លោក Lee ​ប្រធានក្រុមហ៊ុន Samsung Electronics បាន​ឡើង​កាន់​តំណែង​ជាអ្នកមាន​បំផុត​របស់​កូរ៉េខាងត្បូង​វិញ​ បន្ទាប់ពី​បាត់បង់​តំណែង​កំពូលនេះ កាលពី​ឆ្នាំមុន។ បច្ចុប្បន្នលោកមានទ្រព្យសម្បត្តិសរុបប្រមាណ ២១,៥ពាន់លានដុល្លារ ពោលគឺកើនឡើងពីចំនួន ៧,៨ពាន់លានដុល្លារ កាលពីឆ្នាំមុន។

ទន្ទឹមនឹងនេះ លោក Michael Byung-ju Kim ស្ថាបនិកក្រុមហ៊ុន MBK Partners ជាប់ចំណាត់ថ្នាក់លេខពីរ ជាមួយទ្រព្យសម្បត្តិសរុបកើនឡើងដល់ ៩,៩ពាន់លានដុល្លារ ពីចំនួន ៩,៥ពាន់លានដុល្លារ នៅឆ្នាំមុន។

ដោយឡែកលោក Seo Jung-jin សហស្ថាបនិកក្រុមក្រុមហ៊ុនជីវឱសថ Celltrion បានឃើញទ្រព្យសម្បត្តិសរុបខ្លួនកើនឡើងពី ៦,៣ពាន់លានដុល្លារ ដល់ចំនួន ៨,១ពាន់លានដុល្លារ ឈរនៅចំណាត់ថ្នាក់លេខ៣។

ជាមួយគ្នានេះ លោក Cho Jung-ho ប្រធានក្រុមហ៊ុន Meritz Financial Group ក៏បានឃើញទ្រព្យសម្បត្តិរបស់ខ្លួនកើនឡើងដល់ ៨ពាន់លានដុល្លារផងដែរនៅឆ្នាំនេះ។ ចំណាត់ថ្នាក់ចុងក្រោយ គឺធ្លាក់ទៅលើលោកស្រី Lee Boo-jin ដែលជាកូនស្រីរបស់ស្ថាបនិកក្រុមហ៊ុន Samsung លោក Lee Kun-hee ជាមួយទ្រព្យសម្បត្តិកើនឡើងពី ៣,១ពាន់លានដុល្លារ ដល់ ៧,៩ពាន់លានដុល្លារ នៅឆ្នាំនេះ៕​

The post មហាសេដ្ឋីមានដាច់គេទាំង៥ របស់កូរ៉េខាងត្បូង កើនទ្រព្យសម្បត្តិរាប់ពាន់លានដុល្លារ នៅឆ្នាំនេះ appeared first on .

លោក Sung វ័យ ៦៨ឆ្នាំ កាន់កាប់ភាគហ៊ុន ២៨% នៅក្នុងក្រុមហ៊ុន EO Technics ក្នុងនាមជាម្ចាស់ភាគហ៊ុនធំជាងគេ ខណៈពេលដែលភរិយាលោក គឺលោកស្រី Chung Yoon-hye និងកូនប្រុសពីរនាក់ទៀត មានភាគហ៊ុនជិត ២%។ Forbes ប៉ាន់ប្រមាណថាទ្រព្យសម្បត្តិសរុបរបស់គ្រួសារនេះមានចំនួន ១ពាន់លានដុល្លារគិតត្រឹមថ្ងៃទី២៧ ខែមីនា។

គួរឲ្យដឹងថា ដោយមានមូលដ្ឋាននៅតំបន់ Anyang ភាគខាងត្បូងនៃទីក្រុងសេអ៊ូល ក្រុមហ៊ុន EO Technics ផលិតឧបករណ៍ដែលមានមូលដ្ឋានលើឡាស៊ែរ និងត្រូវបានយកប្រើក្នុងការផលិតបន្ទះឈីបអង្គចងចាំ។

