ជុំវិញជម្លោះតឹងសរសៃកដាក់គ្នានេះ កើតឡើងនៅក្នុងបទសម្ភាសរវាងប្រធានាធិបតីអាមេរិក លោក ដូណាល់ ត្រាំ និងពិធីការិនីរបស់ NBC អ្នកនាង Kristen Welker ដែលត្រូវបានថតទុកតាំងពីថ្ងៃទី៥ ខែមិថុនា នៅកសិដ្ឋានមួយក្នុងរដ្ឋ Wisconsin ហើយត្រូវបានយកមកចាក់ផ្សាយនៅថ្ងៃទី៧ ខែមិថុនាថ្មីៗនះ។

នៅក្នុងនាទីចុងក្រោយនៃបទសម្ភាសនោះ បរិយាកាសកាន់តែតានតឹង ខណៈពេលដែលអ្នកនាង Welker បានទាមទារម្តងហើយម្តងទៀតឲ្យប្រធានាធិបតីអាមេរិករូបនេះ ផ្តល់ភស្តុតាងសម្រាប់ការអះអាងថ្មីៗនេះរបស់លោកថា ការបោះឆ្នោតប្រធានាធិបតីឆ្នាំ២០២០ និងការបោះឆ្នោតបឋមនៅរដ្ឋ California កាលពីពេលថ្មីៗនេះត្រូវបានគេក្លែងបន្លំ។

លោក ត្រាំ បានអះអាងថាការរាប់សន្លឹកឆ្នោតដែលមានរយៈពេលយូរនៅរដ្ឋ California គឺជាភាពមិនប្រក្រតី។ ហើយនៅពេលដែលអ្នកសម្ភាស បានតបតថានេះជានីតិវិធីរដ្ឋធម្មតា គាត់នៅតែបន្តអះអាងថាការបោះឆ្នោតនេះមានបញ្ហា ប៉ុន្តែមិនបានផ្តល់ភស្តុតាងជាក់ស្តែងណាមួយនោះទេ។

ពេលនោះហើយ បានធ្វើឲ្យលោក ត្រាំ មានអារម្មណ៍មួម៉ៅខ្លាំង ហើយបានងើបចេញពីកន្លែងថតភ្លាមៗ និងក្រោយមកប្រធានាធិបតីអាមេរិករូបនេះ ថែមទាំងបានរិះគន់លើ NBC ជាប្រព័ន្ធផ្សព្វផ្សាយដែលមានភាពលំអៀង និងមិនឈ្មោះត្រង់ ផងដែរ។

ប៉ុន្តែទោជាយ៉ាងណាក៏ដោយ បន្ទាប់ពីការសម្ភាសនោះ លោក ត្រាំ បានចូលរួមក្នុងការពិភាក្សាផ្សេងទៀតជាក្រុមកសិករនៅរដ្ឋ Wisconsin។ នៅទីនោះ លោកបានចេញមុខបកស្រាយជុំវិញភាពចម្រូងចម្រាសជាមួយ NBC វិញថា ដោយសារតែបញ្ហាអាកាសធាតុ អាចជាមូលហេតុដែលធ្វើឲ្យលោកខឹងសម្បារខ្លាំងបែបនេះ៕​

The post លោក ត្រាំ មួម៉ៅដើរចេញពីបទសម្ភាសមួយភ្លាមៗ បន្ទាប់ពីទាស់ទែងពាក្យសម្តីខ្លាំងៗ ជាមួយពិធីការិនី appeared first on .

ឆ្លើយសំណួររបស់អ្នកសារព័ត៌មាន លោក ដូណាល់ ត្រាំបានថ្លែងថា “ថៃបានចាប់ផ្តើមបញ្ចេញរូបរាងសង្រ្គាមជាថ្មីម្តងទៀតជាមួយប្រទេសកម្ពុជា ខ្ញុំបានប្រាប់ទៅកាន់រដ្ឋមន្រ្តីការបរទេសឯកឧត្តម ម៉ាកូ រូប៊ីអូ លោកកំពុងតែធ្វើយ៉ាងណាបញ្ចប់សង្រ្គាមមួយនេះឯកឧត្តមថាលោកបានបញ្ចប់សង្រ្គាម ៨ ហើយសង្រ្គាមមួយនេះ ថៃ-កម្ពុជា គឺជានៅកណ្តាលគេ។ ឯកឧត្តម ថាពេលនេះរវាងប្រជាជនទាំងពីរមានការស្អប់ និងគុំគួនគ្នាជាខ្លាំង។

