អគ្គិសនីកម្ពុជា បានឱ្យដឹងថា គម្រោងដ៏មានសក្តានុពលនេះស្ថិតនៅក្រោមគម្រោងអន្តរកាលថាមពលប្រកបដោយចីរភាពនៅកម្ពុជា (CSET) ដោយទទួលបានការគាំទ្រថវិកាសរុបចំនួន ១១៥លានដុល្លារអាមេរិកពីធនាគារពិភពលោក។ ថវិកាទាំងនោះរួមមានឥណទានសម្បទានចំនួន ១១០លានដុល្លារអាមេរិក និងជំនួយឥតសំណងចំនួន ៥លានដុល្លារអាមេរិកសម្រាប់ជំហានដំបូងនេះ។

សូមបញ្ជាក់ដែរថា គម្រោងនេះនឹងអនុវត្តគម្រោងដោយក្រសួងរ៉ែ និងថាមពល និងអគ្គិសនីកម្ពុជា (EDC) ដែលមានទំហំការងារស្ថិតក្នុងក្របខ័ណ្ឌរបស់ អគ្គិសនីកម្ពុជាមានដូចជា៖
១. សាងសង់ខ្សែបញ្ជូនអគ្គិសនី និងអនុស្ថានីយអគ្គិសនី
២- ប្រព័ន្ធអាគុយស្តុកថាមពល Battery Energy Storage System (BESS)
៣- ការពង្រីកបណ្តាញចែកចាយ និងការពង្រឹងបណ្តាញចែកចាយ រួមមានការរៀបចំហេដ្ឋារចនាសម្ព័ន្ធរថយន្ត អគ្គិសនី ការរៀបចំពង្រីកបណ្តាញចែកចាយ និងការរៀបចំហេដ្ឋារចនាសម្ព័ន្ធនាឡិកាស្ទង់ទំនើប (Advanced Metering Infrastructure)

ការពង្រីកបណ្តាញបញ្ជូន អនុស្ថានីយអគ្គិសនី និងខ្សែបណ្តាញចែកចាយ នឹងបង្កើនសមត្ថភាពនៃការផ្គត់ ផ្គង់ថាមពល ក៏ដូចជាកែលម្អគុណភាព និងការផ្គត់ផ្គង់អគ្គិសនីប្រកបដោយចីរភាពទៅកាន់តំបន់ដែលមានតម្រូវការ កើនឡើង ព្រមទាំងបង្កើននូវអត្រាផ្គត់ផ្គង់អគ្គិសនីនៅជនបទ ជាពិសេសអ្នកនៅសេសសល់តិចតួចដែលបានដាក់បញ្ចូល ក្នុងកម្មវិធីតភ្ជាប់ចុងក្រោយ។ហេដ្ឋារចនាសម្ព័ន្ធរថយន្តអគ្គិសនីជួយកាត់បន្ថយការប្រើប្រាស់ប្រេងឥន្ធនៈ ដែលជួយ ដល់វិស័យដឹកជញ្ជូន។

លើសពីនេះ ប្រព័ន្ធនាឡិកាស្ទង់ទំនើប (AMI) ធ្វើឱ្យមានបណ្តាញអគ្គិសនីឆ្លាតវៃ កាត់បន្ថយថ្លៃចំណាយប្រតិបត្តិការនិងជួយបង្កើន ទំនុកចិត្តបន្ថែម និងប្រសិទ្ធភាពនៃការប្រើប្រាស់ថាមពលរបស់អតិថិជនតាមរយៈ ការរក្សាទុកទិន្នន័យ។ ជារួម គម្រោងនេះនឹងរួមចំណែកដល់ការកែលម្អគុណភាពជីវិត និងរក្សាភពផែនដីរបស់យើង ឱ្យបៃតង និងចីរភាពបរិស្ថាន៕

The post កម្ពុជា បើកផ្លូវទាក់ទាញវិនិយោគិនក្នុងគម្រោងថាមពលស្អាត BESS ក្រោមជំនួយជាង ១០០លានដុល្លារ ពីធនាគារពិភពលោក appeared first on .

