លោក ត្រាំ ថែមទាមងបាននិយាយទៀតថា សហរដ្ឋអាមដរិកគួរតែជាម្ចាស់យ៉ាងហោចណាស់ពាក់កណ្តាលនៃស្ពានអន្តរជាតិ Gordie Howe ដែលកំពុងសាងសង់នេះ ខណៈវាតភ្ជាប់ខេត្ត Ontario របស់ប្រទេសកាណាដា ជាមួយរដ្ឋ Michigan របស់សហរដ្ឋអាមេរិក។

គួរឲ្យដឹងថាស្ពានតម្លៃប្រមាណ ៤,៧ពាន់លានដុល្លារ ដែលដាក់តាមឈ្មោះកីឡាករ Hockey ដ៏ល្បីល្បាញលោក Gordie Howe ត្រូវបានចាប់ផ្តើមសាងសង់ឡើងចាប់តាំងពីឆ្នាំ២០១៨ មកម្លេះ ហើយរំពឹងថានឹងបញ្ចប់ជាស្ថាពរ នៅចុងឆ្នាំ២០២៦ នេះ។

យ៉ាងណាក៏ដោយ លោក ត្រាំ បានបង្ហោះសារនៅលើបណ្តាញសង្គម Truth Social របស់ខ្លួនថា ៖” ខ្ញុំនឹងមិនអនុញ្ញាតឱ្យស្ពាននេះបើកទេ រហូតដល់សហរដ្ឋអាមេរិកទទួលបានសំណងពេញលេញសម្រាប់អ្វីគ្រប់យ៉ាងដែលយើងបានផ្តល់ឱ្យពួកគេ ហើយសំខាន់ជាងនេះទៅទៀត កាណាដាប្រព្រឹត្តចំពោះសហរដ្ឋអាមេរិកដោយយុត្តិធម៌ និងការគោរពដែលយើងសមនឹងទទួលបាន”។

​មិនតែប៉ុណ្ណោះ លោក ត្រាំ បានត្អូញត្អែរទៀត​ថា ប្រទេស​កាណាដា​បានប្រកាន់ខ្លួនថាជា​ម្ចាស់​ស្ពាន​ទាំងសងខាង ហើយ​ពួកគេស្ទើរតែ​មិន​បាន​ប្រើប្រាស់​ផលិតផល​របស់​សហរដ្ឋអាមេរិក​ដើម្បី​សាងសង់​វា​នោះឡើយ។

ជម្រាបជូនផងដែរថា ក្រៅពីបញ្ហានេះ ទីក្រុងវ៉ាស៊ីនតោនក៏បានគំរាមដាក់ពន្ធ ១០០% លើប្រទេសកាណាដាផងដែរ បន្ទាប់ពីនាយករដ្ឋមន្ត្រី លោក Mark Carney បានទៅទស្សនាទីក្រុងប៉េកាំងកាលពីខែមុន និងបានចុះហត្ថលេខាលើកិច្ចព្រមព្រៀងពាណិជ្ជកម្មបឋមជាមួយប្រទេសចិន៕​

The post លោក ត្រាំ គំរាមបញ្ឈប់បើកដំណើរការស្ពានអន្តរជាតិកាណាដា-អាមេរិក appeared first on .

ប្រភពដដែលនេះ បានបង្ហាញឲ្យដឹងទៀតថា ជុំវិញយុទ្ធសាស្រ្តយានយន្តអគ្គិសនីថ្មីរបស់ប្រទេសកាណាដានេះ គឺមានគោលបំណងកាត់បន្ថយបន្ទុកលើឧស្សាហកម្មយានយន្តនៅក្នុងស្រុក។

មិនតែប៉ុណ្ណោះ យោងតាមសេចក្តីប្រកាសរបស់លោក Carney បានបង្ហាញឲ្យដឹងទៀតថា រដ្ឋាភិបាលនឹងធ្វើការបែងចែកថវិកាចំនួន ១,៦៨ពាន់លានដុល្លារ ដើម្បីគាំទ្រដល់បុគ្គល និងអាជីវកម្មក្នុងការទិញ ឬជួលយានយន្តអគ្គិសនី។ នេះមានន័យថាពលរដ្ឋកាណាដាម្នាក់ នឹងទទួលបានទឹកប្រាក់ប្រមាណជាង ៣ ៦៥០ដុល្លារ សម្រាប់ការទិញរថយន្ត EV មកប្រើប្រាស់។

