យោងតាមការចុះផ្សាយរបស់ មន្ទីរព័ត៌មានខេត្ដសៀមរាប បានឱ្យដឹងថា បន្ទាប់ពីមានការចែករំលែកយ៉ាងទូលំទូលាយនៅលើបណ្ដាញសង្គម ទីតាំងរានហាលស្រះស្រង់បានទាក់ទាញចំណាប់អារម្មណ៍មហាជនយ៉ាងខ្លាំង។ គូស្វាមីភរិយាថ្មីថ្មោង និងភ្ញៀវទេសចរចម្រុះជាតិសាសន៍ បានជ្រើសរើសទីតាំងប្រវត្តិសាស្ត្រនេះដើម្បីផ្តិតយករូបភាពអនុស្សាវរីយ៍ ដោយសារតែភាពស្រស់ត្រកាលនៃរចនាបថស្ថាបត្យកម្មថ្មភក់បុរាណ នាគរាជ និងផ្ទៃទឹកដ៏ធំល្វឹងល្វើយដែលឆ្លុះបញ្ចាំងទេសភាពធម្មជាតិយ៉ាងស្រស់បំព្រង។

សូមបញ្ជាក់ថា ផ្អែកតាមរបាយការណ៍ផ្លូវការរបស់គ្រឹះស្ថានអង្គរ ក្នុងរយៈពេល ៩ខែក្នុងឆ្នាំ២០២៦ តំបន់រមណីយដ្ឋានអង្គរទទួលបានភ្ញៀវទេសចរអន្តរជាតិសរុបចំនួន ៥១០ ៥២៨ នាក់ និងរកចំណូលបានពីការលក់បណ្ណចូលទស្សនាចំនួន ២៤,២៣ លានដុល្លារអាមេរិក៕

The post រមណីយដ្ឋាន «ស្រះស្រង់» កំពុងទាក់ទាញភ្ញៀវទេសចរ និងគូស្វាមីភរិយាថ្មីថ្មោងមកផ្តិតយករូបភាពអនុស្សាវរីយ៍យ៉ាងច្រើនកុះករ appeared first on .

យោងតាមរបាយការណ៍ផ្លូវការពីមន្ទីរទេសចរណ៍ខេត្តតាកែវ និងការបញ្ជាក់របស់លោក ឈូក ប៊ុនថន ប្រធានមន្ទីរទេសចរណ៍ខេត្ត បានឱ្យដឹងថា ក្នុងចំណោមភ្ញៀវទេសចរសរុបជាង ៦ម៉ឺននាក់នោះ រួមមាន ភ្ញៀវទេសចរជាតិ ចំនួន ៦០,៥៧៨ នាក់ និងភ្ញៀវទេសចរបរទេស ចំនួន ២៣៥ នាក់។

លោកប្រធានមន្ទីរបានគូសបញ្ជាក់បន្ថែមថា បើប្រៀបធៀបទៅនឹងរយៈពេលដូចគ្នាក្នុងឱកាសពិធីបុណ្យភ្ជុំបិណ្ឌកាលពីឆ្នាំ២០២៥ កន្លងទៅ ឃើញថា ចំនួនភ្ញៀវទេសចរសរុបមានការកើនឡើងចំនួន ១៨,២៧៧ នាក់ (ស្មើនឹង ៣០%) ខណៈដែលចំនួនភ្ញៀវទេសចរបរទេសមានការកើនឡើងចំនួន ១៦ នាក់ (ស្មើនឹង ៦.៨%)។

