ក្នុងរយៈពេល៤ថ្ងៃនោះ រដ្ឋបាលខេត្ត និងសហភាពសហព័ន្ធយុវជនកម្ពុជា ខេត្តសៀមរាប នឹងមានរៀបចំកម្មវិធីមួយចំនួនដូចខាងក្រោម៖

១-ថ្ងៃទី១៣ ខែមេសា ឆ្នាំ២០២៦ ៖ កម្មវិធីជិះទូកកម្សាន្ត និងស្តង់ពិព័រណ៍។

២-ថ្ងៃទី១៤ ខែមេសា ឆ្នាំ២០២៦៖ កម្មវិធីទទួលទេវតា ជិះទូកកម្សាន្ត ស្តង់ពិព័រណ៍ តន្ត្រីស្គរដ សម្ដែងសិល្បៈចម្រុះ ល្បែងប្រជាប្រិយ និងសកម្មភាពផ្សេងៗ។

៣-ថ្ងៃទី១៥ ខែមេសា ឆ្នាំ២០២៦ ៖ កម្មវិធីពួនភ្នំខ្សាច់ និងទៅវត្ត ជិះទូកកម្សាន្ត ស្តង់ពិព័រណ៍ តន្ត្រីស្គរដៃសម្ដែងសិល្បៈចម្រុះ ល្បែងប្រជាប្រិយ និងសកម្មភាព ផ្សេងៗតាមតំបន់។

៤-ថ្ងៃទី១៦ ខែមេសា ឆ្នាំ២០២៦ កម្មវិធីស្រង់ព្រះជិះទូកកម្សាន្ត ស្តង់ពិព័រណ៍ ប្រគុំតន្ត្រី និងសម្តែង សិល្បៈចម្រុះ ល្បែងប្រជាប្រិយ និងសកម្មភាពផ្សេងៗតាមតំបន់។

ជាមួយគ្នានេះ រដ្ឋបាលខេត្តសៀមរាប ក៏បានជម្រុញឱ្យភ្ញៀវទេសចរជាតិ និងអន្តរជាតិចូលរួមទស្សនាកម្សាន្តឱ្យបានច្រើនកុះករ និង ទទួលយកពរជ័យ សិរីមង្គលពីឆ្នាំថ្មី៕

The post រដ្ឋបាលខេត្តសៀមរាប នឹងធ្វើពិធីបុណ្យចូលឆ្នាំខ្មែរ៤ថ្ងៃ ដើម្បីជំរុញកំណើនសេដ្ឋកិច្ចជាតិ appeared first on .

រដ្ឋបាលខេត្តសៀមរាប បានឱ្យដឹងបន្ថែមថា ក្នុងរយៈពេល ៣ថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ ភ្ញៀវទេសចរបរទេស ភ្ញៀវទេសចរជាតិ និងបងប្អូនប្រជាពលរដ្ឋ មានចំនួនប្រមាណ ២ ៧៥២ ៨១៨ នាក់ ក្នុងនោះរួមមានភ្ញៀវទេសចរបរទេសប្រមាណ ចំនួន ១២ ៨១៨ នាក់ និងភ្ញៀវទេសចរជាតិ និងបងប្អូនប្រជាពលរដ្ឋមានចំនួន ប្រមាណ ២ ៧៤០ ០០០នាក់។

ក្នុងនាមរដ្ឋបាលខេត្តសៀមរាប ក៏បានថ្លែងអំណរគុណយ៉ាងជ្រាលជ្រៅចំពោះអនុគណៈកម្មការនីមួយៗ នៃព្រឹត្តិការណ៍អង្គរសង្ក្រាន្ត ដែលបានរៀបចំ និងសម្របសម្រួលបានយ៉ាងល្អប្រសើរ និងសូមថ្លែងអំណរគុណចំពោះកងកម្លាំងប្រដាប់អាវុធទាំងអស់ដែលបានសម្រួលចរាចរណ៍ដែលមិនឱ្យមានការកកស្ទះយូរ និងបានការពារបាននូវសន្តិសុខ សណ្តាប់ធ្នាប់បានយ៉ាងល្អ។

