នាឱកាសនោះ លោកបានបញ្ជាក់ថា ទោះមកដល់បច្ចុប្បន្នបញ្ហាជម្លោះព្រំដែននៅមិនទាន់បញ្ចប់ តែកត្តានេះមិនមានផលប៉ះពាល់ឡើយសម្រាប់វិស័យទេសចរណ៍កម្ពុជា ជាពិសេសសេវាកម្មវិស័យទេសចរណ៍ ខណៈភ្ញៀវទេសចរបរទេសពួកគាត់ជឿជាក់ពីសុវត្ថិភាពនៅកម្ពុជា។

លោក ជ្រុន គឹមសេង បច្ចុប្បន្នវិស័យសេវាកម្មទេសចរណ៍នៅក្នុងខេត្ដសៀមរាប បានដំណើរការជាធម្មតា បម្រើដល់អ្នកទេសចរជាតិ និងអន្ដរជាតិ។ ភ្ញៀវទេសចរអន្ដរជាតិមកកម្ពុជា ភាគច្រើនគឺមកទស្សនាប្រាសាទអង្គរវត្ត ដែលពួកគាត់ឆ្លងដែនចេញពីប្រទេសថៃ ចូលតាមប្រទេសឡាវ និងវៀតណាម រួចហើយមកដល់ប្រទេសកម្ពុជា។ ជាទូទៅភ្ញៀវទេសចរណ៍ បង្ហាញភាពជឿជាក់លើប្រមុខដឹកនាំកម្ពុជា។

សូមជម្រាបថា បើតាមរបាយការណ៍គ្រឹះស្ថានអង្គរ សម្រាប់ខែកក្កដា ឆ្នាំ២០២៥ននេះ មានភ្ញៀវទេសចរអន្ដរជាតិទិញបណ្ណចូលទស្សនាអង្គរ ចំនួន ៥១ ០៩៨នាក់ ផ្ដល់ចំណូលថវិកា ២ ៣២៧ ១៨៦ដុល្លារ។ អ្នកទេសចរនៅលំដាប់លេខ១ គឺភ្ញៀវទេសចរចិន រួមនឹងចក្រភពអង់គ្លេស សហរដ្ឋអាមេរិក និងបារាំង៕ អត្ថបទ៖ ហ្សាលីន

The post ក្នុង១ខែកក្កដា ឆ្នាំនេះ កម្ពុជាទាញចំណូលបានជាង២លានដុល្លារ ពីភ្ញៀវទេសចរអន្ដរជាតិ appeared first on .

លោករដ្ឋមន្រ្តីក្រសួងទេសចរណ៍ បានឱ្យដឹងបែបនេះនៅក្នុងពិធីបើកព្រឹត្តិការណ៍ពិព័រណ៍ទេសចរណ៍វប្បធម៌ និងពាណិជ្ជកម្ម ក្រោមប្រធានបទ «ទេសចរណ៍ផ្ដល់ឱកាសសម្រាប់ទាំងអស់គ្នា» រយៈពេល ៥ថ្ងៃ ចាប់ពីថ្ងៃទី២៧ ដល់ថ្ងៃទី៣១ ខែមករា ឆ្នាំ២០២៥ នៅទីលានតេជោ ក្រុងព្រះសីហនុ។

នាឱកាសនោះ លោក ហួត ហាក់ បានឱ្យដឹងថា វិស័យទេសចរណ៍កម្ពុជា គឺជាវិស័យអាទិភាពមួយដែលសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីកម្ពុជា បានប្រសិទ្ធនាមថា ជាមាសបៃតង ក្នុងការចូលរួមចំណែកអភិវឌ្ឍសង្គម សេដ្ឋកិច្ច លើកកម្ពស់ជីវភាពប្រជាពលរដ្ឋ ព្រមទាំងគាំទ្រដល់ការអភិរក្សធនធានធម្មជាតិ វប្បធម៌ដ៏សម្បូរបែបធ្វើឱ្យប្រទេសកម្ពុជា រក្សាបានសុខសន្តិភាព មានស្ថេរភាពនយោបាយពេញលេញមានការអភិវឌ្ឍលើគ្រប់វិស័យ បន្តអនុគ្រោះដល់ការវិនិយោគ និងការរីកចម្រើនក្នុងវិស័យទេសចរណ៍របស់កម្ពុជា ដែលចាត់ទុកវិស័យទេសចរណ៍ គឺជាជន្ទល់សេដ្ឋកិច្ចមួយសំខាន់ ក្នុងនោះបានចូលរួមចំណែកប្រមាណជា ៣ភាគរយ នៃផលិតផលក្នុងស្រុកសរុប។