ធនាគារពិភពលោក បានឱ្យដឹងបន្ថថា កាលពីសប្តាហ៍មុន អនុប្រធានធនាគារពិភពលោក លោក Guangzhe Chen បានជួបពិភាក្សាជាមួយលោក អ៊ាង សុផល្លែត រដ្ឋមន្ត្រីក្រសួងបរិស្ថាន ស្តីពីការគ្រប់គ្រងបរិស្ថាន និងធនធានធម្មជាតិ រួមទាំងការគាំទ្ររបស់ធនាគារពិភពលោកចំពោះកម្ពុជា។

តាមរយៈជំនួបនេះ បានពិភាក្សាពីគម្រោងនិរន្តរភាពតំបន់ទេសភាព និងទេសចរណ៍កម្ពុជាបានពង្រឹងការគ្រប់គ្រងការអភិរក្សលើផ្ទៃដីជាង ៤០៦.០០០ហិកតា បានពង្រីកការរៀបចំផែនការតំបន់ការពារ ពង្រីកហេដ្ឋារចនាសម្ព័ន្ធទេសចរណ៍ផ្អែកលើធម្មជាតិ គាំទ្រផ្លូវប្រវែងជិត ៩៨គីឡូម៉ែត្រ និងផ្តល់សេវាអនាម័យប្រសើរដល់ប្រជាជនជាង ១សែននាក់។

ការពិភាក្សានេះ ក៏បានទទួលស្គាល់ពីសារៈសំខាន់នៃការចាត់ទុកព្រៃឈើ និងប្រព័ន្ធអេកូឡូស៊ី មិនត្រឹមតែជាធនធានដែលត្រូវការពារប៉ុណ្ណោះទេ ថែមទាំងជាទ្រព្យសម្បត្តិជាតិប្រកបដោយផលិតភាព ដែលរួមចំណែកដល់សន្តិសុខទឹក ភាពធន់នឹងអាកាសធាតុ ការអភិរក្សជីវចម្រុះ ការបង្កើតការងារ និងការចូលរួមពីវិស័យឯកជនដើម្បីកំណើន។

នៅក្នុងឱកាសនោះដែរ ធនាគារពិភពលោក បានសង្កត់ធ្ងន់ថា ធនាគារពិភពលោកនៅតែជាដៃគូ ក្នុងការជំរុញឱ្យមានការអភិវឌ្ឍន៍ប្រកបដោយភាពបៃតង ភាពធន់នឹងផលប៉ះពាល់ និងការអភិវឌ្ឍប្រកបដោយបរិយាប័ន្នរបស់កម្ពុជា៕ អត្ថបទ៖ហ្សាលីន

The post ក្រសួងបរិស្ថាន និងធនាគារពិភពលោក រួមគ្នាពង្រឹងគម្រោងនិរន្តរភាពតំបន់ទេសភាព និងទេសចរណ៍កម្ពុជា appeared first on .

ក្នុងជំនួបនេះ លោករដ្ឋមន្រ្តី ថោ ជេដ្ឋា បានថ្លែងអំណរគុណចំពោះធនាគារពិភពលោក ដែលជាដៃគូអភិវឌ្ឍន៍យូរអង្វែង ក្នុងការគាំទ្រហិរញ្ញប្បទានលើគម្រោងកែលម្អសន្តិសុខទឹកកម្ពុជា (CaWSIP) ដែលជាគម្រោងស្នូលសម្រាប់ពង្រឹងការគ្រប់គ្រងធនធានទឹក ធ្វើទំនើបកម្មប្រព័ន្ធធារាសាស្ត្រ អភិវឌ្ឍវិស័យឧតុនិយម ការបន្ស៊ាំនឹងអាកាសធាតុ និងការពង្រឹងសហគមន៍កសិករប្រើប្រាស់ទឹក សំដៅលើកកម្ពស់សន្តិសុខទឹកប្រកបដោយចីរភាព។

ទន្ទឹមនឹងនោះ លោក ក៏បានស្នើដល់ធនាគារពិភពលោក បន្តគាំទ្រកម្ពុជាលើការងារអាទិភាពចំនួន ៤ រួមមាន៖ ១. ការអនុវត្តគម្រោង CaWSIP ឱ្យទទួលបានជោគជ័យ ២. ការអនុវត្តកិច្ចព្រមព្រៀងសន្តិសុខទឹកកម្ពុជា តាមរយៈហិរញ្ញប្បទានសមស្រប ៣. ការរៀបចំ និងអនុវត្តកម្មវិធីវិនិយោគរយៈពេលវែងសម្រាប់អាងទន្លេសាប និង ៤. ការពង្រីកសមត្ថភាពស្តុកទឹកជាយុទ្ធសាស្ត្រនៅតំបន់ព្រំដែន តាមរយៈការកសាងអាងស្តុកទឹក និងការអភិវឌ្ឍប្រព័ន្ធធារាសាស្ត្រខ្នាតតូច ដើម្បីពង្រឹងសន្តិសុខទឹក សន្តិសុខស្បៀង និងភាពធន់នឹងការប្រែប្រួលអាកាសធាតុ។

