យោងតាមការចុះផ្សាយពីសារព័ត៌មាន Forbes បានរាយការណ៍ថា ក្រុមហ៊ុន PNB Holdings មានគម្រោងសាងសង់អគារដែលមានកម្ពស់រហូតដល់ ២៨០ ម៉ែត្រ នៅលើទីធ្លាចតរថយន្តទំហំ ៨ ០០០ ម៉ែត្រការ៉េ ក្នុងតំបន់ពាណិជ្ជកម្មកណ្តាល Makati នៃទីក្រុងម៉ានីល។

យ៉ាងណាមិញ បើនិយាយពីកម្ពស់វិញ អគារនេះនឹងក្លាយជាអគារមានកម្ពស់ខ្ពស់បំផុតទី២ បន្ទាប់ពីអគារ Metrobank Center ដែលមានកម្ពស់ ៣១៨ ម៉ែត្រ ហើយនឹងខ្ពស់ជាងអគារ The Estate Makati ដែលមានកម្ពស់ ២៧៦,៨ម៉ែត្រ ផងដែរ។ ខណៈអគារទាំងបីនេះ សុទ្ធសឹងស្ថិតនៅតំបន់ Metro Manila ដូចគ្នា។

ទន្ទឹមនឹងនេះ អ្នកវិភាគបានប៉ាន់ប្រមាណថា ការចំណាយលើការអភិវឌ្ឍអគារនេះ អាចឡើងដល់ ១២,៨ពាន់លានប៉េសូ (ប្រហែល ២០៥លានដុល្លារអាមេរិក) ទោះបីជាការវិនិយោគសរុបអាចនឹងកើនឡើងនៅពេលដែលការរចនាត្រូវបានបញ្ចប់ជាស្ថាពរក៏ដោយ។ នេះបើយោងតាមការលើកឡើងរបស់លោក Ponciano Carreon Jr. ប្រធានផ្នែកហិរញ្ញវត្ថុនៃក្រុមហ៊ុន PNB Holdings។

គួរជម្រាបជូនថា អគារពហុបំណងកម្ពស់ ៥៤ ជាន់របស់ PNB មួយនេះ នឹងរួមបញ្ចូលនូវការិយាល័យ អាផាតមិនស្នាក់នៅ មជ្ឈមណ្ឌលពាណិជ្ជកម្ម (ផ្សារទំនើប) និងសណ្ឋាគារលំដាប់ជាន់ខ្ពស់ ផងដែរ៕

The post ក្រុមហ៊ុនមហាសេដ្ឋីអចលនទ្រព្យ Lucio Tan គ្រោងសាងសង់អគារខ្ពស់បំផុតទី២ នៅក្នុងប្រទេសហ្វីលីពីន appeared first on .

យោងតាមសារព័ត៌មាន Forbes បានបង្ហាញថា ក្រោមប្រតិបត្តិការនេះ ក្រុមហ៊ុន Mitsubishi នឹងទិញភាគហ៊ុនចំនួន ៦៨,៦លានភាគហ៊ុន ក្នុងតម្លៃ ៦៥០ប៉េសូក្នុងមួយភាគហ៊ុន ដែលនឹងបង្កើនភាគហ៊ុនរបស់ខ្លួននៅក្នុងក្រុមហ៊ុន Ayala (មានមូលដ្ឋាននៅទីក្រុងម៉ានីល) ដល់ ១៥% ពីចំនួន ៤,៧%។

លោក Jaime Augusto Zobel de Ayala ប្រធានក្រុមហ៊ុន Ayala បានថ្លែងក្នុងសេចក្តីថ្លែងការណ៍មួយថា៖ “ប្រតិបត្តិការនេះតំណាងឱ្យអ្វីដែលលើសពីការវិនិយោគទុនទៅទៀត។ វាឆ្លុះបញ្ចាំងពីភាពរឹងមាំនៃទំនាក់ទំនងដែលបានកសាងឡើងជាច្រើនឆ្នាំមកនេះ និងការតម្រឹមទិសដៅយ៉ាងស៊ីជម្រៅលើតម្លៃនៃការគិតគូររយៈពេលវែង និងការគ្រប់គ្រងអាជីវកម្មដោយទទួលខុសត្រូវ”។