លោក ឈូក ប៊ុនថន បានគូសបញ្ជាក់ឱ្យដឹងទៀតថា កំណើនភ្ញៀវទេសចរជាទីគាប់ប្រសើរនាឱកាសនេះ បានស្តែងឱ្យឃើញពីការចាប់អារម្មណ៍កាន់តែខ្លាំងឡើងពីសំណាក់សាធារណជន និងភ្ញៀវអន្តរជាតិ មកលើតំបន់ទេសចរណ៍ប្រវត្តិសាស្ត្រ ធម្មជាតិ និងវប្បធម៌ដ៏សម្បូរបែបនៅក្នុងខេត្តតាកែវ។ ជាមួយគ្នានេះ តួលេខកំណើននេះក៏បានឆ្លុះបញ្ចាំងយ៉ាងច្បាស់អំពីកិច្ចខិតខំប្រឹងប្រែងក្នុងការរៀបចំសន្តិសុខ សណ្តាប់ធ្នាប់សាធារណៈ ក៏ដូចជាគុណភាពនៃសេវាកម្មទេសចរណ៍ ដែលកាន់តែមានភាពល្អប្រសើរឡើងជាលំដាប់ពីមួយឆ្នាំទៅមួយឆ្នាំ៕

The post រយៈពេល ៣ថ្ងៃនៃពិធីបុណ្យភ្ជុំបិណ្ឌ ខេត្តតាកែវ ទទួលបានភ្ញៀវទេសចរជាង ៦ម៉ឺននាក់ កើនឡើង ៣០% appeared first on .

យោងតាមកាសែតប្រចាំថ្ងៃរបស់អេស្ប៉ាញ Democrata បានរាយការណ៍ថា ចក្រភពអង់គ្លេសនៅតែជាទីផ្សារធំបំផុតរបស់អេស្ប៉ាញ ក្នុងអំឡុងខែមករា ដល់ខែមិថុនា ឆ្នាំ២០២៦ ដោយមានភ្ញៀវទេសចរជាង ៩,៩ លាននាក់ ពោលគឺបានកើនឡើង ៤,៣% ពីឆ្នាំមុន។

ទន្ទឹមនឹងនេះ ​ប្រទេសអាល្លឺម៉ង់ជាប់ចំណាត់ថ្នាក់លេខពីរដែលទៅទស្សនាប្រទេសអេស្ប៉ាញច្រើនជាងគេ ដោយមានភ្ញៀវទេសចរចំនួន ៥,៧ លាននាក់ បន្ទាប់មកទៀតគឺប្រទេសបារាំងដែលមានភ្ញៀវទេសចរចំនួន ៥,៦ លាននាក់ ។

យោងតាមវិទ្យាស្ថានស្ថិតិជាតិ ក៏បានបង្ហាញឲ្យដឹងទៀតថា ប្រទេសធំៗទាំងបីនេះ ក៏ជាទីផ្សារចំណាយលុយច្រើនជាងគេបំផុតលើវិស័យទេសចរណ៍របស់អេស្ប៉ាញផងដែឬ ដោយការចំណាយសរុបសម្រាប់រយៈពេល ៦ខែដំបូងឆ្នាំនេះ បានកើនឡើង ៧% ដល់ប្រមាណ ៦៣,៨ពាន់លានអឺរ៉ូ (៧៣,៦ពាន់លានដុល្លារ)។

គួរជម្រាបជូនថា ប្រទេសអេស្ប៉ាញបានស្វាគមន៍ភ្ញៀវទេសចរបរទេសចំនួន ៩៦,៨ លាននាក់កាលពីឆ្នាំមុន ដែលជាការកើនឡើង ៣,២% ពីឆ្នាំ២០២៤ និងបានធ្វើឲ្យប្រទេសនេះ ក្លាយជាកន្លែងមានភ្ញៀវទេសចរច្រើនជាងគេទីពីរនៅទូទាំងពិភពលោក តាមពីក្រោយប្រទេសបារាំង ដែលមានភ្ញៀវទេសចរសរុបចំនួន ១០៥ លាននាក់ នៅឆ្នាំមុន៕

The post អេស្ប៉ាញ ទទួលស្វាគមន៍ភ្ញៀវទេសចរជាង ៤៦ លាននាក់ នៅឆមាសទី១ ឈរលេខរៀងទី២ នៅលើលោក appeared first on .