លើសពីនេះ កាណាដា ក៏នឹងចំណាយទឹកប្រាក់ចំនួន ១,៥ពាន់លានដុល្លារកាណាដាបន្ថែមទៀត ដើម្បីអភិវឌ្ឍលើប្រព័ន្ធស្ថានីយសាកថ្ម និង ៣,១ពាន់លានដុល្លារកាណាដា លើឧស្សាហកម្មយានយន្តរបស់ប្រទេស ដើម្បីផ្លាស់ប្តូរទៅផលិតយានយន្តអគ្គិសនី ផងដែរ៕​

The post កាណាដា ជូនលុយពលរដ្ឋម្នាក់ៗជាង ៣ ៦០០ដុល្លារ ដើម្បីទិញរថយន្តអគ្គិសនីប្រើប្រាស់ appeared first on .

ជុំវិញបញ្ហានេះ លោក ត្រាំ បានបញ្ជាក់ទៀតថា សហរដ្ឋអាមេរិក នឹងដកហូតវិញ្ញាបនបត្រសម្រាប់យន្តហោះរបស់កាណាដាទាំងអស់ផងដែរ រួមទាំងយន្តហោះរបស់ Bombardier ដែលជាក្រុមហ៊ុនផលិតយន្តហោះធំជាងគេររបស់កាណាដា។

មិនតែប៉ុណ្ណោះ ប្រធានាធិបតីអាមេរិក ក៏បានសរសេរសារមួយនៅលើបណ្តាញសង្គម Truth Social របស់ខ្លួនថា ៖”​ ប្រសិនបើស្ថានភាពនេះមិនត្រូវបានកែតម្រូវនោះទេ ខ្ញុំនឹងដាក់ពន្ធនាំចូល ៥០% លើយន្តហោះកាណាដាទាំងអស់ដែលលក់ឲ្យសហរដ្ឋអាមេរិក”។

យ៉ាងណាមិញ ចំពោះសេចក្តីថ្លែងការណ៍នេះ បានកើតឡើងជិតមួយសប្តាហ៍ បន្ទាប់ពីលោក ត្រាំ ក៏បានគំរាមដាក់ពន្ធ ១០០% លើទំនិញរបស់ប្រទេសជិតខាងខ្លួនមួយនេះផងដែរ ប្រសិនបើកាណាដាឈានដល់កិច្ចព្រមព្រៀងពាណិជ្ជកម្មជាមួយប្រទេសចិន។ តែទោះជាយ៉ាងណាក៏ដោយ ប្រធានាធិបតីអាមេរិកនៅពេលនោះ មិនបានផ្តល់ព័ត៌មានលម្អិតបន្ថែមអំពីពេលវេលាសម្រាប់រឿងនេះនោះឡើយ។

ជម្រាបជូនថា ភាពតានតឹងរវាងសហរដ្ឋអាមេរិក និងកាណាដាបានកើនឡើងថ្មីៗនេះ ដោយកាលពីថ្ងៃទី២០ ខែមករា នាយករដ្ឋមន្ត្រីកាណាដា លោក Mark Carney បានទាក់ទាញការចាប់អារម្មណ៍ពីអន្តរជាតិ នៅពេលដែលលោកបានថ្លែងនៅក្នុងវេទិកាសេដ្ឋកិច្ចពិភពលោក (WEF) នៅទីក្រុង Davos ថា ប្រព័ន្ធគ្រប់គ្រងសកលដែលដឹកនាំដោយសហរដ្ឋអាមេរិកកំពុងបែកបាក់ ហើយប្រទេសនានាត្រូវតែសម្របខ្លួនទៅនឹងការពិតថ្មី។ បន្ទាប់ពីនោះ ប្រធានាធិបតី ត្រាំ ក៏បានដកការអញ្ជើញនាយករដ្ឋមន្ត្រីលោក Carney ពីការចូលរួមក្រុមប្រឹក្សាសន្តិភាពវិញ៕

The post លោក ត្រាំ គំរាមដាក់ពន្ធរហូតដល់ទៅ ៥០% លើយន្តហោះរបស់ប្រទេសកាណាដា appeared first on .