ក្រុមហ៊ុន Mitsubishi ដែលមានការិយាល័យកណ្តាលនៅទីក្រុងតូក្យូ បានវិនិយោគលើកដំបូងនៅក្នុងក្រុមហ៊ុន Ayala ក្នុងឆ្នាំ១៩៧៤ នៅពេលដែលក្រុមហ៊ុននេះផ្តោតជាសំខាន់លើអចលនទ្រព្យ និងវិស័យធនាគារ។ លើសពីនេះ ក្រុមហ៊ុន Mitsubishi ក៏កំពុងទិញភាគហ៊ុនអាទិភាពដែលមានសិទ្ធិបោះឆ្នោត ក្នុងតម្លៃ ៧១,៩លានប៉េសូផងដែរ។ នេះបើយោងតាមសារព័ត៌មាន InsiderPH។

គួរជម្រាបជូនថា លោក Jaime Zobel និងគ្រួសារ ស្ថិតនៅក្នុងចំណោមមហាសេដ្ឋីដែលមានជាងគេបំផុតនៅប្រទេសហ្វីលីពីន ដោយមានទ្រព្យសម្បត្តិសរុប ២,៨ពាន់លានដុល្លារ គិតត្រឹមខែសីហា៕​

The post Mitsubishi ចាក់លុយជាង ៧០០លានដុល្លារ បង្កើនភាគហ៊ុនបីដងនៅក្នុងក្រុមហ៊ុនមហាសេដ្ឋីហ្វីលីពីន appeared first on .

ក្រុមហ៊ុនដែលស្ថិតនៅក្រោមការគ្រប់គ្រងរបស់ Villar មួយនេះ បានឱ្យដឹងនៅក្នុងរបាយការណ៍មួយដែលបានផ្ញើជូនផ្សារភាគហ៊ុនកាលពីថ្ងៃទី៩ ខែកញ្ញាថា ខ្លួនកំពុងពិនិត្យមើលលទ្ធភាពក្នុងការលក់ទ្រព្យសកម្មរបស់ខ្លួនមួយចំនួន ដែលអាចបង្កើតជាសាច់ប្រាក់រហូតដល់ ១៥ពាន់លានប៉េសូ (២៤០លានដុល្លារ)។

មិនតែប៉ុណ្ណោះ ក្រុមហ៊ុនអភិវឌ្ឍអចលនទ្រព្យនេះ ក៏កំពុងវាយតម្លៃលើជម្រើសយុទ្ធសាស្ត្រសម្រាប់ទ្រព្យសកម្មលក់រាយរបស់ខ្លួនផងដែរ រួមទាំងប្រតិបត្តិការដែលអាចពាក់ព័ន្ធនឹង VistaREIT ដែលជាប្រតិបត្តិករផ្សារទំនើប ក៏ដូចជាប្រភពសាច់ប្រាក់ងាយស្រួលផ្សេងទៀតដូចជា ការវិនិយោគហិរញ្ញវត្ថុ និងកម្ចីធនាគារថែមទៀតផង។

ជម្រាបជូនថា យោងតាមក្រុមហ៊ុនស្រាវជ្រាវ CreditSights បានគូសបញ្ជាក់នៅក្នុងកំណត់ចំណាំថ្មីៗរបស់ខ្លួនថា ក្រុមហ៊ុន Vista Land កំពុងប្រឈមមុខនឹងស្ថានភាពដ៏លំបាក ដោយមានបំណុលយ៉ាងច្រើនសន្ធឹកសន្ធាប់ដែលត្រូវសងក្នុងរយៈពេល ៣ឆ្នាំខាងមុខ រួមទាំងសញ្ញាប័ណ្ណចំនួន ៤៥០លានដុល្លារដែលនឹងត្រូវផុតកំណត់នៅខែកក្កដា ឆ្នាំ២០២៩៕​

The post ក្រុមហ៊ុនអចលនទ្រព្យមហាសេដ្ឋីហ្វីលីពីន Manuel Villar គ្រោងលក់ទ្រព្យសកម្មដើម្បីដោះបំណុល appeared first on .