សូមជម្រាបថា ពាក់ព័ន្ធនឹងសង្គ្រាមឈ្លានរបស់ថៃមកលើកម្ពុជា អ្នកនាំពាក្យក្រសួងការពារជាតិ បានឱ្យដឹងថា គិតត្រឹមវេលាម៉ោង៦ល្ងាចថ្ងៃទី២២ ធ្នូ ពលរដ្ឋកម្ពុជាចំនួន២១នាក់បានស្លាប់ និងមានអ្នករងរបួសបានកើនឡើងចំនួន៨៣នាក់ ក្រោយពីការវាយប្រហារដោយយោធាថៃ៕ អត្ថបទ៖ហ្សាលីន

The post ប្រធានាធិបតី អាមេរិក ត្រាំ មើលឃើញថា«ថៃ»ជាអ្នកចាប់ផ្តើមសង្រ្គាមឡើងវិញមកលើកម្ពុជាមុន appeared first on .

។

ក្នុងអំឡុងពេលនិយាយទៅកានបទសម្ភាសមួយកាលពីថ្ងៃទី១៦ ខែធ្នូ លោក ត្រាំ​ បានបង្ហាញឲ្យដឹងថា មហាសេដ្ឋីអាមេរិក-អ៊ីស្រាអែល លោកស្រី Adelson បានផ្តល់មូនិធិដោយផ្ទាល់ និងដោយប្រយោលដល់យុទ្ធនាការរបស់លោក ដែលមានចំនួនទឹកប្រាកសរុបដល់ ២៥០លានដុល្លារ ដោយអះអាងទៀតថា លោកស្រីគឺជាអ្នកបរិច្ចាគដ៏ធំបំផុតមួយរបស់លោក ផងដែរ។

យ៉ាងណាមិញលោកស្រ្តី Adelson ដែលត្រូវបានគេស្គាល់ថាជាអតីតភរិយារបស់មហាសេដ្ឋី លោក Sheldon Adelson បាននិយាយថា លោកស្រីទើបតែបានជួបជាមួយលោក Alan Dershowitz សាស្រ្តាចារ្យនៅសាលាច្បាប់ Harvard ដើម្បីពិភាក្សាអំពីលទ្ធភាពនៃការឈរឈ្មោះរបស់លោក ត្រាំ សម្រាប់អាណត្តិទីបី ក្នុងនាមជាប្រធានាធិបតីអាមេរិក។

ក្នុងពេលជាមួយគ្នានោះផងដែរថា លោកស្រីបង្កត់ធ្ងន់ទៀតថា ប្រសិនបើរឿងនេះអាចកើតឡើងបានពិតមែននោះ លោកស្រីនឹងបន្តបរិច្ចាគទឹកប្រាក់ចំនួន ២៥០លានដុល្លារ បន្ថែមទៀត សម្រាប់យុទ្ធនាការរបស់លោក ត្រាំ ។

ជម្រាបជូនផងដែរថា លោក ត្រាំ ក៏ធ្លាប់បាននិយាយម្តងហើយម្តងទៀតអំពីលទ្ធភាពនៃការឈរឈ្មោះជាថ្មីនៅឆ្នាំ២០២៨ ខាងមុខ បើទោះបីជារដ្ឋធម្មនុញ្ញសហរដ្ឋអាមេរិកចែងថាប្រធានាធិបតីមួយរូបមិនអាចបម្រើការលើសពីពីរអាណត្តិក៏ដោយ៕​

The post មហាសេដ្ឋីម្នាក់ សន្យាផ្តល់លុយចំនួន ២៥០លានដុល្លារ ដើម្បីជួយលោក ត្រាំ ឈរឈ្មោះសម្រាប់អាណត្តិទីបី​ appeared first on .