ជាថ្មីម្តងទៀត រដ្ឋបាលខេត្ត ក៏បានថ្លែងអំណរគុណដល់ក្រុមការងារសម្អាតអនាម័យ បរិស្ថានដែលបានចំណាយពេលវេលា និងយកអស់កម្លាំងកាយចិត្តក្នុងការសម្អាតអនាម័យបរិស្ថាន និងបានដឹកយកកាកសំណល់ចេញទាន់ពេលវេលា ដែលធ្វើឱ្យអនាម័យបរិស្ថានក្នុងព្រឹត្តិកា រណ៍អង្គរសង្ក្រាន្តមានសភាពស្អាតល្អផងដែរ៕ អត្ថបទ៖ ហ្សាលីន

The post ពលរដ្ឋ និងភ្ញៀវទេសចរចំនួន ២.៧លាននាក់ បានទៅកម្សាន្តក្នុងខេត្តសៀមរាប អំឡុងអង្គរសង្ក្រាន្ត ៣ថ្ងៃ appeared first on .

លោកអភិបាលខេត្តសៀមរាប ​​បាន​បង្ហោះរូបភាព​និង​សារ​លើ​ទំព័រ​ហ្វេសប៊ុក​ផ្លូវការ​របស់​លោក កាល​ពី​ម្សិល​មិញ​ថា៖ “សង្ក្រាន្ត និងកល្យាណី មានប្អូនហើយ។ សូរ្យកាន្ត បើកភ្នែកឃើញពន្លឺព្រះអាទិត្យ ជាលើកទីមួយ​នៃ​ការចាប់ផ្តើមជីវិតរបស់គេ។ ពេលវេលាពិតជាដើរលឿនមែន មួយរំពេចសោះ រៀបការបាន៧ឆ្នាំបាន​កូន​៣។ ល្មមសម្រាប់ខ្ញុំ និងអាចល្មមសម្រាប់ប្រពន្ធដែរ មិននឹកស្មានថា ខ្ញុំនិងប្រពន្ធអាចមានកូនដល់តែ៣​បាន”។

លោក ទៀ សីហា ​​បាន​លើក​ឡើង​ពី​ប្រវត្តិ​របស់​លោក ជាមួយ​នឹង​កូនៗ​ទាំង​៣​ដូច​​ខាង​ក្រោម៖

កូនទី១ (សង្ក្រាន្ត) បានធ្វើ​ឱ្យ​លោក​យល់ពី ប៉ា និងម៉ាក់ច្រើន មិនថាការស្រឡាញ់ ការមើលថែ ព្រមទាំង​ក្តីបារម្ភពីកូនគ្រប់ពេល។ លោកប៉ាជាទាហាន រវល់សឹងតែរកពេលជួបកូនមិនបាន (ចាប់ពីការរំដោះ​របប​ប្រល័យពូជសាសន៍រួច រហូតបន្តមានសង្គ្រាមសុីវិលក្នុងប្រទេសកម្ពុជា និងត្រូវការកសាងប្រទេសឡើងវិញ ចាប់ពីចំណុចសូន្យ លោកប៉ាមិនដែលមានពេលនោះទេ។

កូនទី២ (កល្យាណី) ដោយសារតែជំងឺកូវីដ-១៩ ធ្វើឱ្យ​លោក​មិនអាចនៅក្បែរបាន តាំងពីកើតមក ជិត៦ខែ​បានអាចឱបថើបកូនបាន បារម្ភការឆ្លងកូវីដ និងមេរោគផ្សេងៗ។ ចំណុចនេះក៏នឹកដល់ប៉ារបស់​លោក​ថែម​ទៀត ពេលត្រូវបំពេញបេសកកម្មឆ្ងាយពីគ្រួសារ ដើម្បីស្វែងរកសន្តិភាព ក៏ប៉ាត្រូវនៅឆ្ងាយពីកូនដែរ។

ដល់កូនទី៣ (សូរ្យកាន្ត) យើងមានសន្តិភាពគ្រប់គ្រាន់ កូន​របស់​លោក​មានសុខភាពល្អ ដៃជើងគ្រប់ មុខ​មាត់​សង្ហារដូចឪពុក។