ដោយក្នុងរយៈពេល៣ថ្ងៃ មានទេសចរ និងប្រជាពលរដ្ឋដើរលេងកម្សាន្ត សរុបប្រមាណ ២១ ០៩២ ៤៤៦នាក់។ ក្នុងនោះ ទេសចរជាតិស្នាក់នៅ ប្រមាណ ១ ១៤៥ ៤៥០ ប្រជាពលរដ្ឋដើរលេងកម្សាន្ត ប្រមាណ ១៩ ៨៧៥ ៨០៥ នាក់, ទេសចរបរទេស ប្រមាណ ៧១ ១៩១ នាក់។

ជាមួយគ្នានោះ រាជធានី ខេត្តចំនួន ៥ ទទួលបានទេសចរច្រើនជាងគេរួមមាន៖ ១. រាជធានីភ្នំពេញ ៤ ៤០២ ០៩២ នាក់,២. ខេត្តកំពង់ចាម ៤ ១៧៨ ៦២៣ នាក់ ៣. ខេត្តព្រៃវែង ២ ៣២៣ ០៩៦ នាក់,៤. ខេត្តសៀមរាប ១ ៧៩២ ៤៣៨ នាក់ ៥. ខេត្តកំពង់ស្ពឺ ១ ៧១២ ០០០ នាក់៕

The post ចូលឆ្នាំខ្មែរ៣ថ្ងៃ មានភ្ញៀវទេសចរជាតិ និងអន្តរជាតិជាង២១លាននាក់ បានដើរលេងកម្សន្តទូទាំងប្រទេស appeared first on .

យោងតាមការចុះផ្សាយពីសារព័ត៌មាន VNA បានបង្ហាញឲ្យដឹងថា ចាប់ពីថ្ងៃទី១ ខែមករា ដល់ថ្ងៃទី២៩ ខែមីនា ប្រទេសថៃ បានស្វាគមន៍ភ្ញៀវទេសចរបរទេសសរុបចំនួន ៩ ១៧៤ ៥៨៦ នាក់ ធ្លាក់ចុះ ២,២៩% បើធៀបនឹងឆ្នាំមុន។

គួរឲ្យដឹងផងដែរថា ចិន មានចំនួនភ្ញៀវទេសចរមកលេងប្រទេសថៃច្រើនជាងគេ ក្នុងអំឡុងពេលនោះ ដែលមានចំនួនសរុប ១ ៤៦៨ ៣៣៣ នាក់ បន្ទាប់មកគឺម៉ាឡេស៊ី (៩៤៧ ១២៣ នាក់) រុស្ស៊ី (៧១៤ ៤២៤ នាក់) ឥណ្ឌា (៦១៤ ០១៦ នាក់) និងសាធារណរដ្ឋកូរ៉េ (៤០៩ ៣៣១ នាក់)។

យោងតាម លោកស្រី Natreeya Taweewong លេខាធិការអចិន្ត្រៃយ៍នៃក្រសួងទេសចរណ៍ថៃ បាននិយាយថា តម្រូវការធ្វើដំណើររបស់ភ្ញៀវបរទេសបានថយចុះក្នុងអំឡុងសប្តាហ៍ថ្ងៃទី២៣ ដល់ទី ២៩ខែមីនា ដោយសារតែជម្លោះនៅមជ្ឈិមបូព៌ា។ ប៉ុន្តែទោះជាយ៉ាងណា លោកស្រីបានកត់សម្គាល់ថា ការធ្វើដំណើរអាចនឹងបង្ហាញសញ្ញានៃភាពប្រសើរឡើងវិញ ដោយសារតែអ្នកធ្វើដំណើរបានផ្លាស់ប្តូរទៅផ្លូវហោះហើរត្រង់កាន់តែច្រើនពីអឺរ៉ុប ទៅកាន់ប្រទេសថៃ៕​

The post ថៃ ប្រកាសពីការធ្លាក់ចុះនៃភ្ញៀវទេសចរបរទេស នៅក្នុងត្រីមាសទី១ ឆ្នាំនេះ appeared first on .

