉ែត្រ និងនិមិត្តសញ្ញាសម្រាប់ជនពិការភ្នែកដូចគ្នាផងដែរ។

ចំណែកឯផ្ទៃខាងខ្នង ផ្នែកកណ្តាលបានរំលេចនូវព្រះឆាយាល័ក្ខណ៍រួមគ្នានៃអង្គក្សត្រទាំងបីព្រះអង្គ គឺព្រះករុណា ព្រះបរមរតនកោដ្ឋ សម្តេចព្រះវររាជមាតាជាតិខ្មែរ និងព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា អមដោយរូបភាពស្តេចគ្រុឌឈរសម្ដែងឫទ្ធិ តាមគំរូថ្មនៅប្រាសាទព្រះខ័ន ខេត្តសៀមរាប នៅផ្នែកខាងស្តាំ និងមានឈ្មោះស្ថាប័នជាភាសាខ្មែរ-អង់គ្លេស រួមជាមួយលេខឆ្នាំ «2026» នៅផ្នែកខាងឆ្វេង។

ធនាគារជាតិនៃកម្ពុជា បានបញ្ជាក់ថា ការចេញផ្សាយធនប័ត្រគំរូថ្មីនេះ គឺដើម្បីលើកកម្ពស់គុណភាព និងសុវត្ថិភាពរូបិយវត្ថុជាតិ ព្រមទាំងបានអំពាវនាវដល់សាធារណជនទាំងអស់ ឱ្យយកចិត្តទុកដាក់ពិនិត្យ និងសម្គាល់នូវលក្ខណៈសម្គាល់ផ្លូវការទាំងនេះឱ្យបានច្បាស់លាស់ ដើម្បីធានានូវភាពត្រឹមត្រូវ និងជៀសវាងការភាន់ច្រឡំផ្សេងៗក្នុងការទូទាត់សាច់ប្រាក់ប្រចាំថ្ងៃ៕

The post ចេញជាផ្លូវការហើយ! ធនាគារជាតិនៃកម្ពុជា បង្ហាញរូបរាង និងលក្ខណៈសម្គាល់ក្រដាសប្រាក់គំរូថ្មី ៥០,០០០ រៀល និង ១០០,០០០ រៀល appeared first on .

អនុស្សរណៈនេះត្រូវបានចុះហត្ថលេខាដោយ លោកស្រី ជា សិរី ទេសាភិបាល ធនាគារជាតិនៃកម្ពុជា និងលោក Helder Lopes ទេសាភិបាល ធនាគារកណ្តាលទីម័រឡេស្តេ នៅក្នុងពិធីដាក់ឱ្យប្រើប្រាស់ប្រព័ន្ធទូទាត់រហ័ស របស់ធនាគារកណ្តាលទីម័រឡេស្តេ ដែលប្រព្រឹត្តទៅក្រោមអធិបតីភាពលោក José Ramos-Horta ប្រធានាធិបតីនៃសាធារណរដ្ឋប្រជាធិតេយ្យទីម័រឡេស្តេ និងលោក Kay Rala Xanana Gusmão នាយករដ្ឋមន្រ្តីនៃសាធារណរដ្ឋប្រជាធិតេយ្យទីម័រឡេស្តេ។

គោលបំណងនៃអនុស្សរណៈយោគយល់នេះគឺដើម្បីបង្កើតក្របខណ្ឌបន្ថែមទៀតក្នុងការពង្រឹងកិច្ចសហប្រតិបត្តិការលើការទូទាត់ឌីជីថល នវានុវត្តន៍ផ្នែកហិរញ្ញវត្ថុ និងការពង្រឹងការតភ្ជាប់ផ្នែកហិរញ្ញវត្ថុ។

តាមរយៈក្របខណ្ឌនេះ ភាគីទាំងពីរនឹងផ្លាស់ប្តូរព័ត៌មាន ​ចំណេះដឹង និងបទពិសោធ ព្រមទាំងសហការលើការស្រាវជ្រាវ ក៏ដូចជាការបណ្តុះបណ្តាលនានា។ កិច្ចសហប្រតិបត្តិការនេះក៏មានគោលបំណងលើកកម្ពស់ការទូទាត់ជារូបិយវត្ថុក្នុងស្រុក ដើម្បីគាំទ្រសកម្មភាពពាណិជ្ជកម្ម និងការវិនិយោគរវាងប្រទេសទាំងពីរផងដែរ។

The post ធនាគារជាតិនៃកម្ពុជា និងធនាគារកណ្តាលទីម័រឡេស្តេ ចុះ MOU ស្តីពីការលើកកម្ពស់កិច្ចសហប្រតិបត្តិការទ្វេភាគីលើប្រព័ន្ធទូទាត់ឌីជីថល និងការតភ្ជាប់ប្រព័ន្ធទូទាត់ឆ្លងដែន appeared first on .