ទោះ​យ៉ាងណា ​​ដោយ​សារ​លោក​ជា​អភិបាលខេត្តសៀមរាប ​​និង​មាន​ភារកិច្ច​ច្រើន​ត្រូវ​បំពេញ លោក​នឹង​វិល​ត្រឡប់​ទៅ​បំពេញ​ការងារ​នៅ​​សាលា​ខេត្ត​សៀមរាប​វិញ​ ជាមួយបងប្អូនមន្ត្រីរាជការគ្រប់ថ្នាក់ ទុកឱ្យ​ប្រពន្ធ និងបងៗស្រី ជួយ​មើលកូនទាំង៣សិន។

គួរ​បញ្ជាក់​ផង​ដែរ​ថា លោក ទៀ សីហា កូនប្រុសបង្កើតសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ទើប​ត្រូវបានព្រះមហាក្សត្រ​ត្រាស់បង្គាប់តែងតាំងមុខតំណែង​ជាអភិបាល​ខេត្ត​សៀមរាប សម្រាប់អាណត្តិទី២បន្តក្នុងដែនសមត្ថកិច្ចដដែល កាលពី​ថ្ងៃទី​១៦ ខែ​វិច្ឆិកា ឆ្នាំ២០២២។

លោក ទៀ សីហា ធ្លាប់ជាអតីតអភិបាលរងខេត្តសៀមរាប ជា​នាយទាហានជាន់ខ្ពស់​នៅ​ក្រសួងការពារជាតិ​ ដែល​មាន​ឋានន្តរ​សក្តិឧត្តមសេនីយ៍ទោ ត្រូវ​បានតែងតាំង​ជា​អភិបាលខេត្ត​សៀមរាប​ កាលពីថ្ងៃទី១៦ ខែធ្នូ ឆ្នាំ២០១៨ ជំនួស​លោក ឃឹម ប៊ុ​ន​សុង ដែល​ត្រូវ​បាន​​ដំឡើង​ឋានន្តរ​សក្តិថ្នាក់​នាយ​ឧត្តមសេនីយ៍ ​(​ផ្កាយ​៤) និងតែង​តាំង​​ជា​រដ្ឋលេខាធិការ​ក្រសួងការពារជាតិ​វិញ៕

The post មកស្គាល់ឈ្មោះកូនទាំង៣ របស់លោក ទៀ សីហា អភិបាលខេត្តសៀមរាប appeared first on .

លោក ទៀ សីហា បានបញ្ចប់​បរិញ្ញាបត្រ ​ផ្នែក​ពាណិជ្ជកម្ម ពី​មហាវិទ្យាល័យ Passy Saint-Honoré នាទី​ក្រុងប៉ារីស ប្រទេស​បារាំង នៅឆ្នាំ ​២០០១​។ ក្នុង​ដំណាក់កាល​នោះ លោកបាន​ចូល​សិក្សា​រយៈពេល​ពេញ​មួយឆ្នាំ នៅ​សាលា​ទាហាន ឈ្មោះ École Spéciale Militaire de Saint-Cyr ដែលជា​រាជបណ្ឌិត្យ​សភា​យោធា​របស់​ប្រទេស​បារាំង។

កូនប្រុសទី២ របស់សម្តេចពិជ័យសេនា ទៀ បាញ់ រូបនេះ ត្រូវ​បាន​ត្រាស់​បង្គាប់​តែងតាំង​ជា​អភិបាលខេត្ត​សៀមរាប​ ជំនួស​លោក ឃឹម ប៊ុ​ន​សុង ដែល​ត្រូវ​បាន​ព្រះមហាក្សត្រ​ត្រាស់​បង្គាប់​ដំឡើង​ឋានន្តរ​សក្តិថ្នាក់​នាយ​ឧត្តមសេនីយ៍​(​ផ្កាយ​៤) និងតែង​តាំង​​ជា​រដ្ឋលេខាធិការ​ក្រសួងការពារជាតិ​វិញ កាលពីថ្ងៃទី០៦ ខែធ្នូ ឆ្នាំ២០១៨ ខណៈដែល​ពី​មុន លោក​​ ទៀ សីហា ជា​អភិបាលរង​ខេត្តសៀមរាប​ និង​ជា​នាយទាហានជាន់ខ្ពស់​នៅ​ក្រសួងការពារជាតិ​ ដែល​មាន​ឋានន្តរ​សក្តិឧត្តមសេនីយ៍ទោ ផងដែរ៕

The post កូនសម្តេចពិជ័យសេនា ទៀ បាញ់ ទទួលបានការដំឡើងឋានន្តរស័ក្តិ ជាឧត្តមមន្ត្រី ខ្ពស់ផុតលេខ appeared first on .