ក្នុងរយៈពេលមួយឆ្នាំចុងក្រោយនេះ លោក Villar បានឃើញទ្រព្យសម្បត្តិរបស់លោកធ្លាក់ចុះមកត្រឹម ២,៤ពាន់លានដុល្លារ ពីចំនួន ១១ពាន់លានដុល្លារ ហើយក្រុមហ៊ុនអចលនទ្រព្យរបស់លោកគឺ Villar Land កំពុងប្រឈមមុខនឹងពាក្យបណ្តឹងព្រហ្មទណ្ឌពីគណៈកម្មការមូលបត្រ និងផ្សារហ៊ុនហ្វីលីពីន (SEC) ផងដែរ។

យ៉ាងណាមិញ ជុំវិញបញ្ហាបានកើតឡើងកាលពីខែឧសភាឆ្នាំមុន នៅពេលដែលការជួញដូរភាគហ៊ុនរបស់ក្រុមហ៊ុនត្រូវបានផ្អាកដោយសារតែការពន្យារពេលក្នុងការដាក់ស្នើរបាយការណ៍ហិរញ្ញវត្ថុដែលបានធ្វើសវនកម្មរបស់ខ្លួន។

បន្ទាប់ពី SEC បានដាក់ចេញបញ្ជាមួយក្នុងខែសីហា ឆ្នាំ២០២៥ ដោយពិន័យក្រុមហ៊ុន Villar Land ប្រធានក្រុមហ៊ុន លោក Villar និងនាយកប្រតិបត្តិជាន់ខ្ពស់ផ្សេងទៀតសរុបចំនួន ១២លានប៉េសូ។

មិនតែប៉ុណ្ណោះ ភាគហ៊ុនរបស់ក្រុមហ៊ុនបានធ្លាក់ចុះយ៉ាងខ្លាំងនៅពេលដែលការជួញដូរបានចាប់ផ្តើមឡើងវិញ នៅក្នុងខែវិច្ឆិកា ឆ្នាំ២០២៥។ បន្ទាប់មកវាបានធ្លាក់ចុះបន្ថែមទៀត នៅក្នុងខែមករា ឆ្នាំនេះ បន្ទាប់ពី SEC បានដាក់ពាក្យបណ្តឹងព្រហ្មទណ្ឌប្រឆាំងនឹងក្រុមហ៊ុន និងនាយកប្រតិបត្តិរបស់ខ្លួន ដោយចោទប្រកាន់ពីការរៀបចំទីផ្សារ ការជួញដូរផ្ទៃក្នុង និងការបង្ហាញព័ត៌មានបំភាន់។

គួរជម្រាបថា លោក Villar ពីមុន​ជា​បុគ្គល​មានបំផុត​របស់​ប្រទេស​នេះ ដែលមាន​ទ្រព្យសម្បត្តិ​សរុបប្រមាណ​មាន​ចំនួន ១៧,២ពាន់​លាន​ដុល្លារ នៅពេល​ដែល Forbes បាន​ចេញផ្សាយ​ចំណាត់ថ្នាក់​មហាសេដ្ឋី​ពិភពលោក​ឆ្នាំ២០២៥ កាលពី​ខែមេសា​ឆ្នាំមុន៕​

The post អតីតអ្នកមានដាច់គេរបស់ហ្វីលីពីន ធ្លាក់តំណែងចេញពីមហាសេដ្ឋីកំពូលទាំង៥ ក្រោយរបូតលុយអស់ជិត ៩ពាន់លានដុល្លារ appeared first on .

យោងតាមទស្សនាវដ្តី Forbes ទ្រព្យសម្បត្តិសរុបរបស់លោក Tan ឥឡូវនេះមានចំនួន ២,៩ពាន់លានដុល្លារ ដែលធ្វើឲ្យលោកហក់ឡើងមកកាន់ចំណាត់ថ្នាក់ទី៦ ពីចំណាត់ថ្នាក់ទីប្រាំបីក្នុងឆ្នាំ២០២៥ និងទីប្រាំពីរក្នុងឆ្នាំ២០២៤។

គួរឲ្យដឹងថា ជុំវិញការកើនឡើងនេះ បន្ទាប់ពីក្រុមហ៊ុនអាកាសចរណ៍ Philippine Airlines កាលពីខែមុនបានយល់ព្រមបញ្ជាទិញយន្តហោះថ្មីៗចំនួន ៣៤ គ្រឿងពីក្រុមហ៊ុន Boeing និង Airbus ដោយមានតម្លៃសរុបលើសពី ១២ពាន់លានដុល្លារ។

