នៅពេលបិទការជួញដូរនៅថ្ងៃទី១៦ ខែកញ្ញា តម្លៃមាសបានធ្លាក់ចុះ ៣០ដុល្លារភ្លាមៗ មកនៅត្រឹម ៤ ២៦៣ដុល្លារក្នុងមួយអោន។ យ៉ាងណាមិញ ទីផ្សារមាសអន្តរជាតិបានផ្លាស់ប្តូរទិសដៅធ្លាក់ចុះវិញភ្លាមៗ បន្ទាប់ពីធនាគារកណ្តាលអាមេរិក (Fed) បានប្រកាសពីការដំឡើងអត្រាការប្រាក់គោលរបស់ខ្លួន។

ទន្ទឹមជាមួយគ្នានេះ នៅក្នុងទីផ្សារភាគហ៊ុនអាមេរិកវិញ សន្ទស្សន៍ហ៊ុនសំខាន់នានាក៏បានផ្លាស់ប្តូរទិសដៅ និងបិទក្នុងតម្លៃទាបជាងមុនផងដែរ។ តួរយ៉ាងដូចជាសន្ទស្សន៍ហ៊ុន DJIA បានធ្លាក់ចុះ ១,២%, S&P 500 ថយចុះ ០,៤% ខណៈពេលដែល Nasdaq Composite ស្ទើរតែមិនមានការផ្លាស់ប្តូរ។

គួរជម្រាបជូនថា ដោយបានថ្លែងនៅក្នុងសន្និសីទសារព័ត៌មានបន្ទាប់ពីដំឡើងអត្រាការប្រាក់នេះ ប្រធាន Fed លោក Kevin Warsh បានបញ្ជាក់ជាថ្មីអំពីការប្តេជ្ញាចិត្តរបស់លោកក្នុងការរក្សាស្ថិរភាពតម្លៃតម្លៃ ចំពេលអតិផរណានៅតែមានកម្រិតខ្ពស់។ ហើយមិនតែប៉ុណ្ណោះព័ត៌មាននេះ ក៏បានធ្វើឱ្យប្រាក់ដុល្លារអាមេរិកឡើងថ្លៃផងដែរ ដែលជាការដាក់សម្ពាធបន្ថែមទៀត ទៅលើតម្លៃមាស៕​

The post តម្លៃមាស និងទីផ្សារហ៊ុនធ្លាក់ចុះព្រមគ្នា ក្រោយ Fed សម្រេចដំឡើងអត្រាការប្រាក់លើកដំបូង appeared first on .

ក្រុមហ៊ុន Oracle បានប្រកាសកាលពីថ្ងៃទី១២ ខែកញ្ញាថា សហស្ថាបនិក និងជាប្រធានក្រុមហ៊ុន លោក Larry Ellison បានលុបចោលផែនការលក់ភាគហ៊ុន Oracle រហូតដល់ ៥០ លានហ៊ុន ដែលមានតម្លៃប្រហែល ៧,៥ពាន់លានដុល្លារ។ សេចក្តីប្រកាសដដែលនេះ បានបញ្ជាក់ទៀតថាមិនមានភាគហ៊ុន Oracle ណាមួយត្រូវបានលក់ឡើយ ហើយលោកក៏គ្មានផែនការផ្សេងទៀតក្នុងការផ្ទេរភាគហ៊ុនរបស់លោកចេញនោះដែរ។

គួរឲ្យដឹងថា កាលពីថ្ងៃមុន នៅក្នុងឯកសារដាក់ជូនអាជ្ញាធរគ្រប់គ្រង ក្រុមហ៊ុន Oracle បានថ្លែងថា លោក Ellison បានរៀបចំផែនការលក់ភាគហ៊ុនរបស់ខ្លួន កាលពីថ្ងៃទី២២ ខែមិថុនា ដោយផែនការលក់នេះនឹងផុតកំណត់នៅថ្ងៃទី២៤ ខែតុលា។ ក្រុមហ៊ុន Oracle មិនបានផ្តល់ហេតុផលសម្រាប់ការលុបចោលផែនការនេះរបស់លោក Ellison នៅឡើយនោះទេ។