សេចក្តីសម្រេចចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តី នៅថ្ងៃទី២០ ខែមេសា ឆ្នាំ២០២២ សម្រេចប្រគល់ភារកិច្ចឲ្យលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាប្រធានគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ លោក ថោង ខុន រដ្ឋមន្ត្រីក្រសួងទេសចរណ៍ ជាអនុប្រធានអចិន្ត្រៃយ៍ និងមានសមាជិកចំនួន ៣៥រូប។

ក្នុងនោះ លោកស្រី ភឿង សកុណា រដ្ឋមន្រ្តី​ក្រសួង​វប្បធម៌ និង​វិចិត្រ​សិល្បៈ​ លោក សាយ សំអាល់ រដ្ឋមន្រ្តីក្រសួងបរិស្ថាន ជាអនុប្រធាន ខណៈដែលរដ្ឋមន្រ្តីក្រសួងជាសមាជិកចំនួន ៧រូបទៀត រួមមាន៖ លោកទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន លោក លឹម គានហោ រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប លោក ជា វ៉ាន់ដេត ​រដ្ឋមន្ត្រី​ក្រសួង​ប្រៃសណីយ៍ ​និង​ទូរគមនាគមន៍ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល លោក ឈិត សុខុន រដ្ឋមន្រ្តីក្រសួងធម្មការ និងសាសនា លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងលោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋាន អាកាសចរស៊ីវិល។

ជាមួយគ្នានេះ លោក ទៀ សីហា ដែលជាអភិបាលខេត្តសៀមរាប ក៏ត្រូវបានតែងតាំងជាសមាជិកប្រចាំការផងដែរ។

ការបង្កើតគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ គឺដើម្បីដឹកនាំ សម្របសម្រួល និងត្រួតពិនិត្យការអភិវឌ្ឍគោលដៅទេសចរណ៍ខេត្តសៀមរាប ដោយអនុវត្តតាមផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥ ឱ្យមានប្រសិទ្ធភាពសំដៅ បង្កើនភាពប្រកួតប្រជែង និងធានាបាននូវនិរន្តរភាព។

បើតាមអនុក្រឹត្យនេះ ការគ្រប់គ្រង និងការអភិវឌ្ឍទេសចរណ៍នៅតាមតំបន់ទេសចរណ៍អាទិភាពត្រូវមានអង្គភាពគ្រប់គ្រង គោលដៅទេសចរណ៍ដោយឡែក ដែលស្ថិតក្រោមការគ្រប់គ្រងរបស់ គ. អ. ទ. ស.។ អង្គភាពគ្រប់គ្រងគោលដៅទេសចរណ៍ដោយឡែក ត្រូវបានបង្កើតឡើងតាមតំបន់ចំនួន៦ ដូចខាងក្រោម៖

១៖ តំបន់ឧទ្យានជាតិភ្នំគូលែន
២៖ តំបន់ទេសចរណ៍ជុំវិញតំបន់ការពារប្រាសាទបន្ទាយស្រី
៣៖ តំបន់បេតិកភណ្ឌអង្គរ
៤៖ តំបន់ក្រុងសៀមរាប
៥៖ តំបន់បឹងទន្លេសាប
៦៖ តំបន់ទេសចរណ៍សៀមរាបថ្មី។

The post លោក អូន ព័ន្ធមុនីរ័ត្ន ត្រូវបានតែងតាំងជាប្រធានដឹកនាំអភិវឌ្ឍន៍ទេសចរណ៍សៀមរាប-អង្គរ appeared first on .