ជាការឆ្លើយតប លោក Guangzhe Chen បានកោតសរសើរចំពោះចក្ខុវិស័យរបស់រាជរដ្ឋាភិបាលកម្ពុជា និងបានបញ្ជាក់ថា ធនាគារពិភពលោកនឹងបន្តសហការយ៉ាងជិតស្និទ្ធជាមួយក្រសួង ដើម្បីគាំទ្រការអនុវត្តគម្រោង និងកម្មវិធីអាទិភាពនានា សំដៅពង្រឹងសន្តិសុខទឹក ភាពធន់នឹងការប្រែប្រួលអាកាសធាតុ និងការអភិវឌ្ឍប្រកបដោយចីរភាពនៅកម្ពុជា៕ អត្ថបទ៖ហ្សាលីន

The post ធនាគារពិភពលោក នឹងបន្តគាំទ្រការអនុវត្តគម្រោង និងកម្មវិធីអាទិភាពនានា សំដៅពង្រឹងសន្តិសុខទឹកនៅកម្ពុជា appeared first on .

ក្នុងឱកាសនេះ គណៈប្រតិភូបានអញ្ជើញទស្សនកិច្ចនៅមជ្ឈមណ្ឌលស្រាវជ្រាវ និងអភិវឌ្ឍន៍កសិកម្មអភិរក្សកម្ពុជា (CARDEC) ស្ថិតនៅភូមិបុសខ្នុរ ស្រុកចំការលើ ខេត្តកំពង់ចាម ដើម្បីសិក្សាស្វែងយល់អំពីប្រវត្តិ និងសកម្មភាពរបស់មជ្ឈមណ្ឌល ការអភិរក្សធនធានពូជដំណាំគម្របដី ព្រមទាំងការងារស្រាវជ្រាវ និងអភិវឌ្ឍន៍ដំណាំគម្របដីនានា សម្រាប់គាំទ្រដល់កសិកម្មអភិរក្សនៅកម្ពុជា និងក្នុងតំបន់។

បន្ទាប់មក ក្រុមការងារបានបន្តចុះពិនិត្យទីតាំងបង្ហាញបច្ចេកទេសដាំដុះបន្លែក្នុងផ្ទះសំណាញ់ (UV Net-house) និងក្រៅទីវាល ព្រមទាំងជួបពិភាក្សា និងផ្លាស់ប្តូរបទពិសោធន៍ជាមួយកសិករជំនាញផ្នែកបន្លែ។ ទន្ទឹមនឹងនេះ គណៈប្រតិភូក៏បានទស្សនាការអនុវត្តបច្ចេកទេសសាបព្រួសស្រូវដោយផ្ទាល់ (Direct Seeded Rice) ភ្ជាប់ជាមួយបច្ចេកទេសស្រោចស្រព និងសម្របសម្រួលការប្រើប្រាស់ទឹកឆ្លាស់វេន (Alternate Wetting and Drying – AWD) នៅស្រុកកំពង់ស្វាយ និងស្រុកស្ទោង ខេត្តកំពង់ធំ ផងដែរ។

គួរឱ្យដឹងដែរថា បេសកកម្មគាំទ្រការអនុវត្តគម្រោងលើកទី៣ (3rd Implementation Support Mission – ISM) របស់ធនាគារពិភពលោក (World Bank) ប្រព្រឹត្តទៅចាប់ពីថ្ងៃទី២២ ដល់ថ្ងៃទី២៦ ខែមិថុនា ឆ្នាំ២០២៦ ក្នុងគោលបំណងពិនិត្យ វាយតម្លៃ និងផ្តល់ការគាំទ្រដល់ការអនុវត្តគម្រោងកែលម្អសន្តិសុខទឹកកម្ពុជា (CaWSIP) ស្វែងយល់ពីវឌ្ឍនភាពនៃសកម្មភាពគម្រោង ការអនុវត្តបច្ចេកទេសកសិកម្មឆ្លាតវៃធន់នឹងការប្រែប្រួលអាកាសធាតុ និងកម្រិតនៃការចូលរួមរបស់កសិករគោលដៅ ដើម្បីលើកកម្ពស់ផលិតភាពកសិកម្ម និងការគ្រប់គ្រងធនធានទឹកប្រកបដោយចីរភាព៕

The post ធនាគារពិភពលោក ចុះពិនិត្យវឌ្ឍនភាពគម្រោងនៅខេត្តកំពង់ចាម និងកំពង់ធំ ដើម្បីគាំទ្រដល់កសិកម្មអភិរក្សនៅកម្ពុជា និងក្នុងតំបន់ appeared first on .