លោកបន្តថា ការដាក់ចេញផែនការយុទ្ធសាស្ត្របញ្ចកោណដំណាក់កាលទី១ ដែលមានផែនការជាក់លាក់ និងយុទ្ធនាការជាច្រើនជួយជំរុញសន្ទុះវិស័យទេសចរណ៍សំដៅចូលរួមសម្រេចឱ្យបាននូវចក្ខុវិស័យកម្ពុជាឆ្នាំ២០៥០ ជាប្រទេសដែលមានចំណូលខ្ពស់។

លោករដ្ឋមន្ត្រីក្រសួងទេសចរណ៍ បានបន្តថា តាមការព្យាករណ៍ឆ្នាំ២០២៥ តំបន់ឆ្នេរសមុទ្រកម្ពុជា អាចទទួលភ្ញៀវទេសចរអន្តរជាតិ ៨០ម៉ឺននាក់ និងទេសចរជាតិប្រមាណ ៨លាននាក់ ដោយឡែកសម្រាប់ខេត្តព្រះសីហនុ រំពឹងថា ទទួលបានភ្ញៀវទេសចរអន្តរជាតិប្រមាណ ៤៥ម៉ឺននាក់ និងភ្ញៀវទេសចរជាតិ ប្រមាណ ៤លាននាក់។

សូមបញ្ជាក់ថា តំបន់ឆ្នេរ ជាប៉ូលសេដ្ឋកិច្ចដ៏ធំសម្រាប់កម្ពុជា ដែលជាផ្នែកមួយនៃឆ្អឹងខ្នងទ្រទ្រង់ដល់កំណើនសេដ្ឋកិច្ចជាតិ ក្នុងនោះសមុទ្រអាចផ្ដល់ចំណូលជូនជាតិបានប្រមាណ ២ ០០០ លានដុល្លារក្នុងមួយឆ្នាំ។ប្រទេសកម្ពុជាមានខេត្ត ៤ ដែលជាប់មាត់សមុទ្រ រួមមាន កោះកុង ព្រះសីហនុ កំពត និងកែប ឆ្នេរនៅតាមបណ្តាខេត្តនីមួយៗសុទ្ធតែមានសក្តានុពលរៀងៗខ្លួន។ 

ដើម្បីឆ្លើយតបនឹងផែនការអភិវឌ្ឍន៍តំបន់ឆ្នេរសមុទ្រកម្ពុជា កម្ពុជាក៏បានដាក់ផែនការអភិវឌ្ឍន៍ឆ្នេរ និងផ្លូវជិះកង់ទេសចរណ៍តំបន់ឆ្នេរសមុទ្រកម្ពុជា ឈានទៅលើកកម្ពស់វិស័យទេសចរណ៍ វិនិយោគ និងពាណិជ្ជកម្ម ដើម្បីបន្តរក្សាសក្តានុពលតំបន់នេះ ជារបៀងសេដ្ឋកិច្ចសំខាន់របស់ប្រទេសជាតិ ដែលបានបង្កើតឱកាសការងារ ស្រូបយកចំណូលយ៉ាងច្រើនផ្តល់ជូនប្រជាជន៕

The post ទេសចរអន្តរជាតិប្រមាណ ៨០ម៉ឺននាក់ ត្រូវបានរំពឹងថាមកកម្សាន្តនៅតំបន់ឆ្នេរសមុទ្រកម្ពុជា ក្នុងឆ្នាំ២០២៥ appeared first on .

នេះបើតាមការឱ្យដឹងពីក្រសួងទេសចរណ៍នៅក្នុងពិធីផ្សព្វផ្សាយស្តីពី «ការលើកកម្ពស់វិស័យទេសចរណ៍ និងការប្រឆាំងព័ត៌មានក្លែងក្លាយ» កាលពីថ្ងៃទី១៥ ខែមករា ឆ្នាំ២០២៥ ក្រោមអធិបតីលោក ហួត ហាក់ រដ្ឋមន្រ្តីក្រសួងទេសចរណ៍ និងលោក នេត ភក្រ្តា រដ្ឋមន្រ្តីក្រសួងព័ត៌មាន។