ក្រុមហ៊ុននេះបានរាយការណ៍ពីប្រាក់ចំណូលចំនួន ៣៨១ពាន់លានវ៉ុន (២៥៣លានដុល្លារ) ក្នុងឆ្នាំ ២០២៥ កើនឡើង ១៩% ពីឆ្នាំទៅ ខណៈពេលដែលប្រាក់ចំណូលសុទ្ធបានកើនឡើង ៣៥% ដល់ ៥៨ពាន់លានវ៉ុន។ នេះបើយោងតាមទស្សនាវដ្តី ​​Forbes៕​

The post ស្ថាបនិកក្រុមហ៊ុនបន្ទះឈីប EO Technics ឡើងងារជាមហាសេដ្ឋី ក្រោយ AI រីកចម្រើនខ្លាំង appeared first on .

១. Lee Jae Yong

លោក Lee បច្ចុប្បន្នគឺជាប្រធានក្រុមហ៊ុន Samsung Electronics និងជាបុគ្គលមានបំផុតរបស់ប្រទេសកូរ៉េខាងត្បូង ដែលមានទ្រព្យសម្បត្តិសរុបប្រមាណ ១៩,១ពាន់លានដុល្លារ។

២. Seo Jung Jin

លោក Seo គឺជាសហស្ថាបនិកក្រុមហ៊ុន Celltrion ដែលជាក្រុហ៊ុនជីវឱសថដ៏ធំបំផុតរបស់ប្រទេស។ ក្រុមហ៊ុននេះផលិតថ្នាំព្យាបាលជំងឺផ្សេងៗ រួមទាំងជំងឺមហារីក គ្រុនផ្តាសសាយ ​និងជំងឺរលាកសន្លាក់រ៉ាំរ៉ៃជាដើម។ ជាមួយទ្រព្យសម្បត្តិសរុបប្រមាណ ៨,៥ពាន់លានដុល្លារ លោក Seo បច្ចុប្បន្នជាប់តំណែងជាអ្នកដាច់គេទីពីររបស់ប្រទេស។

៣. Hong Ra Hee

លោកស្រី Hong Ra Hee ជាភរិយារបស់អតីតប្រធានក្រុមហ៊ុន Samsung លោក Lee Kun Hee និងត្រូវជាម្តាយរបស់ប្រធានក្រុមហ៊ុន Samsung បច្ចុប្បន្ន លោក Lee Jae Yong ។

បច្ចុប្បន្ន លោកស្រី Hong មានភាគហ៊ុនប្រមាណ ១,៤៩% នៅក្នុងក្រុមហ៊ុន Samsung ដែលធ្វើឱ្យលោកស្រីក្លាយជាម្ចាស់ភាគហ៊ុនធំបំផុតទីពីរបន្ទាប់ពីលោក Lee Jae Yong ដែលមានភាគហ៊ុនក្នុងដៃ ១,៦៥%។ លោកស្រី Hong មានទ្រព្យសម្បត្តិសរុបប្រមាណ ៨,៣ពាន់លានដុល្លារ។

៤. Lee Boo Jin

លោកស្រី Lee Boo Jin ត្រូវបានគេស្គាល់ថាជាអ្នកជំនួញដ៏លេចធ្លោបំផុតម្នាក់របស់ប្រទេសកូរ៉េខាងត្បូង។ លោកស្រី បច្ចុប្បន្នគឺជាប្រធាន និងនាយកប្រតិបត្តិរបស់សណ្ឋាគារ Hotel Shilla។ ក្នុងវ័យ ២៩ឆ្នាំ លោកស្រី Lee ធ្លាប់រៀបការជាមួយអតីតបុគ្គលិកជាន់ខ្ពស់របស់ក្រុមហ៊ុន Samsung ប៉ុន្តែទំនាក់ទំនងនេះបានបែកបាក់វិញ នៅក្នុងឆ្នាំ២០២០។