ក្នុងពិធីអបអរសាទរក្នុងកម្មវិធី K-WAVE Peace Concert 2026 កាលពីថ្ងៃទី១៤មីនាថា កម្ពុជា ជាគោលដៅទេសចរណ៍សុវត្ថិភាព បដិសណ្ឋារកិច្ចដ៏កក់ក្តៅ និងរាក់ទាក់ សម្រាប់ភ្ញៀវទេសចរពីទូទាំងពិភពលោក។ លោកបញ្ជាក់ថា រាជរដ្ឋាភិបាលកម្ពុជា​ បាននិងកំពុងចាត់វិធានការយ៉ាងម៉ឺងម៉ាត់ក្នុងការបង្ក្រាប និងលុបបំបាត់ដល់ឬសគល់នៃឧក្រិដ្ឋកម្មឆបោកតាមប្រព័ន្ធបច្ចេកវិទ្យា ដើម្បីធានានូវបរិយាកាសសុវត្ថិភាព  និងទំនុកចិត្តសម្រាប់ភ្ញៀវទេសចរ ប្រជាពលរដ្ឋ និងវិនិយោគិន។

លោកក៏បានលើកឡើងថា ក្នុងរយៈពេល ២ ខែដំបូងនៃឆ្នាំ២០២៦ នេះ កម្ពុជាទទួលបានភ្ញៀវទេសចរអន្តរជាតិប្រមាណជិត៦៩០,០០០ នាក់ ដែលក្នុងនោះមានភ្ញៀវទេសចរកូរ៉េជិត១៥.១០០ នាក់ ដែលបង្ហាញពីសក្តានុពល និងភាពទាក់ទាញទេសចរណ៍របស់កម្ពុជាក្នុងទីផ្សារកូរ៉េ៕

The post ២ ខែដំបូង នៃឆ្នាំ២០២៦ នេះ កម្ពុជាទទួលបានភ្ញៀវទេសចរអន្តរជាតិប្រមាណជិត៦៩ម៉ឺននាក់ appeared first on .

យោងតាមការសិក្សាមួយដែលបានចេញផ្សាយកាលពីដើមខែនេះ ដោយក្រុមប្រឹក្សាអាកាសយានដ្ឋានអន្តរជាតិអាស៊ីប៉ាស៊ីហ្វិក និងមជ្ឈិមបូព៌ា និងតំណាងឲ្យអាកាសយានដ្ឋានជាង ៦០០ កន្លែងនៅក្នុងប្រទេស និងដែនដីចំនួន ៤៤ បានបង្ហាញថា អ្នកដំណើរចិនមានការចំណាយខ្ពស់បំផុត ក្នុងចំណោមអ្នកដំណើរសញ្ជាតិផ្សេងទៀត សម្រាប់រយៈពេលក្រោយជំងឺកូរីដ-១៩។

មិនតែប៉ុណ្ណោះ បើតាមលោក Stefano Baronci អគ្គនាយកក្រុមប្រឹក្សានេះ បានបង្ហាញឲ្យដឹងទៀតថា បង្អែមគឺជាការទិញដ៏ពេញនិយមក្នុងចំណោមអ្នកធ្វើដំណើរចិន ដែលភាគច្រើនបានទិញវាជាអំណោយសម្រាប់អ្នកផ្ទះ។

លោក​ Stefano បាន​មាន​ប្រសាសន៍ទៀត​ថា អ្នកធ្វើដំណើរ​ចិនប្រហែល ២៧% បាន​លើកឡើង​ពី​បង្អែម​ថាជាប្រភេទទំនិញ​ដែល​ពួកគេ​ពេញចិត្ត បើ​ធៀប​នឹង ​ផលិតផល​ក្នុងស្រុក មាន ១៧% និង​ទំនិញ​ប្រណីតមាន ១២%។

ប៉ុន្តែទោះជាយ៉ាងណាក៏ដោយ ក្រុមប្រឹក្សាបានកត់សម្គាល់ទៀតថា អ្នកដំណើរចិនកំពុងផ្លាស់ប្តូរការចំណាយរបស់ពួកគេទៅកាន់អាកាសយានដ្ឋានក្នុងស្រុកជំនួសវិញ បន្ទាប់ពីត្រូវបានគាំទ្រដោយគោលនយោបាយទំនិញមិនជាប់ពន្ធរបស់រដ្ឋាភិបាល៕​

The post ចិន ជាប់ចំណាត់ថ្នាក់កំពូលគេ ជាអ្នកដំណើរចាយវាយច្រើនបំផុតនៅតាមអាកាសយានដ្ឋាន ក្នុងតំបន់អាស៊ី appeared first on .