នាឱកាសនោះ លោក ហួត ហាក់ បានបញ្ជាក់ថា ការធ្លាក់ចុះ និងការកើនឡើងចំនួនភ្ញៀវទេសចរ គឺទាក់ទងជាមួយនឹងអន្តរវិស័យជាច្រើន ដូច្នេះ ត្រូវទាមទារឱ្យអ្នកសារព័ត៌មាន អ្នកផលិតមាតិកា រួមគ្នាផ្សព្វផ្សាយព័ត៌មានល្អៗពីកម្ពុជា ដើម្បីផ្សព្វផ្សាយដល់ភ្ញៀវទេសចរជាតិ និងអន្តរជាតិ កាន់តែយល់ច្បាស់ពីសក្តានុពលទេសចរណ៍នៅកម្ពុជា។

ទន្ទឹមនឹងនោះ រដ្ឋមន្រ្តីនៃក្រសួងទាំងពីរ ក៏បានប្តេជ្ញារួមគ្នាផ្សព្វផ្សាយ និងលើកកម្ពស់សក្តានុពលវិស័យទេសចរណ៍ និងការប្រឆាំងព័ត៌មានក្លែងក្លាយ ក្រោមប្រធានបទ «ម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់ និងប្រឆាំងព័ត៌មានក្លែងក្លាយ» សំដៅបង្ការ ទប់ស្កាត់ការផ្សព្វផ្សាយព័ត៌មានក្លែងក្លាយ បង្កាច់បង្ខូចកេរ្តិ៍ឈ្មោះកម្ពុជា និងលើកកម្ពស់ការផ្សព្វផ្សាយព័ត៌មានពិត ផ្តល់សុវត្ថិភាព និងភាពជឿជាក់ដល់សាធារណជន និងទេសចរអន្តរជាតិដែលមានបំណងមកទស្សនាកម្សាន្តនៅកម្ពុជា ក៏ដូចជាទាក់ទាញទេសចរមកទស្សនាកម្ពុជាកាន់តែច្រើនឡើង។

សូមជម្រាបជូនថា បច្ចុប្បន្នកម្ពុជាបាននិងកំពុងទទួលនូវកំណើនភ្ញៀវទេសចរ អន្តរជាតិជាបណ្តើរៗ។ ក្នុងឆ្នាំ២០២៣ កន្លងទៅ កម្ពុជាទទួលបានភ្ញៀវទេសចរអន្តរជាតិ ៥.៤៥លាននាក់ កើនឡើង ១៣៩.៥% ធៀបជាមួយរយៈពេលដូចគ្នាឆ្នាំ២០២២ ខណៈនៅឆ្នាំ២០២៦ រំពឹងថានឹងកើនដល់ ប្រមាណ ៧លាននាក់៕

The post កម្ពុជាទទួលបានទេសចរអន្តរជាតិប្រមាណ ៦,៧លាននាក់ ក្នុងឆ្នាំ២០២៤ appeared first on .

សម្តេចអំពាវនេះបែបនេះ តាមរយៈសារលិខិត ក្នុងឱកាសអបអរសាទរទិវាទេសចរណ៍ពិភពលោក ឆ្នាំ២០២៤ ក្រោមប្រធានបទ «ទេសចរណ៍ និងសន្តិភាព» (Tourism and Peace) នៅថ្ងៃទី២៧ ខែកញ្ញា ឆ្នាំ២០២៤។

ក្នុងសារលិខិតនោះ សម្ដេចធិបតី ហ៊ុន ម៉ាណែត បានឱ្យដឹងថា ក្នុងក្របខ័ណ្ឌកិច្ចសហប្រតិបត្តិការទ្វេភាគី ត្រីភាគី ពហុភាគីលើគ្រប់វិស័យរាប់ទាំងវិស័យទេសចរណ៍នេះផង កម្ពុជាតែងតែគោរពទៅលើគោលការណ៍ សន្តិសហវិជ្ជមាន (Peaceful Coexistence) របស់សហគមន៍អន្តរជាតិ ហើយដែលសកម្មភាពទាំងអស់នេះបានចូលរួមក្នុងការការពារអធិបតេយ្យភាព និងបូរណភាពទឹកដីរួមទាំងលើក កម្ពស់កិត្យានុភាពកម្ពុជានៅលើឆាកអន្តរជាតិ។