លោក Zafer Mustafaoglu នាយកផ្នែកធនាគារពិភពលោកប្រចាំប្រទេសហ្វីលីពីន បានប្រាប់សារព័ត៌មាន កាលពីពេលថ្មីៗនេះថា WB ដែលជាអ្នកផ្តល់កម្ចី កំពុងរៀបចំផែនការកម្មវិធីសម្រាប់ឆ្នាំសារពើពន្ធ២០២៧ របស់ខ្លួន ដែលនឹងត្រូវចាប់ផ្តើមពីថ្ងៃទី១ ខែកក្កដា ឆ្នាំ២០២៦ ដល់ថ្ងៃទី៣០ ខែមិថុនា ឆ្នាំ២០២៧។

WB ក៏កំពុងពិចារណាលើគំនិតផ្តួចផ្តើមកំណែទម្រង់រចនាសម្ព័ន្ធ ក៏ដូចជាគម្រោងដែលអាចជួយរដ្ឋាភិបាលឆ្លើយតបទៅនឹងផលប៉ះពាល់សេដ្ឋកិច្ចពីជម្លោះនៅមជ្ឈិមបូព៌ា ជាពិសេសក្នុងចំណោមវិស័យងាយរងគ្រោះផ្សេងៗ។ លោក Zafer បានបន្ថែមថា ខ្លួនកំពុងធ្វើការពិភាក្សាជាមួយរដ្ឋាភិបាលហ្វីលីពីន ខណៈពេលដែលទីក្រុងម៉ានីល កំពុងពិនិត្យឡើងវិញនូវអាទិភាពរបស់ខ្លួនក្រោមរបៀបវារៈនៃការខ្ចីប្រាក់របស់ខ្លួន។

គួរជម្រាបជូនផងដែរថា ក្រោមក្របខណ្ឌភាពជាដៃគូរបស់ក្រុមប្រទេសធនាគារពិភពលោក (WBG) សម្រាប់ហ្វីលីពីន នៅចន្លោះឆ្នាំ ២០២៥-២០៣១ គោលដៅចម្បង គឺដើម្បីលើកកម្ពស់គុណភាពជីវិតរបស់ប្រជាជនហ្វីលីពីន ដោយពង្រីកឱកាសអភិវឌ្ឍ និងពង្រឹងភាពធន់ចំពោះវិបត្តិសេដ្ឋកិច្ច សង្គម និងអាកាសធាតុ៕​

The post ធនាគារពិភពលោក មានគម្រោងផ្តល់ហិរញ្ញប្បទានជាង ៣ពាន់លានដុល្លារ ដល់ប្រទេសហ្វីលីពីន appeared first on .

នេះបើយោងតាមសេចក្តីប្រកាសព័ត៌មាន ស្តីពីជំនួបពិភាក្សាការងារ រវាង ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាមួយ លោកស្រី ថាញ៉ា ម៉ៃយ័រ (Tania Meyer) ប្រធានគ្រប់គ្រងធនាគារពិភពលោកប្រចាំនៅកម្ពុជា ស្តីពីការវាយតម្លៃពីស្ថានភាពសេដ្ឋកិច្ចកម្ពុជាក្នុងបរិការណ៍នៃវិបត្តិ និងការត្រៀមខ្លួនរបស់រាជរដ្ឋាភិបាលក្នុងការ ឆ្លើយតបបន្ទាន់ទៅនឹងវិបត្តិ ផ្សាយចេញនៅថ្ងៃទី២២ ខែមេសា ឆ្នាំ២០២៦។

ក្នុងឱកាសនៃជំនួប លោកស្រីប្រធាន បានជម្រាបជូនអំពីលទ្ធផលនៃ ការសិក្សា និងវិធានការគន្លឹះមួយចំនួន សម្រាប់ឆ្លើយតបបន្ទាន់ទៅសម្ពាធពីផលប៉ះពាល់ដោយសារសង្គ្រាមនៅមជ្ឈិម បូព៌ាបន្ថែមលើវិបត្តិដែលកម្ពុជាបានជួបប្រទះកន្លងមក។