ប្រធានាធិបតីអាមេរិកលោក ដូណាល់ ត្រាំ បានថ្លែងប្រាប់កាសែតអាមេរិក Wall Street Journal ថាប្រសិនបើថៃ និងកម្ពុជា ធ្វើសង្រ្គាមនឹងគ្នា នោះលោកមិនត្រឹមតែបញ្ឈប់កិច្ចព្រមព្រៀងពាណិជ្ជកម្មដែលមានប៉ុណ្ណោះទេ ហើយលោកនឹងដំឡើងពន្ធគយលើប្រទេសទាំងពីរថែមទៀតផង។ លោកបញ្ជាក់ថា៖«គ្មាននរណាផ្សេងអាចធ្វើបានដូចខ្ញុំទេ»។

សូមរម្លឹកថា លោក ដូណាល់ ត្រាំ កាលពីថ្ងៃសុក្រសប្ដាហ៍មុនបានប្រកាសថា រូបលោកបានបើកកិច្ចសន្ទនាតាមទូរស័ព្ទជាមួយនាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត និងនាយករដ្ឋមន្ត្រីថៃ​ លោក អានុទីន ហើយបានអះអាងថាមេដឹកនាំទាំង២ បានយល់ព្រមបញ្ឈប់ការប្រយុទ្ធគ្នា។ នាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៊ីម កាលពីថ្ងៃសៅរ៍ ក៏បានជំរុញឱ្យកម្ពុជា និងថៃ ទទួលយកបទឈប់បាញ់មួយនៅម៉ោង ១០យប់ កាលពីថ្ងៃសៅរ៍ផងដែរ។

សម្ដេចធិបតីបានបង្ហាញការស្វាគមន៍ការអំពាវនាវរបស់លោក អាន់វ៉ា ក៏ប៉ុន្តែលោក អានុទីន នៅតែបន្តឈ្លានពានកម្ពុជា ដោយមិនខ្វល់ឡើយចំពោះការអំពាវនាវឱ្យត្រឡប់ទៅរក បទឈប់បាញ់បញ្ចប់ជម្លោះជាមួយកម្ពុជា។

សូមជម្រាបថា គិតត្រឹមថ្ងៃទី ១៥ ខែធ្នូ ឆ្នាំ២០២៥ ចំនួន​ជន​ស៊ីវិលកម្ពុជា បាន​ស្លាប់​ពី​ការ​វាយ​ប្រហារ​ដោយសកម្មភាពឈ្លានពានប្រដាប់អាវុធថៃ បាន​កើន​ដល់ ១២​នាក់​ , រង​របួស ៧៤ នាក់ និងមានជន​ភៀស​សឹក​កើន​ដល់ជាង ៤០ ម៉ឺននាក់ផងដែរ៕ អត្ថបទ៖ ហ្សាលីន

The post ប្រធានាធិបតីអាមេរិ ត្រាំ គំរាមដំឡើងពន្ធគយលើថៃ និងកម្ពុជា បើភាគីទាំងពីរមិនបញ្ឈប់សង្រ្គាម appeared first on .

ដោយស្ថិតនៅក្នុងសង្កាត់ Jamaica Estates នៃទីក្រុងញូវយ៉ក ផ្ទះមានរចនាបថបែប Tudor នេះ ត្រូវបានអ្នកអភិវឌ្ឍអចលនទ្រព្យុ លោក Tommy Lin ដាក់លក់នៅក្នុងតម្លៃជាង ២លានលានដុល្លារ ដែលត្រូវបានគេស្គាល់ថាជាផ្ទះរបស់លោក ត្រាំ ធ្លាប់រស់នៅចាប់តាំងពីកើត រហូតដល់អាយុ ៤ឆ្នាំ។

គួរឲ្យដឹងថា ផ្ទះដែលមានបន្ទប់គេងប្រាំ ដែលត្រូវបានសាងសង់ឡើងនៅក្នុងឆ្នាំ១៩៤០ ដោយឪពុករបស់របស់លោក ត្រាំផ្ទាល់ ឈ្មោះថា Fred Trump គឺជាលំនៅដ្ឋានដំបូងរបស់គ្រួសារនេះ មុនពេលពួកគេបានផ្លាស់ទៅផ្ទះធំជាង នៅក្បែរនោះ។