ជាមួយគ្នានេះ សម្តេចបន្តថា ដើម្បីជាការចូលរួមអបអរសាទរ ទិវាទេសចរណ៍ពិភពលោក ឆ្នាំ២០២៤ ក្រោមប្រធានបទ ទេសចរណ៍ និងសន្តិភាព សម្ដេច ក៏បានអំពាវនាវដល់គ្រប់ភាគីព័ន្ធទាំងអស់ រួមគ្នា ជំរុញបង្កើនគុណភាពផលិតផល និងសេវាទេសចរណ៍ ការរក្សាបាននូវសុខសន្តិភាព សុវត្ថិភាពទេសចរ ការរក្សាភាពញញឹមរួសរាយរាក់ទាក់ជា ប្រពៃណីរបស់ប្រជាជន ក្នុងការធ្វើបដិសណ្ឋារកិច្ចស្វាគមន៍ភ្ញៀវយ៉ាងកក់ក្តៅក្នុងស្មារតីស្រលាញ់រាប់អាន សហប្រតិបត្តិការល្អ ជាពិសេសចូលរួមកាន់តែខ្លាំងក្លាដល់ចលនាប្រឡងប្រណាំងទីក្រុងស្អាត រមណីយដ្ឋាន ស្អាត សេវាល្អ ដើម្បីធ្វើឱ្យកម្ពុជាក្លាយជាគោលដៅទេសចរណ៍លំដាប់ពិភពលោក។

គួរបញ្ជាក់ថា នៅក្នុងសារលិខិតដដែល សម្តេចធិបតី នាយករដ្ឋមន្រ្តីនៃកម្ពុជា ក៏បានអះអាងដែរថា បច្ចុប្បន្នកម្ពុជាបាននិងកំពុងទទួលនូវកំណើនភ្ញៀវទេសចរ អន្តរជាតិជាបណ្តើរៗ។ ក្នុងឆ្នាំ២០២៣ កន្លងទៅ កម្ពុជាទទួលបានភ្ញៀវទេសចរអន្តរជាតិ ៥.៤៥លាននាក់ កើនឡើង ១៣៩.៥% ធៀបជាមួយរយៈពេលដូចគ្នាឆ្នាំ២០២២។ ជាក់ស្តែង ៧ខែដើមឆ្នាំ២០២៤ កម្ពុជា ទទួលបានទេសចរអន្តរជាតិ ៣,៧០០,០០០នាក់ ហើយរំពឹងថានៅឆ្នាំ២០២៤នេះ កម្ពុជានឹងទទួលបានទេសចរ អន្តរជាតិប្រមាណជិត ៦លាននាក់ និងប្រមាណ ៧លាននាក់ នៅឆ្នាំ២០២៦ ខាងមុខនេះ៕ អត្ថបទ៖រង្សី

The post សម្ដេចធិបតី រំពឹងថា កម្ពុជានឹងទទួលបានទេសចរអន្តរជាតិប្រមាណ ៧លាននាក់ នៅឆ្នាំ២០២៦ appeared first on .

លោក ឌិន សុមេធារិទ្ធ ប្រធានសហព័ន្ធទេសចរណ៍កម្ពុជា បានប្រាប់អ្នកសារព័ត៌មានថា នៅចុងឆ្នាំ២០២៣កន្លងមកនេះ កម្ពុជាទទួលបានភ្ញៀវទេសចរអន្តរជាតិមានកំណើនគួរឱ្យគត់សម្គាល់ បើប្រៀបធៀបទៅរយៈពេលដូចគ្នាឆ្នាំ ២០២២ ។កំណើនភ្ញៀវទេចរកើនឡើងនេះ បានបង្ហាញឱ្យឃើញនូវនិន្នការនៃការងើបឡើងវិញជសន្សឹមៗ តួយ៉ាងក្នុងរយៈពេលជាង ២ខែ ដើមឆ្នាំ ២០២៤នេះ ចំនួនភ្ញៀវទេសចរបន្តមានកំណើនល្អ ហើយនៅខែបន្ទាប់នឹងឈានមកដល់រដូវកាលភ្ញៀវទេសចរអន្តរជាតិធ្វើដំណើរកម្សាន្តច្រើន ហើយក្នុងនោះកម្ពុជាជាគោលដៅមួយរបស់ភ្ញៀវអន្តរជាតិ ដែលយើងរំពឹងថា នឹងទទួលបានភ្ញៀវទេចរណ៍កាន់តែច្រើន អាចប្រហាក់ប្រហែលមុននឹងវិបត្តិជំងឺកូវីដ ១៩ផងដែរ។