ដោយបានសរសេរនៅលើបណ្តាញសង្គម Truth Social របស់ខ្លួន លោក ត្រាំ បាននិយាយថា ៖” ប្រសិនបើកាណាដាសម្រេចបានកិច្ចព្រមព្រៀងពាណិជ្ជកម្មជាមួយប្រទេសចិន ពួកគេនឹងត្រូវទទួលរងពន្ធគយ ១០០% ភ្លាមៗលើទំនិញទាំងអស់ដែលលក់មកឲ្យអាមេរិក”។

ក្នុងនោះដែរលោក ត្រាំ ក៏បានបន្តគំរាមនាយករដ្ឋមន្ត្រីកាណាដា លោក Mark Carney ផងដែរថា កិច្ចព្រមព្រៀងជាមួយប្រទេសចិននេះ នឹងបំផ្លាញអាជីវកម្មរបស់កាណាដាជាមិនខាន។

ប្រធានាធិបតីអាមេរិក ក៏បានអះអាងផងដែរថា ប្រទេសចិននឹងព្យាយាមប្រើប្រាស់កាណាដា ដើម្បីគេចវេះពន្ធនាំចូលរបស់សហរដ្ឋអាមេរិក។ លោក ត្រាំ បានសរសេរទៀតថា ៖” ប្រសិនបើលោក Carney គិតថាលោកអាចកែប្រែប្រទេសកាណដាទៅជាកំពង់ផែចម្លងសម្រាប់ប្រទេសចិន ដើម្បីនាំចេញទំនិញបន្ត និងផលិតផលចូលទៅកាន់សហរដ្ឋអាមេរិក នោះលោកច្បាស់ជាយល់ច្រឡំធំហើយ”។

យ៉ាងណាមិញ ជុំវិញការលើកឡើងរបស់លោក ត្រាំ នេះ បានកើតឡើងនៅពេលដែលប្រទេសចិន និងកាណាដា បានឈានដល់កិច្ចព្រមព្រៀងបឋមជាគោលការណ៍មួយ ដើម្បីដោះស្រាយបញ្ហាសេដ្ឋកិច្ច និងពាណិជ្ជកម្ម។

នៅក្រោមកិច្ចព្រមព្រៀងនេះ ប្រទេសកាណាដា នឹងកាត់បន្ថយពន្ធនាំចូលលើយានយន្តអគ្គិសនីរបស់ចិន មកនៅត្រឹម ៦,១% និងអនុញ្ញាតឲ្យមានការនាំចូលរថយន្តរហូតដល់ ៤៩ ០០០ គ្រឿង ក្នុងមួយឆ្នាំផងដែរ។

ជម្រាបជូនផងដែរថា ជាផ្នែកនៃកិច្ចព្រមព្រៀងនេះ លោក Carney ក៏បានបង្ហាញក្តីរំពឹងទុកខ្ពស់ផងដែរថា ប្រទេសចិន នឹងកាត់បន្ថយពន្ធលើគ្រប់ពូជ Canola របស់ខ្លួនមកត្រឹម ១៥% នៅមុនខែមីនា ខណៈភាគីទាំងពីរ ក៏បានប្តេជ្ញាកាត់បន្ថយរបាំងពន្ធពាណិជ្ជកម្ម និងពង្រឹងទំនាក់ទំនងយុទ្ធសាស្រ្តថ្មីៗ ផងដែរ៕​

The post លោក ត្រាំ គំរាមដាក់ពន្ធ ១០០% បើកាណាដា ឈានដល់កិច្ចព្រមព្រៀងពាណិជ្ជកម្មជាមួយចិន appeared first on .

រដ្ឋមន្ត្រីក្រសួងដឹកជញ្ជូនសហរដ្ឋអាមេរិក លោក Sean Duffy បានមានប្រសាសន៍នៅក្នុងព្រឹត្តិការណ៍រដ្ឋាភិបាលមួយនៅរោងចក្ររបស់ក្រុមហ៊ុន Ford ក្នុងរដ្ឋ Ohio ថា ៖”ខ្ញុំគិតថាពួកគេនឹងក្រឡេកមើលទៅក្រោយលើការសម្រេចចិត្តនេះ ហើយពិតជាសោកស្តាយចំពោះការនាំយករថយន្តរបស់ចិនជាច្រើនចូលទៅក្នុងទីផ្សារ”។