នៅឆ្នាំនេះ ភាគហ៊ុនរបស់ក្រុមហ៊ុន Oracle បានជួបប្រទះនូវសម្ពាធយ៉ាងខ្លាំង ដោយសារវិនិយោគិនកាន់តែមានការព្រួយបារម្ភអំពីការកើនឡើងយ៉ាងគំហុកនៃចំណាយដើមទុន ដែលកំពុងដាក់សម្ពាធលើលំហូរពាណិជ្ជកម្មសាច់ប្រាក់ងាយស្រួល (Free cash flow) របស់ក្រុមហ៊ុន។ ភាគហ៊ុននេះបានធ្លាក់ចុះជិត ២៣% ចាប់តាំងពីដើមឆ្នាំមក ហើយបច្ចុប្បន្នមានតម្លៃទាបជាង ១៨% បើធៀបនឹងតម្លៃបិទទីផ្សារកាលពីថ្ងៃទី១៨ ខែមិថុនា។

ជម្រាបជូនថា លោក Ellison ធ្លាប់បម្រើការជានាយកប្រតិបក្រុមហ៊ុន Oracle រហូតដល់ឆ្នាំ២០១៤ ហើយបច្ចុប្បន្នលោនៅតែជាម្ចាស់ភាគហ៊ុនធំបំផុតរបស់ក្រុមហ៊ុន ដោយកាន់កាប់ភាគហ៊ុនសរុបចំនួន ៣៨%។ នេះបើយោងតាមទិន្នន័យពីក្រុមហ៊ុន LSEG៕

The post មេធំក្រុមហ៊ុនសូហ្វវែរខ្នាតយក្ស Oracle ប្រកាសលុបចោលផែនការលក់ភាគហ៊ុនតម្លៃ ៧,៥ពាន់លានដុល្លារ appeared first on .

កាលពីខែមុន ថ្នាក់ដឹកនាំ និងសហជីពបានឈានដល់កិច្ចព្រមព្រៀងប្រាក់ឈ្នួលមួយ ដែលក្រោមកិច្ចព្រមព្រៀងនេះ ក្រុមហ៊ុន Samsung ត្រូវបានគេរំពឹងថានឹងបែងចែកប្រហែល ១០,៥%នៃប្រាក់ចំណេញប្រតិបត្តិការប្រចាំឆ្នាំរបស់ខ្លួន សម្រាប់ធ្វើជាប្រាក់រង្វាន់ពិសេសក្នុងទម្រង់ជាភាគហ៊ុន ជូនដល់បុគ្គលិក ក្នុងគោលបំណងដោះស្រាយបញ្ហាវិសមភាពនៅក្នុងក្រុមហ៊ុន។

បុគ្គលិកនៅក្រុមហ៊ុន Samsung នឹងអាចលក់ភាគហ៊ុនមួយភាគបីដែលពួកគេទទួលបានជាប្រាក់រង្វាន់ភ្លាមៗ ប៉ុន្តែពួកគេនឹងត្រូវរង់ចាំមួយឆ្នាំ ដើម្បីលក់មួយភាគបីទៀត និងមួយឆ្នាំទៀតសម្រាប់ភាគហ៊ុនដែលនៅសេសសល់។

ទន្ទឹមនឹងនេះ សារព័ត៌មាន Yonhap បានចុះផ្សាយថា ក្រុមហ៊ុន Samsung ក៏ប្រហែលជាត្រូវទិញភាគហ៊ុនបន្ថែមមកវិញ ដើម្បីផ្តល់រង្វាន់ដល់បុគ្គលិក ក្រោមកម្មវិធីសំណងដាច់ដោយឡែកមួយ ហៅថា “Performance Stock Unit” ដែលត្រូវបានដាក់ចេញកាលពីខែតុលា ឆ្នាំមុន។

គួរជម្រាបជូនផងដែរថា តម្លៃភាគហ៊ុនរបស់ក្រុមហ៊ុនផលិតបន្ទះឈីបខ្នាតយក្សរបស់កូរ៉េខាងត្បូងមួយនេះ បានកើនឡើងជាង ៦% ដែលជាកម្រិតដ៏ខ្ពស់មួយ បន្ទាប់ពីមានការប្រកាសទិញភាគហ៊ុនត្រលប់មកវិញនេះ៕

The post ក្រុមហ៊ុន Samsung គ្រោងទិញយកភាគហ៊ុនត្រលប់មកវិញក្នុងតម្លៃ ៥៩ពាន់លានដុល្លារ appeared first on .