ជម្រាបជូនថា បន្ទាប់ពីការបោះបង់ចោលអស់រយៈពេលជាច្រើនឆ្នាំ ជាមួយស្ថានភាពទ្រុតទ្រោមខ្លាំង ផ្ទះនេះត្រូវបានលក់ក្នុងខែកុម្ភៈ ក្នុងតម្លៃ ៨៣៥ ០០០ដុល្លារទៅឱ្យលោក Lin ហើយបន្ទាប់មកអ្នកអភិវឌ្ឍរូបនេះ បានចំណាយពេលប្រាំបីខែ ដើម្បីជួសជុល និងដាក់លក់ផ្ទះនេះឡើងវិញ៕

The post ផ្ទះកាលពីក្មេងរបស់លោក ត្រាំ ត្រូវបានដាក់លក់ក្នុងតម្លៃជាង ២លានដុល្លារ appeared first on .

ថ្លែងប្រាប់ទៅកាន់អ្នកយកព័ត៌មាននៅលើយន្តហោះ Air Force One ខណៈពេលកំពុងហោះហើរពីប្រទេសម៉ាឡេស៊ីទៅកាន់ទីក្រុងតូក្យូ លោក ត្រាំ កាលពីថ្ងៃទី២៧ ខែតុលា បានបង្ហាញថា អ្នកគាំទ្រមួយចំនួនកំពុងណែនាំឲ្យលោកគេចវេសពីច្បាប់ ដោយឈរឈ្មោះជាអនុប្រធានាធិបតី នៅអាណត្តិក្រោយ។

ប៉ុន្តែទោះជាយ៉ាងណាក៏ដោយ លោក ត្រាំ បានបញ្ជាក់ច្បាស់ៗថា លោកមិនអាចធ្វើបែបនេះបាននោះឡើយ បើទោះបីជាច្បាប់អនុញ្ញាតក៏ដោយ។ លោកបានបន្ថែមទៀតថា នោះគឺជារឿងមិនត្រឹមត្រូវនោះឡើយ។

ជម្រាបជូនថា យោងតាមវិសោធនកម្មលើកទី២២ នៃរដ្ឋធម្មនុញ្ញសហរដ្ឋអាមេរិកបានចែងថា បុគ្គលម្នាក់មិនអាចជាប់ឆ្នោតជាប្រធានាធិបតី លើសពីពីរដងបានទេ។ ហើយជាមួយគ្នានោះ អ្នកជំនាញផ្នែកច្បាប់មួយចំនួនក៏បានបកស្រាយផងដែរថា លោក ត្រាំ មិនអាចឈរឈ្មោះជាអនុប្រធានាធិបតីបានទេ ពីព្រោះវិសោធនកម្មច្បាប់លើកទី១២ ចែងថា បុគ្គលដែលមិនមានលក្ខណៈសម្បត្តិគ្រប់គ្រាន់ធ្វើជាប្រធានាធិបតី ក៏មិនអាចបន្តឈរឈ្មោះជាអនុប្រធានាធិបតីបាន ផងដែរ៕​

The post លោក ត្រាំ ច្រានចោលលទ្ធភាពឈរឈ្មោះជាអនុប្រធានាធិបតីអាមេរិក នៅអាណត្តិក្រោយ appeared first on .

យោងតាមសេចក្តីប្រកាសរបស់សេតវិមាន ប្រធានាធិបតីសហរដ្ឋអាមេរិក លោក ដូណាល់ ត្រាំ នាថ្ងៃអាទិត្យ ទី២៦ ខែតុលា ឆ្នាំ២០២៥ បានឱ្យដឹងថា កម្ពុជាបានយល់ព្រមលុបបំបាត់ពន្ធគយទាំងអស់(១០០%)លើទំនិញរបស់សហរដ្ឋអាមេរិក រួមទាំងផលិតផលម្ហូបអាហារ និងកសិកម្ម ក៏ដូចជាទំនិញឧស្សាហកម្ម ដែលមានន័យថា ការនាំចេញរបស់សហរដ្ឋអាមេរិកមកកាន់កម្ពុជា នឹងមិនត្រូវបង់ពន្ធគយឡើយ។