ហើយយ៉ាងណាមិញ ការបញ្ជាទិញយន្តហោះនេះ បានកើតឡើងបន្ទាប់ពីក្រុមហ៊ុនអាកាសចរណ៍ជាតិមួយនេះ បានរៃអង្គាសទឹកប្រាក់បានចំនួន ៣០០លានដុល្លារតាមរយៈការលក់មូលបត្របំណុលរយៈពេលប្រាំឆ្នាំ កាលពីដើមខែនេះ។

ជម្រាបជូនថា ក្រុមហ៊ុនអាកាសចរណ៍ដែលមានអាយុកាល ៨៥ឆ្នាំនេះ កំពុងពន្លឿនការធ្វើទំនើបកម្ម និងការពង្រីកជើងហោះហើរបស់ខ្លួន ខណៈពេលដែលប្រាក់ចំណូលកំពុងងើបឡើងវិញ។ ប្រាក់ចំណេញសុទ្ធបានកើនឡើង ៣៧% ដល់ ៩,៦ពាន់លានប៉េសូ (១៦០លានដុល្លារអាមេរិក) ក្នុងឆ្នាំ២០២៥ ខណៈពេលដែលប្រាក់ចំណូលបានកើនឡើង ៣,២% ដល់ ១៨៤ពាន់លានប៉េសូ ក្នុងរយៈពេលដូចគ្នា៕​

The post ស្ងាត់ៗ​ មេធំក្រុមហ៊ុនអាកាសចរណ៍ហ្វីលីពីន ឡើងតំណែងអ្នកមានបំផុតទី៦ របស់ប្រទេស appeared first on .

យោងតាមទស្សនាវដ្តី Forbes បានរាយការណ៍ថា លោក Razon ដែលជាប្រធានក្រុមហ៊ុនកំពង់ផែធំជាងគេរបស់ប្រទេស ឥឡូវនេះមានទ្រព្យសម្បត្តិសរុបចំនួន ២១,៨ពាន់លានដុល្លារ ពោលគឺបានកើនឡើងពី ១១,៥ពាន់លានដុល្លារ គិតនៅក្នុងខែសីហាឆ្នាំមុន។

គួរឲ្យដឹងថា ភាគហ៊ុនរបស់ក្រុមហ៊ុន ICTSI បានកើនឡើង ១១២% ពីមួយឆ្នាំទៅមួយឆ្នាំ ដែលជំរុញដោយបរិមាណពាណិជ្ជកម្មដ៏រឹងមាំ ពន្ធគយខ្ពស់ កំណើនសេវាកម្មដឹកទំនិញ និងការអនុវត្តប្រកបដោយជោគជ័យនៅទូទាំងបណ្តាញកំពង់ផែរបស់ខ្លួន។ លោក Razon គ្រប់គ្រងភាគហ៊ុន ៥១% នៅក្នុងក្រុមហ៊ុនតាមរយៈការកាន់កាប់ដោយផ្ទាល់ និងដោយប្រយោល។

គួរជម្រាបជូនផងដែរថា ក្រុមហ៊ុននេះបានមើលឃើញពីការកើនឡើងនៃប្រាក់ចំណូល ២៩% ពីមួយឆ្នាំទៅមួយឆ្នាំ ដល់ ៩៦១លានដុល្លារ គិតនៅត្រឹមក្នុងត្រីមាសទីមួយ ដែលជំរុញដោយការដាក់បញ្ចូលកំពង់ផែថ្មីៗពីរបន្ថែមទៀតគឺ Durban Gateway Terminal នៅអាហ្វ្រិកខាងត្បូង និង Batu Ampar Container Terminal នៅ Batam ប្រទេសឥណ្ឌូណេស៊ី៕​

The post អ្នកមានដាច់គេរបស់ហ្វីលីពីន កើនទ្រព្យសម្បត្តិជាង ១០ពាន់លានដុល្លារ ក្នុងរយៈពេលត្រឹមមួយឆ្នាំ​ appeared first on .