គួរឲ្យដឹងថា នៅឆ្នាំ២០២៤ ប្រទេសកាណាដាបានដាក់ពន្ធនាំចូល ១០០% លើរថយន្តអគ្គិសនីរបស់ចិន។ តែទោះជាយ៉ាងណាក៏ដោយ នៅថ្ងៃទី១៦ ខែមករា ឆ្នាំ២០២៦ ប្រទេសទាំងពីរបានឈានដល់កិច្ចព្រមព្រៀងពាណិជ្ជកម្មបឋមថ្មីមួយ ក្នុងអំឡុងពេលដំណើរទស្សនកិច្ចរបស់នាយករដ្ឋមន្ត្រីលោក Mark Carney ទៅកាន់ប្រទេសចិន។

ជុំវិញកិច្ចព្រមព្រៀងថ្មីនេះ កាណាដានឹងកាត់បន្ថយពន្ធនាំចូលលើរថយន្តអគ្គិសនីរបស់ចិនមកត្រឹម ៦,១% វិញ។ លោក Carney រំពឹងថាប្រទេសចិនក៏នឹងកាត់បន្ថយពន្ធលើទំនិញភាគច្រើនរបស់កាណាដាផងដែរ ស្របពេលភាគីទាំងពីរ បានប្តេជ្ញាកាត់បន្ថយរបាំងពាណិជ្ជកម្ម និងពង្រឹងទំនាក់ទំនងយុទ្ធសាស្ត្រថ្មី។

យ៉ាងណាមិញ​ ជុំវិញការប្រកាសនេះ បានបង្កើនក្តីបារម្ភនៅសហរដ្ឋអាមេរិកថា វានឹងអាចជួយប្រទេសចិនបង្កើនឥទ្ធិពលរបស់ខ្លួនកាន់តែខ្លាំង នៅតំបន់អាមេរិកខាងជើង។ ទន្ទឹមនឹងនេះ ទីក្រុងវ៉ាស៊ីនតោនកំពុងព្យាយាមពង្រឹងជំហររបស់ខ្លួនទៅលើការនាំចេញរថយន្ត និងគ្រឿងបន្លាស់ទៅកាន់ប្រទេសជិតមួយនេះ៕​

The post សហរដ្ឋអាមេរិក ព្រមានកាណាដា ជុំវិញការនាំចូលរថយន្តអគ្គិសនីពីប្រទេសចិន appeared first on .

រដ្ឋាភិបាលកាណាដា បានប្រកាសកាលពីសប្តាហ៍មុនថា ការវិនិយោគនេះ នឹងត្រូវប្រើប្រាស់ក្នុងរយៈពេល ១២ឆ្នាំ ដើម្បីជ្រើសរើស និងគាំទ្រមនុស្សជាង ១ ០០០ នាក់ ដែលពាក់ព័ន្ធនឹងការស្រាវជ្រាវឈានមុខគេ នៅទូទាំងវិស័យសំខាន់ៗ រួមទាំងវិជ្ជសាស្រ្ត និងវិទ្យាសាស្រ្ត។

លោកស្រី Melanie Joy រដ្ឋមន្ត្រីក្រសួងនវានុវត្តន៍ វិទ្យាសាស្រ្ត និងឧស្សាហកម្មរបស់ប្រទេសកាណាដា បានមានប្រសាសន៍ថា ៖”​ ខណៈពេលដែលប្រទេសមួយចំនួនកំពុងរឹតត្បិតសេរីភាពសិក្សា និងធ្វើឲ្យខូចដល់ការស្រាវជ្រាវក្នុងវិស័យទំនើបៗ ប្រទេសកាណាដាកំពុងបង្កើនការវិនិយោគរបស់ខ្លួនទៅលើវិស័យទាំងនេះវិញ”។

លោកស្រី Melanie បានសង្កត់ធ្ងន់ទៀតថា ការវិនិយោគទឹកប្រាក់ចំនួន ១,២ពាន់លានដុល្លារនេះ មានគោលបំណងធានាតួនាទីជាអ្នកដឹកនាំរបស់ប្រទេសកាណាដា ក្នុងការច្នៃប្រឌិត និងភាពប៉ិនប្រសព្វ ដើម្បីបង្កើតជាមូលដ្ឋានគ្រឹះសម្រាប់វិបុលភាពរយៈពេលវែង។