លោកស្រី Lee បច្ចុប្បន្នត្រូវបាន Forbes រាយការណ៍ថាមានទ្រព្យសម្បត្តិសរុបប្រមាណ ៧,៩ពាន់លានដុល្លារ និងជាអ្នកមានបំផុតទី៤ នៅក្នុងប្រទេស។

៥. Chung Mong Koo

លោក Chung គឺជាកូនប្រុសទីពីររបស់លោក Chung Ju Yung ដែលជាស្ថាបនិកក្រុមហ៊ុនបច្ចេកវិទ្យាខ្នាតយក្ស Hyundai Group ។ ក្រោយឪពុកចែកឋានទៅ លោក Chung បានបង្កើតក្រុមហ៊ុនផលិតរថយន្ត Hyundai Motor ហើយដឹកនាំក្រុមហ៊ុននេះអស់រយៈពេលជាងពីរទសវត្ស មុនពេលចុះចេញពីតំណែង ក្នុងឆ្នាំ២០២០។ បច្ចុប្បន្ន ទ្រព្យសម្បត្តិរបស់លោក Chung មានចំនួនប្រមាណ ៧,៧ពាន់លានដុល្លារ៕​

The post មហាសេដ្ឋីកំពូលៗ​ទាំង៥ របស់កូរ៉េខាងត្បូង ក្តាប់ទ្រព្យសម្បត្តិរួមគ្នាសរុបជាង ៥០ពាន់លានដុល្លារ appeared first on .

តុលាការក្រុងសេអ៊ូលសង្កាត់ខាងត្បូង បានសម្រេចចិត្តឃុំខ្លួនមហាសេដ្ឋីវ័យ ៥៨ឆ្នាំភ្លាមៗទាំងកណ្ដាលអធ្រាត បន្ទាប់ពីពិភាក្សាគ្នាអស់រយៈពេលជាច្រើនម៉ោង និងបានបង្ហើបថា មានការព្រួយបារម្ភពីការបំផ្លាញភ័ស្តុតាង និងការរត់ចេញទៅក្រៅប្រទេស។

គួររំលឹកបន្តិចថា មហាសេដ្ឋីដែលរកស៊ីពីបាតដៃទទេរូបនេះ ត្រូវបានតុលាការចោទប្រកាន់ថា បានបន្លំទិន្នន័យផ្សារហ៊ុន ដើម្បីឲ្យក្រុមហ៊ុន Kakao អាចទិញភាគហ៊ុនក្នុងក្រុមហ៊ុន SM Entertainment និងក្លាយជាម្ចាស់ភាគហ៊ុនធំកាលពីឆ្នាំ២០២៣។

សូមជម្រាបបន្ថែមថា បន្ទាប់ពីដំណឹងនៃការចាប់ខ្លួនមហាសេដ្ឋី មានទ្រព្យសម្បត្តិជាង ៣ពាន់លានដុល្លាររូបនេះហើយ តម្លៃហ៊ុនរបស់ក្រុមហ៊ុន Kakao មានការថយចុះជាខ្លាំង រហូតដល់ជិត ៣% ខណៈម្ចាស់ភាគហ៊ុនធំៗជាច្រើនកំពុងមានការព្រួយបារម្ភពីដំណឹងមួយនេះ៕

The post មហាសេដ្ឋីកូរ៉េខាងត្បូងម្នាក់ ត្រូវបានចាប់ខ្លួនពីបទបន្លំទិន្នន័យផ្សារហ៊ុន appeared first on .

ការិយាល័យ​រដ្ឋអាជ្ញា​សង្កាត់​សេអ៊ូល​ខាងត្បូង កំពុងដាក់សំណើទៅកាន់តុលាការ ដើម្បីឃាត់ខ្លួនមហាសេដ្ឋីម្នាក់នេះ បន្ទាប់ពីបើកការស៊ើបអង្កេតជុំវិញករណីបន្លំតម្លៃផ្សារហ៊ុន អំឡុងពេលដេញថ្លៃទិញយកក្រុមហ៊ុន SM Entertainment Co. កាលពីឆ្នាំ២០២៣។