កម្ពុជា បានប្តេជ្ញាថា នឹងធ្វើឱ្យមានតម្លាភាពលើការនាំចេញរបស់សហរដ្ឋអាមេរិក រួមទាំងការទទួលស្គាល់បទប្បញ្ញត្តិត្រួតពិនិត្យរបស់សហរដ្ឋអាមេរិក ដើម្បីធានាថាទំនិញអាមេរិក មិនចាំបាច់ឆ្លងកាត់តម្រូវការធ្វើតេស្តបន្ថែមនោះទេ។ ការនាំចេញរបស់សហរដ្ឋអាមេរិកមកកាន់កម្ពុជា នឹងលែងប្រឈមចំពោះគុណវិបត្តិនៃភាពប្រកួតប្រជែង ជាមួយដៃគូពាណិជ្ជកម្មផ្សេងទៀតហើយ។

សូមជម្រាបថា ការសម្រេចនេះបានធ្វើឡើង បន្ទាប់ពីនាយករដ្ឋមន្រ្តីនៃកម្ពុជា សម្តេចធិបតី ហ៊ុន ម៉ាណែត និងប្រធានាធិបតីសហរដ្ឋអាមេរិក លោក ដូណាល់ ត្រាំ បានជួបពិភាក្សាគ្នានៅឯប្រទេសម៉ាឡេស៉ី ជាទីដែលមានការចុះកិច្ចព្រមព្រៀងសន្តិភាពកម្ពុជា-ថៃ៕ អត្ថបទ៖ ហ្សាលីន

The post ប្រធានាធិបតី ត្រាំ៖ កម្ពុជា មិនយកពន្ធ១០០% លើទំនិញឧស្សាហកម្ម កសិកម្ម និងម្ហូបអាហារពីអាមេរិក appeared first on .

ការិយាល័យរបស់អតីតប្រធានាធិបតីអាមេរិក លោក ចូ បៃដិន បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី១៨ ខែឧសភាថា៖” លោក បៃដិន ត្រូវបានគេធ្វើរោគវិនិច្ឆ័យឃើញថា មានជំងឺមហារីកក្រពេញប្រូស្តាត។ នេះគឺជាទម្រង់មហារីករាលដាលដ៏ខ្លាំងក្លាមួយ ប៉ុន្តែវាទំនងពាក់ព័ន្ធទៅនឹងអរម៉ូន ដែលអាចទទួលបានការព្យាបាលប្រកបដោយប្រសិទ្ធភាព”។

គួរឲ្យដឹងថា វេជ្ជបណ្ឌិតបានរកឃើញដុំសាច់តូចមួយ នៅក្រពេញប្រូស្តាត ខណៈពេលកំពុងពិនិត្យសុខភាពរបស់លោក បៃដិន កាលពីសប្តាហ៍មុន បន្ទាប់ពីអតីតប្រធានាធិបតីវ័យ ៨២ឆ្នាំ រូបនេះ មានរោគសញ្ញាពាក់ព័ន្ធទៅនឹងទឹកនោម។

តាមការបញ្ជាក់របស់ការិយាល័យលោក បៃដិន បានបង្ហាញឲ្យដឹងទៀតថា អតីតប្រធានាធិបតីអាមេរិករូបនេះ ត្រូវបានគេធ្វើរោគវិនិច្ឆ័យថាមានជំងឺមហារីកកម្រិតទី៩ នៃ Gleason ដែលជាចំណាត់ថ្នាក់នៃការវាយតម្លៃខ្ពស់បំផុតនៃមហារីកក្រពេញប្រូស្តាត ដែលបានរីករាលដាលដល់ឆ្អឹងរបស់លោក ផងដែរ។

ជម្រាបជូនផងដែរថា យោងតាមប្រភពដែលដឹងពីស្ថានការណ៍បាននិយាយថា លោក បៃដិន បានចំណាយពេលចុងសប្តាហ៍នៅផ្ទះរបស់លោក ក្នុងទីក្រុង Wilmington រដ្ឋ Delaware ។ ហើយគេ​នៅ​មិន​ទាន់​ដឹង​ថា កន្លែង​ព្យាបាល​ណា​មួយដែល​អតីត​ប្រធានាធិបតី​រូបនេះ កំពុងសម្រាក​ព្យាបាល​នៅ​ឡើនោះទេ៕

The post អតីតប្រធានាធិបតីអាមេរិក លោក ចូ បៃដិន កំពុងមានជំងឺមហារីកក្រពេញប្រូស្តាត កម្រិតធ្ងន់ធ្ងរ appeared first on .