លោក ទូន រស្មី បានឱ្យដឹងថា តាមការសង្កេតនៅពេលកន្លងមក ខ្ញុំឃើញថានៅក្នុងកំឡុងរដូវកាលខ្សត់ភ្ញៀវ បើប្រៀបធៀបទៅនិងរយៈពេលដូចគ្នាឆ្នាំ២០២៤ ។ ពោលនៅក្នុងរដូវកាលពុំសូវសំបូរភ្ញៀវបរទេសចូលមកទស្សនា ខ្ញុំផ្តល់សេវាជូនភ្ញៀវក្នុងមួយខែបានចំនួន៥ថ្ងៃទៅ១សប្តាហ៍ប៉ុណ្ណោះ។

បើតាមលោក ទួន រស្មី រដូវកាលមិនសូវសំបូរភ្ញៀវបរទេសចូលមកទស្សនានៅកម្ពុជាចាប់ពីមេសារហូតដល់ខែកញ្ញា ហើយបរិមាណភ្ញៀវបរទេសមានការថមថយនេះ លោកយល់ឃើញថាអាចបណ្តាលមកពីសង្គ្រាមដែលបង្កដោយប្រទេសថៃមកលើកម្ពុជា និងដោយសារស្ថិតនៅក្នុងរដូវកាលភ្ញៀវខ្សត់ខ្សោយដែលកើតឡើងជារៀងរាល់ឆ្នាំ បូករួមជាមួយកត្តាអាកាសធាតុផងដែរ។

លោកបញ្ជាក់ថា “នៅក្នុងរដូវកាលខ្សត់ភ្ញៀវបរទេសមកកម្សាន្តនៅក្នុងស្រុក ក្នុងមួយខែអាចរកប្រាក់ចំណូលបានចន្លោះពី៣០០ទៅជាង៤០០ដុល្លារ ។តែបើដល់រដូវកាលសំបូរភ្ញៀវបរទេសក្នុងមួយខែអាចប្រាក់កម្រៃបានរហូតដល់ជាង៨០០ដុល្លារក៏អាចថាបាន។ ជាក់ស្តែងចូលមកដល់ខែវិច្ឆិកាឆ្នាំ២០២៥ ខ្ញុំទទួលបានការកក់ ពីក្រុមហ៊ុនផ្តល់សេវាជូនភ្ញៀវ ចង់ពេញមួយខែ ហើយខាងក្រុមហ៊ុនតែសួរនាំ បញ្ជាក់បើថ្ងៃណាទំនេរសូមផ្តល់ដំណឹងជូនគេ ដើម្បីងាយស្រួលក្នុងការរៀបចំពេលទទួលបានភ្ញៀវមកពីខាងក្រៅ”។