មូលធនទីផ្សារសរុបរបស់ក្រុមហ៊ុនដែលបានចុះបញ្ជីនៅឥណ្ឌូណេស៊ីបានធ្លាក់ចុះជាង ៣០% ពីកម្រិតកំពូលនៅខែមករារបស់ខ្លួនមកត្រឹម ៦១៨ពាន់លានដុល្លារ ខណៈពេលដែលតម្លៃទីផ្សាររបស់សិង្ហបុរី បានកើនឡើងដល់ ៦៤៥ពាន់លានដុល្លារ។ នេះបើយោងតាមទិន្នន័យដែលដកស្រង់ដោយសារព័ត៌មាន Bloomberg។

អារម្មណ៍របស់វិនិយោគិនចំពោះប្រទេសឥណ្ឌូណេស៊ីបានធ្លាក់ចុះយ៉ាងខ្លាំងក្នុងរយៈពេលប៉ុន្មានខែថ្មីៗនេះ ដោយសារតែភាពមិនប្រាកដប្រជាលើការដាក់ចំណាត់ថ្នាក់ឡើងវិញនៃទីផ្សារភាគហ៊ុនរបស់ខ្លួន។

យ៉ាងណាមិញ សន្ទស្សន៍ភាគហ៊ុនស្តង់ដាររបស់ឥណ្ឌូណេស៊ី ជាប់ចំណាត់ថ្នាក់ក្នុងចំណោមទីផ្សារដែលដំណើរការអន់បំផុតនៅទូទាំងពិភពលោក ខណៈពេលដែលប្រាក់រូពៀបានឈានដល់កម្រិតទាបបំផុតម្តងហើយម្តងទៀត។

ទន្ទឹមនឹងនេះ ភាគហ៊ុនសិង្ហបុរីត្រូវបានគាំទ្រដោយស្ថិរភាពសេដ្ឋកិច្ច និងនយោបាយ ក៏ដូចជាកំណែទម្រង់ទីផ្សារដែលដឹកនាំដោយរដ្ឋាភិបាល។ សន្ទស្សន៍ហ៊ុន The Straits Times បានឡើងដល់កម្រិតខ្ពស់បំផុតក្នុងសប្តាហ៍នេះ ខណៈពេលដែលវិនិយោគិនបានស្វែងរកកន្លែងការពារខ្លួន ចំពេលមានស្ថានភាពប្រែប្រួលដែលបង្កឡើងដោយសង្គ្រាមអ៊ីរ៉ង់៕​

The post សិង្ហបុរី វ៉ាដាច់ឥណ្ឌូណេស៊ី ក្លាយជាទីផ្សារភាគហ៊ុនធំជាងគេបំផុតនៅអាស៊ីអាគ្នេយ៍ appeared first on .

នៅពេលបិទការជួញដូរចុងក្រោយ កាលពីថ្ងៃទី៨ ខែមេសា សន្ទស្សន៍ទីផ្សារភាគហ៊ុនសំខាន់ៗទាំងបីរបស់សហរដ្ឋអាមេរិក បានកើនឡើងយ៉ាងខ្លាំង។ ក្នុងចំណោមនោះ ទីផ្សារហ៊ុន DJIA បានកើនឡើងជាង ២,៨% ដែលជាការកើនឡើងដ៏ខ្ពស់បំផុត គិតចាប់តាំងពីខែមេសា ឆ្នាំ២០២៥ មក។

ទន្ទឹមនឹងនេះ​ ទីផ្សារហ៊ុនសំខាន់ៗផ្សេងទៀត ដូចជា S&P 500 និង Nasdaq Composite ក៏បានកើនឡើង ២,៥% និង ២,៨% រៀងៗគ្នា ផងដែរ។

គួរឲ្យដឹងផងដែរថា វិស័យដែលធ្លាប់តែទទួលរងផលប៉ះពាល់ខ្លាំងបំផុតដោយសារតែជម្លោះនេះ​ បានមើលឃើញពីការហក់ឡើងមកវិញ ជាពិសេសភាគហ៊ុនក្នុងវិស័យអាកាសចរណ៍ ទេចរណ៍ និងសំណង់ ដែបានកើនឡើងចន្លោះ ៤,៩% ដល់ ៥,៧%។