ទន្ទឹមនឹងនោះ អ្នកនាំពាក្យតុលាការក៏បានទម្លាយឲ្យដឹងថា តុលាការនឹងសម្រេចចិត្តជុំវិញសំណើរបស់ព្រះរាជអាជ្ញា បន្ទាប់ពីពួកគេសិក្សាឲ្យបានលំអិតពីរឿងរ៉ាវមួយនេះ។

សូមជម្រាបដែរថា លោក Brian Kim គឺជាមហាសេដ្ឋីកូរ៉េខាងត្បូង ដែលមានទ្រព្យសម្បត្តិប្រហែល ៣,៦ពាន់លានដុល្លារ ហើយកម្មវិធី Kakao របស់លោក គឺត្រូវបានប្រើប្រាស់ជាបណ្ដាញសង្គមយ៉ាងទូលំទូលាយទូទាំងប្រទេសថែមទៀត៕

The post ព្រះរាជអាជ្ញាកូរ៉េខាងត្បូង ស្នើសុំដីការចាប់ខ្លួនមហាសេដ្ឋីម្នាក់ ជុំវិញករណីក្លែងបន្លំផ្សារហ៊ុន appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា លោក Chey ត្រូវបានបញ្ជាឲ្យបង់ប្រាក់ ១,៣៨ទ្រីលានវ៉ុន ឬប្រហែល ១ពាន់លានដុល្លារ ទៅឲ្យលោកស្រី Roh Soh-yeong ដែលជាកូនស្រីរបស់អតីតប្រធានាធិបតី Roh Tae-woo។

បន្ថែមពីនោះ តុលាការក៏បានបញ្ជាឲ្យមានការបែងចែកភាគហ៊ុននៅក្នុងក្រុមហ៊ុន SK Group ផងដែរ ដោយអះអាងថា ភាគហ៊ុនទាំងនោះគឺជាទ្រព្យរួមរបស់ប្ដីប្រពន្ធ ដូច្នេះហើយដើម្បីអាចរក្សាតំណែងនៅក្នុងក្រុមហ៊ុន លោក Chey ត្រូវតែព្យាយាមប្រមូលទិញភាគហ៊ុនបន្ថែមទៀត ដើម្បីធានាកៅអីប្រធានក្រុមហ៊ុនរបស់ខ្លួន។

សូមជម្រាបដែរថា មេធាវីរបស់លោក Chey ក៏បានបញ្ជាក់ច្បាស់ៗថា កូនក្ដីរបស់លោកនឹងដាក់ពាក្យប្ដឹងឧទ្ធរណ៍ ចំពោះការបញ្ជារបស់តុលាការផងដែរ៕

The post តុលាការបញ្ជាឲ្យមហាសេដ្ឋីកូរ៉េខាងត្បូង បង់ប្រាក់ពិន័យ ១ពាន់លានដុល្លារ ក្នុងសំណុំរឿងលែងលះ appeared first on .

យោងតាមការចុះផ្សាយពីគេហទំព័រ Mirror បានបង្ហាញថា គោលនយោបាយរបស់ក្រុមហ៊ុន​ខ្នាតយក្សកូរ៉េខាងត្បូងមួយនេះ គឺធ្វើឡើងដើម្បីជួយដល់ស្ថានភាពនៃប្រទេសកូរ៉េខាងត្បូង ដែលកំពុងមានវិបត្តិ ជុំវិញការថយចុះនៃអត្រាកំណើត។

នេះមិនមែនជាលើកទីមួយឡើយ ដែលក្រុមហ៊ុនកំពូល Booyoung Group បានផ្ដល់កញ្ចប់ជំនួយដល់ក្រុមបុគ្គលិក ពោលគិតតាំងពីឆ្នាំ២០២១ មកទល់បច្ចុប្បន្ន ក្រុមហ៊ុនបានចាយលុយជាង ៥លានដុល្លារ ដល់បុគ្គលិកជាច្រើន ដែលមានកូនៗជាច្រើនគ្រួសារ។