ស្របពេលស្ថានភ្ញៀវទេសចរបរទេសវិលទៅរកស្ថានភាពប្រសើរជាសន្សឹមៗ លោក ឌិន សុមេធារិទ្ធ បញ្ជាក់ថា ចំពោះស្ថានភាពអាជីវកម្មបម្រើក្នុងវិស័យទេសចណ៍ បាននិងកំពុងងើបឡើងវិញជាបណ្តើរៗ ខណៈដែលស្ថានភាពសេដ្ឋកិច្ចក្នុងស្រុក កំពុងងើបឡើងទៅរកស្ថានភាពប្រក្រតីឡើងវិញ។

ពាក់ព័ន្ធនិងវិស័យទេសចរណ៍របស់កម្ពុជា កាលត្រីមាសទី៤ ឆ្នាំ២០២៣ កម្ពុជាទទួលបានភ្ញៀវផ្ទៃក្នុង ៨,៣ លាននាក់ ក្នុងនោះភ្ញៀវទេចរជាតិជិត ៩២ % កើនឡើង ២២៨ % ធៀបនិងត្រីមាសមុន និងកើនឡើងប្រមាណ ៣៥ % បើធៀបរយៈពេលដូចគ្នានិងឆ្នាំ ២០២២ ៕ តាកែវ

The post លោក ឌិន សុមេធារិទ្ធិ៖ ឆ្នាំ២០២៤កម្ពុជានឹងស្រូបយកភ្ញៀវទេសចរអន្តរជាតិ អាចប្រហាក់ប្រហែលមុនវិបត្តិជំងឺកូវីដ១៩ appeared first on .

តាមរយៈទិន្នន័យពីអង្គការទេសចរណ៍ជាតិជប៉ុន (JNTO) បានបង្ហាញថា ចំនួនភ្ញៀវបរទេសដែលមកធ្វើអាជីវកម្ម និងកម្សាន្តមានចំនួន ២,១៨លាននាក់កាលពីខែកញ្ញា ខណៈទិន្នន័យនេះកើនឡើងបន្តិចប៉ុណ្ណោះអំឡុងខែសីហា ដែលមានចំនួន ២,១៦លាននាក់។

ជាមួយគ្នានោះ ក្នុងរយៈពេល ៩ខែដំបូងនៃឆ្នាំ ២០២៣ ភ្ញៀវទេសចរបរទេសប្រមាណជាង ១៧លាននាក់បានមកដល់ប្រទេសជប៉ុន តែវានៅតែជាតួរលេខដាច់ឆ្ងាយពីកំណត់ត្រាប្រហែល ៣២លាននាក់កាលពីឆ្នាំ ២០១៩ ។

គូសបញ្ជាក់ថា ប្រទេសជប៉ុនបានប្រកាសបញ្ចប់ការរឹតបន្តឹងព្រំដែនដ៏តឹងរ៉ឹងកាលពីឆ្នាំមុន ហើយថែមទាំងបានអនុញ្ញាតអោយប្រទេសមួយចំនួនធ្វើដំណើរចូលប្រទេសរបស់ខ្លួនដោយពុំចាំបាច់ទាមទារទិដ្ឋាការ ស្របពេលដែលក្រុមហ៊ុនអាកាសចរណ៍បានបន្ថែមជើងហោះហើរ  ក៏ដូចជាការធ្លាក់ចុះនៃប្រាក់យ៉េន បានធ្វើអោយជប៉ុនក្លាយជាប្រទេសគោលដៅទេសចរណ៍មួយយ៉ាងទាក់ទាញ៕

The post ក្នុងខែកញ្ញា ជប៉ុនទទួលស្វាគមន៍ភ្ញៀវទេសចរអន្តរជាតិជាង ២លាននាក់ appeared first on .

យោងតាមសេចក្ដីប្រកាសព័ត៌មាន របស់គ្រឹះស្ថានអង្គរ ដែលផ្សាយចេញនៅថ្ងៃទី០២ ខែតុលា ឆ្នាំ២០២៣នេះ បានឱ្យដឹងថា ក្នុងរយៈពេល៩ខែ ឆ្នាំ២០២៣នេះ កម្ពុជារកចំណូលបានចំនួន ២៤,៩៥៥,៣៩៧ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ ដែលមានភ្ញៀវទេសចរបរទេសចំនួនសរុប ៥៣៩,៥៦១នាក់។