ជម្រាបជូនថា ជម្លោះនៅមជ្ឈិមបូព៌ា ដែលបានចាប់ផ្តើមនៅថ្ងៃទី២៨ ខែកុម្ភៈ បានរំខានដល់ទីផ្សារហិរញ្ញវត្ថុពិភពលោកយ៉ាងខ្លាំង ជាពិសេសទៅលើលំហូរប្រេង និងឧស្ម័នសកល ក៏ដូចជាបានជំរុញឲ្យមានការព្រួយបារម្ភអំពីអតិផរណា ផងដែរ៕​

The post ភាគហ៊ុនអាមេរិក ហក់ឡើងដល់កម្រិតខ្ពស់បំផុតមួយ ក្រោយអាមេរិកផ្អាកវាយប្រហារលើអ៊ីរ៉ង់ appeared first on .

ជុំវិញរបាយការណ៍នេះ បានធ្វើឲ្យសន្ទស្សន៍ហ៊ុន Nasdaq ហក់ឡើង ១,៥២% ភ្លាមៗ ដែលជាការហក់ឡើងដ៏ខ្ពស់មួយ​គិតចាប់តាំងពីការវាយប្រហាររបស់សហរដ្ឋអាមេរិក និងអ៊ីស្រាអែល ទៅលើអ៊ីរ៉ង់ ដែលបានបញ្ឆេះជម្លោះនៅមជ្ឈិមបូព៌ាមក។

យ៉ាងណាមិញ យោងតាមរបាយការណ៍របស់ New York Times បាននិយាយថា ភ្នាក់ងារស៊ើបការណ៍សម្ងាត់អ៊ីរ៉ង់បានទាក់ទងដោយប្រយោលទៅកាន់ទីភ្នាក់ងារ CIA របស់សហរដ្ឋអាមេរិកមួយថ្ងៃបន្ទាប់ពីការវាយប្រហារ ប៉ុន្តែមន្ត្រីអាមេរិកនៅតែមានការសង្ស័យថា ទាំងរដ្ឋបាលលោក ត្រាំ ឬអ៊ីរ៉ង់បានត្រៀមខ្លួនរួចជាស្រេចសម្រាប់ការថយចុះភាពតានតឹងក្នុងរយៈពេលខ្លីខាងមុខ។

គួរឲ្យដឹងថាព័ត៌មាន ក៏បានធ្វើឲ្យភាគហ៊ុនរបស់ក្រុមហ៊ុនបច្ចេកវិទ្យាធំៗ មានការកើនឡើងព្រមៗគ្នាផងដែរ ដោយភាគហ៊ុនរបស់ Nvidia កើនឡើង ២,៣% Amazon កើនឡើង ៣,៧% និង Applied Digital កើនឡើង ៩,៣%។

ប៉ុន្តែទោះជាយ៉ាងណាក ភាគហ៊ុនរបស់ក្រុមហ៊ុនផលិតប្រេង និងឧស្ម័នបានធ្លាក់ចុះ រួមទាំង ConocoPhillips ដែលបានធ្លាក់ចុះ ២,៨% ស្របពេលភាគហ៊ុនរបស់ក្រុមហ៊ុនប្រេងឈានមុខគេនៅលើទីផ្សារ S&P 500 ក៏បានធ្លាក់ចុះ ១,៤%ផងដែរ៕

The post ភាគហ៊ុនអាមេរិកហក់ឡើងខ្ពស់ ក្រោយលេចលឺដំណឹងអ៊ីរ៉ង់ ស្នើសុំចរចាបញ្ចប់សង្គ្រាម appeared first on .