រំលឹកបន្តិចថា គោលការណ៍ថ្មីដែលចេញដោយក្រុមហ៊ុន Booyoung Group គឺមិនប្រកាន់ពីភេទឡើយ ពោលបុគ្គលិកទាំងប្រុស និងស្រី អាចទទួលបានអត្ថប្រយោជន៍មួយនេះដូចៗគ្នា៕

The post ថៅកែក្រុមហ៊ុន Booyoung Group សន្យាផ្ដល់លុយជាង ៧ម៉ឺនដុល្លារ ដល់បុគ្គលិកដែលយកកូន appeared first on .

យោងតាមការចុះផ្សាយពីសារព័ត៌មាន RT បានបង្ហាញថា អស់រយៈពេល ៩ឆ្នាំ ទម្រាំ​មហាសេដ្ឋីរូបនេះ អាចរួចខ្លួនពីការចោទប្រកាន់ ទាក់ទងនឹងការបន្លំផ្សារហ៊ុន និងការបង្រួមក្រុមហ៊ុនចំនួន២ គឺ Cheil Industries Inc និង Samsung C&T Corp។

រំលឹកបន្តិចថា កាលពីឆ្នាំ២០១៥ ក្រុមហ៊ុនទាំង២ ខាងលើត្រូវបានច្របាច់បញ្ចូលគ្នា ហើយមានការចោទប្រកាន់លោក Lee ថា ជាមេខ្លោងដែលបង្រួមក្រុមហ៊ុនទាំង២ ដើម្បីពង្រីកការកាន់កាប់ក្រុមហ៊ុន Samsung Electronics ក៏ដូចជាផ្ដល់ផលប្រយោជន៍ដល់បក្ស​ពួកដទៃ ដែលជាម្ចាស់ភាគហ៊ុនធំៗ និងធ្វើឲ្យម្ចាស់ភាគហ៊ុនតូចតាចខាតបង់។

រហូតដល់ដើមឆ្នាំ២០២៣ តុលាការត្រៀមចេញដីការ ផ្ដន្ទាទោសលោក Lee និងថ្នាក់ដឹកនាំជាន់ខ្ពស់មួយចំនួន ឲ្យជាប់ពន្ធនាគារ ៥ឆ្នាំ ក៏ប៉ុន្តែមហាសេដ្ឋីមានបំផុតនៅ​កូរ៉េខាងត្បូងបានប្រកែក និងអះអាងថា ការបង្រួបបង្រួមក្រុមហ៊ុននេះ គឺក្នុងគោលបំណងផ្ដល់ផលប្រយោជន៍ជូនម្ចាស់ភាគហ៊ុនទាំងអស់ប៉ុណ្ណោះ។

ក្រោយមកដោយគ្មានភ័ស្តុតាងច្បាស់លាស់ បញ្ជាក់ថា ការបង្រួមក្រុមហ៊ុនទាំង២ បានធ្វើឲ្យម្ចាស់ភាគហ៊ុនដទៃខាតបង់ និងគ្មានមូលដ្ឋានបង្ហាញថា វាជាផែនការរៀបចំឡើង​ដោយលោក Lee ទើបតុលាការសម្រេចថា មេធំ Samsung មិនជាប់ពាក់ព័ន្ធនឹងការចោទប្រកាន់កាលពី ៩ឆ្នាំមុននោះឡើយ៕

The post អស់រយៈពេល ៩ឆ្នាំ ទម្រាំមេធំ Samsung រួចខ្លួនពីការចោទប្រកាន់ទាក់ទងករណីពុករលួយ appeared first on .