ជុំវិញចោទប្រកាន់នោះ បានធ្វើឲ្យភាគហ៊ុនរបស់ក្រុមហ៊ុន Villar Land ធ្លាក់ចុះដល់ទៅ ២៥% នៅថ្ងៃចន្ទ បន្ទាប់ពីការជួញដូរបានបន្តឡើងវិញ ក្រោយផ្អាករយៈពេលមួយម៉ោង ដោយផ្សារហ៊ុនហ្វីលីពីន។ យោងតាម ​​Forbes ភាគហ៊ុនរបស់ក្រុមហ៊ុនផ្សេងទៀតដែលមានទំនាក់ទំនងជាមួយ Villar ក៏បានធ្លាក់ចុះផងដែរ។

មិនតែប៉ុណ្ណោះ គណៈកម្មការមូលបត្រ និងទីផ្សារភាគហ៊ុនហ្វីលីពីន (SEC) បានបន្ថែមទៀតថា អង្គភាពដែលមានទំនាក់ទំនងជាមួយលោក Manuel Villar រួមទាំងក្រុមហ៊ុន Infra Holdings ដែលជាកម្មសិទ្ធិរបស់ប្អូនប្រុសរបស់លោក Villar ក៏ត្រូវបានចោទប្រកាន់ពីការរៀបចំការជួញដូរក្លែងក្លាយ ដើម្បីផ្តល់ភាគហ៊ុនដល់ក្រុមហ៊ុន Villar Land ផងដែរ។

យ៉ាងណាមិញ SEC បានដាក់សំណើរបស់ខ្លួនទៅកាន់ក្រសួងយុត្តិធម៌កាលពីថ្ងៃសុក្រសប្តាហ៍មុន ហើយក្រសួង បាននិយាយកាលពីថ្ងៃចន្ទថា ខ្លួនកំពុងពិនិត្យមើលពាក្យបណ្តឹងនេះ។

ជម្រាបជូនថា លោក Villar ធ្លាប់ត្រូវបានចាត់ថ្នាក់ជាបុគ្គលមានបំផុតនៅក្នុងប្រទេសហ្វីលីពីននៅក្នុងបញ្ជីមហាសេដ្ឋីពិភពលោកឆ្នាំ២០២៥ របស់ទស្សនាវដ្តី Forbes ដែលចេញផ្សាយកាលពីខែមេសាឆ្នាំមុន ជាមួយនឹងទ្រព្យសម្បត្តិសរុប ១៧,២ពាន់លានដុល្លារ តែឥឡូវមហាសេដ្ឋីរូបនេះស្ថិតនៅលំដាប់ទីបួន ជាមួយនឹងទ្រព្យសម្បត្តិ ៣,៤ពាន់លានដុល្លារ គិតត្រឹមថ្ងៃទី ២ ខែកុម្ភៈ ឆ្នាំ ២០២៦៕​

The post មហាសេដ្ឋីអចលនទ្រព្យកំពូលហ្វីលីពីន បាត់លុយជាង ១ពាន់លានដុល្លារ ក្នុងពេលត្រឹមមួយថ្ងៃ appeared first on .

ភាគហ៊ុនរបស់ក្រុមហ៊ុន Villar Land ដែលពីមុនត្រូវគេស្គាល់ថាជាក្រុមហ៊ុន Golden MV Holding បានបន្តជួញដូរឡើងវិញ កាលពីថ្ងៃព្រហស្បតិ៍សប្តាហ៍មុន បន្ទាប់ពីមានការផ្អាកអស់រយៈពេល ៦ខែ ដោយសារតែមិនបានដាក់របាយការណ៍ហិរញ្ញវត្ថុពាក់ព័ន្ធ។

បន្ទាប់មក តម្លៃភាគហ៊ុនរបស់ក្រុមហ៊ុនបានធ្លាក់ចុះសរុប ៧៦% ក្នុងវគ្គជួញដូរបីថ្ងៃចុងក្រោយ គិតត្រឹមថ្ងៃអង្គារ ដែលជាការធ្លាក់ចុះយ៉ាងខ្លាំងបំផុត ចាប់តាំងពីបានចេញលក់ជាសាធារណៈ។ ក្នងនោះលោក Villar កាន់កាប់ភាគហ៊ុនរបស់ក្រុមហ៊ុនចំនួន ៨៩%។