យ៉ាងណាមិញ​ ទោះបីជាលោកស្រី Melanie មិនបាននិយាយចំទៅលើឈ្មោះសហរដ្ឋអាមេរិកក៏ដោយ តែកម្មវិធីនេះត្រូវបានគេមើលឃើញថាជាយុទ្ធសាស្ត្រដើម្បីទាញយកមនុស្សមានទេពកោសល្យមកកាន់ប្រទេសកាណាដាវិញ ដោយសារតែគោលនយោបាយអន្តោប្រវេសន៍ដ៏តឹងរ៉ឹងរបស់ប្រទេសជិតខាងខ្លួនមួយនេះ។

ជម្រាបជូនថា កាលពីខែកញ្ញា ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិមួយដែលតម្រូវឱ្យមានថ្លៃបង់សេវាចំនួន ១០០ ០០០ដុល្លារ លើពាក្យសុំទិដ្ឋាការ H-1B ថ្មីពីពលករបរទេស ដោយមានគោលដៅលើកទឹកចិត្តអាជីវកម្មឱ្យជួលពលករក្នុងស្រុកជំនួស៕​

The post កាណាដា គ្រោងបញ្ចេញកញ្ចប់ថវិកាវិនិយោគ ១,២ពាន់លានដុល្លារ ដើម្បីទាក់ទាញកម្មករជំនាញ appeared first on .

ប្រភពដដែលនេះ បានដកស្រង់សម្តីរបស់លោក Jamieson Greer តំណាងពាណិជ្ជកម្មសហរដ្ឋអាមេរិក នៅក្នុងអំឡុងធ្វើបទសម្ភាសផតខាសមួយនាពេលថ្មីៗនេះ។ លោក Greer បានមានប្រសាសន៍ថា ៖ “ទស្សនៈរបស់ប្រធានាធិបតីគឺថា លោកគ្រាន់តែចង់បានកិច្ចព្រមព្រៀងល្អៗប៉ុណ្ណោះ។ ហេតុផលដែលយើងនៅតែត្រូវការពេលពិនិត្យឡើងវិញនៅក្នុង USMCA គឺដើម្បីការពារតម្រូវការក្នុងការកែប្រែ វាយតម្លៃឡើងវិញ ឬដកខ្លួនចេញពីកិច្ចព្រមព្រៀងនេះ”។

មិនតែប៉ុណ្ណោះ លោក Jamieson Greer ក៏បានលើកឡើងពីលទ្ធភាពនៃការចរចាដាច់ដោយឡែកពីគ្នារបស់សហរដ្ឋអាមេរិកជាមួយកាណាដា និងម៉ិកស៊ិក ក៏ដូចជាការបំបែកកិច្ចព្រមព្រៀងជាពីរផ្នែក។ ជុំវិញគំនិតនេះត្រូវបានពិភាក្សាឡើងដោយតំណាងពាណិជ្ជកម្មសហរដ្ឋអាមេរិកជាមួយប្រធានាធិបតី លោក ត្រាំ ក្នុងសប្តាហ៍នេះ។

ជម្រាបជូនថា USMCA គឺជាកិច្ចព្រមព្រៀងថ្មីមួយជំនួសកិច្ចព្រមព្រៀងពាណិជ្ជកម្មសេរីអាមេរិកខាងជើងឆ្នាំ២០២០ ដែលត្រូវបានចរចាក្នុងអាណត្តិដំបូងរបស់លោក ត្រាំ ។ ហើយកាលពីថ្ងៃទី៣ ខែធ្នូ លោក ត្រាំ បាននិយាយថា កិច្ចព្រមព្រៀងនេះអាចនឹងត្រូវអនុញ្ញាតឲ្យផុតកំណត់ ឬកិច្ចព្រមព្រៀងថ្មីមួយនឹងត្រូវចរចាឡើងវិញរវាងប្រទេសទាំងបី៕​

The post លោក ត្រាំ ថាអាមេរិកអាចនឹងដកខ្លួនចេញពីកិច្ចព្រមព្រៀងពាណ្ជិជកម្មជាមួយម៉ិកស៊ិក និងកាណាដា appeared first on .