យោងតាមការចុះផ្សាយពីសារព័ត៌មាន Seoul Economic Daily បានបង្ហាញថា ភាគហ៊ុនប្រហែលជិត ៣០លានហ៊ុន នៅក្រុមហ៊ុន Samsung Electronics ត្រូវបានលក់ចេញក្នុងតម្លៃទាបជាងទីផ្សារចន្លោះពី ១,២% ដល់ ២% ស្របពេលភាគហ៊ុននៅក្រុមហ៊ុន Samsung C&T, Samsung SDS និង Samsung Life Insurance ក៏ត្រូវបានលក់ចេញ ក្នុងគោលបំណងដូចគ្នាផងដែរ។

ចំណែកឯម្ចាស់ភាគហ៊ុនទាំងនោះគឺ ប្រធានក្រុមហ៊ុន Samsung លោក Jay Y. Lee និងបងប្អូនស្រី​របស់លោក ក៏ដូចជាម្ដាយបង្កើត អ្នកស្រី Hong Ra-hee ផងដែរ។

រំលឹកបន្តិចថា អត្រាបង់ពន្ធមរតកនៅប្រទេសកូរ៉េខាងត្បូង គឺមានរហូតដល់ ៥០% ឯណោះ ច្រើនជាងការបង់ពន្ធមរតកនៅតាមបណ្ដាប្រទេសផ្សេងៗ ដែលកំណត់ត្រឹម ២៥% ក៏ប៉ុន្តែចំនួននេះ គឺនៅទាបជាងប្រទេសជប៉ុន ដែលតម្រូវឲ្យបង់ពន្ធមរតកដល់ ៥៥%។

គូសជម្រាបបន្ថែមថា វាមិនមែនជារឿងចម្លែកទេ ដែលគ្រួសារមហាសេដ្ឋីនៅកូរ៉េខាងត្បូង ប្រកាសលក់ភាគហ៊ុនច្រើនសន្ធឹក ឯខ្លះទៀតដល់ថ្នាក់ខ្ចីធនាគារ ដើម្បីបង់ពន្ធមរតក ព្រោះវាប្រសើរជាងការរឹបអូសទ្រព្យសម្បត្តិទាំងស្រុង ពីរដ្ឋាភិបាល។ នេះបើតាមការអះអាងពី​សារព័ត៌មាន The Korea Times៕

The post មហាសេដ្ឋីមានបំផុតនៅកូរ៉េខាងត្បូង លក់ភាគហ៊ុនជាង ២ពាន់លានដុល្លារ បង់ពន្ធជូនរដ្ឋ appeared first on .

យោងតាមការចុះផ្សាយពីគេហទំព័រ Koreatimes បានបង្ហាញថា លោក Lee មានភាគហ៊ុននៅក្នុងដៃ សរុបជាទឹកប្រាក់ ១៤,៧ទ្រីលានវ៉ុន ឬប្រហែល ១១,៣ពាន់លានដុល្លារ កើនឡើង ២៦% បើធៀបនឹងឆ្នាំមុន។

ដោយឡែក តម្លៃភាគហ៊ុនដែលគ្រប់គ្រងដោយបុគ្គលមានទ្រព្យសម្បត្តិច្រើនបំផុត ១០០នាក់ នៅកូរ៉េខាងត្បូង មានសរុបរហូតដល់ ១១៨,៨ទ្រីលានវ៉ុន កើនឡើង ១៩,៥%។

សូមជម្រាបដែរថា ក្រៅពីលោក Lee សមាជិកគ្រួសាររបស់លោក ក៏ជាម្ចាស់ភាគហ៊ុនធំៗប្រចាំ​ប្រទេសផងដែរ ពោលម្ដាយរបស់លោក អ្នកស្រី Hong Ra-hee មានភាគហ៊ុននៅក្នុងដៃសរុប ៩,២ទ្រីលានវ៉ុន ស្របពេលប្អូនស្រីទាំង២ របស់លោក គឺអ្នកនាង Boo-jin និងអ្នកនាង Seo-hyun មានភាគហ៊ុនគ្រប់គ្រង ៧ទ្រីលានវ៉ុន និង៦ទ្រីលានវ៉ុន៕ ​

The post មេធំក្រុមហ៊ុន Samsung ជាម្ចាស់ភាគហ៊ុនធំបំផុតប្រចាំប្រទេសកូរ៉េខាងត្បូង appeared first on .