ការសាងសង់​រង្វង់មូល​ស្វាយ​ធំ​នេះ ដើម្បីបញ្ចៀសការកកស្ទះចរាចរណ៍ ហើយ​ក៏​យកចិត្តទុកដាក់​លើការ​ប្រើប្រាស់​អត្តសញ្ញាណ​ជាតិ​ ដោយ​បាន​រចនា​ដោយ​ផ្ការំដួល​នៅចំ​កណ្តាល​ពណ៌​លឿងទាក់​ភ្នែក​អ្នក​ដំណើរ​ផង​ដែរ។

The post រង្វង់​មូល​ស្វាយ​ធំ​ខេត្ត​សៀមរាប រំលេច​រូបរាង​យ៉ាង​ស្រស់​ស្អាត​បង្កប់​អត្តសញ្ញាណ​ជាតិ appeared first on .

កម្មវិធីប្រកួតវាយកូនគោលសៀមរាបសង្ក្រាន្ត ២០២២ លើកនេះ ក៏មានវត្តមានក្មួយប្រុសសម្តេចនាយក​រដ្ឋមន្ត្រី ហ៊ុន សែន គឺអ្នកឧកញ៉ា ហ៊ុន តូ រួមនឹងអ្នកជំនួញ មន្រ្តីជាន់ខ្ពស់រដ្ឋាភិបាលជាច្រើនរូប ចូលរួមអមដំណើរសម្តេចពិជ័យសេនា ទៀ បាញ់ ផងដែរ។

លោក ទៀ សីហា អភិបាលខេត្តសៀមរាប បានបញ្ជាក់ជូនបងប្អូនប្រជាពលរដ្ឋ ភ្ញៀវទេសចរជាតិ-អន្តរជាតិទាំងអស់ឲ្យបានជ្រាបដែលថា សម្រាប់កម្មវិធីថ្ងៃនេះ នឹងមានកម្មវិធី «ថ្ងៃខ្មែរ» នៅបរិវេណភូមិសង្ក្រាន្ត (ប្រាសាទចៅសាយទេវតា) ដោយនឹងតម្រូវឲ្យបងប្អូនប្រជាពលរដ្ឋសម្លៀកបំពាក់បែបប្រពៃណីខ្មែរបុរាណទាំងអស់គ្នា ដើម្បីបង្ហាញទៅកាន់ អន្តរជាតិឲ្យបានស្គាល់ពីវប្បធម៌ខ្មែរយើង ឲ្យកាន់តែទូលំទូលាយជាងមុន និងមានការដង្ហែរក្បួន និងកម្មវិធីសប្បាយផ្សេងៗទៀតជាច្រើន។

The post អ្នកឧកញ៉ា ហ៊ុន តូ អមដំណើរសម្តេច ទៀ បាញ់ បើកកម្មវិធីប្រកួតវាយកូនគោលសៀមរាបសង្ក្រាន្ត appeared first on .

យោងតាមរបាយការណ៍របស់ក្រសួងទេសចរណ៍ដែលសង្កេតរយៈពេលប៉ុន្មានខែមកនេះ ក្នុងឱកាសចូលឆ្នាំថ្មីប្រពៃណីខ្មែរខាងមុខនេះគឺមានភ្ញៀវទេសចរណ៍ច្រើនចេញដើរកម្សាន្ត ខណៈមកទល់ពេលនេះគោលដៅទេសចរណ៍ធំគឺមានការកក់សណ្ឋាគារ ផ្ទះសំណាក់ច្រើនគួរសមហើយ ។

ឯកឧត្តម ថោង ខុនបានថ្លែងថា «ទោះបីសាំងឡើងថ្លៃ តែប្រជាពលរដ្ឋក៏មានការសន្សំសំចៃដែរ ដើម្បីទុកថវិកាចាយវាយនៅពេលចូលឆ្នាំ…..មិនជិះឡានមួយម្នាក់ឯងទេ គឺអាចធ្វើដំណើរទៅជាក្រុមៗ ដើម្បីកាត់បន្ថយថ្លៃចំណាយក្នុងការធ្វើដំណើរ»។