យោងតាម សេចក្តីប្រកាសព័ត៌មានរបស់គ្រឹះស្ថានអង្គរ ស្តីពីស្ថិតិភ្ញៀវទេសចរបរទេស និងចំំណូលដែលទទួលបានពីការលក់សំបុត្រចូលទស្សនា រមណីយដ្ឋានអង្គរ ប្រសាទកោះកែរ និងកំពង់ផែចុងឃ្នៀសប្រចាំខែតុលា២០២៥៖
ក្នុងខែតុលាឆ្នាំ២០២៥ ចំនួនភ្ញៀវទេសចរបរទេស និងចំណូលដែលទទួលបានពីការលក់សំបុត្រចូលទស្សនារមណីយដ្ឋានអង្គរដូចមានចំនួនភ្ញៀវ៦០ ២៤៩នាក់ ថយចុះ១៨,៩៧ភាគរយបើប្រៀបធៀបនិងខែតុលាឆ្នាំ២០២៤, ចំណូលបានចំនួន២,៨លានដុល្លារ ថយចុះ១៧,២៧ភាគរយ បើប្រៀបធៀបនិងខែតុលាឆ្នាំ២០២៤។ ក្នុងរយៈពេល១០ខែ ឆ្នាំ២០២៥ ចំនួនភ្ញៀវទេសចរបរទេស និងចំណូលដែលទទួលបានពីការលក់សំបុត្រចូលទស្សនារមណីយដ្ឋានអង្គរ មានចំនួនភ្ញៀវសរុបចំនួន៧៦៥ ៥១៨នាក់ ថយចុះ១,១២ភាគរយ បើប្រៀបធៀបនិងពេលដូចគ្នាឆ្នាំ២០២៤ , ចំណូលសរុបបានជាង៣៥លានដុល្លារ ថយចុះ១,១៥ភាគរយ បើប្រៀបធៀបនិងរយៈពេលដូចគ្នាឆ្នាំ២០២៤៕

The post មគ្គទេសក៍ ទេសចរណ៍ប្រចាំខេត្តសៀមរាប សង្ឃឹមទទួលបានចំណូលល្អឡើងវិញចាប់ពីខែវិច្ឆិកាទៅ តាមរយៈកំណើនភ្ញៀវទេសចរ appeared first on .

លោកបានថ្លែងបែបនេះនៅក្នុងពិធីជជែកលើវិថីទេសចរណ៍ ក្រោមប្រធានបទ “សិល្បៈជាជ្រុងមួយនៃទេសចរណ៍” និង “ទេសចរណ៍សម័យបច្ចេកវិទ្យា” កាលពីយប់ថ្ងៃទី១៩ ខែតុលា​ ឆ្នាំ២០២៥ នាផ្លូវថ្មើរជើងចតុមុខ (Walk Street)។

ក្នុងឱកាសនោះ លោកបានលើកឡើងថា កម្មវិធីជជែកលើវិថីទេសចរណ៍ នេះ បានឆ្លុះបញ្ចាំងយ៉ាងច្បាស់ពីឆន្ទៈចូលរួម គំនិតផ្តួចផ្តើម ស្មារតីរួបរួមគាំទ្រពីគ្រប់ភាគីពាក់ព័ន្ធទាំងផ្នែករដ្ឋ ឯកជន ប្រជាជន និងដៃគូសហការនានាបានរួបរួមគ្នាបង្កើតព្រឹត្តិការណ៍ដ៏មានសារៈសំខាន់នេះឡើង។

លោកបញ្ជាក់ថា ប្រទេសយើងស្ថិតនៅក្នុងម្លប់ដ៏ត្រជាក់នៃសន្តិភាពពេញលេញ ស្ថិរភាពនយោបាយ សន្តិសុខសណ្តាប់ធ្នាប់សាធារណៈមានភាពរឹងមាំ ស្ថិរភាពម៉ាក្រូសេដ្ឋកិច្ច និងសុខដុមនីយកម្មនៅក្នុងសង្គម បានកើតឡើងក្រោមការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា បន្តមកដល់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំពោរពេញដោយថាមពល និងសន្ទុះនៃការបំពេញបេសកកម្មប្រកបដោយស្វាហាប់របស់ សម្ដេចមហាបវរធិបតី ហ៊ុន ម៉ាណែត  នាយករដ្ឋមន្ត្រី នៃព្រះរាជាណាចក្រកម្ពុជា។