លោកស្រីបានស្ថិតក្នុងបញ្ជីចំណាត់ថ្នាក់នេះក្នុងចំណោមទេសាភិបាល ធនាគារកណ្តាលនៃបណ្តាប្រទេស ដែលមានប្រព័ន្ធហិរញ្ញវត្ថុរីកចម្រើនដូចជា ឯកឧត្តម Martin Schlegel ទេសាភិបាល ធនាគារជាតិនៃប្រទេសស្វ៊ីស លោក Khaled Mohamed Balama Al Tameemi ទេសាភិបាល ធនាគារកណ្តាល អេមីរ៉ាតអារ៉ាប់រួម (UAE) និងលោក Eli Remolona ទេសាភិបាល ធនាគារកណ្តាលហ្វីលីពីន ជាដើម។

Global Finance បានផ្សព្វផ្សាយបញ្ជីចំណាត់ថ្នាក់ឥស្សរជនជាថ្នាក់ដឹកនាំធនាគារកណ្តាលនេះជារៀងរាល់ឆ្នាំ គិតចាប់ពីឆ្នាំ១៩៩៤ ដោយវាយតម្លៃលើប្រសិទ្ធភាពការងាររបស់ថ្នាក់ដឹកនាំធនាគារកណ្តាលប្រមាណ ១០០ ប្រទេសជុំវិញពិភពលោក ជាពិសេសលើការអនុវត្តនយោបាយរូបិយវត្ថុ ក្នុងការរក្សាស្ថិរភាពអត្រាប្តូរប្រាក់ និងគាំទ្រកំណើនសេដ្ឋកិច្ចប្រកបដោយចីរភាព។

 នេះជាចំណាត់ថ្នាក់ល្អដែលលោកស្រីទេសាភិបាល ទទួលបានបីឆ្នាំជាប់គ្នា បន្ទាប់ពីលោកជំទាវត្រូវបានតែងតាំងជា ទេសាភិបាល ធនាគារជាតិនៃកម្ពុជា កាលពីខែកក្កដា ឆ្នាំ២០២៣។

The post លោកស្រី ជា សិរី ត្រូវបានទស្សនាវដ្តីអន្តរជាតិផ្តល់ចំណាត់ថ្នាក់ខ្ពស់ «A-» ៣ឆ្នាំជាប់ៗគ្នា ចំពោះការដឹកនាំធនាគារជាតិនៃកម្ពុជា appeared first on .

អនុស្សារណៈនេះ បានធ្វើឡើងក្នុងដំណើរបំពេញបេសកកម្មការងារនៅប្រទេសអ៊ូសបេគីស្ថាន រវាងលោកស្រី ជា សិរី ទេសាភិបាល ធនាគារជាតិនៃកម្ពុជា ជាមួយ លោក Timur Ishmetov ទេសាភិបាល ធនាគារកណ្តាលអ៊ូសបេគីស្ថាន នាថ្ងៃទី២៥ ខែសីហា ឆ្នាំ២០២៦ ក្នុងគោលបំណងពង្រឹងកិច្ចសហប្រតិបត្តិការរវាងធនាគារកណ្តាលទាំងពីរឱ្យបានកាន់តែរឹងមាំថែមទៀត។

ក្នុងជំនួបនេះ ភាគីធនាគារជាតិនៃកម្ពុជា និងធនាគារកណ្តាលអ៊ូសបេគីស្ថាន បានផ្លាស់ប្តូរទស្សនាទានលើការអភិវឌ្ឍវិស័យហិរញ្ញវត្ថុ ជាពិសេសការអភិវឌ្ឍ និងការតភ្ជាប់ប្រព័ន្ធទូទាត់សងប្រាក់។

ក្នងឱកាសនោះ លោក ទេសាភិបាល ធនាគារកណ្តាលអ៊ូសបេគីស្ថាន ក៏បានលើកសរសើរ និងវាយតម្លៃខ្ពស់ចំពោះប្រសិទ្ធភាពនៃការអនុវត្តនយោបាយរូបិយវត្ថុរបស់ធនាគារជាតិនៃកម្ពុជា និងបានកត់សម្គាល់ពីការអភិវឌ្ឍសេដ្ឋកិច្ចកម្ពុជា ជាពិសេសវិស័យហិរញ្ញវត្ថុ។

សូមជម្រាបដែរថា តាមរយៈកិច្ចពិភាក្សានោះដែរ  ទេសាភិបាលធនាគារជាតិនៃកម្ពុជា និងទេសាភិបាលធនាគារកណ្តាលអ៊ូសបេគីស្ថាន បានឯកភាពលើការចុះអនុស្សរណៈយោគយល់ដើម្បីបង្កើនកិច្ចសហប្រតិបត្តិការក្នុងការចែករំលែកបទពិសោធលើការងារមួយចំនួនដូចជា ការអនុវត្តនយោបាយរូបិយវត្ថុ ប្រព័ន្ធទូទាត់សងប្រាក់ និងការលើកកម្ពស់បរិយាបន្នហិរញ្ញវត្ថុ៕ អត្ថបទ៖ហ្សាលីន

The post ធនាគារជាតិនៃកម្ពុជា និងធនាគារកណ្តាលអ៊ូសបេគីស្ថាន ប្តេជ្ញារួមគ្នាពង្រឹងកិច្ចសហប្រតិបត្តិការទ្វេភាគី appeared first on .