គ្រឹះស្ថានអង្គរបានបញ្ជាក់ទៀតថា សម្រាប់ខែកញ្ញា ឆ្នាំ២០២៣នេះ គ្រឹះស្ថានអង្គរ រកចំណូលបានចំនួន ១,៨៣៦,៤៦៦ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរចំនួន ៤១,០៤៨នាក់។

បើតាមគ្រឹះស្ថានអង្គរ បានបញ្ជាក់ទៀតថា ក្នុងរយៈពេល៩ខែ ឆ្នាំ២០២៣នេះ រាជរដ្ឋាភិបាល បានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប១,០៧៩,១២២ដុល្លារអាមេរិក ពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា។

សូមបញ្ជាក់ដែរថា កាលពីពេលថ្មីៗនេះ ក្រសួងទេសចរណ៍  បានឱ្យដឹងដែរថា សម្រាប់រយៈពេល៨ខែដើមឆ្នាំ២០២៣នេះ កម្ពុជាទទួលបានទេសចរអន្តរជាតិប្រមាណ ៣,៥ លាននាក់ កើនឡើង ២៥០,៨% ធៀបនឹងរយៈពេលដូចគ្នាឆ្នាំ២០២២។ ដោយឡែកបើធៀបរយៈពេលដូចគ្នាឆ្នាំ២០១៩ គ្រាមុនវិបត្តិកូវីដ-១៩ យើងឃើញថា ចំនួននេះនៅមានការថយចុះ ១៩,៧% នៅឡើយ ពោលគឺយើងទើបតែទទួលបានទេសចរអន្តរជាតិប្រមាណ ៨០% នៃកម្រិតមុនវិបត្តិ សម្រាប់រយៈពេល៨ខែឆ្នាំ២០២៣នេះ។ តាមការរំពឹងទុក កម្ពុជានឹងទទួលបានទេសចរអន្តរជាតិក្នុងរង្វង់ប្រមាណ៤,៥ លាន ទៅ ៥ លាននាក់សម្រាប់ពេញមួយឆ្នាំ២០២៣នេះ៕

អត្ថបទ៖ ពិសី

The post កម្ពុជា បានចំណូលជាង ២៤លានដុល្លារ ពីការលក់បណ្ណចូលទស្សនារមណីយដ្ឋានអង្គរ ត្រឹម៩ខែឆ្នាំនេះ appeared first on .

ផ្អែកទៅលើព្រឹត្តិការណ៍ដែលបណ្តាប្រទេសនៅលើពិភពលោកកម្របានជួបប្រទះ ខុសប្លែកពីកម្ពុជានេះ ត្រូវបានអ្នកជំនាញនៅក្នុងវិស័យទេសចរណ៍មើលឃើញថា  កម្ពុជាគួរតែធ្វើការជំរុញផ្សព្វផ្សាយពីព្រឹត្តិការណ៍សំខាន់មួយនេះ ឱ្យខ្លាំងក្លានៅលើឆាកអន្តរជាតិ ដើម្បីទាក់ទាញភ្ញៀវទេសចរបរទេសចូលមកកម្សាន្តនៅកម្ពុជាឱ្យបានច្រើននៅឆ្នាំបន្ទាប់។

លោក ធឿន វុឌ្ឍី មគ្គុទេសក៍ទេសចរណ៍ប្រចំានៅខេត្តសៀមរាប បានឱ្យដឹងថា សំណង់នៅលើពិភពលោកកម្រមានសំណង់ណាមានលក្ខណៈវិទ្យាសាស្ត្រដូចនិងសំណង់ប្រាសាទអង្គរវត្តយើងណាស់ បើសិនជាយើងធ្វើការផ្សព្វផ្សាយឱ្យបានខ្លាំងក្លានៅលើឆាកអន្តរជាតិ សន្ទុះភ្ញៀវបរទេសចូលមកទស្សនាព្រឹត្តិការណ៍ព្រះអាទិ្យរះចំកំពូលកណ្តាលប្រាសាទអង្គរវត្តនៅខែមីនា ឬខែកញ្ញាឆ្នាំ២០២៣នេះនឹងមានចំនួនច្រើន។