អាកាសយានដ្ឋានមជ្ឈិមបូព៌ា រួមទាំងទីក្រុងឌុយបៃ ដែលជាមជ្ឈមណ្ឌលធ្វើំណើរអន្តរជាតិដ៏មមាញឹកបំផុតរបស់ពិភពលោក និងនៅទីក្រុងដូហា ប្រទេសអារ៉ាប់រួម បានបន្តបិទដល់ថ្ងៃទីបី ដែលធ្វើឲ្យអ្នកដំណើររាប់ម៉ឺននាក់ជាប់គាំង។

យ៉ាងណាមិញ​ភាគហ៊ុននៅក្នុង TUI ដែលជាក្រុមហ៊ុនទេសចរណ៍ធំជាងគេរបស់អឺរ៉ុប បានធ្លាក់ចុះអស់ ៧% នៅក្នុងការជួញដូរដំបូង ខណៈពេលដែល IAG ដែលជាម្ចាស់ក្រុមហ៊ុនអាកាសចរណ៍ British Airways បានធ្លាក់ចុះ ៩% ។ ជាមួយគ្នានេះ ក្រុមហ៊ុនអាកាសចរណ៍ Lufthansa និង Air France-KLM ក៏បានធ្លាក់ចុះ ៧% ដូចគ្នាផងដែរ។

មិនតែប៉ុណ្ណោះ ភាគហ៊ុនក្រុមហ៊ុនអាកាសចរណ៍អាមេរិក បានធ្លាក់ចុះប្រហែល ៥% នៅក្នុងការជួញដូរមួយមុនទីផ្សារបើក ខណៈពេលដែលភាគហ៊ុនរបស់ម្ចាស់សណ្ឋាគារ Accor និងក្រុមហ៊ុននាវាកម្សាន្ត Carnival ក៏បានធ្លាក់ចុះយ៉ាងខ្លាំងផងដែរ។

គួរឲ្យដឹងផងដែរថា នៅក្នុងជម្លោះដ៏ធំនេះ បានធ្វើឲ្យក្រុមហ៊ុនអាកាសចរណ៍ធំៗនៅមជ្ឈិមបូព៌ា បន្តលុបចោលជើងហោះហើរជាច្រើន ខណៈពេលដែលអ្នកវិភាគបានព្រមានថា ការរំខានអាចមានរយៈពេលជាច្រើនសប្តាហ៍។

ជម្រាបជូនថា ក្រុមហ៊ុនអាកាសចរណ៍អាស៊ីក៏រងផលប៉ះពាល់ខ្លាំងផងដែរ ដោយក្នុងនោះភាគហ៊ុនក្រុមហ៊ុន ANA Holdings របស់ប្រទេសជប៉ុន ក្រុមហ៊ុន Air China ក្រុមហ៊ុន China Southern Airlines ក្រុមហ៊ុន China Eastern Airlines ក្រុមហ៊ុន AirAsia X របស់ម៉ាឡេស៊ី រួមទាំងក្រុមហ៊ុន China Airlines និង EVA Airways របស់តៃវ៉ាន់ សុទ្ធតែបានធ្លាក់ចុះយ៉ាងហោចណាស់ ៤%៕​

The post ភាគហ៊ុនក្នុងវិស័យទេសចរណ៍ធ្លាក់ដាំក្បាលចុះ ខណៈជម្លោះនៅអ៊ីរ៉ង់ រំខានដល់ជើងហោះហើរ appeared first on .

ជាមួយគ្នានេះផងដែរ តម្លៃភាគហ៊ុននៅក្នុងក្រុមហ៊ុនផលិតរថយន្ត Kia Corp បានធ្លាក់ចុះដល់ទៅ ៦% ខណៈក្រុមហ៊ុនបុត្រសម្ព័ន្ធ Hyundai Mobis ក៏បានធ្លាក់ចុះ ៥,៧% ផងដែរ ។

គួរឲ្យដឹងថា ប្រធានាធិបតី លោក ត្រាំ បាននិយាយកាលពីថ្ងៃចន្ទថា លោកកំពុងបង្កើនពន្ធលើការនាំចូលរបស់កូរ៉េខាងត្បូងទៅកាន់សហរដ្ឋអាមេរិក ទាក់ទងទៅនឹងរថយន្ត ឈើ និងឱសថដល់ ២៥% ខណៈពេលដែលលោកបានចោទប្រកាន់លើប្រទេសនេះថា មិនបានគោរពតាមកិច្ចព្រមព្រៀងពាណិជ្ជកម្មរបស់ខ្លួន ជាមួយទីក្រុងវ៉ាស៊ីនតោន។