តាមរយៈការតភ្ជាប់ប្រព័ន្ធទូទាត់ក្នុងដំណាក់កាលទី១នេះ អ្នកប្រើប្រាស់កម្មវិធីទូទាត់ចល័ត Weixin Pay ជាពិសេសភ្ញៀវទេសចរ និងវិនិយោគិនចិនដែលមកបំពេញបេសកកម្មនៅកម្ពុជា អាចធ្វើការស្កេនទូទាត់ប្រាក់តាមរយៈ KHQR Code បានយ៉ាងរហ័ស ងាយស្រួល និងមានសុវត្ថិភាពខ្ពស់ នៅតាមបណ្តាហាង ទ្រនំអាជីវកម្ម និងសេវាកម្មនានា។ ការសម្របសម្រួលផ្នែកហិរញ្ញវត្ថុដ៏ទំនើបនេះ នឹងគ្របដណ្តប់លើការចំណាយផ្សេងៗ រាប់ចាប់តាំងពីការទិញទំនិញ ទទួលទានអាហារ ការធ្វើដំណើរ ការស្នាក់នៅ រហូតដល់សកម្មភាពកម្សាន្តផ្សេងៗនៅទូទាំងប្រទេសកម្ពុជា។

លោកស្រី ជា សិរី បានបញ្ជាក់ថា សារៈប្រយោជន៍ជាយុទ្ធសាស្ត្រចំនួន ២ ដែលទទួលបានពីការដាក់ឱ្យដំណើរការការទូទាត់ឆ្លងដែននេះ រួមមាន ១/ សម្រាប់ភ្ញៀវទេសចរបរទេសដែលប្រើប្រាស់កម្មវិធីទូទាត់ចល័ត Weixin Pay ជាពិសេស ភ្ញៀវទេសចរដែលធ្វើដំណើរមកពីប្រទេសចិន អាចទទួលបានបទពិសោធន៍នៃការទូទាត់ដែលរហ័ស សុវត្ថិភាព និងងាយស្រួល ដោយពុំចាំបាច់ប្តូររូបិយប័ណ្ណ កាន់សាច់ប្រាក់ផ្ទាល់ និងមិនតម្រូវឱ្យមាន ប័ណ្ណទូទាត់

និង ២/សម្រាប់សហគ្រាសក្នុងស្រុករបស់កម្ពុជា រាប់ចាប់ពីម្ចាស់អាជីវកម្ម ឬ សហគ្រាសធំៗ រហូតដល់សហគ្រាសធុនមីក្រូ តូចនិងមធ្យម ព្រមទាំងពាណិជ្ជករ អាចទទួលការទូទាត់ពីអតិថិជន ជាជនបរទេសបានកាន់តែច្រើន តាមរយៈខេអេចឃ្យូអរកួតដែលមានស្រាប់ ដោយពុំប្រឈមនឹង ការកាត់កម្រៃប្រតិបត្តិការបន្ថែមនោះឡើយ។

ការបើកទំព័រប្រវត្តិសាស្ត្រថ្មីនៃការតភ្ជាប់ប្រព័ន្ធទូទាត់ឌីជីថលឆ្លងដែនរវាងប្រទេសទាំងពីរនេះ ត្រូវបានរំពឹងថានឹងចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចជាតិ តាមរយៈការទាក់ទាញភ្ញៀវទេសចរចិនឱ្យមកកម្សាន្តកាន់តែច្រើន និងបង្កលក្ខណៈងាយស្រួលដល់ការធ្វើពាណិជ្ជកម្ម ក៏ដូចជាពង្រឹងកិច្ចសហប្រតិបត្តិការផ្នែកហិរញ្ញវត្ថុរវាងកម្ពុជា និងចិនឱ្យកាន់តែស្អិតរមួតបន្ថែមទៀត៕

The post កម្ពុជា-ចិន បើកទំព័រប្រវត្តិសាស្ត្រថ្មី! ធនាគារជាតិនៃកម្ពុជា ដាក់ឱ្យដំណើរការជាផ្លូវការនូវការទូទាត់ឆ្លងដែនតាម KHQR appeared first on .