លោកធឿន វុឌ្ឍី បញ្ជាក់ថា «ចូលមកដល់ខែ៩ឆ្នាំនេះ សម្រាប់វិស័យទេសចរណ៍គេចាត់ទុកជារដូវកាលដែលភ្ញៀវទេសចរមានការធ្លាក់ចុះ។ប៉ុន្តែបើសិនយើងមានការផ្សព្វផ្សាយពីទេសចរណ៍កម្ពុជាឱ្យបានខ្លំាង អាចធ្វើឱ្យរដូវកាលដែលមានធ្លាក់ចុះចំនួនភ្ញៀវទេសចរនេះ ប្រហែលអាចនឹងទទួលបានភ្ញៀវច្រើន»។

បើតាមមគ្គុទេសក៍ទេសចរណ៍ ខាងលើ គឺលោកនៅតែរំពឹងហើយគិតថា ព្រឹត្តិការណ៍នេះគឺជាថ្ងៃដ៏សំខាន់ ហើយជាថ្ងៃដែលមានភ្ញៀវ។តែផ្ទុយទៅវិញ មគ្គទេសក៍ទេសចរណ៍ភាគច្រើននៅមិនទាន់ទទួលបានភ្ញៀវធ្វើការទំនាក់ទំនងមកកាន់ក្រុមរបស់ខ្លួនឱ្យបានច្រើននៅឡើយនោះទេ បើទោះជាភ្ញៀវបរទេសបានស្នាក់នៅកម្ពុជាចាត់ទុកជាព្រឹត្តិការណ៍ដ៏ស្ចារ្យសម្រាប់ពួកគេក៏ដោយ។

 អ្នកស្រី ខៃ ចិន្តា ទីប្រឹក្សាសមាគមសណ្ឋាគារកម្ពុជា មានប្រសាសន៍ថា «ខ្ញុំយល់ឃើញថាព្រឹត្តិការណ៍ព្រះអាទិត្យរះចំកំពូលកណ្ដាលប្រាសាទអង្គរវត្តនេះ អាចទាក់ទាញភ្ញៀវជាតិ និងអន្តរជាតិបានច្រើនខ្លាំងនៅពេលខាងមុខ ហើយចំពោះព្រឹត្តិការណ៍នេះ កម្ពុជាគួរតែជំរុញការផ្សព្វផ្សាយឱ្យបានខ្លាំងក្លានៅលើឆាកអន្តរជាតិ ព្រោះថាព្រឹត្តិការណ៍នេះកើតមានតែនៅកម្ពុជា។ដូចនេះ កម្ពុជាគួរតែផ្សព្វផ្សាយជូនទៅពិភពលោកឱ្យបានដឹងពីព្រឹត្តិការណ៍ដ៏អស្ចារ្យនេះ មុនយ៉ាងតិច៦ខែ ទៅ ១ឆ្នាំ»។

អ្នកស្រី ខៃ ចិន្តា សង្កត់ធ្ងន់ថា ដើម្បីចាប់ភ្ញៀវទេសចរអន្តរជាតិឱ្យបានច្រើនខ្លាំងគឺត្រូវដាក់ព្រឹត្តិការណ៍ល្អឯកដ៏អស្ចារ្យនេះនៅក្នុង គេហទំព័រស្ថាប័នពាក់ព័ន្ធ មានដូចជា ស្ថានទូតកម្ពុជាប្រចាំនៅប្រទេសនានាលើពិភពលោក ក្រសួងទេសចរណ៍ ក្រសួងពត៌មានក្រសួងវប្បធម៌ និងវិចិត្រសិល្បៈ, ក្រសួងការបរទេស, ក្រសួងបរិស្ថាន … ប្រតិទិនព្រឹត្តិការណ៏ធំៗថ្នាក់ជាតិ ដើម្បីផ្សព្វផ្សាយឱ្យមានលក្ខណៈទូលំទូលាយដល់បរទេស។

ស្រដៀងគ្នានេះដែរ លោក ធឿន វុឌ្ឍី មើលឃើញថា បើសិនកម្ពុជា មានការជំរុញការផ្សព្វផ្សាយពីព្រឹត្តិការណ៍នេះឱ្យបានខ្លំាង អាចនឹងធ្វើឱ្យចំនួននៃភ្ញៀវចូលមកទស្សនាកម្ពុជាមានចំនួនច្រើនជាងដូចសព្វថ្ងៃនេះ។ឧទាហរណ៍ ភ្ញៀវទេសចរបរទេសមួយចំនួនមានគម្រោងមកទស្សនាកម្ពុជានៅរដូវប្រំាងឬខែដែលទំនេរ ប៉ុន្តែបើយើងផ្សព្វផ្សាយពីភាពអស្ចារ្យថ្ងៃរះចំកំពូលកណ្តាលប្រាសាទអង្គរវត្តនៅក្នុងខែ៩នេះ ឱ្យគាត់មានការចាប់អារម្មណ៍ និងទាក់ទាញ ប្រហែលពួកគាត់អាចផ្លាស់ប្តូរកាលវិភាគនៃការដើរកម្សាន្តរបស់ពួកគាត់ អាចមកកាន់កម្ពុជា នៅក្នុងខែ៩នេះ។