យ៉ាងណាមិញ ជុំវិញការធ្លាក់ចុះនេះបានដកហូតតំណែងរបស់លោក Villar ក្នុងនាមជាកំពូលអ្នកមានបំផុតរបស់ប្រទេសហ្វីលីពីន ផងដែរ។ ឥឡូវនេះ យោងតាម Bloomberg បានរាយការណ៍ថាទ្រព្យសម្បត្តិសរុបរបស់លោក Villar មានត្រឹម ៥,៦ពាន់លានដុល្លារ ពោលគឺធ្លាក់ចុះពីចំនួនជាង ២០ពាន់លានដុល្លារ កាលពីដើមខែនេះ។

ជម្រាបជូនផងដែរថា បច្ចុប្បន្ន លោក Villar នៅចំណាត់ថ្នាក់លេខពីរ តាមពីក្រោយហាសេដ្ឋី Enrique Razon ដែលមានទ្រព្យសម្បត្តិសរុប ១៣,២ពាន់លានដុល្លារ៕​

The post លោក Manuel Villar បាត់តំណែងជាអ្នកមានដាច់គេរបស់ហ្វីលីពីន ក្រោយរបូតលុយអស់ ១៦ពាន់លានដុល្លារ appeared first on .

ក្រុមហ៊ុន Aboitiz នឹងចំណាយទឹកប្រាក់ប្រមាណ ១២,៨ពាន់លានប៉េសូ (២២៦លានដុល្លារ) ដើម្បីធ្វើឲ្យប្រសើរឡើងនូវអាកាសយានដ្ឋាន Laguindingan ស្ថិតនៅក្នុងខេត្ត Misamis Oriental ភាគខាងត្បូងនៃកោះ Mindanao ។ ជាមួយនឹងកិច្ចសន្យាដែលមានរយៈពេលដល់ទៅ ៣០ឆ្នាំ Aboitiz ត្រូវបានគេរំពឹងថានឹងចុះហត្ថលេខាជាមួយរដ្ឋាភិបាល នៅចុងខែតុលា ដើម្បីចាប់ផ្តើមប្រតិបត្តិការ និងអភិវឌ្ឍលើអាកាសយានដ្ឋានអន្តរជាតិនេះ។

ក្រុមហ៊ុន Aboitiz InfraCapital បាននិងកំពុងចុះទុនលើការវិនិយោគរបស់ខ្លួន នៅក្នុងព្រលានយន្តហោះធំៗរបស់ហ្វីលីពីនចំនួនពីររួចមកហើយ ដោយនៅឆ្នាំ២០២២ ពួកគេបានទិញយកអាកាសយានដ្ឋានអន្តរជាតិ Mactan-Cebu ពីក្រុមហ៊ុន Megawide ក្នុងតម្លៃ ២៥ពាន់លានប៉េសូ។ ហើយកាលពីពេលថ្មីៗនេះ ក្រុមហ៊ុនក៏បានដាក់សំណើដើម្បីសុំអភិវឌ្ឍ និងដំណើរការប្រលានយន្តហោះផ្សេងទៀត រួមទាំងអាកាសយានដ្ឋានអន្តរជាតិ Bohol-Panglao ថ្មី ដែលស្ថិតនៅចំកណ្តាលប្រទេសហ្វីលីពីន ផងដែរ។

ជម្រាបជូនថា ក្រុមហ៊ុន Aboitiz Equity ជាក្រុមហ៊ុនឈានមុខគេមួយរបស់ប្រទេសហ្វីលីពីន ដែលរកស៊ីលើវិស័យធំៗដូចជាថាមពល ធនាគារ សេវាកម្មហិរញ្ញវត្ថុ អាហារ និងអចលនទ្រព្យ និងត្រូវបានដឹកនាំដោយមហាសេដ្ឋីលោក Sabin Aboitiz។ ហើយបើតាមការចុះផ្សាយពី Forbes បានបង្ហាញឲ្យដឹងថា ទ្រព្យសម្បត្តិសរុបរបស់ លោក Sabin និងគ្រួសារ មានចំនួនប្រមាណ ២,២ពាន់លានដុល្លារ៕

The post គ្រួសារមហាសេដ្ឋីហ្វីលីពីនមួយ ដេញថ្លៃឈ្នះគម្រោងអភិវឌ្ឍអាកាសយានដ្ឋានក្នុងស្រុកតម្លៃជាង ២០០លានដុល្លារ appeared first on .