នៅក្នុងបទសម្ភាសជាមួយ NBC News កាលពីពេលថ្មីៗនេះ លោក ត្រាំ បាននិយាយថា ៖”ខ្ញុំនឹងមិននិយាយលេងសើចនោះទេ នៅពេលត្រូវបានគេសួរនាំអំពីការបន្តកាន់តំណែងសម្រាប់អាណត្តិទីបី ប៉ុន្តែវាហាក់លឿនពេកក្នុងការនិយាយអំពីវា។ មនុស្សជាច្រើនចង់ឲ្យខ្ញុំធ្វើវា ប៉ុន្តែខ្ញុំប្រាប់ពួកគេថា យើងនៅមានផ្លូវវែងឆ្ងាយទៀតដែលត្រូវទៅ”។

យ៉ាងណាមិញ នៅពេលត្រូវបានគេសួរនាំដល់ច្បាប់កំណត់ត្រឹមតែ ២អាណត្តិ សម្រាប់តំណែងជាប្រធានាធិបតីអាមេរិកចំពោះបុគ្គលតែម្នាក់ លោក ត្រាំ បាននិយាយទៀតថា វានៅតែអាចមានវិធីសាស្រ្តដើម្បីសម្រេចបាននូវរឿងនេះ ហើយ​បានសង្កត់ធ្ងន់ទៀតថា លោកមិន​បាន​និយាយលេងសើចអំពីលទ្ធភាពក្នុងការបន្តកាន់តំណែងសម្រាប់អាណត្តិទី៣ នេះនោះឡើយ។

យ៉ាងណាមិញ អ្នកសារព័ត៌មាន បានលើកឡើងពីសេណារីយ៉ូ​​យុទ្ធសាស្ត្រ​មួយ​​របស់​​លោក ត្រាំ ដែលអាច​ពាក់ព័ន្ធនឹងអនុប្រធានាធិបតី​ JD Vance ផងដែរ។ ក្នុងសេណារីយ៉ូនោះ លោក JD Vance អាច​ឈរឈ្មោះជាប្រធានាធិបតីនៅឆ្នាំ​២០២៨ ខាង​មុខ ហើយ​​លោក ត្រាំ អាចកាន់​តំណែង​​ជាអនុប្រធានាធិបតី។ ហើយបន្ទាប់មក លោក JD Vance អាច​លាលែង​ពី​តំណែង​របស់ខ្លួន​ ដោយ​អនុញ្ញាត​​ឲ្យ​​លោក ត្រាំ ឡើងធ្វើ​ជា​ប្រធានាធិបតី​ជំនួសវិញ។

ពាក់ព័ន្ធជាមួយសេណារីយ៉ូខាងលើនេះ លោក ត្រាំ បានឆ្លើយតបវិញថា ៖”នោះក៏អាចជាមធ្យោបាយមួយផងដែរ ប៉ុន្តែវានៅតែមានវិធីសាស្រ្តផ្សេងទៀត” ។

គួរឲ្យដឹងថា លោក ត្រាំ បានចូលកាន់តំណែងនៅថ្ងៃទី២០ ខែមករា ដោយបានក្លាយជាប្រធានាធិបតីអាមេរិកដំបូងគេដែលបម្រើការពីរអាណត្តិមិនជាប់គ្នា ក្នុងរយៈពេលជាង ១០០ឆ្នាំ។ នេះក៏មានន័យថាលោក ត្រាំ បានឈានដល់ចំនួនអតិបរមានៃច្បាប់ដែលបានចែងក្នុងវិសោធនកម្មលើកទី១២ ដែលហាមប្រាមបុគ្គលដែលជាប់ឆ្នោតចំនួន ២អាណត្តិមិនឲ្យកាន់តំណែងជាអនុប្រធានាធិបតីនោះឡើយ។