យ៉ាងណាមិញ វាមិនទាន់ត្រូវបានគេដឹងច្បាស់នៅឡើយទេថាការដំឡើងពន្ធគយថ្មីរបស់លោក ត្រាំ លើប្រទេសកូរ៉េខាងត្បូងនេះ នឹងត្រូវចូលជាធរមាននៅពេលណានោះឡើយ។

ប៉ុន្តែទោះជាយ៉ាងណាក៏ដោយ ការប្រកាសនេះ ហាក់បានធ្វើឲ្យទីផ្សារហ៊ុនរបស់បណ្តាក្រុមហ៊ុនផលិតរថយន្តកូរ៉េខាងត្បូង មានភាពង្គោះរង្គើខ្លាំង ខណៈក្រុមអ្នកវិភាគមួយចំនួននិយាយថា កូរ៉េខាងត្បូង និងសហរដ្ឋអាមេរិក គួររកស្វែងរកការចរចាណាមួយជាបន្ទាន់ ដើម្បីដោះស្រាយលើបញ្ហានេះវិញ៕​

The post តម្លៃភាគហ៊ុនក្រុមហ៊ុនផលិតរថយន្តកូរ៉េខាងត្បូងធ្លាក់ដាំក្បាលចុះ ក្រោយលោក ត្រាំ​ ប្រកាសដំឡើងពន្ធថ្មី appeared first on .

ភាគហ៊ុនរបស់ក្រុមហ៊ុន Jeju Air បានបន្តធ្លាក់ចុះ ៨,៤% បន្ថែមទៀត បន្ទាប់ពីមានការធ្លាក់ចុះ ១៥,៧% នៅក្នុងការជួញដូរចុងក្រោយ មកត្រឹម ៦ ៩២០វ៉ុនក្នុងមួយហ៊ុន ដែលជាតម្លៃទាបបំផុត ចាប់តាំងពីពួកគេត្រូវបានចុះបញ្ជីនៅក្នុងទីផ្សារហ៊ុន នៅឆ្នាំ២០១៥ មក។

ទន្ទឹមនឹងនេះ ភាគហ៊ុនរបស់ AK Holdings ដែលជាក្រុមហ៊ុនមេកាន់កាប់ Jeju Air ក៏បានធ្លាក់ចុះដល់ទៅ ១២% ផងដែរ ដែលជាកម្រិតទាបបំផុតមិនធ្លាប់មាន ក្នុងរយៈពេល ១៦ឆ្នាំចុងក្រោយនេះ។

​ហេតុការណ៍ធ្លាក់យន្តហោះដ៏គួរឲ្យរន្ធត់ កាលពីព្រឹកថ្ងៃអាទិត្យ នៅឯអាកាសយានដ្ឋានអន្តរជាតិ Muan ត្រូវបានចាត់ទុកថាជាជើងហោះហើរជួបគ្រោះថ្នាក់ដំបូងបំផុតក្នុងប្រវត្តិសាស្រ្តរបស់ Jeju Air ដែលជាក្រុមហ៊ុនអាកាសចរណ៍មានតម្លៃសមរម្យបំផុតរបស់ប្រទេស ដែលត្រូវបានបង្កើតឡើងតាំងតែពីឆ្នាំ២០០៥ និងជាក្រុមហ៊ុនអាកាសចរណ៍ធំជាងគេទីបីរបស់ប្រទេសកូរ៉េដោយគិតលើចំនួនអ្នកដំណើរ។

ប្រធានាធិបតីស្តីទីរបស់កូរ៉េខាងត្បូង លោក Choi Sang-mok កាលពីថ្ងៃចន្ទ បានបញ្ជាឲ្យត្រួតពិនិត្យលើសុវត្ថិភាពជាបន្ទាន់នៃប្រព័ន្ធប្រតិបត្តិការអាកាសចរណ៍របស់ប្រទេសទាំងមូល នៅពេលដែលការងារសង្គ្រោះនៅលើយន្តហោះ Jeju Air ត្រូវបានបញ្ចប់។