លោក ត្រាំ បាននិយាយទៀតថា សហរដ្ឋអាមេរិក និងកាណាដា នឹងមិនចាប់ផ្តើមចរចាពាណិជ្ជកម្មណាមួយជាមួយគ្នាឡើងវិញនោះទេ។ ប៉ុន្តែទោះជាយ៉ាងណាក៏ដោយ លោកបានបង្ហើបឲ្យដឹងថា នាយករដ្ឋមន្ត្រីកាណាដា បានចេញសារមួយដើម្បីសុំទោសលោក ពាក់ព័ន្ធទៅនឹងបញ្ហានេះរួចរាល់ហើយ។

មិនតែប៉ុណ្ណោះ ប្រធានាធីបអាមេរិករូបនេះ បានប្រាប់ទៅកាន់អ្នកយកព័ត៌មានថា៖” ខ្ញុំចូលចិត្តនាយករដ្ឋមន្ត្រីកាណាដាខ្លាំងណាស់ ប៉ុន្តែអ្វីដែលពួកគេបានធ្វើគឺខុសធ្ងន់ណាស់។ ហើយលោកក៏បានសុំទោសខ្ញុំរួចរាល់ហើយផងដែរ ព្រោះវាជាការផ្សាយពាណិជ្ជកម្មមិនពិត”។

រំឮកផងដែរថា កាលពីថ្ងៃទី២៣ ខែតុលា លោក ត្រាំ បានសរសេរបង្ហោះលើបណ្តាញសង្គម Truth Social របស់ខ្លួនថា លោកនឹងបញ្ចប់ការចរចាពាណិជ្ជកម្មជាមួយកាណាដា។ ហើយការប្រកាសនេះ បានកើតឡើងភ្លាមៗ បន្ទាប់ពីរដ្ឋាភិបាលខេត្ត Ontario របស់កាណាដា បានចាក់ផ្សាយពាណិជ្ជកម្ម អំពីការរិះគន់លើទំនិញរបស់អាមេរិក ដោយនិយាយថា វាបានបណ្តាលឲ្យបាត់បង់ការងារ និងធ្វើឲ្យមានសង្គ្រាមពាណិជ្ជកម្ម។

ជម្រាបជូនផងដែរថា ទំនាក់ទំនងពាណិជ្ជកម្មរវាងសហរដ្ឋអាមេរិក និងកាណាដាមានភាពប្រែប្រួលខ្លាំងនៅឆ្នាំនេះ។ នៅដើមខែកុម្ភៈ លោក ត្រាំ បានចុះហត្ថលេខាលើបទបញ្ជាប្រតិបត្តិមួយដែលដាក់ពន្ធនាំចូលលើទំនិញទាំងអស់ពីប្រទេសកាណាដា និងម៉ិកស៊ិក ត្រូវបង់ពន្ធ ២៥% ចាប់ពីថ្ងៃទី៤ ខែមីនា លើកលែងតែថាមពល កាណាដា ត្រូវបង់ពន្ធ ១០%៕​

The post លោក ត្រាំ​ បញ្ជាក់ថានឹងមិនបន្តចរចាពាណិជ្ជកម្មជាមួយកាណាដាទៀតនោះឡើយ appeared first on .

ជុំវិញសេចក្តីប្រកាសនេះ ត្រូវបានបង្ហោះដោយលោក ត្រាំ នៅលើបណ្តាញសង្គម Truth Social របស់ខ្លួន ពោលគឺត្រឹមតែពីរថ្ងៃប៉ុណ្ណោះ បន្ទាប់ពីលោក បានប្រកាសផ្អាកចរចាពាណិជ្ជកម្ម ជាមួយកាណាដា។

មិនតែប៉ុណ្ណោះ លោក ត្រាំ បានសសេរថា៖”​ ដោយសារតែការបង្ហាញខុសយ៉ាងធ្ងន់ធ្ងរពីការពិត និងសកម្មភាពមិនល្អរបស់ពួកគេ ខ្ញុំនឹងដំឡើងពន្ធលើកាណាដា ១០% បន្ថែមទៀត ពោលគឺលើសពីអ្វីដែលពួកគេកំពុងបង់នាពេលបច្ចុប្បន្ន”។