ជាមួយគ្នានេះ លោកស្រី ប្រធានគ្រប់គ្រងធនាគារពិភពលោកប្រចាំកម្ពុជា ក៏បានគូសបញ្ជាក់អំពីការប្តេជ្ញា ចិត្តរបស់ធនាគារពិភពលោកដោយសហការជាមួយដៃគូអភិវឌ្ឍន៍សំខាន់ៗផ្សេងទៀត ដើម្បីរួមគ្នាជាមួយរាជរដ្ឋាភិបាល កម្ពុជាក្នុងការរៀបចំកញ្ចប់អន្តរាគមឆ្លើយតបបន្ទាន់ទៅនឹងវិបត្តិឱ្យកាន់តែមានប្រសិទ្ធភាពខ្ពស់ផងដែរ។

ជាមួយគ្នានេះ ឯកឧត្តម អូន ព័ន្ធមុនីរ័ត្ន បានថ្លែងអំណរគុណសារជាថ្មី និងវាយតម្លៃខ្ពស់ចំពោះ កិច្ចសហប្រតិបត្តិការដ៏ល្អរវាងកម្ពុជា និងធនាគារពិភពលោក បន្តសហការ និង ពិភាក្សាការងារជាមួយក្រសួងសេដ្ឋកិច្ច និងហិរញ្ញវត្ថុ ដៃគូអភិវឌ្ឍន៍នានា រួមទាំងភាគីពាក់ព័ន្ធ ដើម្បីពន្លឿនការរៀបចំ កញ្ចប់អន្តរាគមពិសេសនេះឱ្យលេចចេញជារូបរាងឡើង ដើម្បីអាចអនុវត្តបានក្នុងពេលឆាប់ៗខាងមុខនេះ ។

សូមជម្រាបដែរថា តាមរយៈជំនួបពិភាក្សាខាងលើ រដ្ឋមន្រ្តីក្រសួងសេដ្ឋកិច្ច ក៏បានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អរវាងកម្ពុជា និង ធនាគារពិភពលោក ក្នុងកិច្ចដំណើរការអភិវឌ្ឍន៍សង្គម-សេដ្ឋកិច្ចកម្ពុជានៅគ្រប់ដំណាក់កាល និងបានថ្លែងអំពីតួនាទីដ៏ សំខាន់របស់ធនាគារពិភពលោក ដែលមិនត្រឹមតែជាដៃគូអភិវឌ្ឍន៍ជាប្រពៃណីដ៏រឹងមាំរបស់កម្ពុជាប៉ុណ្ណោះទេ ថែមទាំង ជាធនាគារចំណេះដឹង (Knowledge Bank) ដែលប្រមូលផ្តុំទៅដោយចំណេះដឹង ជំនាញ និងបទពិសោធន៍យ៉ាង សម្បូរបែបលើគ្រប់វិស័យទៀតផង៕ អត្ថបទ៖ហ្សាលីន

The post WB ប្តេជ្ញារួមគ្នាជាមួយកម្ពុជារៀបចំកញ្ចប់អន្តរាគមឆ្លើយតបបន្ទាន់ទៅនឹងវិបត្តិឱ្យកាន់តែមានប្រសិទ្ធភាព appeared first on .

ថ្មីៗនេះ ធនាគារដែលមានមូលដ្ឋាននៅទីក្រុងវ៉ាស៊ីនតោន បានប្រកាសថា ក្រុមប្រឹក្សាភិបាលប្រតិបត្តិរបស់ខ្លួនបានអនុម័តជាផ្លូវការនូវមូលនិធិសម្រាប់គម្រោងផ្លាស់ប្តូរកសិកម្មប្រកបដោយចីរភាពរបស់ហ្វីលីពីន (PSAT) ដែលមានគោលបំណងគាំទ្រដល់កំណែទម្រង់ទូទាំងវិស័យនៅក្នុងប្រទេស។

គំនិតផ្តួចផ្តើមនេះនឹងជួយធ្វើទំនើបកម្មការអនុវត្តកសិកម្ម បង្កើនសន្តិសុខស្បៀង និងអាហារូបត្ថម្ភ និងបង្កើតការងារ ដែលផ្តល់អត្ថប្រយោជន៍ដល់កសិករហ្វីលីពីនយ៉ាងហោចណាស់ប្រាំលាននាក់ទូទាំងប្រទេស។

លោក Zafer Mustafaoglu នាយកផ្នែកធនាគារពិភពលោកប្រចាំប្រទេសហ្វីលីពីន ម៉ាឡេស៊ី និងព្រុយណេ បានមានប្រសាសន៍ថា នេះគឺជាការវិនិយោគផ្លាស់ប្តូរនៅក្នុងវិស័យកសិកម្មហ្វីលីពីន។