ឯកឧត្តមបានបង្ហាញគោលដៅទេសចរណ៍សំខាន់ៗមានដូចជា៖

សៀមរាបអង្គរ ៖ក្នុងឱកាសចូលឆ្នាំខាងមុខនេះអាជ្ញាធរជាតិអប្សរាបានខិតខំកែលម្អសោភ័ណភាពបានច្រើនដើម្បីទទួលភ្ញៀវទេសចរណ៍ដែលដើរកម្សាន្តប្រកបដោយធាតុអាកាសល្អ ខណៈដែលផ្លូវ៣៨ខ្សែរទើបតែសម្ភោធឲ្យប្រើប្រាស់ងាយស្រួលក្នុងការធ្វើដំណើរ មានសុវត្ថិភាព។បន្ថែមពីនេះទៀតនឹងមានរៀបចំព្រឹត្តិការណ៍សង្ក្រាន្តសៀមរាបនៅក្រុងសៀមរាប ផាប់ស្ត្រីត (Pub Street) អុំទូកលេងនៅតាមដងស្ទឹងសៀមរាប ល្បែងល្បាំប្រជាប្រិយ ការតាំងពិព័រណ៍ ពិធីកម្សាន្តតាមបែបសាសនានៅប្រាសាទចៅសាយទេវតាជាដើម។

ខេត្តព្រះសីហនុ ៖ មានការអភិវឌ្ឃទីក្រុងយ៉ាងស្អាត​ ម្យ៉ាងទៀតភ្ញៀវទេសចរណ៍ចង់លេងទឹកកម្សាន្តដែលប្រកបដោយឆ្នេរខ្សាច់ស្អាតៗ រួមទាំងបណ្ដាកោះនានាក៏មានភាពទាក់ទាញយ៉ាងខ្លាំងផងដែរ។

ខេត្តមណ្ឌលគិរី និង​រតនគិរី ក៏សម្បូរដោយតំបន់ទេសចរណ៍ផងដែរ ព្រោះសម្បូរទៅដោយទេសភាពស្អាតគួរជាទីមនោរម្យ។

ខេត្តបាត់ដំបងមានតំបន់កសិទេសចរណ៍ដែលមានការរៀបចំទទួលភ្ញៀវយ៉ាងល្អ។ស្រុកវាលវែង​ ខេត្តពោធិ៍សាត់ រួមទាំងខេត្តផ្សេងៗទៀតក៏បានរៀបចំទទួលភ្ញៀវដែលមកពីគ្រប់ទិសទីដើម្បីមកទស្សនាទំបន់ទេសចរណ៍ក្នុងខេត្តរបស់ខ្លួនផងដែរ។

ក្រៅពីនោះ ភ្ញៀវទេសចរក៏អាចទៅទស្សនាកម្សាន្តនៅតាមគោលដៅប្រមាណ១៧គោលដៅទៀត ដូចជានៅ​សហគមន៍អេកូទេសចរណ៍ចង្ក្រានរយ ស្រុកវ៉ារិន នៅតំបន់ភ្នំគូលែនក៏មានសហគមន៍ថ្មីៗ២-៣ទៀតដែរ។ ជាមួយគ្នានោះ តំបន់ទន្លេសាបក៏មានភាពទាក់ទាញ ដូចជានៅសហគមន៍ចុងឃ្នាសក៏មានការរៀបចំឱ្យមានសកម្មភាពទេសចរណ៍ទាក់ទាញឡើងវិញ បន្ទាប់ពីរាជរដ្ឋាភិបាលបានទទួលយកមកគ្រប់គ្រងវិញ។

ជាមួយគ្នានេះដែរឯកឧត្ដមរដ្ឋមន្ត្រីបានរំឭកអំពីគោលការណ៍ថ្មីនៃការធ្វើដំណើរកម្សាន្តដែលប្រមុខរាជរដ្ឋាភិបាលបានដាក់ចុះថ្មីៗនេះ គឺត្រូវប្រកាន់ខ្ជាប់នូវការងារបីចំណុច៖