លោកក៏បានអំពាវនាវដល់ភ្ញៀវទេសចរជាតិ និងអន្តរជាតិ សូមអញ្ជើញមកដើរកម្សាន្តគោលដៅទេសចរណ៍នានា ឱ្យបានច្រើនកុះករ និងដើរកម្សាន្តប្រកបដោយទំនុកចិត្ត កម្ពុជាជាគោលដៅទេសចរណ៍ដែលមានសុវត្ថិភាព មានការទទួលស្វាគមន៍រាក់ទាក់កក់ក្ដៅ ព្រមជាមួយនឹងសក្ដានុពលទេសចរណ៍សម្បូរបែប, គួបផ្សំនឹងវប្បធម៌ ប្រពៃណី ទំនៀមទំលាប់ដ៏យូរលង់, ម្ហូបអាហារឆ្ងាញ់ពិសារ និងភាពរួសរាយរាក់ទាក់របស់ប្រជាជនកម្ពុជា ដែលត្រូវបានទទួលស្គាល់ថាជា «ស្នាមញញឹមកម្ពុជា» ភាពស្លូតបូត និងការស្រលាញ់រាប់អានរបស់ប្រជាជនកម្ពុជាគ្រប់ៗគ្នា។

សូមបញ្ជាក់ដែរថា  រយៈពេល ៨ខែ ឆ្នាំ២០២៥នេះ កម្ពុជាទទួលបានទេសចរអន្តរជាតិរហូតដល់ជាង ៤លាននាក់ ស្របពេលដែលទេសចរជាតិមានចំនួន ១៧,២៨លាននាក់ កើនឡើងជិត៥៣% ធៀបរយៈពេលដូចគ្នាក្នុងឆ្នាំ២០២៤៕

The post រដ្ឋមន្រ្តីក្រសួងទេសចរណ៍៖ កម្ពុជា ជាគោលដៅទេសចរណ៍សុវត្ថិភាព ជាទឹកដីដ៏សែនមនោរម្យរបស់ភ្ញៀវទេសចរគ្រប់ទិសទីទូទាំងសកលលោក appeared first on .

របាយការណ៍ក្រសួងទេសចរណ៍ បានឱ្យដឹងថា ភ្ញៀវទេសចរជាតិ និងទេសចរបរទេស ក្នុងឱកាសពិធីបុណ្យភ្ជុំបិណ្ឌ ឆ្នាំ២០២៥ នៅតាមបណ្តារាជធានី ខេត្ត រយៈពេលបីថ្ងៃ (ចាប់ថ្ងៃទី២១-២៣ ខែកញ្ញា ឆ្នាំ២០២៥) ទេសចរ និងប្រជាពលរដ្ឋដើរលេងកម្សាន្ត សរុបប្រមាណ ២ ១៤៤ ២២៤ នាក់ កើនឡើង ២០,១% ធៀបគ្រា ភ្ជុំបិណ្ឌឆ្នាំ២០២៤។

របាយការណ៍ក្រសួងទេសចរណ៍ បានបន្តថា ទេសចរជាតិ និងប្រជាពលរដ្ឋដើរលេងកម្សាន្ត ប្រមាណ ២ ១១៩ ៧៨១ នាក់ កើនឡើង ២១,២% ទេសចរបរទេស ប្រមាណ ២៤ ៤៤៣ នាក់។

គួរបញ្ជាក់ដែរថា ខេត្តចំនួន ៥ ដែលទទួលបានទេសចរច្រើនជាងគេក្នុងឱកាសពិធីបុណ្យភ្ជុំបិណ្ឌ ឆ្នាំ២០២៥នេះ រួមមាន៖ ១. ខេត្តសៀមរាប ២៣៨ ២០១ នាក់,២. ខេត្តបាត់ដំបង ២១៨ ៧០៦ នាក់ ៣. ខេត្តព្រះសីហនុ ២១៦ ៩៥៦ នាក់ ៤. ខេត្តកំពង់ចាម ២១០ ៥៧៣ នាក់ ៥. ខេត្តកំពង់ឆ្នាំង ១៣៧ ៨៣៣ នាក់៕

រូបភាព៖ អភិបាលខេត្តកែប/ មន្ទីរទេសចរណ៍ខេត្តបាត់ដំបង

The post រយៈពេល៣ថ្ងៃ បុណ្យភ្ជុំបិណ្ឌឆ្នាំនេះ ភ្ញៀវទេសចរជាតិ និងទេសចរបរទេសបានដើរកម្សាន្តមានជាង២ លាន ១៤ម៉ឺននាក់ កើនឡើងជាង២០% appeared first on .