ក្រោមមូលនិធិនេះ PSAT នឹងណែនាំការអនុវត្តឆ្លាតវៃទាក់ទងនឹងអាកាសធាតុ រួមទាំងការគ្រប់គ្រងគ្រាប់ពូជ និងសារធាតុចិញ្ចឹមដែលប្រសើរឡើង បច្ចេកទេសសន្សំសំចៃទឹក និងកាត់បន្ថយឧស្ម័នផ្ទះកញ្ចក់ និងការកាត់បន្ថយការខាតបង់ក្រោយពេលប្រមូលផល។

ជម្រាបជូនថា PSAT ក៏នឹងណែនាំប្រព័ន្ធប័ណ្ណឌីជីថលថ្មីមួយដើម្បីជួយផ្តល់ធាតុចូលកសិកម្មបានលឿន និងមានតម្លាភាពជាងមុន ដោយភ្ជាប់ការចំណាយសាធារណៈទៅនឹងការកើនឡើងដែលអាចវាស់វែងបាននៃទិន្នផល និងប្រាក់ចំណូលថែមទៀតផង៕​

The post ធនាគារពិភពលោក អនុម័តប្រាក់កម្ចី ១ពាន់លានដុល្លារ គាំទ្រដល់វិស័យកសិកម្មរបស់ហ្វីលីពីន appeared first on .

នាឱកាសនោះ អនុប្រធានធនាគារពិភពលោក បានបង្ហាញការគាំទ្រចំពោះគោលដៅជំរុញកំណើនសេដ្ឋកិច្ចរបស់កម្ពុជា ក្នុងការប្រែក្លាយកម្ពុជាទៅជាប្រទេសមានចំណូលខ្ពស់នៅឆ្នាំ២០៥០។ លោកបន្តថា នាពេលបច្ចុប្បន្ននេះ ធនាគារពិភពលោកបានដាក់ចេញនូវអាទិភាពចម្បងក្នុងការផ្តល់ជំនួយដល់បណ្ដាប្រទេសនានា រួមទាំងកម្ពុជា ក្នុងការបង្កើតឱកាសការងារជូនដល់ប្រជាពលរដ្ឋ ដោយផ្តោតលើវិស័យសក្ដានុពលចំនួន ៥ រួមមាន៖ ១. វិស័យកសិកម្ម និងកសិ-ពាណិជ្ជកម្ម ២. វិស័យទេសចរណ៍ ៣. វិស័យកម្មន្តសាល ៤. វិស័យសុខាភិបាល និង ៥. ការអភិវឌ្ឍហេដ្ឋារចនាសម្ព័ន្ធ។

ក្នុងន័យនេះ លោកថា ធនាគារពិភពលោកនឹងបន្តពង្រឹង និងជំរុញកិច្ចសហប្រតិបត្តិការយ៉ាងជិតស្និទ្ធជាមួយវិស័យឯកជន ដែលជាម៉ាស៊ីននៃកំណើនដ៏សំខាន់ ក្នុងការបង្កើតការងារ និងការអភិវឌ្ឍសេដ្ឋកិច្ច។

ជាការឆ្លើយតប សម្ដេចធិបតីបានស្វាគមន៍ និងវាយតម្លៃខ្ពស់ចំពោះកិច្ចសហប្រតិបត្តិការដ៏ល្អរវាងធនាគារពិភពលោក និងរាជរដ្ឋាភិបាលកម្ពុជា ក៏ដូចជាការគាំទ្រដល់កម្ពុជាឱ្យសម្រេចបាននូវចក្ខុវិស័យនៃការប្រែក្លាយកម្ពុជាទៅជាប្រទេសមានចំណូលខ្ពស់ នៅក្នុងឆ្នាំ២០៥០។

សម្ដេចធិបតីថា ការដាក់ចេញនូវគោលនយោបាយក្នុងការជំរុញនូវវិស័យអាទិភាពជាច្រើនរបស់រដ្ឋាភិបាល សំដៅកសាងភាពធន់របស់កម្ពុជា ដែលក្នុងនោះរួមមាន៖ ការកសាងមូលធនមនុស្ស, ការបណ្ដុះបណ្ដាលវិជ្ជាជីវៈ, វិស័យអប់រំ, វិស័យសុខាភិបាល, និងការពង្រឹងវិស័យហិរញ្ញវត្ថុ, ការទាក់ទាញការវិនិយោគ, ការអភិវឌ្ឍសហគ្រាសធុនតូចនិងមធ្យម និងការអភិវឌ្ឍសមត្ថភាពផលិតកម្មសម្រាប់បម្រើឱ្យទីផ្សារក្នុងស្រុក ដើម្បីធ្វើឱ្យបរិយាកាសវិនិយោគនៅកម្ពុជាកាន់តែមានទាក់ទាញ។