ទី១៖ ត្រូវអនុវត្តនូវវិធានការណ៍ «៣-ការពារ ៣-កុំ» ប្រកាន់ខ្ជាប់នូវការពាក់ម៉ាស រក្សាគម្លាត សម្អាតនឹងទឹកអាកុលឱ្យបានត្រឹមត្រូវ ពិសេសត្រូវយកកាតវ៉ាក់សាំងដាក់តាមខ្លួន រាល់ពេលចេញដើរកម្សាន្ត ព្រោះមានកន្លែងខ្លះតម្រូវឱ្យភ្ញៀវបង្ហាញកាតចាក់វ៉ាក់សាំង ម្យ៉ាងទៀតក្រសួងសុខាភិបាលក៏មានការលើកទឹកចិត្តឱ្យប្រជាពលរដ្ឋចូលចាក់វ៉ាក់សាំងនៅកន្លែងកម្សាន្តនោះតែម្ដង ប្រសិនបើដល់វេនចាក់ដូសទី៣ (ដូសជំរុញ)។

ទី២៖ ត្រូវប្រកាន់នូវស្មារតីគោរពច្បាប់ចរាចរណ៍ក្នុងការបើកបរធ្វើដំណើរ ដើម្បីឱ្យការធ្វើដំណើរឱ្យទៅដល់គោលដៅ និងត្រលប់មកផ្ទះវិញប្រកបដោយសុវត្ថិភាព។

ទី៣៖ ត្រូវប្រកាន់ខ្ជាន់នូវការថែរក្សាអនាម័យជាប់ជានិច្ច ដើម្បីបង្ការការពារការឆ្លងជំងឺឆ្លងផ្សេងៗ ពិសេសគឺជំងឺកូវីដ១៩ (អូមីក្រុង)​៕

The post ក្រសួងទេសចរណ៍ បង្ហាញគោលដៅទេសចរណ៍សំខាន់ៗងាយស្រួលសម្រេចចិត្តដើរកម្សាន្ត​ថ្ងៃចូលឆ្នាំ appeared first on .

សម្តេច ហ៊ុន សែន បានលើកឡើងថា«យើងមិនសម្លាប់មេមាន់គ្រាន់តែដើម្បីឆ្ញាញ់មួយពេលនោះទេ យើងត្រូវចិញ្ចឹមមេមាន់ឱ្យបានល្អដើម្បីទទួលពងរបស់វាឱ្យបានច្រើន។ ហេតុនេះ សម្តេចបានប្រកាសថារដ្ឋាភិបាលកម្ពុជានឹងមិនអនុញ្ញាតឱ្យមានការសាងសង់អាគារខ្ពស់ៗក្នុងខេត្តសៀមរាបនោះឡើង គឺដើម្បីកុំអោយអង្គរវត្តកម្ពុជាបាត់បង់ឋានៈជាបេតិភណ្ឌពិភពលោក ហើយកម្ពុជានឹងបន្តគោរពគោលការណ៍ ការណែនាំរបស់អង្គការយូនីស្គូជានិច្ច។

ជាមួយគ្នានេះ សម្តេចក៏បានប្រាប់ទៅកាន់អង្គការយូនីស្គូ និងដៃគូអភិរក្សតំបន់បេតិភណ្ឌកម្ពុជា សូមកុំឱ្យមានការបារម្ភចំពោះបញ្ហានេះ ដោយថារដ្ឋាភិបាលមិនអនុញ្ញាតឱ្យមានរឿងសាងសង់អគារខ្ពស់ៗណាមួយកើតឡើងនោះទេ។

គួរបញ្ជាក់ថា ឆ្លៀតក្នុងឪកាសនោះដែរ សម្តេច ហ៊ុន សែន ក៏បានស្នើរសុំឱ្យអង្គការអន្តរជាតិក៏ដូចជាប្រទេសដៃគូរដែលធ្វើជាសហប្រធាន ICC គឺមានជប៉ុន និងបារាំងដែលត្រៀមចុះហត្ថលេខាធ្វើការសម្រាប់រយៈពេល១០ឆ្នាំបន្តទៀតកុំមានការស្ទាក់ស្ទើរអី ដែលនេះជាការបញ្ជាក់ពីនាយករដ្ឋមន្ត្រីនៃព្រះរាជាណាចក្រកម្ពុជា។
មិនតែប៉ុណ្ណោះ សម្តេច ក៏បានឲ្យដឹងថា រដ្ឋាភិបាលក៏កំពុងរៀបចំសំណុំឯកសារទាំងឡាយដាក់តំបន់ផ្សេងទៀតនៅខេត្តសៀមរាប ដើម្បីចូលជាបញ្ជីបេតិកភណ្ឌពិភពលោកនាពេលខាងមុខថែមទៀត៕