ប៉ុន្តែទោះជាយ៉ាងណា សមាជិកសភាគណបក្សសាធារណរដ្ឋ លោក Andy Oges កាលពីថ្ងៃទី២៣ ខែមករា បានស្នើឲ្យមានការធ្វើវិសោធនកម្មរដ្ឋធម្មនុញ្ញជាថ្មី ដើម្បីអនុញ្ញាតឲ្យលោក ត្រាំ អាចបន្តកាន់អំណាចសម្រាប់អាណត្តិទី៣ និងរក្សាភាពជាអ្នកដឹកនាំដ៏​អស្ចារ្យ​របស់គាត់។ សំណើនេះទទួលបានការគាំទ្រពីក្រុមអភិរក្សមួយចំនួន ប៉ុន្តែវាក៏នឹងត្រូវប្រឈមមុខនឹងឧបសគ្គផ្នែកនីតិបញ្ញត្តិ ជាច្រើនផងដែរ៕

The post លោក ត្រាំ ប្រកាសក្តែងៗចង់បន្តកាន់តំណែងជាប្រធានាធិបតីអាមេរិក សម្រាប់អាណត្តិទី៣ appeared first on .

យ៉ាងណាមិញ នៅមុនការវិលត្រលប់មកកាន់តំណែងនៅក្នុងសេតវិមាន សម្រាប់អាណត្តិជាលើកទី២ របស់ខ្លួន លោក ត្រាំ ត្រូវបានគេស្គាល់ថាជាអ្នកជំនួញដ៏លេចធ្លោបំផុតម្នាក់ ដោយ​លោក​គឺជា​ម្ចាស់​តែ​ម្នាក់​គត់​នៃ​ក្រុមហ៊ុនមេ The Trump Organization ដែល​មាន​ក្រុមហ៊ុន​បុត្រ​សម្ព័ន្ធ​ប្រហែល ៥០០​ ឯណោះ។

ក្នុង​ចំណោម​ក្រុមហ៊ុន​រាប់រយ​នោះ មាន​ក្រុមហ៊ុន​ ៥ ដែល​ធ្លាប់​រក​ចំណូល​សរុប​បាន​ខ្ទង់​រយ​លាន​ដុល្លារ​​ សម្រាប់​ប្រធានាធិបតីអាណត្តិថ្មី​រូប​នេះ ដោយផ្អែក​តាម​ទិន្នន័យ​ផ្ដល់​ឲ្យ​ដោយ Investopedia៖

១/ Trump National Doral

ជា​ទីលាន​វាយ​កូនហ្គោល​មួយ​ដែល​លោក ដូណាល់​ ត្រាំ​ បាន​ទិញ​កាលពី​ឆ្នាំ ២០១២ ពី​ម្ចាស់​ដែល​បាន​ប្រកាស​ក្ស័យធន ក្នុង​តម្លៃ​ប្រមាណ ១៥០ លាន​ដុល្លារ។ កាលពី​ឆ្នាំ ២០១៩ កន្លែង​កម្សាន្ត​បែប​អភិជន​មួយ​នេះ អាច​រក​ចំណូល​បាន​ប្រហែល ៧៧លាន​ដុល្លារ ប៉ុន្តែ​កាលពី២០២០ ​វា​បាន​ធ្លាក់​មក​នៅ​ត្រឹម ៤៤លាន​ដុល្លារ​ប៉ុណ្ណោះ ដោយសារ​ការជំងឺរាតត្បាតកូវីដ-១៩។

២/ Trump Old Post Office LLC

មុខ​ជំនួញ​ទី ២ នេះ គឺ​ស្ថិត​នៅ​ក្នុង​ចង្កោម​អាជីវកម្ម​បដិសណ្ឋារកិច្ច ដែល​វា​បាន​សាងសង់​ឡើង​នៅ​ទីតាំង​ការិយាល័យ​ប្រៃសណីយ៍​ចាស់​របស់​រដ្ឋ។ សណ្ឋាគារ​ខ្នាត​អន្តរជាតិ​មួយ​នេះ​ធ្លាប់​រក​ចំណូល​ឲ្យ​ លោក ដូណាល់​ ត្រាំ​បាន​រហូត​ដល់​ជាង ៤០លាន​ដុល្លារ​ក្នុង​មួយ​ឆ្នាំ។ ប៉ុន្តែទោះជាយ៉ាងណាក៏ដោយ The Trump Organization បាន​ប្រកាស​ថា ពួកគេ​បាន​លក់​សណ្ឋាគារ​នោះហើយ ​ក្នុង​តម្លៃ​ប្រមាណ ៣៧៥ លាន​ដុល្លារ ដោយសារ​មាន​បញ្ហា​ក្ដីក្ដាំ និង​ទទួល​បាន​ការ​រិះគន់​ជា​សាធារណៈ​ពី​សំណាក់​គូប្រជែង​លើ​វិស័យ​ជាមួយ​គ្នា​ផង។