ជម្រាបជូនផងដែរថា ជុំវិញឧបទ្ទវហេតុនេះ ក៏បានទាញទម្លាក់តម្លៃភាគហ៊ុន ក្នុងចំណោមក្រុមហ៊ុនអាកាសចរណ៍តម្លៃទាបផ្សេងទៀតផងដែរ ​រួមមាន Air Busan , Jin Air និង T’way Air ស្របពេលក្រុមហ៊ុនអាកាសចរណ៍បំផុតទាំងពីររបស់កូរ៉េខាងត្បូង គឺ Korean Air Lines បានធ្លាក់ចុះភាគហ៊ុន ១,៣% និង Asiana Airlines បានធ្លាក់ចុះ ០,៨%៕

The post ភាគហ៊ុនរបស់ Jeju Air ធ្លាក់​ចុះ​ដល់​កម្រិត​ទាបបំផុត ​បន្ទាប់​ពីជួបឧបទ្ទវហេតុធ្លាក់​យន្តហោះ appeared first on .

ប្រភពដដែលនេះ បានរាយការណ៍ឲ្យដឹងទៀតថា ទីផ្សារហ៊ុន Kospi របស់ប្រទេសកូរ៉េខាងត្បូង បានធ្លាក់ចុះ ១,៩% ខណ:ពេលដែលទីផ្សារហ៊ុន Kosdaq បានធ្លាក់ចុះ ២,១% នៅក្នុងការជួញដូរដំបូង នៅថ្ងៃពុធនេះ។

បន្ទាប់ពីមានកិច្ចប្រជុំក្រុមប្រឹក្សាភិបាលបន្ទាន់មួយ ក្រោយការប្រកាសចេញច្បាប់អាជ្ញាសឹកនេះ ធនាគារកណ្តាលកូរ៉េ បាននិយាយថា ខ្លួននឹងជំរុញលំហូរសាច់ប្រាក់ងាយស្រួលរយៈពេលខ្លី និងដាក់ពង្រាយវិធានការថ្មីៗមួយចំនួន ដើម្បីធ្វើឲ្យមានស្ថិរភាពទីផ្សារហ៊ុនឡើងវិញ តាមតម្រូវការ។ ខណ:ធនាគារ ក៏នឹងបញ្ចេញប្រាក់កម្ចីពិសេសណាមួយដែលត្រូវការ ដើម្បីបញ្ចូលមូលនិធិទៅក្នុងទីផ្សារផងដែរ។

ជម្រាបជូនថា លោក Yoon Suk Yeol បានចេញប្រកាសទាំងយប់អំពីការដាក់ចេញច្បាប់អាជ្ញាសឹកសម្រាប់ប្រទេសកូរ៉េខាងត្បូង ដោយនេះគឺជាការប្រកាសច្បាប់អាជ្ញាសឹកលើកដំបូងមិនធ្លាប់មានឡើយសម្រាប់ប្រទេសក្នុងតំបន់អាស៊ីមួយនេះ គិតត្រឹមរយៈពេលជិត៥០ឆ្នាំចុងក្រោយ។

ប៉ុន្ដែ ក្រោយពីមានការផ្ទុះការតវ៉ាដ៏ខ្លាំងក្លាពីសំណាក់ប្រជាពលរដ្ឋរាប់ពាន់នាក់ និងការបោះឆ្នោតប្រឆាំងដោយសមាជិកសភា ចំពោះការដាក់ចេញនូវអាជ្ញាសឹកនេះ នៅប៉ុន្មានម៉ោងក្រោយមក លោក Yoon ក៏បានប្រកាសដកចេញច្បាប់នេះវិញភ្លាមៗ។

ទន្ទឹមនឹងនេះ យោងតាមរបាយការណ៍ក្នុងស្រុក គណបក្សប្រជាធិបតេយ្យដែលជាបក្សប្រឆាំងធំបំផុតរបស់ប្រទេសនេះ បាននិយាយថា ខ្លួននឹងចាប់ផ្តើមដំណើរការនីតិវិធីចោទប្រកាន់ដើម្បីដកលោក Yoon ចេញពីប្រធានាធិបតី ប្រសិនបើលោកមិនព្រមចុះចេញពីតំណែងភ្លាមៗទេនោះ៕

The post ទីផ្សារហ៊ុនរបស់កូរ៉េខាងត្បូងធ្លាក់ចុះ ២% ក្រោយប្រធាធិបតីលោក Yoon ប្រកាសចេញច្បាប់អាជ្ញាសឹកទាំងយប់ appeared first on .