តាមរយៈជំនួបខាងលើ សម្ដេចធិបតី និងលោក Jaramillo ក៏បានពិភាក្សាបន្ថែមអំពីអាទិភាពសំខាន់ៗក្នុងការជំរុញកំណើនសេដ្ឋកិច្ចកម្ពុជា និងបានពិភាក្សាអំពីការអភិវឌ្ឍវិស័យអប់រំ និងការកសាងធនធានមនុស្សនៅកម្ពុជា, ការពង្រឹងសមត្ថភាព, ការបណ្ដុះបណ្ដាលជំនាញវិជ្ជាជីវៈដល់យុវជនកម្ពុជា និងសារៈសំខាន់នៃភាពជាដៃគូរវាងរដ្ឋនិងឯកជន សំដៅចាប់យកកាលានុវត្តភាព និង ការជំរុញកំណើនសេដ្ឋកិច្ចកម្ពុជា៕ អត្ថបទ៖ ហ្សាលីន

The post បច្ចុប្បន្ន WB បានដាក់ចេញនូវអាទិភាពចម្បងក្នុងការផ្តល់ជំនួយដល់បណ្ដាប្រទេសនានា រួមទាំងកម្ពុជា appeared first on .

សិក្ខាលាលានេះ បានធ្វើឡើងកាលថ្ងៃទី១៥ ខែធ្នូ ឆ្នាំ២០២៥ ក្រោមការចូលរួមពី លោក រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន ព្រមទាំងតំណាងក្រសួងបរិស្ថាន ក្រុមការងាររបស់ធនាគារពិភពលោក (World Bank) តំណាងធនាគារនីហរ័ណ អាហរ័ណកូរ៉េ (Korea Exim bank ) លោក-លោកស្រី តំណាងស្ថាប័នពាក់ព័ន្ធ និងមន្ត្រីជំនាញ នៃអគ្គនាយកដ្ឋានប្រព័ន្ធចម្រោះទឹកកខ្វក់ សរុបចំនួន ៦០រូប។

សិក្ខាសាលានេះ រៀបចំឡើងដើម្បីផ្សព្វផ្សាយរបាយការណ៍ត្រួតពិនិត្យទឹករបស់ធនាគារពិភពលោកដែលផ្តោតលើការរាំងស្ងួតនៃទឹកនៅតាមតំបន់ ដែលជាហេតុធ្វើអោយមានការគំរាមកំហែងដល់បរិមាណទឹក នាពេលអនាគត។បន្ថែមពីនេះដែរ តាមរយៈសិក្ខាសាលានេះ ក្រុមភាគីពាក់ព័ន្ធ ក៏បានពិភាក្សាអំពីការបាត់បង់នូវបរិមាណទឹក និងផលប៉ះពាល់នៃគុណភាពទឹកនៅជុំវិញបឹងទន្លេសាបផងដែរ៕ អត្ថបទ​៖ហ្សាលីន

The post កម្ពុជា-WB បានលើកពីផលប៉ះពាល់នៃគុណភាពទឹកនៅតំបន់ជុំវិញបឹងទន្លេសាប appeared first on .

ដើម្បីឆ្លើយតបទៅតម្រូវការជាអាទិភាពរបស់កម្ពុជា ស្របតាមយុទ្ធសាស្ត្របញ្ចកោណ-ដំណាក់កាលទី ១ និងផែនការ យុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាល នីតិកាលទី ៧ នៃរដ្ឋសភា, លោកស្រី ម៉ារីយ៉ាម សឺរមែន បានរាយការណ៍អំពីការវិភាគថ្មី “Country Growth and Jobs Report” ដែលធនាគារពិភពលោកកំពុងរៀបចំ ក្នុងគោលបំណងពិនិត្យលើសមិទ្ធផល សម្រេចបាននាពេលកន្លងមកក៏ដូចជា វាយតម្លៃអំពីកំណើន និងការងាររបស់ប្រទេសជាសមាជិក រួមទាំងកម្ពុជាផង ដើម្បីផ្តល់ភាពងាយស្រួលដល់រាជរដ្ឋាភិបាលក្នុងការដាក់ចេញវិធានការអន្តរាគមន៍ឱ្យចំគោលដៅជំរុញបង្កើតការងារ ដែលជាគោលដៅអភិវឌ្ឍន៍ដ៏ចម្បងរបស់ធនាគារពិភពលោក ។

ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី បានវាយតម្លៃខ្ពស់ចំពោះភាពជាដៃគូរវាងរាជរដ្ឋាភិបាល និងធនាគារពិភពលោក សម្រាប់ការបន្តគាំទ្រដល់ការអភិវឌ្ឍរបស់កម្ពុជាដែលផ្តោតលើ វិស័យសំខាន់ៗរួមមាន៖ វិស័យអប់រំ, វិស័យសុខាភិបាល, វិស័យថាមពល, វិស័យហេដ្ឋារចនាសម្ព័ន្ធតភ្ជាប់ និង ការកែទម្រង់ជារចនាសម្ព័ន្ធតាមរយៈកម្មវិធីអភិវឌ្ឍន៍គោលនយោបាយ (Development Policy Operation) ដើម្បី ពង្រឹងភាពធន់, ជំរុញការធ្វើពិពិធកម្មសេដ្ឋកិច្ច, ការពង្រឹងខ្សែច្រវ៉ាក់ផលិតកម្ម, ការពង្រឹងភាពប្រកួតប្រជែង, និងការបង្កើនការងារធ្វើ សំដៅជំរុញកំណើន និងការអភិវឌ្ឍរបស់កម្ពុជាឱ្យកាន់តែលឿនរហ័ស ។

គួរឱ្យដឹងថា សម្រាប់ឆ្នាំ ២០២៦ នេះ កម្ពុជា និងធនាគារពិភពលោក គ្រោងនឹងចុះកិច្ចព្រមព្រៀងហិរញ្ញប្បទានក្នុងទំហំ ២៦០ លានដុល្លារអាម៉េរិក ហើយគ្រោងនឹងបង្កើនទំហំហិរញ្ញប្បទាននេះបន្ថែមទៀត តាមរយៈការកៀរគរពីប្រភពផ្សេងៗទៀតក្នុងឆ្នាំបន្តបន្ទាប់ ។ ជាមួយគ្នានេះ ក្នុងបរិការណ៍នៃភាពមិនប្រាកដប្រជានៃសេដ្ឋកិច្ចសកល ដូចជា គោលនយោបាយពន្ធគយ បដិការ, និងកម្មវិបាកនៃជម្លោះព្រំដែនកម្ពុជា-ថៃ, ឯកឧត្តមអគ្គបណ្ឌិតសភាចារ្យ និងលោកស្រី ម៉ារីយ៉ាម សឺរមែន បានឯកភាពជំរុញ និងពង្រឹងកិច្ចសហប្រតិបត្តិការឱ្យកាន់តែជិតស្និទ្ធបន្ថែមទៀតលើវិស័យគន្លឹះដូចជា៖ ១. វិស័យហិរញ្ញវត្ថុ ដែលផ្តោតលើការរៀបចំសំណាញ់សុវត្ថិភាពក្នុងវិស័យហិរញ្ញវត្ថុ និងកម្មវិធីវាយតម្លៃវិស័យហិរញ្ញវត្ថុ, ២. វិស័យគាំពារសង្គម ដែលផ្តោតលើការបន្តពង្រឹងសមត្ថភាពទាំងយន្តការ និងការវិភាជធនធាន ឆ្លើយតបឱ្យបានរហ័ស ទាន់ពេលវេលាក្នុងពេលមានវិបត្តិ ជាពិសេស បន្តគាំទ្រដល់ជនងាយរងគ្រោះឱ្យកាន់តែមានប្រសិទ្ធភាព ក្រោមក្រប ខ័ណ្ឌគោលនយោបាយជាតិគាំពារសង្គម ឆ្នាំ ២០២៤-២០៣៥, ៣. ការចូលរួមពីវិស័យឯកជននៅកម្ពុជាក្នុងវិស័យ ថាមពល, និង ៤. ការបន្តអភិវឌ្ឍវិស័យហេដ្ឋារចនាសម្ព័ន្ធតភ្ជាប់ និង ការអភិវឌ្ឍមនុស្ស ជាដើម៕

The post ឆ្នាំ២០២៦ កម្ពុជា និងធនាគារពិភពលោក គ្រោងចុះកិច្ចព្រមព្រៀងហិរញ្ញប្បទានក្នុងទំហំ ២៦០ លានដុល្លារអាម៉េរិក appeared first on .