៣/ Trump Ruffin Tower LLC

Trump Ruffin Tower LLC ត្រូវបានសាងសង់​ឡើង​នៅ​ឆ្នាំ២០០៨ ដោយផ្តោតលើការរកស៊ី​ផ្នែក​វិស័យ​សណ្ឋាគារ និង​ខុនដូ​ទំនើប ហើយបើតាម​ទិន្នន័យ បាន​បង្ហាញ​ថា​ ​ក្រុមហ៊ុន​មួយ​នេះ​អាច​រក​ចំណូល​ជូន​លោក ត្រាំ​ ប្រហែល ៣០លាន​ដុល្លារ​ក្នុង​មួយ​ឆ្នាំ។

៤/ Trump Turnberry

ជា​ទីលាន​វាយ​កូនហ្គោល​​មួយ​ទៀត​ដែល​ស្ថិត​ក្រោម​ការ​គ្រប់គ្រង​របស់​ The Trump Organization ផងដែរ ហើយ​វា​ត្រូវបាន​ទិញ​ពី​ក្រុមហ៊ុន​មួយ​ដែល​មាន​មូលដ្ឋាន​នៅ​ទីក្រុង​ឌូបៃ ខណៈ​តម្លៃ​របស់​ទីលាន​វាយ​កូនហ្គោល​មួយ​នេះ​មិន​ត្រូវ​បាន​ទម្លាយ​ឲ្យ​ដឹង​ឡើយ។

សារព័ត៌មាន Investopedia បាន​ទម្លាយ​ថា រីសត​មួយ​នេះ​អាចរក​ប្រាក់​ជូន​អតីតប្រធានាធិបតី​អាមេរិកបាន​ប្រហែល ២៥លាន​ដុល្លារ ក្នុងមួយឆ្នាំ។

៥/ Mar-a-Lago Club LLC

មើល​ឲ្យ​មែនទែន​ទៅ ភូមិគ្រឹះ​មួយ​នេះ​គឺ​ជា​កាដូ​ដែល​អ្នកស្រី Marjorie Merriweather Post ផ្ដល់​ជា​អំណោយ​ទៅ​កាន់​រដ្ឋាភិបាល​អាមេរិក​នៅ​ឆ្នាំ១៩៦៨ ប៉ុណ្ណោះ ប៉ុន្តែ​នៅ​ពេល​អ្នកស្រី​ទទួល​អនិច្ចកម្ម​ទៅ នៅក្នុង​ឆ្នាំ១៩៧៣ រដ្ឋាភិបាល​ចាប់ផ្ដើម​ប្រកាស​លក់​ភូមិគ្រឹះ​មួយ​នេះ ដោយសារ​ថ្លៃថែទាំ​មាន​តម្លៃ​ខ្ពស់​ពេក។

លុះ​ដល់​ឆ្នាំ ១៩៨៥ លោក ​ត្រាំ បាន​ទិញ​យក​អចលនទ្រព្យ​ខ្នាតយក្ស​នេះ​ក្នុង​តម្លៃ​ប្រហែល ៨លាន​ដុល្លារ ហើយ​បាន​កែច្នៃ​វា​ចេញ​ជា សណ្ឋាគារ និង​រីសត​ឯកជន​សម្រាប់​អភិជន​លំហែកាយ។ សណ្ឋាគារមួយ​នេះ​ ត្រូវបានគេប៉ាន់ប្រមាណថាអាច​រក​ចំណូល​ជូន ​លោក​ ត្រាំ ប្រមាណ ២០លាន​ដុល្លារ ក្នុងមួយឆ្នាំ៕

The post មុនក្លាយជាប្រធានាធិបតីអាមេរិកទី៤៧ លោក ត្រាំ ធ្លាប់កើបលុយរាប់រយលានដុល្លារ ពីការកាន់កាប់ក្រុមហ៊ុនទាំងនេះ appeared first on .