អត្ថបទ៖ រង្សី

The post សម្តេច ហ៊ុន សែន ប្រកាសមិនឱ្យមានការសាងសង់អាគារខ្ពស់ៗ ក្នុងខេត្តសៀមរាប appeared first on .

ការលើកឡើងរបស់ សម្តេចនាពេលនេះ ត្រូវបានធ្វើឡើងក្នុងឱកាសសម្តេចអញ្ជើញសម្ពោធដាក់ឱ្យប្រើប្រាស់ជាផ្លូវការនូវផ្លូវចំនួន៣៨ខ្សែ ព្រមទាំងហេដ្ឋារចនាសម្ព័ន្ធរូបវន្តមួយចំនួនទៀតក្នុងក្រុងសៀមរាប កាល ថ្ងៃទី០៤ ខែមេសា ឆ្នាំ២០២២។

នាពេលនោះ សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាថ្លែងថា«កន្លងមកមានមតិលើកឡើងថា« ហេតុអ្វីបានជារដ្ឋាភិបាលមិនព្រមចាក់បេតុនៅតាមបណ្តោយមាត់ច្រាំងស្ទឹងសៀមរាប ចឹងខ្ញុំប្រាប់មូលហេតុមិនព្រមចាក់បេតុងនៅតាមបណ្តោយមាត់ស្ទឹងសៀមរាបដោយសារតែនៅទីនេះជាតំបន់អភិរក្សដែលត្រូវតែគោរពនូវផ្នែកវប្បធម៍អរិយធម៍ ខណៈអ្នកបច្ចេកទេសផ្នែកអភិរក្សវប្បធម៏ មិនអនុញ្ញាត្តិអោយចាក់នោះទេ ព្រោះដើម្បីលើកកម្ពស់បេតិកភណ្ឌជាតិ»។

គួរបញ្ជាក់ដែរថា ហេដ្ឋារចនាសម្ព័ន្ធផ្លូវថ្នល់ ៣៨ខ្សែ ប្រព័ន្ធលូ ភ្លើងបំភ្លឺសាធារណៈ និងការកែលម្អស្ទឹងសៀមរាប ក្នុងក្រុងសៀមរាប ត្រូវបានបើកសម្ពោធជាផ្លូវការក្រោមវត្តមានសម្តេច ហ៊ុន សែន កាល ថ្ងៃទី០៤ ខែមេសា ឆ្នាំ២០២២។

ក្នុងនោះដែរ គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែ ក្នុងក្រុងសៀមរាប មានប្រវែងសរុប ១០៨ គីឡូម៉ែត្រ ប្រើប្រាស់ថវិកាជាតិសរុបប្រមាណ ១៥០ លានដុល្លារអាមេរិក។

លើសពីនេះ រដ្ឋក៏បន្ថែមទឹកប្រាក់ ៩លានដុល្លារអាមេរិក ដើម្បីរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ ខណៈ ៥ លានដុល្លារទៀត សម្រាប់កែលម្អ ដងស្ទឹងសៀមរាប ដែលមានប្រវែងជាង ៩ គីឡូម៉ែត្រ។
ការដ្ឋានសាងសង់ហេដ្ឋារចនាសម្ព័ន្ធទាំងនេះ បានបើកការដ្ឋានកាលពីថ្ងៃទី៣០ ខែវិច្ឆិកា ឆ្នាំ២០២០ ក្រោមវត្តមានសម្ដេច ហ៊ុន សែន៕អត្ថបទ៖ រង្សី

The post សម្តេច ហ៊ុន សែន ប្រាប់មូលហេតុមិនព្រមចាក់បេតុងនៅតាមបណ្តោយមាត់ច្រាំងស្ទឹងសៀមរាប appeared first on .