យោងតាមសេចក្តីជូនដំណឹងរបស់ធនាគារជាតិនៃកម្ពុជា គ្រឹះស្ថានធនាគារទាំង ៣ នោះរួមមាន ធនាគារ ស៊ីស៊ីយូ ខមមើសល ប៊ែង ម.ក (ដែលត្រូវបានដាក់ឱ្យជម្រះបញ្ជីដោយក្រុមហ៊ុន រីចឆ៍ & ផាតនើរ) និង ធនាគារ ហេង ហ្វឹង (ខេមបូឌា) ម.ក និងធនាគារ អេចអេច (ខេមបូឌា) ម.ក (ដែលធនាគារទាំងពីរនេះត្រូវបានដាក់ឱ្យជម្រះបញ្ជីដោយក្រុមហ៊ុន បេឃើរ ធីលលី (ខេមបូឌា) ឯ.ក)។

តួលេខផ្លូវការរបស់ធនាគារជាតិនៃកម្ពុជា បានបង្ហាញថា ប្រតិបត្តិការរបស់គ្រឹះស្ថានធនាគារទាំង ៣ បូកបញ្ចូលគ្នាមានចំណែកត្រឹមតែ ០,៥% ប៉ុណ្ណោះធៀបនឹងទំហំសរុបក្នុងប្រព័ន្ធធនាគារ ក្នុងនោះទ្រព្យសកម្មមាន ០,៥% ប្រាក់បញ្ញើ ០,៥% និងឥណទាន ​០,៥%។

ការដាក់ឱ្យជម្រះបញ្ជីគ្រឹះស្ថានធនាគារនិងហិរញ្ញវត្ថុដែលមិនមានអនុលោមភាពគឺជាប្រក្រតីភាពនៃការអនុវត្តការងាររបស់ធនាគារកណ្តាលដែលជាអាជ្ញាធរត្រួតពិនិត្យប្រព័ន្ធធនាគារ ក្នុងគោលដៅរក្សាស្ថិរភាព តម្លាភាព និងកេរ្តិ៍ឈ្មោះនៃប្រព័ន្ធធនាគារទាំងមូល

គួរឱ្យដឹងថា ធនាគារជាតិនៃកម្ពុជា បានអនុវត្តនីតិវិធីជម្រះបញ្ជីគ្រឹះស្ថានធនាគារ​និងហិរញ្ញវត្ថុដែលមិនមានអនុលោមភាពនេះតាំងពីទសវត្សរ៍ឆ្នាំ១៩៩០ មកម្ល៉េះ ហើយស្ថិរភាពប្រព័ន្ធធនាគារក៏បានលើកកម្ពស់ជាបន្តបន្ទាប់គិតមកទល់ពេលនេះ។ គួររំលេចថា ថ្មីៗនេះ ធនាគារពាណិជ្ជពីរផ្សេងទៀតក៏ត្រូវបានដាក់ឱ្យជម្រះបញ្ជីរួចហើយដែរ គឺ ធនាគារ ព្រីនស៍ និងធនាគារ ផេនដា។ យ៉ាងណាក៏ដោយ បើទោះបីជា បូកបន្ថែមទំហំប្រតិបត្តិការរបស់គ្រឹះស្ថានទាំង ៣ ដែលទើបដាក់ឱ្យជម្រះបញ្ជីជាមួយគ្រឹះស្ថានទាំង ២ ខាងលើ ក៏ចំណែកទីផ្សាររបស់គ្រឹះស្ថានទាំង ៥ បូកបញ្ចូលគ្នាមានប្រមាណត្រឹមតែ ១%​ ប៉ុណ្ណោះនៃប្រព័ន្ធធនាគារទាំងមូល។

ចាប់តាំងពីការធ្វើអាជីវកម្មក្នុងឆ្នាំ២០១៩ ប្រតិបត្តិការរបស់គ្រឹះស្ថានធនាគារទាំង ៣នេះ បានរងប៉ះពាល់ជាបន្តបន្ទាប់ និងមិនអាចស្តារឡើងវិញបាន ដោយសារកត្តាមួយចំនួនដូចជា វិបត្តិជម្ងឺកូវីដ-១៩ ស្ថានភាពសេដ្ឋកិច្ច​មិនអំណោយផល គួបផ្សំនឹងការប៉ះពាល់កេរ្តិ៍ឈ្មោះ ដោយសារមាន​ មតិសាធារណៈមួយចំនួនដែលផ្សារភ្ជាប់គ្រឹះស្ថាននេះទៅនឹងសកម្មភាពមិនស្របច្បាប់មួយចំនួន៕

The post ធនាគារជាតិនៃកម្ពុជា ដាក់ឱ្យជម្រះបញ្ជីធនាគារ ៣ ដែលមិនសូវមានភាពសកម្មក្នុងសេដ្ឋកិច្ច​ appeared first on .