ទោះជាយ៉ាងណាក៏ដោយ វានៅមិនទាន់ត្រូវបានគេដឹងច្បាស់នៅឡើយទេថា ផលិតផលណាមួយដែលនឹងរងផលប៉ះពាល់ដោយសារពន្ធគយថ្មីនេះ។ ប៉ុន្តែក្នុងនោះការនាំចេញភាគច្រើនរបស់កាណាដាទៅកាន់សហរដ្ឋអាមេរិក ត្រូវបានបានលើកលែងពន្ធ នៅក្រោមកិច្ចព្រមព្រៀងសហរដ្ឋអាមេរិក-ម៉ិកស៊ិក-កាណាដា (USMCA) ដែលបានចុះហត្ថលេខាក្នុងអំឡុងពេលអាណត្តិដំបូងរបស់លោក ត្រាំ។

ជម្រាបជូនផងដែរថា កន្លងមករដ្ឋបាលវលោក ត្រាំ បានដាក់ពន្ធ ៣៥% លើទំនិញកាណាដាដែលមិនត្រូវបានគ្របដណ្តប់ដោយកិច្ចព្រមព្រៀង USMCA កាលពីក្នុងខែសីហា ប៉ុន្តែទោះជាយ៉ាងណាសេដ្ឋកិច្ចកាណាដាត្រូវបានរងផលប៉ះពាល់យ៉ាងខ្លាំងដោយពន្ធ ៥០% ដែលសហរដ្ឋអាមេរិកបានដាក់លើការនាំចូលដែកថែប និងអាលុយមីញ៉ូមដែលជាផលិតនាំចេញដ៏សំខាន់របស់ប្រទេសនេះ៕​

The post លោក ត្រាំ គ្រោងដំឡើងពន្ធ ១០% បន្ថែមទៀតទៅលើទំនិញរបស់កាណាដា appeared first on .

កាលពីថ្ងៃទី២៣ ខែតុលា លោក ត្រាំ បានសរសេរបង្ហោះនៅលើបណ្តាញសង្គម Truth Social របស់ខ្លួនថា៖”​ ដោយសារតែអាកប្បករិយាមិនអាចទទួលយកបានរបស់ពួកគេ ការចរចាពាណិជ្ជកម្មជាមួយកាណាដានឹងត្រូវបញ្ចប់”។

ជុំវិញការប្រកាសនេះ បានកើតឡើង បន្ទាប់ពីរដ្ឋាភិបាលកាណាដា បានរិះគន់ខ្លាំងៗជុំវិញពន្ធលើទំនិញរបស់អាមេរិក ដោយនិយាយថាទង្វើនេះបានបណ្តាលឲ្យបាង់បង់ការងារ និងសង្គ្រាមពាណិជ្ជកម្មកើតឡើង។

ទន្ទឹមនឹងនេះ នាយករដ្ឋមន្ត្រីកាណាដា លោក Mark Carney ក៏បានប្រាប់ទៅកាន់សារព័ត៌មាន នៅថ្ងៃទី២៣ ខែតុលាផងដែរថា លោកនឹងមិនអនុញ្ញាតឲ្យសហរដ្ឋអាមេរិក ចូលទីផ្សារប្រទេសរបស់លោកដោយអយុត្តិធម៌នោះលើយ ប្រសិនបើការចរចាជាមួយទីក្រុងវ៉ាស៊ីនតោន បរាជ័យនោះ។

ជម្រាបជូនថា ទំនាក់ទំនងពាណិជ្ជកម្មរវាងសហរដ្ឋអាមេរិក និងកាណាដាមានភាពប្រែប្រួលខ្លាំងនៅឆ្នាំនេះ។ ដោយនៅដើមខែកុម្ភៈ លោក ត្រាំ បានចុះហត្ថលេខាលើបទបញ្ជាប្រតិបត្តិដែលដាក់ពន្ធនាំចូលលើទំនិញទាំងអស់ពីប្រទេសកាណាដា និងម៉ិកស៊ិកចាប់ពីថ្ងៃទី៤ ខែមីនា។ លើកលែងតែថាមពលដែលត្រូវបង់ពន្ធ ១០% ផលិតផលផ្សេងទៀតពីកាណាដា និងម៉ិកស៊ិកត្រូវបង់ពន្ធ ២៥%៕

​

The post សហរដ្ឋអាមេរិក ផ្អាកចរចាពាណិជ្ជកម្មជាមួយកាណាដា ក្រោយលោក ត្រាំ មួម៉ៅក្តៅចិត្ត appeared first on .