យោងតាម អាជ្ញាធរជាតិអប្សារា ព្រះអាទិត្យរះចំកំពូលប្រាសាទអង្គរវត្តនឹងកើតឡើងនៅខែកញ្ញានេះ។ ព្រឹត្តិការណ៍នេះ នៅរដូវវស្សា នឹងកើតទ្បើងចំថ្ងៃទី២២ ខែកញ្ញា ឆ្នាំ២០២៣ខាងមុខនេះ ចាប់ពីម៉ោង៦ព្រឹកតទៅ។គឺជាសមរាត្រីរដូវវស្សា ដែលវេលាពេលថ្ងៃ និងរយៈពេលយប់មានស្មើគ្នា។ព្រឹត្តិការណ៍កើតឡើង២ដង តែប៉ុណ្ណោះក្នុងមួយឆ្នាំ នៅក្នុងខែកញ្ញា និងខែមីនា៕

អត្ថបទ៖សារេត

The post កម្ពុជា គួរតែផ្សព្វផ្សាយពីព្រឹត្តិការណ៍ព្រះអាទិត្យរះចំកំពូលកណ្តាលប្រាសាទអង្គរវត្ត ឱ្យបានខ្លាំងក្លា ដើម្បីទាក់ទាញភ្ញៀវទេសចរឱ្យបានច្រើន appeared first on .

បើតាមលោក ហោ សារុន បានបញ្ចាក់ថា « ក្នុងរយៈពេល៣ខែដើមឆ្នាំ២០២៣នេះ យើងទទួលបានភ្ញៀវទេសចរអន្តរជាតិចំនួន១.២៩១.៥៣៩នាក់ កើនឡើងជាង ៧០៩,៥% ធៀបនឹងឆ្នាំ២០២២ ក្នុងនោះទេសចរជនជាតិថៃ វៀតណាម និងចិន កំពុងនាំមុខគេ»។

គួរបញ្ចាក់ថា រដ្ឋមន្រ្តីក្រសួងទេសចរណ៍កន្លងទៅ បានបញ្ជាក់ផងដែរថា សម្រាប់ឆ្នាំ២០២៣ កម្ពុជារំពឹងទទួលបានភ្ញៀវទេសចរអន្តរជាតិយ៉ាងហោចណាស់៤លាននាក់ ដែលក្នុងនោះ មានទេសចរជនជាតិចិនប្រមាណ១លាននាក់។ស្របពេលការរំពឹងនេះ ក្រសួងទេសចរណ៍បានសម្រេចដាក់ចេញនូវផែនការសកម្មភាពចំនួន ៥ចំណុច។ ដោយក្នុងនោះរួមមាន ការរៀបចំសេចក្តីព្រាងវិធានការអនុវត្តយុទ្ធនាការ «ឆ្នាំទស្សនាកម្ពុជា ២០២៣» ដើម្បីបង្កើនការផ្សព្វផ្សាយទេសចរណ៍កម្ពុជា ការលើកកម្ពស់កិត្តិនាមទេសចរណ៍ ការផ្សារភ្ជាប់រវាងព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ជាមួយនិងយុទ្ធនាការ «ឆ្នាំទស្សនាកម្ពុជា ២០២៣» និងការបង្កើតព្រឹត្តិការណ៍ទេសចរណ៍ «មួយខែ យ៉ាងតិចមួយព្រឹត្តិការណ៍» ដើម្បីបង្កើនភ្ញៀវទេសចរណ៍ជាតិ និងអន្តរជាតិ។

គួររម្លឹកផងដែរថា នៅក្នុងឆ្នាំ២០២២ កម្ពុជាទទួលបានភ្ញៀវទេសចរណ៍អន្តរជាតិប្រមាណ ២លាន២សែននាក់៕

The post លោក ហោ សារុន៖ កម្ពុជាទទួលបានភ្ញៀវអន្តរជាតិជាង១លាននាក់ ក្នុងរយៈពេល៣ខែឆ្នាំនេះ appeared first on .