បើ​ទោះ​ជា​ទ្រង់​ជាប់​ងារ​ជា​បុគ្គល​មាន​ឥទ្ធិពល​មួយ​រូប​ក្នុង​ចំណោម​មនុស្ស​រាប់​រយ​លាន​នាក់​ក៏​ពិតមែន តែ​បើ​និយាយ​ពី​ទំហំ​ទ្រព្យ​សម្បត្តិ​វិញ គឺ​នៅ​ចាញ់​ស្ដេចត្រាញ់​ឥណ្ឌូណេស៊ី​នៅឡើយ គឺលោក Prajogo Pangestu ដែល​មាន​ទ្រព្យ​សម្បត្តិ​ច្រើន​បំផុត​នៅ​អាស៊ីអាគ្នេយ៍។

ខាងក្រោមនេះ គឺជា​បញ្ជីឈ្មោះ​មហាសេដ្ឋីមាន​បំផុត​ប្រចាំ​ប្រទេស​នៅ​តំបន់អាស៊ីអាគ្នេយ៍ សម្រាប់​ឆ្នាំ ២០២៣ ផ្អែកតាម​ទិន្នន័យផ្ដល់​ឲ្យ​ដោយ​ Forbes៖

1/ មហាសេដ្ឋី Prajogo Pangestu នៃ​ប្រទេស​ឥណ្ឌូណេស៊ី​ មាន​ទ្រព្យសម្បត្តិ​ប្រមាណ ៤៦,២ពាន់​លាន​ដុល្លារ

2/ ​ស្ដេច​សុល​តង់ Sultan Hassanal Bolkiah នៃ​ប្រទេស​ប៊្រុយណេ មាន​ទ្រព្យសម្បត្តិ​ប្រមាណ ៣០ពាន់​លាន​ដុល្លារ

3/ លោក Li Xiting នៃ​ប្រទេស​សិង្ហបុរី មាន​ទ្រព្យសម្បត្តិ​ប្រមាណ ១៤,៦ ពាន់​លាន​ដុល្លារ

4/ បងប្អូន​ត្រកូល Chearavanont នៃ​ប្រទេស​ថៃ មាន​ទ្រព្យសម្បត្តិ​ប្រមាណ ១២,៦ពាន់​លាន​ដុល្លារ

5/ លោក Tan Sri Robert Kuok នៃ​ប្រទេស​ម៉ាឡេស៊ី មាន​ទ្រព្យសម្បត្តិ​ប្រមាណ ១០,៣ពាន់​លាន​ដុល្លារ

6/ មហាសេដ្ឋី Manuel Villar នៃ​ប្រទេស​ហ្វីលីពីន មាន​ទ្រព្យសម្បត្តិ​ប្រមាណ ៩,២ពាន់​លាន​ដុល្លារ

7/ លោក Pham Nhat Vuong នៃ​ប្រទេស​វៀតណាម មាន​ទ្រព្យសម្បត្តិ​ប្រមាណ ៤,៤ពាន់​លាន​ដុល្លារ

បញ្ជាក់​ដែរ​ថា ដោយសារ​នៅ​ប្រទេស​ ៤ផ្សេង​ទៀត​ដូចជា ប្រទេស​ឡាវ កម្ពុជា មីយ៉ាន់ម៉ា និង​ទីម័រខាងកើត​មិន​មាន​ព័ត៌មាន​បញ្ជាក់​ច្បាស់លាស់​ពី​ទំហំ​ទ្រព្យសម្បត្តិ​របស់​បុគ្គល​មាន​បំផុត​ប្រចាំ​ប្រទេស ទើប​ឧកញ៉ាញូវសន៍​មិន​អាច​រក​ទិន្នន័យ​មក​ចុះផ្សាយ​បាន៕

The post ទម្លាយឈ្មោះមហាសេដ្ឋីមានបំផុតប្រចាំប្រទេស នៅតំបន់អាស៊ីអាគ្នេយ៍ appeared first on .